1-2. Mmolabodi 11:6 yi šagelana byang le go tšhomayela ditaba tsa go bafala tsa Mmušo?

GA DINAGA tse dingwana, batho ba kwa nkare o ka fo ya mahlong o bolabola mo o ba leyele ditaba tsa go bafala. Ba ba ba di wonngwe ka matla! Ga tse dingwana, batho a ba yi kene ya Modimo kela Baebele. Batho ba mo wene o dulang gona bona ba byang? Le mo nkare baa di jabolela kela e-e, Jehova o nyaka gore re tšhomayele go segela yene mong a re o kgotsofele.

² Mo go segele nako, Jehova o nyoko re botsa gore re yenetsiye mmereko ke mokane “bofelo bo nyoko tla.” (Mat. 24:14, 36) Mara re sa na re mo yemele, re ka maka byang gore re theetsele mantsu ya ma reng ‘kena fase’? *—Bala Mmolabodi 11:6.

3. Re nyoko bolabola ka ying ga hlogotaba yowa?

³ Ga hlogotaba ya go fela, re bolabodiye ka dilo ka dine tsa gore re tshwanele re di make gore re thogo ba digele tsa go “loba batho.” (Mat. 4:19) Ga hlogotaba yowa re nyoko bolabola ka dilo ka ditharo tsa gore di nyoko maka gore re ye mahlong ka go tšhomayela le mo go ka teya leduma la mošaga mang. Re nyoko tšhuta ka gore ke ntaba re tshwanele (1) go sa lesetse go ba le tsa go re tlonya, (2) go lefisa pelo le go (3) dula re na le tumelo ya go tiya.

4. Ke ntaba di sa nyake re lesetsa go ba le dilo tsa go re tlonya mo re kene re maka mmereko wo Jehova a re neyyeng wona?

⁴ Jeso o hlayye botala gore go nyoko ba le dilo tso di nyoko makegang tsa go šupetsa gore re mafelelong, fote dilo tsone di ka  tšhoga di phiriketsiye malata yage gore ma sa yenetsi mmereko wa go tšhomayela. O yitseri malata yage “ma dule ma hlahlamme.” (Mat. 24:42) Le lekgono di gona dilo tso di ka re phikang mo re maka mmereko wowa tsa go yelana le tso di yyeng dya phika batho nakwela ya Nnowa. (Mat. 24:37-39; 2 Pet. 2:5) Byalo, a re nyake go tlonya ke selo mo re kene re maka mmereko wo Jehova a re neyyeng wona.

5. Mebereko 1:6-8 yi re mmereko wa go tšhomayela ditaba tsa go bafala wo nyoko makiwa segela kaye?

⁵ Mmereko wa go tšhomayela ka Mmušo ke wona wa gore gana byalo di nyaka re wo yetisa mahlong. Jeso o hlayye botala gore mmereko wowa wo nyoko segela kgole fote wo nyoko makega le mo go šele go le botala a kgwile. (Joh. 14:12) Ka nthago ga likgu la Jeso, malata yage ya mangwana ma yye ma buyela ga mmereko ya wona ya go loba dihlapi. Mo Jeso a tsoga, o yye a maka mohlolo wa gore malata yage ya mangwana ma tshware dihlapi tsa go tlala. Mo a fetsa go maka mohlolo wone, o yye a šihlela taba ya gore mmereko wo wo tshwaneleng go makiwa ka matla ke wa go loba batho. (Joh. 21:15-17) Mo Jeso a soko ya legedimong, o yye a botsa malata yage gore mmereko wowa wa go tšhomayela wo a wo thommeng wo nyoko makiwa le dinageng tsa ka tawong ga Israyele. (Bala Mebereko 1:6-8.) Mo go šele go fediye mengwaga ya go tlalanyana, Jeso o makiye gore Johane wa lepostola a be le mmono wa so se nyoko makegang ka “letšatši la Morena.” * Se sengwana ga dilo tso Johane a di bonneng tsa go makatsa ke tsowa: Lengeloyi ke mo le yetetsa mmereko wa go tšhomayela ‘ditaba tsa go bafala’ di ya ga “setšhaba se sengwana le se sengwana le setšo le mmolabolo le batho.” (Kut. 1:10; 14:6) Di fo ba lekgwaying gore Jehova o sa na a nyaka gore re make mmereko wowa wa gore wo makiwa lefaseng ka mokana ga lona re šinye re wo fetsa.

