1. Re ka tipotsa gore re nyaka go segelela ying mo re kene re tsofala?

HO RE kene re tsofala, re ka fo tseya nkare ho ga Jehova go nyoko fo ba pelo phi, ra sa sa bonala go tshwana le nakwela re sa tikwelela. Matšhika ya rune a ma sa tshwana le nakwela re sa le ba banyana, mara re hlalefiye fote le tsa lephelo re ya di tšiba, byalo re ka gelepa bo ba gore ba sa tiyelele gore ba tšibe mmereko fote ba make le tse dingwana tsa nyuwane. Mogageru ye mongwana wa gore ke botala go le mogolo o yitseri: “Nakwela ke bona gore matšhika yaka maa pomega ka taba la go tsofala, ke mo ke jabodisa ke gore go na le magageru ya gore ma sa tiyelele ya gore ma ka maka mmereko wo ne ke wo maka.”

2. Re nyoko petapeta ka ying ga hlogotaba yowa?

² Ga hlogotaba ya go fela, re hlayye gore di ka ba gelepa ka ying bo ba gore ba sa tiyelele mo ba nghanelana le ba gore ba šele ba gudiye. Ga hlogotaba yowa, re ko boneng gore go tinyanafatsa, go tšiba mo o kgerang gona, go leboga le go sa konane di ka ba gelepa byang ba gore ba šele ba gudiye gore ba thogo berekisana le bo ba gore ba sa tiyelele, gore phutego ka mokana ga yona yi thogo rufega.

3. Mafilipi 2:3, 4 yi re go tinyanafatsa king, fote go ka gelepa Mokreste byang?

³ Bo ba gore ba šele ba gudiye di nyaka ba tinyanafatse mo ba nyaka go gelepa ba gore ba sa gola. Motho wa gore o tinyanafatsiye o tseya gore ba bangwana baa mo phala. (Bala Mafilipi 2:3, 4.) Ba gore ba šele ba gudiye ba go tinyanafatsa baa tšiba  gore Mangwalo maa hlaya gore di tlele ditsela tsa go maka mmereko, wa boya wa phomelela. Tsotsone di maka gore ba sa yemele gore ba bangwana ba make dilo go tshwana nabo. (Mmo. 7:10) Ba ka tšhutisa bo ba gore ba sa gola tso ba di tšhutiyeng ho lephelong, mara baa tšiba gore “dilo tsa lefase lowa di ya tšhentšha,” le bona di ka nyaka gore ba tšhute dilo tsa nyuwane.—1 Makor. 7:31.

4. Bapotulugi ba tseya dilo byang go tshwana le Malifi?

⁴ Ba gore ba šele ba gudiye ba gore ba tinyanafatsiye baa di bona gore mo ba kene ba tsofala, a ba sa kgona go maka dilo tsa go tlala go tshwana le botala. Tla re fo tseya ka bapotulugi. Mo mengwaga ya bona yi segela ga 70, ba ba kgopela gore ba kgete mmereko wo mongwana. O ka kraya di ba thathafela. Di ka maka ke gore ke mo ba jabolela mmereko wa go gelepa magageru. Mmereko wone ke mo ba kwana nawo ka matla, fote ba sa na ba wo jabolela. Mara baa di kwisisa gore go nyakega ba gore ba sa na le matšhika. Ba maka go tshwana le Malifi ya Israyele ya ku botala, ya gore ke mo ma tshwanele ma lisetse go bereka taberenakeleng mo mengwaga ya wona yi segela ga 50. Malifi yane ya gore ke mo ma šele ma gudiye ke mo ma sa fo jabolela mmereko ka wwoši. Ke mo ma bereka ma šwennye ga mmereko wo ma nang nawo, ma boya ma karakara gore ma gelepe bo ba gore ba sa tiyelele. (Dip. 8:25, 26) Lekgono, bo ne go le bapotulugi a ba sa vakašela diphutego tsa go tlala mara ba gelepa ka matla le go hlohletsela phutego yo ba leng ga yona.

5. Wene o tšhuta ying ga Dan le Katie?

 ⁵ Tla re beyiseneng ka mogageru Dan, wa gore o fetsiye 23 ya mengwaga go le mopotulugi. Mo Dan a tshwara 70 ya mengwaga, yene le mosadi wage ye ba reng ke Katie, ba yye ba ba kgeta gore go be mašupatsela ya go hlawolega. Dilo di sepela byang ga mmereko wa bona wa nyuwane? Dan o re mebereko yage yi f’lo re boya! O bereka mmereko wage wa ka ho phutegong, o gelepa magageru gore ba segelele mmereko wa go ba malata ya ka phutegong a boya a tšhutisa ba bangwana gore ba thogo tšhomayela ditoropong tse dikgolo le dijele. Lune ba gore le šele le gudiye, le ka gelepa ba bangwana ka dilo tsa go tlala, a go na taba gore le maka mmereko wa nako ka moka ga tso tsa Modimo kela byang. Le ka gelepa ka mokgo mang? Kwana le mmereko wago wa gana byalo, tipeyele tso o nyakang go di segelela, o lebelele ka matlamatla tso o ka kgonang go di segelela, tsa gore o ka sa di kgone o sa hlupege ka tsona.

