1. Anthe lengeloyi le re king fote tsotsone di ra gore king ga rune?

 TLA re fo re lengeloyi ke lowa ne le tshwanele le bolabole nago, ayitsano ne o nyoko le theetsela? Lekgono lengeloyi le bolabola “ga setšhaba se sengwana le se sengwana, setšo, mmolabolo le batho ka mokana ga bona.” Anthe le re king lengeloyi lone? “Tšhabaneng Modimo le boye le mo thanake . . . Rapelaneng ye wa gore o makiye legedimo [le] lefase.” (Kut. 14:6, 7) Jehova ke yene Modimo wa mannete a ntoši wa gore re tshwanele re rapele yene. Phela o re kotiye wa tšiba gore re šinye re thulegele ke lešuba la go mo rapela ga tempele yage ya mayemo ya gedimo ya tso tsa Modimo!

2. Tempele ya tso tsa Modimo king? (Lebelela le lebhokisi la gore, “ Tsa Gore a yi Tsona.”)

² Gabutšibutši tempele ya tso tsa Modimo king fote ke kaye mo ba ka re hlatollelang yona gabutši? Tempele ya tso tsa Modimo a yi moyago wa mannete. Ke tso Jehova a di lukiseleleng gore re thogo mo rapela ka mokgwa wa go yamogelega a berekisa sehlabelo sa go re lepolla sa Jeso. Pawulo wa lepostola o yi hlatolla gabutši taba yone ga lengwalo lo a le ngwaleleng Makreste ya ku botala ya Maheberu ya gore ma dula Judiya. b

3-4. King tso Pawulo ne a hlupega ka tsona ka Makreste ya Maheberu ya ku Judiya fote o yye a ma gelepa ka mokgo mang?

³ Ke ntaba Pawulo a yye a ngwalela Makreste ya Maheberu ya ku Judiya lengwalo? Go na le dilo ka dipedi tso di makiyeng gore a make ka mokgonone. Sa thoko, ke gore a ba tiyise. Ba go tlala  ba bona ba golele ga sedumedi sa Sejuda. Di ka makega gore bo ne ba ba yeta mahlong ga sedumedi sone ne ba ba poyilanya ka taba la gore ba kgetiye gore go be bona Makreste. Ke ntaba? Ka taba la gore Makreste ne ma se na tempele ya gore ma rapela gona, ma se na le aletare ya gore ma makele Modimo dihlabelo fote ma se na le maprista ya gore ma ka ma berekela. Phela tsotsone ne di ka kgongwetsa malata ya Kreste fote dya lelemetsa tumelo ya wona. (Maheb. 2:1; 3:12, 14) Ba bangwana ba bona ne ba ka nagana le go boyela nthago ga sedumedi sa Sejuda.

⁴ Sa mabedi, Pawulo o yye a botsa Makreste yane ya Maheberu gore ne ma sa karakare ka matla gore ma thogo kwisisa dilo tsa nyuwane kela go napa ma tšhuta ma kenelela ga “tsa go ja tsa go tiya” tso di krayegang ga Lentsu la Modimo. (Maheb. 5:11-14) Phela ba bangwana ba bona ne ba sa ngangarele ga Molawo wa Moše. Pawulo o hlatolliye gore le mo ba ka tikona tsa go tlala ka taba Molawo wone tsotsone di ka sa make gore ba sa sa ba le senyama. Ka taba la tsotsone, Molawo ba wo “beyele ka thoko.” Byalo, Pawulo o yye a ya mahlong a tšhutisa nnete ya go kenelela. O makiye gore magagabo ya Makreste ma sa lebale ‘tso ma tshepeleng ga tsona’ ga sehlabelo sa Kreste sa gore se nyoko ma gelepa gore ma šutele “thina le Modimo.”—Maheb. 7:18, 19.

