1. Petro o yye a tikwa ka mokgo mang ka nthago ga mo Jeso a mo gelepiye gore a thogo kokota dihlapi tsa go tlala?

 PETRO o fetsiye bošego ka moka a re o loba dihlapi le mong ka yyoši dho. Sa go makatsa ke gore Jeso o yitseri gage: “Ariye hala ga gore gwa yisa nyana, lune banna, lahlelaneng matabane ya lune ka hone meetšing.” (Luk. 5:4) Petro ke mo a yi kamaka taba ya gore o nyoko tanya le ka yyoši mara o f’lo maka tso ba mmotsang. Phela Petro le banna bo a berekang nabo ba yye ba kgobaketsela dihlapi tsa go tlala ka matla la go šinya go tleroga le matabane ya ne ba kokota ka wona. Mo Petro le bo a berekang nabo ba di bona gore Jeso o makiye mohlolo “ke mo ba makele la go sa hlayisege.” Petro o yye a re: “A di ya ntshwanela tsa go šutela thina nago Morena, ka taba la gore ke nna motho wa go sinya.” (Luk. 5:​6-9) Petro ke mo a tikwa nkare a di ya mo tshwanela go ba thina le Jeso.

2. Ke ntaba di ka re berekela go lebelela mošupetso wa Petro?

² Phela Petro ke mo a bolabola nnete mo a re ke yene “motho wa go sinya.” Mangwalo ma šupetsa gore ka dinako tse dingwana ke mo a hlaya a boya a maka dilo tsa gore o tisolela tsona ka nthago. Ayitsano le wene o fela o tikwa go tshwana le Petro? Ayitsano go na le mokgwa wo o kikirisanang nawo wa go kekema kela ke botala o kene o berekana le mokgwa wone wa go lelemetsa? Mo nkare go ka mokgonone, o ka tiyisa ke go tšhuta ga mošupetso wa Petro. Byang mara? Lebelela taba ke yowa: Phela Jehova nke a makiye se sengwana gore tso Petro a yyeng a di kekemisa di sa ngwadiwi ka Bhayibeleng. Mara o makiye gore di ngwadiwe gore re thogo tšhuta se sengwana ga tsona. (2 Thim. 3:​16, 17) Mo re tšhuta ga tso Petro a yyeng a šitega ga tsona, di re gelepa gore re thogo kwisisa gore Jehova aa yemela gore re make dilo tsa gore re ka sa di kgone. O nyaka  re sa lahle tewu, re karakare ka matla le mo re gahlana le tsa go re ghula.

3. Ke ntaba di nyaka re tiyisele?

³ Ke ntaba re sa yi tseyi ka gonyana taba ya go sa lahle tewu? Re fela re kwa mantsu ya mangwana ma re, mo o dula o titlwayetsa selo, o feleletsa o teya o tshwarelele ga sona. Re ka fo beyisa ka gore: Mo motho a nyaka go tšhuta go teya katara di ka mo tseya mengwangwaga. Ka nako yonone mo a kene a re wa liketsa a ka maka diphošo tsa go tlala mara mo a ka fo dula a titlwayetsa, o nyoko teya moroba. Le mo a ka fo ba a šele a di kgona go teya katara, di ka makega gore a fele a sa teyi tsona. Le mo go le ka mokgonone, aa lahle tewu. O ya mahlong a kene a titlwayetsa gore a šinye a di tshware. Go fo tshwana le ka nthago ga mo re kwa nkare re hludiye tsa go re tapa matšhika, re ka boyela ra kekemisa fote. Mara a re lisetse go berekela so re nyakang go se segelela. Ka mokana ga rune re ya hlaya kela go maka dilo tsa gore re šala re tisolela tsona, le mo go le ka mokgonone mo re ka sa lahle tewu, Jehova o nyoko re gelepa gore re sa fatele nthago. (1 Pet. 5:10) Tla re lebeleleneng mošupetso wa Petro wa go sa lahle tewu. Taba ya gore Jeso o mo šupetsiye gore o mo kwela go baba le mo a kekemisa go gongwana, yi ka re hlohletsela gore re sa lisetse go berekela Jehova.

