Mo nombhoro ya batho ba go tšhomayela yi yeketsega, ne di nyaka gore magageru ma kraye dikgatiso tsa go tlalanyana. Magageru ya Bethele ya ku Brooklyn ke mo ma maka dimakazini mara ke mo ma kene ba berekisa khampani ye nngwana gore yi ma phrinthele dipuku tsa go ba le dikwakwapi tsa go tiya. Ke mokane go yye gwa feta dikgwedinyana tsa go tlala khampani yone yi šitega go ba phrinthela dipuku tsa go yenela tso ba nyoko di berekisang ga mmereko wa go tšhomayela. Byalo, Mogageru Rutherford o yye a butsisa mogageru Robert Martin wa gore ne go le yene ye a yetang mahlong ga mmereko wa go maka dipuku, gore ayitsano di ka makega gore ba thomise go tiphrinthela dipuku tsa bona.

Mogageru Martin o yitseri, “yone ke taba ya go jabodisa ka matla, phela tsone di rela gore re nyoko bula fema ya rune ya go timakela dipuku.” Magageru ma yye ma hira poleke ku 18 Concord Street ku Brooklyn ke mokane ma kraya le tso ma nyoko di berekisang mo ma maka mmereko wone.

Mara a yi batho ka mokana ga bona bo ne ba jabolela taba ya gore magageru ma nyoko thomisa taba ya go tiphrinthela dipuku. Morene ne go tshwere yene ga khampani yo ne ba yi berekisa gore yi ba phrinthele dipuku, o yye a vakašela fema ya bona ya nyuwane. O yitseri: “Ke lune bowa le šele le na le fema ya lune ya go ba le mitšhini ya gabutši ka matla mara aa šiyo le ka wweši ho ga lune ye a tšibang go yi berekisa. Ke le neya kobodi ya dikgwedi fela, mitšhini yowa ka mokana ga yona le nyoko ba le šele le yi robannye.”

Mogageru Martin o hlayye gore, “Tso motho yene a di hlayyeng di bonala nkare wa resa mara o lebele taba ya gore rune re gelepa ke Jehova fote ke mo a kene a re gelepa ka nako yonone.” Ye lune, phela mogageru  Martin ke mo a resa. Ka nthagonyana, motšhini wa rune wa nyuwane ke mo wo šele wo maka 2 000 ya dipuku ka letšatši ka lloši.

Mo batho ba Jehova ba kene ba tiphrinthela dipuku tsa bona, ba yye ba thomisa le go berekisa mokgwa wa nyuwane wa go sabalatsa ditaba tsa go bafala—go leng go berekisa setiši sa rune. Ka Lesonto la February 26, 1922, go le ka sethewo Mogageru Rutherford  o yye a bolabola la mathomo ga setiši sa wayilisi. O beyye polabolo ya gore “Batho ba go Tlala ba Gore Gana Byalo Baa Phela ba ka sa Tsoge ba Kgwile” ga setiši sa wayilisi ya KOG ku Los Angeles, California, U.S.A.

Batho ba go teya gana hala ga bo 25 000 ne ba theetsele letheto lone. Ba bangwana ba yye ba romela mangwalo ya go leboga Mogageru Rutherford ka setiši sone. Lengwalo le lengwana ke mo le tšwa ga Willard Ashford wa go dula Santa Ana, California. O lebogiye Mogageru Rutherford ka polabolo yo a yi beyyeng ya gore ke mo “yi jabodisa fote yi tšhofa motho gore a nagane”. Fote o yeketsiye ka gore: “Ka mutšing wa geru go na le kararo ya batho ba gore a ba titsuse ba gore ne ba ka sa di kgone go tloga ho ntlong. Byalo, tsone di rela gore le mo yi le gore polabolo yowa ne o yi beya ga gore go thina ka matla le rune, ne re ka sa di kgone gore re tle re tl’le yi theetseleng. Mara setiši sowa se makiye gore di be lula ga rune go theetsela polabolo yowa.”

Ga mabeke ya go latela, go yye gwa ba matheto ya mangwana fote ga setiši sone. Mo mongwaga wa 1922 wo segela mafelelong, The Watch Tower yi hlayye gore, “batho ba go teya gana hala ga 300 000 ba krayye ditaba tsa go bafala gana hone wayilising.”

