1. King tso ba ka re butsisang mo re le sekolong kela mmerekong?

 O TIKWA ka mokgo mang mo ye o berekang naye kela ye o kenang naye sekolo a go butsisa ka tso o di dumelang? Ayitsano o fo tikwa o hlagasela? Ba go tlala ba rune re tikwa ka mokgonone. Mara putsiso ya mošaga wonone, yi ka re gelepa gore re thogo go tšiba so motho ye mongwana a se naganang kela a se dumelang fote yi re thulela lešuba la gore re tšhomayele ditaba tsa go bafala. Mara ka dinako tse dingwana, motho a ka fo butsisa putsiso nje a butsisela go nyaka go kwa ka wene. Tsotsone a dya tshwanela go re makatsa. Phela ba bangwana ba ba butsiye ditaba tsa gore a di phili ka tso re di dumelang. (Meber. 28:22) Go tokegela gana hone, re phela ga “dinako tsa mafelelo” ga gore ba go tlala “a ba nyake go dumelelana ka selo” fote ke “ba go ba le lešidi.”—2 Thim. 3:​1, 3.

2. Ke ntaba go temeka go le mokgwa wa gabutši?

² O ka tiputsisa gore, ‘Nka maka byang gore ke kgibe fote ke šupetse gore ke hlalefiye mo ye mongwana a phigisa tso ke di dumelang?’ King so se ka go gelepang? Go temeka go ka go gelepa. Motho wa go temeka aa yakgoswele go fo kwatakwata mara o kgona go titshwara mo ba mo šuhlašuhla kela le mo a sa tšibi gore a ka fetola a re king. (Diy. 16:32) Phela o ka fo kwa nkare go bolabola a go hlupe mara go di maka ke mong bothatha. O ka maka byang gore o temeke? O ka fetola byang o kgibiye mo motho a phigisa tso o di dumelang? Fote mo nkare o mmelegi, o ka gelepa bana bago ka mokgo mang gore ba yemele tumelo ya bona ba kene ba temeka? Tla re boneneng.

3. Ke ntaba re re mo o temeka a di re le gore wa lelemela? (2 Thimothi 2:​24, 25)

³ Mo motho a temeka a di rele gore wa lelemela. Di nyaka motho a ba a yemegiye gabutši gore a thogo kgiba mo a gahlana le seyemo sa go thathafa. Go temeka ke se sengwana sa “diyengwa tsa moya wa go hlawolega.” (Magal. 5:​22, 23) Lentsu la Segerika la gore go “temeka “ga go tlala ne ba le berekisela go hlatolla pera ya hlaga ya gore ba yi tšhutisiye gore yi sa sa ba ya hlaga. O fo nagana pera ya hlaga yi thomisa go beba. Le mo yi le gore pera yone gana byalo yi bebiye mara yi sa na yi na le matšhika. Ka taba la gore ke rune batho, re ka maka ka mokgo mang gore re temeke fote re be le matšhika? Ka borune beng re ka sa di kgone go maka ka mokgonone. Di nyaka re rapelele moya wa Modimo wa go hlawolega, re mo kgopele gore a re gelepe re be le mokgwa wowa wa go bafala. Go na le ba go tlala ba gore ba yye ba tšhuta taba ya go beba. Dihlatse tsa go tlala di yye dya fetola di kene di kgibiye mo di gahlana le ba go di phigisa ke mokane tsotsone dya jabodisa bo ke mo ba di libelele. (Bala 2 Thimothi 2:​24, 25.) Go temeka go ka maka byang gore o tiyelele?

