1. Ba bangwana di ka ba tshwara byang mo go na le wa gabo kela lešaga wa gore ba mo ntshiye ka phutegong?

TSO tsa gore wa genu a ntshiwe ka phutegong, nje di yye dya makega gago? Di baba mong go baba! Mogageru wa mosadi ye ba reng ke Hilda * o re: “Ke yye ka kwa go baba la go sa hlayisege mo monnaka a hlokofala, ke mo re šele re na le 41 ya mengwaga re šadhiye. Mara mo morwayi waka a lisetsa phutego, a lisetsa mosadi wage le bananyana, ke yye ka šinya ke kwa nkare nko ro hlakana hlogo.”

2-3. Pisalema 78:40, 41 yi šupetsa gore Jehova o fo re king mo ye mongwana wa malata yage a sa sa yi kena yage?

² Nakwela mangeloyi ya ma leng ka mutšing wa Jehova ma mo jikela, di šupa nkare o yye a kwa go baba ka matla! (Juda 6) Fote o fo nagana gore di ka fo ba di mo thunugiye go segela kaye ho a bona batho bage ba gore o kwana nabo ka matla, Maisrayele, ba mo jikela gatleletlele. (Bala Pisalema 78:40, 41.) Di tšibe tsa gore le Papa wa rune wa ku legedimong wa gore o re nyaka ka matla, o kwa go baba mo motho ye mongwana wa genu a sa sa yi kena yage. Wa di kwisisa gore le wene o kwa go baba go segela kaye. O nyoko go šupetsa gore o go kwela go baba, o nyoko go tiyisa a boya a go thegeletsa.

³ Ga hlogotaba yowa, re nyoko bolabola ka dilo tso re ka ga di maka gore Jehova a thogo re gelepa mo re tlela ke dilo tsa mošaga wonone. Re nyoko boya re fo re handahanda ka tso re ka ga di maka gore re thuše ba bangwana ka ho phutegong ba gore ba phika ke tsa mošaga wonone. Mara tla re thomiseneng ka go bolabola ka dilo tsa go kekema tsa gore di nyaka re keketlela ku kgole natso.

4. Babelegi ba go tlala ba fo re king mo morwayi kela morwediya wa bona a sa sa yi kena ya go berekela Jehova?

⁴ Mo morwayi kela morwediya a re tsa go berekela Jehova o ko tšwa a di beyye ka thoko, di ka makega gore babelegi ba tiputsise gore anthe ba ka potolla kaye gore ba thogo gelepa ngwana wa bona gore a ngangarele nnete. Morwayi wa mogageru ye ba reng ke Luke  o yye a ntshiwa ka phutegong, byalo papa yewa wage o re: “Ke yye ka tseya gore o makiye ke nna. Le boroko ke mo bo sa tshware. Ke mo go makega tsa gore ke fo tikraya ke lla fote le pelo yowa ke mo yi baba ka matla.” Mogageru wa mosadi ye ba reng ke Elizabeth ke mo a šekedisa ke seyemo sa mohlobo wonone, o yye a re: “Ke nna mmane wage, ke sinnye kaye barena? Ke mo ke kwa nkare di nšitiye go kikitela nnete ka ho pelong ya morwayi waka.”

5. Ke bothatha bya mang mo motho a lisetsa go berekela Jehova?

⁵ Di nyaka re sa lebale gore Jehova o lisetsiye ye mongwana le ye mongwana gore a tikgetele so a nyakang go se maka. Sosone se rela gore di ga rune gore re nyaka go mo theetsela kela byang. Ba bangwana ba gore ba sa gola ba kgetiye go berekela Jehova fote ba natefela ke tso ba mo makelang tsona. Ba bangwana ba gore babelegi ba bona ba yye ba karakara gore ba thogo ba gudisa go ya le ka ditšhiko tsa Bhayibele ba lisetsa nnete mo ba šele ba gulagudiye. So se šalang ke gore motho ka boyene mong o ko tipotseng gore ayitsano o nyoko berekela Jehova kela byang. (Još. 24:15) Byalo lune babelegi ba gore taba yowa yi le kwisa go baba, lisetsaneng go šekela barena, o kraya le nagana gore kela ke lune ba gore a le ya maka tsona mo a šinya a re aa sa yi kena!

