1-2. (a) Ditšhaba di nyoko tšibisa ying go se botala? (b) Go nyoko fetodiwa diputsiso difeng?

O FO nagana nje, gore go nyoko ba byang mo ditšhaba di šele di tšibisiye taba yowa ya gore ke botala di yi yemele, ya gore “go bebiye fote go tšhireletsegiye.” Bo ba lawolang lefase ba ka fo kganyisa taba ya gore, byalo gona lefase le bebiye. Ditšhaba di nyoko nyaka gore rune re nagane gore ba di kgonne go lukisa mathatha ka mokana ga wona ya lefase. Mara gabutšibutši ba ka sa di kgone go lawola dilo tso di sa ga tlang! Ke ntaba re reyano? Seporofeto sa Baebele se re, ‘go nyoko fela ka bona ba sa tilebele . . . fote ba ka sa ro khwanyudisa.’—1 Mathes. 5:3.

² Go na le diputsiso ke tsowa tsa gore di nyaka diphetolo: Go nyoko makega ying ka nako ya “motšhatšhamelo wo mogolo”? Ka nako yonone, king so Jehova a ko bang a yemele gore re se make? Gana byalo, re ka tilukiselela byang gore re dule re tshepegiye ka nako ya motšhatšhamelo wo mogolo?—Mat. 24:21.

3. Kutullo 17:5, 15-18 yi re Modimo o nyoko yi fetsa ka mokgo mang “Bhabhilona ye Mogolo”?

³ Bala Kutullo 17:5, 15-18. Go nyoko fela ka “Bhabhilona ye Mogolo”! Ka mokgo go bolabodiwweng ka gona ku mathomisong, ditšhaba ka nako yonone di ka sa ro maka mong selo. Ke ntaba mara? Ka taba la gore ‘Modimo o nyoko maka gore dipelo tsa bona di make tso yene a di naganneng.’ Dilo tsone Modimo a di naganneng king? Ke tsa gore go fele ka dikereke ka mokana ga tsona tsa matsaka, le bo ba go timaka nkare ke bona Makreste. *  Modimo o nyoko maka gore “lesome la manaka” la “sebata se sekhubedu.”se make tso yene a di naganneng. Lesome la manaka le yemela memmušo ka mokana ga yona ya gore yi gobagoba le “sebata” sa gore ke Ditšhaba tsa go Timaka Ngata ka Yyoši. (Kut. 17:3, 11-13; 18:8) Mo sebata se jikela dikereke tsa matsaka, sosone se nyoko ba se šupetsa gore motšhatšhamelo wo mogolo wo segele. Nnete ke gore dilo tsowa di nyoko makega ba sa nagana fote go nyoko ba go bifiye stereka.

4. (a) Ke ntaba ditšhaba di ko ba di bona di sa sinyi mo di hlasela dikereke tsa matsaka? (b) Bo ba šalang dikereke nthago ba nyoko maka ying?

⁴ A re di tšibi tsa gore go nyoko ba go makiye byang mo ditšhaba di kutulugela Bhabhilona ye Mogolo. Ba ka fo re dikereke tsowa ke tsona di makang gore go sa be le go beba ho lefaseng le gore dikereke di fo dula di kenakena ditaba tsa dipolotiki. Kela ditšhaba di ka re mekgahlo ya dikereke yi kgobeketsele ditšheleta ka masaka fote di na le diphahlo tsa go tlala. (Kut. 18:3, 7) Di ka makega gore go sa hlasediwi ye mongwana le ye mongwana ye a kenang kereke. Mara, di fo ba lekgwaying gore ditšhaba di nyoko fetsa ka mekgahlo ya dikereke. Mo mekgahlo yone ya dikereke go šele go fediye ka yona, bo ba yi šeleng nthago ba nyoko yi tšhabela ka taba la gore ba ko ba ba di bona gabutši gore baruti ba bona di ba tudiye tsa lefase.

