1-2. (a) Ke ntaba re re Aremaghedoni yi tshwarele batho ditaba tsa go bafala? (b) Re nyoko bolabola ka diputsiso difeng ga hlogotaba yowa?

BATHO ba go tlala mo ba kwa go bolabodiwa ka “Aremaghedoni,” ba kwa ba tšhoga ka matla, ba tseya gore lefase lo re dulang ga lona le nyoko sinyega tsa go sa hlayisege, wa šala o sa sa bona gore kaye ke kaye. Mara Baebele yona mo yi bolabola ka Aremaghedoni, yi hlaya ditaba tsa go bafala, tsa go jabodisa! (Kut. 1:3) Ntwa ya Aremaghedoni, yi ka sa bolaye batho ba go loka, mara yi nyoko ba phonisa! Ka mokgo mang?

² Baebele yi šupetsa gore ntwa ya Aremaghedoni yi nyoko phonisa batho ka go tlosa memmušo ya lefase lowa. Ga ntwa yone, ba go loka ba nyoko phonisiwa, ke mokane ba go sa loka go nyoko fela ka bona. Aremaghedoni yi nyoko tšhireletsa lefase lowa la rune ke mokane ya phonisa batho bo ba dulang ho ga lona. (Kut. 11:18) Gore ditaba tsowa di thogo re yelela gabutši, tla re fetoleneng diputsiso ka dine ke tsowa: Anthe Aremaghedoni yowa king? Ke dilo difeng tso di nyoko makegang mo yi soko bane yi segela? Re ka maka byang gore le rune re wele ga bo ba nyoko go phonisiwa ka Aremaghedoni? Re ka dula re tshepega ka mokgo mang mo Aremaghedoni yi kene yi šutela?

3. (a) Lentsu lowa la gore “Aremaghedoni” le ra gore king? (b) Kutullo 16:14, 16 yi šupetsa byang gore Aremaghedoni a yi poleke ya mannete?

³ Bala Kutullo 16:14, 16. Lentsu lowa la gore “Aremaghedoni” le nyarela ga teya ka ho Mangwalong fote le tšwa ga lentsu la Seheberu la go rela “Thaba ya Meghido.” (Kut. 16:16) Meghido ke mo go le mutši wa Israyele ya ku botala. (Još. 17:11) Mara Aremaghedoni a yi poleke ya mannete ya ho lefaseng. Mo re šele re yi beya gabutši, ke nako yo “magoši ya lefase ka mokana ga lona” ma nyoko bang ma kgobeketsana gore ma lwe le Jehova. Mara, ga hlogotaba yowa, lentsu lo la “Aremaghedoni” re nyoko le berekisa le mo re bolabolela ntwa yo yi nyoko tlang ka nthago ga mo magoši ya lefase ma kgobeketsanne. Re tšiba ka ying gore Aremaghedoni go fo ba poleke ya go fo tshwanisa? Sa mathomo  ke gore thaba ya Meghido a yi selo sa mannete. Sa bobedi ke gore poleke ya Meghido ke ye nyana ka matla tsa gore “magoši ya lefase ka mokana ga lona,” masole ya tsona le mitšhini ya go lwa ntwa di ka sa yenele ga yona. Sa boraro ke gore ga hlogotaba yowa, re nyoko kwa ka ntwa yo ya Aremaghedoni gore yi nyoko thomisa mo “magoši” ma kutulugela batho ba Modimo bo ba dulang dipolekeng tsa go sa tshwane ho lefaseng ka mokana ga lona.

4. Ke ntaba Jehova a yye a tshwanisa ntwa ye kgolo ya mafelelo le Meghido?

⁴ Ke ntaba Jehova a yye a tshwanisa ntwa ye kgolo ya mafelelo le Meghido? Meghido le ku thina le Moyedi wa Jezeriyele ne go le dipoleke tsa go lwa dintwa ga tsona. Ka nako ye nngwana, Jehova o yye a kenelela ga dintwa tsone. Mo re beyisa, Modimo o yye a gelepa Moyahludi wa Israyele ye ba reng ke Bharake a berekisa “meetši ya noka ya Meghido,” gore a hlule masole ya Makanana ya gore ke mo ma yetiye mahlong ke ndhuna ya masole ye ba reng ke Sisera. Bharake le Debhora wa gore ke mo go le moporofeta wa mosadi, ba yye ba leboga Jehova mo a ba makele mohlolo wa gore ba hlule. Ba yye ba yepelela ka gore: “Dinanedi tsa legedimo di lwile . . . le Sisera. Mogogola wa noka ya Khišone wo yye wa ba suwelanya.”—Bay. 5:19-21.

