1. Ba go tlala lekgono ba tseya go hlalefa ga go tšwa ga Modimo ka mokgo mang? (Diyema 1:20, 21)

 GA DINAGA tsa go tlala, go tlwayelegiye go bona batšhomayedi ba Mmušo ba sipidisa dimakazini ga dipoleke tsa gore go feta batho ba go tlala. Ayitsano le wene o šele o wo berekisiye mokgwa wowa wa go jabodisa wa go tšhomayela? Mo nkare go ka mokgonone, a re kamake gore o yye wa nagana ka mantsu ya ma leng ga puku ya Diyema—ya gore go hlalefa go yahlamela batho gore ba thogo kwa mo ba ba yeletsa. (Bala Diyema 1:20, 21.) Bhayibele le dikgatiso tsa rune di bolabola ka “go hlalefa ga mannete”—go leng go hlalefa ga gore go tšwa ga Jehova. Go hlalefa ga mošaga wonone batho baa go hloka gore ba thogo kraya lephelo la go ya go yye. Di re jabodisa la go sa hlayisege mo ye mongwana a yamogela dikgatiso tsa rune. Mara a yi ka mokana ga bona ba gore baa di yamogela. Ba bangwana ba fo kwa di ba tshwatisa tso Bhayibele yi di hlayang. Ba bangwana mo ba re lebelela ba fo kutuga ka go tshega. Ba nagana gore Bhayibele yi šiye ke nako. Fote ba poyila tso Bhayibele yi di tšhutisang ga taba ya go titshwara, ba re bo ba yi theetselang a ba kwelane go baba, fote baa yahlulana. Le mo go le ka mokgonone, Jehova o fo ya mahlong a maka gore ye mongwana le ye mongwana a kraye go hlalefa ga gore go tšwa gage. O di maka ka mokgo mang tsotsone?

2. Go hlalefa ga mannete re ka go kraya kaye lekgono, mara batho ba go tlala ba kgeta go maka ying?

² Mokgwa wo mongwana wo Jehova a wo berekisang gore batho ba kraye go hlalefa ga mannete nka Lentsu lage go leng Bhayibele. Batho ba go tlala ba nayo puku yone. Byalo, re re king ka dikgatiso tsa rune tsa go bolabola ka Bhayibele? Re leboga Jehova re sa fetsi ka taba la gore le tsona di ya krayega ka mebolabolo wa go teya ka ku ga 1 000. Bo ba gore baa theetsela, go leng bo ba balang ba boya ba maka tso ba di tšhutang di nyoko ba berekela. Mara, ba go tlala  ba kgetiye go sa mo theetsele ga Jehova. Ba kwana le go titshepa ka matla kela go theetsela batho ba bangwana mo di nyaka ba segelele dipheto. Rune ba ka re tseya nkare ke rune ditšiya tsa ditoto, go le ka taba la gore re kgetiye go latelela so Bhayibele yi se hlayang. Hlogotaba yowa, yi nyoko re botsa gore ke ntaba batho ba titshwara ka mokgonone. Sa mathomo, tla re lebeleleneng gore go hlalefa ga gore go tšwa ga Jehova re ka go kraya ka mokgo mang.

3. King so re tshwaneleng re se make gore re thogo hlalefa tsa mannete?

³ Go hlalefa go ka rela go berekisa dilo tso re di tšibang gore re thogo segelela dipheto tsa gabutši. Mara, go hlalefa ga mannete go ka rela dilo tsa go tlala. Bhayibele yi re: “Go tšhaba Jehova ke selo sa mathomo sa go šupetsa go hlalefa fote go tšiba wa go Hlawolega ka Matla ke go kwisisa.” (Diy. 9:10) Byalo, mo re tshwanele re segelele sepheto se segolo, di nyaka re thomise re tšiba gore Jehova o yi tseya byang taba yone—le“go tšiba wa go Hlawolega ka Matla”—go leng ye re tshwaneleng go nagana ka yene re soko bane re segelela sepheto. Tsotsone re ka di kgona mo re ka bala Bhayibele le dikgatiso tsa rune. Mo re maka ka mokgonone, re ba re šupetsa go hlalefa ga mannete.—Diy. 2:5-7.

