1. Lephelo la Johane wa lepostola ke mo le le byang ka bo-95 C.E?

GANA hala ga bo-95 C.E., Johane wa lepostola o yye a hlupega ka matla ka tso ne di makega. Ke mo a šele a tsofele, a tshwariwwe ga poleke ya ku Patimosi ya go dukuluga ke meetši, fote go ka makega gore ne go le yene lepostola le ntoši la gore le sa phela. (Kut. 1:9) Ke mo a di tšiba gabutši tsa gore go na le ba go phigisa phutego le go yi fokola, ka thoko ba kene ba yi yahloganya. Ke mo di šupa nkare hlasenyana yo ne yi le gona ya Sekreste ke mo yi le thina le go tima.—Juda 4; Kut. 2:15, 20; 3:1, 17.

2. Kutullo 7:9-14 yi re Johane o bonne mmono wa mošaga mang wa go jabodisa? (Lebelela sethombhe sa ka tawong.)

² Nakwela Johane a le ga seyemo sone sa go thathafa, Modimo o yye a mo šupetsa mmono wa go jabodisa wa go bolabola ka tso di nyoko makegang ku mahlong. Ga mmono wone, mangeloyi ma butsiwa gore ma tshware diphefo tsa go sinya, tsa motšhatšhamelo wo mogolo go segela mo mogoba wela wo šele wo na le setwaba. (Kut. 7:1-3) Mogoba wone ke wa 144 000 wa gore wo ye lawola le Jeso ku legedimong. (Luka 12:32; Kut. 7:4) Ke mokane Johane o bolabola ka mogoba wo mongwana, wa gore ke wo mogolo ka matla, wa makatsa Johane a šinya a bolabola lentsu la go šupetsa gore nnete ke mo a makele, a re: “Ye lune!” Anthe Johane ke mo a ro bona ying? “Mogoba wo mogolo wa batho, wa gore aa šiyo ye a ka di kgonang tsa go wo balela, batho ba go tšwa ga ditšhaba ka moka le ditšo ka moka le mehlobo ka moka le mebolabolo ka moka ba yemme mahlong ga setulo sa bogoši, le mahlong ga Senkunyana.” (Bala Kutullo 7:9-14.) O fo nagana nje gore Johane ke mo a jabodiye byang mo a kwa gore go nyoko ba le batho ba go tlala bo ba nyoko rapelang Modimo ka mokgwa wo yene mong a wo nyakang!

3. (a) Ke ntaba mmono wa Johane o tshwanele wo re tiyise tumelo? (b) Re nyoko tšhuta ying ga hlogotaba yowa?

³ A re kamake gore mmono wone wo tiyisiye tumelo ya Johane. Le rune di nyaka mmono wowa wo re tiyise ka taba la gore  tso wo di bolabodiyeng re phela ga tsona gana byalo! Re di bonne gabutši dimiliyoni tsa batho bo ba nyoko phonang motšhatšhamelo wo mogolo ke mokane ba tl’le ba phele go ya go yye ho lefaseng. Ga hlogotaba yowa, re nyoko tšhuta gore Jehova o makiye byang gore batho bage ba tšibe taba ya mogoba wo mogolo, ka 80 ya mengwaga ya go fela. Ke mokane re nyoko bolabola ka dilo ka dipedi tso di hlawolang mogoba wone: (1) bogolo bya wona le (2) mehlobohlobo ya batho bo ba leng mone ga wona. Dilo tsowa ka dipedi di tshwanele di tiyise bo ba welang ga mogoba wone.

4. Ke nnete yifeng ya ka ho Baebeleng ya gore dikereke a di yi kwisise, fote Bo ba go Tšhuta Baebele bona ba yye ba sa tshwane le ba di kereke byang?

⁴ Ga go tlala dikereke a di yi tšhutisi nnete ya Baebele ya gore batho ba go theetsela Modimo ba nyoko phela go ya go yye ho lefaseng. (2 Makor. 4:3, 4) Dikereke tsa go tlala lekgono di tšhutisa gore mo motho a kgwa o ya legedimong. Mara Bo ba go Tšhuta Baebele ba gore ba yye ba ngwala Sewokamelo ku botala ka bo-1800, a sanka ba bolabola go tshwana le dikereke. Ke mo ba di kwisisa gabutši gore Modimo o nyoko maka gore lefase lowa go be Pharadeyisi fote, ke mokane batho ba go theetsela Modimo ba dule gana ho lefaseng, go seng legedimong. Mara, di ba tsere nako gore go segele le mo ba kwisisang gabutši gore batho ba go loka bo go bolabodiwang ka bona ke bafeng.—Mat. 6:10.

