1. Makorente wa Bobedi 3:1-3 yi re gelepa ka mokgo mang gore re thogo tseyela gedimo taba ya go tšhutisa batho Baebele gore ba šinye ba kolobetsiwe? (Lebelela sethombhe sa ka tawong.)

O FO re king mara mo o bona ye mongwana ga phutego ya lune a kolobetsiwa? Ka nnete o jabola la go sa hlayisege. (Mat. 28:19) Fote mo nkare ke wene ye ne o tšhutisa motho yene Baebele, o kwa nkare o ka tlogamela wa hlakela mo o mmona a kolobetsiwa! (1 Mathes. 2:19, 20) Bo ba gore a yi botala ba kolobetsiwwe ba tshwana le “mangwalo ya go thanakana,” ya gore ma thanaka bo ba tšhutiyeng nabo Baebele le phutego ka mokana ga yona.—Bala 2 Makorente 3:1-3.

2. (a) Ke putsiso yifeng ye kgolo ya gore di nyaka re nagane ka yona, fote ke ntaba? (b) Go tšhutisa Baebele king? (Lebelela setwaba.)

² Di jabodisa ka matla tsa gore mengwaga ka mene ya go fela, lefaseng ka mokana ga lona ne go na le gana hala ga 10 ya dimiliyoni tsa bo re ba tšhutisang Baebele * kgwedi ye nngwana le ye nngwana. Fote ga mengwaga yonone, go kolobetsiwwe batho ba go teya ka ku ga 280 000 mongwaga wo mongwana le wo mongwana gore ba šupetse go le bona Dihlatse tsa Jehova le malata ya nyuwane ya Jeso Kreste. Dimiliyoni tso di šeleng tso re tšhutang natso Baebele re ka di gelepa byang gore le tsona di thogo kolobetsiwa? Mo Jehova a sa na a lefisele batho pelo gore ba thogo ba malata ya Kreste, le rune re nyoko bereka re šwennye gore re thogo ba gelepa  gore ba yakgoswe ba kolobetsiwa. Phela a go sa na nako!—1 Makor. 7:29a; 1 Pet. 4:7.

3. Re nyoko bolabola ka ying ga hlogotaba yowa tsa go yelana le go tšhutisa motho Baebele?

³ Go šupetsa gore mmereko wowa wa go maka batho malata wo yakgoswiye, Mogoba wa go Lawola wo kgopele diofisi tsa makala gore di nyakolle tso di ka re gelepang gore re thogo tšhutisa ka mokgwa wa gore bo re tšhutang nabo Baebele ba feleletse ba kolobetsiwwe. Ga hlogotaba yowa le ya go latela, re nyoko bolabola ka dilo tso re nyoko di tšhutang ga ba gore ke botala go le mašupatsela, barumiwa le bapotulugi. * (Diy. 11:14; 15:22) Ba hlatolla tso batšhomayedi le bo ba tšhutang nabo Baebele ba ka di makang gore ba thogo tšhutisa gabutši. Ga hlogotaba yowa, re nyoko bolabola ka kaphetha (5) ya dilo tso ye a tšhutisiwang Baebele a ka di makang gore a thogo feleletsa a kolobetsiwwe.

4. King so re tshwaneleng re se tšibe ka go tšhutisa batho Baebele re yemme ho menyako ya dintlo tsa bona?

⁴ Magageru ya go tlala ma tšhutisa batho Baebele ma f’lo yema monyako wa ye ba balang naye. Go balela motho o le monyako a dya befa mo o sa thoma, mara di hlupa ka gore o ka sa kgone go mmotsa dilo tsa go tlala fote di ka makega gore o sa kgone go yema hone monyako beke ye nngwana le ye nngwana. Ba bangwana mo ba bona gore motho wa di jabolela, ba kgopela nombhoro yage ya fowunu gore ba thogo fela ba mo fowunela kela go mo romela molayetsa wa go sa lefa wa go tšwa ka ho Baebeleng. Mo ba ka fo ya mahlong ba maka ka mokgonone, dikgwedi di ka fo ya mahlong di takamela mara motho yene a sa thogathoge. Ayitsano ye a tšhutang Baebele a ka feleletsa a tineyele a boya a kolobetsiwa mo yene mong * a sa tipeyele nako ya go tšhuta Lentsu la Modimo? Di ka sa makege.

