1. Re di tšibela kaye tsa gore mmereko wa go maka malata ke mmereko wa go phonisa batho?

MMEREKO wa go maka malata ke mmereko wa go phonisa batho! Re di tšibela kaye tsotsone? Nakwela Jeso a beya molawo ga Matewu 28:19, 20, o yitseri: “Ariyeneng, . . . le ye maka batho gore go be malata . . . , le ba kolobetseneng.” Go kolobetsiwa ke taba ye kgolo go segela kaye? Mo nkare wa di nyaka go phona, o ko kolobetsiwa. Ye a nyakang go kolobetsiwa di nyaka a dumele gore lephelo la go ya go yye re nyoko le kraya ka taba la gore Jeso o yye a re kgwela ke mokane ka nthago a tsusiwa. Petro wa lepostola o makiye ke tsotsone mo a šinya a botsa magagabo ya Makreste gore: ‘Go kolobetsiwa le gana byalo gwa le phonisa . . . ka taba la go tsusiwa ga Jeso Kreste.’ (1 Pet. 3:21) Byalo, mo lelata le kolobetsiwa, le tithulela lešuba la go phona.

2. Thimothi wa Bobedi 4:1, 2 yi re di nyaka re be mathitšere ya mošaga mang?

² Gore re thogo maka batho gore go be malata di nyaka re be “digele ga taba ya go tšhutisa.” (Bala 2 Thimothi 4:1, 2.) Ke ntaba? Ka taba la gore Jeso o yitseri: “Ariyeneng, . . . le ye maka batho gore go be malata. . . , le ba tšhutiseneng.” Pawulo wa lepostola o yitseri “tsika” ga mmereko wone, “mo o maka tsotsone o nyoko tiphonisa wa boya wa phonisa le bo ba go theetseleng.” Di napa di kwala ka matla mo Pawulo a bolabodiye gore: “Dula o tipasopa wene mong. . . le tso o di tšhutisang.” (1 Thim. 4:16) Mmereko wa go tšhutisa wo yelana ka matla le wa go maka batho gore go be malata, byalo di nyaka re be digele ga taba ya go tšhutisa.

3. Ga hlogotaba yowa, re nyoko bolabola ka ying ga taba ya go tšhutisa motho Baebele?

³ Nnete yo yi leng ka ho Baebeleng re yi tšhutisa dimiliyoni tsa batho lefaseng ka mokana ga lona. Mara hlogotaba ya go fela, yi makiye gore re nyake go tšiba ka mokgo re ka gelepang ba go tlala  ba bona gore ba feleletse go le malata ya Jeso Kreste ya gore ma kolobetsiwwe. Ga hlogotaba yowa, re nyoko bolabola ka kapheta (5) ya dilo tso ye mongwana le ye mongwana ye a tšhutisang Baebele di nyakang a di maka gore a thogo gelepa ye a tšhutisiwang Baebele gore a feleletse a kolobetsiwwe.

4. Ke ntaba di nyaka ye a tšhutisang Baebele a titshware mo a tšhutisa motho? (Lebelela le setwaba.)

⁴ Tso re di tšhutisang ka ho Baebeleng re kwana natso ka matla. Byalo, o ka kraya re šele re bolabolanya ka matla re sa kgwisi le mare. Mara, mo go le wene o gapang Sewokamelo sa go Tšhutisa, sekopa sela sa go Tšhuta Baebele re le Phutego kela o tšhutisa motho Baebele, a di nyake o bolabola ka matla. Gore ye a tšhutisang a thogo lesetsa Baebele gore yi tipolabolele, di nyaka a titshware fote a sa fo hlatolla dilo ka mokana ga tsona tso a di tšibang ka ho Baebeleng. * (Joh. 16:12) Nagana ka tso ne o di tšiba o soko bane o kolobetsiwa le tso o di tšibang gana byalo. Mo o sa thomisa, ke mo o kwisisa ka gonyana tso Baebele yi di tšhutisang. (Maheb. 6:1) Di go tsere mengwagangwaga gore o tšhute tso o di tšibang gana byalo, byalo motho yewa wa gore o sa thomisa go tšhuta, o sa mo phiphetsi ka dilo tsa go tlala.

5. (a) Mathesalonika wa Mathomo 2:13 yi re re nyaka ye re tšhutang naye Baebele a kwisisa ying mo a kene a tšhuta? (b) O ka hlohletsela ye o tšhutang naye Baebele ka mokgo mang gore a bolabole le ba bangwana ka tso a di tšhutang?