5. Bo ba go Tšhuta Baebele ke mo ba dumela ying ka bo ba 144 000?

⁵ Nnete ke gore Bo ba go Tšhuta Baebele ba yye ba yi kwisisa gabutši taba ya Mangwalo ya gore ba bangwana ba nyoko “rekiwa ho lefaseng” gore ba ye lawola le Jeso ku legedimong. (Kut. 14:3) Mogoba wone ke mo go nyoko ba 144 000 ya Makreste ya go karakara ka matla fote ma tineyele ga Modimo le go mmerekela ka go tshepega, ka nako tsa mo ba sa le ho lefaseng. Byalo mogoba wo mogolo wona, go nyoko makega ying ka wona?

6. Bo ba go Tšhuta Baebele ke mo ba dumela ying ka mogoba wo mogolo?

⁶ Johane ga mmono wage o bonne mogoba “wo yemme mahlong ga setulo sa bogoši le mahlong ga Senkunyana.” (Kut. 7:9) Mantsu yane ma makiye gore Bo ba go Tšhuta Baebele ba nape ba fetsa le pelo gore di ra gore mogoba wo mogolo le wona wo ye phela legedimong go tshwana le ba 144 000. Mo nkare bowa ba 144 000 le ba mogoba wo mogolo ne ba ye phela legedimong, ke mo re nyoko tšiba ka ying gore mang ke mang? Bo ba go Tšhuta Baebele ke mo ba tseya gore mogoba wo mogolo ke Makreste ya gore ke mo ma sa theetsele Modimo mo ma sa le ho lefaseng. Ba bangwana ba ka fo ba ba na le maphelelo ya gabutši mara wa kraya ba sa na ba le dikerekeng tsa matsaka. Bo ba go Tšhuta Baebele ba yye ba fetsa ka gore batho bone ga Modimo baa mo nyaka mara a yi tsa gore ba ka šinya ba lawola le Jeso. Ka taba la gore mogoba wo mogolo ke mo wo sa nape wo mo nyaka ka matla ga Modimo, wona ke mo wo nyoko ya legedimong gore wo be mahlong ga setulo ba bogoši, mara ne wo ka sa duli ditulong tsa go lawola.

7. Bo ba go Tšhuta Baebele ke mo ba dumela gore ke bafeng ba gore ba nyoko dula ho lefaseng, fote ke mo ba re go nyoko makega ying ka batho ba go tshepega bo ba kgwileng ba ku botala?

⁷ Byalo ke bafeng bo ba nyoko phelang ho lefaseng? Bo ba go Tšhuta Baebele, ke mo ba tshepa gore mo ba 144 000 le ba mogoba wo mogolo ba šele ba yye legedimong, go nyoko ba le dimiliyoni tsa batho ba gore ba nyoko rufiwa ka lephelo ho lefaseng, ka 1 000 ya mengwaga ya mo go lawola ga Kreste. Bo ba go Tšhuta Baebele ke mo ba sa lebelela gore bo ba dimiliyoni ba nyoko berekela Jehova mo go soko bane go segela nako ya gore Kreste a lawole. Ke mo ba nagana gore batho bone ba nyoko tšhuta ka Jehova ka nako ya mo Jeso a lawola. Ke mokane ka nthago, bo ba ko bang  ba makiye tso Jehova a di nyakang ba nyoko rufiwa ka lephelo la go ya go yye, ke mokane ba go tiwomisa dihlogo go nyoko fela ka bona. Bo ba go Tšhuta Baebele ke mo ba nagana gore bo go nyoko bang go le “dindhuna” ka nako yonone—le bo ba gore ‘ba tsusiwwe ba ku botala,’ (batho ba go tshepega ba gore ba kgwile Kreste a soko segela ho lefaseng)—ba nyoko feleletsa ba yye legedimong mo go fela 1 000 ya mengwaga ya go lawola ga Jeso.—Pis. 45:16.