4. Petro o yye a tihlatolla go le yene motho wa mošaga mang mo ga Luka 5:​5-10, mara king so Jeso a yyeng a maka gore a sa se kamake?

⁴ Mangwalo a ma hlaye gore ke ntaba Petro a yye a re ke yene “motho wa go sinya” kela ke tsa go sinya tsa mošaga mang tso ne a nagana ka tsona. (Bala Luka 5:​5-10.) Mara di ka makega gore o yye a sinya ka matla. Jeso ke mo a di tšiba gore so ne se tshosa Petro nakwenngwana ke taba la gore ne a fo kwa a sa tshwanelege. Mara Jeso ne a di tšiba gore Petro a ka di kgona go dula a tshepega. Byalo, Jeso o yye a botsa Petro gore “o sa tšhoge.” Taba ya gore Jeso ke mo a mo tshepa ka matla ga Petro yi yye ya tšhentšha lephelo Petro. Ka nthago, Petro le bhuti wage ye ba reng ke Andreya ba yye ba lisetsa bhizinisi ya bona ya go loba dihlapi ke mokane ba thomisa go latelela Mesiya nako ka moka, tsotsone di makiye gore ba ba rufe tsa nkare ke moka.—Mar. 1:​16-18.

5. Petro ba yye ba mo rufa ka mokgo mang ka taba la go sa yikele taba ya go sa titseyi gabutši yi mo thibelela gore a latelele Jeso?

⁵ Petro o gahlanne le tsa go tlala tsa gabutši mo a kene a latelela Kreste. O bonne Jeso a yalafa ba go lwala, a raka madimona a boya tsosa bo ba kgwileng. b (Mat. 8:​14-17; Mar. 5:​37, 41, 42) Fote Petro o bonne mmono wa go makatsa wa mo Jeso a šele a lawola go le Kgoši ga Mmušo wa Modimo, tsotsone di makegiyeng a sanka a di lebala le ka gonyana. (Mar. 9:​1-8; 2 Pet. 1:​16-18) Ke nnete gore, hala Petro a sa latelela Jeso dilo tsowa nke a sa di bona. Phela a re kamake gore o yye a jabola  la go sa hlayisege ka taba la gore a sanka a dumelela tso a di kekemisiyeng di maka gore a sa rufiwi ka dilo tsowa!

6. Ayitsano Petro o yye a hlula tsa go mo ghula ka go yakgoswa? Hlatolla.

⁶ Le mo Petro a šele a bonne fote a kwile tsa go tlala, mara ke mo a sa na a phiriketsa ke tse dingwana. Lebelela mešupetso ye mengwana ke yowa. Mo Jeso a hlatolla taba ya ka mokgo a nyoko hlupegisiwang a boya a kgwa gore go thogo makega seporofeto sa Bhayibele, Petro o yye a mo sola. (Mar. 8:​31-33) Ke ga go tlala, Petro le mapostola ya mangwana ba phigisana ka gore ke mang a nyoko bang ye mogolo. (Mar. 9:​33, 34) Bošego bya mo Jeso a soko kgwa, Petro o yye a kutulugela morene mongwana ke mokane a mo kupa tsebe yowa. (Joh. 18:10) Bošego byobyone, Petro o yye a tšhoga ke mokane a phiga monghanage Jeso gararo a re aa mo tšibi. (Mar. 14:​66-72) Tsotsone di makiye gore Petro a ro lla ka sethaga.—Mat. 26:75.

7. Petro ba mo thulele lešuba lefeng ka nthago ga mo Jeso a tsusiwwe?

⁷ Jeso a sanka a ngalela lepostola lowa lage la gore le kgongwele ka matla. Ka nthago ga mo Jeso ba mo tsusiye, o yye a thulela Petro lešuba la gore a šupetse gore o sa na a mo nyaka. Jeso o yye a mema Petro gore a bereke a kene a tinyanafatsiye go le wa go disa dinku tsage. (Joh. 21:​15-17) Petro a sanka a yi gana taba yone. Ka letšatši la Pentekoste ke mo a le Jerusalema fote ke yene wa mathomo wa go tlotsiwa ka moya wa go hlawolega.

