1. Batho ba go tlala ba tlalele ga dilo difeng lekgono?

 AYITSANO o di bonne gore batho ba go tlala lekgono ba fo dula ba naganne ka bonabeng? Mo re beyisa, ba bangwana ba kena ga tso tsa go bolabodisana le batho ba bangwana ka inthanete gore ba bangwana ba thogo ba tseyela gedimo kela gore ba thogo bona tso ba di segeleleng. Mara, ke paranyana ya batho lekgono ba gore ba nyaka go thanaka Jehova Modimo. Ga hlogotaba yowa, re nyoko petapeta ka gore di rela gore king go gadimisa Jehova le gore king so se ka re tšhofang gore re make ka mokgonone. Fote re nyoko tšhuta gore re ka mo gadimisa byang ga Modimo go fo ya ka mokgo di mo tshwaneleng le gore yene o nyoko tigadimisa ka mokgo mang go se botala.

DI RELA GORE KING GO GADIMISA JEHOVA?

2. Jehova o tigadimisiye ka mokgo mang ku Thabeng ya Sinayi? (Lebelela le sethombhe sa ka tawong.)

² Go gadima go rela gore king? Ka Bhayibeleng, lentsu go “gadima” le ka rela se sengwana le se sengwana sa gore se maka gore motho ba mo tseye go le ye mogolo. Matšatšinyana ka nthago ga gore Jehova a lokolle Maisrayele ga Maegepita, o yye a ma šupetsa gore ke yene Modimo ye mogolo. Nagana ka sowa: Dimiliyoni tsa Maisrayele di kgobakana mo go thomisang Thaba ya Sinayi gore di gahlane le Modimo wa tsona. Liru la gore le tlemme le kogetsa thaba. Lefase le fo thomisa go tekateka ka matla​—go thomisa go ba le leraga la go fisa la gore le ya thunya—​di maka gore mo ba gatiyeng gona go tekateke mo go kene go kwagala legadima, leduma, le modumo wa go rasa wa phalafala. (Ek. 19:16-18; 24:17; Pis. 68:8) Mo Jehova a maka dilo tsowa, Maisrayele ma ka fo ba ma makele ka matla ka taba la matšhika yage.

3. Di rela gore king go gadimisa Jehova?

 ³ Batho bona gee? Nje re ka di kgona go gadimisa Jehova? Eya, re ka di maka tsone. Mokgwa wo mongwana wa gore re ka gadimisa Jehova ke ka go botsa ba bangwana ka dilo tsa go makatsa tso a di makiyeng le ka dilo tsa go bafala tso a tšibegang ka tsona. Re gadimisa Jehova le mo re mo thanaka ka taba la dilo ka mokana ga tsona tso a re gelepang gore re di make. (Jes. 26:12) Kgoši Dafita ke mo go le mošupetso wa gabutši ka matla wa motho wa gore o yye a gadimisa Jehova. Mo a rapela a le mahlong ga phutego ya Israyele, Dafita o butsiye Modimo gore: “Wene Jehova barena, phela ke wene ye mogolo wa gona, fote ke wene wa go ba le matšhika ya magolo, aa šiyo wa go šutela gago ka go bafala le ka go gadimela le ka go ba malenghelengheng, ka taba la gore dilo ka mokana ga tsona magedimong le ho lefaseng ke tsa gago.” Mo Dafita a fetsa go rapela, “phutego ka mokana ga yona yi yye ya thanaka Jehova.”​—1 Dikor. 29:11, 20.

