Senghane sone se yye sa thomisa mokgahlo wa sona wa nyuwane wa gore ke mo ba re ke Mogoba wa Ditšhaba. So ke mo ba nyaka go se segelela, ke mo go le go maka gore “dinaga tsa lefase ka mokana ga lona di berekisane gore go thogo ba le go beba le go tšhireletsega.” Dikereke tsa go tlala di yye tsa yema le Mogoba wone. Ke mokane Mokgahlo wa Dikereke tsa Sekreste tsa ku Amerikha, wo yye wa re Mogoba wa Ditšhaba ke “mokgahlo wa dipolotiki wa go yemela Mmušo wa Modimo ho lefaseng.” Bobone ba dikereke ba yye ba šupetsa gore ba yema le Mogoba wone wa Ditšhaba ka go romela batho ba go ba yemela ga Mogahlano wa Paris wa go Bolabola ka go Beba. Morene mongwana ga bo ba ba romeleng o yye a re, mogahlano wone ke mo o nyoko maka gore re “thomise go phela ka bonyuwane.”

Dilo di yye tsa thomisa go tšhentšha mara go se ka taba la bo ne ba le gona ga mogahlano wa go bolabola ka go beba. Ka 1919, mmereko wa go tšhomayela wo yye wa thomisa mo Jehova a neya batho bage matšhika ya gore ba tšhomayele ka matla. Mara mo go soko bane go makega tsotsone, ke mo di nyaka gore Bo ba go Tšhuta Baebele ba tšhentšhe selo se sengwana se segolo.

Ka Mokibela wa di 4 tsa January 1919 ke mo go le letšatši lo le beyiwweng gore go nyoko kgetiwa bo ba nyoko yetang mahlong Watch Tower Bible and Tract Society. Ka nako yonone, Mogageru Joseph F. Rutherford, wa gore ke mo go le yene ye a yetang batho ba Jehova mahlong, yene le magageru ya mangwana kašupa ya wona ke mo ba ba lahlele jele ku Atlanta, Georgia, U.S.A, mara ba sa sinya selo. Nje magageru yawa ya gore ma ku jele ne di nyaka gore ma kgetiwe gore ma yete mahlong fote? Kela ke mo ma tshwanele ma kgete ba bangwana?

Mo Mogageru Rutherford a le jele, ke mo a šekela ka gore go nyoko makega ying ka mokgahlo ku mahlong. Ke mo a di tšiba gore magageru ya mangwana ke mo ba bona go le kawone gore go kgetiwe Mogageru ye mongwana gore go be phresidente ya mokgahlo. Byalo, o yye a ngwalela magageru borifi a ba botsa gore o bona Mogageru Evander J. Coward go ka ba yene phresidente. Mogageru Rutherford mo a bolabola ka Mogageru Coward o yitseri ke motho wa gore “o bebiye,” “o hlalefiye,” fote “wa tshepega ga Morena.” Mara magageru ya go tlala ke mo ma bona go le kawone gore ba yemenyana go fete kobodi ya dikgwedi. Magageru ya ma berekang ka tsa molawo  ya gore ne ma yemelela magageru ya ma leng ku jele, le wona ma yye ma yema le taba yone. Magageru ya mangwana ke mo ma sa jabola mo go kene go petapetiwa ka so se ka makiwang.

Ke mokane Mogageru Richard H. Barber o yye a re seyemo sone ke mo se nyaka go lukisiwa. Mogageru ye mongwana ga bo ne ba le gona hone mogahlanong o yitseri: “A yi nna loyara, mara ke ya di tšiba tsa gore molawo o re king ga taba ya go tshepega. Go tshepega ke sona so Modimo a se nyakang ga batho bage. Re ko ba re šupetsa gore re ya tshepega ga Modimo mo re ka kgeta Mogageru Rutherford gore go be phresidente fote.”—Pis. 18:25.

