1. Anthe king so se dhunghanyang batho ba go tlala?

GO NA le dikereke tsa go tlala tso ba reng ke tsa Makreste tsa go tipotsa gore di rapela Modimo ka mokgwa wa gore wa wo yamogela. A di makatse mo batho ba go tlala di ba dhungha! Ba butsisa gore, “Ayitsano kereke ya mannete nka yyoši, kela ka mokana ga tsona Modimo wa di yamogela?” Ayitsano a re kamake gore tso re di tšhutisang ke nnete fote mokgwa wa Dihlatse tsa Jehova wa go rapela ke wona wo le ntoši wo Jehova a wo yamogelang? Ayitsano re ka napa re reyane? Tla re boneneng tso di re yatlalelang taba yone.

2. Mathesalonika wa Mathomo 1:5 yi re ke ntaba Pawulo ne a sa kamake nnete?

² Pawulo wa lepostola ke mo a sa yi kamake nnete. (Bala 1 Mathesalonika 1:5.) Go sa kamake gage ne yi se taba ya go fo tseyega nje. Phela Pawulo ne a tšhuta Lentsu la Modimo a sa kgane. Ke mo a tshepa gore “Mangwalo ka mokana ga wona ma hlohletsele ke Modimo.” (2 Thim. 3:16) Tso ne a di tšhuta di mo wunyullele ying? Ka mo Mangwalong, Pawulo o krayye nnete ya gore o ka sa ro yi phigisa ya gore Jeso ke Mesiya ye ne a tshepisiwwe, go leng mong taba yo ba go yeta mahlong ba sedumedi sa Majuda ba kgetiyeng go yi takisa maahlo. Bo ba sedumedi ba go timakisanya ba maka nkare ba berekisana le Modimo mara tso ba di makang a di yelane naye. (Tito 1:16) Mara Pawulo ke mo a sa tshwane nabo ka taba la gore ne a sa tobolle tso a nyakang go di tshepa ka Lentsung la Modimo. Ke mo a tikemisele go tšhutisa le go maka “tso Modimo a di nyakang.”—Meber. 20:27.

3. Gore re sa kamake gore re krayye nnete, ayitsano di nyaka re kgone go fetola diputsiso ka mokana ga tsona tso re nang natso? (Lebelela lebhokisi la gore “ Tso Jehova a di Makiyeng le Tso a di Naganang—‘Di Tlele ka Matla Fote a di Hlayisege.’”)

 ³ Ba bangwana ba tseya gore sedumedi sa mannete se tshwanele se kgone go fetola diputsiso ka mokana ga tsona, ba ra le mong diputsiso tsa gore Bhayibele a yi nape yi thuletsa ga tsona. Nje di ya kwagala tsotsone? Lebelela mošupetso wa Pawulo. O hlohletsele bo a rapelang nabo a re, “ le nyakolleneng gore dilo ka mokana ga tsona ke nnete,” mara a boya a sa ganetsi taba ya gore aa tšibi dilo ka mokana ga tsona. (1 Mathes. 5:21) O ngwadiye gore, “A re tšibi dilo ka moka,” a boya a re, “a re bone gabutši, nkare re lebelele ga seboki sa tshipi.” (1 Makor. 13:9, 12) Pawulo ne a sa kwisisi dilo ka moka; le rune go fo ba ka mokgonone. Mara Pawulo ne a tšiba tsa go tlalanyana ka Jehova. Tsotsone ke tsona tso di makiyeng gore a sa kamake gore o krayye nnete!

4. Re ka maka byang gore re sa kamake gore re krayye nnete fote king so re nyoko se tšhutang ka Makreste ya mannete?

⁴ So se napang se maka gore re sa kamake gore re krayye nnete ke go lebelela mokgwa wa Jeso wa go rapela le tso di makang ke Dihlatse tsa Jehova lekgono. Ga hlogotaba yowa, re nyoko bona gore Makreste ya mannete (1) a ma rapele medimo ya dithombhe, (2) ma hlompa lebitso la Jehova, (3) ma kwana le nnete, fote (4) ma nyakanana tsa mannete.

5. Re tšhuta ying ga Jeso ga taba ya go rapela Modimo ka mokgwa wa gabutši, fote rune re ka di berekisa byang tso re di tšhutang?