6. Ke ntaba di le gabutši gore motho a titšibe gore o kgera kaye? Beyisa.

⁶ Mo motho a titšiba gore o kgera kaye, tso di mo šitang wa di tšiba. (Diy. 11:2) Mo a titšiba gore o kgera kaye, aa be le magaba. Tsotsone di nyoko maka gore a dule a jabodiye a boye a bereke a šwennye. Motho wa gore wa titšiba gore o kgera kaye re ka mo tshwanisa le motho mo a dhrayiva koloyi mmotong. Di nyaka a tšhele ghere ya fase gore koloyi yi thogo rotoga. Koloyi yone o ka kraya yi sepela ka gonyana, mara yi kene ya rotoga. Le motho wa go tšiba mo a kgerang gona o ko tšibeng gore ke leng mo di nyakang a “tšhele ghere ya fase” gore a thogo ya mahlong a berekela Jehova.—Mafil. 4:5.

7. Bharasilayi o makiye ying go šupetsa gore wa titšiba gore o kgera kaye?

⁷ Tla re beyiseneng ka Bharasilayi wa gore ke mo a na le 80 ya mengwaga ka nakwela Kgoši Dafita a mmitsa gore a tle a bereke mošata. Bharasilayi o yye a gana ka taba la gore ke mo a titšiba gore o kgera kaye. Bharasilayi ke mo a titšiba gore ka taba la go kgalabyela, o ko šitegeng ga tse dingwana, byalo o yye a re ba berekise Tšhimohamo ka taba la gore ke mo go sa le mosogana. (2 Sam. 19:35-37) Banna ba gore ba šele ba gudiye ba tshwana le Bharasilayi, a ba kokole mo mmereko wo maka ke ba gore go sa le masogana.

8. Ga taba ya go yaga tempele, Kgoši Dafita o šupetsiye ka ying gore wa titšiba gore o kgera kaye?

⁸ Kgoši Dafita le yene ke mo a titšiba gabutši gore o kgera kaye. Ke mo a di nyaka ka matla go yagela Jehova ntlo. Mara mo Jehova a mmotsa gore o kgetiye Solomoni wa gore go sa le mosogana gore go be yene a yagang, Dafita o yye a yamogela sepheto sa Jehova ka matsogo ka mabedi a boya a tšhela letsogo ka pelo ya go felegelela gore mmereko wone wo makege. (1 Dikor. 17:4; 22:5) Dafita ke mo a sa tseye gore mmereko wone wo nyoko kgona ke yene, ka taba la gore Solomoni ‘ke mo go sa le ye monyana fote a sa phiphila.’ (1 Dikor. 29:1) Dafita ke mo a di tšiba gore mmereko wa go yaga wo nyoko phomelela ka taba la gore Jehova a wo rufa, di ka sa yi ka gore ye a yagang o na le mengwaga ka mekaye kela tsowa tsa go yaga o di tlwayele. Le lekgono, bo ba gore ba šele ba gudiye ba tseyela ga Dafita, a ba lisetse go bereka le mo mmereko wa bona wo tšhentšha. Baa di tšiba gore Jehova o nyoko rufa bo ba gore ba sa tiyelele ba gore ba maka mmereko wo ne wo maka ke bona.

9. Mogageru wa go bereka ga Komiti ya Lekala o šupetsiye ka ying gore wa titšiba gore o kgera kaye?

⁹ Ye re ka kopiselang gage lekgono ke mogageru  ye ba reng ke Shigeo. Ka 1976 ke mo a na le 30 ya mengwaga, byalo ba yye ba mo kgeta gore a bereke ga Komiti ya Lekala. Ka mongwaga wa 2004 o yye a ba mohlakanisi wa Komiti ya Lekala. Mo nako yi kene yi ya, a bona gore matšhika a ma sa šiyo fote o šitega go maka mebereko ye mengwana. O yye a rapela gore a thogo bona gore mo mogageru wa gore o sa tikwelela a ka tseya mmereko wage tsotsone di nyoko gelepa ka ying. Mogageru Shigeo a go sa le mohlakanisi wa Komiti ya Lekala, mara o sa na a berekisana nabo gabutši ka matla. Re di bonne ga mošupetso wa Bharasilayi, Kgoši Dafita le Shigeo gore motho wa gore o tinyanafatsiye a boya a titšiba gore o kgera kaye, a ka sa lebelele tso bo ba gore ba sa tiyelele ba sa di tšibing, mara o nyoko lebelela tso ba di tšibang. A ka sa tseye gore baa phadisana, mara o nyoko tseya gore baa berekisana.—Diy. 20:29.