6. Re ka maka byang gore go sa be le tsa go re tlonya mo re kene re maka mmereko wa go tšhomayela?

⁶ Ho re nyaka gore go sa be le tsa go re tlonya  ga mmereko wa go tšhomayela, di nyaka re nagane ka dilo ka moka tso Jehova a re makelang tsona gore a thogo re gelepa. Mo re beyisa, o re gelepa a berekisa dipuku tsa go phrinthiwa le tsa gore di inthaneteng, tsa go theetsela, dividiyo le tse dingwana tsa wepsayeteng gore re thogo tlalela ka matla ga tso tsage. O fo nagana nje: Go na le mebolabolo ya go teya ka ku ga 1 000 ga wepsayete ya rune! (Mat. 24:45-47) Batho lefaseng a ba kwane ka taba la dipolotiki, dikereke le seyemo sa ditšheleta mara malata ya Modimo ya go teya ka ku ga mabala (8) ya dimiliyoni ma bareka go le ngata ka yyoši lefaseng ka mokana ga lona. Mo re beyisa, ka Labohlano la di 19 tsa April 2019, Dihlatse tsa Jehova lefaseng ka mokana ga lona di yye dya lebelela vidiyo ya go tshwana ya go bolabola ka go nyakolla mangwalo ka moka matšatši. Ka malobana ya letšatši lone, 20 919 041 ya batho ba yye ba gahlana Segopotsong sa likgu la Jeso. Re kwa di re tšhofa go ya mahlong re tšhomayela ditaba tsa go bafala mo re nagana ka dilo tsa go makatsa tso di makegang gana byalo.

7. Mošupetso wa Jeso wo re gelepa byang gore re sa be le tsa go re tlonya?

⁷ Se sengwana so re ka se makang gore re sa tlonyegi ke go tseyela ga Jeso. A sanka a lesetsa selo le ka ssoši se mo phika mo a yemelela nnete. (Joh. 18:37) A sanka a nabela le ka go nyana nakwela Sathane a re o nyoko mo neya ‘memmušo ya lefase ka mokana ga lona,’ le nakwela batho ba nyaka gore a be kgoši. (Mat. 4:8, 9; Joh. 6:15) Ke mo a sa kwane le dilo tsa majabajaba fote ne a sa tšhoge le mo a phigisiwa go baba. (Luk. 9:58; Joh. 8:59) Mo re ka dula re naganne ka tso Pawulo wa lepostola a di hlayyeng, go ka sa be le tsa go re tlonya ga mmereko wa go tšhomayela le mo tumelo ya rune yi ka tupetsa ke sehlahledi sa mošaga mang. O hlohletsele Makreste gore ma tseyele ga Jeso gore ma sa “tinwi wa kraya ma lahla tewu”!—Maheb. 12:3.

8. Go lefisa pelo king, fote ke ntaba di nyaka sosone re se make ka matla gana byalo?

⁸ Go lefisa pelo ke go kgona go yema o bebiye go segela seyemo se tšhentšha. Mo re yemele seyemo sa go sasamela gore se fele kela selo sa gore ke botala re yemele gore se makege, di nyaka re lefise pelo. Moporofeta Habakuku ne a yemele ka maahlo ya makhubedu go bona bokgohlane bya ku Juda bo fediye. (Hab. 1:2) Malata ya Jeso ke mo ma nabela nkare Mmušo wa Modimo wo “ka tla ka go yakgoswa” gore o thogo ma phonisa ga tsa go kgahleletsa tsa mmušo wa Maroma. (Luk. 19:11) Re nyaka gore Mmušo wa Modimo wo tlose dilo ka mokana ga tsona tsa go befa mo lefaseng ke mokane wo leye lefase la nyuwane la go ba le dilo tsa go loka. (2 Pet. 3:13) Mara di nyaka re lefise pelo fote re yemele nako yo Jehova a yi beyyeng. Tla re boneneng ka mokgo Jehova a re tšhutisang ka gona gore re thogo lefisa pelo.