4. Jeso o yye a mo gadimisa byang ga Jehova?

⁴ Nakwela Jeso a le ho lefaseng, o yye a gadimisa Papage ka go botsa batho gore Jehova ke yene ye a mo neyyeng matšhika ya go maka mehlolo. (Mar. 5:18-20) Fote Jeso o yye a gadimisa Jehova ka tso ne a di hlaya ka Papage le ka mokgo ne a tshwara ba bangwana. Tšatšenngwana, Jeso ke mo a tšhutisa a le sinagogeng. Ga bo ne ba theetsele ke mo go na le mosadi wa gore go fediye 18 ya mengwaga a hlupa ke ledimona. Ledimona lone ke mo le makiye gore mmele wage wo ghobege gabedi tsa gore ne wo sa sa kgona go wolologa. Tsone di baba ka matla watšiba! Ka taba la gore ne a mo kwela go baba, Jeso o yye a šutela ga mosadi yene ke mokane a bolabola naye gabutši, a re: “Wene mosadi, o yalafiwwe.” A mmeya matsogo, ka nako yonone mosadi yela a wolologa ke mokane a “thomisa go thanaka Modimo.” O yye a leboga Jehova ka matla ka taba la gore ke mo a philegiye fote. (Luk. 13:10-13) Ke mo go na le so se makang gore mosadi yene a gadimise Jehova, le rune go na le dilo tsa go tlala tso di makang gore re make ka mokgonone.

KING SO SE RE TŠHOFANG GORE RE GADIMISE JEHOVA?

5. King tso di re tšhofang gore re hlompe Jehova?

⁵ Re gadimisa Jehova ka taba la gore re mo hlompa ka matla. Go na le dilo tsa go tlala tso di makang gore re mo hlompe. Jehova o na le matšhika ya go maka se sengwana le se sengwana so a se nyakang fote a ka sa tsoge a tinnwe. (Pis. 96:4-7) Go hlalefa gage go bonagala ga dilo tso a di makiyeng. Ke yene a makiyeng gore re phele fote o re neya tso re di gayelang gore re thogo phela. (Kut. 4:11) Yene wa tshepega. (Kut. 15:4) Dilo ka mokana ga tsona tso a di makang di ya phomelela, fote o dula a maka tso a di tshepisiyeng. (Još. 23:14) A di makatse mo Jeremiya wa go porofeta mo a bolabola ka Jehova a yitseri: “Ga bo ba go hlalefa ka mokana ga bona ba ditšhaba le ga memmušo ya bona, a go na le ka wwoši wa go tshwana nago”! (Jer. 10:6, 7) Go na le dilo tsa go tlala tso di makang gore re hlompe Papa wa rune la legedimong. Mara ga Jehova a re fo šupetsa gore re ya mo hlompa, di nyaka re mo šupetse gore re mo nyaka la go sa hlayisege.

6. Ke ntaba ga Jehova re mo nyaka ka matla?

⁶ Re gadimisa Jehova ka taba la gore re mo nyaka ka matla. Ga Jehova re mo nyaka ka matla ka taba la dilo tsa go tlala tsa gabutši tso a tšibegang ka tsona. O kwelana go baba fote o na le pelo ya gabutši. (Pis. 103:13; Jes. 49:15) Mo a bona re kwa go baba, di mo tikisa ka ku tengteng. (Zak. 2:8) O re gelepa gore re mo tšibe re boye re nghanelane naye. (Pis. 25:14; Meber. 17:27) Fote o tinyanafatsiye; “yene wa yinama gore a lebelele legedimo le lefase, o gelepa ye wa go sa re selo gore a sa sa dula leroleng.” (Pis. 113:6, 7) Ka taba la dilo tsowa,  re fok wa di le gabutši gore re gadimise Modimo wa rune ye Mogolo.​—Pis. 86:12.

7. Re thulegele ke lešuba lefeng?

⁷ Re gadimisa Jehova ka taba la gore re nyaka gore ba bangwana ba mo tšibe. Batho ba go tlala a ba tšibi dinnete ka Jehova. Ke ntaba mara? Ka taba la gore Sathane o ba kwadiye menagano ka go sabalatsa matsaka ka Modimo. (2 Makor. 4:4) Sathane o makiye gore batho ba tshepe taba ya gore Jehova wa patedisa, aa na taba le rune fote ke yene a makang gore re hlupege. Mara rune re mo tšiba gabutši Modimo wa rune! Re thulegele ke lešuba la go botsa ba bangwana gore gabutšibutši Modimo wa rune o byang fote ra ba gelepa gore le bona ba mo thanake. (Jes. 43:10) Pisalema 96 yi bolabola ka go gadimisa Jehova. Ga pisalema yowa, re nyoko tšhuta ka mokgo re ka gadimisang Jehova go ya ka mokgo di mo tshwaneleng.