6. Motho wa gore o sa gola di ka mo tshwara byang mo mmelegi wage a sa sa yi kena ya go berekela Modimo?

⁶ Go gongwana di ya makega gore mmelegi go be yene a lisetsang nnete, o kraya a šiya le ba mutši wage. (Pis. 27:10) Tsotsone di ka hlupa bananyana ba gore ke mo ba tseya gore ba nyoko tšhuta tsa go tlala ga mmelegi yene wa bona. Papa wa Esther o yye a ntshiwa ka phutegong, byalo morwediya yewa wage o re: “Ke mo ke dulela go lla ka taba la gore ne ke di bona gore a yi fo ba taba ya gore o thomisiye a keketlela ka gonyana ka gonyana gore a feleletse a lisetsiye nnete. O makiye ka go di tšiba gore yene o nyaka go lisetsa Jehova. Ne ke mo nyaka ka matla ga papa, fote nakwela a ntshiwa ka phutegong, ke mo ke dulela go tiputsisa gore ayitsano mo a leng gona o gabutši. Ke mo ke fela ke tšhoga ka matla ke boya ke kwa nkare ke šitega le go wona.”

7. Jehova o fo re king mo a lebelele motho wa gore o sa gola wa gore papage kela mmane wage o ntshiwwe ka phutegong?

⁷ Wene wa gore o sa gola, mo nkare papago kela mmane wago o ntshiwwe ka ho phutegong, ke masopo barena wa tšiba! O sa kamake gore Jehova le yene wa di bona tsa gore o kwalele go segela kaye. O kwana nago ka matla fote wa jabola mo a go bona o kene o tshepega, le rune re jabola ka matla, phela ke rune bobhuti le bosesi bago. Fote o sa lebale gore a yi wene o makiyeng gore papago kela mmane wago a segelele sepheto sone. Re hlayye ku kgakala gore motho ye mongwana le ye mongwana wa tikgetela mo a nyaka go berekela Jehova. Fote motho ye mongwana le ye mongwana wa gore o tineyele a boya a kolobetsiwa “o nyoko rwala morwalo wage.”—Magal. 6:5.

8. Ba bangwana ba ka ho mutšing ba gore bona baa tshepega ba ka fo tšwa ba maka ying mo ba sa yemele gore motho wa gabo a sologe a tle ga Jehova fote? (Lebelela lebhokisi la gore “ Sologa o ye ga Jehova.”)

⁸ Mo motho wa genu a sa sa berekela Jehova, wene o fo ngangarela tshepo ya gore kela tšatš’e nngwana o ko boyeng. O ka fo tšwa o maka ying mo o sa yemele gore a sologe? O ka maka gore wene mong o dule o tlalele ka matla ga tso tsa Modimo. Mo o maka tsotsone, o ko ba o šupetsa ba bangwana ka ho mutšing gore ba ka maka dilo tsa gabutši fote o ka tšhoga o makiye gore le yewa wa gore o tšwile ka phutegong a tseyele gago. Fote o  nyoko kwa o na le matšhika gore o thogo kgohlelela dilo tsone tsa go sasamela. Tla re fo petapeta ka tse dingwana tsa gore o ka di maka.

9. O ka maka byang gore Jehova a go tiyise? (Lebelela le lebhokisi la gore “ Mangwalo ya Gore ma ka go Tiyisa mo wa Genu a Lisetsiye Jehova.”)

⁹ Karakara gore tumelo yago yi dule yi tiyelele. Di nyaka o dula o tiyisa wene mong le ba bangwana ba genu. O ka di maka byang tsotsone? Lisetsa Jehova a go tiyise, tsotsone o ka di maka ka go dula o bala Lentsu la Modimo o boya o ghayela ka tso o di balang, wa boya wa dula o ya megahlanong ya Sekreste. Joanna o na le papa le sesi ba gore ba yye ba lisetsa nnete, byalo o re: “Ke fo kwa ke yitseri tswee mo ke bala ka batho ba ka ho Bhayibeleng ba go tshwana le Abhigheyili, Esitere, Jobo, Josefa le Jeso. Tso ba di makiyeng di maka gore pelo yaka le monagano di be gabutši fote ke kwa nkare di fodisa hala ga gore gwa baba. Le dikoša tsa mokgahlo di nkgomoletsa ka matla.”

