1. King so re ka se makang gore re jabodise Jehova?

 NAGANA o neya motho wa gore o mo nyaka ka matla selo sa gore se bafele sa gore fote se nyoko mmerekela. Di nyoko go kwisa go baba ka matla mo motho yene a ka beya selo sone ka teng ga khabhoto ke mokane a sa sa nagana ka sona! Mara, di nyoko go jabodisa stereka mo o mmona a berekisa selo sone a boya a šupetsa gore wa leboga. Taba yowa yi ya kaye? Jehova o makiye gore Morwayi wage a re kgwele. Byalo, Jehova o tshwanele go ba a hlakela mo a bona re leboga so a re neyyeng sona re boya re leboga gore o re nyaka ka matla, ka gore tsotsone di mo tšhofiye gore a re lepolle!​—Joh. 3:16; Marom. 5:7, 8.

2. Re nyoko petapeta ka ying ga hlogotaba yowa?

² Mara mo matšatši ma kene ma takamela, re ka thomisa go sa sa tseyela gedimo taba ya gore Modimo o re lepolliye. Di nyoko fo ba nkare re tsere so Modimo a re neyyeng sona ra se pategetsa go gongwana. Di ya re jabodisa gore re naso, mara a re nyake go se bona. Gore tsone di sa re makegele, di nyaka re dule re nagana ka dilo ka mokana ga tsona tso Modimo le Jeso ba re makeleng tsona. Hlogotaba yowa yi ka re gelepa gore re make ka mokgonone. Re nyoko petapeta ka gore taba ya go lepolliwa yi ka re berekela byang gana byalo le gore yi ka re gelepa byang ku mahlong. Re nyoko bolabola le ka gore re ka šupetsa byang gore re leboga ka mokgo Jehova a re šupetsang gore o re nyaka ka matla, ka matlamatla ka mabeke ya mo go soko segela Segopotso le ka nthago ga hone.

KA MOKGO DI RE BEREKELANG KA GONA GANA BYALO

3. Sehlabelo sa Jeso se re berekela ka mokgo mang gana byalo?

³ Sehlabelo sa Jeso se šele se re berekela. Mo re beyisa, ka taba la gore o re lepolliye, Jehova o re tshwarela ga tso re di sinnyeng.  Mara a baa beya thipa mo molaleng wage gore a thogo re tshwarela. O maka ka mokgonone ka taba la gore yene mong wa di nyaka. Mopisalema o yye a šupetsa gore o leboga taba ya gore Jehova wa tshwarelana. O yitseri: “Ka gore wene Jehova, o lukiye fote o tikemisele go tshwarelana.”​—Pis. 86:5; 103:3, 10-13.

4. Sehlabelo sa Jeso se berekela bomang? (Luka 5:32; 1 Thimothi 1:15)

⁴ Ba bangwana ba ka fo kwa nkare a di ba tshwanele gore Jehova a ba tshwarele. Nnete ke gore ka mokana ga rune a di re tshwanele. Pawulo wa lepostola ke mo a di kwisisa gore ke mo ‘di sa mo tshwanele gore ba mmitse lepostola.’ Mara, o yye a tokegela ka gore: “Ka taba la gore Modimo o nkwele go baba, le nna gana byalo ke lepostola.” (1 Makor. 15:9, 10) Mo re lisetsa go sinya, Jehova o a re tshwarela. Ke ntaba mara? A yi ka taba la gore di ya re tshwanela, mara ka taba la gore o re nyaka ka matla. Mo o kwa nkare tsone a di bereke gago, o sa lebale gore Jehova o lepolliye batho, tsotsone a di bereke ga batho ba gore ba hloka selabi, di bereka ga bo ba go sinya mara ba šupetsa gore baa tisola.​—Bala Luka 5:32; 1 Thimothi 1:15.

5. Ayitsano di ya nyakega gore Jehova a re tshwarele? Hlatolla.

⁵ A di nyake gore go be le ka wwoši wa gore a ka fo nagana gore a go jike, Jehova o nyoko mo tshwarela ka taba la gore o fetsiye mengwaga a mmerekela. Nnete ke gore Jehova aa lebale dilo ka mokana ga tsona tso re mo makelang tsona. (Maheb. 6:10) O re lepolliye mahala, fote ne a sa di makele gore wa re patela ka taba le tso re mo makeleng tsona. Hala re ka hlaya gore re ro ganya dikobo gore a re tshwarele kela gore di nyaka a re naganele, gabutšibutši re ko ba re hlaya gore Jeso o f’lo kgwela mahala.​—Tshwanisa le Magalata 2:21.