5. Ntwa ya Aremaghedoni yi šiyana byang le yo yi yyeng ya lwa ke Bharake?

⁵ Bharake le Debhora ba fetsisele koša ya bona ka mantsu ya gore: “Barena Jehova, maka gore go fele ka manaba yago ka mokana ga wona, mara o lesetse bo ba gore ba go nyaka ka matla ba gadime go tshwana le letšatši mo le hlaba.” (Bay. 5:31) Ka nako ya ntwa ya Aremaghedoni, go nyoko fela ka manaba ya Modimo ke mokane ba gore ga Modimo baa mo nyaka ba nyoko phona. Mara dintwa tso ka dipedi a di nape di tshwana gabutši. Mo go segela Aremaghedoni, batho ba Modimo ba ka sa lwe. Fote tsa go lwa ka tsona ba ko ba ba se natso! Ba nyoko kraya “matšhika ya bona ka go dula ba bebiye le go šupetsa gore ba tshepele” ga Jehova le ga masole yage ya ku legedimong.—Jes. 30:15; Kut. 19:11-15.

6. Jehova o nyoko hlula manaba yage ka mokgo mang ka Aremaghedoni?

⁶ Modimo o nyoko hlula manaba yage byang ka ntwa ya Aremaghedoni? A ka fo berekisa mekgwa ya go tlala. Mo re beyisa, a ka fo berekisa go tekateka ga lefase, sefako kela legadima. (Jobo 38:22, 23; Hezek. 38:19-22) A ka maka manaba yage gore ma bolayane ka bowona beng. (2 Dikor. 20:17, 22, 23) Kela a ka berekisa le mong mangeloyi yage gore ma bolaye bo ba dipelo tse diphifadu. (Jes. 37:36) Se sengwana le se sengwana so Modimo a ko go kgeta go se berekisa se ka sa pumutsi. Manaba yage ka mokana ga wona go nyoko fela ka wona. Mo go le batho ka mokana ga bona ba go loka, ba nyoko phona.—Diy. 3:25, 26.

7-8. (a) Mathesalonika wa Mathomo 5:1-6, yi re go nyoko ba le tšibiso ya mošaga mang ye kgolo? (b) Ke ntaba matsaka yane go ko ba go le ya go fokola batho?

⁷ Taba ya gore “go bebiye fote go tšhireletsegiye” yi nyoko makega mo “letšatši la Jehova” le soko segela. (Bala 1 Mathesalonika 5:1-6.) Ga 1 Mathesalonika 5:2, “letšatši la Jehova” le rela “motšhatšhamelo wo mogolo.” (Kut. 7:14) Re ko di tšiba byang gore motšhatšhamelo wone wo šele wa thomisa? Baebele yi re botsa gore batho ba nyoko thomisa go tšibisa batho ka taba ye ngwana ye kgolo ka matla. Taba yone yi nyoko šupetsa gore motšhatšhamelo wo mogolo wa thomisa.

