1-2. Ke ntaba re tshwanele re jabodise ke taba ya Samsoni?

 O TLELA king ho monaganong mo o kwa ka lebitso la Samsoni? Nnete o nagana ka monna wa gore o na le matšhika ka matla. Phela yone go ro ba nnete. Mara Samsoni o yye a segelela sepheto sa gore a tlele ke tsa go sasamela. Le mo go le ka mokgonone, Jehova o yye a lebelela dilo ka mokana ga tsona tso Samsoni a šupetsiyeng gore wa tshepega, ke mokane a di tšhela ka Bhayibeleng gore di thogo gelepa rune.

² Jehova o berekisiye Samsoni gore a make dilo tsa go makatsa gore a thogo gelepa batho bage ba Maisrayele. Ka nthago ga mengwagangwaga mo Samsoni a šele a kgwile, Jehova o yye a hlohletsela Pawulo gore a tšhele le lebitso la Samsoni ga letheto la banna ba go ba le tumelo. (Maheb. 11:​32-34) Mošupetso wa Samsoni wo ka re tiyisa. Ke mo a tshepela ga Jehova le mo go thathafa. Ga hlogotaba yowa, re nyoko petapeta ka so re ka se tšhutang ga Samsoni le gore mošupetso wage wo ka re tiyisa ka mokgo mang.

3. Samsoni ba yye ba mo neya mmereko wofeng?

³ Ka nakwela Samsoni a belegiwa, Mafilisita ke mo ma lawola setšhaba sa Israyele fote ma se gatelela. (Bay. 13:1) Maisrayele ma yye ma hlupega ka matla ka taba la ka mokgo ne ba ma tshwere bošidi ka gona. Jehova o kgetiye Samsoni gore “a phonise Maisrayele ga Mafilisita.” (Bay. 13:5) Phela yone ne go se taba ye nyana! Mara ne di nyaka gore Samsoni a tikokotlele ka Jehova gore a thogo maka mmereko wone.

4. Jehova o mo gelepiye ka mokgo mang ga Samsoni gore a lokologe ga Mafilisita? (Bayahludi 15:​14-16)

⁴ Lebelela ka mokgo Samsoni a yyeng a šupetsa gore o tshepa  Jehova le ka mokgo Modimo a yyeng a mo thega ka gona. Tšatši le lengwana, masole ya Mafilisita ma yye ma tla ma tshwara Samsoni ku Lehi kela re ka fo re ku Juda. Byalo, ka taba la gore banna ba Juda ke mo ba tšhaba, ba yye ba fetsa ka gore Samsoni a bonane le lenaba. Samsoni o yye a tlema ke batho bage ka di thapo ka dipedi tsa gore di sa le nyuwane ke mokane ba mo yisa ga Mafilisita. (Bay. 15:​9-13) Mara, “moya wa Jehova wa mo neya matšhika” ga Samsoni fote a thasolanya dithapo tsone. Ke mokane “a kraya mohlagare wa bhongholo ya pholo,” a koronya 1 000 ya banna ba Mafilisita a fetsa ka bona!—Bala Bayahludi 15:​14-16.

5. Taba ya gore Somsoni o yye a berekisa mohlagare wa bhongholo yi re šupetsa ka mokgo mang gore ne a tshepela ga Jehova?

⁵ Ke ntaba Samsoni a yye a berekisa mohlagare wa bhongholo? Re ka fo re ke mo go le segale sa gore a se ya tlwayelega! A re kamake gore Samsoni ke mo a di tšiba gore o nyoko phomelela mo a ka tshepela ga Jehova di sa yi ka gore o berekisa segale sa mošaga mang. Ke nnete gore monna yewa wa go tshepega o yye a berekisa so ne se le gona ho thina gage gore a thogo maka tso Jehova a di nyakang. Di fo ba lekgwaying gore ka taba la gore Samsoni o yye a tikokotlela ka Jehova, tsotsone di makiye gore a rufiwe la go sa hlayisegi.

6. Mo re maka mmereko wa go yelana le tsa Mmušo wa Modimo re ka tšhuta ying ga Samsoni?

⁶ Le rune Jehova a ka re tiyisa gore re thogo maka mmereko wa rune le mo di bonala nka re ka sa di kgone. Fote Modimo a ka re gelepa ka mokgwa wa gore re nyoko šala re yahlamme. Yi tshepe taba ya gore Jehova wa gore o neyye Samsoni matšhika, o nyoko go gelepa gore o make tso yene a di nyakang mo o ka fo mo lisetsa gore a go gelepe.—Diy. 16:3.