6. Ke ntaba Pawulo a yye a karakara ga mmereko wa Jehova?

⁶ Pawulo ke mo a di tšiba gore tso a di makeleng Jehova ke mo di sa gapeletse Jehova gore a mo tshwarele. Byalo ke ntaba a yye a karakara ga mmereko wa Jehova? O makiye ka mokgonone go fo šupetsa gore o leboga gore Jehova o mo kwele go baba ka matla. (Maef. 3:7) Go fo tshwana le Pawulo, le rune re ya mahlong re šupetsa gore re na le matšato, a re di makele gore Jehova a re kwele go baba mara re maka ka mokgonone ka taba la gore re ya leboga.

7. Mokgwa wo mongwana wa gore re ka berekela ke Sehlabelo sa Jeso gana byalo ke wofeng? (Maroma 5:1; Jakobo 2:23)

⁷ Mokgwa wo mongwana wa go šupetsa gore taba ya go lepolla yi ya re berekela le gana byalo ke gore re ka ba le mong senghananghana le Jehova. a Ga hlogotaba ya go fela ba hlayye gore mo re belegiwa, ke mo re se banghana ba Modimo. Mara ka taba la gore ba re lepolliye, re ka ‘ba le senghana naye re kene re bebiye’ tsotsone di nyoko maka gore re šutele thina naye.​—Bala Maroma 5:1; Jakobo 2:23.

8. Ke ntaba di nyaka re yi tseyele gedimo taba go rapela Jehova?

⁸ Go rapela Jehova ke selo se segolo sa gore re ka se maka ka taba la gore re na le senghana sa gabutši naye. Jehova aa fo kwa merapelo ya mo batho bage ba kgobakanne ggoši mara o kwa le morapelo wa ye mongwana le ye mongwana wa gore o wo maka makhukhung. Mo re rapela, re fo kwa re sa sa šekela ka matla. Mara a go fo bereka gana hone fela. Go ka maka gore senghana sa rune le Modimo se nape se tiyelela. (Pis. 65:2; Jak. 4:8; 1 Joh. 5:14) Nakwela a le ho lefaseng, Jeso ne a dula a rapela ka taba la gore ke mo a di tšiba gore Jehova ke mo a theetsele fote taba ya go rapela ne yi nyoko maka gore senghana sage le Papage se tsike. (Luk. 5:16) Re leboga re sa fetsi gore, ka taba la sehlabelo sa Jeso,  Jehova a ka ba monghana wa rune fote re ka bolabola naye ka thapelo!

KA MOKGO DI NYOKO RE BEREKELNG KA GONA KU MAHLONG

9. Sehlabelo sa Jeso se nyoko ma berekela byang malata ya go tshepega ku mahlong?

⁹ Sehlabelo sowa se nyoko berekela malata ya Jehova ya gore maa tshepega ka mokgo mang ku mahlong? Ma nyoko tikwisa ka lephelo go ya go yye. Batho ba go tlala ba nagana gore tsone go fo ba moloro ka taba la gore ke botala batho ba hlokofala. Mara di sa tloga fase, Jehova ne a nyaka gore batho ba phele go ya go yye. Hala Adamo a sa sinya, a go na ye ne a nyoko nagana gore lephelo la go ya go yye go fo ba selo sa go tšikinya batho ditsebe. Le mo nkare a di lula go nagana ka lephelo la go ya go yye gana byalo, re ka di tshepa gore di nyoko makega ka taba la gore Jehova di ro mo turela, o patele ka lephelo la Morwayi wage gore re thogo phela go ya go yye.​—Marom. 8:32.

