1. King so Jeso a yyeng a se tshepisa mo ga Matewu 11:28-30?

GO NA le dilo tsa gabutši tso Jeso a di tshepisiyeng mogoba wo ke mo wo mo theetsele. O yitseri: “Tlanneng mo gaka, ke nyoko le yimulla.” (Bala Matewu 11:28-30.) Jeso ke mo a sa kgane ka mogoba wone. Nagana ka so a yyeng a se makela mosadi yela wa gore ke mo a hlupa ke bolwele bya go baba ka matla.

2. King so Jeso a se makeleng mosadi yewa wa go lwala?

² Mosadi yewa ke mo a ya tlase le kgakala a nyakana le motho wa go mo gelepa. O yye ga ditogotela tsa go tlala a tshepa gore di nyoko mo yalafa. O fetsiye 12 ya mengwaga a kene a kwa go sasamela, fote go se na ye a ka mo gelepang. Go ya ka Molawo, ke mo a thilafele. (Lef. 15:25) Byalo o yye a di kwelela tsa gore Jeso o yalafiye ba go tlala, ke mokane a tsama a nyakana naye. Mo a mo kraya, o yye a fo tikisa matšhembhutšhembhu ya kobo ya Jeso, ke mokane ka nako yonone a fola! Jeso o yye a yalafa mosadi yewa a boya a maka le gore a tikwe go le motho. Mo re beyisa, Jeso o yye a berekisa lentsu lowa la gore “morwediya” go šupetsa gore o mo tseyela gedimo. Nnete ke gore mosadi yene o yye a tikwa a yimulugiye fote a na le matšhika!—Luka 8:43-48.

3. Re nyoko fetola diputsiso difeng?

³ Mosadi yewa o yye ka boyene mong ga Jeso. O ro tlogamela ke mokane a ya gage. Le rune lekgono, di nyaka re tihlupe ‘re ye’ ga Jeso. Nnete ke gore Jeso tsa gana byalo a ka sa yalafe bo ba ‘tlang’ gage ka mohlolo. Mara aa lesetse go re bitsa a re: “Tlanneng mo gaka . . . ke nyoko le yimulla.” Ga hlogotaba yowa, re nyoko fetola diputsiso tsa kapheta (5) ke tsowa: Re ka maka byang gore ‘re ye’ ga Jeso? Jeso ke mo a ra gore king mo a re: “Rwalaneng lejoko laka”? Re ka tšhuta ying ga Jeso? Ke ntaba mmereko wo a re neyyeng wona wo re yimulla? Fote rune re ka maka ying gore lejoko la Jeso le dule le re yimulla?

4-5. Mokgwa wo mongwana wa ‘go ya’ ga Jeso ke wofeng?

⁴ Selo se sengwana so se ka re gelepang gore ‘re ye’ ga Jeso ke mo re karakara ka matla gore re tšhute ka dilo tso a yyeng a di bolabola le tso a yyeng a di maka. (Luka 1:1-4) Aa šiyo le ka wweši ye a ka ga re makela dilo tsowa, di ro nyaka rune beng. Fote mo re segelela sepheto sa go kolobetsiwa le go ba malata ya Kreste, ke gona re ‘ya ga’ Jeso.

⁵ Mokgwa wo mongwana wa go ya ga Jeso ke ka ‘go ya’ ga bagolo ba phutego mo re nyaka go gelepiwa. Jeso o berekisa ‘banna bo a re neyyeng bona’ gore a gelepe dinku tsage. (Maef. 4:7, 8, 11; Joh. 21:16; 1 Pet. 5:1-3) Di nyaka re tlogamele rune beng re ba kgopele. Re sa tseyi gore bagolo ba nkgelela tso re di naganang kela go tšiba dilo tso re di nyakang. Theetsela mogageru ye ba reng ke Julian mo a bolabola, o re: “Di yye tsa nnyaka gore ke lesetse go berekela Bethele ka taba la bokoka, ke mokane monghanaka ye mongwana a re ke kgopele bagolo gore ba mvakašele ba tle ba ntiyise. Ke thomisiye ke sa di nyake. Mara ka nthago ke yye ka ba kgopela, fote ke di bonne gore sone ke sona so ne ke se nyaka.” Bagolo ba go tshepega ba go tshwana le bowa ka babedi bo ba yyeng ba vakašela Julian, ba ka re gelepa gore re tšibe “monagano wa Kreste,” gore re thogo wo kwisisa le go yekisela Jeso. (1 Makor. 2:16; 1 Pet. 2:21) Mo ba re gelepa ka mokgonowa, nnete di gabutši ka matla.

