1. Ba ra ying mo ba re re ya di nyaka “go yetetsa ke Modimo” fote di yelana byang le taba ya go jabola?

 GO JABOLA tsa mannete a go rele tsa nakonyana mara go ka dula go le gona mo motho a kene a phela. Byang mara? Nakwela Jeso a tšhutisa a le ku thabeng o hlayye gore: “Go jabola bo ba nyakang go yetetsa ke Modimo.” (Mat. 5:3) Jeso ke mo a di tšiba gore batho ba nabela go tšiba le go rapela Jehova Modimo ye a ba makiyeng. Tsotsone di šupetsa gore batho baa di ‘nyaka go yetetsa ke Modimo.’ Ka taba la gore Jehova ke “Modimo wa gore o jabodiye,” le bo ba mo rapelang ba ka mo rapela ba jabodiye.—1 Thim. 1:11.

2-3. (a) Ga tso Jeso a di hlayyeng ke bomang ba gore ba ka jabola? (b) Re nyoko bolabola ka ying ga hlogotaba yowa, fote ke ntaba di nyaka re maka ka mokgonone?

² Ayitsano di nyaka gore motho a sa be le mathatha gore a thogo jabola? Dho. Nakwela Jeso a tšhutisa o hlayye taba ye nngwana ya go makatsa ka matla. “Bo ba llang”—go le ka taba la gore ba kwisa go baba ke tso ba di sinnyeng kela ka taba la gore ba gahlana le tsa go sasamela mo ba kene ba phela—le bona ba ka jabola. Jeso o hlayye ka mokgonone le ka “bo ba hlupegisiwang ka taba la gore ba lukiye” kela bo ba gore ba ba “kwera” ka taba la gore ke malata ya Kreste. (Mat. 5:4, 10, 11) Mara nje dya kgonega gore motho a jabole tsa mannete le mo a gahlana le mathatha ya mošaga wonowa?

³ Jeso o re tšhutisiye gore re ka jabola, mara sone a se rele gore re ka sa be le mathatha, re ka kgotsofatsa ke go yetetsa ke Modimo le senghana so re nang naso naye. (Jak. 4:8) Tsotsone re ka di  maka ka mokgo mang? Ga hlogotaba yowa, re nyoko bolabola ka kararo ya dilo tso di ka makang gore re jabole tsa mannete.

4. King selo sa mathomo so se ka re gelepang gore re jabole tsa mannete? (Pisalema 1:1-3)

⁴ SA MATHOMO: Gore re jabole tsa mannete, re tshwanele re bale re boye re tšhute Bhayibele. Ke batho fela ba gore ba ka kgona go tšhuta Lentsu la Modimo. Fote re phidisa ke lona. Nka taba lo Jeso a hlayyeng gore: “Motho a ka sa phele ka sekgwa fela, mara o nyoko phela le ka mantsu ya ma tšwang ga Jehova.” (Mat. 4:4) Byalo, di nyaka re karakare gore le sa nape le sobela re sa tšhuta Lentsu la Modimo go leng Bhayibele. Mopisalema o di bone mo a šinya a hlaya gore: ‘Go jabola motho wa gore o jabodisa ke molawo wa Jehova, fote o bala molawo Wage ka lentsu la tlase motshegare le bošego.’—Bala Pisalema 1:1-3.

5-6. (a) King tso re ka di tšhutang ka Bhayibeleng? (b) Go bala Bhayibele go nyoko re gelepa ka mokgo mang?

⁵ Ka taba la gore Jehova o re nyaka ka matla ka ho Bhayibeleng o hlayye tso re ka di makang gore re thogo jabolela lephelo. Re tšhutiye gore ke ntaba a makiye gore batho ba phele ho lefaseng. Fote ra tšhuta le gore re ka maka senghana naye ka mokgo mang le tso re ka di makang gore a re tshwarele ga tso re di sinnyeng. Se sengwana so re se tšhutiyeng ke tso a re tshepisang tsona tsa gore di nyoko makega ku mahlong. (Jer. 29:11) Nnete yowa re yi krayang ka howa Bhayibeleng yi maka gore re jabole ka matla!

⁶ Re ya di tšiba tsa gore di tlele tso Bhayibele yi re wololang ka tsona mo re kene re phela, fote mo re berekisa tsotsone yi re wololang ka tsona re nyoko ro jabola tsa mannete. Mo re kwa nkare tsa lephelo dya re kgongwetsa di nyaka re yeketsa nako yo re yi berekisang go bala Lentsu la Jehova  re boye re ghayela ka lona. Jeso o yitseri: “Go jabola ba gore ba kwa lentsu la Modimo, ba maka tso le di hlayang!”—Luk. 11:28.