10. Pisalema 32:6-8 yi re re ka maka ying mo go na le tsa gore di re kgahleletsiye?

¹⁰ Thuletsela Jehova tso di go šekedisang. Mo go na le tso di go kgahleletsiyeng, mo rapele o sa fetsi. Mo phophotele ga Modimo gore a go gelepe o bone taba go tshwana naye fote a ‘go hlalefise a boye a go yetetse gore o sepele ka pata yifeng.’ (Bala Pisalema 32:6-8.) Ke nnete gore o ka kraya di baba ka matla mo o kene o hlatollela Jehova gore o tikwa byang. Mara Jehova o di kwisisa gabutši ka matla tso di kwisang pelo yago go baba. O go nyaka ka matla fote ke yene a hlayang gore o mo kgotolele tso di go robang ka ho pelong.—Ek. 34:6; Pis. 62:7, 8.

11. Maheberu 12:11 yi re ke ntaba di nyaka re yi tshepe taba ya gore mo Jehova a re wolola o šupetsa gore o re nyaka ka matla? (Lebelela lebhokisi la gore “ Go Ntsha Motho ka Phutegong go Šupetsa Gore Jehova o re Nyaka ka Matla.”)

¹¹ Yema le sepheto so bagolo ba se segeleleng. Tso tsa gore batho ba ntshiwe ka phutegong di makiye ke Jehova. Mo a re wolola, o šupetsa gore  ka mokana ga rune o re nyaka ka matla fote o nyaka gore dilo di re sepelele gabutši, le mong yene yewa wa gore o sinnye. (Bala Maheberu 12:11.) Mo o kraya motho a thomisa go hlaya dilo tsa go kekema, a re bagolo a baa yahlula taba yowa gabutši, o ka kraya a maka ke gore aa nyake go bolabola dilo tsa gore di ka re kwisa go baba ka motho yewa wa gore o sinnye. Rune a re tšibi ditaba ka moka. Byalo, re ko ba re šupetsa gore re hlalefiye mo re tshepa gore bagolo bo ba yyeng ba yahlula taba yone ba yye ba karakara gore ba berekise ditšhiko tsa ka ho Mangwalong fote mo ba yahlula ke mo ba “makela Jehova.”—2 Dikor. 19:6.

12. Ba bangwana di yye dya ba gelepa ka mokgo mang ka taba la gore ba yye ba yema le mokgwa wa Jehova wa go wolola batho?

¹² Mo o yema le sepheto so bagolo ba se segeleleng sa go ntsha motho wa genu ka phutegong, o ka kraya o mo thuša gore a yakgoswe a sologa a tle ga Jehova. Elizabeth yela re bolabodiyeng ka yene ka ku kgakala le yene wa dumela, o re: “Go kgopela morwayi wa rune gore a sa sa tla mo re gahlanne re le mutši ke mo di roba le lengwana la go sa hlayisege. Mara mo a šele a buyye a berekela Jehova, o yye a dumela gore ke mo di ro ba lekgwaying gore di nyaka a ntshiwe ka phutegong. Mo nako yi kene yi ya, o yye a leboga gore taba yowa yi mo tšhutisiye se sengwana. Le nna ke di bonne tsa gore Jehova wa re wolola mo a bona di nyakega.” Monnage ye ba reng ke Mark o tlatsisa ka gore: “Mo go šele go fitiye nako ya go lefanyana, morwayi wa rune o yye a mpotsa gore se sengwana so se makiyeng gore a nyake go boya ke gore le rune re yye ra maka tsotso ne re tshwanele go di maka. Ke jabodiye ka matla gore Jehova o re gelepiye gore re mo theetsele.”