Mogageru A. H. Macmillan wa gore le yene ke mo a tshwariwwe, ka nthago o yye a gopola gore ka motshwana wa gona, Mogageru Rutherford o yye a kokota mo lepharong a re, “Nyaretsa letsogo.” Ke mokane Mogageru Rutherford a mo neya thelegramo. Mogageru Macmillan mo a bona molayetsa a napa a kwisisa gore wo ra gore king. Ka mokana ga bona bo ba lawolang (Magageru Rutherford, Wise, Van Amburgh, Barber, Anderson, Bully le Spill) ke mo ba kgetiwwe fote, ke mokane Joseph Rutherford ke mo go nyoko ba phresidente, Charles Wise go be letsogo la phresidente ke mokane William Van Amburgh go be mabhalane fote a tshware ditšheleta. Tsotsone ke mo di rela gore ka mokana ga bona bo ba yetang mahlong, ke mo ba kgetiwwe fote gore ba ye mahlong ka mmereko wa bona, le gore Mogageru Joseph Rutherford le William Van Amburgh ke mo ba ko ya mahlong ka mmereko wo ne ba kene ba wo maka. Mogageru Rutherford yene ke mo a nyoko ya mahlong go le phresidente.

Mo magageru yawa mabala (8) ya wona ma kene ma le ku jele, Bo ba go Tšhuta Baebele ba yye ba kgopela batho gore ba tšekete borifi byo ba bo ngwaleleng ba mmušo, ba kgopela gore magageru ma ntshiwe jele. Magageru yawa ya banna le basadi ya gore ma na le lešiši ma krayye 700 000 ya batho gore ba tšekete borifi byone. Ka Laboraro, la di 26 March 1919, Mogageru Rutherford le magageru ya ke mo ma tshweriwwe naye, ma yye ma ntshiwa jele go soko bane go yisiwa borifi bya go kgopela gore ba ntshiwe.

Mogageru Rutherford mo a bolabola le bo ba mo yamogeleng mo a tšwa jele o yitseri: “A ke kamake gore tso re gahlanneng natso, ke mo go fo ba tsa go re lukiselela dinako tsa go thathafa ka matla tso di sa ga tlang. . . . Ntwa ya lune ke mo go se go ntsha magagenu ku jele. Yone ke mo go fo ba taba ye nngwana. . . . Ntwa yo le yi lwang ke go yemelela Nnete fote bo ba makiyeng sosone ba rufiwwe ka matla.”

Seyemo sa go baba so magageru ne ma le ga sona, ke mo se fo šupetsa gabutši gore Jehova ke yene ye ne a yetiye ditaba mahlong. Ka di 14 tsa May 1919, khota yi yye ya segelela sepheto sa gore: “Bo ba sodiwang ka taba yone a baa yahludiwa ka mokgo batho ka mokana ga bona ba tshwaneleng ba yahludiwe ka gona, byalo ba yye ba sula melato ya bona.” Magageru yawa ya gore ke mo ba re ma sinnye ka matla, mola yi le gore ba f’lo ma tshwarela kela ba poma seghwebo sa wona, molato wa bona ke mo wo nyoko fo dula wo le gona. Mara ba yye ba sa sa ba balela tso ne ba ba lebela ka tsona. Sa go tikisa pelo ke gore Mogageru Rutherford wa gore ke mo go  le Moyahludi o yye a ya mahlong a yemelela batho ba Jehova ku Khota ye Kgolo ya United States, fote sosone o se makiye ga tleletlele ka nthago ga mo a ntshiwwe jele.

Mogageru Macmillan mo a hlayisa o re: “Re ka sa ro tshwata kela ra mama senwana re yemele gore Morena a tle a re tseye re ye legedimong. Re di bonne gore re tshwanele re thogathoge gore re tšibe gabutši so Morena a nyakang re se maka.”

Magageru ya ke mo ma le ku ntlong ye kgolo ya lefase ka mokana ga lona a sanka ma thoma le go bereka di tloga ga mmereko wa gore go fediye mengwagangwaga wo sa makiwi. Ke ntaba mara? Ka taba la gore nakwela ba le ku jele, dilo tso ne ba di berekisela go phrintha dikgatiso ke mo ba di sinyannye. Taba yone ke mo yi kgongwetsa fote magageru ya mangwana ke mo ma tiputsisa gore nje mmereko wa go tšhomayela wo sa nyoko ya mahlong.

