1-2. Go yye gwa bolabodiwa ka go šiginya ga mohlobo mang ga gore ke mo go nyoko makega ka dinako tso tsa rune?

“MO KE re jiki, ditolo le dintlo tsa botala ke mo di thirimela ka go lategetsana.” “Go sa gotliwi go sa gotliwi . . . Batho ba go tlala ba re di f’lo tseya gana hala ga diminetsi ka dipedi. Gaka ke mo nkare di tsere nako ya go lefa ka matla.” Mantsu yawa ma bolabodiye ke batho ba bangwana ba gore ba yye ba phona nakwela go tekateka lefase hala Nepal ka 2015. Hala tsotsone di makegiye gago, nje ke mo o nyoko yakgoswa o di lebala.

² Mara gana byalo, re ga mohlobo wo mongwana wa go šiginyega kela go tekateka, ke go šiginyega ga gore a go makege ga poleke ka yyoši kela ga naga ka yyoši. Go šinyega howa go makega dinageng ka mokana ga tsona fote go fitiye mengwaga go kene go makega. Haghayi wa go porofeta o hlayye gore go nyoko ba le mohlobo wowa wa go šiginyega. O ngwadiye gore: “Jehova wa masole o re, ‘Fotefote—di nyoko makega go se botala—ke nyoko šiginya magedimo le lefase le lewatle le poleke ya go woma.’”—Hagh. 2:6.

3. Mohlobo wowa wa go šiginya wo fapana byang le mo go tekateka lefase?

³ Mohlobo wa go šiginya wo Haghayi a bolabolang ka wona a wo tshwane le mo go tekateka lefase, ga gore go šala go sinyegiye. Mara go leya dilo tsa go bafala. Re botsa ke Jehova ka boyene beng gore: “Ke nyoko šiginya ditšhaba ka mokana ga tsona, ke mokane go nyoko kena mong makolwane ya ditšhaba ka mokana ga tsona; fote ke nyoko maka gore ntlo yowa yi thanakiwe ka taba la go gadima.” (Hagh. 2:7) Seporofeto sowa ke mo se ra gore king ga bo ba phidiyeng ka dinako tsa Haghayi? Ga rune lekgono se ra gore king? Re nyoko fetola diputsiso tsone fote re nyoko tšhuta gore re ka maka byang gore re tšhele letsogo ga taba ya go šiginya ditšhaba lekgono.

4. Jehova ke mo a re Haghayi a ye maka ying hala ga batho Bage?

⁴ Jehova o yye a roma Haghayi wa go porofeta gore a make selo se sengwana se segolo. Taba ya gona ke yowa. Di šupa nkare Haghayi ke mo a le gare ga batho bala ba yyeng ba sologa ba ya Jerusalema ka 537 B.C.E. mo ba tšwa bobhantiting ku Bhabhilona. Mo batho bo ba go tshepega ba gore ba rapela Modimo ba segela mo ba yang gona, ba yakgoswiye ba yepa fandhiši ya ntlo ya Jehova, kela yona tempele. (Eze. 3:8, 10) Mara go se botala, gwa nyarela tsa go baba. Ba yye ba kgongwela ke mokane ba lisetsa go maka mmereko wowa ka taba la bo ne ba ba phigisa. (Eze. 4:4; Hagh. 1:1, 2) Byalo, ka 520 B.C.E., Jehova o yye a roma Haghayi gore a ye a ba phaphate ho magetleng gore ba kwe ba tiyelele, ba thogo ba le matšato ya go tlogamela ba fetsise tempele. *—Eze. 6:14, 15.

5. Molayetsa wa Haghayi ke mo wo maka king gore wo tiyise batho ba Modimo?

⁵ Molayetsa wa Haghayi ke mo go le wa go tiyisa tumelo ya bo ba wo theetselang. Monna yewa wa go porofeta o yye a šišimala ke mokane a hlaya mantsu yawa, ga Majuda ya gore ke mo ma kgongwele, a re: “‘Lune ka moka batho ba naga, tiyelelaneng,’ Jehova o reyane, ‘le bereke. Ka taba la gore ke na le lune,’ tsotsone di hlaya ke Jehova wa masole.” (Hagh. 2:4) Di šupa nkare ba yye ba tiyelela mo ba kwa mantsu ya gore “Jehova wa masole.” Jehova o lawola mangeloyi ya go tlala la go sa hlayisege ya gore ke masole, byalo ke mo di nyaka Majuda ma tisamela ka yene gore ma phomelele.