8. Ke selo sefeng se segolo sa gore Petro aa se maka tsona ku Anthiyoko?

⁸ Le ka nthago ga mo Petro go le Mokreste wa go tlotsiwa, ke mo a sa kikirisana le tsa go mo phiriketsa. Ka 36 C.E., Petro ke mo a le gona mo Khoneliyase wa gore a yi Lejuda a tlotsiwa ka moya wa go hlawolega, tsotsone ke tsa go šupetsa gore “Modimo aa hlawole motho” fote le ba gore a yi Majuda ba ka ba Makreste ka phutegong. (Meber. 10:​34, 44, 45) Ye lune, ka nthago ga gana hone Petro o yye a tikwa a lukulugiye gore a je le ba gore a yi Majuda, phela ke selo sa gore a sanka a se maka lephelong lage. (Magal. 2:12) Mara, Makreste ya mangwana ya Majuda ne ma fo kwa nkare Majuda le ba gore a yi Majuda a baa tshwanela go ja ggoši. Mo ba bangwana ba gore ke mo ba tseya dilo ka mokgonone ba segela Anthiyoko, Petro o yye a lisetsa go ja le magagabo ya gore a yi Majuda, a tšhaba gore a ka kwatisa Makreste ya Majuda. Pawulo wa lepostola o yi bonne taba yonone ke mokane a wolola Petro mahlong ga batho. (Magal. 2:​13, 14) Le mo Petro a yye a kekemisa, a sanka a lahla tewu. O gelepiye king mara?

9. Johane 6:​68, 69 yi šihlela ka mokgo mang taba ya go tshepega ga Petro?

⁹ Petro ke mo a tshepega a sanka a dumelela selo se maka gore a nape a lahle tewu. Tšatši le lengwana o yye a šupetsa gore wa tshepega nakwela Jeso hlaya selo sa gore malata yage a ma se kwisisi. (Bala Johane 6:​68, 69.) Ba go tlala ba yye ba lisetsa go latelela Jeso ba sa nyake go kwa gore o re king kela go kgopela gore a ba yedisele taba. Mara Petro a sanka a di maka tsotsone. O di bonne gore ke Jeso a ntoši ye a “bolabolang dilo tso di nyoko re neyang lephelo la go ya go yye.”

10. Jeso o šupetsiye ka mokgo mang gore wa mo tshepa ga Petro? (Lebelela le sethombhe.)

¹⁰ Jeso a sanka a mo lahla ga Petro. Letšatši la mo Jeso a phela la mafelelo ho lefaseng, ke mo a di tšiba gore Petro le mapostola ya mangwana ba nyoko mo tšhabelela. Mara, Jeso butsiye Petro gore aa kamake gore Petro o nyoko boya, fote a dula a tshepega. (Luk. 22:​31, 32) Jeso ke mo a di kwisisa gore “pelo yona . . . ya nyaka, mara mmele wa gana.” (Mar. 14:38) Byalo, le ka nthago ga mo Petro a phigiye Jeso a re aa mo tšibi, Jeso a sanka a re aa sa yi kena ya lepostola lowa lage. Phela le ka nthago ga mo Jeso ba mo tsusiye o yye a nyarela ga Petro a le ntoši. (Mar. 16:7; Luk. 24:34; 1 Makor. 15:5) O fo nagana gore taba yone yi  yye ya tiyisa Petro go segela kaye ka taba la gore ne a kgongwetsiye ke tso a di makiyeng!