5. Luka 14:27-33 yi re Jeso o šihlele taba yifeng ya gore yi ka re gelepa ga mmereko wa rune wa go maka batho malata?

⁵ Jeso o yye a maka mošupetso wa go šupetsa tso di nyakegang gore motho a thogo ba lelata lage. O bolabodiye ka motho wa go nyaka go yaga ntlo le ka kgoši ya go nyaka go ya ntweng. Jeso o yitseri mo motho a nyaka go yaga ntlo, di nyaka “a thomise ka go dula fase ke mokane a balele gore yi nyoko mo nyaka bokaye,” gore a thogo fetsa moyago wone fote o hlayye gore di nyaka kgoši “yi thomise ka go dula fase ke mokane yi theetsele bo ba yi yeletsang,” gore yi thogo bona gore ayitsano masole ya yona ma ka di kgona go hlula ntweng. (Bala Luka 14:27-33.) Ka mokgonone, Jeso ne a di tšiba gore mo motho a nyaka go ba lelata lage di nyaka a thomise ka go lebelela  gabutši gore nje o ko di kgoneng. Ka taba lowa, di nyaka re hlohletsele bo re tšhutang nabo Baebele gore re thogo tšhuta beke ye nngwana le ye nngwana. Re ka di maka byang tsotsone?

6. King so di ka nyakang re se maka gore re thogo gelepa ye re tšhutang naye Baebele gore a tlalele ka matla ga tso tsa Modimo?

⁶ Thomisa ka go yeketsa nako yo le yi fetsang le tšhuta le yemme monyako. Nakwenngwana o ka tokegela ka Lengwalo le lengwana mo o kene o sa mo vakašela. Mo ye o mo vakašelang di sa mo hlupe tsa gore le bale nako ya go lefanyana, mmutsise gore a go na mo le ka dulang gona gore le thogo ya mahlong le bolabodisana. Ka mokgo a fetolang ka gona di nyoko šupetsa gabutši gore taba ya go tšhuta Baebele o yi tseyela gedimo go segela kaye. Mo go-ya-go-ya, gore ye o balang naye Baebele a thogo yakgoswa a kwisisa tsa go tlala, o ka mmutsisa gore nje a ka sa di jabolele gore le tšhute gabedi ka beke. Nnete ke gore a gwa yenela go tšhuta ga ggoši kela gabedi beke ye nngwana le ye nngwana.

7. Thitšhere yi ka maka ying gore yi thogo lukiselela gabutši tso yi nyoko di tšhutisang nako ye nngwana le ye nngwana?

⁷ Ka taba la gore ke wene thitšhere, di nyaka o lukiselele gabutši tso le nyoko di tšhutang nako ye nngwana le ye nngwana. O ka thomisa ka go bala tso le nyoko di tšhutang ggoši le go bala le mangwalo ya gona. Leketsa go kwisisa gore so o se balang se bolabola ka ying. Nagana ka hlogotaba ya setšhuto sone, dihlogotaba tse dinyana, diputsiso tsa go tšhutisa, mangwalo ya gore ma ngwadiwwe gore “bala,” dithombhe le dividiyo tse dingwana tsa gore di ka gelepa go hlatolla taba yone. Ke mokane o nagane ka ye o tšhutang naye Baebele le ka mokgo o ka mo hlatollelang ka gona gore a thogo kwisisa tso a di tšhutang a boye a di berekise.—Neh. 8:8; Diy. 15:28a.