4. Mošupetso wa Isaka wo re tšhutisa ying mo di tla ga taba ya go temeka?

⁴ Bhayibele yi na le mešupetso ya go tlala ya go šihlela taba ya gore go temeka ke mong selo se segolo. Tseya ka mošupetso wa Isaka. Nakwela Isaka a dula nageng ya Mafilisita ku Gherare, bayagelani bage ba gore ba na le jelase ba yye ba fatelanya didiba tsa gore di yepiye ke malata ya papage. Mara Isaka a sanka a lwela gore didiba tsone go be tsage, o yye a fo tseya ba mutši wage ke mokane ba ya ga poleke ya kgole fote a yepa didiba tse dingwana. (Gen. 26:​12-18) Mara Mafilisita ma f’lo re meetši yane ke ya wona. Ga dilo ka mokana ga tsona, Isaka o yye a šupetsa gore o bebiye. (Gen. 26:​19-25) O gelepiye king gore a dule a kgibiye le mo ba bangwana ne ba tikemisele go mo šuhlašuhla? Ke mo a libelele mošupetso wa babelegi bage fote o tšhutiye mokgwa wa go beba wa Abhrahama le taba ya Sara ya gore ne a ‘yitseri tse fote a bebiye.’—1 Pet. 3:​4-6; Gen. 21:​22-34.

5. Ke mošupetso wofeng wo wo šupetsang gore babelegi ba gore ke Makreste ba ka tšhutisa bana ba bona ka mokgo go temeka go leng selo se segolo?

⁵ Lune babelegi ba Makreste, di tshepeneng tsa gore le lune le ka di kgona go tšhutisa bana ba lune gore ba tseye go temeka go le selo se segolo ka matla. Lebelela mošupetso wa Maxence wa gore o na le 17 ya mengwaga. Ne a tshwanele go lebana le batho ba gore ba kwatiye mo a le sekolong le tšhomong. Babelegi bage ba yye ba mo gelepa ba kene ba lefisiye pelo gore a be le mokgwa wa go temeka. Ba re, “gana byalo Maxence o thomisa go di kwisisa gore mo ba mo šuhlašuhla di nyaka gore a liketse ka matla gore a titshware a sa fetole a kwatiye kela a sa lwe.” Sa go jabodisa ke gore Maxence o yye a feleletsa go le motho wa go temeka.

6. Go rapela go ka re gelepa ka mokgo mang gore re lokotše taba ya go temeka?

⁶ Re ka maka ying mo re le ga seyemo sa go tshwana le mo motho a thilafatsa lebitso la Modimo wa rune kela a poyilanya Bhayibele? Di nyaka re kgopele moya wa Jehova wa go hlawolega fote re kgopele le go hlalefa ga gore go tšwa gage gore re thogo fetola re kene re kgibiye. Byalo, re nyoko maka byang mo nkare ka nthago re ya di bona tsa gore a re ya fetola ka mokgo ne re tshwanele go fetola ka gona? Re ka rapela ka taba yone fote, ke mokane ra nagana ka mokgo re ka fetolang gabutši letšatši le lengwana. Ke mokane Jehova o nyoko re neya moya wage wa go hlawolega gore re sa fufulele fote re šupetse gore re ya temeka.

7. Mo re tšiba mangwalo ya mangwana ka hlogo di ka re gelepa ka mokgo mang gore re thogo ba le dibhriki mo re bolabola fote re titshware? (Diyema 15:​1, 18)

⁷ Ditemanyana tsa go tlala tsa Bhayibele di ka re gelepa gore re kgete mantsu mo di thathafa gore re bolabole re kene re kgibiye. Moya wa Modimo wa go hlawolega wo ka re gopotsa ditemanyana tsone. (Joh. 14:26) Mo re beyisa, ditšhiko tso re di krayang ga puku ya Diyema di ka re gelepa gore re kgibe. (Bala Diyema 15:​1, 18.) Fote puku yone ya Bhayibele yi re wunyullela gore ke ntaba di  le gabutši gore re dule re kgibiye le mo re le ga seyemo sa gore sa kgongwetsa.—Diy. 10:19; 17:27; 21:23; 25:15.

8. Ke ntaba di nyaka re nagane gore go ka ba go le ying so se tšhofiyeng motho gore a šinye a butsise putsiso ka tso re di dumelang?

⁸ Go kwisisa dilo go ka re gelepa ka matla. (Diy. 19:11) Motho wa go kwisisa dilo re mmona mo a kgona go titshwara mo a liketsiwa ga tso a di dumelang. Ga go tlala mo batho ba butsisa diputsiso, a ba re botse gore ke ntaba ba butsisa. Byalo, mo re soko bane re mo fetola re ko ba re maka gabutši mo re sa takisi maahlo taba ya gore re ka fo ba re sa tšibi gore motho yene o tšhofiye king mo a šinya a butsisa putsiso yone.—Diy. 16:23.