6. Mo Jeso a re “Rwalaneng lejoko laka,” ke mo a ra gore king”?

⁶ Di ka makega gore mo Jeso a re: “Rwalaneng lejoko laka,” ke mo go fo tshwana le gore o re “N’lesetseneng ke le lawole.” Fote a ka fo ba a rela gore “Kena lejokong le nna, ke mokane ka babedi ga rune re nyoko berekela Jehova.” Le mo go le sone, go rwala lejoko go rela gore di nyaka re bereke.

7. Matewu 28:18-20, yi re ke mmereko wofeng wo ba re neyyeng gore re wo make, fote king so re ka se tshepang re tiyisiye?

⁷ Mo re šinya re tineyela ga Jehova ka go kolobetsiwa, re šupetsa gore re yye ra mo theetsela ga Jeso mo a re bitsa. Sememo sone ke sa ye mongwana le ye mongwana, fote Jeso a ka sa ganele motho mo a ka fo re o nyaka go berekela Modimo. (Joh. 6:37, 38) Malata ya Kreste ya go tlala ma neyiwwe mmereko wa gabutši ka matla, wa gore Jehova o wo neyye Jeso gore a wo make. Re tshepa re tiyisiye gore Jeso o nyoko re gelepa gore re make mmereko wone.—Bala Matewu 28:18-20.

8-9. Ke ntaba batho ba go tinyanafatsa ba yye ba kwana ka matla le Jeso, fote di nyaka re tiputsise diputsiso difeng?

⁸ Batho ba go tinyanafatsa ke mo ba kwana le Jeso ka matla. (Mat. 19:13, 14; Luka 7:37, 38) Ke ntaba mara? Lebelela gore Jeso ke mo a sa tshwane le Mafaraseyi ka mokgo mang. Mafaraseyi yane ke mo ma sa kwelane go baba le ka go nyana fote ma na le magetla. (Mat. 12:9-14) Jeso ke mo a nyaka batho ka matla fote ke mo a tinyanafatsiye. Mara Mafaraseyi ke mo ma kganya fote ma kwana le tsa mayemo ya gedimo ho setšhabeng. Jeso o yye a poyilanya mekgwa yone ya bona ya go ba le magetla ke mokane a botsa malata yage gore ma tinyanafatse ga batho ba bangwana. (Mat. 23:2, 6-11) Mafaraseyi ke mo ma tshwere batho go baba, fote batho ke mo ba dula ba tšhugiye gore Mafaraseyi ma nyoko ba kwisa go baba mo ba ka fo sa yi ka bona. (Joh. 9:13, 22) Jeso o yye a yimulla batho ka tso ne a di maka go šupetsa gore o ba nyaka ka matla, fote le mabolabolelo yage ke mo ma le gabutši ka matla.

⁹ Ayitsano o tšhutiye se sengwana ga Jeso? Tiputsise ša, gore: ‘Nje batho ba ntšiba ke le motho wa go temeka le wa go  tinyanafatsa? Mo go le mmereko wa go tseyediwa fase wona, nje ke ya wo maka gore ke thogo gelepa ba bangwana? Nje ke tshwara ba bangwana gabutši?’

12-14. Ke ntaba mmereko wo Jeso a re neyyeng wona wo re yimulla?

¹² Ke ntaba di yimulla go maka mmereko wo Jeso a re neyyeng wona? Di tlele tsa go šupetsa gore ke ntaba, mara gana byalo re nyoko fo petapeta ka tse dingwana tsa tsona ke tsowa.

¹³ Re na le bayetamahlong ba gabutši. Jehova ke yene Moyetamahlong ye Mogolo wa gore wa leboga mo batho ba makiye dilo tsa gabutši, fote aa na lešidi. O di tseyela gedimo tso di makang ke malata yage. (Maheb. 6:10) Fote o re neya matšhika ya go maka mmereko wo a re neyyeng wona. (2 Makor. 4:7; Magal. 6:5) Jeso wa gore ke yene Kgoši ya rune, o re beyisele gore re ka tshwara batho ba bangwana byang. (Joh. 13:15) Bagolo ba gore baa re pasopa ba leketsa ka matla go yekisela Jeso, yene “ye mogolo wa gona wa go disa.” (Maheb. 13:20; 1 Pet. 5:2) Ba leketsa ka matla go re tshwara gabutši, baa re tiyisa, ba šupetsa gore ba na le lešiši mo ba kene ba re yetetsa fote baa re pasopa.

¹⁴ Re na le banghane ba gabutši. A ba šiyo batho ba go ba le mmereko wa go jabodisa go tshwana le wa rune, fote ba boya ba nyakanana ka mokgo re makang. O fo nagana nje: Re bereka le magageru ya banna le ya basadi ya gore ma na le maphelelo ya gabutši fote a ma kakole magetla. Ma tšiba dilo, mara a ma kganye, fote ma tseya ba bangwana ba le ka kgakala ga wona. Magageru yane ma re tseya go le rune batho ba go bereka nawo fote re le banghane. Ma re nyaka ka matla tsa gore le go re kgwela ma ka re kgwela!