5. King tso di nyakang re di kwisisa ka puku ya Bhayibele ya Maheberu fote ke ntaba?

⁵ Pawulo o hlatollele magagabo ya Maheberu gore ka mokgo ba rapelang Jehova gana byalo mo ba le Makreste go phala kgole ka mokgo ne ba mo rapela ku botala mo ba sa le ga sedumedi sa Sejuda. Ka mokgo sedumedi sa Sejuda ne se rapela go ya ka Molawo ne di fo “yemela tso di sa nyoko tlang, mara tsa mannetennete di nyoko makega ka Kreste.” (Makol. 2:17) Gabutšibutši dilo tsowa go fo ba tsa go yemela tsa nnete tso di sa nyoko tlang. Byalo, mokgwa wa Majuda wa go rapela Modimo wa ku botala ne wo fo yemela tsa mannete tsa gore di sa tla. Di nyaka re kwisise ka mokgo Jehova a makiyeng dilo ka gona gore re tshwarediwe ga tso re di sinnyeng gore le mo re mo rapela a thogo yamogela morapelo wa rune. Tla re fo tshwanisa dilo tsa go “yemela” (mokgwa wa Majuda wa go rapela) le “tsa mannetennete” (mokgwa wa Makreste wa go rapela) tsa gore ba di hlatolla ga Maheberu. Mo re maka ka mokgonone, re nyoko yi kwisisa gabutši tempele ya tso tsa Modimo le gore rune re kena kaye hone ga yona.

6. Tabarenakele ne ba yi berekisa ka mokgo mang?

⁶ Mokgwa wa Majuda wa go rapela. Pawulo o yye a bolabola ka tabarenakele ya gore yi  thomisiye ke Moše ka 1512 B.C.E. (Lebelela tšhate ya gore, “Mokgwa wa go Rapela Jehova wa ku Botala—Mokgwa wa Lekgono wa go Rapela Jehova.”) Tabarenakele ne yi yemme go tshwana le letente la gore Maisrayele ne ma le rwala mo ma kene ma rurela ga dipoleke tse dingwana. Ma yye ma yi berekisa ampore 500 ya mengwaga go segela mo ma yaga tempele ku Jerusalema. (Ek. 25:8, 9; Dip. 9:22) Poleke yo Maisrayele ne ma gahlana ga yona gore ma thogo rapela Modimo ma boye ma make dihlabelo ne ba re ke “letente la mogahlano” kela tabarenakele. (Ek. 29:43-46) Fote tabarenakele ne yi yemela selo sa kawone sa gore se nyoko tlela Makreste.

7. Tempele ya tso tsa Modimo yi thomisiye neng go ba ya mannete?

⁷ Mokgwa wa lekgono wa go rapela Jehova. Tabarenakele ya ku botala ne yi “šupetsa dilo tsa ku legedimong” fote ne yi šupetsa tempele ya Jehova ye kgolo ya tso tsa Modimo. Pawulo o yitseri “letente lowa [kela, tabarenakele] le beyisela dinako tsa gana byalo.” (Maheb. 8:5; 9:9) Byalo ka nakwela a ngwalela Maheberu lengwalo, tempele ya tso tsa Modimo ne go šele go le selo sa mannete ga Makreste. Yi thomisiye ka 29 C.E. Jeso o yye a kolobetsiwa ka mongwaga wonone, a tlotsiwa ka moya wa go hlawolega a boya a thomisa go berekela Jehova go le “moprista ye mogolo” ga tempele ya tso tsa Modimo. c—Maheb. 4:14; Meber. 10:37, 38.

8-9. Maheberu 7:23-27, yi re maprista ya magolo ya ku Israyele ma fapana ka mokgo mang le Moprista ye Mogolo, Jeso Kreste?

⁸ Mokgwa wa Majuda wa go rapela. Moprista ye mogolo ne a na le mmereko wa go yemela batho ga Modimo. Moprista ye mogolo wa mathomo wa Leisrayele wa gore o kgetiye ke Jehova mo ba neyela tabarenakele ke Aroni. Mara Pawulo o hlatolliye gore, “ne di nyaka maprista ya mangwana ma thibe sekgala sa maprista ya botala ka taba la gore maprista yane ke mo ma kgwa, tsotsone di yye dya maka gore ma sa sa kgona go ya mahlong ka mebereko ya wona.” d (Bala Maheberu 7:23-27.) Fote ka taba la gore maprista yane ya magolo ne ma sa yenela, ne di nyaka gore ma make dihlabelo ga tso ma di sinnyeng. Tsotsone di napa di re šupetsa mo maprista ya magolo ya Israyele ma fapanang gona le Moprista ye Mogolo Jeso Kreste.