7. Ke mošupetso wofeng wo o šupetsang gore di gabutši ka matla go lisetsa Jehova gore a re yetetse?

⁷ Magageru ya go tlala ya gore ma bereka ga tsa go yaga dipoleke tsa mo re rapelang, ma šupetsiye gore ga Jehova ma mo tshepa ka matla. Ku botala, Diholo Tsa Mmušo tsa go tlala tsa nyuwane le meyago ye mengwana ga go tlala ne di polana di boya di yaga ke magageru. Mara ka taba le gore batho ba go tlala ke mo ba kolobetsiwa, ne di nyaka mokgahlo wo dula wo tšhentšha-tšhentšha meyago yone. Magageru ya ma yetang  mmereko wone mahlong ne ma rapelela taba ya gore Jehova a ma yetetse fote ma liketse mokgwa wa nyuwane wa go tshwana le go reka poleke ba boya ba yi lukisa. Robert wa gore o makiye mmereko wa rune wa tsa go yaga mengwaga ya go sa tšwa go fela lefaseng ka mokana ga lona. Mo a ya mahlong o yitseri: “Tso ne re di maka di fapana kgone le tso re di makiyeng mengwaganyana ya go fela. Mara magageru ke mo ma tikemisele go di tshwara fote tsotsone di makiye gore re nape re di bona gore Jehova o rufa taba yone ya go potolla hala le hala.” Phela tsowa di fo šupetsa gore Jehova o yetetsa batho bage gore a thogo segelela tso yene a di nyakang. Wa tšiba ka mokana ga rune re ba re sa yi lahla mo re dulela go tiputsisa gore, ‘Ayitsano ke lisetsa Jehova gore a n’yetetse ke boya ke liketsa ka matla gore ke make so nka se kgonang mo ke mmerekela?’    

8. Samsoni o yye a maka ying ka nakwela wonngwe meetši?

⁸ Di ka makega gore o gopola tse dingwana tsa go makatsa tso Samsoni a yyeng a di maka. O yye a bolaya tawu ke mokane ka nthago a fetsa ka 30 ya banna ba Mafilisita ku Ašikelone. (Bay. 14:​5, 6, 19) Samsoni ke mo a di tšiba gore dilo tsone ne a ka sa di kgone hala go se ka Jehova. Tsotsone o di bonne tšatši le lengwana a wonngwe meetši ka nthago ga mo a bolayye 1 000 ya Mafilisita. O yye a maka byang mara? Phela a sanka a tshepela ga yenemong gore a tikrayele meetši, o yye a kgopela Jehova gore a mo gelepe.—Bay. 15:18.

9. Jehova o yye a mo fetola ka mokgo mang ga Samsoni mo a kgopela gore a mo gelepe? (Bayahludi 15:19)

⁹ Jehova o yye a mo fetola ga Samsoni mo a mo llela gore a mo gelepe ke mokane a maka gore a kraye meetši ka mohlolo. Mo Samsoni a nwa meetši yane, “matšhika yage ma yye ma boya fote.” (Bala Bayahludi 15:19.) Phela, meetši yane ma yye ma ba gona mengwagangwaga ka nthago ga mo moporofeta Samuwele ba mo hlohletsele gore a ngwale puku ya Bayahludi. Maisrayele ya ma bonneng meetši yane ya go yeela ma napiye ma gopola taba ya gore mo ma ka tshepela ga Jehova, o nyoko gelepa malata yage ya go tshepega ka nako ya mo ma mo hloka.

10. Go kena le ying ga taba ya go kgopela Jehova gore a re gelepe? (Lebelela le sethombhe.)

¹⁰ Le rune di nyaka re tshepele ga Jehova gore a re gelepe le mo go ka ba le tso re di kgonang kela re na le matšhika kela go na le tso re šeleng re di segelele ga mmereko wage. Di nyaka re sa lebale gore mo re tinyanafatsa re boya re yamogela taba ya gore mo motho a tikokotlela ka Jehova o nyoko phomelela tsa mannete. Go fo tshwana le ka mokgo Samsoni a yyeng a ba le matšhika nakwela a nwa meetši yala ya gore o ma neyye ke Jehova, le rune re nyoko tlalela ka matla ga tso tsa Modimo mo re ka berekisa dilo ka mokana ga tsona tso Jehova a re neyyeng gore di thogo re tiyisa.—Mat. 11:28.

11. Re ka maka byang gore re tisamele ka Jehova gore a re gelepe fote mogageru ye mongwana le mosadi wage ba yye ba maka byang? Hlatolla.