15. Di nyaka re tikwe byang ka mmereko wo re wo makang?

¹⁵ Re na le mmereko wa go yi phala ka mokana ga yona. Re tšhutisa batho nnete ka Jehova fote re maka gore matsaka ya Diyabolo ma be lekgwaying. (Joh. 8:44) Sathane o kgahleletsa batho ka morwalo wa gore mo ba ka fo rwesa yene, o nyoko tshetsha nawo. Mo re beyisa, o nyaka gore re dumele gore Jehova a ka sa tsoge a re tshwarele fote aa re nyake. A yi letsaka a yi letsaka, la go šiya batho ba šala ba kgongwele! Mo ‘re ya’ ga Kreste, re tshwarediwa melato ya rune. Nnete ke gore Jehova o re nyaka ka matla. (Maroma 8:32, 38, 39) Di jabodisa ka matla mo re gelepa batho gore ba tshepele ga Jehova, ba boya ba tšhentšha maphelelo ya bona!

16. Morwalo wo Jeso a re neyyeng gore re wo rwale wo šiyana kaye le merwalo ye mengwana?

¹⁶ Morwalo wo Jeso a re neyyeng gore re wo rwale a wo tshwane le ye mengwana. Mo re fo beyisa, ba go tlala mo ba tšwa mmerekong ba boya ba tinnwe fote ba sa jabola. Mara rune mo re makiye tso di jabodisang Jehova le Jeso, re fo kwa dipelo tsowa di yitseri tswee. Ka nako ye nngwana, o ka fo kraya re tinnwe mo re tšhayisa mmerekong mara re tigoga gore re ye megahlanong ka malobana. Mara ga go tlala mo re boya mone megahlanong, re ba re jabodiye fote re na le matšato. Se sengwana sa go re jabodisa ke mo re leketsa ka matla go tšhomayela le mo re titšhutisa Baebele re ntoši. Sosone se nyoko re yimulla ra tikwa re tiyelele!

17. Di nyaka re kwisisa ying ka seyemo sa rune fote di nyaka re pasope ying?

¹⁷ Di nyaka re di kwisisa taba ye nngwana gabutši. Rune batho a re tshwane ga taba ya go šupetsa matšato. Byalo di nyaka re pasope gore re nyaka go segelela ying. Mo re beyisa, re ka fo sinya nako ya go tlala re kgobeketsana le dilo tsa lefase lowa tsa majabajaba. Theetsela so Jeso a se bolabodiyeng nakwela mosogana yela wa go ghanya a mmutsisa gore: “Di nyaka ke maka ying gore ke kraye lephelo la go ya go yye?” Morenewa ke mo a kene a maka tso Molawo wo di bolabolang. Di ka makega gore morenewa ke mo a lukiye ka taba la gore Ebangedi ya Mareka yi hlaya gabutši gore Jeso ‘o yye a fo kwa a mo nyaka ka matla.’ Jeso o yye a kgopela se sengwana ga morenene. A re gage: ‘Ariye o ye rekisa dilo ka mokana ga tsona tso o nang natso ke mokane o boye o tle o nšale morago.’ Morenene ke mo a kwele go baba ka matla, mara ke mo a šitega go šiya “dilo tsa go tlala tso ne a na le natso.” (Mar. 10:17-22) So a se makiyeng se šupetsa gabutši gore aa yamogela tso ne di hlaya ke Jeso, mara o yye mahlong a kene a lelekisana le ‘tsa go ghanya tsa lefase lowa.’ (Mat. 6:24) Mola go le wene nke o makiye byang?

18. Di nyaka re fele re maka ying, fote ke ntaba?

¹⁸ Mo nako yi kene yi ya, di gabutši ka matla gore re tinyakolle gore re thogo tšiba tso re tshwaneleng go di yetisa mahlong. Ke ntaba di nyaka re maka ka mokgonone? Taba ke gore re nyaka go tšiba gore nje nako ya rune re yi berekisa gabutši. Theetsela so mogageru wa gore go sa le mosogana ye ba reng ke Mark a se bolabolang, o re: “Ke mengwagangwaga ke tseya gore ke phela lephelo la lula. Ne nkene ke le mošupatsela, mara hlogo yaka ne yi tlele ka matla ka tšheleta fote ke hlupega ka matla ka go karakarela gore ke phele lephelo la masithisithi. Ke mo ke tiputsisa gore anthe ke ntaba lephelo laka le se lula. Byalo ke yye ka di bona gore di maka ke gore ke yetisa tsaka mahlong, ke mokane ga Jehova ke mo neya mawudu.” Mark o yye a thomisa go tinagana gabutši le go lukisa ka mokgo a makang dilo ka gona ke mokane a thomisa go tlalela ka matla ga tsa go berekela Jehova. Mark wa hlayisa, o re: “Ke na le go šekela ka taba la go gayela tšheleta, mara tsotsone ke yye ka di hlula ka taba la gore Jehova le Jeso ke mo ba nthega.”