9. Ke mešupetso yifeng ya go šupetsa gore Jehova o lefisiye pelo?

⁹ Jehova ke mošupetso wa gabutši wa go lefisa pelo. O neyye Nnowa nako ya go tlala gore a thogo yaga areka le gore a be “motšhomayedi wa tsa go loka.” (2 Pet. 2:5; 1 Pet. 3:20) Jehova o yye a theetsela Abhrahama mo a mmutsisa gatleletlele ka sepheto so A se makiyeng sa go nyoko fetsa ka batho ba dipelo tse diphifadu ba ku Sodoma le Ghomora. (Gen. 18:20-33) Jehova o f’lo ya mahlong a lefisa pelo mo setšhaba sa Israyele se sa tshepege ka mengwaga ya go tlala. (Neh. 9:30, 31) Le lekgono Jehova o sa na a lefisiye pelo ka taba la gore bo ba gore o nyaka ba šutela gage o ba neyye nako gore ba “šinye ba tisole.” (2 Pet. 3:9; Joh. 6:44; 1 Thim. 2:3, 4) Mošupetso wa Jehova wo re gelepa gore re tšhomayele le go tšhutisa ba bangwana re kene re lefisiye pelo. Fote o re tšhutisa go lefisa pelo a berekisa mošupetso wa gore wo krayega ka ho Baebeleng.

10. Re tšhuta ying ga mošupetso wa motho wa go gaša ye re kwang ka yene ho ga Jakobo 5:7, 8?

 ¹⁰ Bala Jakobo 5:7, 8. Mošupetso wa motho wa go gaša wo re tšhutisa go lefisa pelo. Ke nnete gore dimilane tse dingwana di yakgoswa di gula. Mara dimilane tsa go tlala, ka matlamatla tsa gore di ya yengwa, di tseya nako go gula. Nako ya gore selo se gule ku Israyele ne yi tseya gana hala ga kobodi ya dikgwedi. Motho wa go gaša ne a gaša pewu yage mo pula yi thomisa go na ke mokane a buna mo nako ya dipula yi šele yi fitiye. (Mar. 4:28) Mo re ka yekisela mošupetso wa motho wa go gaša, re ko ba re hlalifiye ka matla. Mara a di lula.

11. Go lefisa pelo go nyoko re gelepa byang mo re tšhomayela?

¹¹ Ka taba la go sa yenela ga batho, ga go tlala ba nyaka dilo di yakgoswa di makega. Mara mo re nyaka gore dimilane tsa rune di yengwe, di nyaka re thege pelo—re lime, re gaše, re hlagole re boye re tšheletse. Le ga mmereko wa go maka batho malata, di nyaka le rune re ro ganya dikobo. Di tseya nako gore re tšhutise bo re tšhutang nabo Baebele gore ba sa sa nyenya ba bangwana le gore ba kwane nabo. Go lefisa pelo go nyoko maka gore re tiyisele le mo batho ba gana go re theetsela. Mo ba bangwana ba ka re theetsela, di nyaka le bona re ba lefisela pelo. Re ka sa tšhofi ye re tšhutang naye Baebele gore a be le tumelo ya go tiya. Le malata ya Kreste ka dinako tse dingwana ne ma na le go sa kwisisi tso ne a di tšhutisa. (Joh. 14:9) Re sa lebale gore rune re fo gaša le go tšheletsa, Modimo ke yene a makang gore di gole.—1 Makor. 3:6.