13. O ka gelepa king gore o kgohlelele mo o kwa go baba?

¹³ Mo nkare o na le monghana wa gore wa go kwisisa, mo thuletsele gore o tikwa byang. Nghanelana le Makreste ya gore ma butšwiye ya gore ma ko go gelepeng gore o sa nagane dilo tsa gore a yi tsona. (Diy. 12:25; 17:17) Joanna yela re bolabodiyeng ka yene o re: “Ka ho pelong, ke mo ke teya ke budutu. Mara di n’gelepiye ka matla mo ke bolabola le banghana ba gore baa tshepega.” Mara o ka maka byang mo nkare ba bangwana ka ho phutegong ba hlaya dilo tsa go kekema, tsa nkare ba ro tšhela letswayi mola ga gore o kwalele gona?

14. Ke ntaba di nyaka ‘re fo ya mahlong re lefiselana pelo re boya re tshwarelana re sa kokole’?

¹⁴ Magageru ya banna le ya basadi o ma lefisele pelo. Nnete ke gore ba bangwana ba nyoko fela ba hlaya tsa go fo tikela ku. (Jak. 3:2) Ka mokana ga rune a re ya yenela gabutši ho mmeleng, byalo o sa makale mo ba bangwana ba šitega go hlaya tsa nkare di wolologiye kela ba fo hlaya dilo tsa gore di go kwisa go baba ba sa nagana. O sa lebale tso Pawulo wa lepostola a di hlayyeng mo a re: “Ariyeneng mahlong le lefiselana dipelo fote le tshwarelana le sa kokole le mo go ka fo ba go na le so se ka makang gore ye mongwana a kokole.” (Makol. 3:13) Mogageru ye mongwana wa mosadi wa gore lešaga lage le yye la ntshiwa ka ho phutegong o re: “Jehova o n’gelepiye gore ke thogo tshwarela magageru ya gore ma liketsa go bolabola selo sa gore se gabutši mara se fo tšwa se kekemme.” Phutego yi ka maka byang gore yi gelepe ba bangwana ka ho mutšing ba gore baa tshepega?

15. Mitši ya gore go na le ye a sa tšwang go ntshiwa ka phutegong yi ka gelepa king?

¹⁵ Bo ba gore baa tshepega tla re ba tshwareneng gabutši. Mogageru wa mosadi ye ba reng ke Miriam o re mo bhuti wage a fetsa go ntshiwa ka phutegong, ke mo go le ntshintshire gore a ye megahlanong. O re: “Ke mo ke tšhaba gore batho ba nyoko re king. Mara ke mo go na le magageru ya gabutši ka matla ya gore ma yye ma nkwela go baba ma boya ma sa šupetse gore ma kwatele bhuti ka taba la gore a ntshiwwe ka phutegong. Ba n’gelepiye ka matla, ke mo ke sa kwe nkare ke lla ke le ntoši.” Mogageru ye mongwana wa mosadi o yitseri: “Mo morwayi wa rune a fetsa go ntshiwa ka phutegong, magageru ya mangwana ma yye ma tla ma tl’le re kgomoletseng. Ba bangwana ba yye ba ro hlaya gore a ba tšibi gore ba ka re king. Ba yye ba fo lla le nna kela ba nngwalela sekhatane. Tso ba di makiyeng di nthušiye ka matla!”

16. Phutego yi ka maka byang gore yi ye mahlong yi tiyisa ba bangwana?

¹⁶ Ariye mahlong o kene o thegeletsiye ba mutši wone ba gore baa tshepega. Gana byalo gona go ro ba mong yona nako yo ba nyakang o nape o ba šupetsa gore o ba nyaka ka matla fote o ba tiyise. (Maheb. 10:24, 25) Di fela di makega tsa gore ba mutši wa ye a ntshiwweng ka phutegong ba kwe nkare ba bangwana baa ba kgera mo go na le dilo tso phutego yi di makang ggoši. Tla re sa di makeneng tsotsone! Bo ba gore ba sa gola ba gore babelegi ba bona ba lisetsiye nnete ba napa ba ro nyaka go thanakiwa le go tiyisiwa. Maria, wa gore monnage o yye a ntshiwa ka phutegong ke mokane a šiya mutši wage o re: “Banghana baka ba bangwana ba yye ba tla ku gaye, ba re gelepa ka go yapega ba boya ba tšhuta Bhayibele le rune ka ho mutšing. Ke mo ba nkwela go baba, ba boya ba ro lla le nna. Ke mo ba ng’yemelela mo go kwagala nkare go sabalala matsaka ka rune. Ba ntiyisiye ka matla wa tšiba!”—Marom. 12:13, 15.

