1. Pawulo wa lepostola ne a tikwa byang ka malata ya ka phutegong?

 MALATA ya ka phutegong ma maka mmereko wo mogolo ka diphutegong. Pawulo wa lepostola ne a ma tseyela gedimo magageru yawa ya go tshepega. Mo re beyisa, nakwela a ngwalela Makreste ya ku Filipi, o yye a tamisa malata ya ka phutegong le bagolo.—Mafil. 1:1.

2. Mogageru ye ba reng ke Luis o tikwa byang ka mmereko wage wa go ba lelata la ka phutegong?

² Magageru ya go tlala ya gore ma kolobetsiwwe—ya gore ma sa gola kela ya gore ma gudiye—maa jabola ka taba la gore ma gelepa phutego go le malata. Mo re beyisa, Devan ke mo a na le 18 ya mengwaga mo a ba lelata la ka phutegong. Ka nthoko ye nngwana, mogageru ye mongwana ye ba reng ke Luis ba yye ba mo kgeta gore go be lelata la ka phutegong mo a šele a na le gana hala ga bo 50 ya mengwaga. O hlayye ka mokgo ba go tlala ba felang ba tikwa ka gona mo a re, “Di njabodisa ka matla go bereka ke le lelata la ka phutegong, ka matlamatla mo ke nagana ka mokgo phutego yi nšupetsiyeng gore yi nnyaka ka matla!”

3. Re nyoko bolabola ka diputsiso difeng?

³ Mo nkare o mogageru wa gore o kolobetsiwwe wa gore aa soko ba lelata la ka phutegong, ayitsano a o nabele go yi segelela taba yowa mara? O ka hlohletsela king gore o make ka mokgonone? Bhayibele yi re ke dilo di feng tso di nyakegang gore o tshwanelege go ba lelata la ka phutegong? Ga hlogotaba yowa, re nyoko lebelela diphetolo tsa diputsiso tsowa. Mara tla re thomiseneng ka  go bolabola ka mmereko wo wo makang ke malata.

MMEREKO WA LELATA LA KA PHUTEGONG KE GO MAKA YING?

4. Malata ya ka phutegong ma maka mmereko wofeng? (Lebelela le sethombhe.)

⁴ Lelata la ka phutegong ke mogageru wa gore o kolobetsiwwe wa gore ba mo kgetiye ba berekisa moya wa go hlawolega gore a gelepe bagolo ka go maka mebereko ye megolo ka phutegong. Malata ya mangwana ya ka phutegong ma gelepa ka go maka gore batšhomayedi ba be le tšhomo yo ba yi berekang le dikgatiso tso ba di berekisang tšhomong. Ya mangwana ma gelepa ka go yedisa le go lukisa Holo ya Mmušo. Malata ya ka phutegong ma bereka go le ba go dula ba yemele go gelepa ba bangwana ka tso ba di hlokang fote ma bereka ga tsa go kgana dividiyo le dikoša mo megahlano ya phutego yi kene yi ya mahlong. Mmereko wo wo makang ke malata, wa go tlala wa wona wo nyaka gore ba yemayeme. Mara, sa go di phala ka moka ke gore malata ya ka phutegong ke banna ba gore ga Jehova ba mo nyaka ka matla ba gore fote ba phela ka mokgwa wa gore wa mo jabodisa. Fote ba kwana ka matla le magageru. (Mat. 22:37-39) Wweru wa gore o kolobetsiwwe a ka maka ying mara gore go be lelata la ka phutegong?

5. Wweru a ka maka ying gore a tshwanelege gore go be lelata la ka phutegong?

⁵ Bhayibele yi re botsa ka tso di nyakegang gore mogageru a tshwanelege gore go be lelata la ka phutegong. (1 Thim. 3:8-10, 12, 13) Mo nkare o nyaka go gelepa ba bangwana ka go ba lelata la ka phutegong, tšhuta tsa go tlala ka mekgwa yowa ya gabutši ke mokane o karakare gore o be nayo. Mara di nyaka o thomisa o tiputsisa gore ke ntaba o nyaka go ba lelata la ka phutegong.

