Paul: Ke mo re jabodiye stereka! Ke mo go le November 1985, fote ke mo re le pateng ya go ya ga mmereko wa rune wa borumiwa wa mathomo ku Liberia, Bodikela bya Afrikha. Elebhreyi ya rune yi yemme Senegal. Anne o yitseri: “Ka nthago ga awara re ko ba re le Liberia!” Ke mokane ra kwa ba hlaya gore: “Di nyaka bo ba gore ba ya Liberia ba phologe. Batho ba bangwana ba liketsiye go lwa le mmušo, nka taba lo re ka sa sa yang Liberia.” Re fetsiye lesome la matšatši re dula le barumiwa ku Senegal, re kwa ka ditaba tsa ku Liberia ga gore ne go na le dilori tsa gore di tlele ka ditopo ga gore fote mmušo ne wo sa dumelele batho gore ba tšwe ka mitšing ya bona ka taba la gore mo ba ka tšwa ba nyoko ba thunya.

Anne: Ke rune batho ba gore re dula re ntshiye maahlo dikwakweng. Gabutšibutši, go tlugisela ke sa le ye monyana ke mo ba re ke nna Annie wa go dula a ntshiye maahlo dikwakweng. Ke tšhaba le mong go tshela pata! Mara ke mo re tikemisele go ya Liberia le mo nkare ne go le kotsi.

Paul: Nna le Anne re golele polekeng ka yyoši ka bodikela bya England. Ka mokana ga rune re thomisiye go ba mašupatsela mo re fetsa sekolo, ke mo re hlohletsela ke babelegi baka le mmane wa Anne. Ke mo ba jabodiye ka matla ka taba la gore ne re nyaka go berekela Modimo nako ka moka. Mo ke na le 19 ya mengwaga, ba yye ba mmema gore ke tle Bhethele, ke mokane Anne a tla ka nthago ga gore re šadhe ka 1982.

Anne: Ke mo re kwana ka matla le Bhethele, mara ke mo re nyaka go ye dula le go tšhomayela ga naga ya gore yi gayela batšhomayedi. Hala Bhethele re berekiye le magageru ya gore ne go le barumiwa, tso ne ma di maka tsa gabutši le tso ba gahlanneng natso di makiye gore re nabele gore re be barumiwa. Go fediye kararo ya mengwaga re rapela ka taba yowa bošego byo bongwana le byo bongwana, byalo re hlakele ka matla mo ba re mema gore re ye tlelaseng ya bo 79 ya Ghiliyade ka 1985! Ba re yisiye Liberia, Bodikela bya Afrikha.

Paul: Re kalamme elebhreyi ya mathomo ya gore ne ba yi dumelele gore yi ka boyela Liberia. Batho ke mo ba tšhugiye ka matla fote ke mo ba soko bane ba ba dumelela gore ba tšwe dintlong tsa bona. Batho ne ba tšhugiye ka matla tsa gore le mo koloyi yi ka thunya hala ekzozong, ke mo ba yahlamela ba tšhugiye ke mokane ba ja fase. Gore re dule re bebiye, ke mo re bala dikopa tsa Dipisalema re le ggoši bošego byo bongwana le byo bongwana. Mara mmereko wo ne ba re neyye  wona ke mo re kwana nawo ka matla. Anne ke mo a tšhomayela letšatši le lengwana le le lengwana, nna ne ke le Bhethele, ke bereka le John Charuk. a Ke tšhutiye tsa go tlala gage ka taba la gore o duli Liberia nako ya go lefa fote ne a tšiba tso magageru ya gana ku ne ma ghulana natso.

Anne: King so se makiyeng gore re yakgoswe re kwana ka matla le mmereko wo ne re wo maka hala Liberia? Nka taba la magageru. Ba re šupetsiye gore ba re nyaka ka matla fote ke mo ba tshepega. Re yye ra nghanelana nabo ke mokane ba ba mutši wa rune wa nyuwane. Ke mo ba re yeletsa ba boya ba re tiyisa. Tsa go tšhomayela tsona a ke sa hlaya. Batho ke mo ba sa jabole mo re yakgoswa re layela! Batho ne ba bolabola ka Bhayibele go gongwana le go gongwana. Ne di le lula gore o bolabole nabo ka tso ne ba di bolabola. Ke mo re tšhuta Bhayibele le batho ba go tlala tsa gore ne re sa sa na nako ya go tšhuta nabo ka moka. Ne go natefa ka matla!