19. Ke ntaba di le gabutši gore re dule re na le mmono wa gabutši ka mmereko wo Modimo a re neyyeng wona?

¹⁹ Lejoko la Jeso le nyoko re yimulla mo re ka fo dula re maka dilo tsowa ka ditharo. Sa mathomo, dula o na le mmono wa gabutši ka mmereko wo Modimo a re neyyeng wona. Re maka mmereko wa Jehova, byalo di nyaka re wo make ka mokgo Jehova a nyakang. Rune re fo ba dibereki, mara Mong wa mmereko wowa ke Jehova. (Luka 17:10) Mo re ka fo maka mmereko wowa ka mokgo rune re nyakang, re nyoko tikraya re šele re thathafela ke go šikara lejoko lowa. Le pholo ya gore yi na le matšhika yi ka feleletsa yi tikwaletsa fote yi tinwa mo yi ka dula yi lwa le go ntsha lejoko  lo ba yi tlemeleleng lona. Le rune mo re ka fo maka mmereko wa Jehova go ya ka mokgo yene a nyakang, re nyoko maka le dilo tse dingwana tsa gore le rune beng di nyoko re makatsa. O sa lebale phela gore aa šiyo ye a ka mo thibang mo a nyaka go maka se sengwana!—Maroma 8:31; 1 Joh. 4:4.

20. Di nyaka re tikemisele go segelela ying mo re rwele lejoko la Jeso?

²⁰ Sa bobedi, bereka o kene o di tšiba gore o nyaka go segelela ying. So re nyakang go tipona re se segelele ke go thanakisa Papa wa rune wa gore o re nyaka ka matla, Jehova. Batho ba dinakong tsa Jeso ba gore ke mo ba na le dipawo ba yye ba feleletsa ba sa sa jabodiye fote ba lahla lejoko la Jeso. (Joh. 6:25-27, 51, 60, 66; Mafil. 3:18, 19) Mara bo ba gore ke mo ba kwa ba tšhofa ke gore ga Modimo ba mo nyaka ka matla fote ba nyaka le bayagelani, ba yye ba rwala lejoko lone lephelo la bona ka mokana ga lona la ho ba sa le ho lefaseng, mara ba kene ba tšiba gore ba ye bereka le Kreste ku legedimong. Le rune re nyoko dula re jabodiye go tshwana nabo mo re kene re rwele lejoko la Jeso, re na le so re nyakang go se segelela.

21. Matewu 6:31-33 yi re king so re ka ga tshepa gore Jehova o nyoko re makela sona?

²¹ Sa boraro, tšiba gore matšhika yago ma segela kaye. Re tikgetele lephelo la go yetisa tsa Modimo mahlong le go mmerekela, re tineyele re sa tšhofe ke motho. Jeso o hlayye gore re nyoko hlorisiwa. Mara di nyaka re tshepe gore Jehova a ka re neya matšhika ya go tiyisela dintshetshere ka mokana ga tsona. Mo re sa lesetse go tiyisela, re nyoko ya mahlong re tiyelela. (Jak. 1:2-4) Fote re ka tshepa gore Jehova o nyoko re pasopa, Jeso yene o nyoko re yetetsa ke mokane magageru ka ho phutegong ma nyoko re tiyisa. (Bala Matewu 6:31-33; Joh. 10:14; 1 Mathes. 5:11) Re sa gayela ying mara?

22. King sa gore re ya se leboga?

²² Mosadi yela Jeso a mo yalafiyeng o yye a yimuloga ka lona letšatši lone a yalafiwweng ka lona. Mara yene ke mo a nyoko yimuluga go ya go yye ho nkare o dumele go ba lelata la Kreste. O bona nkare o fetsiye a makiye ying? Ho nkare mosadi yewa o dumele go rwala lejoko la Jeso, kela le yene o ko ya a lawola le Jeso ku legedimong, o ko kwa mang! Mo nkare o yye a lesetsa dilo ka mokana ga tsona tso ne di ka maka gore Kreste a sa mo rufi, o ko ba a makiye gabutši ka matla. Kela ke wene motho wa go ye phela legedimong kela lefaseng, so se šalang ke gore ka mokana ga rune re yamogele mo Jeso a re bitsa a re: “Tlanneng mo gaka!”