11. Jeso o makiye byang gore Petro a sa kamake taba ya gore Jehova o nyoko mo thega?

¹¹ Jeso o yye a maka gore Petro a sa kamake gore Jehova o nyoko mo thega. Jeso wa gore ba mo tsusiye o yye a maka mohlolo wo mongwana wa go tshwara dihlapi ga Petro le mapostola yage ya mangwana. (Joh. 21:​4-6) Mohlolo wone wo makiye gore Petro a sa kamake gore Jehova o nyoko mo pasopa ka tso a di gayelang. Di ka makega gore lepostola lone le yye la gopola mantsu ya Jeso ya gore Jehova o nyoko gelepa bo ba gore ba thomisa “ka go nyaka tso tsa Mmušo wa Modimo.” (Mat. 6:33) Dilo tsone ka mokana ga tsona di gelepiye Petro gore a yetise tsa go tšhomayela ku mahlong mo a kene a phela, a sa yetisi tsa bhizinisi yage ya go loba dihlapi. O yye a tšhomayela a šišimele ka letšatši la Pentekoste ya 33 C.E., fote tsotsone di gelepiye ba go tlala gore ba yamogele ditaba tsa go bafala. (Meber. 2:​14, 37-41) Fote o gelepiye Masamariya le ba gore a yi Majuda gore ba tšhute ka Kreste ba boye ba mo latelele. (Meber. 8:​14-17; 10:​44-48) Jehova o yye a berekisa Petro ka mekgwa ya go tlala gore a thogo leya batho ba mehlobo ka mokana ga yona ka phutegong.

12. Mo re kene re nagana ka mošupetso wa Petro, king so re tshwaneleng re se gopole mo re kikirisana le tsa go re ghula tsa go sa fele?

¹² Jehova a ka re gelepa gore re sa lahle tewu. Go ka sa be moroba go ya mahlong ka matlamatla mo nkare ke botala re gomele ke ntshitshire. Ka dinako tse dingwana di ka bonala nkare tso re gahlanang natso tsa go re ghula, mo re di tshwanisa le tso Petro a yyeng a gahlana natso, tsage a yi mong selo. Mara Jehova a ka re neya matšhika ya gore re sa lahle tewu. (Pis. 94:​17-19) Mo re beyisa, mogageru ye mongwana mo a soko bane a tšhuta nnete o fetsiye mengwagangwaga a kene a maka tsela tsa gore monna o kwana le monna. O yye a tšhentšha maphelelo yane ke mokane a thomisa go phela ka mokgo Bhayibele yi hlayang. Le mo go le ka mokgonone, o fela a kikirisana le go nabela tsa gore a yi tsona. King so se mo gelepiyeng gore a sa lahle tewu? O re: “Jehova wa re tiyisa.” O tokegele ka gore: “Mo Jehova a n’gelepa ka moya wage wa go hlawolega . . . , ke tšhutiye gore di ya kgonega go ya [mahlong] ke phela ka mokgwa wo Jehova a wo nyakang . . . Jehova ke mo a kene a mperekisa fote ke mo a sa yi ka gore a ke ya yenela o ntiyisiye gatleletlele.”

13. Re ka wo kopisela ka mokgo mang mošupetso wa Petro wa gore wo ga Mebereko 4:​13, 29, 31? (Lebelela le sethombhe.)

¹³ Petro o yye a kekemisa ga go tlala ka taba la gore ke mo a tšhaba batho. Mara ka taba la gore  Petro o yye a rapelela lešiši, nnete o yye a maka dilo a šupetsa gore o šišimele. (Bala Mebereko 4:​13, 29, 31.) Le rune re ka di kgona go hlula taba ya go tšhaba. Lebelela tso di yyeng dya makegela Horst, mogageru wa gore o sa gola wa go dula ku Nazi Jeremane. Ka dinako tse dingwana, batho ke mo ba re ba berekise taba ya gore ba yi tseyela gedimo ya go tamisana ya gore, “Hitler o nyoko re phonisa!” Babelegi ba Horst a sanka ba mo kgwasolanya mara ba yye ba rapela Jehova ba le naye ba mo kgopela gore a mo neye lešiši. Ka taba la gore babelegi bage ba mo gelepiye ba boya ba tikokotlela ka Jehova tsotsone di gelepiye Horst, o yye a thomisa go tiyelela a sa thogathoge. Ka nthago o yye a di bona ke mokane a re: “Jehova a sanka a nlahla.” c

