1. King selo so se makiyeng gore Jehova a make gore batho ba šadhe?

 JEHOVA ke “Modimo wa gore o jabodiye,” fote o nyaka gore le rune re jabole. (1 Thim. 1:11) O re neyye dilo tsa go tlala gore re kgone go jabodisa ke lephelo. (Jak. 1:17) Se sengwana sa dilo tso a re neyyeng tsona ke mošadho. Mo monna le mosadi ba šadha, ba tshepisana gore ba nyoko nyakanana ba boya ba hlompana. Mo ba ya mahlong ba na le senghana sa gabutši, tsotsone di maka gore ba jabole tsa mannete.​—Diy. 5:18.

2. Go makega ying ka batho ba gore ba šadhiye?

² Sa go kwisa go baba ke gore, batho ba go tlala ba gore ba šadhiye ba lebala tso ba tshepisanneng tsona nakwela ba šadha. Tsotsone di maka gore ba sa jabole. Pego ye nngwana ya gore a yi botala yi bolabodiye ke Mokgahlo wa Lefase ka Mokana ga Lona wa Tsa Maphelo, yi šupetsa gore banna ba go tlala ba kwisa basadi ba bona go baba ka go ba tula, go ba hlaba ka mantsu kela go ba maka gore ba tikwe nkare a yi bona selo. Monna wa gore o maka tsotsone a ka fo šupetsa a hlompa mosadi wage mo ba le gare ga batho mara mo a le gaye, le ka mphing wa peke a ka mo tula. Banna ba go tlala ba gore ba šadhiye ba lebelela dithombhe kela dividiyo tsa batho ba go sa tšwara, tsotsone di maka gore basadi ba bona ba kwe nkare a ba sa nyakiwa.

3. Ke King tso di ka makang gore banna ba feleletse ba kwisa basadi ba bona go baba?

³ King so se makang gore banna ba bangwana ba feleletse ba sa sa tshwara basadi ba bona gabutši? Ba ka fo ba ba gudisiye ke bopapa ba gore ke mo ba hlupegisa bommane ba bona, byalo ba ka fo tseya gore mokgwa wone wo gabutši. Ba bangwana ba kutšeletsele ke setšo sa mo ba dulang, sa gore se hlohletsela taba ya gore “monna wa mannete” o tshwanele a gapeletse mosadi wage gore a make dilo le mo a sa nyake go fo re a mo šupetse gore bhoso ke mang. Banna ba bangwana bona a baa tšhutisiwa gore ba kgone go titshwara, gana mone go kena le mo ba kwatiye. Banna ba bangwana ba dulela go lebelela dithombhe kela dividiyo tsa batho ba sa go tšwara, tsotsone di maka gore ba tseye basadi le taba ya go maka tsa mapaying ka mokgo mongwana.  Go tokegela gana hone, dipego di hlaya gore ka nako ya bolwele bya COVID-19, banna ba yye ba thomisa go kwisa basadi ba bona go baba. Nnete ke gore, a se šiyo so se tshwaneleng go tšhofa monna gore a kwise mosadi wage go baba.

4. Ke dilo difeng tso banna ba Makreste di nyakang ba pasopa fote ke ntaba?

⁴ Banna ba Makreste ba gore ba šadhiye di nyaka ba pasope gore ba sa tikraye ba topele ke mokgwa wa gore a yi wona wa ka mokgo ba lebelelang basadi ka gona. a Ke ntaba? Taba ye nngwana ke gore ga go tlala tso motho a di naganang o feleletsa a di maka. Pawulo wa lepostola o yye a pasopisa Makreste ya gore ma tlotiswwe ya hala Roma gore ma “lisetse go nyaka go tshwana le batho ba lefase lowa.” (Marom. 12:1, 2) Mo Pawulo a ngwalela Maroma, di šupetsa gore phutego yone ne yi na le nako yi le gona. Mara mantsu ya Pawulo ke mo ma šupetsa gore ba bangwana ka phutegong ke mo ba kene ba sa kutšetsela ke setšo le tso di naganang ke batho ba gore a ba tšibi Modimo. Nka taba lo a ba hlohletseleng gore ba tšhentšhe ka mokgo ba naganang le ka mokgo ba titshwarang ka gona. Nnete ke gore tso a di hlayyeng di sa na di bereka le ga banna ba Makreste ba gore ba šadhiye. Sa go kwisa go baba ke gore, banna ba bangwana ba šele ba kutšetsele ke lefase lowa fote ba šele ba kwisiye basadi ba bona go baba. b Jehova o nyaka gore monna a tshware mosadi wage ka mokgo mang? Phetolo ya rune yi ga lengwalo la go thega hlogotaba yowa.