⁵ Jeso ne a nyaka Jehova ka matla nka taba lo a yyeng a rapela yene a le ntoši nakwela a le ku legedimong le mo a le ho lefaseng. (Luk. 4:8) O tšhutisiye malata yage gore ma make ka mokgonone. Jeso le malata yage ya go  tshepega a sanka ba berekisa dithombhe mo ba rapela. Ka taba la gore Modimo aa bonale, a go na so motho a ka se makang sa gore a ka se tshwanisa le Jehova! (Jes. 46:5) Byalo re re king ka taba ya go maka dithombhe tsa batho ba gore ba ba tseya go le ba go hlawolega re boya re di rapela? Selo sa bobedi ga Lesome la Melawo yo Jehova a yi hlayyeng, o yitseri: “Le sa timakele dithombhe kela selo se sengwana le se sengwana le tshwanisa ka selo sa magedimong kela sa ho lefaseng . . . Le sa tsoge le yi kgotamele.” (Ek. 20:4, 5) Mantsu yawa a go na mo ma tlonyang motho, ka matlaatla bo ba nyakang go jabodisa Modimo.

6. Ke mokgwa wofeng wa go rapela wo Dihlatse tsa Jehova di wo kopiselang lekgono?

⁶ Bo ba tšibang dilo tsa ku botala a ba phigisi taba ya gore Makreste ya ku botala ke mo ma tineyele ga Modimo a le ntoši. Mo re beyisa, puku ya History of the Christian Church yi re Makreste ya ku botala ne ma “nyoko yemisa pelo” ke taba ya gore ga dipoleke tso ba rapelang ga tsona go šele go berekisiwa dithombhe. Dihlatse tsa Jehova lekgono di kopisela mokgwa wo ne wo berekisa ke Makreste ya ku botala. A re rapele dithombhe “tsa batho ba gore ba ba tseya go le ba go hlawolega” kela mangeloyi; fote a re rapele Jeso. Fote le dilo tso setšhaba se di tseyelang gedimo, a re di rapele. Le mo go ka teya leduma la mošaga mang, re tikemisele go theetsela mantsu ya Jeso ya gore: “Ke Jehova Modimo wago ye o tshwaneleng go mo rapela.”—Mat. 4:10.

7. King so se šupetsang gore Dihlatse tsa Jehova di fapana kgole le dikereke tse dingwana?

⁷ Batho ba go tlala lekgono ba jabodisa ke ba go yeta mahlong ba dikereke ba go tšibega ka matla. Ka mokgo ba ba tseyelang gedimo ka matla, yi ba nkare ke medimo ya bona. Batho ba f’lo re mbho dikerekeng tsa bona, ba reka dipuku tsa bona fote ba kgotolela meneyelo ka masaka gore ba thege tso bo ba ba yetang mahlong ba di nyakang. Batho ba bangwana ba tshepa ka moka tso ba ba botsang tsona. Di fo šupetsa gore le mo Jeso a ka fo talakanya ba ka sa ro mo lebelela! Mara ga bo ba rapelang Jehova tsa mannete, a go na baruti. Re ya ba hlompa bo ba yetang mahlong mara re theetsela tso Jeso a di tšhutisang tsa gore: “Lune ka mokana ga lune ke lune bobhuti.” (Mat. 23:8-10) A go na ye re mo tseyelang gedimo nkare ke modimonyana wa rune, go ka ba ba go yeta mahlong ba dikereke kela ba dipolotiki. A re tšhele letsogo ga tso ba nyakang go di maka. Fote a re kenakene felo ga dilo tsa lefase. Byalo, mo di tla ga ditaba tsa mošaga wonone, a di re tšebisi go fapana le bo ba tipitsang gore ke bona Makreste.—Joh. 18:36.

8. Re di tšiba byang tsa gore Jehova o nyaka gore lebitso lage le gadimisiwe fote le tšibege ga batho ka mokana ga bona?

⁸ Ka nakwenngwana, Jeso o yye a rapela a re: “Papa, gadimisa lebitso lago.” Jehova a fetola ka lentsu la nkare ke leduma la go tšwa legedimong, a tshepisa gore o nyoko legadimisa lebitso lage. (Joh. 12:28) Mo Jeso a kene a maka mmereko wage wa go tšhomayela, o yye a gadimisa lebitso la Papage. (Joh. 17:26) Byalo, a di makatse mo Makreste ya mannete ma sa tšebisi ke go berekisa lebitso la Modimo fote ma gelepa ba bangwana gore ba le tšibe.