5. King so Jehova a re tshepisiyeng sona ka motšhatšhamelo wo mogolo fote ke ntaba?

⁵ Baebele a yi re botse gore go fetsa ka Bhabhilona ye Mogolo go nyoko tseya nako ya go segela kaye, mara so re se tšibang ke gore go ka sa tseye nako ya go lefa. (Kut. 18:10, 21) Jehova o tshepisiye gore o nyoko “poma matšatši” ya motšhatšhamelo gore “bo ba hlawodiwweng” le bo ba mo rapelang tsa mannete ba thogo phona. (Mar. 13:19, 20) Byalo, mo re šele re le ga motšhatšhamelo wo mogolo, fote Aremaghedoni yi soko bane yi segela, king so Jehova a nyakang re se maka?

6. King so re ka se makang go šupetsa gore a re kene felo ga dikereke tsa matsaka?

⁶ Ga hlogotaba ya go fela, re tšhutiye gore Jehova o nyaka gore malata yage ma sa kene  felo ga dikereke tsa matsaka. Mara a yi tsotsone fela. Di nyaka re tikemisele ka matla go berekela Jehova. Lebelela dilo ka dipedi tso re ka di makang go šupetsa gore re tikemisele ka matla go berekela Jehova.

7. (a) Re ka maka byang gore re dule re ngangarele melawo ya Jehova ya go loka ga ditaba tsa maphelelo? (b) Maheberu 10:24, 25 yi re king mo yi šihlela taba ya go gahlana ggoši, ka matlamatla gana byalo?

⁷ Sa mathomo, re tshwanele go ngangarela melawo ya Jehova ya go loka ga ditaba tsa maphelelo. Re ka sa dumele go fokola ke mekgwa ya lefase lowa ya go sa yela. Mo re beyisa, selo se sengwana le se sengwana sa go sipidisana le bonghwahla a re yeme naso, re ra le banna ba go tseyana le banna, kela basadi ba go tseyana le basadi, kela banna ba go phela nkare ke bona basadi le basadi ba go phela nkare ke bona banna. (Mat. 19:4, 5; Maroma 1:26, 27) Sa bobedi, re sa lesetse go gahlana ggoši le magageru. Re maka tsotsone go gongwana le go gongwana mo go kgonegang, Holong ya Mmušo, mo re gahlanele ga mutši wa mogageru kela mo re le ka makhukhung. A go na taba gore go makega ying, a se šiyo le ka ssoši so se ka makang gore re lesetse go ya megahlanong. Gabutšibutši, re nyoko ya mahlong re ‘hlakana ggoši ka taba la gore re ya di bona gore letšatši le gare le ya šutela.’—Bala Maheberu 10:24, 25.

8. Molayetsa wo re wo tšhomayelang wo ka fo tšhentšha ka mokgo mang ku mahlong?

⁸ Ga dinako tsa motšhatšhamelo wo mogolo, molayetsa wo re wo tšhomayelang wo ka fo tšhentšha. Gana byalo, re tšhomayela ditaba tsa go bafala tsa Mmušo fote re leketsa ka matla go maka batho malata. Byalo ka nako yonone re ko ba re tšhomayela molayetsa wa go sa keketlele, wa go teya go baba nkare ke sefako. (Kut. 16:21) Re nyoko tšhomayela gore go se botala, go nyoko fela ka lefase la Sathane. Mo goya goya, re ko di tšibeng gore re nyoko tšhomayela re re king le gore re ka di maka byang gore molayetsa wowa wo segele bathong. Ayitsano re ko maka mmereko wowa ka mokgo ne re wo maka ka gona ku botala, gore re thogo fetsa mmereko wa rune wa go tšhomayela? Kela re nyoko berekisa mekgwa ye mengwana? Aritši. A gona taba gore re tšhomayela ka mokgo mang, mara so se šalang ke gore molayetsa wa Jehova wa go yahlula, re nyoko wo tšhomayela re sa hlagasedisi ke selo!—Hezek. 2:3-5.