8. Mantsu ya Pawulo wa lepostola ya ma leng ga Makolosi 1:9, 10 ma re tšhutisa ying ga taba ya go rapelela bo re tšhutang nabo Baebele?

⁸ Mo o kene o lukiselela, di nyaka o rapele Jehova o mmotse ka ye o tšhutang Baebele naye le ka tso a di gayelang. Kgopela Jehova gore a go gelepe o thogo tšhutisa Baebele ka mokgwa wa go tikisa pelo. (Bala Makolosi 1:9, 10.) Tiputsise gore nje go na le tso ye o tšhutang naye Baebele a ka sa di kwisising lula kela go di yamogela. O sa lebale gore so o nyakang go se segelela ke gore motho yene a feleletse a kolobetsiwwe.

9. Thitšere yi ka gelepa ye a tšhutisiwang Baebele go lukiselela ka mokgo mang? Hlatolla.

⁹ A re kamake gore mo re kene re ya mahlong re bala le ye re tšhutang naye Baebele re sa tludisi, le yene o nyoko jabolela tso Jehova le Jeso ba di makiyeng ke mokane sosone sa mo tšhofa gore a nabele go tšhuta tsa go tlala. (Mat. 5:3, 6) Di  nyaka ye a tšhutisiwang Baebele a tseyele gedimo tso a di tšhutang gore di thogo mmerekela. Gore o thogo mo gelepa gore a ka di makamaka byang tsotsone, mo hlatollele gore di gabutši ka matla gore a lukiselele ka moka nako tso le nyoko tlang le di tšhuta a boye a ghayele ka gore a ka di berekisa byang tsotsone a di tšhutiyeng. O ka mo gelepa byang gore a lukiselele? Lukiselela naye o mo šupetse gore di makamakiwa byang. * Hlatolla ka mokgo a ka krayang phetolo ya go korola ga diputsiso tsa go tigopotsa fote o mo šupetse ka mokgo di leng gabutši ka matla go thalela phetolo yage gore a thogo yi gopola. Ke mokane mo kgopele gore a fetole le ka mantsu yage. Mo o ka maka ka mokgonone, o ko thogo mmona gore o kwisisa taba yone go segela kaye. Fote go na le se sengwana so o ka hlohletselang ye o tšhutang naye Baebele gore a se make.

10. Ke ntaba di le gabutši ka matla go bala Baebele ka moka matšatši fote di nyaka o make ying gore o thogo kraya tsa go tlala mo o kene o bala Baebele?

¹⁰ Go tokegela ga tso a di tšhutisang ke thitšere yage beke ye nngwana le ye nngwana, ye a tšhutisiwang Baebele di ka mmerekela go tšhuta se sengwana ka boyenemong ka moka matšatši. Di nyaka a bolabole le Jehova. Ka mokgo mang? Ka go mo theetsela le ka go bolabola naye. A ka theetsela Modimo ka go bala Baebele ka moka matšatši. (Još. 1:8; Pis. 1:1-3) Mo šupetse ka mokgo a ka berekisang “Letheto la go Bala Baebele” lo le leng ga jw.org. * Gore o thogo mo gelepa gore a kraye tsa go tlala mo a kene a bala Baebele, mo hlohletsele gore a ghayele ka tso Baebele yi di tšhutisang ka Jehova le gore a ka berekisa tso a di tšhutang ka mokgo mang mo a kene a phela.—Meber. 17:11; Jak. 1:25.

11. Ye a tšhutisiwang Baebele a ka tšhuta go rapela gabutši ka mokgo mang fote ke ntaba di le gabutši ka matla gage gore a rapele Jehova gatleletlele?