7. O ka maka ka mokgo mang gore nako yo o yi berekisang o bala Bhayibele yi go berekele?

⁷ Mo o bala Lentsu la Modimo tseya nako o ghayele ka tso o di balang. Lebelela mošupetso ke wowa, ayitsano di yye dya go makegela? O fo nagana motho ye mongwana a go yapegele tsa go ja tsa gore o kwana natso ka matla. Mara ka taba la gore o jagiye kela di tlele tso o naganang ka tsona, o fo kgwesa tsa go ja tsela o sa hlagunyi o boya o sa di kwe gore di ya ka kaye. Ka nthago ga mo o fetsiye go ja, wa di bona tsa gore o phanghiye mo o ja, byalo o nabela nkare nke o di jile o sa jaga gore o thogo kwa monate wa tsona. Nje di yye dya go makegela tsa gore mo o bala Bhayibele, o fo yakgoswa o wokola ka gedimo o sa di kwe tsa gore Jehova o go tšhutisa ying? O sa taboge mo o bala Lentsu la Modimo, maka nkare wa di bona tso o balang ka tsona, o kwe le mantsu ya batho bo o balang ka bona fote o ghayele ka tso o di balang. Mo o maka ka mokgonone o nyoko jabola ka matla.

8. “Lelata la go tshepega la gore fote le hlalefiye” le wo maka ka mokgo mang mmereko wa lona? (Lebelela setwaba.)

⁸ Jeso o kgetiye “lelata la go tshepega la gore fote le hlalefiye” gore le lukiselele tsa go ja tsa go tšwa ga Modimo ka nako ya gona, fote re tikwa re sa gayele selo ga tso tsa Modimo. * (Mat. 24:45) Lelata lo la go tshepega le lukiselela tsa go ja tsa go tšwa ga Modimo le berekisa Mangwalo ya gore ma hlohletsele ke yene (1 Mathes. 2:13) Fote tsa go ja tsowa tsa go tšwa ga Modimo di re gelepa gore re tšibe ka mokgo Jehova a naganang go leng tso a re wunyullelang tsona ka ho Bhayibeleng. Nka taba lo re balang di makazini tsa Sewokamelo le Hlahlama! re lebelela le di hlogotaba tso di leng ga jw.org. Re ya lukiselela mo re ya megahlanong ya phutego ya gare ga beke le ya ka Lesonto. Fote kgwedi ye nngwana le ye nngwana re lebelela letheto la setiši sa JW mo le le gona. Mo re kene re kraya tsa go ja tsa go tlala tsa go tšwa ga Modimo tsotsone di re gelepa gore re thogo maka selo sa bobedi sa gore re jabole tsa mannete.

9. Ke selo sefeng sa bobedi so se ka makang gore re jabole tsa mannete?

⁹ SA BOBEDI: Mo re nyaka go jabola tsa mannete, di nyaka re berekisa melawo ya Jehova mo re kene re phela. Mopisalema o ngwadiye gore: “Go jabola ye mongwana le ye mongwana ye a tšhabang Jehova, bo ba sepelang ditseleng Tsage.” (Pis. 128:1) Go tšhaba Jehova di rela go mo hlompa ka matla la go sa nyake go maka selo sa gore se ka mo kwisa go baba. (Diy. 16:6) Ka mokgonone, re nyoko karakara gore re theetsele melawo ya Modimo yo yi leng ka Bhayibeleng ga taba ya sa go loka le sa go sa loka. (2 Makor. 7:1) Re nyoko jabola tsa nkare ke moka mo re maka dilo tso Jehova a kwanang natso ke mokane re hloya tso a di hloyyeng.—Pis. 37:27; 97:10; Marom. 12:9.

10. Maroma 12:2, yi re king so rune re tshwaneleng re se make?

¹⁰ Bala Maroma 12:2. Motho a ka fo ba a di tšiba tsa gore Jehova o na le matšhika ya go kgeta gore ke sefeng sa gore se lukiye le gore ke sefeng sa gore a se ya loka, mara o ka kraya motho yene a sa nyake go yi theetsela melawo yone. Mo re beyisa, di ka fo makega gore motho wa di tšiba tsa gore mmušo ke wona wo beyang melawo ya tsela. Mara wa kraya a sa nyake go theetsela melawo yone. Ka taba lolone, o nyoko fo drayiva nkare o ro fofa a lebala tsa gore go na le mo di nyakang a kgera gona. Re šupetsa ka tso re di makang gore re ya resa mo re re re ya tshepa gore mo re theetsela melawo ya Jehova tsotsone di nyoko maka gore tsa lephelo di re sepelele gabutši. (Diy. 12:28) Dafita ne a tikwa ka mokgonone, mo a bolabola ka Jehova o yitseri: “Pata ya lephelo ke yi šupetsa ke wene. Mo o leng gona gwa jabodisa;  ga letsogo lago la go ja go jabodisa go ya go yye.”—Pis. 16:11.