9. Ditšhaba di nyoko tikwa byang mo di kwa molayetsa wa rune, mara king sa go maka gore re sa kamake?

⁹ Molayetsa wa rune wo ka šuhlašuhla ditšhaba, ke mokane tsa leketsa go re kwala melomo gore re sa sa tšhomayela le ka letšatši ka lloši. Gana byalo re nyaka gore Jehova a re gelepe mo re le tšhomong, le ku mahlong re ka sa lesetse go nyaka gore a re gelepe mo re tšhomayela. A re kamake gore Modimo o nyoko re neya matšhika gore re thogo maka tso yene a di nyakang.—Mmika 3:8.

10. Luka 21:25-28 yi bolabodiye gore ba go tlala ba nyoko tikwa byang ka dilo tso di nyoko makegang ka dinako tsa motšhatšhamelo wo mogolo?

¹⁰ Bala Luka 21:25-28. Ga dinako tsa motšhatšhamelo wo mogolo, batho ba nyoko makatsa ke gore so ne ba tikokotlele ka sona se thomisa go tekateka. Ba ko ba “ba tšhugiye ka matla,” ka taba la gore ba ko ba ba di bona gabutši gore go fediye ka bona. (Zak. 1:14, 15) Ka nako yonone, lephelo le ko ba le thathafa le ga bo go leng batho ba Jehova. A re kene felo ga ditaba tsa lefase lowa, byalo di nyoko re buyela tsa nkare ke moka. Di ka makega gore re hloke le mong sa go kametsa.

11. (a) Ke ntaba Dihlatse tsa Jehova go le tsona tsa gore ba ko ba ba di lebelele ka matla? (b) Ke ntaba di sa nyake re tshosa ke motšhatšhamelo wo mogolo?

¹¹ Mo nako yi kene yi ya, ka nako ya motšhatšhamelo wo mogolo, batho ba gore go fediye ka dikereke tsa bona ba ka fo kwa ba silikisa ke Dihlatse  tsa Jehova, ka taba la gore di ko ba di kene di ya mahlong di rapela Modimo. O fo nagana nje gore go nyoko tupa lerole la mošaga mang, ba ko šinya ba bolabola ka tsona le ga inthanete. Re nyoko hloya ke ditšhaba le ye a di lawolang ye ba reng ke Sathane, ka taba la gore ke rune re sa ga šeleng re rapela Modimo. Di ra gore ba ko ba ba sa phomelela ga taba ya gore go fele ka sedumedi se sengwana le se sengwana ho lefaseng. Byalo, ba ko ba ba re gorolele mahlo. Ka nako yonone, ditšhaba di nyoko maka mmereko wa Gogo wa Magogo. * Ba nyoko timaka ngata ka yyoši gore ba thogo hlasela batho ba Jehova. (Hezek. 38:2, 14-16) Re ka thomisa go hlagasela ka taba la gore a re tšibi ditaba ka mokana ga tsona, ga tso di nyoko makegang ga motšhatšhamelo wo mogolo. Mara so re se tšibang ke gore: A di nyake re tshosa ke motšhatšhamelo wo mogolo. Ka taba la gore Jehova o nyoko re botsa so re tshwaneleng re se make gore re phone. (Pis. 34:19) Re ko thogo “yema re sa thogathoge fote re tsusiye dihlogo” ka taba la gore re ko ba re tšiba gore “go phonisiwa ga rune go gana ho thina.” *

12. “Lelata la go tshepega le la go hlalefa” le re lukiselele byang ga tso di nyoko makegang ku mahlong?

¹² “Lelata la go tshepega le la go hlalefa” ke mo le kene le re lukiselela gore re thogo dula re tshepega ga dinako tsa motšhatšhamelo wo mogolo. (Mat. 24:45) Sosone se makiwwe ka ditsela tsa go tlala, mara lebelela tse dingwana ke tsowa: matheto ya megahlano ye mogolo go thomisa ka 2016 go segela ka 2018. Matheto yane ma re gelepiye gore re thogo tiyelela mo letšatši la Jehova le kene le šutela. Tla re boneng gore matheto yane ma re gelepiye byang.