9. Ghidiyoni o šupetsiye ka mokgo mang gore o hlalefiye fote o a temeka mo a bolabola le banna ba Maifrayimi?

⁹ Lebelela ka mokgo Ghidiyoni a yyeng a fetola banna ba Maifrayimi. Ba yye ba mmutsisa ba kwatiye ka matla gore ke ntaba a sa ba bitsa gore ba ye naye mo a ye lwa le manaba ya Israyele. Nje ke mo ba f’lo kwatisa ke tsotsone? Nje di ka makega gore ne ba hlupa ke magetla? Ghidiyoni o šupetsiye gore o kwisisa ka mokgo ba tikwang ke mokane a ba fetola a kgibiye. Go yye gwa ba le maphomela mafeng? Ba yye “ba kgiba.”—Bay. 8:​1-3.

10. King so se nyoko re gelepang gore re thogo tšiba gore re ka fetola re re king mo ba bangwana ba solasola tso re di dumelang? (1 Petro 3:15)

¹⁰ Ka nakwenngwana motho ye o berekang naye kela ye o kenang naye sekolo a ka go butsisa gore ke ntaba o phela ka melawo ya Bhayibele. Re nyoko  liketsa ka matla gore re yemelele tso re di dumelang re kene re šupetsa motho ye re bolabolang naye gore re hlompa ka mokgo a bonang dilo ka gona. (Bala 1 Petro 3:15.) Ga go tlala, re thogo tshwara motho ka tso a di butsisang gore o hlupega ka ying ka matla, re sa tseyi nkare o re pora ka diputsiso. Di sa yi ka gore ke ntaba motho a butsisiye putsiso yone re ko ba re maka gabutši mo re mo fetola re šupetsa gore re mo kwela go baba. Phetolo ya rune yi ka mo tšhofa gore a hlaye tso a di naganang. Le mo nkare wa kgwasolana kela wa poyilana, so re tshwaneleng go se segelela ke gore re mo fetole gabutši.—Marom. 12:17.

11-12. (a) Di nyaka re nagane ka ying mo re soko bane re fetola putsiso ya gore ya thathafa? (Lebelela le sethombhe.) (b) Re beyisele ka mokgo go butsisa putsiso go ka kgorang pata ya gore go be le polabodisano.

¹¹ Mo ye o berekang naye a ka go butsisa taba ya o tshwana le gore, ke ntaba re sa make phati ya letšatši lo motho a belegiwweng ka lona, nagana ka sowa: Ayitsano a ka fo ba a tiputsisa gore le rune re ya tijabodisa? Kela ka taba la gore a re make phati ya letšatši lo motho a belegiwweng ka lona, ayitsano tsotsone di ka maka gore a kwe nkare re šehlolla senghana sa rune le bo re berekang nabo? Re ka thomisa ka go thanaka ye re berekang naye ga taba ya go šupetsa gore o naganela ba bangwana fote re mmotse gore le rune re ya di nyaka go tikwisa ka go bereka ga poleke ya go jabodisa. Sosone se ka re thulela lešuba la gore re bolabole naye ka tso Bhayibele yi di hlayang ga taba ya matšatši ya motho a belegiwweng ka wona.

¹² Re ka maka ka mokgonone mo motho ye mongwana a re butsisa diputsiso tsa gore dya thathafa. Mo motho ye re kenang naye sekolo a ka fo hlaya gore Dihlatse Tsa Jehova di tshwanele di tšhentšhe ka mokgo di tseyang banna ba go kwana le banna kela basadi ba go kwana le basadi. Ayitsano tsotsone di šupetsa gore a kwisisi tso di dumelang ke Dihlatse Tsa Jehova? Kela nka taba la gore o na le monghana kela lešaga la gore ke monna wa gore o kwana le monna kela mosadi wa gore o kwana le mosadi? Ayitsano motho yene o nagana gore a re kwane le batho ba gore ba phela lephelo la mošaga wonone? Di nyaka re make gore a yi tshepe taba ya gore re kwana le batho ka mokana ga bona fote re hlompa taba ya gore motho ye mongwana le ye mongwana o tshwanele go tikgetela so a se nyakang. b (1 Pet. 2:17) Ke mokane re ka mmotsa tso Bhayibele yi di hlayang fote ra mo hlayisela gore mo re latelela tso yi di hlayang tsotsone di maka gore lephelo le jabodisa.