4. Ke ntaba re re Jehova ke yene a le ntoši ye a ka makang gore re hlalefe tsa mannete?

⁴ Go hlalefa ga mannete a go na mo re ka go krayang gona, mo go se ga Jehova. (Marom. 16:27) Ke ntaba re re go hlalefa go Tšwa gage? Sa mathomo, Jehova ke yene a makiyeng dilo ka mokana ga tsona, byalo o tšiba se sengwana le se sengwana so a se makiyeng. (Pis. 104:24) Sa bobedi, dilo ka mokana ga tsona tso Jehova a di makang di fo šupetsa gore o hlalefiye. (Marom. 11:33) Sa kararo, tso Jehova a re yetetsang ka tsona, di dula di berekela bo ba di berekisang. (Diy. 2:10-12) Mo nkare re nyaka go hlalefa tsa mannete, re tshwanele re dumelele nnete yi re yetetse mo re nyaka go segelela dipheto le mo re maka dilo tse dingwana.

5. Mo batho ba gana taba ya gore go hlalefa ga mannete go Tšwa ga Jehova, maphomela go ba mafeng?

⁵ Ba go tlala bo re gahlanang nabo tšhomong, a ba yi gane taba ya gore dilo tsa go bafala tsa hlago tso ba di bonang di ro makiwa mara ba dumela ga taba ya gore a go na ye a makiyeng dilo. Ba bangwana ba fo re ba dumela ga Modimo, mara ba tseya melawo ya go tšwa ka Bhayibeleng go le ya gore yi šiyye ke nako fote ba kgeta go maka tso bona ba di nyakang. Byalo di yye dya felela kaye? Ayitsano re ka re lefase lowa le kawone ka taba la gore batho ba lisetsiye go tshepela ga Modimo ke mokane ba maka tsa go tšiba ke bona? Ayitsano ba jabodiye tsa mannete kela ba na le tshepo ya tsa ku mahlong? Tso re di bonang di napa di maka gore re sa kamake taba yowa ya gore: “A go na gore motho a hlalefe kela go kwisisa dilo gabutši, ka taba la gore ba go gana go yetetsa ke Jehova a ba hlalefe.” (Diy. 21:30) Tsotsone di re tšhofa gore re dule re phophotela Jehova gore a re hlalefise tsa mannete! Sa go babisa pelo ke gore, ba go tlala a ba di make tsotsone. Ke ntaba mara?

6. Diyema 1:22-25, yi re ke bomang ba gore ba tithibisa ditsebe mo go hlalefa ga mannete go yahlamela?

⁶ Ba go tlala ba tithibisa ditsebe mo “go hlalefa ga mannete go gotla pateng.” Bhayibele yi re go na le kararo ya megoba ya batho ya gore yi ganana le taba ya go hlalefa, ke yowa: “ba go sa tšibi selo,” “ba go kwerana” le “diphokophoko.” (Bala Diyema 1:22-25.) Tla re lebeleleneng gore ke ntaba batho bone ba gana go hlalefa ga gore go tšwa ga Modimo, fote re lebelele gore rune re ka maka byang gore re sa tshwane nabo.

7. Ke ntaba ba bangwana ba kgeta go dula go le batho “ba go sa tšibi selo”?

⁷ Bo “ba go sa tšibi selo” ke ba gore ba tshepa selo se sengwana le se sengwana so ba se kwang  fote di lula gore ba keketlele. (Diy. 14:15) Ga go tlala batho ba mošaga wonone re gahlana nabo mo re le tšhomong. O fo nagana ka mokgo dimiliyone tsa batho di fukulang ke bo ba dikereke kela ba go yeta mahlong tsa dipolotiki. Ba bangwana di ba tapa matšhika mo ba di bona gore bobone ba gore ba ba yeta mahlong ke botala ba ba tshokanya. Mara bo ba bolabolang ka bona ga Diyema 1:22 ba kgetiye go ba ba go sa tšibi selo ka taba la gore ba fo bona nkare a go sinyege selo. (Jer. 5:31) Ba jabolela go maka tso bona ba di nyakang, fote a ba di nyake go tšhuta tso Bhayibele yi di hlayang kela go theetsela melawo ya yona. Ba go tlala ba tikwa go tshwana le mosadi ye mongwana wa gore ke mokereki ye mogolo wa ku Quebec, Canada, wa gore o butsiye hlatse ya gore ne yi mo vakašele gore, “Mo nkare moruti wa rune wa re tshokanya, byone ke bothatha byage, rune a re kene felo!” Re ya resa a re di nyake go yekisela batho ba mošaga wonone ba gore ba fo gana nnete ba kene ba yi lebelele!—Diy. 1:32; 27:12.