13. Re ka maka byang gore taba ya rune ya gore re ya tshepega ga Jehova yi sa kgwelakgwehle fote ke ntaba di nyaka re make tsotsone gana byalo?

¹³ Go tshepega: Hlogotaba ya letheto la mogahlano wo mogolo wa 2016 ke mo yi re “Dula o Tshepega ga Jehova!” Letheto lowa le re tšhutisiye gore mo re na le senghane sa mannete le Jehova re ka sa šitege go tshepega gage. Re yye ra guputsiwa gore re ka di kgona go šutela thina ka matla le Jehova mo re rapela di re baba le mo re bala Lentsu lage. Ho re maka ka mokgonone di nyoko re gelepa gore re be le matšhika ya go teya re feta ga tso di re phiriketsang. Mo masipidiselo ya Sathane ma kene ma bakiye mafelelong, di ka makega gore re gahlane le tsa go leketsa go tshepega ga Modimo le Mmušo wage. Di ka fo makega gore batho ba ye mahlong ba re poyilanya. (2 Pet. 3:3, 4) Tsotsone di ka re makegela ka taba la gore a re kene felo ga dilo tsa lefase la Sathane. Re tshwanele re make gore go tshepega ga rune go sa kgwelakgwehle gore re thogo dula re tshepega ka dinako tsa motšhatšhamelo wo mogolo.

14. (a) Go nyoko makega ying ka magageru ya ma re yetang mahlong ho lefaseng? (b) Ka nako yonone, ke ntaba di nyaka re dula re tshepega?

¹⁴ Ka nako ya motšhatšhamelo wo mogolo, dilo di nyoko tšhentšha ga magageru ya go re yeta mahlong ho lefaseng. Ka mokana ga bona bo ba tlotsiwweng ba gore ba sa le ho lefaseng ba nyoko yisiwa legedimong gore ba tle ba bereke ga ntwa ya Aremaghedoni. (Mat. 24:31; Kut. 2:26, 27) Sosone se rela gore ba Mogoba wa go Lawola ba ka sa sa ba le rune ho lefaseng. Le mo go le sone, ba mogoba wo mogolo ba nyoko fo dula ba maka dilo ka letheto. Magageru ya gore ma butšwiye ya dinku tse dingwana ma nyoko re  yeta mahlong. Go šupetsa gore re ya tshepega ga Jehova, di nyaka re sa lesetse go berekisana gabutši le magageru yawa, re make tso ba re botsang tsona tsa go tšwa ga Modimo. Tsotsone ke tsona tso di ko makang gore re phone!

15. Re ka maka byang gore re dule re tiyisela fote ke ntaba di le gabutši go maka ka mokgonone gana byalo?

¹⁵ Go tiyisela: Hlogotaba ya letheto la mogahlano wo mogolo wa 2017 ke mo yi re “O sa Šepisi!” Letheto lowa le re gelepiye gore re thogo tiyisela ga tso di re ghulang. Re tšhutiye gore a re tiyisele ka taba la gore dilo di re sepelela gabutši. Mara re thogo tiyisela ka taba la gore re tshepela ga Jehova. (Maroma 12:12) Re sa tsoge re lebele tso Jeso a yyeng a di tshepisa mo a re: “Ye a ka tiyiselang go segela mafelelong o nyoko phonisiwa.” (Mat. 24:13.) So Jeso a re tshepisiyeng sona se ra gore re ka di kgona go tshepega le mo re gahlana le tsa go re ghula. Mo re ka fo yema re tiyye ga tso di re phiriketsang gana byalo, re nyoko di kgona go teya re feta mo motšhatšhamelo wo mogolo wo thomisa.