6. Ke mo go nyoko makega ying ka taba la go šiginya howa ga gore Haghayi o hlayye gore go nyoko ba gona?

⁶ Jehova o yye a hlohletsela Haghayi gore a ngwale molayetsa wa gore ke mo wo bolabola ka selo sa gore ke setšha go le go šiginya ditšhaba ka mokana ga tsona. Taba yowa yi makiye gore batho bo ba gore ke mo ba kgongwele nakwela ba yaga tempele ba tiyelele, ba tshepe gore Jehova ke mo a nyoko šiginya Pheresiya, ya gore ke mo go le yona yi lawolang lefase ka nako yone fote yi na le ditšhaba tsa go tlala. Ke mo go nyoko makega ying mo ba šiginya? Ke mo go nyoko thoma ka gore batho ba Modimo ba fetse go yaga tempele. Ke mokane ka nthago, le mong batho ba gore a yi bona Majuda ke mo ba nyoko tla ba ba nabo mo ba rapela Jehova ba le ka teng ga tempele yone ya nyuwane. Di šupa nkare ditaba tsone di ba tiyisiye ka matla ga batho ba Modimo!—Zak. 8:9.

7. Ke ga mmereko wofeng wa go šiginya ga gore le rune re ya kena lekgono? Hlatolla.

⁷ Rune lekgono re kena kaye ga seporofeto so sa Haghayi? Le gana byalo, Jehova o sa na a šiginya ditšhaba ka mokana ga tsona, fote gana byalo le rune re ya kena gana hone. Lebelela taba ye nngwana ke yowa: Ka 1914, Jehova o yye a beya Jeso Kreste gore go be Kgoši ya Mmušo Wage wa legedimong. (Pis. 2:6) Tsa gore go šele go na le Mmušo wone ke mo go le ditaba tsa go tooka ga ba go yeta mahlong ba lefase lowa. Tsotsone ke mo di rela gore “nako yo yi beyiwweng ya ditšhaba”—nako ya gore ke mo go se na wa go lawola wa gore o yemela Jehova ka boyene mong—ke mo yi segele mafelelong. (Luka 21:24) Ka taba la gore tsotsone re di bona gabutši, ka matlamatla go tlugisela ka 1919, batho ba Jehova ke mo ba kene ba bolabola ka Mmušo wa Modimo gore ke wona fela wa gore batho ba ka ngangarela ga wona. Mmereko wowa wa go tšhomayela ‘ditaba tsa go bafala tsa Mmušo’ wo šiginya lefase ka mokana ga lona.—Mat. 24:14.

8. Pisalema 2:1-3 yi šupetsa gore ba go tlala ba ditšhaba ba fo re king mo ba kwa molayetsa wowa?

⁸ Mo batho ba kwa molayetsa wowa, ba fo re king? Ba go tlala ba fo swaya molala. (Bala Pisalema 2:1-3.) Batho ba ditšhaba ba ro fufulela. A ba nyake go lawola ke Jehova. Ga bona, molayetsa wa Mmušo wo re wo tšhomayelang a  yi “ditaba tsa go bafala.” Gabutšibutši, go na le memmušo ye mengwana ya gore yi ro rakela mmereko wa rune wa go tšhomayela! Ba go tlala ba go lawola ditšhaba tsowa a ba tšhabe le go ro hlaya gore ba berekela Modimo, mara a ba nyake go lisetsa go yeta batho ba bangwana mahlong kela go ba lawola. Ba go lawola ba lekgono ba fo titshwanela le ba go lawola ba dinako tsela tsa Jeso, ba šuhlašuhlana le bo ba go tshepega ba gore ba latelela Ye Jehova a mo tlotsiyeng ka moya wage, ba šupetsa gore ba phigisana le yene mong.—Meber. 4:25-28.

9. Jehova o fo re king mo a bona batho ba ditšhaba ba tiwomisa dihlogo?

⁹ Jehova o fo re king mo a bona batho ba ditšhaba ba tiwomisa dihlogo? Mo Pisalema 2:10-12 yi fetola yi re: “Byalo, lune magoši, šupetsaneng gore le hlalefiye; yamogelaneng go wolodiwa, lune ba go yahlula lefase. Berekelaneng Jehova le kene le šupetsa gore le ya mo tšhaba, le jabole le kene le hlagasela. Gadimisaneng morwayi, mo le sa make tsotsone le nyoko mo kwatisa ga Modimo fote go nyoko fela ka lune ho tseleng, ka taba la gore o yakgoswa a kwata. Ka mokana ga bona ba gore ba tšhabela Gage baa jabola.” Jehova o thula lešuba la go šupetsa bo ba mo phigisang gore o ba kwela go baba. Ba sa na ba ka kgona go tšhentšha menagano ke mokane ba yamogela Mmušo wa Jehova. Mara nako a ya yemela motho. Re phela ga “dinako tsa mafelelo” tsa lefase lowa. (2 Thim. 3:1; Jes. 61:2) Gana byalo gona di nyaka batho ba nape ba ro tšhuta nnete ka go yakgoswa gore ba thogo segelela sepheto sa gabutši.