RE KA MAKA BYANG GORE RE GADIMISE JEHOVA GO YA KA MOKGO DI MO TSHWANELENG?

8. Mokgwa wo mongwana wa gore ka gadimisa Jehova ke wofeng? (Pisalema 96:1-3)

⁸ Bala Pisalema 96:1-3. Re ka gadimisa Jehova ka tso re di hlayang ka yene. Ga ditemanyana tsowa, ba mema batho ba Jehova gore ba “yepelelele Jehova,” ba “thanake lebitso lage,” ba “sabalatse ditaba tsa go bafala tsa ka mokgo a phonisang,” le go “botsa ditšhaba ka go gadima gage.” Re ka maka dilo tsowa gore re thogo thanaka Papa wa rune wa legedimong. Malata ya Jehova ya ku botala ke mo ma tikemisele go botsa ba bangwana ka dilo tsa gabutši tso Jehova a tšibegang ka tsona le dilo tse dingwana ka mokana ga tsona tso a ba makeleng tsona. (Dan. 3:16-18; Meber. 4:29) Re ka ba yekisela byang?

9-10. King so o se tšhutang ga tso di makegeleng Angelena? (Lebelela le sethombhe.)

⁹ Tseya ka mošupetso wa Angelena a wa gore ke mogageru wa mosadi wa go dula United States. O yye a šišimala ke mokane a bolabola ka Jehova mmerekong wage. Ka taba la gore ne a sa le nyuwane mmerekong wone, go yye gwa ba le mmithini, gana hone ke mo go na le ba bangwana ba gore le bona ne ba sa tšwa go ba hira. Ga mmithini wa bona, ye mongwana le ye mongwana ne a thulegele ke lešuba la go botsa ba bangwana ka yene mong. Angelena ke mo a polanne go ba šupetsa dithombhe go ba hlatollela gore o jabodiye ka taba la gore ke yene Hlatse ya Jehova. Mara, mo a šele a le thina le go bolabola, ye mongwana o yye a hlaya gore o gudiye go le yene Hlatse. O yye a thomisa go hlaya dilo  tsa go kekema ka Dihlatse tsa Jehova le tso di di dumelang. Angelena o re: “Pelo yaka yi yye ya thomisa go teya ka matla. Mara ke yye ka tiputsisa gore ‘Nje ke nyoko fo kwala molomo mo ye mongwana a hlaya matsaka ka Jehova? Kela ke nyoko mo yemelelela?’”

¹⁰ Mo ye a berekang naye a fetsa, Angelena o yye a teya thapelonyana ka pelong. Ke mokane a re gage a kene a tinyanafatsiye: “Le nna ke tshwana nago. Ke gudiye ke le Hlatse, le gana byalo ke sa le yona.” Le mo nkare ne go sa sa natefa, Angelena o f’lo ya mahlong a bebiye. O yye a ba šupetsa dithombhe tsage le banghana bage ba jabodiye ke mokane a ba hlatollela tso a di dumelang. (1 Pet. 3:15) Go yye gwa makega byang? Mo Angelena a fetsa, monna yela ke mo a šele a kgibiye. O yye a hlaya le dilo tsa gabutši tso di mo makegeleng mo a sa gola go le yene Hlatse. Angelena o re: “Di ya mo tshwanela ga Jehova gore re mo yemelelele. Ke selo se segolo ka matla go yemelela lebitso lage.” Le rune re thulegele ke lešuba la go thanaka Jehova le go mo gadimisa mo ba bangwana ba mo psyirelanya ka maraga.