Paul: Ka 1989 ka nthago ga gore go fele kanne ya mengwaga go bebiye, dilo di yye dya phendhuga—go yye gwa ba le ntwa. Bo ne ba lwa le mmušo ba yye ba tseya ka tšhinghi poleke ya gore ne yi le thina le Bhethele ka di 2 tsa July, 1990. Go fediye kararo ya dikgwedi re sa bolabole le batho ba dinageng tse dingwana, gana hone go kena le mašaga ya rune le ba ntlokgolo. Ke mo go tlele bokgohlane, go gayela tsa go ja fote basadi ba go tlala ne ba ba reyipa. Go fediye 14 ya mengwaga dilo tsowa di makega ga poleke yowa ka mokana ga yona.

Anne: Ditšo tse dingwana ne di lwa fote di bolayana. Go gongwana le go gongwana mo diterateng ke mo go tlele masole. Ke mo ma tshwere tsa go lwa ka tsona tsa go tlala, ma yapere ka mokgwa wa go sa tlwayelega ke mokane ma kena ga ntlo ye nngwana le ye nngwana ma tseya tso ne ma di nyaka. Ba bangwana ne ba fo bolaya batho nkare ba bolaya kgokgo. Masole yane ne ma kwadiye dipata fote ne ma fela ma bolaya bo ba gore ba nyaka go feta. Mo ma fetsa ne ma maka ndhundhuma ka ditopo tsone, ne ba maka le ka mokgonone thina le Bhethele. Dihlatse tsa go tshepega ba yye ba di bolaya, ba yye ba bolaya le baromiwa ka babedi ba gore ne re ba nyaka ka matla.

Dihlatse di yye dya beya maphelo ya tsona kotsing ke mokane dya wutametsa ba bangwana ba go tšwa ga ditšo tse dingwana tsa gore ne ba di nyaka fote ba di bolaya. Baromiwa le bo ba gore ne ba le Bhethele ba makiye ka mokgonone le bona. Hala Bhethele, Dihlatse tse dingwana tsa gore ne di tshwanele di tšhabe ne di yetsela ga dikamara tsa ka tlase fote ba bangwana ne ba dula le rune ga dikamara tsa ka kgakala. Ne re dula le kašupa ya ba bangwana kamareng ya rune.

Paul: Letšatši le lengwana le le lengwana masole yane ne ma liketsa go kena Bhethele go pombhola gore ayitsano a re ya wutsetsa batho kela dho. Ke mo go ghata  kanne ya batho: ka babedi ne ba le lefastereng hala ba ba bangwana ka babedi ba le gheyiting ya ka tawong. Mo nkare bala ka babedi ba gore ba ku gheyiting ne ba lisetsa matsogo ya bona ma le ka mahlong ga bona, dilo ne di le mothebenene. Mara mo nkare ba ma beya ka nthago ga bona, ne di rela gore masole yane ne ma kwatiye, byalo bo ba gore ne ba libelele ka lefastere ne ba yakgoswa ba wutetsa banghana ba rune.

Anne: Ka nthago ga mabekenyana, mogoba wa masole wa gore wo kwatiye wo yye wa gapeletsa ke mokane wa kena. Nna le mogageru ye mongwana wa mosadi re tikwalele ka teng ga mo re hlapelang gona ka teng ga khaphete ya gore ne yi wutamme. Mogageru yene wa mosadi ke mo a patagele gana hone. Masole yala ma yye ma tla ga kamara ya ka kgakala, ma tshwere dithunya. Ma yye ma teya sekwalo sa rune ma kene ma kwatiye. Paul o yye a liketsa go maka gore ma sa kene ke mokane a re, “Mosadi waka o sa berekisa kamara ya go hlapela ga yona.” Mo ke kwala khaphete yela ya gore mogageru wa mosadi ne a kenne ga yona, yi yye ya rasa. Ke yye ka tshwanela ke go busetsa dilo ka moka mone khabhotong, di ntsere nako. Ne ke nagana gore masole yala ma nyoko tiputsisa gore ke sa maka ying, ne ke hlagasela. Ne ke nyoko tšhabela kaye mara? Ke yye ka rapela nkene ke sa kwagale ka ro fawa Jehova gore a n’gelepe. Ke mokane ka khiyulla sekwalo sela ka ba tamisa nkene ke bebiye. Ye mongwana wa bona o yye o ntšhofela ku thoko ke mokane a ya ku khapheteng, a yi bula, a tlalaganya dilo gana hone. Ke mo a sa tshepe gore aa kraya selo. Yene le ba bangwana ba yye ba nyakela le ga dikamara tse dingwana, ba nyakela le hala ga gore ba beya dilo thina le masenke. Mara le gana hone ba sa kraye selo.