¹¹ Lebelela mošupetso wa mogageru ye mongwana wa ku Russia ye ba reng ke Aleksey, wa gore o tiyisela go hlorisiwa go baba. Mara king so se mo gelepiyeng gore a sa thogathoge le mo seyemo se thathafa? Yene le mosadi wage ba yemme gabutši ga tso tsa go tšhuta Bhayibele ka moka matšatši. O re: “Ke liketsa ka matla gore ke tšhute Bhayibele ke boye ke yi bale ka moka matšatši ke le ntoši. Ka bošego byo bongwana le byo bongwana nna le mosadi waka re bala sepukwane sa go nyakolla mangwalo ka moka matšatši re boya re rapela Jehova ggoši.” Tsotsone di re tšhutisa ying? Gore re sa tshepele ga runebeng ka matla mara re tikokotlele ka Jehova. Byang mara? Ka go tiyisa tumelo ya rune mo re bala Bhayibele ka moka matšatši re boya re sekela le tse dingwana tsa go yelana le tsa Mmušo wa Modimo. Fote mo re tihlupa ga taba ya go berekela Jehova, o nyoko re rufa ra šala re bafele. Modimo  o di kgonne go tiyisa Samsoni le ga rune a ka sa šitegi.

12. Ke sepheto sa mošaga mang sa go kekema so Samsoni a yyeng a se segelela fote tsotsone di fapana byang le tso a yyeng a gahlana natso ku nthago?

¹² Samsoni ke mo a sa yenela go fo tshwana le rune, byalo ka dinako tse dingwana ke mo a fela a kgeta tsa go fo tikela ku. Go na le sepheto se sengwana sa gore o yye a se segelela sa gore se makiye gore a tlele ke tsa go sasamela. Ka nthagonyana ga mo Samsoni a berekiye go le wa go yahlula, “o yye a kwa a nyaka mosadi ye mongwana ka matla ku Moyeding wa Soreke ye ba reng ke Delayila.” (Bay. 16:4) Samsoni o yye a thomisa a kwana le mosadi ye mongwana wa Lefilisita, mara taba yone ya gore ba gahlane “ke mo yi tšwa ga Jehova,” wa gore ke mo “a nyakana le lešuba la gore a lwe le Mafilisita.” Ka nthago, Samsoni o yye a dula ga mutši wa nghwahla ye nngwana ku Filisita ga mutši wa Gaza. Ka letšatši lolone Modimo o yye a neya Samsoni matšhika ya gore a robanye dikwalo tsa hone gheyiting ya mutši a boye a wise mutši wone. (Bay. 14:​1-4; 16:​1-3) Mara ka gore Delayila o nyakiye go ba Leisrayele, taba ya gore ne a kwana naye ne yi ka sa mo thulele lešuba la gore a lwe le Mafilisita.

13. Delayila o yye a potlometsa Samsoni ga seyemo sa mošaga mang?

¹³ Delayila o yye a yamogela tšheleta ya go tlala ga Mafilisita go fo re a sepele Samsoni ka fase. Ayitsano taba ya gore ga Delayila ne a mo nyaka ka matla yi makiye gore a fo tipopetsa maahlo a sa bone gore Delayila o nyaka go maka ying? Ye lune, phela Delayila o f’lo mahlong a kene a fetoga bošunyane ga Samsoni a nyaka gore a mmotse gore matšhika ya a nang nawo ma tšwa kaye ke mokane Samsoni a feleletsa a mmutsiye. Sa go babisa pelo ke gore, sepheto so Samsoni a se segeleleng se makiye gore a sa sa ba le matšhika fote le Jehova o tsere nakonyana a sa sa mo yamogela.—Bay. 16:​16-20.

14. Samosoni o yye a tlela ke tsa mošaga mang tsa go sasamela ka taba la go tshepa Delayila ka matla?

 ¹⁴ Samsoni o yye a gahlana le tsa go baba ka matla ka taba la go tshepa Delayila ka matla a lisetsa go tshepa Jehova. Mafilisita ma yye ma tshwara Samsoni ke mokane ma mo popetsa maahlo. Ba yye ba mo hlahlela jele ku Gaza, ga mutši wa gore o yye a robanya dikwalo tsa wona fote o yye a feleletsa go le lebhantiti ga mutši wone. Ke mokane Mafilisita ma yye ma leya Samsoni ga monyanya wa wona. Ba yye ba makela modimo wa bona wa matsaka sehlabelo ka taba la gore ne ba tshepa gore modimo yene ke yene a ba gelepiyeng gore ba tshware Samsoni. Ba yye ntsha Samsoni hone jele ke mokane ba mo leya hone monyanyeng gore ba “make tsa go tshegisa”—go fo re ba titshegise ka yene.—Bay. 16:​21-25.

15. Samsoni o yye a šupetsa ka mokgo mang gore o tikokotlela ka Jehova fote? (Bayahludi 16:​28-30) (Lebelela le sethombhe.)