9. Makreste ya ku botala ma šupetsiye byang gore lebitso lo la Modimo maa le hlompa?

⁹ Ka dinako tsa ku botala, ka nthagonyana ga mo go šele go na le phutego ya Sekreste, Jehova o yye “a hlawola batho bo ba yemelang lebitso lage ku ditšhabeng.” (Meber. 15:14) Makreste yane ya ku botala ke mo ma sa tšebisi ke go berekisa lebitso la Modimo fote ma maka gore ba bangwana ba le tšibe. Lebitso  lowa la go hlawolega ma le berekisiye ka matla mo ma tšhomayela le mo ma ngwala dipuku tsa Bhayibele. * Ma tišupetsiye gore lebitso lowa la Modimo a ba ro ma mamaretsa, le ro ma tshwanela.—Meber. 2:14, 21.

10. King so se šupetsang gore Dihlatse tsa Jehova ke tsona tso di tshwanelang ke lebitso lo la Jehova?

¹⁰ Ayitsano Dihlatse tsa Jehova ke tsona tso di tshwanelang ke lebitso la Jehova? Lebelela tso di šihlelang taba yone. Lekgono, ba go tlala bo ba yetang dikereke mahlong ba liketsiye ka matla go kogela taba ya gore Modimo o na le lebitso. Ba ntshiye lebitso lone mo ba hlatolla Dibhayibele tsa bona ba boya ba rakela gore lebitso lone le sa berekisiwi dikerekeng tsa bona. * Ayitsano go na le ye a ka phigisang taba ya gore Dihlatse tsa Jehova ke tsona di le ntoši tso di tseyelang lebitso la Jehova gedimo di boya di le hlompa? Phela ke rune bo re makang gore lebitso la Modimo le tšibege go phala dikereke tse dingwana! Ga taba yowa, re wa re tsoga gore maphelelo ya rune ma tshwanele lebitso lo la rune la Dihlatse tsa Jehova. (Jes. 43:10-12) Re gatisiye Dibhayibele tsa go teya ka ku ga 240 ya dimiliyoni tsa New World Translation of the Holy Scriptures, tsa gore di busetsiye lebitso la Jehova gana hala ba bangwana ba go hlatolla Bhayibele ba le tlusiyeng. Fote re maka dikgatiso tsa go bolabola ka Bhayibele tsa gore di sabalatsa lebitso la Jehova ka mebolabolo ya go teya ka ku ga 1 000!

11. Makreste ya ku botala ma šupetsiye byang gore ma kwana le nnete?

¹¹ Jeso ke mo a kwana le nnete, go leng nnete ka Modimo le tso a tikemiseleng go di maka. Maphelelo ya Jeso ke mo ma yelana le nnete yone fote o makiye gore ba bangwana ba yi tšibe. (Joh. 18:37) Malata ya Jeso ya mannete, le wona ne ma kwana ka matla le nnete. (Joh. 4:23, 24) Gabutšibutši, Petro wa lepostola o yitseri sedumedi sa Sekreste ke “nnete ya Modimo.” (2 Pet. 2:2) Ka taba la gore Makreste ya ku botala ne ma kwana le nnete ka matla, ma yye ma phagela ku kgole dilo tso ba dikereke ba di makang, ditšo le dilo tso batho ba tinaganelang tsa gore a di sipidisane le nnete. (Makol. 2:8) Le lekgono lowa, Makreste ya mannete ma sa na ma liketsa go ‘ya mahlong ma ngangarele nnete’ ka go karakara ka matla gore maphelelo ya wona le tso ma di dumelang di yelane le Lentsu la Jehova.—3 Joh. 3, 4.

12. King so bo ba yetang mahlong ba se makang mo ba bona gore di nyaka re tšhentšha ka mokgo re kwisisang nnete, fote ke ntaba ba maka ka mokgonone?

¹² Batho ba Modimo lekgono a ba make nkare ba tšiba nnete ka mokana ga yona. Ka dinako tse dingwana, ba yye ba kekemisa ga tso ba di tšhutisang le ka mokgo ba yetetsang mokgahlo. Tsotsone a di re makatse. Mangwalo ma di beyye lekgwaying gore re nyoko ya mahlong re tšiba nnete gabutši. (Makol. 1:9, 10) Jehova o nyaretsa nnete yowa ka gonyana ka gonyana fote di nyaka re lefise pelo mo nnete yowa yi kene yi khanya ka matla. (Diy. 4:18) Mo bo ba go yeta mahlong ba bona gore di nyaka ba yedisa ka mokgo re kwisisang nnete, a ba jikajiki ba ya mahlong ba potolla. Mo bo ba go yeta dikereke mahlong ba tšhentšha dilo, ba makela go jabodisa ba phutego ya bona kela go timakela senghana le lefase mara mokgahlo wa Jehova wo tšhentšha dilo gore wo šutetse batho thina le Modimo le go latelela mokgwa wa go rapela wo Jeso a wo thomisiyeng. (Jak. 4:4) A re tšhentšhi dilo re lebelele gore ke tsa matšatši yawa kela batho ba kwana natso ka matla, mara re tšhentšha go le ka taba ya gore re kwisisa Mangwalo gabutši. Re kwana le nnete!—1 Mathes. 2:3, 4.