⁵ Re nyaka gore bo re tšhutang nabo Baebele ba di tšibe gore tso ba di tšhutang di tšwa ka Lentsung la Modimo. (Bala 1 Mathesalonika 2:13.) Re ka di maka byang tsotsone? Hlohletsela ye o tšhutang naye Baebele gore a botse ba bangwana ka tso a di tšhutang. Mo lesetse a go hlatollele so a se kwisisang ka Baebele, o sa fo dula o mmotsetsela. Mo gelepe gore a di bone ka mokgo Lentsu la Modimo le mmerekelang ka gona. Mmutsise diputsiso tso di ka go gelepang gore o thogo bona gore o nagana ying fote o tikwa byang ka mangwalo ya a ma balang. (Luk. 10:25-28) Mo re beyisa, mmutsise gore: “Lengwalo lowa le go gelepiye ka mokgo mang gore o thogo bona dilo tsa go bafala tso Jehova a tšibegang ka tsona?” “Nnete yowa yi leng ka ho Baebeleng yi ka go berekela byang?” “O tikwa byang ka so o sa tšwang go se tšhuta?” (Diy. 20:5) Gore ye o tšhutang naye Baebele o tšiba tsa go tlala go segela kaye di sa go hlupe mara hlupega ka gore o kwana natso go segela kaye le gore ayitsano wa di berekisa.

6. Ke ntaba di le gabutši gore o fele o ya le motšhomayedi wa gore ke botala a tšhutisa mo o ye tšhutisa ye o tšhutang naye Baebele?

⁶ Mo o ye tšhutisa ye o tšhutang naye Baebele, ayitsano o fela o ya le batšhomayedi ba gore ke botala ba tšhutisa? Mo nkare o maka ka  mokgonone, o ka ba kgopela gore ba pombhole ka mokgo o tšhutisang le gore ayitsano Baebele wa yi lesetsa gore yi tipolabolele. Di nyaka o tinyanafatsa mo nkare o nyaka go ba segele ga taba ya go tšhutisa. (Tshwanisa le Mebereko 18:24-26.) Ka nthago, butsisa motšhomayedi wa gore ke botala a tšhutisa gore ayitsano ye o tšhutang naye Baebele wa di kwisisa tso a di tšhutang. Mo o sa yye ga go ya, o ka kgopela motšhomayedi yenene gore a šale a tšhuta naye. Sosone se nyoko maka gore ye o tšhutang naye a ye mahlong a sa tludisi fote taba yowa ya go tšhuta o nyoko yi tseyela gedimo ka matla. O sa titshokanye o nagana gore motho ye o tšhutang naye Baebele ke motho wago fote o ko kgona ke wene o ntoši. So se šalang ke gore o mo nabelela tsa gabutši le gore a ye mahlong a hlohlotela ga tso tsa Modimo.

7. King so se ka gelepang ye a tšhutisiwang Baebele gore a jabolele tso a di tšhutang?

⁷ Di nyaka ye o tšhutang naye Baebele a di bone gore nnete yo yi leng ka Baebeleng wa yi jabolela fote wa yi tshepa. (1 Mathes. 1:5) Sosone se nyoko maka gore tso a di tšhutang a di jabolele. Mo nkare a go sinyegi selo, o ka mmotsa le ka mokgo di go berekeleng ka gona go phela ka ditšhiko tsa Baebele. Le yene o ko di bona gore Baebele yi ka mo yetetsa.

8. King se sengwana so o ka se makang sa gore se ka gelepa ye o tšhutang naye Baebele, fote ke ntaba o maka ka mokgonone?

⁸ Mo le kene le tšhuta Baebele, yanegela ye o tšhutang naye ka dintshitshire tsa nnete tso di yyeng dya tlela magageru tsa gore di yelana le tsage fote ba di hludiye. O ka tla le ye mongwana wa ka ho phutegong wa gore ye o tšhutang naye Baebele a ka tšhuta ga mošupetso wage. Kela o ka kraya meyanego ya go tikisa pelo ya gore yi krayega ga dihlogotaba tsa go lategetsana ga jw.org tsa gore “Baebele yi Tšhentšha Maphelo.” * Dihlogotaba le dividiyo tsa mošaga wonone di nyoko gelepa ye o tšhutang naye Baebele a thogo bona gore o ko ba a hlalefiye ka matla mo a berekisa ditšhiko tsa Baebele.