16. King so se makang gore re šišimale fote re ka tiyisa lešiši la rune byang gana byalo?

¹⁶ Lešiši: Hlogotaba ya letheto la mogahlano wo mogolo wa 2018 ke mo yi re “Šišimala!” Letheto lowa le re gelepiye gore re sa lebale gore a re šišimale ka taba la matla ya rune beng. Akere ga Jehova re ya mo tshepa mo re nyaka gore a re gelepe re tiyisele, byalo di nyaka re tshepele gage le mo re nyaka a re neye lešiši. Mara re ka maka byang gore re dule re tshepela ga Jehova? Ka go bala Baebele ka moka matšatši le ka go ghayela ka tso Jehova a yyeng a di maka ku botala mo a phonisa batho bage. (Pis. 68:20; 2 Pet. 2:9) Mo ba ditšhaba ba re hlasela ka nako ya motšhatšhamelo wo mogolo, di nyaka re šišimale fote re nape re ro tshepela ka matla ga Jehova. (Pis. 112:7, 8; Maheb. 13:6) Mo re ka fo tshepela ga Jehova gana byalo, re nyoko šišimala, ra sa hlagasedisi ke Gogo wa Magogo mo a re hlasela. *

17. Ke ntaba re sa tshwanela go hlagasedisa ke Aremaghedoni? (Lebelela sethombhe sa ka tawong.)

¹⁷ Hlogotaba ya go fela yi bolabodiye gore ba go tlala ba rune re phidiye ga dinako tsowa tsa mafelelo. Mara fote re tshepa gore re nyoko feta  ga motšhatšhamelo wo mogolo. Mo go segela Aremaghedoni, go ko ba go le mafelelofelelong ya masipidiselo ya dilo. Mara, a go na sa go ka maka gore re hlagasele. Ke ntaba re reyane? Ka taba la gore ntwa yowa ke ya Modimo. (Diy. 1:33; Hezek. 38:18-20; Zek. 14:3) Ka nako yo yi nyoko hlayang ke Jehova, Jeso o nyoko yeta masole yage mahlong. O ko ba a na le bala ba gore ba tlotsiwwe le mangeloyi ya go tlala ka matla. Ka mokana ga bona ba nyoko lwa le Sathane, madimona yage le masole yage ya mo lefaseng.—Dan. 12:1; Kut. 6:2; 17:14.

18. (a) Jehova o re tshepisiye ying? (b) Kutullo 7:9, 13-17 yi go gelepa byang gore o sa kamake ka tso di nyoko makegang ku mahlong?

¹⁸ Jehova o re tshepisiye gore: “Segale so ba se makelang go lwa le lune se ka sa phomelele.” (Jes. 54:17) “Mogoba wo mogolo” wa malata ya Jehova ya go tshepega “wo nyoko phona motšhatšhamelo wo mogolo!” Ke mokane wa ya mahlong wo berekela Jehova. (Bala Kutullo 7:9, 13-17.) So Baebele yi se bolabolang se maka gore re sa kamake gore ku mahlong re nyoko phona! Re di tšiba gabutši gore “Jehova o tšhireletsa ba gore baa tshepega.” (Pis. 31:23) Ka mokana ga bona ba gore ga Jehova ba mo nyaka ka matla, ba nyoko jabolela go bona mo Jehova a gadimisa lebitso lage la go hlawolega.—Hezek. 38:23.

19. Re yemele ke dilo difeng tsa go jabodisa ka matla ku mahlong?

¹⁹ O fo nagana nje, gore lengwalo la 2 Thimothi 3:2-5 ne le nyoko kwala byang mo le bolabola ka batho ba go phela ga lefase la nyuwane ba gore a ba kutšetsele ke Sathane. (Lebelela lebhokisi la gore “ Ka Mokgo Maphelelo ya Batho ma Nyoko Bang ka Gona ka Nako Yonone”) Mogageru ye ba reng ke George wa ga Gangas, * wa gore ke mo go le ye mongwana wa ba Mogoba wa go Lawola o beyye taba ka gore: “Lefase le nyoko jabodisa ka matla mo batho ka mokana ga bona ba rapela Jehova! Go se botala le nyoko jabolela go phela ga lefase la nyuwane. Solanka Jehova a le gona, re nyoko fo phela re phidiye. Nnete ke gore re nyoko phela go ya go yye.” Yii, taba yowa yi jabodisa ka matla wa tšiba!