8. King so se ka go gelepang gore o thogo hlalefa?

⁸ Bhayibele yi re hlohletsela di kwala gore ke ntaba re sa tshwanela go ba ba go sa nyake go tšiba selo mara yi re di nyaka re “nagane go tshwana le batho ba gore ba butšwiye mabyokong.” (1 Makor. 14:20) Re ka di kgona go maka ka mokgonone mo re ka berekisa ditšhiko tsa Bhayibele mo re kene re phela. Ka gonyana ka gonyana re nyoko bona ka mokgo ditšhiko tsone di re gelepang gore re thogo hlula dintshitshire fote re segelele dipheto tsa gabutši. Di gabutši ka matla go nagana ka dipheto tso re šeleng re di segelele. Mo nkare ke botala o tšhuta Bhayibele fote o ya megahlanong, o ka tiputsisa gore, ke ntaba ke sa tineyele ga Jehova ke boya ke kolobetsiwa. Mo nkare o šele o kolobetsiwwe, ayitsano o kene o lokotša matšhomayelelo yago le matšhutiselo yago ga taba ya go tšhomayela ditaba tsa go bafala? Ayitsano dipheto tso o di segelelang di šupetsa gore o yetetsa ke ditšhiko tsa Bhayibele? Ayitsano o na le mekgwa ya go šupetsa gore ke wene Mokreste mo o berekisana le ba bangwana? Mo nkare o nyaka go potolla go gongwana o sa lebale tso Jehova a go gopotsang tsona tsa gore, ‘maka wa go sa tšibi selo gore a hlalefe.’—Pis. 19:7.

9. Bo “ba go kwerana” ba šupetsa ka mokgo mang gore ba ganana le go hlalefa?

⁹ Mogoba wa bobedi wa batho ba gore a ba na taba le go hlalefa ga gore go tšwa ga Modimo ke wa “ba go kwerana.” Ka dinako tse dingwana, re gahlana nabo batho ba mošaga wonone mo re le ga mmereko wa rune wa go tšhomayela. Ba kwana natso ka matla tsa go kwera batho ba bangwana. (Pis. 123:4) Bhayibele yi hlayye botala gore ka dinako tsa mafelelo go nyoko ba le ba go kwerana. (2 Pet. 3:3, 4) Go fo tshwana le bakgwenyana ba Llota wa go loka, batho ba bangwana lekgono a ba theetsele mo Modimo a ba pasopisa. (Gen. 19:14) Ba go tlala ba tshega bo ba phelang ka ditšhiko tsa Bhayibele. Bo ba go kwerana ba maka tsotsone ba tšhofa ke go nyaka “go maka tso bona ba di nyakang tsa go sa sipidisane le tsa Modimo.” (Juda 7, 17, 18) Ka mokgo Bhayibele yi hlatollang bo ba go kwerana, yi fo re kwatla le ka mokgo bo ba go kgeloga le bo ba go gana go yetetsa ke Jehova ba phelang ka gona!

10. Pisalema 1:1, yi re, re ka maka byang gore mokgwa wa ba go kwerana wo sa re kene?

¹⁰ Re ka titšhireletsa ka mokgo mang gore re sa tshilele ke mokgwa wa bo ba go kwerana? Mokgwa wo mongwana ke gore re sa nghanelane le batho ba gore ba fo kokola ka se sengwana le se sengwana. (Bala Pisalema 1:1.) Tsotsone di rela gore a re theetsele selo kela go bala selo sa go tšwa ga bo ba go kgeloga. Mo re sa pasopi, o ka kraya re kokola ka se sengwana le se sengwana kela re thomisa go sa sa tshepa Jehova ka tso a re yetetsang ka tsona a berekisa mokgahlo wage. Gore re thogo kganela kgole le mokgwa wa mošaga wonone, di nyaka re tiputsisa gore: ‘Ayitsano ke dulela go solasola mo ba re yetetsa ka tsa gore ke tsa nyuwane kela ba re hlatollela se sengwana? Ayitsano ke dulela go gonyolla tso bo ba yetang mahlong ba di kekemisang?’ Mo re ka yakgoswa re lahla  mekgwa ya mošaga wonone, re nyoko jabodisa Jehova la go sa hlayisege.—Diy. 3:34, 35.