14. Bo ba go disa ba ka ba gelepa ka mokgo mang bo ba gore ba kgongwele?

¹⁴ Le ka letšatši la mohlolo Jehova le Jeso ba ka sa tsoge ba re ngalele. Ka nthago ga mo Petro a phigiye Jeso, ne di nyaka a segelele sepheto se segolo. Ayitsano o nyoko lisetsa kela o nyoko fo ya mahlong a le lelata la Kreste? Jeso o yye a kgopela Jehova gore tumelo ya Petro yi sa šepi. Jeso o yye a botsa Petro ka taba yone a yi rapeleleng fote ne a sa kamake gore ka nthago Petro le yene o nyoko tiyisa magagabo. (Luk. 22:​31, 32) O fo nagana gore di yye dya mo kgomoletsa ka mokgo mang ga Petro mo a gopola mantsu ya Jeso! Mo di nyaka gore re segelele sepheto se segolo, Jehova a ka berekisa ba go disa gore ba re gelepe re thogo dula re tshepega. (Maef. 4:​8, 11) Paul wa gore ke botala go le mogolo o liketsiye ka matla gore a yi make taba yone ya go kgomoletsana. O kgopele bo ba gore ba kwa nkare ba ka lisetsa go ya mahlong gore ba gopole ka mokgo Jehova a ba gogiyeng gore ba tšibe nnete. Fote o yye a maka gore ba sa kamake gore taba ya gore Jehova o nyakanana a sa tšhentšhatšhentšhi yi ka sa mo dumelele gore a sa sa yi kena ya bona. O fetsiye ka gore, “Ke bonne ba gore ba kgongwele ba ya mahlong  ba sa thogathoge ka taba la go gelepa ke Jehova.”

15. Mošupetso wa Petro le wa Horst wo šupetsa ka mokgo mang gore so se hlayang ke Matewu 6:33 ke nnete?

¹⁵ Go fo tshwana le mo Jehova a yye a pasopa Petro le mapostola ya mangwana ka tso ba di gayelang, le rune a ka sa lisetsi go re pasopa ka tso re di gayelang mo re ka yetisa mmereko wa go tšhomayela ku mahlong mo re kene re phela. (Mat. 6:33) Mo go tla Ntwa ya Bobedi ya Lefase, Horst o yye a kgeta go ba mošupatsela. Ke mo a tihlupegela fote a tšhoga gore o nyoko tipasopa ka ying gore a thogo dula a le motšhomayedi wa nako ka moka. O yye a maka ying? O yye a fetsa ka gore a liketse Jehova ka go fetsa beke ka mokana ga yona a le tšhomong ka nako ya mopotulugi. Mo beke yone yi fela, o yye a makala ka matla mo mopotulugi a mo neya envolopo ya gore yi na le tšheleta mara a sa mmotse gore yi tšwa kaye. Ke mo yi na le tšheleta ya go lekanela ya gore a ka tipasopa ka yona dikgwedinyana tsa go tlala mo a kene a le mošupatsela. Horst o f’lo di bona gore tso ba mo neyyeng tsona ke tsa go šupetsa gore Jehova a ka mo pasopa. O karakara ka matla gore a yetise tsa Mmušo wa Modimo ku mahlong mo a kene a phela.—Mal. 3:10.

16. Ke ntaba di le gabutši ka matla gore re tšhute tsa go tlala ka Petro le tso a di ngwadiyeng ga marifi yage?

¹⁶ Phela a re kamake gore Petro o yye a jabola la go sa hlayisege ka taba la gore Jeso a sanka a mo lahla ka mokgo a yyeng a tikgopelela! Kreste o yye mahlong a tšhutisa Petro gore a be lepostola la go tshepega le gore a be mošupetso wa gabutši ga Makreste. Taba yone a mo tšhutisiyeng yona yi na le ditšhuto tsa go tlala tsa go bafala tsa gore di ka re berekela ka mokana ga rune. Petro o yye a sa konane ka dilo tso a di tšhutiyeng fote tsa go tlala o di ngwadiye ka mangwalong ka mabedi ya ba mo hlohletseleng gore a ma ngwale, ya gore ke mo a ngwalela diphutego tsa ku botala. Ga hlogotaba ya go latela, re nyoko petapeta ka tsa go re gopotsa tsa gore a di ya napa di lefa ga mangwalo yane le gore rune re ka ma berekisa byang lekgono.