11-12. (a) Mo re roba ke mathatha kela re kgongwele, king so re tshwaneleng re pasope gore re sa se make? (b) Mantsu ya ma leng ga Mafilipi 4:8, ma re gelepa ka mokgo mang gore re kgete gabutši tso re tijabodisang ka tsona?

¹¹ Mo re roba ke mathatha kela re kgongwele, di ya makega gore re kwe nkare di nyaka re maka se sengwana gore re lisetse go šekela ka matla ka mathatha ya re nang nawo. Phela tsone di ya kwagala, mara di nyaka re bone gore re sa nape re tlungwela ga taba ya go maka dilo tsa gore Jehova o di hloyye.—Maef. 5:10-12, 15-17.

¹² Ga lengwalo lo Pawulo wa lepostola a le ngwaleleng Makreste ya ku Filipi, o ma hlohletsele gore ma ye mahlong ma maka dilo “tsa go loka, . . . tsa go yela, . . . tsa gore di maka gore batho ba nyakanane [fote] le tsa gore ke tsa gabutši.” (Bala Mafilipi 4:8.) Le mo yi le gore nakwela Pawulo a ngwala ne a sa bolabolele ga taba ya dilo tsa go tijabodisa mara tso a di ngwadiyeng di tshwanele di re hlohletsele ga taba ya go kgeta tsa go tijabodisa. Liketsa sowa ša: Mo o bona lentsu la gore “dilo” le nyarela ga temanyana yowa le tšhentšhe o tšhele “dikoša,” “dimuvi,” “dipuku,” kela “mekgano ya dividiyo.” Mo o maka ka mokgonone, di nyoko go gelepa gore o thogo bona gore ke difeng dilo tso Modimo a ka di yamogelang le tso a ka sa di yamogeleng. Re nyaka gore maphelelo ya rune ma yelane le melawo ya gabutši yo Jehova a yi beyyeng. (Pis. 119:1-3) Ka taba la gore makwalo ya rune ma ko ba ma yediye, re nyoko thogo maka se sengwana fote sa gore se ka re gelepa gore re thogo jabola tsa mannete.—Meber. 23:1.

13. Ke selo sefeng sa kararo sa gore se ka re gelepa gore re jabole tsa mannete? (Johane 4:23, 24)

¹³ SA KARARO: O bone gore taba ya go rapela Jehova o yi yetisa mahlong mo o kene o phela. Ka taba la gore Jehova ke yene a re Makiyeng, a di roni mo re rapela yene. (Kut. 4:11; 14:6, 7) Byalo, di nyaka re yi yetisa mahlong taba ya morapelo fote re wo make ka mokgo yene a wo yamogelang, ka ‘moya wa go hlawolega fote re mo rapele re resa.’ (Bala Johane 4:23, 24.) Re ya di nyaka tsa gore moya wa go hlawolega wa Modimo wo re yetetse ga taba ya morapelo gore wo thogo yelana le nnete yo re yi krayang ka Lentsung lage. Taba ya go makela Jehova morapelo di nyaka yi yeta mahlong, le mo re dula ga dinaga tsa gore mmereko wa rune ba wo rakele. Gana byalo, magageru ya banna le basadi ya go teya ka ku ga 100 ba ma kwalele jele go le ka taba la gore ke Dihlatse Tsa Jehova. * Le mo go le ka mokgonone, ba ya mahlong ba maka se sengwana le se sengwana gore ba rapele, ba tšhute fote ba botse ba bangwana ka Modimo le ka Mmušo wage. Mo di ka re tlela tsa gore ba re kweranye kela ba re hlorise le rune di nyaka re dula re jabodisa ke taba ya gore re ya di tšiba tsa gore Jehova a ka sa re lisetse fote o nyoko re rufa.—Jak. 1:12; 1 Pet. 4:14.

14. Mogageru wa gore o sa gola wa ku Tajikistan o makegele ke tsa mošaga mang fote ke ntaba?

¹⁴ Magageru ya mangwana ma yye ma gahlana le seyemo sa go roba ka matla, mara ma f’lo ya mahlong ma kene ma jabodiye ka taba la gore ma yye ma maka kararo ya dilo tso re bolabodiyeng ka tsona. Lebelela tso di yyeng dya makegela Jovidon wa gore o na le 19 ya mengwaga wa go dula Tajikistan, wa gore o ganne go kenela tsa bosole. Ka di 4 tsa October 2019, ba yye ba mo tlosa ga gabo ke mokane ba mo kwalela ka thoko a le ntoši dikgwedi tsa go tlala fote ba mo tshwara nkare ke sekgohlane. Taba yonone ya gore ke mo ba mo tshwara bošidi, le batho ba gore ke mo ba le ga dinaga tse dingwana ba yye ba yi kwelela. Ba yye ba hlaya gore ke mo ba mo teya, ba liketsa gore a dumele go kenela tsa bosole fote a make kano ya gore o nyoko lwela naga ya gabo a boya  a yapara le yunifomo ya masole. Ka nthago ga mone, ba yye ba mo ghweba ke mokane ba mo yisa ga kampa ya gore ba ba berekisa ka matla, mo goya-goya phresidente o yye a sula melato ka mokana ga yona yage ke mokane a re ba mmulele. Ga seyemo sone sa go thathafa Jovidon o yye a fo dula a tshepega fote a jabodiye. Byang mara? Ka taba la gore ke mo a di tšiba tsa gore wa di nyaka go yetetsa ke Modimo.