10. Ba gore ba šele ba gudiye ba tshwanele ba tikwe byang ka bo ba gore ba sa tiyelele ba ka ho phutegong?

¹⁰ Ba gore ba šele ba gudiye ba tseyela gedimo bo ba gore ba sa tiyelele ka taba la gore baa tšiba gore ba ba neyye ke Jehova. Mo matšhika ya bona ma kene ma pomega, ba leboga gore bo ba gore ba sa na le matšhika ya bosogana ba kgona go maka mebereko ya ka phutegong.

11. Ruthi 4:13-16 yi šupetsa ka ying gore re nyoko rufega mo re ka fo lisetsa bo ba gore ba sa tiyelele gore ba re gelepe?

¹¹ Mošupetso wa gabutši ka matla wa ka ho Bhayibeleng ke wa Nawumi wa gore ke mo a šele a gudiye, mara a tseyela gedimo tso a di makelang ke wa gore go sa le ye monyana. Mathomisong, Nawumi ke mo a gapeletsa makoti wage wa gore ke mo a hlokofalele ke monna ye ba reng ke Ruthi gore a sologe a ye gagabo.  Mara Ruthi o yye a gana, a botsa Nawumi gore o ya naye Betlelehema, byalo matsalage a sa sa gana mo Ruthi a re o ko mo gelepa. (Rut. 1:7, 8, 18) Yone ke mo go le taba ya gabutši ka matla ga basadi bo ka babedi! (Bala Ruthi 4:13-16.) Bo ba gore ba šele ba gudiye ba ko di makeng tsa go tshwana le tsa Nawumi mo ba ka fo tinyanafatsa.

12. Pawulo wa lepostola o šupetsiye ka ying gore wa leboga?

¹² Pawulo wa lepostola ke mo a leboga gore magagabo ke mo ma mo gelepa. Mo re beyisa, o yye a leboga Makreste ya ku Filipi ka tso ma mo romeleng tsona. (Mafil. 4:16) O lebogiye le ka mokgo Thimothi a mo gelepiyeng ka gona. (Mafil. 2:19-22) A boya a leboga le Modimo ka bo ba yyeng ba tla ba mo tiyisa nakwela ba mo kwalela jele ya ku Roma. (Meber. 28:15) Pawulo ke mo go le monna wa go ba le matšato wa gore ke mo a sepela nako ya go lefa a ye tšhomayeleng a boya a tiyisa diphutego. Mara, mo magagabo ma nyaka go mo thuša, tsotsone ke mo di sa mo tšebisi.

13. Bo ba gore ba šele ba gudiye ba ka šupetsa ka ying gore ba ba tseyela gedimo ga bo ba gore ba sa tiyelele?

¹³ Go na le dilo tsa go tlala tso lune ba gore le šele le gudiye le ka di makang tsa go šupetsa gore le ba tseyela gedimo bo ba gore ba sa tiyelele ga phutego yo le leng ga yona. Mo ba nyaka go le gelepa ka sa go kalama, go le yela ditolo kela go le makela tse dingwana tsa gore le gayela ga tsona, le sa gane barena. Tseyaneng gore tsotsone ba le makelang tsona di šupetsa gore Jehova o le nyaka ka matla. Le ka kraya le šele le nghanelana nabo. Le liketse go ba gelepa gore ba tiyise senghana sa bona le Modimo, le boye le ba botse gore di ya le jabodisa mo le bona ba liketsa go segelela tse dingwana gore ba thogo berekisiwa ka phutegong. Le tipeyele nako ya go ba hlayisela ka tso le fitiyeng ga tsona tsa lephelo. Mo le maka ka mokgonone le ko ba le šupetsa gore ‘le leboga’ Jehova gore o gogiye ba gore ba sa tiyelele gore ba tle ka ho phutegong.—Makol. 3:15; Joh. 6:44; 1 Mathes. 5:18.