13. Ke mokgwa wofeng wa gabutši wo Makreste ya mannete ma wo šupetsang fote Dihlatse tsa Jehova di wo šupetsa byang lekgono?

¹³ Phutego ya Makreste ya ku botala ne yi tšibega ka mekgwa ya gabutši mara go nyakanana ke mo go le sona selo se segolo. Jeso o yitseri: “Batho ba ko di tšibeng gore le malata yaka—mo le nyakanana.” (Joh. 13:34, 35) Lekgono, Dihlatse tsa Jehova di jabodisa ke taba ya gore di ya kwana lefaseng ka mokana ga lona. Go fapana le mekgahlo ye mengwana, senghana sa rune a se yame ke gore wene o tšwa ga setšhaba sefeng, o wa mohlobo mang kela o dula kaye kaye. Taba ya gore re nyakanana tsa mannete re yi bona gabutši mo re le megahlanong, megahlanong ye megolonyana le ye megolo. Tsotsone di maka gore re sa kamake gore mokgwa wa rune wa go rapela ke wona wo Jehova a wo yamogelang.

14. Makolosi 3:12-14 yi re re ka šupetsa ka mokgo mang gore re nyakanana tsa mannete?

¹⁴ Mangwalo ma re hlohletsela gore re “nyakanane ka matla.” (1 Pet. 4:8) Mokgwa wo mongwana wo re šupetsang gore re ya nyakanana ke mo re tshwarelana fote re lefiselana pelo ka taba la gore a re ya yenela. Re dula re ramele mo go thulega lešuba la gore re šupetse gore a re konane fote re yamogela ka mokana ga bona bo ba leng ka phutegong le bo ba gore ba re gatiye dikhonse. (Bala Makolosi 3:12-14.) Mo re nyakanana ka mokgonone, re šupetsa gore re Makreste ya mannete.

15. Ke ga dilo difeng tse dingwana tso re šupetsang gore re latelela mokgwa wa go rapela wa Makreste ya ku botala?

¹⁵ Go na le tse dingwana tso di šupetsang gore re latelela mokgwa wa go rapela wa phutego ya Sekreste ya ku botala. Mo re beyisa, ga mokgahlo wa rune re na le bapotulugi, bagolo le malata ya ka ho phutegong—go fo tshwana le ka mokgo malata ya ku botala ne ma maka ka gona. (Mafil. 1:1; Tito 1:5) Re tseya dilo go tshwana le Makreste ya ku botala ga taba ya go maka tsa mapaying le mošadho, go tseya madi go le ya go hlawolega le taba ya go tikemisela go tšhireletsa phutego ga batho ba go sinya ba gore ba gana go sokologa.—Meber. 15:28, 29; 1 Makor. 5:11-13; 6:9, 10; Maheb. 13:4.

16. King so re se tšhutang ga Maefeso 4:4-6?

¹⁶ Jeso o hlayye gore ba go tlala ba nyoko maka nkare ke malata yage mara a yi ka mokana ga bona ba gore ba ko ba ba resa. (Mat. 7:21-23) Bhayibele yi pasopisiye botala gore ka dinako tsa mafelelo, batho ba go tlala ‘mo o ba lebelela o nyoko bona nkare ba berekela Modimo.’ (2 Thim. 3:1, 5) Le mo go le ka mokgonone, Bhayibele yi di beya di kwagala gore ke “tumelo ka yyoši” yo Modimo a yi yamogelang.—Bala Maefeso 4:4-6.

17. Ke bomang lekgono bo ba latelelang Jeso ba boya ba ngangarela tumelo ya mannete?

¹⁷ Ke bomang bo ba ngangareleng tumelo ya mannete lekgono? Re šele re bonne nnete ya taba. Re šele re wo bonne mokgwa wa go rapela wo Jeso a wo tšhutisiyeng wa gore fote Makreste ya ku botala ne ma wo latelela. Di fo ba lekgwaying—ke Dihlatse tsa Jehova. Ye lune, phela ke taba ye kgolo gore re batho ba Jehova fote re tšiba nnete ka yene le tso a nyakang go di maka! Koriyeneng mahlong re ngangarele nnete yowa fote re sa yi kamake le ka gonyana.