¹¹ Hlohletsela ye o tšhutang naye Baebele gore a bolabole le Jehova ka go rapela ka moka matšatši. Rapela di go baba mo le thomisa go bala le mo le fetsa, o boye o tšhele ye o balang naye hone morapelong. Mo a kene a theetsele mo o rapela, le yene o nyoko tšhuta gore a ka rapela di tšwa pelong ka mokgo mang, a boye a rapele Jehova Modimo ka lebitso la Jeso Kreste. (Mat. 6:9; Joh. 15:16) O fo nagana ka mokgo go bala Baebele ka moka matšatši (go theetsela Jehova) le go rapela (go bolabola le Jehova) go ka gelepang ye o tšhutang naye Baebele gore a šutele thina ka matla le Modimo! (Jak. 4:8) Go tlalela ka matla ga tsotsone go ka gelepa ye o tšhutang naye Baebele gore a kwe di mo tšhofa gore a tineyele a boye a nyake go kolobetsiwa.

12. Thitšere yi ka mo gelepa byang ye a tšhutisiwang Baebele gore a be le senghana sa gabutši le Jehova?

¹² A di nyake re fo kwa pelo yi kgehlemele mo re bona gore ye re mo tšhutisang Baebele o jabodisa ke tso a di tšhutang, di nyaka re llele gore di mo tikise pelo. Ke ntaba? Re nyaka bo re tšhutang nabo Baebele ba tšhute ka Jehova fote tso ba di tšhutang di ba tikise dipelo ba boye ba di berekise. Jeso o tšhutisiye batho dilo tsa go tlala fote ne ba kwana le go tšhuta mo gage ka matla. Fote batho ne ba mo latelela ka taba la gore ne a ba tikisa dipelo. (Luk. 24:15, 27, 32) Di nyaka ye o tšhutang naye Baebele a tseye Jehova go le Motho wa mannete, wa gore a ka nghanelana naye fote a mo tseye go le Papage, Modimo wa bona le Monghana wa bona. (Pis. 25:4, 5) Mo le kene le tšhuta, maka gore ye o tšhutang naye Baebele a di bone gabutši dilo tsa go bafala tso Modimo a tšibegang ka tsona. (Ek. 34:5, 6; 1 Pet. 5:6, 7) Se sengwana le se sengwana so le se tšhutang, maka gore a di bone gore Jehova ke motho wa mošaga mang. Mo gelepe gore a thogo leboga mekgwa ya Jehova ya go bafala—ya go tshwana le gore o re nyaka ka matla, o na le pelo ye butši fote o kwelana go baba. Jeso o yitseri “selo se segologolo sa gore fote ke sa mathomo” ke gore “Jehova Modimo wago o mo nyake ka matla.” (Mat. 22:37, 38) Leketsa go gelepa ye o tšhutang naye Baebele gore a kwe a mo nyaka ka matla ga Modimo.

13. Re beyisele ka mokgo re ka gelepang ye re tšhutang naye Baebele gore a tšhute ka mekgwa ya Jehova ya go bafala.

¹³ Mo le kene le bolabodisana le ye o tšhutang naye Baebele, mo hlatollele gore ke ntaba wene o mo nyaka ka matla ga Jehova. Sosone se ka mo gelepa gore a di bone gore le yene di nyaka a nghanelane le Modimo. (Pis. 73:28) Mo re beyisa, ayitsano ga puku yo le yi tšhutang kela ka Baebeleng go na le mantsu ya gore ma tikisa pelo yago fote ma maka gore se sengwana ka Jehova se be lekgwaying—go tshwana le gore o re nyaka ka matla, o hlalefiye, o lukiye kela o na le matšhika? Hlatollela ye o tšhutang naye Baebele gore sosone ke se sengwana sa tso di makang gore ga Papa wa rune wa legedimong o mo nyake ka matla. Go na le selo se sengwana so ye mongwana le ye mongwana ye a tšhutisiwang Baebele di nyakang a se make gore a thogo feleletsa a kolobetsiwwe.

14. Maheberu 10:24, 25 yi re megahlano ya phutego yi ka gelepa ye re tšhutang naye Baebele ka mokgo mang gore a ye mahlong ga tso tsa Modimo?

