1. Ka nthagonyana ga mo Petro a soko bane a kgwa, ba yye ba mo hlohletsela gore a make ying?

 PETRO wa lepostola ke mo a di tšiba gore go se botala le yene o nyoko kgwa. O yye a berekela Jehova a tshepega mengwagangwaga a kene a sepela le Jeso, a tšhomayela ga dipoleke tsa gore a di soko tšhomayediwa a boya a bereka go le ye mongwana wa ba mogoba wa go lawola. Mara Jehova o yye a neya Petro mmereko wa go tlala wo di nyakang a wo make. Gana hala ga 62-64 C.E., ba yye ba mo hlohletsela gore a ngwale mangwalo ka mabedi ya dipuku tsa Bhayibele tsa Petro wa Mathomo le Petro wa Bobedi. Ke mo a nabela gore mangwalo yawa ma ka gelepa Makreste le mo a šele a kgwile.—2 Pet. 1:​12-15.

2. Ke ntaba re re mangwalo yaa Petro a ma ngwadiyeng ma segele ka nako?

² Petro o ngwadiye mangwalo yawa nakwela magagabo ma ‘gahlana le tsa go ma ghula.’ (1 Pet. 1:6) Banna ba dipelo tse diphifadu ne ba liketsa go tšhutisa dilo tsa matsaka le mekgwa ya go sa yela ka phutegong. (2 Pet. 2:​1, 2, 14) Go se botala Makreste ya gore ne ma dula Jerusalema ne ma nyoko gahlana le dilo tsa gore “di bakiye mafelelong”—go psyitlanyiwa ga mutši wone wa Majuda ke masole ya Maroma. (1 Pet. 4:7) A re kamake gore mangwalo ya Petro a ma ngwadiyeng, ma gelepiye Makreste gore ma ka maka byang gore ma thogo tiyisela dintshitshire tso ma gahlanang natso gana byalo fote le go tilukiselela dintshitshire tsa ku mahlong. b

3. Ke ntaba di nyaka gore re nyakolle ga mangwalo yaa Petro a ma ngwadiyeng?

³ Le mo Petro ne a ngwala mangwalo yane a ngwalela Makreste  ya ku botala mara Jehova o yye a ma tšhela ka Lentsung lage. Byalo, le rune ma ka re berekela mangwalo yane. (Marom. 15:4) Go fo tshwana le Makreste yanane, re phela ga lefase la gore maphelelo ya gona ke ya mohlolo fote tsotsone di maka gore go thathafe go berekela Jehova. Go tokegela gana hone, go se botala re nyoko tlela ke motšhatšhamelo wo mogolo go feta wola wo yyeng wa tlela Majuda. Ga mangwalo ka mabedi ya ma ngwadiyeng ke Petro re kraya tsa go re gopotsa ga taba yone. Tsotsone di nyoko re gelepa gore re dule re yemele letšatši la Jehova, re hlule mokgwa wa go tšhaba batho re boye re nyakanane ka matla le ba bangwana. Fote tsotsone di nyoko gelepa bagolo gore ba bone ka mokgo ba ka gelepang morape wa Modimo ka tso wo di gayelang.

4. Petro wa Bobedi 3:​3, 4 yi re king so se ka kwetlakwetlisang tumelo ya rune?

⁴ Re phela le batho ba gore a ba dumele ga seporofeto sa Bhayibele. Ba go re phigisa ba ka re poyilanya ka taba la gore ke botala re kene re re go nyoko fela ka lefase lowa. Ba bangwana ba re re ko kwa nkare re ya le bona. (Bala 2 Petro 3:​3, 4.) Tumelo ya rune yi ka tekateka mo nkare re kwa tsotsone ga mong wa mutši, ye re berekang naye kela lešaga. Petro o re butsiye so se ka re gelepang.