KE NTABA O NYAKA GO BA LELATA LA KA PHUTEGONG?

6. O tshwanele o tšhofe king gore o nyake go berekela magageru? (Matewu 20:28; lebelela le sa ka tawong.)

⁶ Nagana ka mošupetso wa rune wa gabutši ka matla, Jeso. Dilo ka mokana ga tsona tso a di makiyeng, o di makiye ka taba la gore ga Papage ne a mo nyaka ka matla fote a nyaka le batho. Go nyakanana ga mošaga wonone go yye gwa mo tšhofa gore a bereke ka matla fote a make dilo tsa gore ba bangwana ba di tseya di maka ke batho ba go sa re selo. (Bala Matewu 20:28; Joh. 13:5, 14, 15) Ye wweru, mo nkare le wene o tšhofa ke taba ya gore wa nyakanana, Jehova o nyoko go rufa fote o nyoko go gelepa gore o thogo segelela taba ya go ba lelata la ka phutegong.—1 Makor. 16:14; 1 Pet. 5:5.

7. Ke ntaba di se gabutši gore mogageru a nyake go ba lelata la ka phutegong gore batho ba thogo mo thanaka?

 ⁷ Batho mo lefaseng ga go tlala ba tseyela gedimo motho wa gore o titseya nkare yene ke yene. Hayi ka howa mokgahlong wa Jehova. Mogageru wa gore o nyaka ba bangwana ka matla go tshwana le Jeso, aa nyake go lawola ba bangwana kela gore ba bangwana ba mo tseyele gedimo. Mo ba ka hlawola motho wa mošaga wonone ka phutegong, di ka makega gore a gane go maka mebereko ye mengwana ya gore ba bangwana ba wo tseyela fase kela go maka tse dingwana gore a thogo pasopa dinku tsa Jehova tsa gore o di tseyela gedimo. A ka fo tseya gore mmereko wone a wa mo tshwanela. (Joh. 10:12) Jehova a ka sa rufe tso di makang ke motho wa gore o maka dilo ka taba la gore o na le magetla kela o nyaka ba mo tseyela gedimo.—1 Makor. 10:24, 33; 13:4, 5.

8. Jeso o yye a yeletsa mapostola yage ka gore king?

⁸ Phela le mong banghana ba Jeso, ka dinako tse dingwana ne ba nyaka go kraya mebereko ye mengwana mara tso ne ba di nabela ne go se tsona. Lebelela tso di makiyeng ke Jakobo wa lepostola le Johane. Ba kgopele Jeso gore a ba neye mayemo ya gedimo Mmušong wage. Jeso a sanka a ba botsa gore ba makiye gabutši mo ba kgopela dilo tsone. Mara o hlatollele 12 ya mapostola yage gore: “Ye a nyakang go ba ye mogolo mo ga lune di nyaka a berekele ba bangwana, le ye a nyakang go ba wa mathomo mo gare ga lune a thomise ka go ba lelata.” (Mar. 10:35-37, 43, 44) Magageru ya gore ma tšhofa ke dilo tsa gabutši, go leng go nabela go berekela ba bangwana, ma nyoko gelepa phutego ka mekgwa ya go tlala.—1 Mathes. 2:8.

KING SO SE KA GO GELEPANG GORE O NYAKE GO BEREKELA MAGAGERU?

9. O ka maka byang gore taba yowa ya go nyaka go ba lelata la ka phutegong yi sa go khwanyogele?

⁹ A re kamake gore ga Jehova o mo nyaka ka matla fote o nyaka go berekela ba bangwana. Mara o ka fo ba o sa nabele go maka mmereko wa gore o maka ke malata ya ka phutegong. Mara o ka gelepa king gore o kwe o nabela go berekela ba bangwana? Ke ntaba o sa nagane ka majabolelo yaa ma ko leyang ke taba ya go berekela magageru? Jeso o yitseri: “Mo le neya batho ba bangwana dilo di jabodisa ka matla go phala mo ba neya lune.” (Meber. 20:35) Fote Jeso aa f’lo bolabola ka molomo fela, mara o yye a di maka. O yye a jabola stereka ka taba la go berekela ba bangwana, le wene o nyoko jabola.