⁹ Mokgwa wa lekgono wa go rapela Jehova. Ka taba la gore Jeso Kreste ke Moprista wa rune ye Mogolo ke “lelata la gore le bereka . . . ga letente la mannete la gore le makiye ke Jehova, a le ya maka ke batho.” (Maheb. 8:1, 2) Pawulo o hlayye gore “ka taba la gore Jeso aa kgwe, sekgala sage sa gore ke moprista a se thibe ke motho.” Pawulo o tokegele ka gore Jeso “aa na selabi, aa tshwane le ba go sinya” fote aa tshwane le maprista ya magolo ya Israyele, “a di nyake a maka dihlabelo letšatši le lengwana le le lengwana” ga tso a di sinnyeng. Byalo, lebelela ka mokgo dialetare le mokgwa wa go maka dihlabelo wa ku botala di fapanang ka gona le mokgwa wa lekgono wa go rapela Jehova.

10. Dihlabelo tso ne di makiwa ga aletare ya koporo ne di šupetsa ying?

¹⁰ Mokgwa wa Majuda wa go rapela. Ka ho tawong mo ba kenang gona ga tabarenakele ke mo go na le aletare ya koporo ga gore ba makela Jehova dihlabelo ka diphoolwane. (Ek. 27:1, 2; 40:29) Mara, dihlabelo tsone ne di ka sa make gore batho ba tshwarediwe ka go felegelela ga tso ba di sinnyeng. (Maheb. 10:1-4) Taba ya go fo ya ba maka dihlabelo ka diphoolwane tabarenakeleng ne yi šupetsa gore ke ka ssoši  sehlabelo sa gore se nyoko hlatswa ka go felegelela senyama so se gomeleng batho.

11. Ke ga aletare yifeng mo Jeso a yyeng a maka sehlabelo a sa tšhofe ke motho? (Maheberu 10:5-7, 10)

¹¹ Mokgwa wa lekgono wa go rapela Jehova. Jeso ke mo a di tšiba gore Jehova o romme yene ho lefaseng gore a neyele ka lephelo lage go be sehlabelo sa batho ka mokana ga bona. (Mat. 20:28) Byalo, mo Jeso a kolobetsiwa, o šupetsiye gabutši gore o nyaka go maka tso Jehova a di nyakang. (Joh. 6:38; Magal. 1:4) Aletare yo Jeso a tineyeleng a sa tšhofe ke motho yi yemela tso Modimo “a di nyakang” ga Morwayi wage gore a neyele ka lephelo lage go be sehlabelo. Jeso o neyele ka lephelo lage “ga teya” kela go kogela ka go felegelela tso di sinnyeng ke ye mongwana le ye mongwana wa gore o dumela ga Kreste. (Bala Maheberu 10:5-7, 10.) Sa go latela, re nyoko petapeta ka tso di yemelang ke tsa ka teng ga tabarenakele.