9. O ka hlohletsela byang ye o tšhutang naye gore a botse ba mutši wage le banghana bage tso a di tšhutang?

⁹ Mo nkare ye o tšhutang naye Baebele o šadhiye, ayitsano ye a šadhiyeng naye le yene wa tšhuta? Mo nkare aa tšhuti, mo memeneng. Hlohletsela ye o tšhutang naye gore a botse ba mutši wage le banghana bage tso a di tšhutang. (Joh. 1:40-45) Ka mokgo mang? O ka fo butsisa gore: “O ka ba hlatollela byang ba mutši wago nnete yowa?” kela “O ka berekisa lengwalo lefeng go šihlela taba yowa ga monghana wago?” Ka mokgonone, o ko ba o tšhutisa ye o tšhutang naye gore le yene a be thitšere. Mo a šele a di kwisisa  gabutši a ka thomisa go ba motšhomayedi wa gore aa soko kolobetsiwa. O ka mmutsisa gore a go na ye a mo tšibang wa gore a ka jabolela go tšhuta Baebele. Mo nkare o gona, napa o bolabola naye ke mokane o mo kgopele go tšhuta naye Baebele. Mo šupetse vidiyo ya gore Re Tšhutisa Baebele Byang? *

10. Mathesalonika wa Mathomo 2:7, 8 yi re bo ba go tšhutisa Baebele ba ka kopisela ga mošupetso wa Pawulo ka mokgo mang?

¹⁰ Bo ba tšhutisang Baebele di nyaka ba šupetse gore ba hlupega ka matla ka bo ba tšhutang nabo. Ba tseye gore ka motshwana go nyoko ba go le magageru. (Bala 1 Mathesalonika 2:7, 8.) A di lula gore ba lesetse go nghanelana le banghana ba bona ba botala ke mokane ba thomise go berekela Jehova. Di nyaka re ba gelepe gore ba kraye banghananghana ka ho phutegong. Nghanelana le ye o tšhutang naye Baebele, o fokatse naye, o sa fo bala naye Baebele ka moka nakwe. Go fowuna, go romela molayetsa kela go mo vakašela le mo go se letšatši la go tšhuta di šupetsa gore o hlupega ka matla ka yene.

11. King so re nyakang bo re tšhutang nabo Baebele ba se kraya ka ho phutegong, fote ke ntaba?

¹¹ Mo re bolabola re fela re re: “Ngwananyana a yi wa motho ka wweši.” Re ka hlaya le gore: “Gore motho a šinye a ba lelata, phutego ka mokana ga yona yi tšhediye letsogo.” Byalo mathitšere ya gabutši ma gelepa bo ma tšhutang nabo Baebele gore ba tšibane le ba bangwana ka ho phutegong ba gore ba ka ba gelepa gore ba mamarelane le Jehova. Ke mokane ba nyoko jabolela go nghanelana le magageru ya gore ma nyoko ba gelepa gore ba tlalele ga tso tsa Modimo le go tiyisela mo ba gahlana le tsa go ba ghula. Re nyaka gore ye mongwana le ye mongwana ye re tšhutang naye Baebele a tikwe go le wa ka ho phutegong fote re le ba mutši ka wweši ga tso tsa Modimo. Re nyaka gore ye re tšhutang naye a fo kwa a nabela go ba le magageru ya Makreste. Go nyoko ba lula gore a lesetse go nghanelana le batho ba gore a ba mo gelepe gore ga Jehova a mo nyake ka matla. (Diy. 13:20) Le mo banghana bage ba botala ba ka mmona nkare wa ba nkgela, o ko ba a di tšiba gore banghana ba mannete o ko ba kraya ka mokgahlong wa Jehova.—Mar. 10:29, 30; 1 Pet. 4:4.

12. Ke ntaba di nyaka re sa tinwisi ke go bolabola le ye re tšhutang naye Baebele ka taba ya gore di nyaka Makreste ma tineyela ma boya ma kolobetsiwa?

¹² O sa tinwisi ke go bolabola ka taba ya gore di nyaka Makreste ma tineyela ma boya ma kolobetsiwa. So re nyakang go se segelela ke gore re  gelepe ye re tšhutang naye Baebele gore a be lelata la gore le kolobetsiwwe. Dikgwedinyana tsa mathomo tsa mo a šele a thomisiye go bala, ka matlamatla mo a šele a thomisiye go tla megahlanong, ye re tšhutang naye di nyaka a di kwisise gore o tšhuta Baebele gore a be Hlatse ya Jehova.

13. King tso ye a tšhutisiwang Baebele di nyakang a di maka gore a feleletse a kolobetsiwa?

¹³ Ka gonyana ka gonyana, ye a tšhutisiwang Baebele a ka feleletsa a segelela sepheto sa gore o nyaka go kolobetsiwa! Sa mathomo, ye a tšhutisiwang Baebele o nyoko thomisa go tšiba Jehova le go mo nyaka ka matla a boya a tshepela gage. (Joh. 3:16; 17:3) O nyoko thomisa go nghanelana le Jehova a boya a mamarelana le magageru ka ho phutegong. (Maheb. 10:24, 25; Jak. 4:8) Mo go-ya-go-ya, ye a tšhutisiwang Baebele o lesetsa go maka tsa go befa fote wa tisola ga tsa go kekema tso a yyeng a di maka. (Meber. 3:19) Ka ho thoko, o ko ba a kene a tšhutisa ba bangwana nnete yo a yi dumelang. (2 Makor. 4:13) Ke mokane o tineyela ga Jehova, sosone a se šupetsa ka go kolobetsiwa. (1 Pet. 3:21; 4:2) Go ko ba go se mojabolo go se mojabolo! Mo a kene a garagara ka matla, o sa mo kone taba ya go mo thanaka le go mo hlohletsela gore a ye mahlong ga tso tsa Modimo a sa keketlele.