13. O ka mo gelepa byang motho wa gore o poyilanya taba ya go dumela ga Modimo?

¹³ Mo re gahlana le motho wa gore aa kwane le ditaba, tsa rune re sa nape re fetsa ka gore re tšiba so a se dumelang. (Tito 3:2) Mo re beyisa, byalo re ko re king mo nkare motho ye o kenang naye sekolo o re a di kwagale go dumela gore Modimo gona? Ayitsano o nagana gore motho yene o dumela ga taba gore dilo di f’lo timakegela fote o tšiba tsa go tlala ka taba yone? Gabutšibutši, o ka kraya gore motho yene o fo tipolabolela tso a di kwileng. Gore le sa thomisi ka go phigisana ka ditaba tsa sayinsi, o ka liketsa ka matla gore o botse ye o kenang naye sekolo selo sa gore a ka šala a nagana ka sona ka nthago. Nakwenngwana o ka mmotsa gore a ye ga dikgatiso tsa go bolabola ka tsa gore di ro makiwa ga jw.org. Di ka makega gore ka nthago a kwe a nabela go petapeta ka hlogotaba kela vidiyo yo a yi krayyeng gana hone. Mo re mo fetola re šupetsa go mo hlompa, di ka mo tšhofa gore a nabele go tšhuta tsa go tlala ka Bhayibeleng.

14. Niall o berekisiye wepsayete ya rune ka mokgo mang gore a thogo gelepa ye a kenang naye tlelaseng ga taba ya gore ne a sa yi kwisisi gabutši ka Dihlatse Tsa Jehova?

¹⁴ Mosogana ye ba reng ke Niall o yye a berekisa wepsayete ya rune gore a thogo hlula ditaba tsa gore a yi tsona tso ba di bolabolang ka Dihlatse Tsa Jehova. O re, “Ke ga go tlala bo ke kenang nabo tlelaseng ba mpotsa gore a ke tshepe so sayinsi yi si bolabolang ka taba la gore ke tshepa ‘puku ya gore ba f’lo tingwalela ke sa yeme le  taba.” Mo ye a kenang naye ka tlelaseng a gana gore a hlatolle tso a di dumelang, Niall o yye a mmotsa gore a ye ga wepsayete ya jw.org ga sekopa sa gore “Sayinsi le Bhayibele.” Ka nthagonyana, Niall o yye a di bona tsa gore ye a kenang naye tlelaseng o di badiye ditaba tsone fote ke mo a di kgona go bolabola naye ka taba ya gore lephelo le thomisiye byang. Phela le gago go ka fo ba ka mokgonone.

15. Babelegi ba ka gelepa bana ba bona byang gore ba thogo fetola mo bo ba kenang nabo sekolo ba ba hlaba ka diputsiso ga tso ba di dumelang?

¹⁵ Babelegi ba ka tšhutisa bana ba bona gore ba ka fetola ka mokgo mang ba kene ba kgibiye mo tumelo ya bona yi liketsiwa. (Jak. 3:13) Babelegi ba bangwana ba tšhutisa bana ba bona ka mokgo ba ka fetolang ka gona mo ba tshwere morapelo wa mutši. Ba lebelela ditaba tsa gore bana ba bona ba ka gahlana natso mo ba le sekolong, ba petapeta ka tsona fote ba ba šupetsa ka mokgo ba ka fetolang ka gona, ke mokane ba tšhutisa bana ba bona ka mokgo ba ka bolabolang ba kgibiye le ka mokgwa wa gore wa nabetsa.—Lebelela lebhokisi la gore “ Go Tšhuta Dilo ka go di Maka go ka Gelepa Mutši Wago.”