10. Jeso o šupetsiye ka mokgo mang gore o jabodisa ke go berekela ba bangwana? (Mareka 6:31-34)

¹⁰ Tseya ka mošupetso wa ka mokgo Jeso ne a jabodiye mo a berekela ba bangwana. (Bala Mareka 6:31-34.) Tšatšenngwana, Jeso le malata yage ke mo ba tinnwe. Ke mo ba ya ga poleke ya gore yi wutamme gore ba thogo khutsa. Mara mogoba wo yye wa ba yeta mahlong, wo tshepa gore Jeso o nyoko wo tšhutisa. Nke a ganne. Phela yene le banghana bage ne ‘ba sa kraya le nako ya go ja.’ Kela Jeso nke a ba rakiye ka nthago ga gore a ba tšhutise dilo tsa go sa tlala. Mara ka taba la gore ne a nyakanana, o yye “a thomisa go wo tšhutisa dilo tsa go tlala.” Fote o yye mahlong a ba tšhutisa go segela “mo le kgwalala.” (Mar. 6:35) Aa maka tsotsone ka taba la gore ne a gapeletsega, mara o di makiye ka taba la gore ‘ke mo a ba kwela go baba.” Ke mo a nyaka go ba tšhutisa ka taba la gore ne a ba nyaka ka matla. Ke mo a jabodisa ke gore ne a berekela ba bangwana.

11. Jeso o yye a berekela bo ba mo theetseleng ka mokgwa wofeng? (Lebelela le sethombhe.)

¹¹ Nakwela Jeso a makela mogoba dilo tsa gabutši, aa f’lo ba tšhutisa fela. O yye a ba neya le tso ba di gayelang. O yye a maka gore go be le tsa go ja ka mohlolo ke mokane a re malata yage ma ba phakise tsa go ja tsone. (Mar. 6:41) Mo a maka ka mokgonone, ke mo a tšhutisa malata yage gore ma ka berekela ba bangwana ka mokgo mang. O ma šupetsiye le gore mmereko wowa, wa gore wo fela wo maka ke malata, ke mo di nyaka ma wo tseyele gedimo. O fo nagana nje ka mokgo  mapostola ne ma jabodiye ka gona gore ma yye ma bereka le Jeso mo ba neya batho tsa go ja tsowa tsa mohlolo go segela ‘ka mokana ga bona ba ja fote ba kgora’! (Mar. 6:42) Phela ne go se la mathomo Jeso a yetisa tso ne di nyaka ke ba bangwana mahlong ga tsage. O makiye tsotsone lephelo lage ka mokana ga lona nakwela a le ho lefaseng. (Mat. 4:23; 8:16) Ne di mo jabodisa ka matla ga Jeso mo a gelepa ba bangwana a boya a ba gelepa ka tso ba di gayelang. Le wene o nyoko jabola ka matla mo nkare o tikemisele go berekela ba bangwana o le lelata la ka phutegong.

12. Ke ntaba di nyaka re sa nagane gore a go na so re ka gelepang phutego ka sona?

¹² Mo o bona nkare a yi wene segele sa go maka se sengwana, taba yone yi sa nape yi go kgongwetsa. A re kamake gore o na le mekgwa ya gabutši yo o tšibegang ka yona ya gore yi ka berekela phutego. Nagana ka so Pawulo a se ngwadiyeng ga 1 Makorente 12:12-30 ke mokane o kgopele Jehova a go gelepe gore o thogo di bona gore di ka go berekela byang. Mantsu ya Pawulo ma napa ma yi yatlala gabutši taba ya gore wene, go fo tshwana le lelata le lengwana le le lengwana la Jehova, phutego ya le hloka fote ba le tseyela gedimo. Mo nkare gana byalo a o soko ba lelata la ka phutegong ka taba la gore go sa na le tso di nyakang o berekela ga tsona, barena o sa lahle tewu. Mara, maka so o ka se kgonang gore o thogo berekela Jehova le go gelepa magageru. O sa yi kamake taba ya gore bagolo ba nyoko nagana ka wene ke mokane ba go neya mmereko wa gore o nyoko kgona go wo maka.—Marom. 12:4-8.