Ka taba la gore ne ba jabodisiye ke mangwalo ya go leboga ya gore batho ke mo ba ma ngwadiye, Bo ba go Tšhuta Bhayibele ba yye ba segelela sepheto sa gore ba yage setiši sa wayilisi ga poleke ya ku Staten Island, ya gore ke mo yi le thina le Bethele ya ku Brooklyn. Ga mengwaga ya go latela Bo ba go Tšhuta Bhayibele ke mo ba nyoko berekisa setiši sa WBBR, gore ba thogo sabalatsa molayetsa wa Mmušo ga dipoleke tsa go tlalanyana.

Sewokamelo sa June 15, 1922, se hlayye gore go nyoko ba le mogahlano wo mogolo ku Cedar Point, Ohio, go thomisa ka di 5 go segela ka di 13 tsa September 1922. Bo ba go Tšhuta Bhayibele ke mo ba jabodiye tsa nkare ke moka ke mokane ba rwalagana ba ya gona Cedar Point.

Ga polabolo yage ya mathomo, Mogageru Rutherford o butsiye bo ba tlileng hone mogahlanong gore: “A ke kamake le ka gonyana gore Morena o nyoko . . . rufa mogahlano wowa fote o nyoko maka gore di bone ke batho ba go tlala ho lefaseng.” Bo ne ba beya dipolabolo ga mogahlano wone wo mogolo ba hlohletsele magageru gatleletlele gore ma kene fase ma make mmereko wa go tšhomayela.

Ke mokane ka Labohlano la di 8 tsa September, batho ba go teya gana hala ga 8 000 ba gore ne ba tlile mogahlanong ba yye ba tlala ka holong ba yemele go kwa polabolo ya Mogageru Rutherford. Ke mo ba nabela nkare a ka ba hlatollela gore “ADV,” ya gore ke  mo ba yi ngwadiye ga dimemo tso ba ba neyyeng tsona yi rela ying. Mo ba kene ba dula fase ba go tlala ba bona ba yye ba bona llapi le legolo la gore ba le tantetsiye le le ka kgakala ga seralo. Arthur Claus wa gore ke mo a tšwa Tulsa, Oklahoma, U.S.A., ke mo a tikrayele ga go dula ga gore o nyoko thogo kwa dilo ka mokana ga tsona gabutši, ka taba la gore ku botala ne di si šiyo tso tsa go gudisa lentsu, ke mo di se lula go kwa dilo ka mokana ga tsona.

Ka taba la gore ne ba sa nyake go ba le selo so se ba šitisang, ye ke mo go le modulasetulo o hlayye gore ba go tla mo polabolo yi šele yi thomisiye ba ka sa ba dumelele ba kena ka holong mo Mogageru Rutherford a kene a beya polabolo. Ka 9:30 ya ka bošego, Mogageru Rutherford o thomisiye ka go hlaya mantsu yaa Jeso a ma hlayyeng ya gore ma nyarela ga Matewu 4:17 ya gore: “Mmušo wa magedimo wo šutele.” (King James Version) Mo a hlatolla ka mokgo batho ba nyoko krayang ditaba tso tsa Mmušo wa Modimo o yitseri: “Jeso o hlayye gore mo a šele a segele o nyoko yeta mahlong ga mmereko wa go buna batho bage go leng go kgobaketsela ka mokana ga bona bo ba kwanang le nnete le ba gore baa tshepega.”

Mogageru Claus, wa gore ke mo a duli ga holo ye kgolonyana ya gona, mo a gopola o yitseri: “Ke mo re theetsele gabutši re sa nyake go phuka ke selo.” Jikijiki a fo thomisa go sa sa tikwa gabutši ke mokane dya nyaka gore a tšwe hone holong. Arthur o tšwile hone holong a sa nyake, ka taba la gore ke mo a di tšiba tsa gore ba ka sa sa dumela a boya fote mo polabolo ya Mogageru Rutherford yi kene yi mahlong.

Ka nthago ga diminetsinyana a thomisa go tikwa a le kawone. Mo a hlatolla o re mo a šele a bakiye gana ku holong o yye a fo kwa ba teyela matsogo gedimo ka matla. Tsotsone dya maka gore a nape a kwa a jabola ka matla! Ke mokane a tipotsa gore o nyoko kwa ka mokana ga tsona tso ba di tšhutisang le mo di ka nyaka gore a kalame ka kgakala ga ntlo. Mogageru Claus, wa gore ke mo a sa gola, ke mo a na le 23 ya mengwaga ka nako yonone, o yye a maka polane ke mokane a kalama ka kgakala ga ntlo. Mafastere ya ka kgakala ga ntlo ke mo ma bulegiye, mo a kene a šutela ga wona ke mo a thogo “kwa polabolo gabutši.”