Paul: Go fediye dikgwedi re gayela tsa go ja. Mara ne re phidisa ke taba ya gore ne re tlalele ga tso tsa Modimo. Morapelo wa ka bošego wa Bhethele ke mo go le “tsa go ja tsa rune tsa ka bošego,” fote ka mokana ga rune ne re leboga matšhika ya gore ne re ma kraya ga wona.

Ke mo re di tšiba gore mo re ka tšwa re ye nyaka tsa go ja kela meetši, ne re ka sa kgone go pasopa bo ba gore ne ba wutamme fote ne ba ka fo bolayiwa. Ga go tlala, Jehova ne a re neya tso ne re di gayela ka nako ya gabutši le ka mekgwa ya go makatsa. Jehova o re pasopiye a boya a re gelepa gore re dule re bebiye.

Seyemo hone nageng ne se fo ya se befa, mara nnete yi makiye gore re be le tshepo. Magageru ya go tlala ma yye ma tshwanela ke go tšhaba ga tlele gore ma thogo phonisa maphelo ya wona mara ma yye mahlong ma tiyisa tumelo ya wona fote ma dula ma bebiye le mo nkare ne go na le tsa go ma kgahleletsa. Ba bangwana ba hlayye gore mo ba tiyisela le mo go na le tsa go ba phika ne go ba “lukiselela motšhatšhamelo wo mogolo.” Bagolo le magageru ya gore ma sa gola ba yye ba šišimala ke mokane ba maka so ba ka se kgonang gore ba gelepe magageru. Magageru ya gore ne ma tšhabele ga dipoleke tse dingwana ke mo ma gelepana, fote ma yye ma thomisa go tšhomayela ga dipoleke tsone. Ma berekisiye tso ma di krayyeng ku mašahleng gore ma yage Holo ya Mmušo gore ma thogo ba le megahlano ya phutego. Ka dinako tsone tsa go baba, go ya megahlanong le go tšhomayela go makiye gore magageru ma be le tshepo gwa boya gwa ma tiyisa ka matla. Mo re ba neya tsa go ja, dikobo le tse dingwana, di re makatsiye ka matla mo magageru ya go tlala ma kgopela dikhwama  tsa gore ma nyoko di berekisa mo ma tšhomayela, ma sa kgopele dikobo. Phela tsotsone di yye dya re tiyisa ka matla! Batho ba gore ne ba sa jabola ba gore fote ne ba tšhugiye ne ba theetsela ditaba tsa go bafala. Ke mo ba makatsiye ke gore Dihlatse ne di jabodiye fote di nyakanana; ke mo di tshwana le llampa la gore le letshwifing. (Mat. 5:​14-16) Ka taba la gore magageru ne ma karakara ka matla, masole ya mangwana ma yye ma ba magageru.

Paul: Ka dinako tse dingwana ne di nyaka re tloga Liberia, ga kararo ne go le tsa senakonyana ke mokane gabedi re sipidiye mongwaga ka moka. Mogageru wa mosadi wa gore ke morumiwa o hlatolliye ka mokgo ne re tikwa ka gona nakwela re tshwanele gore re sologe, o yitseri: “Ku Gilead, ba re tšhutisiye gore re beye mmereko wa rune ka dipelong tsa rune, fote re f’lo maka ka mokgonone. Byalo, go šiya magageru go kene go makega dilo tsowa go fo tshwana le mo ye mongwana a gonnye dipelo tsowa tsa rune!” Sa go jabodisa ke gore ne re kgona go gelepa tšhomo ya Liberia re le ga dinaga tsa gore di thina nayo.