14. Kgoši Dafita o šupetsiye ka ying gore aa konane?

¹⁴ Ga Kgoši Dafita, re tšhuta taba ye nngwana ye kgolo ka matla yo di nyakang yi make ke bo ba gore ba šele ba gudiye, taba yone ke go sa konane. O yye a neyela ka tšheleta le dilo tsa go tlala gore a thege mmereko wa go yaga tempele. (1 Dikor. 22:11-16; 29:3, 4) O neyele le mo a tšiba gore ba nyoko thanaka morwayi wage Solomoni ba re o yagiye tempele. Mo re sa sa na matšhika ya go bereka mebereko ya go yaga, re ka ya mahlong re thega mebereko yowa ka go ntsha meneyelo, yo re ka yi kgonang. Re ka gelepa ba gore ba sa tiyelele ka tso re di tšhutiyeng lephelong ku nthago.

15. Ke dilo difeng tse dikgolo tso Pawulo wa lepostola a di neyyeng Thimothi?

¹⁵ Pawulo wa lepostola le yene wa kena ga taba yowa ya go sa konane. O yye a bitsa Thimothi gore a ye naye ga mmereko wa borumiwa, a boya a mo tšhutisa mekgwa ya go tšhomayela le ya go tšhutisa. (Meber. 16:1-3) Tso Pawulo a di tšhutisiyeng Thimothi di mo gelepiye gore a phomelele ga mmereko wa go tšhomayela ditaba tsa go bafala. (1 Makor. 4:17) Thimothi le yene o yye a tšhutisa ba bangwana tso a di tšhutiyeng ga Pawulo.

16. Shigeo ke mo a maka king gore a tšhutise ba bangwana mmereko?

¹⁶ Lekgono ba gore ba šele ba gudiye a ba tshose ke gore mo ba ka tšhutisa ba gore ba sa tiyelele mmereko wo ne ba wo maka, ba ko tseyiwa go sa sa le selo ka ho phutegong. Mo re beyisa, Shigeo yela re šeleng re bolabodiye ka yene ku kgakala, o fetsiye mengwaga ya go tlala a tšhutisa ba gore ba sa tiyelele ba Komiti  ya Lekala. Ke mo a makela gore mmereko wa Mmušo ga naga yo a leng ga yona wo ye mahlong. Tsotsone di berekiye ka taba la gore mo nako ya gona yi segela, go yye gwa ba le mogageru wa gore o tšhutisiwe gabutši gore go be yene mohlakanisi wa Komiti ya Lekala. Shigeo o sa na a tšhutisa ba gore ba sa tikwelela tso a di tšhutiyeng ga Komiti ya Lekala ka mengwaga ya go teya ka ku ga 45. Batho ba Modimo ba tseyela batho ba mošaga wowa gedimo!

17. Luka 6:38 yi šupetsa gore bo ba gore ba šele ba gudiye ba ka ba neya ying ba bangwana?

¹⁷ Lune magageru ya gore le šele le gudiye, le napa le di beya lekgwaying gore a se šiyo sa go phala go berekela Jehova ka tumelo le ka go tshepega. Tso le di makang di šupetsa gore go tšhuta ditšhiko tsa Bhayibele le boya le di berekisa a yi fo ba go kgana ka nako. Le di tšiba gabutši gore dilo ke mo di makiwa byang botala, mara fote le ya bona gore ke ntaba di nyaka le tšhentšha le seyemo. Le lune ba gore le šele le gudiye mara le sa tšwa go kolobetsiwa go na le tso le ka di makang fote le ka botsa ba bangwana gore di le gelepiye ka mokgo mang go tšiba ka Jehova gana byalo. Ba gore ba sa tiyelele ba ka jabolela go kwa ka tso le di tšhutiyeng le tso le gahlanneng natso lephelong. Mo le ‘ka ya mahlong le neyana tso le nang natso’ tsa gore di ka seralong sa tso le di tšhutiyeng, Jehova o nyoko le rufa ka matla.—Bala Luka 6:38.

18. Ba gore ba šele ba gudiye le ba gore ba sa tiyelele ba ka gelepana byang?

¹⁸ Mo lune ba gore le šele le gudiye le nghanelana le ba gore ba sa tiyelele, le nyoko tiyisanana. (Marom. 1:12) Ye mongwana le ye mongwana go na le tso a ka di tšhutang ga ye mongwana. Bo ba gore ba šele ba gudiye ba tšhutiye tsa go tlala tsa lephelo fote di ba hlalefisiye. Ba gore ba sa tiyelele ba na le matšato le matšhika. Mo bo ba gore ba sa tiyelele le ba gore ba šele ba gudiye ba berekisana, ba thanakisa Papa wa rune wa legedimong wa gore wa re nyaka fote phutego ya rufega.