13. Ke dilo difeng tso di makiyeng gore banna ba tshwanelege gore ba ba berekise ka phutegong?

¹³ Nagana ka taba yowa ša: Phela mekgwa ya go tlala ya gore Bhayibele yi re lelata la ka phutegong le be nayo, ke mekgwa ya gore Makreste ka mokana ga wona ma tshwanele ma be nayo. Gabutšibutši, di nyaka Makreste ka mokana ga wona ma šutele thina le Jehova, ma jabolele go neya ba bangwana dilo fote ma phele ka mokgwa wa gore wo jabodisa Modimo. Byalo, di ka makega gore o šele o na le mekgwa ya go tlalanyana ya gore yi ka maka gore o tshwanelege gore o be lelata la ka phutegong. Mara wweru a ka maka ying gore a thogo ba lelata la ka phutegong?

TSO O KA DI MAKANG GORE O BE LELATA LA KA PHUTEGONG

14. Ba ra go king mo ba re o ‘tseyela dilo gedimo’? (1 Thimothi 3:8-10, 12)

¹⁴ Tla re lebeleleneng tse dingwana tso di nyakegang tsa gore ba bolabodiye ka tsona ga 1 Thimothi 3:8-10, 12. (Bala.) Di nyaka lelata la ka phutegong le “tseyele dilo gedimo.” Mantsu yawa ba ka boya ba ma hlatolla ka gore “le tshwanela  ke go hlompiwa,” “le be le serithi” kela “le titshware ka mokgwa wa go hlompega.” Tsotsone a di rele gore di nyaka o dula o teyye mokgakga o sa sa tshega. (Mmo. 3:1, 4) Mara, di nyaka o tseyele mmereko wago gedimo. Mo nkare o tšibega ka go tshepega, phutego yi nyoko go hlompa.

15. Ba ra go king mo ba re o “sa hlalefetse batho” le go “sa be le dipawo tsa go nyaka go hlalefetsa ba bangwana”?

¹⁵ Mo ba re a o“hlalefetse batho,” ba rela gore o maka dilo di tšwa pelong fote wa tshepega. O maka so o se tshepisiyeng fote a o tshokanye ba bangwana. (Diy. 3:32) Mo ba re o “sa be le dipawo tsa go nyaka go hlalefetsa ba bangwana,” ba ra gore wa tshepega mo o maka tsa bhizinisi le ba bangwana fote o kgona go tshwara tšheleta gabutši. O ka sa hlalefetse magageru ka phutegong gore o thogo maka tšheleta ka wona.

16. (a) Mo ba re “ma sa kwane le mokgete ka matla” ba rela ying? (b) Ba ra go king mo ba re o be le “lekwalo la go yela”?

¹⁶ Mo ba re o “sa kwane le mokgete ka matla,” ba ra gore a o gaputlele mokgete fote ba bangwana a ba go tšibe o le motho wa go kukutlela ka matla. Go ba le “lekwalo la go yela” go rela gore o phela ka melawo ya Jehova. Le mo o sa yenela, o nyoko dula o bebiye ka taba la gore o na le senghana sa gabutši le Modimo.

17. Ba ra go king mo ba re mogageru di nyaka ‘ba mo pombhole gore ayitsano wa tshwanelega’? (1 Thimothi 3:10; lebelela le sethombhe.)