12. Ke mang wa gore ne a ka kena ga kamara ye nngwana le ye nngwana ya tabarenakele?

¹² Mokgwa wa Majuda wa go rapela. Tabarenakele le tempele tso ba di yagiyeng ka nthagonyana ku Jerusalema ne di nyakiye di tshwana ka ho teng. Ka ho teng ne go na le dikamara ka dipedi—“Poleke ya go Hlawolega” le “Poleke ya go Hlawolega ka Matla”—tsa gore ba di kupiye ka bogare ka legaredheni. (Maheb. 9:2-5; Ek. 26:31-33) Ka hone teng ga gore ke ga go Hlawolega ke mo go na le setšhubampara sa gholdi, aletare ya go tšhuba tsa go nkgela le tafola yo ba beyang sekgwa sa go tshwanisela. Ke “maprista ya go tlotsiwa” fela ya ne ma kena hone ga go Hlawolega gore ma thogo maka mmereko wa maprista. (Dip. 3:3, 7, 10) Ka ho ga go Hlawolega ka Matla go na le areka ye gholdi ya go maka kwano ya gore yi yemela go ba gona ga Jehova.  (Ek. 25:21, 22) Ke moprista ye mogolo fela wa gore ne a dumelediwwe go kena ka gare ga legaredheni ga go Hlawolega ka Matla ga teya ka ngwaga ka Letšatši la go Lukisa Senghana le Modimo. (Lef. 16:2, 17) Mongwaga wo mongwana le wo mongwana o kena ka hone le madi ya phoolwane gore a thogo lukisa senghana sage le Modimo ga tso a di sinnyeng le ga setšhaba ka mokana ga sona. Jehova o berekisiye moya wage wa go hlawolega gore di thogo ba lekgwaying gore dilo tso di yemelang tabarenakele king.—Maheb. 9:6-8.

13. Ga go Hlawolega le ga go Hlawolega ka Matla tabarenakeleng go yemela ying ga mokgwa wa lekgono wa go rapela Jehova?

¹³ Mokgwa wa lekgono wa go rapela Jehova. Malata ya gore o ka kgona go ma balela ya Kreste ma tlotsiwwe ka moya wa go hlawolega fote ma jabolela go ba le senghana sa go hlawolega le Jehova. Malata yawa 144 000 ya wona ma nyoko bereka ma le maprista ku legedimong ma na le Jeso. (Kut. 1:6; 14:1) Taba ya go Hlawolega ga tabarenakele yi yemela gore ba ba rekiye ba sa le ho lefaseng gore ba be ga seyemo sa go ba barwayi ba Modimo. (Marom. 8:15-17) Poleke ya go Hlawolega ka Matla ga tabarenakele yi yemela legedimong mo Jehova a dulang gona. “Legaredheni” la gore le kgera ga go Hlawolega le ga go Hlawolega ka Matla le yemela mmele wa Jeso wa nama wa gore wo mo thibelela go kena legedimong go le Moprista ye Mogolo wa tempele ya tso tsa Modimo. Taba ya gore Jeso o makele batho sehlabelo ka mmele wage tsotsone di thulele Makreste ka mokana ga wona ya go tlotsiwa gore ma ye ma phele legedimong. Le bona di nyaka ba lebale ka mmele wa bona wa nama gore ba thogo kraya patela ya bona ya go phela legedimong. (Maheb. 10:19, 20; 1 Makor. 15:50) Ka nthago ga mo Jeso ba mo tsusiye, o yye a kena ga go Hlawolega ka Matla ga tempele ya tso tsa Modimo ga gore ka mokana ga bona ba go tlotsiwa ba yye ba napa ba ba naye.

14. Maheberu 9:12, 24-26, yi re king so se makang gore tempele ya tso tsa Modimo yi di phale ka moka?

¹⁴ Re napa re di bona gabutši dilo tso Jehova a di makiyeng gore a thogo lukiselela morapelo wa go yela a berekisa sehlabelo sa Jeso sa go re lepolla le taba ya gore ke moprista. Moprista ye mogolo ku Israyele o kenne ga go Hlawolega ka Matla ga gore go makiye ke batho a na le sehlabelo sa madi ya phoolwane mara Jeso o kenne “legedimong,” ga gore go hlawolegiye go phala dipoleke ka mokana ga tsona gore a thogo nyarela mahlong ga Jehova. Gana hone o šupetsiye gore o re makele selo se segolo ka matla go le motho wa go felegelela ho lefaseng “a neyele ka lephelo lage ke mokane go nape go fela ka tso tsa go sinya.” (Bala Maheberu 9:12, 24-26.) Sehlabelo sa Jeso se re potlomulliye marageng. Le mo re na le tshepo ya go phela legedimong kela lefaseng, re sa nyoko tšhuta ka taba ya gore ka mokana ga rune re ka rapela Jehova ga tempele yage ya tso tsa Modimo.