11. Bo ba gore ke “diphokophoko” ba yi tseya ka mokgo mang melawo ya Jehova?

¹¹ Mogoba wa kararo wa batho ba go gana go hlalefa ke wa “diphokophoko.” Re ko re ke diphokophoko ka taba la gore ba gana go phela ka melawo ya Modimo. Ba maka tso bona ba di nyakang. (Diy. 12:15) Ba mošaga wonone ba gana Jehova wa gore go hlalefa go Tšwa gage. (Pis. 53:1) Mo re gahlana nabo ga mmereko wa rune wa go tšhomayela, ga go tlala baa re poyila ka taba la gore re hlompa melawo ya go tšwa ka Bhayibeleng. Mara a go na so ba ka re neyang sa gore se ka maka gore re jabolele lephelo. Bhayibele yi re: “Go hlalefa ga mannete a go segelele ke sephokophoko; a go na so a ka se hlayang gheyiting ya mutši.” (Diy. 24:7) Diphokophoko di ka sa go yeletse ka selo. Fote a di re makatse mo Jehova a re pasopisa gore re,“kganele kgole le sephokophoko”!—Diy. 14:7.

12. King so se ka re gelepang gore re sa nabele go tshwana le diphokophoko?

¹² Rune a re tshwane le bo ba gore a ba kwane le taba ya gore ba yetetse ke Modimo, mara re karakara ka matla gore re kwane le tso Modimo a kwanang natso le go phela ka melawo yage. Fote re ka tiyisa taba ya rune ya go mo nyaka ka matla ga Modimo ka go fo lebelela maphomela ya ba go theetsela le ba go sa theetsele. Lebelela gore ke mathatha ya mošaga mang yaa batho ba tileyelang wona ka taba la go fo ba le sekokonono kela bophokophoko bya go gana mo Jehova a ba yetetsa. Ke mokane o lebelele lago lephelo gore le kawone go segela kaye, ka taba la go theetsela Modimo.—Pis. 32:8, 10.

13. Ayitsano Jehova wa re gapeletsa gore re mo theetsele mo a re yetetsa?

¹³ Jehova o neya ye mongwana le ye mongwana go hlalefa, mara aa gapeletse motho mo a sa nyake go hlalefa. O boya a re yatlalela ditaba gabutši mo a re botsa gore maphomela go ba ya mošaga mang mo motho a sa nyake go theetsela melawo yage. (Diy. 1:29-32) Bo ba kgetang go sa theetsele Jehova “ba nyoko kraya patela ya tso ba di makang.” Mo goya-goya, maphelelo ya bona ma nyoko ba leyela tsa go baba le tsa go sasamela ke mokane mafelelong Jehova o nyoko fetsa ka bona. Mara bo ba theetselang tso Jehova a ba yetetsang ka tsona ba boya ba di maka ba ba tshepisa gore: “Ye a ntheetselang o nyoko dula a pasopegiye fote a ka sa tshose ke tsa go sasamela tsa gore di nyoko makega.”—Diy. 1:33.

14-15. King so re se tšhutang ga Diyema 4:23?

¹⁴ Mo re maka tso Modimo a re yetetsang ka tsona, di dula di re berekela. Re šele re petapetiye ka taba ya gore Jehova o maka gore di be lula gore re kraye tso a re yetetsang ka tsona. Mo re beyisa, ga puku ya Diyema o re yetetsa ka tsa gore mo re ka di berekisa, re ka sa tisole. Tla re lebeleleneng mešupetso ka mene ya tso a re yeletsang ka tsona.

¹⁵ Tšhireletsa pelo yago ya go fo tshwanisela. Bhayibele yi re: “Ga dilo ka mokana ga tsona tsa gore wa di tšhireletsa, ka matlamatla tšhireletsa pelo yago ka taba la gore ga yona ke mo go nang  le lephelo.” (Diy. 4:23) Nagana ka tso re tshwaneleng re di make gore re thogo tšhireletsa pelo ya rune ya mannete. Di nyaka re je tsa go ja tsa gore di yaga mmele, re jime fote re kganele kgole le mekgwa ya go befa. Le ga pelo ya go fo tshwanisela gore re thogo yi tšhireletsa, di nyaka re fo maka ka mokgonone. Re bala Lentsu la Modimo ka moka matšatši. Re ba gona megahlanong ya Sekreste, re ya lukiselela re boya re fetola mo re le ga yona. Re šupetsa gore re ya thogathoga mo re dula re ba gona tšhomong. Fote re ka kganela kgole le go ba le mekgwa ya go befa, mo re sa dumelele go kena ke tso di ka sinyang ka mokgo re naganang, tsa go tshwana le go tijabodisa ka tsa go sa hlamatsega le go nghanelana le batho ba go maka tsa go befa.

