Mo ba hlatolla moyano kela kano ba re ke “go tshepisa ba bagolo ba molawo kela go titlema gore so o se hlayang se ka mokgonone kela go tshepisa go maka so le kwanneng ka sona, ga go tlala ba re Modimo . . . ke yene hlatse.” Tsotsone motho a ka di hlaya ka molomo kela a di ngwala fase.

Ba bangwana ba ka tseya gore a di gabutši go maka kano ka taba la gore Jeso o yitseri: “O sa tshepisi [ka kano] . . . Maka gore ‘Eya’ yago go be eya, le ‘Awwa’ yago go be awwa, ka taba la gore tsa go feta tsowa di tšwa ga wa pelo ye phifadu.” (Mat. 5:33-37) Nnete ke gore Jeso ke mo a di tšiba tsa gore Molawo wa Moše ke mo wo nyaka gore batho ba fele ba maka dikano fote malata ya Modimo ya go tshepega ke mo ma tiyisa taba ka go maka kano. (Gen. 14:22, 23; Ek. 22:10, 11) Fote ke mo a di tšiba tsa gore Jehova le yene o yye a maka meyano kela dikano. (Maheb. 6:13-17) Byalo, tsotsone di napa di šupetsa gore di ka makega gore Jeso ne a sa rele gore re sa make dikano. Mara ke mo a re pasopisa ga taba ya go maka dikano ga dilo tsa go sa re selo kela re boya re sa make tso re di tshepisiyeng. Tso re di tshepisang di nyaka re di tseye go le selo sa go hlawolega so re tshwaneleng re se make. Di nyaka re sa fo lla go bolabola, mara tso re di hlayang re di hlaye re tšiba gore re ya resa.

Byalo o nyoko maka byang mo ba go kgopela gore o titleme ka go maka moyano kela yona kano? Sa mathomo, di nyaka o bone gore o ko kgoneng nje go maka tso o titlemang ka tsona. Mo nkare wa kamaka, di nyoko ba kawone ka matla gore o sa tihlupe o maka kano yone. Lentsu la Modimo le re pasopisa ka gore: “Sa kawone ke go sa make moyano go phala go maka moyano o boya o sa make tso o di yanneng.” (Mmo. 5:5) Ka nthago ga hone, nyakolla ditšhiko tso di leng ka Mangwalong tsa go yelana le taba ya go maka kano o boye o make dilo go ya ka lekwalo lago la gore o le tšhutisiye gabutši. Ke difeng tsa gona ditšhiko tsowa tsa gore di ka Mangwalong?

Dikano tse dingwana di yelana le tso Modimo a di nyakang. Mo re beyisa, mo Dihlatse Tsa Jehova ka dipedi di šadha, go na le tso ba tshepisanang tsona. Fote tso ba tshepisanang tsona ke mohlobo wo mongwana wa kano. Ba le mahlong ga Modimo le batho ka mokana ga bona bo ba leng hone, monna le mosadi ba tshepisana gore ba nyoko nyakanana ka matla, ba tseyelana gedimo ba boya ba hlompana fote tsotsone ba nyoko di maka “go ya go yye mo ba kene [ba] sa phela.” (Di ka fo makega gore bo ba šadhang a sanka ba hlaya mantsu ya go tshwana le yanawa mara so se šalang ke gore ba tshepisiye mahlong ga Modimo.) Ka nthago ga hone, ba nyoko ba tseya go le monna le mosadi fote mošadho wa bona wo tshwanele wo make gore ba mamarelane lephelo la bona ka mokana ga lona. (Gen. 2:24; 1 Makor. 7:39) Mohlobo wowa wa kano wo gabutši ka matla, wa kwagala fote wo yelana le tso Modimo a di nyakang.

Dikano tse dingwana a di kwane le tso Modimo a di nyakang. Mokreste wa nnete a ka sa make kano a tshepisa gore o nyoko tšhireletsa naga a berekisa digale kela a tshepisa go lahla tumelo yo a nang nayo ga Modimo. Mo a ka maka tsotsone, o nyoko ba a lwa le melawo ya Modimo. Makreste di nyaka go sa be “ba  lefase lowa,” byalo di nyaka re sa kenakene ga ditaba tsa lona le ga dintwa tsa lona.—Joh. 15:19; Jes. 2:4; Jak. 1:27.