10. Mohlobo wa go šiginya wo Haghayi 2:7-9 yi bolabolang ka wona wo leya dilo difeng tsa gabutši?

¹⁰ Batho ba bangwana ba thomisa go maka tsa gabutši ka taba la mohlobo wa go šiginya wo Haghayi a bolabodiyeng ka wona. O re botsa gore ka taba la go šiginya, “go nyoko kena mong makolwane [batho ba dipelo tsa go tshepega] ya ditšhaba ka mokana ga tsona” ma tl’le rapela Jehova. * (Bala Haghayi 2:7-9.) Jesaya le Mmika ba bolabodiye ka dilo tsa go tshwana tsa gore ke mo di nyoko makega ka “matšatši ya mafelelo.”—Jes. 2:2-4; Mmik. 4:1, 2.

11. Mo mogageru ye mongwana a kwa molayetsa wa Mmušo la mathomo o yye a maka ying?

 ¹¹ Lebelela gore molayetsa wa go šiginya lefase wo mo makiye ying ga mogageru ye ba reng ke Ken, wa gore o bereka ga ntlo ye kgolo ya lefase ka mokana ga lona. O sa na a gopola gabutši tšatši la mathomo mo a kwa molayetsa wa Mmušo gana hala ga 40 ya mengwaga ya go fela. Ken o re: “La mathomothomo mo ke kwa nnete ya go tšwa Lentsung la Modimo, di yye dya njabodisa ka matla go tšhuta gore matšatši ya re phelang ga wona ya lefase lowa ke ya mafelelo. Ke yye ka di bona gore ho nkare ke nyaka gore Modimo a ng’yamogele fote ke tle ke kraye lephelo la go ya go yye, di nyaka ke šiye dilo tsa lefase lowa la gore le ya tekateka ke mokane ke ye ke yeme ka nthoko ga Jehova ke sa thogathoge. Ke yye ka rapela, ka napa ke maka ka mokgonone. Ke yye ka šiya dilo tsa lefase lo ke mokane ka tšhabela ga Mmušo wa Modimo wa gore a wo tekateki.”

12. Tempele ya Jehova yi thanakiwa ka mokgo mang ka dinako tsowa tsa mafelelo?

¹² Go tlugisela botala Jehova a na a rufa batho bage. Ga matšatši yawa ya mafelelo, re bonne dinombhoro tsa bo ba mo rapelang di yeketsega ka go yakgoswa. Ka 1914, ke mo re fo ba gana hala ga dikete. Gana byalo re teya ka ku ga mabala (8) ya dimiliyoni ba gore re berekela Modimo fote dimiliyoni tse dingwana di ba le rune mongwaga wo mongwana le wo mongwana mo re na le Segopotso. Tsotsone di maka gore ka ho lapeng la tempele ya Jehova ya ho lefaseng, mokgwa wage wa go rapela ka tsela ya go yela, go tlale “mong makolwane ya ditšhaba ka mokana ga tsona.” Fote mo batho bo ba kene ba tšhentšha mekgwa ya bona ya go phela gore go be bona batho ba nyuwane, ba maka gore go thanakiwe lebitso la Jehova.—Maef. 4:22-24.

13. Dilo tsowa tsa go jabodisa di maka gore go makege diporofeto difeng tse dingwana? (Lebelela sethombhe sa ka tawong.)

¹³ Dilo tsowa tsa go jabodisa di maka gore diporofeto tse dingwana di makege, go tshwana le tso di leng ga Jesaya tema 60. Temanyana 22 ya tema yone yi re: “Sa nkare se kwaritšele se nyoko gula sa ba sekete ke mokane sa nkare ke se senyana go nyoko ba setšhaba sa go ba le matšhika. Nna mong Jehova, ke nyoko di tabogisa ka nako ya tsona.” Batho ba go rapela ka mokgwa wa nnete ba fo yeketsega ba yeketsegiye, byalo go makega selo se sengwana sa go jabodisa. “Makolwane”  yawa mo ma kena ka ho phutegong ma tla ma na le dilo tsa mohlobohlobo tso ma di tšibang, le moya wa go kwana le go tšhomayela “ditaba tsa go bafala tsa Mmušo.” Ke mokane go ba ka mokgonola Jesaya a hlayyeng, batho ba Jehova ba yangwa “lebese la ditšhaba.” (Jes. 60:5, 16) Makolwane yawa ya banna le ya basadi ma maka gore mmereko wa go tšhomayela wo makege gabutši ga 240 ya dinaga fote dipuku di krayega ka mebolabolo ya go teya ka ku ga 1 000.