Anne: Ka May 1996, kanne ya rune ne re tloga ka koloyi ya mokgahlo re tshwere maphephe ya gore ma na le ditaba tsa go tseyediwa gedimo ka matla tsa go bolabola ka Liberia. Ke mo re nyaka go ya ga poleke ya gore yi ka nthoko ga toropo ya gore yi pasopegiye ya gore ke mo yi le kgole ka 16 ya dikhilomitha. Ba yye ba hlasela poleke ya rune. Masole ya gore ma kwatiye ma yye ma thunyela gedimo, ma re yemisa, ma ntsha kararo ya rune hala koloying, ke mokane ma sepela le koloyi Paul wa gore ne a šele ka ho teng ga yona. Ke mo re makele ka matla. Ke mokane ra bona Paul a boya ka mawoto, ke mo a tšwa madi mo hlogong. Ke mo re sa tšibi gore re makegiye ying, ke mo re nagana gore ba mo thunnye, mara ra di bona gore hala ba mo thunnye, nke a sa kgone go sepela! Lesole le lengwana le mo teyye nakwela le mo ntsha hala koloying. Sa go jabodisa ke gore ne a sa kwalela ka matla.

Ke mo go na le koloyi ya masole ya gore ne yi tlele ka batho ba gore ba tšhugiye fote ne yi šele yo nyoko tloga. Re yye ra ngangarela koloyi yone re kene re le ka tawong ga yona. Dhrayiva yi yye gata lekgura, re nyakiye re rapogana. Re mo kgopele gore a yeme, mara ne a tšhugiye. Di f’lo makega gore re sa rapogane, mara mo koloyi yela yi yema, ke mo re tinne fote re hlagasela ka taba la go tšhoga.

Paul: Re yye ra lebelelana re kene re yapere dikobo tsa dithila, tsa go tleroga re sa tshepe gore re sa phela. Re yetsele ga poleke ya gore yi fo ba lekgwaying thina le elebhreyi ya gore ke mo yi tlele ka mašuba ya dikula ya gore re yye ka yona Sierra Leone ka motshwana wa gona. Ne re fo leboga gore re sa phela mara ne re dula re nagana ka magageru ya Liberia.

Anne: Re segele Bhethele ya ku Freetown, Sierra Leone re pasopegiye, ga gore magageru ma yye ma re pasopa. Mara ke yye ka thomisa go gopola dilo tsa go tshosa tso di makegiyeng ku Liberia. Motshegare ne ke dula ke tšhugiye gore go ka fo makega dilo tsa go befa, tsotsone di makiye gore ke sa sa nagana gabutši. Ne ke fo bona nkare sengwana le se sengwana mo ne ke le gona ne go se sa mannete. Bošego ne ke fela ke tsoga ke hlagasela ke tšhugiye gore go ka fo makega selo sa go befa. Ne di se lula gore ke wone. Paul o yye a ntlaparela ke mokane a rapela le nna. Re yye ra yepelela dikoša tsa Mmušo go segela ke sa sa hlagasela. Ne ke tikwa nkare monagano waka a wo sa bereka, le gore nka sa sa kgona go ya mahlong ka mmereko waka wa go ba morumiwa.

Nka sa tsoge ke libele so se makegiyeng ka nthago. Beke yone re yye ra kraya dimakazini ka dipedi. Ka wwoši ne go le Hlahlama! ya June 8, 1996. Ke mo go na le hlogotaba ya gore “Tso o ka di Makang mo o Dula o Tšhugiye.” Ke yye ka di kwisisa gore ne go makega ying ho gaka. Makazini wo mongwana ne go le Sewokamelo sa May 15, 1996, sa gore ne se na le hlogotaba ya gore “Ba ma Kraya Kaye Matšhika Mara?” Sewokamelo sone ne se na le sethombhe sa serurubele sa gore se kwalele. Hlogotaba yone yi hlatolliye gore go fo tshwana le mo serurubele se ka ya mahlong se ja se boya se fofa le mo nkare se kwalele mafafelo, le rune re ka ya mahlong mo re gelepa ke moya wa go hlawolega wa Jehova le mo nkare re kwalele ka ku tengteng. Jehova o re neyye tso ne re di gayela ka nako ya gona a berekisa dihlogotaba tsowa. (Mat. 24:45) Ke yye ka nyakela dihlogotaba tse dingwana tsa go tshwana le tsowa ke mokane ka di beya go gongwana. Di n’gelepiye stereka. Mo nako yi kene yi ya, ne ke sa sa hlupega ka matla ka taba la tso dilo tsa tshosa tso ne ke di nagana.

