1-2. Ga “dilo tsa gabutši” tso di makang ke bagolo, go kena le ying?

 MO NKARE ke botalanyana o bereka o le lelata la ka phutegong, di ka makega gore o ka fo ba o šele o le thina le gore o tshwanelege go ba mogolo. Mara nje ne o sa nabele go maka “dilo tsa gabutši” tsa gore di maka ke bagolo?—1 Thim. 3:1.

² Anthe mogolo o bereka go maka ying? O yeta mahlong ga mmereko wa go tšhomayela, o karakara ka matla gore a thogo disa le go tšhutisa, fote o tiyisa phutego ka mantsu yage le ka mošupetso wage. Re napa re di kwisisa gore ke ntaba mo Bhayibele yi bolabola ka bagolo yi re ke “banna ba gore ba kgona go maka dilo.”—Maef. 4:8.

3. Wweru a ka maka ying gore a tshwanelege go ba mogolo? (1 Thimothi 3:1-7; Tito 1:5-9)

³ Ye wweru, o ka maka ying mara gore o tshwanelege go ba mogolo? Phela a ba fo re motho o tshwanelega go ba mogolo ka go fo re ke segele sa mmereko wo mongwana. Ga go tlala gore o thogo kraya mmereko, di nyaka o be segele sa go maka mmereko wo ye a hirang a nyakang go go neya wona. Mara a di tshwane le mo o nyaka go ba mogolo. Gore o thogo ba mogolo, a gwa yenela gore o fo ba segele sa go tšhomayela kela sa go tšhutisa. Di nyaka o ro boya o ba le mekgwa ya gabutši yo 1 Thimothi 3:1-7 le Tito 1:5-9 yi hlayang gore bagolo ba tshwanele ba be nayo. (Bala.) Hlogotaba yowa yi nyoko bolabola ka dilo tse dingwana tso ba bolabodiyeng ka tsona ga ditemanyana tsowa. Re nyoko petapeta ka gore mogageru a ka maka byang gore a tšibege gabutši, a ka maka byang gore go be hlogo ya gabutši ka ho mutšing le gore a ka gelepa king gore a jabolele go berekela phutego.

 O TŠIBEGE GABUTŠI

4. Ba ra gore king mo ba re o “sa be le selabi”?

⁴ Gore o thogo tshwanelega go ba mogolo, di nyaka o “sa be le selabi,” tsotsone di ra gore o tšibege ka tsa gabutši ka phutegong fote go sa be le ye a reng o sinnye ka matla. Go tokegela gana hone, di nyaka ‘batho ba ka tawong ba go bolabole gabutši.’ Bo ba go sa dumele ba ka fo phigisa tso o di dumelang tsa Sekreste, mara a baa tshwanela go kamaka gore wene wa tshepega le gore o titshwere gabutši. (Dan. 6:4, 5) Tiputsise gore, ‘Ayitsano ka ho phutegong le ka tawong ke tšibega ka tsa gabutši?’

5. O ka šupetsa ka mokgo mang gore o “kwana le tsa go loka”?

⁵ Mo nkare o “kwana le tsa go loka,” o nyoko lebelela dilo tsa gabutši ga ba bangwana fote o nyoko ba thanaka ka taba la mekgwa ya bona ya gabutši. Fote o jabolela go makela ba bangwana tsa gabutši, le mong go maka tsa go feta tso ne ba sa di nagana. (1 Mathes. 2:8.) Ke ntaba di nyakega ka matla gore bagolo ba be le mokgwa wowa? Ka taba la gore ba berekisa nako ya bona ya go tlala gore ba thogo disa phutego le go maka mebereko ya bona. (1 Pet. 5:1-3) Mara le mo nkare wone ke mmereko wo mogolo, di ba jabodisa ka matla go berekela magageru ka mokgwa wowa.—Meber. 20:35.

6. O ka šupetsa ka mokgo mang gore o kwana le go “yamogela divakaši”? (Maheberu 13:2, 16; lebelela le sethombhe.)

⁶ O ba o šupetsa gore o kgona “go yamogela divakaši” mo o makela ba bangwana dilo tsa gabutši, go tokegela le bo ba gore a yi banghana bago ba bagolo. (1 Pet. 4:9) Go gongwana mo ba hlatolla motho wa gore o yamogela divakaši ba re: “Sekwalo sa ntlo yage—le sa pelo yage—di tshwanele di dule di bulegiye ga batho ba gore a baa tšibi.” Tiputsise gore, ‘Ke tšibega ka ying mo di tla ga taba ya go yamogela divakaši?’ (Bala Maheberu 13:2, 16.) Monna wa gore o yamogela divakaši o di pomela tso a nang natso, a boya a ngathela le mong bo ba gore a ba na tsa go tlala go tokegela le malata ya go bereka ka matla, ya go tshwana le bapotulugi le bo ba gore ba vakašele phutego go tl’le beya polabolo.—Gen. 18:2-8; Diy. 3:27; Luk. 14:13, 14; Meber. 16:15; Marom. 12:13.