11. Malata ya mannete ma yye ma yi berekisa byang tšhiko ya gore yi ga Pisalema 96:8?

¹¹ Bala Pisalema 96:8. Re ka gadimisa Jehova ka tso re nang natso tsa gore re di tseyela gedimo. Bo ba rapelang Jehova tsa mannete ne ba dula ba šupetsa gore ba hlompa Jehova ka mokgonone. (Diy. 3:9) Mo re beyisa, Maisrayele ma yye ma ntsha se sengwana gore tempele yi thogo yagiwa le go lukisiwa. (2 Mag. 12:4, 5; 1 Dikor. 29:3-9) Malata ya Jeso ya mangwana ma yye ma ‘berekisa dilo tsa bona beng go ba berekela.’ (Luk. 8:1-3) Fote Bhayibele yi re mo Makreste ya mangwana ma teya ke tlala, Makreste ya mangwana ya gore ne ma dula ga dipoleke tse dingwana ma yye ma romela sekwetše. (Meber. 11:27-29) Lekgono, le rune re ka gadimisa Jehova mo re neyela re sa tšhofe ke motho.

12. Meneyelo ya rune yi ka mo gadimisa byang ga Jehova? (Lebelela le sethombhe.)

¹² Tla re fo lebelela taba ka yyoši ya go fo šupetsa gore meneyelo ya rune yi gadimisa Jehova. Ka 2020 ke mo go na le kgwaakgwa ya gore yi tsere nako ya go lefa hala Zimbabwe. Batho ba go tlala ne go nyoko fela ka bona ka taba la tlala ya gore ne yi le gona, gana hone go kena le mogageru wa mosadi ye ba reng ke Prisca. Le mo naga yone yi kene yi womme, Prisca o yye mahlong a tšhomayela Laboraro le Labohlano le lengwana le le lengwana, le mo go le nako ya go gaša. Bayagelane bage ke mo ba mo kwera ka taba la gore ne a ya tšhomong mara a  sa yi go ye gašeng, ba yitseri, “O nyoko šala o le mašapo.” Prisca ne a fetola a sa kamake a re “Jehova aa soko tsoga a šitegiye go gelepa malata yage.” Go soko fela nako ya go lefa, o yye a kraya dilo tsa go tšwa ga mokgahlo tsa gore ba di leyye ka mmereko wa go yimulla. Dilo tsone ne di le gona ka taba la meneyelo ya rune. Tsone di yye dya jabodisa bayagelane ba Prisca, ke mokane ba re gage, “Modimo aa go lisetsa, byalo re nyaka go tšhuta tse dingwana ka yene.” Bayagelane bage kašupa ya bona ba yye ba thomisa go ya megahlanong ya phutego.

13. Ka mokgo re titshwarang ka gona go ka mo gadimisa byang ga Jehova? (Pisalema 96:9)

¹³ Bala Pisalema 96:9. Re ka gadimisa Jehova ka ka mokgo re titshwarang ka gona. Maprista ya gore ne ma bereka tempeleng ya Jehova ne di nyaka ma yele mmeleng. (Ek. 40:30-32) Le rune di nyaka re yele, mara re sa fo yela mmeleng fela, di nyaka re kganele kgole le dilo tsa gore Jehova o di hloyye. (Pis. 24:3, 4; 1 Pet. 1:15, 16) Di nyaka re karakare ka matla gore re tlubule “mekgwa ya botala”​—tso motho a ka tlwayelang go di maka tsa go sa yela​—ke mokane re be le “mekgwa ya nyuwane”​—mekgwa ya go nagana le go maka dilo ya gore yi fo šupetsa tso Jehova a tšibegang ka tsona. (Makol. 3:9, 10) Mo re gelepa ke Jehova, batho ba gore ne ba sa titshware gabutši le ba gore ne go le dikgohlane ba ka tšhentšha ke mokane ba yapara mekgwa ya nyuwane.