⁸ Yone go ko ba go le yona tšibiso yo yi ko bang yi porofitiwwe ya gore “go bebiye fote go tšhireletsegiye.” Ke ntaba bo ba go yeta mahlong ba lefase ba ka bolabola tsotsone? Ayitsano baruti le bona ba nyoko tšhela letsogo ga taba yone? Di ka fo tla tsa makega. Re di tšiba gabutši tsa gore mo bowa ba go yeta mahlong ba lefase ba thomisa go bolabola taba  ya gore “go bebiye fote go tšhireletsegiye,” tsone ka mokana ga tsona go nyoko ba go le matsaka ya madimona. Matsaka yawa ma nyoko fokola batho, ka taba la gore ma nyoko maka gore ba tshepe gore ba tšhireletsegiye mo motšhatšhamelo wo mogolo wa gore a sanka wa ba gona wo šele wo nyoko thomisa. Nnete ke gore “go psyitlanyiwa hone ga mo ba sa tilebele, go nyoko makega go tshwana le lešoko la mosadi wa go yima.” Byalo go nyoko makega ying ka malata ya Jehova ya go tshepega? Ma ka fo makatsa ke go bona letšatši la Jehova le fo re palakata, mara nnete ke gore ma ko ba ma na ma le yemele.

9. Modimo o nyoko sinyanya lefase la Sathane ka mokgo mang? Hlatolla

⁹ Jehova a ka sa sinyi lefase lowa la Sathane ka mokana ga lona ka nako ka yyoši go tshwana le ka dinako tsela tsa Nnowa. O nyoko berekisa dikgero ka dipedi tse dikgolo mo a le sinya. Sekgero sa mathomo, go nyoko ba Bhabhilona ye Mogolo, ye go leng mmušo wa dikereke tsa matsaka. Ke mokane ka Aremaghedoni o nyoko sinyanya lefase la Sathane ka mokana ga lona, gana hone go kena dipolotiki, tsa bosole le tsa dibhisinisi tsa lefase lowa. Byalo tla re bolaboleneng ka dilo tsone ka dipedi.

10. Kutullo 17:1, 6 le Kutullo 18:24 di re ke ntaba Jehova a nyaka go sinyanya Bhabhilona ye Mogolo?

¹⁰ “Go yahludiwa ga nghwahla ye kgolo.” (Bala Kutullo 17:1, 6; 18:24.) Bhabhilona ye Mogolo o makiye gore lebitso la Modimo le poyilege. Fote o tšhutisiye matsaka ka Modimo. A boya a ro maka bonghwahla le memmušo ya lefase lowa. O berekisiye matšhika yage gore a make batho bage lešidi ka go ba ntshisa dikoleke tsa go sa fele. O bolayye batho ba go tlala wa tšiba, le mong malata ya Modimo ma gona gana hone. (Kut. 19:2) Jehova o nyoko sinyanya Bhabhilona ye Mogolo ka mokgo mang?

11. “Sebata sa khala ye khubedu” king fote Modimo o nyoko se berekisa byang gore se make tso a di nyakang ka Bhabhilona ye Mogolo?

¹¹ Jehova o nyoko sinyanya “nghwahla ye kgolo” a berekisa “lesome la manaka” ya “sebata sa khala ye khubedu.” Sebata sone se yemela Ditšhaba tsa go Mamarelana. Lesome la manaka le yemela memmušo ya dipolotiki ya gana byalo. Mo go segela nako ya Modimo,  memmušo ya dipolotiki yi nyoko jikela Bhabhilona. Yi nyoko “mo tula fote yi mo tšule” a šale a yi tsa, yi mo yamoge dilo ka mokana ga tsona tso a nang natso tsa majabajaba yi fetse ka go mo pawula. (Kut. 17:3, 16) Taba yone yi nyoko tla ka go yakgoswa—tsa nkare ke ya letšatši ka lloši—fote bo ba gobagobang naye ba nyoko šala ba sa sa tšiba ditaba tsa bona. Go gahlana le gore ke botala a kene a kganya a re: “Ke duli setulong sa magoši ya basadi, fote a ke ya kgwela ke monna, le tsa go yapara sethila a yi layini yaka.”—Kut. 18:7, 8.

12. King so Jehova a ka sa lesetseng ba ditšhaba ba se maka, fote ke ntaba?

¹² Modimo a ka sa lesetse ba ditšhaba gore ba fetse ka batho bage. Batho ba Modimo ba jabodisa ke go bolabola ka lebitso lage fote ba yye ba mo theetsela mo a re ba tšwe mone Bhabhilona ye Mogolo. (Meber. 15:16, 17; Kut. 18:4) Fote ba karakariye ka matla gore ba gelepe ba bangwana gore le bona ba tšwe mone gage. Byalo malata ya Jehova ma ka sa ‘tlele ke tsa go baba tso di nyoko tlelang Bhabhilona ye Mogolo.’ Mara, tumelo ya bona ba sa nyoko yi šiginya.