15. Ke bomang bo ne ba bereka lapeng la tabarenakeleng?

¹⁵ Mokgwa wa Majuda wa go rapela. Tabarenakele ke mo yi na le lapa ka lloši—poleke ya go bulega ya gore ba yi yagelele ka trata ga gore maprista ma maka mmereko wa wona. Aletare ye kgolo ya koporo ya go maka dihlabelo tsa go tšhubiwa ke mo ba yi beyye ka lapeng go na le lepolete la go hlapela matsogo la gore le na le meetši la koporo la gore le berekisa ke maprista gore ma tiyedise ma soko bane ma maka mmereko wa go hlawolega. (Ek. 30:17-20; 40:6-8) Mara ditempele tsa gore ba di yagiye ka nthago ne di na le lapa la ka tawong ga gore bo ba gore a yi maprista ba thogo yema gona ba rapele Modimo.

16. Ke bomang bo ne ba bereka ga lapa le lengwana le lengwana la tempele ya tso tsa Modimo?

¹⁶ Mokgwa wa lekgono wa go rapela Jehova. Bobhuti ba Jeso bo ba šeleng ba go tlotsiwa ba  gore fote baa tshepega, mo ba soko bane ba bereka ba le naye ku legedimong go le maprista, ba thomisiye ba bereka ho lefaseng ga lapa la gore go kena maprista fela ga tempele ya tso tsa Modimo. Taba ya gore go be le lepolete la go hlapela matsogo la gore le na le meetši ne go le ya go ba gopotsa gore Makreste ka mokana ga wona di nyaka ma dule ma yediye, ma hloka selabi. Byalo, “mogoba wo mogolo” wa go tshepega wa gore wo thega bobhuti ba Kreste ba go tlotsiwa, wo nyoko berekela Jehova wo le kakaye? Johane wa lepostola o ba bonne “ba yemme mahlong ga setulo sa go lawola,” fote taba yone yi yemela lapa la ho lefaseng, ga gore ga Modimo “ba mo makela mmereko wa go hlawolega motshegare le bošego tempeleng yage.” (Kut. 7:9, 13-15) Phela re ro hlakela go fo tšiba gore Jehova o re thulele lešuba la gore re mo rapele ga tempele yage ye kgolo ya tso tsa Modimo!

17. Ke dihlabelo tsa mošaga mang tso di nyakang re di neya Jehova?

¹⁷ Lekgono Makreste ka mokana ga wona ma thulegele ke lešuba la gore ma berekise nako, matšhika le tso ma nang natso gore ma berekele Jehova ma sa tšhofe ke motho. Ka mokgo Pawulo wa lepostola a butsiyeng Makreste ya Maheberu le rune re ka “makela Modimo sehlabelo sa go mo thanaka, sa gore re se maka ka melomo ya rune mo re sabalatsa lebitso lage.” (Maheb. 13:15) Re ka šupetsa gore re yi leboga re sa fetsi taba ya go rapela Jehova ka go sa mo neye dilagalaga mo re mmerekela mara re mo neye tsa gore le wene wa di bona.

18. Maheberu 10:22-25, yi re king so re sa tshwanelang go se tseyela fase fote king sa gore a di nyake re se lebala?

¹⁸ Bala Maheberu 10:22-25. Mo Pawulo a šele a notelela ga lengwalo lo a le ngwaleleng Maheberu, o hlayye dilo tso di nyakang re sa di tseyele fase mo re kene re berekela Jehova. Ga dilo tsone go kena le taba ya go rapela Jehova, go tšhomayelela ba bangwana, go gahlana re le phutego le go tiyisana “ka matlamatla ka gore [re] ya di bona gore letšatši [la Jehova] le kene le ya šutela.” Mo lengwalo la Kutullo le ya mafelelong, lengeloyi la Jehova le hlayye taba yowa gabedi gore yi nape yi ro ghandliselega la re: “Rapela Modimo!” (Kut. 19:10; 22:9) Nkare re ka sa lebale dilo ka mokana ga tsona tso re di tšhutiyeng ka tempele ye kgolo ya tso tsa Modimo fote re nape re ro hlakela ka taba la gore re thulegele ke lešuba la go rapela Modimo wa rune ye mogolo!