10. Bo ba go tlotsiwa le dinku tse dingwana ba yemele king?

¹⁰ Le mo nkare re nyoko kraya lephelo la go ya go yye ku mahlong, Jehova o nyaka gore re nagane ka lona gana byalo. Bo ba gore ba tlotsiwwe ba yemele ke lephelo la go jabodisa ku legedimong ga gore ba ko ba ba lawola lefase ba na le Kreste. (Kut. 20:6) Dinku tse dingwana di nyoko phela Pharadheyising mo lefaseng ga gore di ka sa sa kwa go baba, dya hlupega kela go kgongwela. (Kut. 21:3, 4) Ayitsano ke wene ye mongwana wa dinku tse dingwana tsa gore di nyoko phela ho lefaseng go ya go yye? Patela yowa o sa yi tseyele fase! Jehova o makiye gore batho ba phele lefaseng, byalo go phela go ya go yye lefaseng go nyoko maka gore re jabole la go sa hlayisege.

11-12. Re nyoko rufiwa ka ying Pharadheyiseng? (Lebelela le dithombhe.)

¹¹ O fo nagana nje gore lephelo le nyoko ba byang Pharadheyising lefaseng. O ka sa hlupege ka go lwala kela go kgwa. (Jes. 25:8; 33:24) Jehova o nyoko kgotsofatsa dilo ka mokana ga tsona tsa gabutši tso o di nabelang. O ka nyaka go tšhuta ying? Nje o ka nyaka go tšhuta ka diphoolwane? Ayitsano ne o ka jabolela go tšhuta go kgana tsa go teya dikoša? Kela go thalathala?  A re kamake gore go nyoko nyakega batho ba go thalathala dintlo, ba go yaga le ba go lima. Batho ba nyoko nyakega gore ba gaše le go lukiselela tsa go ja, go maka dithulusi, go maka dinghati le go di pasopa. (Jes. 35:1; 65:21) Mo o šele o phela go ya go yye, o nyoko kraya nako ya go maka dilo tsowa ka mokana ga tsona, wa boya wa maka le tse dingwana.

¹² Re nyoko hlakela ra boya ra ro hlaba le mong ka hlogo mo fase mo go tsusiwa bo ba gore ba hlokofele! (Meber. 24:15) Nagana fote gore di nyoko jabodisa byang mo o tšhuta ka Jehova ka go tšhuta ka dilo tsa go tlala tso a di makiyeng. (Pis. 104:24; Jes. 11:9) Sa go di phala ka moka ke gore o ka sa sa tsoga o sinnye, o ko thogo berekela Jehova fote go ka sa sa nyakega gore o kgopele gore a go tshwarele! Ayitsano o nyoko lisetsa taba yowa ya go phela Pharadheyising yi go phuka ka taba la gore gana byalo o sa nyaka go tijabodisa? (Maheb. 11:25) Le ka mbhitšane! Lephelo lo la gabutši la gore re nyoko le kraya le di phala kgole dilo tsa gore re di kraya ga lefase lowa. O sa lebale gore Pharadheyisi go ka sa fo dula go le selo sa gore re se yemele. Yi nyoko segela. Dilo tsowa ka mokana ga tsona di nyoko makega ka taba la gore Jehova o re nyakiye ka matla ke mokane a maka gore Morwayi wage a re kgwele!

ŠUPETSA GORE TABA YA GORE JEHOVA O RE NYAKA KA MATLA O YI LEBOGA KA MATLA

13. Re ka šupetsa byang gore re leboga taba ya gore Jehova o re nyaka ka matla? (2 Makorente 6:1)

¹³ Re ka šupetsa ka mokgo mang gore re leboga taba ya gore Jehova o re lepolliye? Ka go yetisa mahlong mmereko wo a re neyyeng wona. (Mat. 6:33) Re ya di tšiba gore Jeso o kgwile “gore batho ka mokana ga bona ba gore baa phela ba sa sa tiphelela mara ba phelele yene wa gore o ba kgwele a boya a tsoga.” (2 Makor. 5:15) Jehova o re kwele go baba ka matla fote o re tshwarele. Mo re maka so re ka se kgonang gore re mmerekele, re ba re šupetsa gore re kwisisa tso a re makeleng tsona fote re šupetsa gore re ya leboga.​—Bala 2 Makorente 6:1.

14. Re ka šupetsa byang gore re tshepa ka mokgo Jehova a re yetetsang ka gona?

¹⁴ Re ka šupetsa gore re leboga go nyakanana ga Jehova ka go mo tshepa le go theetsela mo a re yetetsa. Byang mara? Mo re nyoko segelela sepheto sa go tshwana le sekolo so re nyoko se kenang, gore re nyoko kena sekolo go segela kaye le mmereko wa gore re nyoko wo yamogela, di nyaka re ghayele ka tso Jehova a nyakang re di maka. (1 Makor. 10:31; 2 Makor. 5:7) Mo re segelela dipheto re kene re šupetsa gore re na le tumelo ga Jehova, tumelo ya rune gage le senghana sa rune naye di nyoko napa di tiyelela. Fote re ka sa kamake taba ya gore re nyoko tikwisa ka lephelo go ya go yye.​—Marom. 5:3-5; Jak. 2:21, 22.