Paul: Nako le nako mo re boyela Liberia, ke mo re jabola stereka. Mo go šele go fela mongwaga wa 2004, ke  mo re na le 20 ya mengwaga re le ga mmereko wa rune. Ntwa yi yye ya fela. Ke mo ba polanne gore ba yage hala lekaleng. Mara ra fo makala ba re neyye mmereko wo mongwana.

Tsowa ne yi sa fo ba moroba. Ke mo re tlwayelanne ka matla le magageru—ne re nyoko bona re makiye ying mara? Ka gore re yye ra ma šiya hala re ya Gilead, re di bonne gore mo re gelepa ke Jehova, re nyoko rufega, byalo re yye ra yamogela mmereko wone. Ba re kgopele gore re ye Ghana, naga ya gore ne re dula thina nayo.

Anne: Re lliye ka matla mo re tloga Liberia. Di re makatsiye mo Frank, mogageru wa gore o hlalefiye wa gore fote o tsofele a re botsa gore: “Di nyaka le lebale ka rune!” O yye mahlong a hlaya gore: “Re ya di tšiba gore le ka sa tsoge le re libele, mara le make mmereko wa lune wa nyuwane ka dipelo tsa lune ka moka. Wo tšwa ga Jehova, byalo le šupetseneng magageru ya gana ku gore le ya tihlupa ka wona.” Tso mogageru a di hlayyeng di re gelepiye gore re tilukiselele go maka banghana ba nyuwane ga naga ya gore re fo ba paranyana, ga gore fote a re soko tlwayela dilo tsa gana hone.

Paul: Mara a di ya re tseya nako gore re thomise go šupetsa magageru ya ku Ghana gore re ma nyaka ka matla. Ke mo go na le Dihlatse tsa go tlala gana mone! Re tšhutiye tsa go tlala ga taba ya go tshepega le go ba le tumelo ga banghana ba rune ba nyuwane. Ke mokane ka nthago ga go fetsa 13 ya mengwaga re bereka Ghana, ba yye ba re makatsa fote. Ba yye ba re kgopela gore re bereke ga lekala la Bohlabela bya Afrikha ku Kenya. Le mo nkare ne re gopola banghana ba rune bo ne re bereka nabo ku Ghana le Liberia, re yakgoswiye re maka senghana le magageru ya ku Kenya. Go fo tshwana le ku Ghana le Liberia, go na le mmereko wa go tlala ku Kenya.

Anne: Ga mengwaga yowa ka moka, ke gahlanne le dilo tsa go maka gore ke tšhoge le go hlagasela. Mo re phela ga dipoleke tsa gore di kotsi fote re phela ga dinako tsa go thathafa, tsotsone di ka maka gore re lwale, dya maka go re tšhoge kela nkare go na le tsa go re roba. Re ka sa yemele gore Jehova a re pasope ga dilo tsowa ka moka. Le gana byalo mo ke kwa go rasa dithunya, ke fo kwa nkare mala ma tlemaganne fote matsogo yaka nkare a ma sa bereka. Mara ke tšhutiye go berekisa dilo ka mokana ga tsona tsa gore Jehova o re tiyisa ka tsona go tshwana le mo a berekisa magageru. Fote ke di bonne gore mo ke ya mahlong ke tšhuta, ke rapela, ke ya megahlanong ke boya ke tšhomayela, Jehova a ka re gelepa gore re dule le maka mmereko wa rune.

Paul: Ba bangwana ba fela ba re butsisa gore, “Nje le kwana le mmereko wa lune?” Dinaga di ka fo ba di bafele, mara di ka tšhentšha fote dya ba kotsi. Byalo, king sa gore re kwana naso go phala naga yone? Ke magageru ya gore re ma tseyela gedimo ka matla, ba mutši wa rune. Le mo nkare a re ya gola go tshwana, mara re nagana go tshwana. Ke mo re nagana gore ba re romele gore re ba tiyise, mara nnete ke gore bona ba yye tiyisa rune.

Magageru ya lefaseng ka mokana ga lona ke mohlolo wa go tšwa ga Jehova! Re na le mašaga go gongwana le go gongwana. Mo re ka fo dula re le ka phutegong, re na le poleke ya gore re fo tikwa re le gaye. Re ya di tshepa gore mo re ka fo ya mahlong re tisamela ka Jehova, o nyoko re neya matšhika ya gore re thogo tiyisela le mo go ka teya leduma la mošaga mang.—Mafil. 4:13.