1. Mong sona sepheto sa gabutši so di nyakang ye mongwana le ye mongwana a se segelela ke sefeng?

GA GO tlala tso babelegi ba kgetang go di maka di yama bana ba bona nako ya go lefa ka matla. Mo babelegi ba ka sa kgete tsona, ba ka kwaletsa bana ba bona. Mara mo ba ka kgeta gabutši, ba nyoko maka gore bana ba bona ba tikwise ka go jabolela lephelo le dipelo tsa bona di kgehlemele. Mara bana le bona di nyaka ba segelele sepheto sa gabutši. Go berekela Papa wa rune wa legedimong Jehova, ke mong sona sepheto sa gabutši ka matla so di nyakang ye mongwana le ye mogwana a se segelela.—Pis. 73:28.

2. Jeso le babelegi bage ba yye ba se segelela dipheto difeng tsa go bafala?

² Babelegi ba Jeso ne ba fetsiye le pelo gore ba nyaka go gelepa bana ba bona gore ba berekele Jehova, tso ne ba di maka ne di šupetsa gabutši gore go berekela Jehova ke selo se segolo ka matla so ba se nyakang. (Luk. 2:40, 41, 52) Tso Jeso a di kgetiyeng le yene di mo gelepiye gore a thogo maka tso Jehova ne a nyaka a di maka. (Mat. 4:1-10) Jeso o gudiye go le wa pelo ye butši, a tshepega fote go le monna wa go ba le lešiši—ke mo go le morwayi wa gore babelegi ka mokana ga bona ba gore ga Jehova ba mo nyaka ka matla ba ka titeya sekguba ka yene.

3. Re nyoko fetola diputsiso difeng ga hlogotaba yowa?

³ Ga hlogotaba yowa, re nyoko fetola diputsiso tso: Ga taba ya Jeso, Jehova o segelele dipheto tsa gabutši ka mokgo mang? Babelegi bo go leng Makreste ba ka tšhuta ying ga dipheto tso babelegi ba Jeso ba yyeng ba di segelela? Fote Makreste ya gore ma sa gola ma ka tšhuta ying ga dipheto tso Jeso a yyeng a di segelela?

4. Ke sepheto sefeng sa gabutši so Jehova a yyeng a se segelela ka Morwayi wage?

⁴ Jehova o kgetele Jeso babelegi ba gabutši ka matla. (Mat. 1:18- 23; Luk. 1:26-38) Tso Mariya a di bolabodiyeng tsa go tikisa pelo tsa gore di ka Baebeleng di šupetsa gabutši gore ke mo a kwana ka matla le Jehova le Lentsu lage. (Luk. 1:46-55) Fote ka mokgo Josefa a yyeng a theetsela Jehova mo a mo yetetsa, di šupetsa gore ga Modimo o mo nyaka ka matla fote wa di nyaka go mo jabodisa.—Mat. 1:24.

5-6. King tso Jehova a di lesetsiyeng gore Morwayi wage a ghulane natso?

⁵ Mo Jehova a kgetela Jeso babelegi ba ho lefaseng, aa mo nyakela ba gore ba ghannye. Sehlabelo so Josefa le Mariya ba neyeleng ka sona ka nthago ga go belegiwa ga Jeso se šupetsa gabutši gore ke mo ba tihlupegela. (Luk. 2:24) Di ka makega gore Josefa ne a timakele poleke yage ye nyana yo ne a berekela ga yona mmereko wage wa dibhakabhaka thina le mo a dulang gona hala Nazaretha. Fote di ka makega gore ne ba phela lephelo la lula ka matlamatla ka taba la gore mutšing wage ke mo ba tlele, go na le gana hala ga kašupa ya bananyana.—Mat. 13:55, 56.

⁶ Jehova ne a tšhireletsa Jeso ga tsa go sasamela mara ke mo a sa thibele ka mokana ga tsona tso ne di mo phiriketsa. (Mat. 2:13-15) Mo re beyisa, Jeso ke mo a na le mašaga ya gore a ma di tseyi tsage. O fo nagana gore Jeso ke mo di mo kgongwetsa go segela kaye go ba le mašaga ya gore ma phigisa taba ya gore ke yene Mesiya. (Mar. 3:21; Joh. 7:5) Fote di ka makega gore papage Josefa o hlokofele Jeso go sa le ye monyana ke mokane tsotsone dya maka gore a kwe di mo kgahleletsiye ka matla. Tsotsone di ka fo ba di makiye gore Jeso go be yene a šalang a pasopa mutši ka mokana ga wona ka taba la gore ne go le yene ye mogolo wa gona. (Mar. 6:3) Mo Jeso a kene a gola, o yye a tšhuta go pasopa mutši wa gabo. Ke mo di nyaka a šikila gore a thogo ba pasopa. Byalo, o di tšiba gabutši gore mo ba re go tinwa ba ra ying.