Dikano tse dingwana di ya ka lekwalo la motho. Ka dinako tse dingwana, di nyaka re pombhola moyano kela kano gabutši re kene re gopola tso Jeso a yeletsiyeng ka tsona mo a re “patelaneng Kesara dilo tsa Kesara, le Modimo le mo pateleneng tsa Modimo.”—Luk. 20:25.

Mo re beyisa tla re fo re Mokreste o tlatsa maphephe ya go kgopela gore ba mo dumelele go dula ga naga ye nngwana kela go kena ga yona, ke mokane a di bona tsa gore di nyaka a maka kano a tshepise gore o nyoko tineyela a boya a tshepegela naga yone. Mo nkare ga naga yonone go maka kano ya mošaga wonone di ra gore o nyoko tshepisa go maka dilo tsa gore di nyoko lwa le molawo wa Modimo, lekwalo lage la gore o le tšhutisiye gabutši ka Bhayibele le ka fo mo kokona ke mokane a sa make kano yone. Mara mmušo wo ka mo dumelela gore a tšhentšhe tso a di tshepisang ga kano yone gore di sa kwaletse lekwalo lage.

Go maka kano ya gore ba tšhentšhiye tso o di tshepisang ga taba ya go tineyela le go tshepegela naga di yelana le tšhiko yo yi leng ga Maroma 13:1, ya gore yi re: “Di nyaka gore re theetsele bo ba yetang mahlong.” Byalo, Mokreste a ka fetsa ka gore a go sinyegi selo mo a tshepisa go maka selo so Modimo a hlayyeng gore Makreste ka mokana ga wona ma tshwanele ma se make.

Fote lekwalo le ya kena le ga taba ya mo ba go kgopela gore o berekise se sengwana kela o make se sengwana sa go tshwana le go fo yemisa letsogo mo o kene o yana. Maroma ya ku botala le Masayithene mo ma maka kano ke mo ma berekisa digale tsa wona ma hlohletsela matšhika ya modimo wa wona wa ntwa go le wona ma tiyisang gore so motho a se bolabolang wa resa. Magerika wona mo ma yana, ke mo ma yemisa letsogo le šupa legedimong. Ka mokgonone, ne ba dumela gore go na le wa matšhika ya magolo wa gore o theetsele tso ba di hlayang, tso ba di makang tsa gore batho ka mokana ga bona ba nyoko tifetolela gage.

Nnete ke gore lelata la Jehova le ka sa tshepisi kela la yana le berekisa dilo tso di berekisang ke setšhaba tsa gore di yelana le morapelo wa matsaka. Byalo, mo o le khota o nyoko maka byang mo ba ka go kgopela gore o beye letsogo lago gedimo ga Bhayibele ke mokane o tshepise gore tso o nyoko di hlayang go nyoko fo ba nnete? Ga seyemo sone, o ka kgeta go fo maka ka mokgo ba go kgopelang ka taba la gore le ka mo Mangwalong re kwa ka batho ba bangwana ba go tshepega ba gore ba yye ba yana ba boya ba šupetsa le ka go maka se sengwana. (Gen. 24:2, 3, 9; 47:29-31) Di gabutši ka matla gore o sa lebale gore mo o yana ka mokgonone, o tshepisa o le mahlong ga Modimo gore o nyoko fo bolabola nnete. Di nyaka o tikemisele gore mo ba go butsisa, o fetole putsiso ye nngwana le ye nngwana ka go tshepega.

Re se tseyela gedimo senghana so re nang naso le Jehova, byalo mo ba re kgopela gore re make moyano, di nyaka re thomise re rapela gore re thogo bona gore wo sa kwaletse makwalo ya rune kela go lwisana le ditšhiko tsa Bhayibele. Mo o kgeta go maka kano, di nyaka o bone gore tso o di tshepisang wa di maka.—1 Pet. 2:12.