15. Nakwela Jovidon ba mo kwalele jele ke mo a di kraya byang tsa go ja tsa go tšwa ga Modimo?

¹⁵ Nakwela Jovidon ba mo kwalele jele ke mo a bala le go tšhuta Bhayibele le mo yi le gore ne a se na Bhayibele kela dikgatiso tsa rune. Ke mo a di maka ka mokgo mang tsotsone? Magageru ya gana hone polekeng mo ma mo leyela tsa go ja, ke mo ma ngwala temanyana ya letšatši ga phaphabheke yone ba rweleng tsa go ja ka yona. Byalo, tsotsone di mo gelepiye gore a thogo bala Bhayibele a boya a ghayela ka yona ka moka matšatši. Ka nthago ga mo ba mo ntshiye jele, o yye a yeletsa ba bangwana ba gore a ba soko gahlana le tso yene a gahlanneng natso tsa go sasamela o yitseri: “Di gabutši ka matla gore le berekiseneng nako yo ya gore le sa lokolugiye gore le tšhute ka Jehova ka go bala Lentsu lage le dikgatiso tsa rune.”

16. Jovidon ke mo a dula a nagana ka ying?

¹⁶ Mogageru yewa o berekisiye melawo ya Jehova mo a kene a phela. A sanka a dulela go nagana ka dilo tsa go befa fote a sanka a maka tsa go  befa, mara o yye a fo ya mahlong a nagana ka Jehova le ka dilo tso a di tseyelang gedimo. Jovidon ke mo a jabodisa ke go lebelela dilo tsa go bafala tso Modimo a di makiyeng. Mo a tsoga ka bošego, ke mo a theetsela mo dinonyane di teya muludi. Ke mokane ka malobana a lebelela ngwedi le dinanedi. O yitseri: “Dilo tsa go bafala tso Jehova a di makiyeng ke mo di maka gore ke jabole fote ke mo di ntiyisa.” Mo re leboga dilo tso Jehova a re tšhutisang tsona tsa gore di tšwa ka Bhayibeleng le tso a re makelang tsona re nyoko jabola fote taba ya gore re jabodiye yi nyoko re gelepa gore re tiyisele.

17. Mantsu ya ma leng ga 1 Petro 1:6, 7 ma ka mo gelepa ka mokgo mang motho wa gore o ga seyemo sa go tshwana le so Jovidon a gahlanneng naso?

¹⁷ Fote Jovidon o yye a yi yetisa mahlong taba ya go rapela Jehova. Ke mo a di tšiba tsa gore ke selo se segolo gore a dule a tshepega ga Modimo wa mannete. Jeso o yitseri: “Ke Jehova Modimo wago ye o tshwaneleng go mo rapela, fote ke yene a ntoši ye o tshwaneleng go mo makela mmereko wa go hlawolega.” (Luk. 4:8) Ba go yeta masole mahlong ke mo ba nyaka gore Jovidon a lisetse go ba Hlatse ya Jehova. Mara o yye a rapela a šwennye ka moka matšatši a kgopela Jehova gore a mo gelepe gore a sa khwanyudisi fote a sa lahle tumelo yage. Le mo yi le gore Jovidon ke mo ba mo tshwara bošidi, a sanka a jikela Modimo. Gana byalo re bolabola re yitsa o jabodiye, ka taba la gore tumelo yage yi napiye yi tiyelela mo ba yi liketsa go leng selo sa gore ne se soko makege nakwela ba soko mo kwalela jele.—Bala 1 Petro 1:6, 7.

18. Re ka maka byang gore re dule re jabodiye?

¹⁸ Jehova o tšiba so se ka makang gore re thogo jabola tsa mannete. Mo o ka maka kararo ya dilo tso re bolabodiyeng gore di ka re gelepa gore re thogo jabola tsa mannete, a go jiki o nyoko dula o jabodiye le mo o gahlana le mathatha. Fote le wene o nyoko ma bolabola o sa kamake mantsu ya gore: “Go jabola bo ba reng Modimo wa bona ke Jehova!”—Pis. 144:15.