7. (a) Ke diputsiso difeng tso di ka gelepang monna le mosadi wage gore ba thogo gudisa bana ba bona gabutši? (b) Diyema 2:1-6 yi ka gelepa babelegi byang ga taba ya go tšhutisa bana ba bona?

⁷ Mo nkare wene le monna kela mosadi wago le nabela go ba le bana, di nyaka le tiputsise gore: ‘Ayitsano ke rune batho ba gore ba tinyanafatsiye ba gore fote ba tlalele ka mo ga tsa Modimo la gore Jehova a ka šinya a re kgeta gore re mo pasopele leseya?’ (Pis. 127:3, 4) Mo nkare o šele o na le bana, tiputsise gore: ‘Ayitsano ke tšhutisa bana baka gore ba sa tshwate go bereka?’ (Mmo. 3:12, 13) ‘Nje ke ya tihlupa ka go tšhireletsa bana baka ga dilo tsa gore di ka ba kwaletsa tso di makegang ho lefaseng la Sathane?’ (Diy. 22:3) O ka sa ro di kgona go ba tšhireletsa ga dilo ka mokana ga tsona tsa go ba ghula tso ba hlakanang natso. Tsone  di ka sa kgonege. Mara o ka ba gelepa o kene o ba lefisele pelo ka go ba tšhutisa gore mo ba gahlana le tsa go ba ghula, ba ka maka byang gore Lentsu la Modimo le ba yetetse. (Bala Diyema 2:1-6.) Mo re beyisa, mo nkare lešaga lago le kgeta go lesetsa go rapela Jehova, gelepa bana bago gore ba tšhute ga Lentsu la Modimo gore ke ntaba di le gabutši ka matla gore ba dule ba tshepega ga Jehova. (Pis. 31:23) Kela mo nkare go hlokofele lešaga, šupetsa bana bago ka mokgo ba ka berekisang Lentsu la Modimo gore le ba tiyise fote le ba gelepe gore ba bebe.—2 Makor. 1:3, 4; 2 Thim. 3:16.

8. Dotoronoma 6:6, 7 yi re king so Josefa le Mariya ne ba tshwanele go se maka?

⁸ Babelegi ba Jeso ba mo gelepiye gore le mo a šele a gudiye a yamogele ke Modimo ka taba la gore babelegi bone ba yye ba latelela tso Jehova ne a ba yetetsa ga tsona. (Bala Dotoronoma 6:6, 7.) Josefa le Mariya ke mo ba mo nyaka ka matla ga Jehova fote se segolo so ne ba se yetisa mahlong ke gore le bana ba bona ba mo nyake ka matla ga Jehova.

9. Ke dilo difeng tsa gabutši ka matla tso Josefa le Mariya ba kgetiyeng go di maka?

⁹ Josefa le Mariya ba kgetiye go dula ba berekela Jehova ggoši le ba mutši wa bona. A re kamake gore ke mo ba sa lofe megahlano ya beke ka beke sinagogeng ku Nazaretha le ga paseka ya mongwaga wo mongwana le wo mongwana ku Jerusalema. (Luk. 2:41; 4:16) Di ka makega gore ba berekisiye mayeto yane ya go ya Jerusalema gore ba thogo tšhutisa Jeso le banyanana bage ka tso di yyeng dya makegela batho ba Jehova, fote di ka makega gore mo ba kene ba le tseleng ba yye ba vakašela dipoleke tso ba kwileng Mangwalo ma bolabola ka tsona. Mo bana ba bangwana ba kene ba belegiwa, di ka makega gore ke mo di se lula ga Josefa le Mariya gore ba dule ba tshwaraganne ka tso tsa Modimo. Mara maphomela ya gona a ma hlayisege! Ka taba la gore ne ba yetisa go berekela Jehova mahlong, mutši wa bona ke mo wo pasopegiye ga tso tsa Modimo.