14. Di nyaka batho ba segelela sepheto sefeng gana byalo?

¹⁴ Ka nako yowa ya mafelelo, taba ya go šiginya ditšhaba yi tšhofa batho gore ba segelele sepheto. Ayitsano ba nyoko yema le Mmušo wa Modimo, kela ba nyoko šupetsa ba tshepa memmušo ya lefase lowa? Di ko fo ya ka motho, mara yowa taba a yi ya go kgana. Le mo batho ba Jehova ba theetsela melawo ya mmušo ya naga yo ba dulang ga yona, a ba tšhele letsogo ga dilo tsa dipolotiki tsa lefase lowa. (Marom. 13:1-7) Baa tšiba gore Mmušo wa Modimo ke wona wo le ntoši wo nyoko tlang wo lukisa mathatha ya batho. Mmušo wone a yi wa lefase lowa.—Joh. 18:36, 37.

15. Puku ya Kutullo yi bolabola ka mohlobo wofeng wa go liketsiwa ka matla?

¹⁵ Puku ya Kutullo yi re ka matšatši ya mafelelo, batho ba Modimo ba nyoko liketsiwa gore di thogo šupetsa gore ba tshepega go segela kaye. Re nyoko kgahleletsega re kgahleletsegiye ka taba la go liketsiwa hone. Ba dipolotiki ba lefase lowa ba nyoko nyaka go re makisa ka tšhinghi gore re ba rapele fote ba nyoko hlorisa ba gore ba gana go yema nabo. (Kut. 13:12, 15) Ba nyoko “gapeletsa batho ka mokana ga bona, ba bagolo le ba banyana, ba go ghanya le ba go tihlupegela le ba gore ke mabhantiti, gore ba tshwanele go merekiwa ga letsogo la bona la go ja kela ho mopong wa bona.” (Kut. 13:16) Mabhantiti ka dinako tsa ku botala ke mo ba ma mereka go šupetsa gore mong wa wona ke mang. Le lekgono, di nyoko nyaka gore batho ka mokana ga bona ba be le selo sa nkare ba ro ba mereka kela setwaba ho letsogong kela ho mopong. Tso ba di naganang le tso ba di makang di nyoko šupetsa gore ke ba mokgahlo wofeng wa dipolotiki.

16. Ke ntaba di nyaka re yakgoswe re šupetsa gana byalo gore ga Jehova re mo ngangarele ka go tshepega?

¹⁶ Ayitsano re nyoko yamogela selo sowa sa nkare ke setwaba ke mokane ra yema le memmušo ya dipolotiki? Mo motho a gana go merekiwa, o nyoko goga go baba fote o nyoko ba a kgana ka mollo. Mo puku ya Kutullo yi ya mahlong yi re: “Go sa be le motho wa go reka kela wa go rekisa mo go se motho wa gore ba mo merekiye.” (Kut. 13:17) Mara batho ba Modimo baa di tšiba tsa gore Modimo o nyoko maka ying ka batho ba gore ba na le setwaba so go bolabodiwang ka sona ga Kutullo 14:9, 10. Ba ka sa dumele go merekiwa, gabutšibutši ba ko ba ba šupetsa gore ho matsogong ya bona ke setšha ba ba ngwadiye gore, “Ke Nna wa Jehova.” (Jes. 44:5) Di nyaka re šupetse gana byalo gore ga Jehova re mo ngangarele ka go tshepega fote a re thogathoge. Mo re maka ka mokgonone, le Jehova a ka sa tšebe mara o nyoko ro hlaya a kene a ngwalangwala a re ke rune bage!