15. Re ka šupetsa byang gore re ya leboga ka nako ya Segopotso?

¹⁵ Go sa na le mokgwa wo mongwana wa gore re ka šupetsa gore re leboga taba ya gore Jehova o re nyaka ka matla. Ke mo re maka so re ka se kgonang ka mabeke ya mo go soko segela Segopotso le ka nthago ga hone go fo šupetsa gore  re leboga sehlabelo sa Jeso. Go tokegela ga taba ya go ya Segopotsong, re ka mema ba bangwana gore le bona ba be gona. (1 Thim. 2:4) Ba botse gore go nyoko makega ying Segopotsong. Di ka ba berekela ka matla mo o ka ba šupetsa vidiyo ya gore Anthe Jeso o Kgwele Ying? le ya gore Gopola Likgu la Jeso tsa gore di ga jw.org.Di nyaka bagolo ba meme bo ba gore baa bata ga tso tsa Modimo. O fo nagana gore go nyoko hlakediwa byang legedimong le ho lefaseng mo nku ya Jehova ya gore ne yi lahlegiye yi boyela morapeng! (Luk. 15:4-7) Mo re le Segopotsong, tla re sa fo tamisana re le ntoši mara re tamise le bo ba gore ke la mathomo ba tla kela ba gore ba na le nako ba sa tle megahlanong. Re nyaka gore ba tikwe ba le gaye barena!​—Marom. 12:13.

16. Ke ntaba re ka nagana ka taba ya maka so re ka se kgonang ka nako ya Segopotso?

¹⁶ Ayitsano o ka napa o ro ganya dikobo mo o berekela Jehova ka mabeke ya mo go soko segela Segopotso le ka nthago ga hone? Wowa ke mokgwa wa gabutši wa go šupetsa gore re leboga Jehova le Jeso ka dilo ka mokana ga tsona tso ba re makeleng tsona. Mo re sa tšhabe go ya tšhomong, re nyoko napa re di bona gore Jehova wa re gelepa fote re nyoko napa re mo tshepa ka matla. (1 Makor. 3:9) O sa le takisi maahlo letheto la go bala Bhayibele ka nako ya Segopotso la gore le ga Nyakolla Mangwalo ka Moka Matšatši kela ga tšhate ya gore yi ga sepukwane sa megahlano ya gare ga beke. O ka fo kgeta go berekisa ditemanayana tsone tsa Bhayibele gore o thogo tšhuta Bhayibele o le ntoši.

17. Jehova o jabodisa king? (Lebelela le lebhokisi la gore “ Ga Jehova re ka mo Šupetsa Byang Gore re ya mo Leboga?”)

¹⁷ Re ya di tšiba gore seyemo sago se ka fo sa go dumelele gore o make se sengwana le se sengwana so go bolabodiwweng ka sona ga hlogotaba yowa. Mara o sa lebale gore Jehova aa tshwanisi tso o kgonang go di maka le tso ba bangwana ba kgonang go di segelela; yene o fo lebelela pelo. Di mo jabodisa ka matla mo a bona o leboga di tšwa pelong taba ya gore o go lepolliye.​—1 Sam. 16:7; Mar. 12:41-44.

18. Ke ntaba re leboga Jehova Modimo le Jeso Kreste?

¹⁸ Hala go se ka taba la gore Modimo o re lepolliye, ne a ka sa re tshwarele ga tso re di sinnyeng, ne re ka sa nghanelane le Jehova fote ne re ka sa be le tshepo ya go phela go ya go yye. Nkare re ka dula re šupetsa gore re leboga taba ya gore Jehova o re nyaka ka matla ya gore fote yi mo tšhofiye gore a re rufe la go sa hlayisege. (1 Joh. 4:19) Nkare re ka šupetsa gore ga Jeso re ya mo leboga, yene o gore o re nyakiye ka matla a boya a re kgwela!​—Joh. 15:13.