8. Ke megoba yifeng ka meraro ya go šupetsa gore ke mo yi na le mayemo ga tso Modimo a nyakang go di maka?

⁸ Bo ba go Tšhuta Baebele ke mo ba tseya gore go na le megoba ka meraro: (1) wa 144 000 ya bo ba nyoko lawolang le Jeso ku magedimong; (2) mogoba wo mogolo wa Makreste ya go sa thogathoge, ya gore ma nyoko yema mahlong ga setulo sa go lawola sa Jeso ku legedimong, le (3) dimiliyoni tsa batho ba gore ba nyoko tšhuta go maka tso Jehova a di nyakang ho lefaseng ka 1 000 ya mengwaga ya mo Kreste a lawola. * Mara mo go-ya go-ya, Jehova o yye a ba gelepa gore taba yone yi ba yelele.—Diy. 4:18.

9. (a) Mogoba wo mogolo wa mo lefaseng wo nyoko yema ka mokgo mang “mahlong ga setulo sa go lawola le mahlong ga Senkunyana”? (b) Ke ntaba re re taba yo yi leng ga Kutullo 7:9 yi ro kwagala?

⁹ Ka 1935 taba ya gore mogoba wo mogolo king, yo Johane a yi bonneng yi yye ya kwisisega gabutši. Dihlatse tsa Jehova di yye tsa kwisisa gore a di rele gore mogoba wo mogolo wo nyoko ya legedimong tsa mannete wo segela wo yema “mahlong ga setulo sa lawola le mahlong ga Senkunyana.” Taba yone ke mo go le ya go fo tshwanisa. Le mo ba kene ba phela ho lefaseng, ba mogoba wo mogolo ke mo ba na ba nyoko yema “mahlong ga setulo sa go lawola,” solanka ba tseya Jehova go le yene a lawolang dilo ka mokana ga tsona le go šupetsa gore baa mo theetsela. (Jes. 66:1) Ba yema “mahlong ga Senkunyana” ka go šupetsa gore ba dumela ga sehlabelo sa Jeso sa go lepolla. Go fo tshwana le ka mokgo Matewu 25:31, 32 yi bolabolang gore “ditšhaba ka mokana ga tsona,” go tokegela le ba dipelo tsa go befa, ka mokana ga bona ba “yemme mahlong ga setulo” sa lawola sa Jeso. Byalo di kwagala gabutši gore ditšhaba ka mokana ga tsona a di ku legedimong mara di mo lefaseng. Ye lune, wa tšiba taba yowa yi ro kwagala. Di ya kwagala mo Baebele yi sa bolabole ka mogoba wo mogolo gore wo ya legedimong. Ke mogoba ka wwoši wo wo tshepisiwweng go ye phela go ya go yye ku legedimong, ke bo ba 144 000 ba gore ba yela go tl’le ‘lawola lefase lowa ba na le Jeso go le magoši.’—Kut. 5:10.

10. Ke ntaba di le gabutši gore mogoba wo mogolo wo tšhute ka dilo tso Jehova a di nyakang mo go soko segela 1 000 ya mengwaga ya go lawola ga Jeso?

¹⁰ Go tlugisela ka 1935, Dihlatse tsa Jehova ke mo di kwisisa gore mogoba wo mogolo wo Johane a wo bonneng mmonong, ke mo go le Makreste ya go tshepega ya gore ma na le tshepo ya go tl’le phela ho lefaseng go ya go yye. Gore mogoba wone wo mogolo wo phone motšhatšhamelo wo mogolo wo tshwanele wo tšhute ka dilo tso Jehova a di nyakang, mo go soko bane go segela 1 000 ya mengwaga ya go lawola ga Jeso. Ba tshwanele ba šupetse gore ba na le tumelo ya go tiya gore ba thogo “phomelela go phona dilo ka mokana ga tsona tso di tshwaneleng go makega” go soko bane go thomisa 1 000 ya mengwaga ya go lawola ga Kreste.—Luka 21:34-36.

11. Ke ntaba Bo ba go Tšhuta Baebele ba yye ba tshepa gore go na le ba bangwana bo ba nyoko go tsusediwa legedimong ka nthago ga 1 000 ya mengwaga?

¹¹ Byalo re re king ka taba ya gore go na le ba go loka ho lefaseng bo ba nyoko tsusiwang  gore ba ye phela legedimong ka nthago ga 1 000 ya mengwaga? Taba yone go bolabodiwwe ka yona botala ga Sewokamelo sa February 15, 1913. Ye mongwana a ka butsisa gore, ‘Anthe ke ntaba batho ba ku botala ba gore ba tshepegele Modimo ba sa yi go ye phela legedimong mara Makreste ya gore ke mo ma sa tshepege ga dilo tse dingwana ma ya legedimong?’ Go nagana ka mokgonone go makiye ke dilo tsowa ka dipedi tsa gore a yi tsona: (1) gore mogoba wo mogolo wo nyoko ya legedimong le (2) gore Makreste ya go sa tshepege ke wona ma makang mogoba wo mogolo.