13. (a) Gogo yewa ke mang? (b)  Hezekiyele 38:2, 8, 9 yi re king so se nyoko makang gore Gogo a ye ga poleke yela ya go fo tshwanisa ye ba reng ke Aremaghedoni?

¹³ Go kutulugela ke Gogo. (Bala Hezekiyele 38:2, 8, 9.) Mo go šele go fediye ka mekgahlo ka mokana ga yona ya dikereke tsa matsaka, batho ba Modimo ba nyoko yema ba sa thogathoge go fo tshwana le sehlare sa go phona sedingwane se segolo. Nnete Sathane o nyoko fufulela ka matla. Go šupetsa gore o kwatiye, o nyoko bolabola “dilo tso di butšwelediwweng tsa go sa yela” tsa madimona—tso di nyoko makang gore ditšhaba di kutulugele malata ya Jehova. (Kut. 16:13, 14) Mogoba wone wa ditšhaba tsa go timaka ngata ka yyoši ba re ke “Gogo wa naga ya Magogo.” Mo ditšhaba tsone di kgobeketsana gore di lwe le malata ya Jehova, ke gona mo ntwa yela ya Aremaghedoni yi nyoko go thomisa.—Kut. 16:16.

14. King so Gogo a nyoko se bonang gabutši?

¹⁴ Gogo o nyoko tshepela ga ‘masole ya gore ke batho’ le matšhika ya wona. (2 Dikor. 32:8) Rune re nyoko tshepela ga Modimo wa rune  Jehova, sosone ditšhaba di nyoko tseya nkare ke bophukuphuku. Sosone se maka ke gore Bhabhilona ye Mogolo ke mo a na le matšhika, mara medimonyana yage a sanka ya mo phonisa ga “sebata” sela sa go ba le “lesome la manaka”! (Kut. 17:16) Byalo Gogo o nyoko tseya nkare go nyoko ba lula go fetsa ka rune. O nyoko kutulugela batho ba Jehova “go fo tshwana le mo maru ma kugele naga.” (Hezek. 38:16) Nnete ke gore Gogo o nyoko di bona gabutši gore a ka sa khwanyudisi. Gogo o nyoko di bona gabutši go fo tshwana le Farawo ku Lewatleng le Lekhubedu gore ke mo a lwa le Jehova.—Ek. 14:1-4; Hezek. 38:3, 4, 18, 21-23.

15. Kreste o nyoko hlula ka mokgo mang?

¹⁵ Kreste le masole yage ya legedimong ba nyoko lwela batho ba Modimo ke mokane ba psyitlanya Gogo le masole yage. (Kut. 19:11, 14, 15) Lenaba le legolo la Jehova lo ba reng ke Sathane la gore le bolabodiye matsaka ya go maka gore ditšhaba di kutulugele batho ba Modimo ga ntwa ya Aremaghedoni, go nyoko makega ying ka lona? Jeso o nyoko ro bošela yene le madimona yage moleteng wa go yisa, ga gore ba nyoko ba khiyelela 1 000 ya mengwaga.—Kut. 20:1-3.

16. (a) Re šupetsa ka ying gore ga “Modimo re ya mo tšiba”? (b) Ke ntaba go tšiba Jehova go nyoko ba taba ya gabutši ka matla mo Aremaghedoni yi segela?