12. Re ka maka byang gore re lefise pelo mo re tšhomayelela mašaga ya rune ya gore a yi Dihlatse?

¹² Di ka fo sa be lula gore re lefise pelo mo re tšhomayelela mašaga ya rune ya gore a yi wona Dihlatse. Re ka gelepa ke tšhiko yo yi leng ga Mmolabodi 3:1, 7. Yi re: “Go na le . . . nako ya go kgomolela le nako ya go bolabola.” Mo mašaga ya rune ma ka bona re titshwere gabutši, ma ka nyaka go re theetsela mara ka nthoko ye nngwana mo re thulegela ke lešuba, di nyaka re ma tšhutise nnete. (1 Pet. 3:1, 2) Mo re kene re  tšhomayela le go tšhutisa ka matšato, di nyaka re lefise pelo ga batho ka moka, gana hone go tokegela le mašaga ya rune.

13-14. Ke mešupetso yifeng ya batho ba go lefisa pelo ya gore re ka yi yekisela?

¹³ Re ka tšhuta go lefisa pelo ga mešupetso ya batho ba gore ne ba tshepega ka Baebeleng le ba gore ba phela ka dinako tsa rune. Habakuku ke mo a nabela nkare dilo tsa go befa di ka fela ka nako yonone mara o šupetsiye gore o lefisiye pelo mo a re: “Nko dula ke yemme mo ke tšinghelang ke le gona.” (Hab. 2:1) Pawulo wa lepostola o hlayye di mmaba gore o nyaka go “fetsa” mmereko wage wa go tšhomayela. Mara o yye a ya mahlong a lefisa pelo “a kene a yemelela ditaba tsa go bafala ka go felegelela.”—Meber. 20:24.

¹⁴ Tla re boneneng mošupetso wa monna le mosadi wage ye mongwana ba gore ba ma fetsiye sekolo sa Gilead ke mokane ba yisiwa ga poleke ya gore go gayela Dihlatse fote batho ba go tlala gana hone a yi Makreste. Batho ba go tlala ke mo ba sa nyake go tšhuta Baebele. Mara ba bangwana bo ne ba le nabo sekolong sa Gilead ba gore ba bereka ga dinaga tse dingwana ke mo ba fela ba ba botsa gore ba tlele batho ba dinageng tso ba leng ga tsona ba gore ba jabolela go tšhuta Baebele. Monna yewa le mosadi wage ba yye mahlong ba tšhomayela ba kene ba lefisiye pelo le mo batho ba go tlala ba sa ba theetsele. Ka nthago ga go tšhomayela mabala (8) ya mengwaga ga tšhomo yone ya gore yi šupetsa yi sa thuki, ba yye ba jabola ka matla mo ba bona ye mongwana wa gore ne ba bala naye Baebele a kolobetsiwa. Mešupetso ya botala le ya gana byalo yi tshwana ka ying? Batho bowa ba go tshepega a sanka ba šepisa kela ba lesetsa go kena fase fote Jehova o yye a ba rufa ka taba la gore ba lefisiye pelo. Nkare re ka “yekisela bo ba yyeng ba kraya tso ba tshepisiwweng tsona ka taba la tumelo le go lefisa pelo.”—Maheb. 6:10-12.

15. Tumelo yi re gelepa byang gore re thogo ya mahlong re tšhomayela?

¹⁵ Re ya di tshepa tsa gore so re se tšhomayelang ke nnete, byalo sosone se maka gore re nyake go bolabola le batho ba go tlala ka mokgo re ka kgonang. Tso Modimo a re tshepisiyeng tsona ka Lentsung lage re ro di tshepa. (Pis. 119:42; Jes. 40:8) Re bona diporofeto tsa Baebele di kene di makega gana byalo. Re bona batho ba tšhentšha maphelelo ya bona mo ba thomisa go berekisa tso di leng ka Baebeleng. Tsowa di maka gore re nape re tshepe gore ditaba tsa go bafala tsa Mmušo wa Modimo ke molayetsa wa gore batho ka mokana ga bona di nyaka ba wo kwe.

16. Pisalema 46:1-3 yi re go ba le tumelo ga Jehova le Jeso go nyoko re gelepa ka mokgo mang gore re thogo ya mahlong re tšhomayela?