14. King so o se tšhutang ga tso di makegeleng Jack? (Lebelela le sethombhe.)

¹⁴ Tseya ka mošupetso wa Jack, monna ga gore ne go le sekgohlane fote a le kotsi wa gore mo ba mo reta ne ba re ke Ledimona. Ka taba la gore ne a sinnye ka matla, Jack ba yye ba mo yahlulela likgu. Mara, mo Jack a kene a yemele gore go makege tso ba mo ghwebiyeng, o yye a dumela go tšhuta Bhayibele le mogageru wa gore ne a vakašele jele ya gore Jack ne a le ga yona. Le mo nkare Jack o makiye dilo tsa go befa tsa go tlala, o yye a tšhentšha ke mokane kolobetsiwa gore go be Hlatse ya Jehova. Jack o yye a tšhentšha ka maka tsa gore mo ba šele ba nyoko mmolaya, bomatšinghelane ba bangwana ba mone jele ba yye ba ntsha dinepedi mo ba kene ba mo tatayisa. Lephodisa la gore ne le bereka mone jele le yitseri: “Mathomisong Jack ne a sa makege. Gana byalo o ba phala ka moka.” Beke ka nthago ga gore ba bolaye Jack, magageru ma yye ma boyela hone jele gore go be le megahlano ya beke ye nngwana le ye nngwana, ke mokane ma gahlana le sebotšhwa se sengwana sa gore ne go sa le la mathomo se ya megahlanong. King so se makiyeng gore a ye  megahlanong? O yye a jabodisa nka mokgo Jack a tšhentšhiyeng ka gona ke mokane ne a nyaka go tšiba tso ne a tshwanele a di make gore a thogo rapela Jehova. Di fo ba lekgwaying gore ka mokgo re titshwarang a gona go ka gadimisa Papa wa rune wa legedimong!​—1 Pet. 2:12.

JEHOVA O NYOKO GADIMISA LEBITSO LAGE BYANG GO SE BOTALA?

15. Jehova o nyoko tigadimisa ka mokgo mang go se botala? (Pisalema 96:10-13)

¹⁵ Bala Pisalema 96:10-13. Ditemanyana tsowa tsa mafelelo tsa Pisalema 96 di hlatolla Jehova go le Wa go Yahlula le Kgoši ya gabutši. Jehova o nyoko le gadimisa byang lebitso lage go se botala? O nyoko maka gore go makege tsa go loka. Go se botala o nyoko fetsa ka Bhabhilona ye Mogolo ka gore lebitso Lage le thilafele ka taba lage. (Kut. 17:5, 16; 19:1, 2) Ba bangwana ba gore ba nyoko bona mo go fela ka Bhabhilona ye Mogolo ba ka fo segelela sepheto sa gore ba nyoko rapela Modimo ggoši le rune. Ke mokane, ka Aremaghedoni, Jehova o nyoko fetsa ka lefase lowa la Sathane, gwa napa go fela ka bo ba gore baa mo phigisa ba boya ba sinya lebitso lage mara a phonisa ka mokana ga bona ba gore ba mo nyaka ka matla, baa mo theetsela ba boya ba sa tšebisi ke taba ya go mo gadimisa. (Mar. 8:38; 2 Mathes. 1:6-10) Ka nthago ga go liketsiwa la mafelelo mo go šele go fediye Sekete sa Mengwaga Jeso a Lawola, Jehova o nyoko ba a makiye gore lebitso lage le hlawolege. (Kut. 20:7-10) Ka nako yonone, “lefase le nyoko tšiba ka go gadima ga Jehova, go fo tshwana le mo meetši ma kogetsa lewatle.”​—Habak. 2:14.

16. King so o tikemiseleng go se maka? (Lebelela le sethombhe.)

¹⁶ Di nyoko jabodisa stereka mo ye mongwana le ye mongwana a thanaka Jehova ka mokgo a tshwaneleng go thanakiwa ka gona! Le gana byalo, re ka maka so re ka se kgonang gore re bolabole ka Modimo wa rune fote re make dilo tsa gore di nyoko maka gore ba bangwana ba mo thanake. Gore wo thogo šihlela taba yowa, Mogoba wa go Lawola wo makiye gore Pisalema 96:8 go be temanyana ya rune ya mongwaga wa 2025, yi re: “Gadimisaneng Jehova ka taba la gore lebitso lage le tshwanela ke go gadimisiwa.”