¹⁶ Gore re thogo phonisiwa mo go segela Aremaghedoni, di nyaka re šupetse gore ga ‘Modimo re ya mo tšiba’ le gore re ‘theetsela ditaba tso tsa go bafala tsa go bolabola ka Morena wa rune Jeso’ le mo go ka fo ba go se botala re le ka ho nneteng kela go le botala. (2 Mathes. 1:7-9) Mo re tšiba tso Modimo a di nyakang le tso a sa di nyakeng re boya re tšiba le melawo yage, tsotsone di ko ba di šupetsa gore re “tšiba Modimo.” Re šupetsa gore re ya mo tšiba mo re mo nyaka ka matla re boya re mo theetsela fote re rapela yene a ntoši. (1 Joh. 2:3-5; 5:3) Mo re šupetsa gore re tšiba Modimo, re nyoko tla re phona Aremaghedoni ka taba la gore “wa re tšiba”! (1 Makor. 8:3) Byang mara? Ka taba la gore mo ‘Modimo a re tšiba,’ di rela gore wa re yamogela.

17. Mo ba re go ‘theetsela ditaba tsa go bafala tsa Morena wa rune Jeso’ ba ra gore king?

¹⁷ Ga “ditaba tsa go bafala tsa go bolabola ka  Morena wa rune Jeso,” go na le dinnete ka mokana ga tsona tso Jeso a di tšhutisiyeng ka ho Lentsung la Modimo. Re šupetsa gore re theetsela ditaba tsa go bafala mo re di berekisa ho lephelong. Go theetsela moneng go re le go yetisa tsa Mmušo mahlong, melawo ya Modimo ya go loka le go tšhomayela ka Mmušo wa Modimo. (Mat. 6:33; 24:14) Fote gana hone go tokegela le taba ya go thega Makreste ya go tlotsiwa mo ma kene ma tshwaraganne ka mmereko ya wona wo mogolo.—Mat. 25:31-40.

18. Malata ya Modimo ya ma tlotsiwweng ma nyoko šupetsa byang gore maa leboga?

¹⁸ Go se botala, malata ya Modimo ya ma tlotsiwweng ma nyoko šupetsa gore ma leboga “dinku tse dingwana” mo di yye tsa tshwarisana nawo. (Joh. 10:16) Ka mokgo mang? Mo Aremaghedoni yi soko bane yi segela, ka mokana ga bona bo ba 144 000 ba nyoko ba ba šele ba tsusiwwe gore ba ye phela legedimong ba sa sa kgwa. Go nyoko ba go le ba bangwana ba masole ya ku legedimong ya gore ma nyoko psyitlanya Gogo ke mokane ba tšhireletsa “mogoba wo mogolo wa go tshwana le dinku.” (Kut. 2:26, 27; 7:9, 10) Yone go nyoko ba taba ye butši ka matla ya gore mogoba wo mogolo wo ko ba wo yi makiye ya go gelepa malata ya Jehova ya ma tlotsiwweng!

19-20. Re ka maka byang gore re dule re tshepega mo Aremaghedoni yi kene yi šutela le mo go ka fo ba go na le tsa go re ghula?

¹⁹ Malata ya Jehova ya go tlala ga dinako tso tsa mafelelo ma tiyisela dintshetshere. Mara re nyoko tiyisela re kene re jabodiye. (Jak. 1:2-4) So se ka re gelepang ke go rapela di re baba. (Luka 21:36) Fote a di nyake re fo rapela nje, di nyaka re tšhute Lentsu la Modimo re boye re ghayele ka tso re di tšhutang, re boye re bale le ka diporofeto tsa go makatsa tsa go bolabola ka dinako tso re phelang ga tsona. (Pis. 77:12) Mo re maka dilo tsowa ka mokana ga tsona re boya re yenetsa mmereko wa rune wa go tšhomayela, tumelo ya rune le tshepo yo re nang nayo di nyoko tiyelela!

²⁰ O fo nagana nje gore di nyoko go jabodisa go segela kaye mo go šele go fediye ka Bhabhilona ye Mogolo fote le Aremaghedoni yi fitiye! Fote nagana gore go nyoko jabodisa byang mo batho ka mokana ga bona ba šele ba hlompa lebitso la Modimo ba boya ba di tšiba gore ke yene a tshwaneleng a lawole! (Hezek. 38:23) Nnete ke gore bo ba tšibang Modimo ba boya ba theetsela Morwayi wage fote ba tiyisela go segela mafelelong, ba fo kwa nkare Aremaghedoni nke yi šele yi segele.—Mat. 24:13.