¹⁶ Fote re na le tumelo ga Jehova, wa gore molayetsa wo re wo tšhomayelang wo tšwa gage, le ga Jeso wa gore Jehova o mo hlawodiye gore go be Kgoši ya Mmušo wage. (Joh. 14:1) Jehova o nyoko dula a le gona fote o nyoko re neya matšhika le mo go ka teya leduma la mošaga mang. (Bala Pisalema 46:1-3.) Go tokegela gana hone, re ya di tshepa gore Jeso o yetiye mahlong mmereko wo wa go tšhomayela a le legedimong a berekisa matšhika le mayemo ya go lawola ga gore o ro neya ke Jehova.—Mat. 28:18-20.

17. Re beyisele gore ke ntaba di nyaka re ye mahlong re tšhomayela.

¹⁷ Tumelo yi maka gore re ro di tshepa gore Jehova o nyoko re rufa mo re karakara, go gongwana o kraya go feta le tso ne re di naganne. (Mmo. 11:6) Mo re beyisa, tšatši le lengwana le le lengwana batho ba go tlala ba bona dipuku tsa rune re di beyye sekoloyaneng kela ditafoleng mo re tšhomayela. Ayitsano mokgwa wowa wa go tšhomayela wa bereka? Eya! Sepukwane sa rune sa Kingdom Ministry sa November 2014 se bolabodiye ka ye mongwana wa gore ne a kena  yunivesithing wa gore ne a nyaka go ngwala ditaba tsa mmereko wa sekolo ka Dihlatse tsa Jehova. Ke mo a sa tšibi gore Holo ya Mmušo yi kaye mara o yye a kraya dipuku tsa rune ga tafola yo magageru ne ma yi beya gana hone yunivesithi ya go ba le dipuku tsa rune fote a kraya le dilo tsa go tlala tso a di berekisiyeng mo a ngwala mmereko wone wa sekolo. Mo go-ya go-ya, o yye a kolobetsiwa fote gana byalo ke lephayona la nako ka moka. Dipego tsa go tshwana le tsowa di re hlohletsela gore re ye mahlong re tšhomayela ka taba la gore di šupetsa gore go sa na le batho ba go nyaka go kwa ditaba tsa Mmušo.

18. Ke ntaba re sa kamake gore mmereko wa go tšhomayela ka Mmušo wo nyoko fela ka nako yo Jehova a yi nyakang?

¹⁸ Re ka di tshepa tsa gore mmereko wa go tšhomayela ka Mmušo wa Modimo wo nyoko fela ka nako. Bona gore go makegiye ying ka dinako tsa Nnowa. Jehova o šupetsiye gore tsa go tshwara nako ke tsage. Jehova o hlayye go sa šele gana hala ga 120 ya mengwaga gore Mogogola wo nyoko thomisa leng. Mo go šele go fitiye mengwaga ya go tlala, Jehova o yye a botsa Nnowa gore a yage areka. Nakwenngwana 40 kela 50 ya mengwaga Mogogola wo soko thomisa, Nnowa o yye mahlong a karakara ka matla mmerekong wage. Le mo batho ba sa nyake go mo theetsela, o yye mahlong a tšhomayela molayetsa wa go ba pasopisa go segela mo Jehova a mmotsa gore a tšhele dipholwane ka arekeng. Ke mokane ka nako ya gona, ‘Jehova o yye a kwala sekwalo.’—Gen. 6:3; 7:1, 2, 16.

19. Re nyoko kraya ying mo re ka dula re kenne fase?

¹⁹ Go se botala, Jehova o nyoko maka gore mmereko wo wa go tšhomayela ka Mmušo wage wo fele; o nyoko “kwala sekwalo” sa lefase lowa la Sathane ke mokane a re leyela lefase la nyuwane la go loka. Mo re sa yemele tsotsone, barena tla re yekiseleneng Nnowa, Habakuku le ba bangwana ba gore ba f’lo dula ba kenne fase. Tla re sa lesetse selo se re tlonya, re lefise pelo fote re dule re na le tumelo ya go tiya ga Jehova le tso a re tshepisiyeng tsona.