5. King so se ka re gelepang gore re tseye dilo gabutši mo lefase lowa le kene le bakiye mafelelong? (2 Petro 3:​8, 9)

⁵ Ga ba bangwana di ka bonala nkare Jehova wa nanankela go fetsa ka lefase lowa la go befa. Mantsu ya Petro ma ka re gelepa ka taba la gore ma re gopotsa gore ka mokgo Jehova a lebelelang nako a yi ka mokgo batho ba yi lebelelang. (Bala 2 Petro 3:​8, 9.) Letšatši ka lloši ga Jehova le tshwana le sekiti sa mengwaga. Jehova o lefisa pelo fote aa nyake le gore go kgwe le motho ka wweši. Phela mo letšatši lage le segela, go nyoko napa go fela ka lefase lowa. Ye lune, ke mong taba ye kgolo go tšhomayelela batho ba ditšhaba ka mokana ga tsona re notelela senakonyana so se šeleng.

6. Re ka maka byang gore re be re ‘kene re nagana fote re kene re gopola’ ka letšatši la Jehova? (2 Petro 3:​11, 12)

⁶ Petro o re hlohletsela gore re be re ‘kene re nagana’ ka letšatši la Jehova. (Bala 2 Petro 3:​11, 12.) Re ka maka byang mara? Re ba re sa yi lahla mo re ghayela ka moka matšatši ka taba ya gore lephelo le nyoko natefa ka mokgo mang ga lefase la nyuwane. O fo nagana o wona moya wa gore wo yediye, o ja tsa go ja tsa gore di yaga mmele, o yamogela mašaga yago ya gore ba ma tsusiye fote o tšhutisa batho ba gore ba phidiye ku botala ka diporofeto tsa Bhayibele tsa gore di šele di makegiye. Mo o ka ghayela ka dilo tsowa di nyoko go gelepa gore o dule o di yemele ka maahlo ya makhubedu fote o sa kamake gore re phela mong ga dinako tsa mafelelo. Ka gore ‘re šele re ya di tšiba’ tso di nyoko makegang ku mahlong ‘re ka sa tikraye re šele re keketlela’ ka taba la tso di tšhutisiwang tsa matsaka.—2 Pet. 3:17.

7. Taba ya go tšhaba batho yi ka re yama ka mokgo mang?

⁷ Ka taba la gore re ya di tšiba gore letšatši la Jehova le thina le go segela, tsotsone di re tšhofa gore re botse ba bangwana ditaba tsa go bafala. Mara re ka fo kwa re tšhaba go maka ka mokgonone. Ke ntaba? Ka taba la gore re ka fo kwa re tšhaba ka mokgo batho ba ka re tseyang. Tsotsone le Petro di yye dya mo makegela. Phela bošego bya mo Jeso a gahlana le tsa go mo phiriketsa Petro o yye a tšhaba go hlaya gore ke yene ye mongwana wa malata ya Jeso a boya a mo phiga ga tleletlele a re aa mo tšibi. (Mat. 26:​69-75) Mara Petro o yye a hlula taba ya go tšhaba a boya a ngwala gore: “Dilo tso ba di tšhabang lune le sa di tšhabe, fote di sa le hlagasedisi.” (1 Pet. 3:14) Le rune mantsu ya Petro maa re tiyisa gore re ka yi hlula taba ya go tšhaba batho.

8. Re ka gelepa king gore re hlule taba ya go tšhaba batho? (1 Petro 3:15)

 ⁸ Re ka gelepa king gore re hlule taba ya go tšhaba batho? Petro o re botsa gore: “Le di tšibeneng ka ho dipelong tsa lune gore Kreste ke Morena, le gore o hlawolegiye.” (Bala 1 Petro 3:15.) Di nyaka re sa lebale gore Jeso Kreste ke Kgoši ya rune fote o na le matšhika ya magolo ka matla. Mo o kwa nkare wa tšhaba mo o thulegele ke lešuba la go botsa ba bangwana ditaba tsa go bafala, di nyaka o sa lebale Kgoši ya rune. O fo nagana a lawola ku legedimong a dukulugele ke mangeloyi ya go tladisa mohlolo. Le sa lebale gore ba mmeye gore a “lawole dilo ka mokana ga tsona legedimong le lefaseng” fote o nyoko ba “le lune ka moka matšatši, go segela lefase lowa le fela.” (Mat. 28:​18-20) Petro o re hlohletsele gore ‘re duleneng re tikemisele’ go yemelela tumelo ya rune. Ayitsano wa di nyaka go tšhomayela mo o le mmerekong, sekolong kela go gongwana? Nagana go sa le nako gore o ko di makisa sekaye ke mokane o lukiselele gore o nyoko di beya byang ditaba. Rapela gore o be le lešiši fote o tshepe gore Jehova o nyoko go gelepa ga taba ya go tšhaba batho.—Meber. 4:29.