16. Ke ntaba re re Diyema 23:4, 5 ya re gelepa lekgono?

¹⁶ Kgotsofala ka so o nang naso. Bhayibele yi re yeletsa ka mokgo: “O sa nape o tisamela ka matla ga taba ya go nyaka go ghanya. . . . Mo o dula o go gorolele maahlo, o ka sa bone selo ka taba la gore go nyoko mela mafofa go tshwana le segotšane mo se pherera se ya ku legedimong.” (Diy. 23:4, 5) Di lula gore motho a lobe tšheleta kela tso a nang natso. Mara ka mokana ga bona ba go ghanya le ba go tihlupegela ba šekela ka matla ka taba ya go hlekeletsa tšheleta. Nka taba lo ga go tlala ba makang dilo tsa gore di ba sinya mabitso, di sinya senghana sa bona di boya di ba hlafisela lephelo. (Diy. 28:20;1 Thim. 6:9, 10) Mara, go hlalefa go re gelepa gore re tseye tšheleta gabutši. Fote tsotsone di re gelepa gore o sa kraye re šele re le batho go ba le dipawu, mara re kgotsofale re boye re jabolele so re nang naso.—Mmo. 7:12.

17. Re ka maka byang gore re be le “lleme la motho wa gore o hlalefiye,” lo ba bolabolang ka lona ga Diyema 12:18?

¹⁷ Thomisa ka go nagana o soko bolabola. Mo re ka sa pasope, mantsu ya rune go ka ba ya go thunuga. Bhayibele yi re: “Mo motho a bolabola a sa nagana, di tshwana le mo ba go hlaba ka segale mara lleme la motho wa gore o hlalefiye le ya yalafa.” (Diy. 12:18) Re ba re maka gore go bebe, mo re kganela kgole le taba ya go seba ka tso ba bangwana ba di kekemisiyeng. (Diy. 20:19) Mo re nyaka gore tso re di ntshang ka ho ganong go be tsa go kgomoletsa batho ba bangwana, go sa be tsa go ba thunuga, di nyaka re kikitele nnete ya Lentsu la Modimo ka dipelong tsa rune. (Luk. 6:45) Mo re ghayela ka tso Bhayibele yi di hlayang,  mantsu ya rune ma nyoko tshwana le ya ‘sediba sa gore go hlalefa go tšwa ga sona’ sa gore se kgomoletsa ba bangwana.—Diy. 18:4.

18. Mo re ka maka tso di leng ga Diyema 24:6, di ka re gelepa ka mokgo mang gore re phomelele tšhomong?

¹⁸ O sa gane mo ba go yetetsa. Bhayibele yi re yeletsa ka tsa gore re thogo phomelela mo yi re: “O nyoko lwa ntwa o yetetsa ke go hlalefa fote mo ba go yeletsana ba tlele maphomela ke ya gabutši.” (Diy. 24:6) Lebelela gore tšhiko yowa re ka yi berekisa ka mokgo mang gore re thogo phomelela ga mmereko wa rune wa go tšhomayela le wa go tšhutisa. Mara mmereko wa go tšhomayela a re wo make ka mokgo rune beng re nyakang, re liketsa go latelela so ba re botsang sona gore re wo make ka mokgo mang. Tso ba re yetetsang ka tsona re di kraya megahlanong ya rune ya Sekreste, ga gore re tšhuta mokgwa wa gabutši wa go tšhutisa ka Bhayibele ga ba bangwana. Go tokegela gana hone, mokgahlo wa Jehova wo re neya dikgatiso le dividiyo tsa gore di ka gelepa batho gore ba kwisise Bhayibele. Ayitsano o kene wa di berekisa dithulusi tsowa?

19. O tikwa byang ka tso Modimo a re yetetsang ka tsona? (Diyema 3:13-18)

¹⁹ Bala Diyema 3:13-18. Re di leboga re sa fetsi tso Lentsu la Modimo le re yetetsang ka tsona! Mola go se ka lona ne re nyoko ba ba ga mang mara? Ga hlogotaba yowa, re bonne mešupetso ya gabutši ya go yeletsa ya gore re yi kraya ga puku ya Diyema. Ke nnete gore Bhayibele ka mokana ga yona yi tlele ka mantsu ya gabutši ya go yeletsa ya gore ma tšwa ga Jehova. Byalo, tla re tikemiseleneng go dula re maka tso Jehova a re yeletsang ka tsona mo re kene re phela. Ba go tlala ba tseya go hlalefa ga gore go tšwa ga Modimo go se selo mara rune a re yi kamake taba ya gore, “bo ba ngangarelang go [hlalefa] ba nyoko re ba jabodiye.”