10. Babelegi bo go leng Makreste ba ka tšhuta ying ga Josefa le Mariya?

¹⁰ Babelegi ba gore ga Modimo ba mo nyaka ka matla ba ka tšhuta ying ga Josefa le Mariya? Sa go di phala ka moka ke gore o tšhutise bana bago ka tso o di bolabolang le ka tso o di makang gore nnete mo o re ga Jehova wa mo nyaka a o timakisi. Di nyaka o di bone gore selo sa go di phala ka moka so o ka ba neyang sona ke gore o ba gelepe gore ga Jehova ba mo nyake ka matla. Fote se segolo ka matla so di nyakang o ba tšhutisa sona ke  gore ba sa lesetse go tšhuta Baebele, go rapela, go ya megahlanong le go maka mmereko wa tšhomo. (1 Thim. 6:6) Nnete ke gore o tshwanele go ba neya tso ba di hlokang gore ba thogo phela. (1 Thim. 5:8) Mara o sa lebale gore so se ka gelepang bana bago gore ba thogo phona lefase la Sathane ke mokane ba kene ga lefase la Modimo la nyuwane, ke go ba le senghana sa thina le Jehova, go seng dilo tso ba nang natso tsa majabajaba. *—Hezek. 7:19; 1 Thim. 4:8.

11. (a) Tso di bolabolang ke Thimothi wa Mathomo 6:17-19 di nyoko gelepa babelegi ka mokgo mang gore ba segelele dipheto tsa gabutši mo ba gudisa bana ba bona? (b) Ke dilo difeng tsa gore a di nyake le di takisa maahlo ka mutšing wa lune, fote le ka tla la rufiwa ka mokgo mang? (Lebelela lebhokisi la gore “ O Nyoko Nyaka go Segelela Ying?”)

¹¹ Wa tšiba di tikisa pelo ka matla go bona babelegi bo go leng Makreste ba karakara ka matla go gelepa mitši ya bona gore yi tlalele ga tso tsa Modimo! A ba lesetse go dula ba berekela Modimo ggoši. Ba ya megahlanong ya phutego le megahlanong ye megolo. Fote ba tšhela letsogo ga mmereko wa go tšhomayela. Mitši ye mengwana yi bereka le tšhomo ya gore a yi ga go tlala yi berekiwa. Ba bangwana ba vakašela Bethele kela ba bereka ga tso tsa go yaga meyago ya gore yi berekisa ke mokgahlo wa Jehova. Mitši yo yi hlawolang go maka dilo tsone di nyaka yi tšhela letsogo sekhwameng yi sa tšhofe ke moth,o fote tsa go yi ghula le tsona di ka fo re gememe. Mara Modimo o nyoko ba rufa ba šala ba bafele. (Bala 1 Thimothi 6:17-19.) Ga go tlala bana bo ba gudisiwweng ga mitši ya mošaga wonone a ba lesetse mekgwa ya gabutši yo ba tšhutisiwweng yona fote a ba tisole le ka go nyana! *—Diy. 10:22.

12. Ke ntaba ne di nyaka gore Jeso a kgete dilo gabutši?

¹² Papa wa Jeso wa legedimong o dula a kgeta dilo tsa gabutši, le babelegi bage ba ho lefaseng ke mo ba sa phuki, dipheto tso ba di segelelang ke mo di šupetsa gore ba hlalefiye. Mara, mo Jeso a kene a gola, ke mo di nyaka gore a segelele dipheto ka boyenebeng. (Magal. 6:5) Le yene o lukulugiye gore a ka kgeta so a nyakang go se maka go fo tshwana le rune. Nke a f’lo tikgetela go yetisa mahlong tso di nyakang ke yene. Mara o yye a kgeta go gotetsa senghana sa gabutši le Jehova. (Joh. 8:29) Lekgono, bo ba sa golang ba ka mo yekisela ka mokgo mang?

13. King se segolo ka matla so Jeso a yyeng a kgeta go se maka go sa le ye monyana?

¹³ Jeso o tiputsiye go sa le ye monyana gore o nyoko theetsela babelegi bage. A sanka a tšhingha mo babelegi bage ba mo yetetsa, a fo phema ka gore yene o tšiba dilo go ba phala. Mara o yye “a ya mahlong a tinyanafatsiye ga bona.” (Luk. 2:51) A re kamake gore le mmereko wo Jeso ne ba mo neya wona ke mo a wo maka gabutši fote tsotsone ke mo di šupetsa gore ke yene ye mogolo wa gona. O yye a bereka di mmaba gore a tšhute tsa go tlala ga papage Josefa gore a thogo pasopa ba mutši wa gabo.

14. Re di tšibela kaye tsa gore Jeso ne a kwana ka matla le go bala Lentsu la Modimo?

 ¹⁴ Babelegi ba Jeso a sanka ba mo wutetsela taba ya gore o belegiwwe ka mohlolo le gore king so lengeloyi la Modimo le ba butsiyeng sona ka yene. (Luk. 2:8-19, 25-38) Di gona tso ne ba di botsa Jeso, mara le yene mong ke mo a tipalela Mangwalo. Re di tšibela kaye tsa gore Jeso ne a kwana ka matla le go bala Lentsu la Modimo? Mo go sa le mošomanyana, mathitšere ya ku Jerusalema “ke mo ma fo ya mahlong ma makatsa ke mokgwa wage wa go kwisisa dilo le diphetolo tsage.” (Luk. 2:46, 47) Fote mo Jeso a na le 12 ya mengwaga, ne a sa kamake gore Jehova ke Papage.—Luk. 2:42, 43, 49.