9. Tšatši le lengwana Petro o yye a šitega go šupetsa go nyakanana ka mokgo mang? (Lebelela le sethombhe.)

⁹ Petro o tšhutiye taba ya go šupetsa go nyakanana. Ke mo a le gona mo Jeso a hlaya gore: “Ke le neya molawo wa nyuwane, wa gore le nyakanane; go fo tshwana le mo nna ke le nyakiye, le lune le nyakanane.” (Joh. 13:34) Ka nthagonyana  ga tsotsone, Petro o yye a gana go ja le magagabo ya gore a yi Majuda ka taba la gore ke mo a tšhaba Majuda ya gore ke Makreste. Pawulo wa lepostola o yye a re tso Petro a di makiyeng ke mo go le go “timakisanya.” (Magal. 2:​11-14) Petro o yye a yamogela mo Pawulo a mo wolola fote a tšhuta ga taba yone. Ga mangwalo ya a ma ngwadiyeng ka mabedi, o šihlele taba ya gore a di nyaka re fo kwa re ma nyaka magageru mara di nyaka re šupetse gore re ma nyaka ka matla.

10. Ga taba ya gore “mo le re le nyaka magageru a le timakisi” di fo re šupetsa ying? Hlatolla. (1 Petro 1:22)

¹⁰ Petro o hlayye gore di nyaka ‘mo re nyaka magageru re sa timakisi.’ (Bala 1 Petro 1:22.) Mo re nyakanana ka mokgonone, re šupetsa gore re theetsela “nnete.” Ga nnete yone go kena le tso di tšhutisiwang tsa gore “Modimo aa hlawole motho.” (Meber. 10:​34, 35) Re ka sa di kgone go theetsela tso Jeso a di hlayang ga taba ya go nyakanana mo nkare go na le bo re ba nyakang ka ho phutegong mara ba bangwana dho. Ke nnete gore, go ka fo ba go na le bo re tikwang re le thina ka matla nabo go phala ba bangwana go fo tshwana le ka mokgo Jeso a makiyeng. (Joh. 13:23; 20:2) Mara Petro o re gopotsa taba ya gore di nyaka re karakare ka matla gore re ‘nyakanane’ le magageru ka mokana ga wona ka taba la gore re ka mutšing ka wwoši.—1 Pet. 2:17.

11. Ga taba ya go “nyakanana ka matla di tšwa pelong” go kena le ying?

¹¹ Petro o re hlohletsele gore re ‘nyakanane ka matla di tšwa pelong.’ Ga taba yowa, go nyakanana “ka matla” go rela go nyaka ye mongwana ka matla le mo go se lula go maka ka mokgonone. Mo re beyisa, re ka re king mo mogageru a re kena matolong kela a re kwatisa ka mokgwa wo mongwana? Sa mathomo o ka kraya re nyaka go mo tshwara ka mokgo le yene a yyeng a re tshwara ka gona re lisetsa go šupetsa go nyakanana. Ke nnete gore, Petro o tšhutiye ga Jeso gore mokgwa wone Modimo aa kwane nawo. (Joh. 18:​10, 11) Petro o ngwadiye gore: “Mo ba le maka tsa go befa, lune le sa busetse, mo ba bolabola mantsu ya go le kwisa go baba le sa busetsi. Lune le fo ba makela tsa gabutši.” (1 Pet. 3:9) Mo nkare o nyakanana ka matla, o nyoko kwelana go baba wa boya wa ba tseyela hlogong le bo ba gore ba yye ba go gata dikhonse.