¹⁵ Samsoni o yye a kekemisa ka matla mara a sanka a lahla tewu. O yye a nyakana le lešuba la gore a thogo maka tso Modimo a di nyakang tsa gore a lwe le Mafilisita. (Bala Bayahludi 16:​28-30.) Samsoni o yye a kgopela Jehova a re: “Llisetse ke busetse ga Mafilisita.” Modimo wa mannete o yye a mo fetola ga Samsoni mo a mo llela fote a maka mohlolo wa gore a boyele a be le matšhika fote. Phela Samsoni o yye a phomelela ka matla la go šinya a gagara Mafilisita ya go tlala go phala ku nthago.

16. Re ka tšhuta ying ga tso Samsoni a yyeng a di kekemisa?

¹⁶ Le mo Samsoni a yye a gahlana le tsa go sasamela ka matla ka taba la tso a yyeng a di kekemisa mara a sanka a lisetsa go maka tso Jehova a di nyakang. Phela le rune re ka kekemisa go gongwana fote di nyaka gore ba re wolole kela re sa sa maka mmereko wo ne re wo maka, re sa lahle tewu. Re sa lebale gore Jehova le ka tšatši la mohlolo a ka sa hlaye ga rune gore le fo napa le lisetsa ka gore di le šitiye. (Pis. 103:​8-10) Phela le mo re ka ba re kekemisiye go segela kaye, Jehova a ka sa re ngalele ka taba la gore le ga Samsoni a sanka a di maka tsotsone.

17-18. Mošupetso wa Michael wo go tiyisa ka mokgo mang? (Lebelela le sethombhe.)

¹⁷ Tseya ka mošupetso wa mogageru ye mongwana ye ba reng ke Michael. Ke mo a tshwaraganne ka matla ga taba ya go berekela Jehova a le lelata la ka ho phutegong fote go le mošupatsela wa nako ka moka. Byalo, sa go kwisa go baba ke gore o yye a kekemisa go gongwana la go šinya di šaša tsa go maka mmereko wo ne a wo maka ka ho phutegong. O re “le gana byalo lowa  ne ke dula ke tshwaraganne ka taba ya go berekela Jehova. Di soko ya kgole ke yye ka kwa nkare ga Jehova nka sa mo makele selo. Ne ke di tšiba tsa gore Jehova a ka tsoge a llahliye mara ne ke tiputsisa gore ayitsano senghana saka naye se sa nyoko tshwana le sa mathomisong kela ayitsano ke sa nyoko boyela ke mmerekela ka ho phutegong go tshwana le mathomisong.”

¹⁸ Sa go jabodisa ke gore, Michael a sanka a lahla tewu. O tokegele ka gore: “Ke liketsa ka matla gore ke lukise senghana saka le Jehova ka go dula ke rapela, ke tšhuta ke boya ke ghayela.” Mo goya-goya, Michael o yye a boyela a maka mmereko wage wa ka ho phutegong. Gana byalo ke mogolo fote ke mošupatsela wa nako ka moka. O re: “Ka mokgo bagolo ba yyeng ba nthega ka gona ba boya ba tiyisa tsotsone di n’gelepiye gore ke di bone gore Jehova o sa na a nnyaka. Phela ke boyele ke bereka ka ho phutegong ke sa kikiti ke lekwalo. Taba yowa yi ntšhutisiye gore Jehova o nyoko dula a tshwarela ye mongwana le ye mongwana wa gore o tisola a resa.” Re ka sa yi kamake taba ya gore Jehova a ka re berekisa fote a re rufa le mo re ka ba re yye ra kekemisa, mo re ka maka so re ka se kgonang gore re potolle ditsela tsa rune re boye re sa lisetse go tikokotlela ka yene.—Pis. 86:5; Diy. 28:13.

19. Mošupetso wa Samsoni wo go tiyisiye ka mokgo mang?

¹⁹ Ga hlogotaba yowa, re tšhutiye ka tsa go jabodisa tsa gore a di ya tlala tso di makegiyeng ga lephelo la Samsoni. Ke nnete gore ke mo a sa yenela mara le mo go le ka mokgonone a sanka a lahla tewu ga taba yage ya go berekela Jehova le ka nthago ga mo Delayila a makiye gore a kekemisiye ka matla. Fote Jehova a sanka a mo ngalela. Modimo o yye a berekisa Samsoni ga go tlala. Fote Jehova o yye a mo tseya go le monna wa go ba le tumelo a boya a mo tšhela ga letheto la batho ba go tshepega ba gore ba ga Maheberu tema 11. Phela di re tikisa ka matla go fo tšiba gore re berekela Papa wa ku legedimong wa gore o re nyaka ka matla wa gore o tikemisele go re tiyisa, ka matlamatla mo re lelemela! Byalo, go fo tshwana le Samsoni tla re kgopeleneng re re: “Barena o sa nlibale fote o ntiyise.”—Bay. 16:28.