¹⁴ Ka mokana ga rune re ya di nyaka gore bo re tšhutang nabo Baebele ba feleletse ba kolobetsiwa. Selo se segolo so re tshwaneleng go ba hlohletsela sona ke gore ba tle megahlanong ya phutego. Bo ba gore ke botala ba tšhutisa ba bangwana Baebele ba re ba di bonne gabutši gore  bo ba gore ba fo ya megahlanong di sa tloga, ba ya gola ka go yakgoswa ga tso tsa Modimo. (Pis. 111:1) Ba bangwana ba hlatollela bo ba tšhutang nabo Baebele gore ba nyoko kraya hafo ga tso ba di tšhutang ba le ggoši ke mokane hafo ye nngwana ba yi kraya megahlanong. Bala Maheberu 10:24, 25 le ye o tšhutang naye Baebele ke mokane o mo hlatollele gore di nyoko mmerekela ka mokgo mang mo a tla megahlanong. Mo kganele vidiyo ya gore Go Makega Ying ka Holong ya Mmušo? * Mo gelepe gore a tseye mogahlano wa beke ye nngwana le ye nngwana go le selo so a phelang ka sona.

15. Re ka maka byang gore re hlohletsele ye re tšhutang naye Baebele gore a sa tle megahlanong ka go thothela?

¹⁵ O ka maka byang mo nkare ye o tšhutang naye Baebele aa soko tla mogahlanong kela o tla ka go kašela? Mmotse ka so o se tšhutiyeng mogahlanong fote mo o kene o mmotsa, le wene o šupetse gore se go jabodisiye. Mo a bona ka mokgo o tikwang ka gona ka megahlano, a ka kwa a nabela go tla. Mo neye Sewokamelo kela Sepukwane sa Mogahlano wa Maphelelo le Matšhomayelelo tsa gore go kene go tšhutiwa tsona mogahlanong. Mo šupetse gore go tšhutiwa kaye ga megahlano ya go latela ke mokane o mmutsise gore ke taba yifeng yo a kwang yi mo jabodisa ka matla. Nnete ke gore tso ye o tšhutang naye Baebele a nyoko di bonang mo a sa thoma go tla mogahlanong di nyoko fapana kgole le tso a yyeng a di bona ga dikereke tso a di kenneng. (1 Makor. 14:24, 25) O nyoko gahlana le ba bangwana ba gore ba maka dilo gabutši fote a ka kopisela ga bona ke mokane ba mo gelepa gore a feleletse a kolobetsiwa.

16. Di nyaka o make ying gore o thogo tšhutisa motho gore a feleletse a kolobetsiwa, fote ga hlogotaba ya go latela re nyoko tšhuta ying?

¹⁶ Re ka tšhutisa batho Baebele ka mokgo mang gore ba feleletse ba kolobetsiwa? Re ka gelepa ye mongwana le ye mongwana ga bo re tšhutang nabo Baebele gore a tseyele hlogong tso a di tšhutang, le go mo hlohletsela go tšhuta beke ye nngwana le ye nngwana fote a lukiselele se sengwana le se sengwana so se nyoko tšhutiwang. Fote re nyaka go hlohletsela ye re tšhutang naye Baebele gore a bolabole le Jehova ka moka matšatši le gore a be le senghana sa gabutši naye. Re nyaka go mo gelepa gore a tle megahlanong. (Lebelela lebhokisi ga lephephe 12 la gore “ Tso di Nyakang go Maka ke ye a Tšhutisiwang Baebele Gore a Thogo Kolobetsiwa.”) Mara, hlogotaba ya go latela yi nyoko hlatolla kapheta (5) ya dilo tso bo ba tšhutisang Baebele ba ka di makang gore ba thogo gelepa bo ba tšhutang nabo gore ba feleletse ba kolobetsiwa.