16-17. Go tšhuta dilo ka go di maka go ka gelepa bo ba gore ba sa gola ka mokgo mang?

¹⁶ Go tšhuta dilo ka go di maka go ka gelepa bo ba gore ba sa gola gore bonabeng ba titshepe ba boye ba hlatollele ba bangwana so ba se dumelang. Dihlogotaba tsa go lategetsana tsa “Bo ba Gore ba sa Gola Baa Butsisa” ga jw.org di na le maphephe ya gore bo ba gore ba sa gola ba ka ngwalela ga wona. Ke tsa gore ba di makele bo ba gore ba sa gola gore ba tshepe tso ba di dumelang le gore ba thogo fetola ka mantsu ya bona. Mo le bala dihlogotaba tsa go lategetsana le le mutši, ka mokana ga rune re ka tšhuta go yemelela tumelo ya rune re kene re kgibiye le ka mokgwa wa gabutši.

¹⁷ Mosogana ye ba reng ke Matthew o hlatolla ka mokgo go tšhuta dilo ka go di maka go mo gelepiyeng  ka gona. Mo Matthew le babelegi bage ba maka morapelo wa mutši, ga go tlala ba nyakolla dihlogotaba tsa gore ba ka bolabola ka tsona ka tlelaseng. O re: “Re nagana le ka diputsiso tse dingwana tso ba ka di butsisang, fote ra lukiselela gore re ka di fetola byang re berekisa tso re di krayyeng mo re nyakolla. Mo ke kwisisa gabutši gore ke yemme kaye tsotsone di maka gore ke tikwe ke šišimele fote di ba lula gore ke kgibe mo ke berekisana le ba bangwana.”

18. Makolosi 4:6 yi šupetsa taba yifeng ye kgolo?

¹⁸ Le mo re ka hlatolla dilo ka mokgwa wa gore wa kwisisega fote re beya ditaba lekgwaying, aa yi batho ka mokana ga bona ba gore ba nyoko dumela tso re di bolabolang. Mara mo re ka bolabola nabo gabutši fote re temeka tsotsone di ka gelepa. (Bala Makolosi 4:6.) Mo re botsa motho ye mongwana ka tso re di dumelang, taba yone re ka yi tshwanisa le mo o mmošela bholi. Re ka boša bholi yone gabutši kela ra yi boša ka matla. Mo re mo bošela gabutši, ye re kganang naye ga go tlala a ka kgona go yi kaba ke mokane la ya mahlong le kene le kgana. Go fo ba ka mokgonone mo nkare re bolabola nabo gabutši fote re temeka, batho ba ka tikemisela go re theetsela ke mokane ra ya mahlong re kene re bolabola nabo. Ke nnete gore mo ye mongwana a nyaka go phigisana le rune kela go fo poyilanya tso re di dumelang, re sa tihlupe ka go ya mahlong re re re fetolana naye. (Diy. 26:4) Mara, ba go tlala ba ka fo sa be ka mokgonone, re ka fo re ba bangwana ba ko theetsela.

19. Di nyaka re tšhofe king gore re thogo temeka mo re yemelela so re se dumelang?

¹⁹ Di fo ba lekgwaying gore di nyoko re berekela ka matla mo re temeka. Rapela Jehova gore a go neye matšhika ya o ma hlokang gore o thogo fetola o kgibiye diputsiso tsa go fo go šuhlašuhla kela tsa go fo go poyilanya. O sa lebale gore mo o dula o kgibiye tsotsone di ka poma taba ya go phigisana kela go feleletsa le gwayelana tsa nkare ke moka. Mo o kgibiye fote o šupetsa gore wa hlompa mo o fetola, tsotsone di ka tšhofa bo ba theetseleng gore ba tšhentšhe ka mokgo ne ba re tseya ka gona le ka mokgo ba tseyang nnete ya Bhayibele. Le “duleneng le tikemisele go fetola” ye a butsisang ka tumelo ya lune, “le make tsotsone le bebiye le šupetsa gore le ya hlompa.” (1 Pet. 3:15) Eya, lisetsa go temeka go go neye matšhika!