12-13. Bowa ba go tlotsiwa le ba mogoba wo mogolo ba kwisisa ying ka patela ya bona?

¹² Re di bonne gore go tlugisela ka 1935, Dihlatse tsa Jehova di kwisisiye gore bo ba phonang Aremaghedoni ke bona mogoba wo mogolo wo Johane a wo bonneng. Ba nyoko “tšwa ga motšhatšhamelo wo mogolo” gana ho lefaseng, fote “ba nyoko ya mahlong ba yahlamela, ba re: ‘Go phonisiwa ga go tšwa ga Modimo wa rune ye a duling setulong sa go lawola le sa Senkunyana.’” (Kut. 7:10, 14) Se sengwana ke gore Baebele yi re tšhutisa gore bo ba nyoko go tsogela legedimong ba ye kraya “selo sa kawone” sa go feta sa batho ba go tshepega ba ku botala. (Maheb. 11:40) Magageru ma yye ma thomisa go mema batho gore ba berekele Jehova ba lebelele go tl’le kraya lephelo la go ya go yye ho lefaseng.

¹³ Bo ba mogoba wo mogolo ba jabola ka matla mo ba nagana ka tso ba di yemeleng ku mahlong. Baa di tšiba tsa gore Jehova ke yene ye a kgetang gore mang o ye phela kaye, legedimong kela lefaseng. Bowa ba go tlotsiwa le ba mogoba wo mogolo ba di kwisisa gabutši tsa gore patela ya bona ba nyoko yi kraya ka taba la mo Jehova a ro ba kwela ka go ba lepolla ka sehlabelo sa Jeso Kreste.—Maroma 3:24.

14. Ke ntaba ba go tlala ka nthago ga 1935 ba yye ba tiputsisa gore seporofeto sa go bolabola ka mogoba wo mogolo se nyoko makega byang?

¹⁴ Ka 1935, ka nthago ga gore batho ba Jehova ba kwisise taba yowa, ba yye ba tiputsisa gore nje di ko kgonegeng gore mogoba wowa go be wo mogolo ka matla. Mo re beyisa, Ronald wa ga Parkin ke mo a na le 12 ya mongwaga mo taba ya mogoba wo mogolo yi thomisa go yela. O sa na a gopola gore “ka dinako tsotsone, ke mo go na le 56 000 ya batšhomayedi lefaseng ka mokana ga lona fote go ka makega gore ba go tlala ba gona ke mo go le ba go tlotsiwa. Byalo mogoba wo mogolo ke mo go sa nape go le wo mogolo.”

15. Go hlekeletsiwa ga mogoba wo mogolo go ya mahlong byang?

¹⁵ Mo mengwaga yi kene yi belegana, barumiwa ba yye ba yisiwa ga mafase ya go tlala ke mokane Dihlatse tsa Jehova tsa thomisa go yeketsega. Ke mokane ka 1968, go yye gwa thomisa go badiwa puku ya go ba le  hlogotaba ya gore The Truth That Leads to Eternal Life [Nnete ya go Yisa Batho Lephelong la go ya go Yye]. Ka mokgo ne yi hlatolla dinnete tsa Baebele lola ka gona, yi yye ya goga batho ba go tlala. Mo go soko bane go fela mengwaga ka mene, batho ba gore ke mo ba šutela gana hala ga miliyoni go yye gwa ba malata ke mokane ba kolobetsiwa. Mo kereke ya Khatolika yi thomisa go tekateka ku Latin Amerikha le ga dinaga tse dingwana, fote mmereko wa rune ba wo rakela ku Bohlabela bya Yuropo le dipoleke tse dingwana tsa Afrikha, ba go kolobetsiwa ba yye ba napa ba yeketsega ka matla ba segela le ga dimiliyoni. (Jes. 60:22) A yi botala ka matla mokgahlo wa Jehova wo makiye gore go be le dithulusu tsa go gelepa batho gore ba tšhute so Baebele yi se tšhutisang. A re kamake gore mogoba wo mogolo wa go teya ka ku ga mabala (8) ya dimiliyoni, wo šele wo hlekeletsiwwe.