Mara Arthur ke mo a se ntoši. Banghana bage le bona ke mo ba kalamme ka kgakala ga ntlo. Ye mongwana wa bona ye ba reng ke Frank Johnson o yye a  tla gage a taboga a mmutsisa gore, “Ayitsano a wa tshwara thipa ye nyana ka sekhwameng sago?”

Ke mokane Arthur a re “Eya ke nayo.”

Frank a re “Anthe o re tšwela kaye ke botala re yi nyaka.” A re “Wa le bona llapi lo le legolo la gore ba le tantetsiye? Ba ngwadiye dilo ga lona ke mokane ba le tlemelele ho ga dipikiri tsowa. Byalo, wene mo theetsele gabutši ye wa go yahlula. * Mo o kwa a hlaya gore, ‘fote di nyaka le sabalatseneng, sabalatsaneng,’ wene o kupe kanne ya dithapo tsowa.”

Byalo, Arthur ke mo a litiye a tshwere thipa ka letsogong lage a na le banghana bage ba yemele go kwa mo Mogageru Rutherford a hlaya mantsu ya go šupetsa gore byalo ke nako ya gore ba tlemolle llapi lone. Ka go yakgoswa polabolo ya Mogageru Rutherford yi yye ya segela mo yi natefang gona. Mogageru Rutherford ke mo a jabodiye ka matla fote a bolabola ka matšato tsa nkare o ro yahlamela ke mokane a re: “Di nyaka le tshepega fote le be dihlatse tsa mannete tsa Morena. Ariyeneng mahlong le kene le karakara go segela mo go fela ka Bhabhilona. Sabalatsaneng molayetsa ka mokana ga gona. Di nyaka lefase le tšibe gore Jehova ke Modimo fote Jeso Kreste ke Kgoši ya magoši fote ke Morena wa marena. Lowa ke letšatši le legolo ka matla. Lebelelaneng, Kgoši ya lawola! Byalo, lune le na le mmereko wa gore le botse batho ka mokana ga bona ka taba yowa. Byalo, sabalatsaneng, sabalatsaneng, sabalatsaneng ka Kgoši le Mmušo wage!”

Arthur o hlayye gore yene le magageru yala ya mangwana, ba yye ba kupa dithapo tso ne di tshwere llapi lone ke mokane la napa le tantologa gabutši. Tso ne ba di ngwadiye ga llapi lone ne di yelana le dihlaka tsa “ADV” tsa gore: “Sabalatsa ka Kgoši le Mmušo wa Modimo.” Dihlaka tsa “ADV” ba di kupiye ga lentsu la sekgowa la gore le rela go ‘sabalatsa’ kela go ‘tšhomayela.

Mogahlano wo mogolo wa ku Cedar Point wo gelepiye magageru gore ma tshwaragane ka mmereko wo mogolo wa go tšhomayela ka Mmušo wa Modimo fote bo ne di ba tšhofa ba yye ba tšhela letsogo ka go tinyakela. Mošupatsela ye mongwana wa go tšwa ku Oklahoma, U.S.A., o ngwadiye gore, “Re yye ra tšhomayela ga poleke ya gore batho ba gona ba go tlala ke mo ba bereka mayining wa malahla fote ke mo ba tihlupegela ka matla.” O yitseri mo batho ba go tlala ba kwa molayetsa wo wo leng ga makazini wa Golden Age “ne ba fo thomisa ba lla.” Fote o yitseri, “Taba ya gore re thogo kgomoletsa batho ba mošaga wonone, yi re jabodisa ka matla.”

Bo ba go Tšhuta Bhayibele ke mo ba ma tseyela gedimo mantsu ya ma nyarelang ga Luka 10:2 ya gore ma re: “Mašemo ke ya magolo, mara go gayela dibereki.” Mo mongwaga wo segela mafelelong ba yye ba napa ba ganya dikobo ke mokane ba sabalatsa molayetsa wa Mmušo wa Modimo dipolekeng ka mokana ga tsona.