7. Mogolo o šupetsa ka mokgo mang gore aa “kwane le tšheleta”?

⁷ “A sa kwane le tšheleta.” Tsotsone di rela gore, a o tseyele dilo tsa majabajaba gedimo. A di na taba gore o ghannye kela wa tihlupegela,  mara di nyaka o yetise tsa Mmušo wa Modimo mahlong mo o kene o phela. (Mat. 6:33) O berekisa nako yago, matšhika le tso o nang natso gore o berekele Jehova, o pasope ba mutši wago o boye o berekele le phutego. (Mat. 6:24; 1 Joh. 2:15-17) Tiputsise gore: ‘Tšheleta ke yi tseya byang? Ayitsano ke kgotsofele ka dilo tso ke nang natso tsa gore ke ya di hloka? Kela ayitsano so ke se yetisang mahlong ke go maka tšheleta ke boye ke hlekeletse dilo tsa majabajaba tsa go tlala?’—1 Thim. 6:6, 17-19.

8. O ka šupetsa ka mekgwa yifeng gore o “kgona go titshwara”?

⁸ Mo nkare “o kgona go titshwara,” o kgona go kala ga dilo ka mokana ga tsona tsa lephelo lago. Tsotsone di rela gore o kganela kgole le taba ya go ja nkare wa feta, go nwa nkare o ro laya, go yapara le go tilukisa ka mokgwa wa gore a yi wona fote le tso o tijabodisang ka tsona a yi tsa go tlatema. A yi wene lebhantiti la dilo tsa lefase lowa tsa go kena di tšwa. (Luk. 21:34; Jak. 4:4) O ya mahlong o kgibiye le mo batho ba ka go tšukatšukisa ba nyaka gore o kwate. A yi wene motho wa go “kwana le go tlayila”; kela o tšibega ka taba ya go nwa nkare o lethanka. Tiputsise gore, ‘Ayitsano ka mokgo ke phelang ka gona di šupetsa gore ke kgona go titshwara?’

9. Go kena le ying ga taba ya go ‘nagana dilo tsa go ya ka tsela’ le go ‘maka dilo ka letheto’?

⁹ Mo nkare o ‘nagana tsa go ya ka tsela,’ o thomisa ka go lebelela gore Bhayibele yi re king ga seyemo se sengwana le se sengwana so o ko bang o le ga sona. O ghayele ka ditšhiko tsowa fote tsotsone di maka gore o thogo kwisisa gabutši le gore o tšibe tso o tshwaneleng go di maka. A o fo yakgoswela go segelela dipheto o soko tšiba tsa go tlala. Mara, o thomisa o lebelela gore o tšiba ditaba ka moka. (Diy. 18:13) Ke mokane, o kgona go maka dipheto tsa gabutši tsa go šupetsa ka mokgo Jehova a naganang. Mo nkare o kgona go ‘maka dilo ka letheto,’ tsotsone di ra gore a wa hlakahlakana fote o maka dilo ka nako. O tšibega ka go tshepega le go latelela tso ba re yetetsang ka tsona. Mekgwa yowa ke yona yo yi thegang taba ya gore o tšibega gabutši. Gana byalo tla re bolaboleneng ka tso Mangwalo ma hlayang gore mogolo o tshwanele a di make gore a thogo beyela ba mutši wage mošupetso wa gabutši.

O BE MOŠUPETSO WA GABUTŠI GA MUTŠI WAGO

10. Monna o pasopa “ba mutši wage gabutši” ka mokgo mang?

¹⁰ Mo nkare o monna wa gore o šadhiye fote o nyaka go tshwanelega gore o be mogolo, tso mutši wago wo tšibegang ka tsona ke tsona tso di ko yamang taba ya gore wa tshwanelega kela dho. Nka taba lo o tshwaneleng o “pasope ba mutši [wago] gabutši.” Di nyaka o tšibege o le motho wa go nyakanana fote o tseyela taba ya gore o hlogo ya mutši gedimo. Tsone di ra gore o yetetsa ba mutši wago ga dilo ka moka mo di tla ga morapelo wa rune. Ke ntaba tsotsone go le selo se segolo? Pawulo wa lepostola o yi yedisiye ka gore: “Mo monna a sa kgone go pasopa ba mutši wage, o nyoko yi pasopa byang phutego ya Modimo?”—1 Thim. 3:5.