17. Bagolo ba ka thegeletsa ba bangwana ka mokgo mang go šupetsa gore ba ba kwela go baba?

¹⁷ Mo go thulega lešuba, bagolo ba liketsa go tiyisa bo ba gore baa tshepega ka hone mutšing. Re na le mmereko wo mogolo wa gore re kgomoletse bo re rapelang ggoši nabo ba gore magagabo a ma sa berekela Jehova. (1 Mathes. 5:14) Liketsa go ba tiyisa mo go soko thoma megahlano ya Sekretse kela mo yi šele yi fediye. Ba vakašele o boye o rapele nabo. Bereka nabo tšhomong, kela mo nkare di ya maka o ka ba bitsa gore ba tle ba be le lune ka  nako ya morapelo wa mutši. Banna bo ba gore baa re disa ka ho phutegong di nyaka ba šupetse bo go leng dinku tsa Jehova ba gore ba kwalele gore ba ba kwela go baba, ba ba nyaka ka matla fote ba hlupega ka bona.—1 Mathes. 2:7, 8.

18. Petro wa Bobedi 3:9 yi re Modimo o ba nabelela ying bo ba gore ba mo sinyele?

¹⁸ Jehova “aa nyake gore go kgwe le motho ka wwoši mara o nyaka gore ka mokana ga bona ba sokologe.” (Bala 2 Petro 3:9.) Le mo motho a ka fo ba a sinnye ka matla, Modimo o sa na a mo tseyela gedimo ka matla. O fo nagana gore Jehova o patele ka selo se segolo ka matla go segela kaye—sehlabelo sa go re lepolla ka Morwayi wage wa gore o mo nyaka ka matla—gore a phonise batho ba go sinya. Batho ba mohlobo wonone Jehova o ba kwela go baba fote o nyaka gore ba sologe ba tle ho gage. O nabela nkare ba ka kgeta go maka tsotsone, go tshwana le tso di yyeng dya maka ke mosogana yela wa gore ke mo a lahlegiye yela Jeso a yyeng a beyisa ka yene. (Luka 15:11-32) Batho ba go tlala ba gore ba yye ba lisetsa nnete ba yye ba sologa ba tla ga Papa wa bona wa legedimong wa gore o kwana nabo ka matla. Le phutego yi yye ya ba yamogela ka matsogo ka mabedi. Elizabeth yela re bolabodiyeng ka yene ku mathomisong o yye a kwa nkare a ka tlogamela a hlakela mo a kwa ba re morwayi wage o buyye ka phutegong. Mo a gopola tso ba yyeng ba feta ga tsona, o re, “Ke leboga ka matla bo ba gore ba yye ba re kgomoletsa, ba re hlohletsela gore re sa lahle tewu.”

19. Re maka king gore re fo ya mahlong re mo tshepa ga Jehova?

¹⁹ Di nyaka re dule re mo tshepa ga Jehova. A ka sa re botse gore re make selo sa gore se nyoko re kwaletsa. Ke Papa wa gore aa konane fote o kwelana go baba, o šupetsa batho ka moka ba gore ba kwana naye le ba gore ba nyaka go mmerekela gore o ba nyaka ka matla. O sa kamake le ka gonyana gore Jehova a ka sa fo go lisetsa a kene a di bona gore o kwa go sasamela. (Maheb. 13:5, 6) Mark yela wa gore re šele re bolabodiye ka yene o re: “Jehova a sanka a re šiya re yitsa. Fote mo go na le tsa go re ghula, o ba a le gana ho thina.” Jehova o nyoko fo ya mahlong a go neya “matšhika ya gore ma ka kgakala ga ya re ma tlwayeleng.” (2 Makor. 4:7) Eya, o ka di kgona go dula o tshepega fote o sa lahle tewu le mo wa genu a ka fo re yene aa sa yi kena ya Jehova.