12. (a) King se sengwana so go nyakanana ka matla go ka re tšhofang gore re se make (b) King so o nyakang go karakara ka matla gore o se make sa gore se nyarela ga vidiyo ya gore, Gotetsa Taba ya go Bafala ya go ba Selo ka Ssoši?

¹² Ga lengwalo la mathomo lo Petro a le ngwadiyeng o berekisiye mantsu ya gore re ‘nyakanane ka matla.’ Go nyakanana ga mošaga wonone a go phiphetsi tsa go sinya tse dinyana mara go kugetsa “dilo ka mokana ga tsona tsa go sinya.” (1 Pet. 4:8) Di ka makega gore Petro ne a gopola tso a di tšhutiyeng ga taba ya go tshwarelana ya gore Jeso o mo tšhutisiye yona mengwaga ya go fela. Ka nako yonone, Petro ke mo a tshepa taba ya gore o ba a šupetsa gore ke yene motho wa gabutši mo a nagana gore o tshwanele a tshwarele mogageru “ga šupa.” Mara Jeso o mo tšhutisiye a boya a tšhutisa le rune gore go tshwarela “go segela ga 77” go fo rela go fo ya takataka. (Mat. 18:​21, 22) Mo nkare di ya go thathafela go berekisa taba yowa, o sa nape o kgongwela ka matla! Malata ya Jehova ka mokana ga wona ya gore a maa yenela le wona ka dinako tse dingwana taba yone ya go tshwarela ke mong ntshitshire. Taba ye kgolo gana byalo ke gore o make so o ka se kgonang gore o tshwarele mogagenu o boye o lukise ditaba naye. c

13. King so se ka makang gore go be ntshitshire gore bagolo ba dise magageru?

¹³ Ke nnete gore Petro a sanka a lebala tso Jeso a mmutsiyeng ka nthago ga mo Jeso ba mo tsusiye mo a re: “Disa dinku tsaka.” (Joh. 21:16) Mo nkare ke wene mogolo, re tshepa gore wa di  tšiba gore le wene taba yone ya bereka ho gago. Le mo yi le gore go ka ba ntshitshire ga mogolo gore a kraye nako ya gore a make mmereko wone wo mogolo. Di nyaka bagolo ba thomisa ka go pasopa ba mitši ya bona ka tso ba di gayelang gore ba thogo phela, le gore ba make gore ba tikwe ba nyakiwa ka matla ba boye ba ba pasope ga tso tsa Modimo. Fote bagolo ke mošupetso wa gabutši ga taba ya go maka mmereko wa go tšhomayela ka matšato, go lukiselela ba boya ba tšhela letsogo ga megahlano ya phutego, megahlano ye megolonyana le megahlano ye mogolo. Ba bangwana fote ba na le mmereko wo mogolo wa gore ba bereka go le ba Dikomiti Tsa go Berekisana le Dipetlele kela ba Local Design/Construction Department. Nnete ke gore bagolo ke banna ba gore ba dula ba tshwaraganne!

14. King so se ka tšhofang bagolo gore ba dise morape? (1 Petro 5:​1-4)

¹⁴ Petro o yye a hlohletsela bagolo ggoši gore“disaneng morape wa Modimo.” (Bala 1 Petro 5:​1-4.) Mo nkare o mogolo re ya di tšiba gore magageru o ma nyaka ka matla fote o nyaka go ma disa. Mara, ka dinako tse dingwana di ka makega gore o di bone gore o tshwaraganne kela o kwe o tinnwe la gore o ka sa di kgone le go maka mmereko wone. O ka maka byang mara? Kgotolela Jehova ka mokgo o tikwang o sa mo wutametsele selo. Petro o ngwadiye gore: “mo nkare go na le ye a berekang, a lisetse Modimo a mo gelepe ka matšhika yage.” (1 Pet. 4:11) Di ka makega gore magageru ma gahlana le dintshitshire tsa gore di ka sa nape di lukisega ga lefase lowa. Mara o sa lebale gore “ndhuna ya ba go disa” Jeso Kreste a ka ba gelepa go phala motho ye mongwana le ye mongwana. A ka maka ka mokgonone lekgono le ga lefase la nyuwane. So Modimo a nyakang bagolo ba se maka ke gore ba nyake magagabo ka matla, ba ma dise ba boye ba be “mešupetso ya gabutši ga morape.”