16. Mogoba wowa wo mogolo wo hlekeletsiwwe wo tšwa kaye?

¹⁶ Johane o ngwadiye taba ya mmono wage a re mogoba wo mogolo wo tšwa ga ‘ditšhaba ka mokana ga tsona, ga ditšo ka mokana ga tsona, ga batho ba mehlobo ka mokana ga yona le mebolabolo ka mokana ga yona.’ Moporofeta Zakariya o bolabodiye tsa go tshwana natso. O yitseri: “Ka matšatši yanane, lesome la banna ba go tšwa ga mebolabolo ya ditšhaba ka mokana ga tsona ba nyoko tshwara matšhembhutšhembhu ya kobo ya monna wa Lejuda, nnete ba nyoko yi ngangarela  ba re: ‘Re ya nago, ka taba la gore re di kwelele tsa gore Modimo o na le lune.’”—Zak. 8:23.

17. King so se makiwweng gore go gelepiwe mehlobohlobo ya batho?

¹⁷ Dihlatse tsa Jehova di yi kwisisa gabutši taba yowa ya gore batho ba tshwanele ba hlekeletsiwe, byalo ba maka ke tsotsone mo ba šinya ba tšhomayela ditaba tsa go bafala ka mebolabolo ya go tlala. Re fetsiye 130 ya mengwaga re kene re hlatolla dipuku tsa go tšhutisa Baebele, gana byalo re hlatolla ka mebolabolo ya go tlala ka matla. Di fo ba lekgwaying gore Jehova o maka mohlolo ga taba yowa ya go hlekeletsa mogoba wo mogolo wa go tšwa ga ditšhaba ka mokana ga tsona. Re jabola ka matla gore tso tsa Modimo di krayega ka mebolabolo ya go tlala, fote mehlobohlobo yowa ya batho yi rapela Jehova go le selo ka ssoši. Dihlatse di tšibega go le batho ba go karakara ga tso tsa go tšhomayela le go nyakanana tsa mannete. Tsotsone di maka gore tumelo ya rune yi tiyelele!—Mat. 24:14; Joh. 13:35.

18. (a) Mo re lebelele Jesaya 46:10, 11, ke ntaba re sa makadisi ke gore Jehova o makiye so a hlayyeng gore se nyoko makega ka mogoba wo mogolo? (b) Ke ntaba bo ba go tl’le phela ho lefaseng ba sa kwe nkare Modimo o ba lebele?

¹⁸ Seporofeto sowa sa go bolabola ka mogoba wo mogolo se jabodisa ka matla! A di re makatse mo re bona gore Jehova o makiye gore seporofeto sone se makiwe ka mohlolo. (Bala Jesaya 46:10, 11.) Bowa ba mogoba wo mogolo ba jabola ka matla ka tso Jehova a ba butsiyeng gore o nyoko ba makela tsona. A ba kwe nkare Jehova aa ba tseye go le selo mo a sa ba tlotsa ka moya wa go hlawolega gore ba ye lawola le Jeso ku legedimong. Ka ho Baebeleng, re bala ka banna le basadi ba go tlala ba gore ba yye ba šupetsa gore ba na le tumelo, mara ga 144 000 a ba šiyo. Ye mongwana wa bona ke Johane wa go Kolobetsa. (Mat. 11:11) Le Dafita o gana hone. (Meber. 2:34) Batho bone, le moririmane wa ba bangwana ka mokana ga bona, ba nyoko tsusiwa gore ba tl’le phela Pharadeyising ho lefaseng. Ka mokana ga bona ba gahlanne le mogoba wo mogolo, ba nyoko kraya lešuba la go šupetsa gore ba tshepegela Jehova le ka mokgo a lawolang.

19. Re tšiba ka ying gore gana byalo re phela ga dinako tsela mmono wa Johane o bolabodiyeng ka tsona?

¹⁹ Ke la mathomo Modimo a maka selo sa go tshwana le sowa sa go gahlanyisa dimiliyoni tsa batho gore di mo rapele go le selo ka ssoši. Kela re ye phela legedimong kela gana ho lefaseng, so se šalang ke gore ka mokana ga rune re tšhela letsogo ga mmereko wa go gelepa batho, gore ba šinye ba kene ga mogoba wo mogolo wa “dinku tse dingwana.” (Joh. 10:16) Go se botala, Jehova o nyoko maka gore motšhatšhamelo wo mogolo wo tle wo fetse ka memmušo yowa le dikereke ka mokana ga tsona tsa go hlupegisa batho. Batho bowa ba mogoba wo mogolo ba thulegele ke lešuba la go bafala ka matla la go berekela Jehova ho lefaseng go ya go yye!—Kut. 7:14.