Nje batho ke mo ba sa nyaka go kwa ditaba tsa Mmušo tso ne di tšhomayela ke Bo ba go Tšhuta Baebele? Gore go krayege phetolo ya putsiso yowa, Mogageru Rutherford o yye a fetsa ka gore o ko beya polabolo. Ke mo go memiwa ye mongwana le ye mongwana ga yona. Mogageru Macmillan o yitseri: “Mo nkare a go na ye a tlang ga mogahlono wone, di ra gore tsa go tšhomayela di segele mafelelong.”

Ka Lesonto la di 4 tsa May 1919, le mo Mogageru Rutherford a kene a sa titsose, o yye a beya polabolo ya hlogotaba ya gore “Batho bo ba Kgahleletsiyeng ke tsa go Baba ba Thomisa go ba le Tshepo” ku Los Angeles, California. Batho ba go teya gana hala ga 3 500 ke mo ba tlile gore ba theetsele polabolo yone fote ba bangwana ba go tlala ba yye ba sologa ka taba la gore ke mo go se na ga go dula. Ka motshwana wa gona go yye gwa tla 1 500 ya batho. Byalo magageru ke mo ba šele ba krayye phetolo—batho ke mo ba sa na ba di jabolela ditaba tsowa!

Tso magageru ma di makiyeng ka nthago ga mone, di tšhofiye ka mokgo Dihlatse tsa Jehova di makang mmereko wa go tšhomayela ka gona go segela lekgono.

Sewokamelo sa August 1, 1919, se yitseri ka September go nyoko ba le mogahlano wo mogolo ku Cedar Point Ohio. Ye mongwana wa Bo ba go Tšhuta  Baebele ye ba reng ke Clarence B. Beaty, wa go tšwa Missouri o yye a re: “Ye mongwana le ye mongwana ke mo a nyaka go ba gona.” Magageru ya banna le basadi ba go teya ka ku ga 6 000 ba yye ba ya ga mogahlano wone, ke mo re sa nagana gore go nyoko tla batho ba go tlala ka mokgonone. Go yye gwa kolobetsiwa batho ba go teya ka ku ga 200 nokeng yo ba reng ke Erie, sosone se makiye gore re jabole stereka.

Ka di 5 tsa September 1919 ke mo go le letšatši la kaphetha la mogahlano wo mogolo, ke mokane Mogageru Rutherford mo a “Bolabola le bo a Berekang nabo,” o yye a bolabola ka go gatisiwa ga makazini wa The Golden Age. * Makazini wone ke mo wo nyoko “bolabola ka dilo tso di makegang tsa gore re tshwanele re di tseyele hlogong, ke mokane yi hlatolle go ya ka Baebele gore ke ntaba dilo tsowa ne di makega.”

Bo ba go Tšhuta Baebele ba yye ba hlohletsediwa gore ba tšhomayele ka lešiši ba berekisa makazini wone. Mo borifi byo bongwana bo hlatolla ka mokgo mmereko wone ke mo wo tshwanele wo makiwe ka gona, bo yitseri: “Go thulegiye lešuba la go bafala ga ye mongwana le ye mongwana ye a kolobetsiwweng fote di nyaka a le berekise gabutši gana byalo ke mokane a tšhomayele ka matla ka mokgo a ka kgonang.” Ba go tlala ba yye ba kwana le taba yone! Ke mokane ka Dizemba batšhomayedi ba go tlala ba go ba le matšato ke mo ba na le batho ba go teya ka ku ga 50 000 ba go nyaka makazini wo wa nyuwane.

Mo go fela mongwaga wa 1919, batho ba Jehova ba yye ba boyela ga mokgwa wa bona wa go maka dilo ka letheto fote ba ba le matšato. Go tokegela gana hone, diporofeto tsa go tlalanyana tsa go sipidisana le matšatši ya mafelelo ke mo di makega. Go liketsiwa le go yedisiwa ga batho ba Modimo ga gore go bolabodiwwe ke lengwalo la Malaki 3:1-4 ke mo go fediye. Batho ba Jehova ke mo ba ntshiwwe bobhantiting bya “Bhabhilona ye Mogolo,” ke mokane Jeso a beya “lelata la go tshepega le la go hlalefa.” * (Kut. 18:2, 4; Mat. 24:45) Bo ba go Tšhuta Baebele ke mo ba šele ba yemele go maka mmereko wo Jehova ne a nyaka gore ba wo make.