¹⁷ “Ba ba pombhole gore ayitsano baa tshwanelega,” tsowa di rela gore bagolo ba di bonne gore o kgona go wo maka gabutši mmereko wo ba go neyyeng, fote ba ka go tshepa. Byalo, mo bagolo ba go neya mmereko, maka dilo go fo ya ka mokgo ba go yetetsang fote o berekise tso mokgahlo wo re yetetsang ka tsona. Di nyaka o kwisisa gabutši mmereko wo o tshwaneleng o wo make le gore o tshwanele go wo fetsa leng. Mo o maka mmereko wago gabutši le ka matšato, magageru ka phutegong ma nyoko di bona gore o ba monna wa gabutši wa gore o tseyela dilo gedimo. Lune bagolo, di nyaka le di bone tsa gore le ma tšhutisa mmereko magageru ya gore ma kolobetsiwwe. (Bala 1 Thimothi 3:10.) Ayitsano ka phutegong ya lune go na le magageru ya gore ma sa gola kela ya gore ma sa le ya manyana ya gore ma šele ma kolobetsiwwe? Nje ma dula ma tšhuta Bhayibele ma le ntoši fote megahlano yona, maa yi lukiselela gabutši? Ayitsano ma dula ma fetola megahlanong fote ma dula ma ya tšhomong? Mo nkare go ka mokgonone, ma neyeneng mebereko ya gore yi lekanne mengwanga ya wona. Ka mokgonone, magageru yawa ya gore ma sa gola le ko ba le ma ‘pombhola gore ayitsano maa tshwanelega.’ Mo  ma šele ma gudiye, ma ka tshwanelega gore go be malata ya ka phutegong.

18. Ba ra go king mo ba re motho ‘a sa be le so a sodiwang ka sona’?

¹⁸ Mo ba re “a go na so ba sodiwang ka sona,” ba rela gore a go na dilo tse dikgolo tso o di makiyeng tsa gore a yi tsona. Ke nnete gore Makreste ba ka ma hlayela matsaka. Jeso ba yye ba mo hlayela matsaka, fote o porofitiye gore malata yage ma nyoko makegela ke dilo tsa mošaga wonone. (Joh. 15:20) Mara, mo o ka titshwara gabutši go tshwana le Jeso, o nyoko tšibega ka tsa gabutši ka phutegong.—Mat. 11:19.

19. Ba ra go king mo ba re Bhayibele yi re magageru ya gore ma šadhiye ma ‘tshwanele ma be le mosadi ka wwoši’?

¹⁹ “Le tshwanele le be le mosadi ka wwoši.” Mo nkare o šadhiye, di nyaka o tseyele gedimo ka mokgo Jehova ne a nyaka gore mošadho wo be ka gona go tlugisela mathomisong—monna ka wwoši a šadhe le mosadi ka wwoši. (Mat. 19:3-9) Monna wa gore ke Mokreste a sa tsoge a makiye bonghwahla. (Maheb. 13:4) Mara go kena le dilo tsa go tlala ga taba yowa. Di nyaka o tshepege ga mosadi wago, fote o sa tsoge o makiye dilo tsa go šupetsa basadi ba bangwana nkare wa ba nyaka.—Jobo 31:1.

20. Monna o maka byang gore a ‘lawole dibananyana le ba mutši wage gabutši’?

²⁰ “Le lawole dibananyana le ba mutši wa lona gabutši.” Mo nkare ke wene papa ka mutšing, di nyaka o tseyele gedimo mmereko wago wa go ba hlogo ka ho mutšing. Dula o tshwara morapelo wa mutši. Dula o ya tšhomong o na le mosadi wago le bana bago. Gelepa bana bago gore ba nghanelane le Jehova. (Maef. 6:4) Monna wa gore o pasopa ba mutši wage, o šupetsa gore a ka di kgona tsa go pasopa phutego.—Tshwanisa le 1 Thimothi 3:5.

21. Mo nkare a o soko ba lelata la ka phutegong, o ka maka ying?

²¹ Lune bo wweru, mo nkare a le soko bereka le le malata ya ka phutegong, re ro fawa barena gore le bale hlogotaba yowa fote le bolabole le Jehova ka yona. Tšhuta ka dilo tso di nyakegang gore o thogo tshwanelega gore o be lelata la ka phutegong fote o karakare ka matla gore o di segelele. Nagana ka gore ga Jehova o mo nyaka go segela kaye le ka mokgo o nyakang magageru. Kwana ka matla le magageru fote o nagane gore ke ntaba o nyaka go ma berekela. (1 Pet. 4:8, 10) Berekela ga taba ya gore o tshwanelege gore o be lelata la ka phutegong ke mokane o nyoko jabola mo o kene o berekela magageru ka phutegong. Nkare Jehova a ka go rufa la go sa hlayisege mo o kene o karakara ka matla gore o thogo bereka o le lelata la ka phutegong!—Mafil. 2:13.