11-12. Mokgwa wo ba mutši wa monna wo titshwarang ka wona, wo ka yama taba yage ya go ba mogolo ka mokgo mang? (Lebelela le sethombhe.)

¹¹ Mo nkare ke wene papa, di nyaka o make gore ‘bana bago ba banyana ba hlompe fote ba sa tseyele dilo fase.’ Di nyaka o ba tšhutise o boye o ba gelepe ka tsela ya go šupetsa gore wa ba nyaka. Ke nnete gore go tshwana le bana ba bangwana, le bona ba nyoko jabola, ba tshega ba boya ba kgana. Mara ka taba la gore o kgonne go ba tšhutisa gabutši, ba nyoko theetsela, ba hlompa ba boya ba titshwara gabutši. Fote di nyaka o make so o ka se kgonang gore o gelepe bana bago gore ba be le senghana sa gabutši le Jehova, le gore ba phele ka ditšhiko tsa Bhayibele ba boye ba feleletse ba nyake go kolobetsiwa.

¹² ‘Go be monna wa gore o na le bana ba gore baa dumela, ba gore a ba make tsa go tšwa pateng  kela baa theetsela.’ Mo ngwana wa gore wa dumela a ka sinya ka matla, tsotsone di nyoko yama papage byang? Mo nkare papa yene ke mo a sa tšhutisi ngwanene gabutši a boya a mo wolola, tsotsone di ka maka gore a sa sa tshwanelega go ba mogolo.—Lebelela Sewokamelo sa October 15, 1996, leph. 21, dir. 6-7 [SE].

BEREKELA PHUTEGO

13. O ka šupetsa ka mokgo mang gore wa ‘bolabodisega,’ fote a o na “tšhinghi”?

¹³ Magageru ya gore ma na le mekgwa ya gabutši ya Sekreste, go ro ba mong makolwane ka phutegong. Monna wa gore wa ‘bolabodisega’ o kwana le go beba. Mo nkare o nyaka go tšibega o le motho wa gore wa bolabodisega, di nyaka o theetsele ba bangwana o boye o kwe gore ba tseya dilo ka mokgo mang. Mo le le mmithining, ayitsano o ka tikemisela go thega sepheto sa gore ba go tlala baa se thega mo nkare a se tšhayisane le molawo wa Bhayibele kela tšhiko? Mo ba bolabola ka gore o “sa be le tšhinghi” tsone di rela gore a o fo gapeletsa gore go makiwe dilo ka mokgwa wago. O yi tseyela gedimo taba ya gore o na le batho ba go tlala ba go go yeletsa. (Gen. 13:8, 9; Diy. 15:22) A yi wene motho wa gore o ‘kwana le go lwa’ kela wa go ba “le sepelwapelwane.” Fote a wa tshwanela go kgwasolanya kela go phigisa, mara di nyaka o thewose moya fote o gate gabutši. Ka gore o monna wa go kwana le go beba, di nyaka go thomise wene o lukise ditaba, le ga seyemo sa gore se ya fisa. (Jak. 3:17, 18) Mantsu yago ya go natefela ma ka maka gore batho ba bangwana ba kgibe, re ra le mong bo ba go re phigisa.—Bay. 8:1-3; Diy. 20:3; 25:15; Mat. 5:23, 24.

14. Ba ra gore king mo ba re “go sa be . . . wa gore o sa tšwa go dumela” le wa go “tshepega”?

¹⁴ Mogageru wa gore wa tshwanelega go ba mogolo, “go sa be monna wa gore o sa tšwa go dumela.” Le mo nkare a di nyake gore go šinye go fele mengwaga ya go tlala o kolobetsiwwe, mara di nyaka go fete nako ya gore o thogo ba Mokreste wa gore o butšwiye. Mo ba soko bane ba go kgeta gore o be mogolo, di nyaka o tshwane le Jeso, o šupetse gore o tinyanafatsiye fote o tikemisele go yemela Jehova gore a go neye mmereko wo mongwana le wo mongwana. (Mat. 20:23;  Mafil. 2:5-8) O ka šupetsa gore wa “tshepega” ka go ya mahlong o mamarele Jehova le melawo yage ya go loka wa boya wa latelela tso a re yetetsang ka tsona a berekisa mokgahlo wage.—1 Thim. 4:15.

15. Ayitsano di nyaka gore mogolo ye mongwana le ye mongwana teye a tshwarelele ga tso tsa go tšhutisa mahlong ga batho? Hlatolla.