17. Ga taba ya gore Jehova o lefisa pelo, a di nyake re lebala ying?

¹⁷ Jehova o lefisiye pelo ka matla ka matšatši yawa ya mafelelo. Aa nyake go ba le ka wweši ye a bolayiwang. (2 Pet. 3:9) Ka mokana ga rune o re thulele lešuba la gore re tisole ke mokane re segelele sepheto sa gabutši. Mara a ka sa fo lefisa pelo go ya go yye, go na le mo a nyoko kgerang gona. Mo motho a ka fo pumutsa ke lešuba lowa o nyoko tikraya a tshwana le Faro ka dinako tsa Moše. Jehova o yitseri ga Faro: “Nke ke šele ke gogiye letsogo laka ke teyannye wene le batho bago la šala le kwa go sasamela, fote nke ke le suwelannye  ho lefaseng. Mara ke fo ba ke go lisetsiye gore o phele ka taba la gore: ke nyaka go go šupetsa gore ke na le matšhika fote ke nyaka go maka gore lebitso laka le sabalale lefaseng ka mokana ga lona.” (Ek. 9:15, 16) Ditšhaba ka mokana ga tsona di nyoko šinya di tšiba gore Jehova ke yene a ntoši Modimo wa nnete. (Hezek. 38:23) So se nyoko makega ka mokgo mang?

18. (a) Haghayi 2:6, 20-22 yi bolabola ka mohlobo wofeng wo mongwana wa go tekatekisa kela go šiginya? (b) Re di tšibela kaye tsa gore tso Haghayi a di bolabodiyeng di sa nyoko makega ku mahlong?

¹⁸ Mo dinako tsa Haghayi di šele di na le mengwaga ya go tlala di fitiye, Pawulo wa lepostola o yye a hlohletsela ke moya gore a šupetse gore mantsu ya ma leng ga Haghayi 2:6, 20-22 ma sa nyoko makega ku mahlong. (Bala.) Pawulo o ngwadiye gore: “Gana byalo o tshepisiye gore: ‘Gana byalo lowa nka sa sa tekatekisa lefase le ntoši mara ke nyoko tekatekisa le legedimo.’ Mantsu yawa ya gore ‘gana byalo lowa’ ma šupetsa gore Modimo o nyoko tlosa dilo tsa gore di ya tekatekisiwa, dilo tsone a di ya maka ke Modimo, gore go šale dilo tsa gore a di tekateki.” (Maheb. 12:26, 27) Mohlobo wowa wa go šiginya kela go tekatekisa a wo tshwane le wo wo hlayang ke Haghayi 2:7, wowa wo rela gore go nyoko ro napa go fela ka batho ba gore ba tshwana le Faro, ba gore ba gana go yamogela taba ya gore Jehova ke yene a lawolang.

19. King sa gore se ka sa šiginyegi fote re di tšibela kaye tsotsone?

¹⁹ King sa gore se ka sa tekatekisiwi kela go tlusiwa? Pawulo o yye a ya mahlong a re: “Ka taba la gore re ya di bona gore re nyoko kraya Mmušo wa gore wo ka sa tekatekisiwi, koriyeneng mahlong re maka gore Modimo a re kwele go baba mo re kene re mo makela mmereko wa go hlawolega re kene re šupetsa gore re ya mo hlompa.” (Maheb. 12:28) Go nyoko tupa lerole mo go šiginyega la mafelelo, mara mo lerole lone le fela, Mmušo wa Modimo wo nyoko šala wo le ntoši fote wo ka sa tekatekisiwi. Wo nyoko fo re kikinini!—Pis. 110:5, 6; Dan. 2:44.

20. King sa gore di nyaka batho ba tikgetela fote re ka ba gelepa ka mokgo mang?

²⁰ Phela a go sa na nako! Di nyaka batho ba kgete gore: Ayitsano ba nyoko ya mahlong ba yema le mokgwa wa go phela wa gore wo hlohletsela ke lefase lo, wa gore wo ba yisa likgung, kela ba nyoko karakara gore maphelelo ya bona ma yelane le so se nyakang ke Modimo, ke mokane ba kraya lephelo la go ya go yye? (Maheb. 12:25) Mo re kene re tšhomayela, re gelepa batho gore ba thogo segelela sepheto sa gore ba nyoko yema kakaye ga taba yowa ye kgolo ka matla. Koriyeneng mahlong re kene re gelepa batho ba go tlala ka matla ba gore ba tshwana le makolwane gore le bona ba yeme le Mmušo wa Modimo. Fote nkare re ka fo dula re naganne mantsu ya Morena wa rune Jeso ya gore: “Ditaba tso tsa go bafala tsa Mmušo di nyoko sabalatsiwa lefaseng ka mokana ga lona, gore ditšhaba ka mokana ga tsona di thogo bona, ke mokane lefase le nyoko fela.”—Mat. 24:14.