15. Mogolo ye mongwana o yye a disa morape ka mokgo mang? (Lebelela le sethombhe.)

¹⁵ William wa gore o fetsiye mengwagangwaga go le mogolo o di kwisisa gabutši gore taba ya go disa ke ye kgolo go segela kaye. Mo bolwele bya go sabalala bya COVID-19 bo sa thomisa, yene le bagolo ggoši ba yye ba maka gore taba ya go fowunela bo ba leng ga mogoba wa bona ba yi yetise mahlong fote ba yi make beke ye nngwana le ye nngwana. O hlatolla gore ke ntaba a makiye ka mokgonone, o re: “Magageru ya go tlala ke mo ma tidulela gaye ma ntoši fote o ka kraya ma šele ma nagana tsa gore a yi tsona.” Mo mogageru a na le mathatha, William o mo theetsela  di mmaba gore a thogo kwa gore o hlupa king le gore o gayela kaye. Ke mokane o liketsa ka matla gore a kraye dikgatiso kela dividiyo ga wepsayete ya rune tsa gore a ka di berekisa gore a thogo gelepa mogageru yene. O di bonne tsa gore: “Mmereko wa go disa wo hlokega ka matla gana byalo. Re karakara ka matla gore re gelepe batho ba tšhute ka Jehova fote di nyaka re karakare ka matla gore re dise morape re wo gelepe gore wo sa khwanyudisi ka ho nneteng.”

16. Tso re di tšhutiyeng ga mangwalo ya ma ngwadiyeng ke Petro re ka di berekisa ka mokgo mang?

¹⁶ Re f’lo petapeta ka gonyana tso re di tšhutang ga mangwalo yaa Petro a ma ngwadiyeng ka mabedi. Di ka makega gore o šele o di bonne gore di nyaka o potolle kaye. Mo re beyisa, ayitsano o nyaka go ghayela ga tleletlele ka tso o nyoko rufang ka tsona ga lefase la nyuwane? Ayitsano o šele o tipeyele gore o nyaka go tšhomayela mo o berekang, sekolong kela go gongwana? Ayitsano go na le so o ka se makang gore o šupetse magageru gore o ma nyaka tsa nkare ke moka? Lune bagolo, ayitsano le tikemisele go disa dinku tsa Jehova ka go di nyaka fote le kwa le nabela go maka ka mokgonone? Go tinyakolla wene mong go ka maka gore o wunyulle tse dingwana tsa gore a di ya dudisega gabutši, mara di sa nape di go kata fase ka go kgongwela. “Morena o lukiye” fote o nyoko go gelepa gore o potolle ga nkare go potegiye. (1 Pet. 2:3) Petro o makiye gore re sa kamake taba ya gore: “Modimo . . . o nyoko le tšhutisa ka boyene mong. O nyoko le tiyisa, a le neye matšhika fote o nyoko maka gore le yeme le tiyye le sa thogathoge.”—1 Pet. 5:10.

17. Mo re sa lahle tewu ke mokane re lisetsa Jehova gore a re tšhutise, maphomela go nyoko ba mafeng?

¹⁷ Petro le yene o thomisiye ka go kwa nkare a yi yene wa selo gore a ka ba thina le Morwayi wa Modimo. (Luk. 5:8) Mara ka taba la gore Jehova le Jeso ne ba mo thega, Petro o yye a sa lahle tewu ga taba ya go latelela Kreste. Phela Petro ba yye ba mo yamogela gore a “kene Mmušong wa Morena wa rune le ye a re phonisiyeng Jeso Kreste.” (2 Pet. 1:11) Ye lune, phela o ro rufiwa ka mokgo! Mo o ka sa lahle tewu go fo tshwana le Petro o boya o lisetsa Jehova gore a go tšhutise, a go jiki le wene o nyoko rufiwa ka lephelo la go ya go yye. O nyoko maka gore ‘tumelo yago yi go phonise.’—1 Pet. 1:9.