¹⁵ Mangwalo maa hlaya gore bo ba go wokamela di nyaka ba ‘tshwanelege gore ba ka tšhutisa.’ Ayitsano tsotsone di ra gore mo o beya dipolabolo di nyaka o teye o tshwarelele? Awwa. Bagolo ba go tlala ba gore baa tshwanelega, ke digele ga taba ya go tšhutisa tšhomong le mo ba disa, mara tsotsone a di rele gore tsa go tšhutisa mahlong ga batho ke dilo tsa bona. (Tshwanisa 1 Makorente 12:28, 29 le Maefeso 4:11.) Le mo go le ka mokgonone, di nyaka o ye mahlong o lokotša matšhutiselo yago. Mara o ka di maka byang tsotsone?

16. O ka maka byang gore o be thitšere ya gabutši? (Lebelela le sethombhe.)

¹⁶ “A ngangarele lentsu la go tshepega.” Gore o thogo ba thitšere ya gabutši ka matla, dilo tso o di tšhutisang mahlong ga batho le tso o yeletsang ba bangwana ka tsona, di tshwanele di tšwe ka Lentsung la Modimo. Kwana le go tšhuta Bhayibele le dikgatiso tsa rune. (Diy. 15:28; 16:23) Mo o kene o tšhuta, lebelela ka mokgo dikgatiso tsa rune di hlatollang ditemanyana tsa Bhayibele gore o thogo berekisa Mangwalo ka mokgwa wa gabutši. Fote mo o tšhutisa, liketsa ka matla gore o thogo segelela dipelo tsa bo ba go theetseleng. O ka ba thitšere ya gabutši mo o ka fo kgopela bagolo ba gore ke botala ba yi tshwere gore ke dilo difeng tso o ka di makang wa boya wa di berekisa. (1 Thim. 5:17) Bagolo di nyaka ba “kgone. . . go tiyisa” magagabo; mara ka dinako tse dingwana bagolo di nyaka ba ma wolole kela le mong go ma “kgala”. Ga seyemo se sengwana le se sengwana, di nyaka bagolo ba dule ba tematema. Mo nkare o bolabola le motho o kgibiye le ka mokgwa wa go šupetsa go nyakanana o boya o maka gore tso o di tšhutisang di be di tšwa ka Lentsung la Modimo, o ko thogo ba thitšere ya gabutši ka taba la gore o ko ba o yekisela Thitšere ye Kgolo, Jeso.—Mat. 11:28-30; 2 Thim. 2:24.

 ARIYE MAHLONG O KARAKARA GORE O BE MOGOLO

17. (a) King so se ka gelepang malata ka phutegong gore ma ye mahlong ma karakara? (b) Bagolo di nyaka ba gopole ying mo ba nagana go bolabolela magageru ya mangwana gore go be bagolo? (Lebelela lebhokisi la gore “ Le Kaleneng Gabutši mo le Pombhola ba Bangwana.”)

¹⁷ Ka nthago ga gore malata ya mangwana ka phutegong ma lebelele tso ma tshwaneleng go di maka gore ma be bagolo, ma ka bona nkare ma ka sa tsoge ma tshwanelegiye. Mara o sa lebale gore Jehova le mokgahlo wage a baa yemela gore o nape o ro teya o tshwarelele ga mekgwa yowa. (1 Pet. 2:21) Fote ke moya wa Jehova wa go ba le matšhika wa gore wo go gelepa gore o feleletse o tshwanelega. (Mafil. 2:13) Ayitsano go na le mokgwa wo mongwana wa gore o bona nkare di nyaka o berekele ga wona? Rapela Jehova o mmotse ka wona. Nyakolla ka taba yone, o boye o butsise mogolo ye mongwana gore king tso o ka di makang gore o thogo ba le mokgwa wone.

18. Malata ka mokana ga wona ya ka phutegong ba ma hlohletsela gore ma make ying?

¹⁸ Nkare ka mokana ga rune, go tokegela le bo ba gore go šele go le bagolo, re ka ya mahlong re karakara ka matla gore re be le mekgwa ya gabutši yo re bolabodiyeng ka yona ga hlogotaba yowa. (Mafil. 3:16) Ayitsano o lelata la ka phutegong? Karakara! Kgopela Jehova gore a go tšhutise gore o nape o be mong thulusi yo a ka yi berekisang le ya gore yi berekela phutegong. (Jes. 64:8) Barena, nkare Jehova a ka go rufa la go sa hlayisegi mo o kene o karakara gore o tshwanelege go ba mogolo.