14. Thitšere yi ka pombhola byang gore ye a tšhutisiwang Baebele o ya mahlong ga tso tsa Modimo kela byang?

¹⁴ Di nyaka re lefisa pelo mo re nyaka go gelepa ye re tšhutang naye Baebele gore a feleletse a tineyela a boya a kolobetsiwa. Mara di nyaka re fela re pombhola gore nnete wa resa wa di nyaka go berekela Jehova Modimo. Ayitsano go na le so se šupetsang gore wa leketsa go theetsela melawo ya Jeso? Kela o fo nyaka go tšhuta tso di mo jabodisang ka ho Baebeleng?

15. King tso thitšere yi tshwaneleng yi di pombhole ga ye a tšhutisiwang Baebele mo a kene a ya mahlong ga tso tsa Modimo?

¹⁵ O sa lesetse go pombhola ye o tšhutang naye Baebele gore ayitsano o ya mahlong ga tso tsa Modimo. Mo re beyisa, ayitsano wa šupetsa gore o tikwa byang ka Jehova? Ayitsano wa mo rapela ga Jehova? (Pis. 116:1, 2) Ayitsano tsa go bala Baebele o kwana natso? (Pis. 119:97) Nje o dula a le gona megahlanong? (Pis. 22:22) Nje o tšhentšhiye maphelelo yage? (Pis. 119:112) Ayitsano o šele a thomisiye go botsa ba mutši wage le banghana bage ka tso a di tšhutang? (Pis. 9:1) Sa go di phala ka moka, ayitsano wa di nyaka go ba Hlatse ya Jehova? (Pis. 40:8) Mo nkare ye o tšhutang naye go fo ba tshu ga dilo tsowa, bolabodisana  naye gabutši ka taba yowa o leketse go kraya gore go tlemme kaye, mara o sa mo kgwasolanye. *

16. Ke mo go rorebeng mo di nyakang o lesetsa go tšhuta le motho Baebele?

¹⁶ O sa lesetse go pombhola gore ayitsano di gabutši gore o ye mahlong o kene o tšhutisa motho yene. Tiputsise gore: ‘Ayitsano ye o tšhutang naye Baebele aa lukiselele mo le tl’le baleng? Ayitsano di ya mo tshwatisa go tla megahlanong? Ayitsano o sa ngangarele mekgwa ya go sa loka? Ayitsano o sa kena kereke?’ Mo nkare o fetola a re eya, go fo ya mahlong o kene o tšhuta naye go ko tshwana le mo o tšhutisa motho go hlapela mara a sa nyake go koloba! Mo nkare ye o tšhutang naye Baebele aa leboge tso a di tšhutang fote a sa nyake go tšhentšha maphelelo, o ko ba o sa tihlupela ying mara mo o ya mahlong o kene tšhuta naye?

17. Thimothi wa Mathomo 4:16, yi re di nyaka ka mokana ga bona bo ba tšhutisang Baebele ba make ying?

¹⁷ Mmereko wo ba re neyyeng wa gore re make batho gore go be malata re wo tseyela gedimo ka matla fote re ya di nyaka go gelepa bo re tšhutang nabo gore ba feleletse ba kolobetsiwa. Nka taba lo re lesetsang Baebele gore yi tipolabolele fote re šupetsa gore tso re di tšhutisang re ya di jabolela fote re ya di tshepa. Re nyoko hlohletsela ye a tšhutisiwang Baebele gore a nghanelane le magageru ya ka phutegong. Fote re nyoko šihlela taba ya gore a feleletse a tineyela a boya a kolobetsiwa, re sa lesetse go pombhola mo a kene a ya mahlong ga tso tsa Modimo. (Lebelela lebhokisi ga lephephe 13 la gore “ Tso di Nyakang go Maka ke ye a Tšhutisang Baebele Gore ye a mo Tšhutisang a Thogo Kolobetsiwa.”) Di re jabodisa ka matla go tšhela letsogo ga mmereko wo wa go phonisa maphelo! Nkare re ka ganya dikobo gore re gelepe bo re tšhutang nabo Baebele gore ba feleletse ba kolobetsiwa.