15. Jeso o šupetsiye ka mokgo mang gore o kgeta go maka tso di jabodisang Jehova?

¹⁵ Mo Jeso a šele a di tšiba gore Jehova o nyaka a maka ying, o kgetiye go maka tsotsone. (Joh. 6:38) Ke mo a di tšiba tsa gore o nyoko nyenya ke ba go tlala fote mo a nagana ka taba yone, o napiye a di bona gore a yi ya go kgana. Mara o yye a fo kgeta go theetsela Jehova. Mo Jeso a kolobetsiwa ka 29 C.E., se segolo so ne a tikemisele go se maka ke go maka tso Jehova a di nyakang. (Maheb. 10:5-7) Le mo Jeso a kene a kgwa ku phateng ya mohlupego, a sanka a šepisa ga taba ya go maka tso di jabodisang Papage.—Joh. 19:30.

16. King so bana ba ka se tšhutang ga Jeso?

¹⁶ Theetsela babelegi bago. Babelegi bago a baa felegelela, go fo tshwana le Josefa le Mariya. Mara Jehova o f’lo ba kgeta, a ba neya mmereko wa gore ba go pasope, ba go tšhutise ba boye ba go yetetse. Mo o ka fo tseyela gedimo tso ba go yetetsang ka tsona wa boya wa hlompa taba ya gore ke bona ba go lawolang, “di nyoko go sepelela gabutši.”—Maef. 6:1-4.

17. Jošuwa 24:15 yi re ke sepheto sefeng so bo ba sa golang ba ka se segelelang?

¹⁷ Kgeta gore o nyoko berekela mang. Di nyaka o di tšiba ka bowenemong gore Jehova ke wa mošaga mang, tso a nyakang go di segelela le gore o nyaka o make ying mo o kene phela. (Mrm. 12:2) Ka mokgonone, o ko thogo segelela sepheto sa gabutši ka matla sa go berekela Jehova. (Bala Jošuwa 24:15; Mmo. 12:1) Mo nkare o dula o bala le go tšhuta Baebele ka moka matšatši, ga Jehova o nyoko ya mahlong o mo nyaka ka matla fote tumelo yago gage yi nyoko fo ya yi hluhlutela.

18. Bo ba gore ba sa gola di nyaka ba segelela sepheto sefeng fote se nyoko ba leyela ying?

¹⁸ Tipotse gore tso Jehova a di nyakang o nyoko  yetisa tsona ka ku mahlong. Lefase la Sathane le re mo o le segele ga dilo tse dingwana o boya o di berekisa ka mokgo o nyakang, o nyoko jabola. Mara re di tšiba gabutši gore bo ba lelekisanang le dilo tsa majabajaba, ba tihlabanya “ka mokana ga gona ka dilo tsa go tlala tsa go baba.” (1 Thim. 6:9, 10) Mara mo o theetsela Jehova fote o tipotsa gore tso yene a di nyakang o nyoko yetisa tsona ka ku mahlong, o nyoko phomelela wa boya wa ‘šupetsa gore o hlalefiye.’—Još. 1:8.

19. King so di nyakang gore babelegi ba sa se lebale?

¹⁹ Lune babelegi, karakaraneng di le baba barena gore le thogo gelepa mitši ya lune gore yi berekele Jehova. Tshepelaneng gage, o nyoko le gelepa gore le thogo kgeta go maka dilo tsa go šupetsa gore le hlalefiye. (Diy. 3:5, 6) O sa lebale gore tso o di makang ke tsona tso di nyoko kutšetselang bana bago go phala tso o di bolabolang. Byalo segelela dipheto tsa gore di nyoko gelepa bana bago gore ba yamogele ke Jehova.

20. Bo ba sa golang ba nyoko rufiwa ka tsa mošaga mang mo ba kgeta go berekela Jehova?

²⁰ Lune ba gore le sa gola, babelegi ba lune ba ka le gelepa gore le kgete go maka dilo gabutši mo le kene le phela. Mara gore Modimo a le yamogele, di ga lune. Byalo, kopiselaneng ga Jeso fote le kgete go berekela Papa wa lune wa legedimong wa gore o le nyaka ka matla. Mo le ka maka ka mokgonone, le nyoko rufiwa ka matla la boya la jabolela lephelo. (1 Thim. 4:16) Fote ku mahlong, mojabolo wo nyoko fo tla wo pepulanne!