5. Go ya ka 1 Petro 3:7, monna di nyaka a tshware mosadi wage ka mokgo mang?

⁵ Bala 1 Petro 3:7. Jehova o botsa banna gore ba hlompe basadi ba bona. Taba yone yi fo rela go tshwara motho ye mongwana ka mokgwa wa go šupetsa gore o mo hlompa ka matla. Monna wa gore o hlompa mosadi wage o mo tshwara gabutši a kene a mo šupetsa gore o mo nyaka ka matla. Ga hlogotaba yowa, re nyoko bona tso banna ba ka di makang go šupetsa gore ba hlompa basadi ba bona. Mara, tla re thomiseneng ka go bolabola ka dilo tso di ka makang gore mosadi a tikwe a sa hlompiwi le go nyakiwa.

O SA MAKE SELO SA GORE SE KA KWISA MOSADI WAGO GO BABA

6. Jehova o tikwa byang banna ba tula basadi ba bona? (Makolosi 3:19)

⁶ Go mo tula. Jehova o hloyye motho ye mongwana le ye mongwana wa go kwana le go lwa. (Pis. 11:5) Jehova o di hloyye ka matla mo monna a hlorisa mosadi wage. (Mal. 2:16; bala Makolosi 3:19.) Lengwalo lo le thegang hlogotaba yowa la 1 Petro 3:7 le ya šupetsa gore mo monna a sa tshware mosadi wage gabutši, senghana sage le Modimo se nyoko kwalela. Jehova a ka ro boya a thiba ditsebe mo a rapela.

7. Go ya ka Maefeso 4:31, 32, di nyaka banna ba kganele kgole le go bolabola dilo tsa mošaga mang? (Lebelela le “Hlatollo ya Mantsu.”)

⁷ Go mo hlaba ka mantsu. Banna ba bangwana ba kwisa basadi ba bona go baba ka tso ba di hlayang mo ba kwatiye fote ba ba hlaba ka mantsu. Mara Jehova o hloyye “go kwata, go fufulela, go garatsa le go kgwasolana.” c (Bala Maefeso 4:31, 32.) O kwa dilo ka mokana ga tsona. Jehova o na le taba le ka mokgo monna a bolabolang le mosadi wage ka gona, le mo ba le ka makhukhung. Monna wa gore o kgwasolanya mosadi wage aa fo sinya mošadho wage mara o maka le gore senghana sage le Modimo se tekateke.​—Jak. 1:26.

8. Jehova o tikwa byang ka dithombhe kela dividiyo tsa batho ba go sa tšwara fote ke ntaba?

⁸ Go lebelela dithombhe le dividiyo tsa batho ba go sa tšwara. Jehova o tikwa byang dithombhe le dividiyo tsa batho ba go sa tšwara? O di hloyye. Byalo monna wa gore o lebelela dithombhe tsa  batho ba go sa tšwara o sinya senghana sage le Jehova fote o fo šupetsa gore aa hlompe mosadi wage. d Jehova o yemele gore monna a dule a tshepega ga mosadi wage ka tso a di makang le ka tso a di naganang. Jeso o yitsere monna wa gore o lebelela mosadi ye mongwana a mo nabela, o šele a makiye bonghwahla “ka pelong yage.” e​—Mat. 5:28, 29.

9. Ke ntaba Jehova a di hloyye mo monna a makisa mosadi wage dilo tsa gore di maka gore mosadi yene a šale a tikwa a sa hlompege mo ba maka tsa mapaying?

⁹ Go gapeletsa mosadi wage gore a make dilo tsa mapaying tsa gore aa di nyake. Banna ba bangwana ba gapeletsa basadi ba bona gore ba make dilo tse dingwana tsa mapaying tsa gore di šiya basadi ba bona ba tikwa nkare baa ba hlorisa kela tsa gore di maka gore ba šale ba kikita ke lekwalo. Jehova o hloyye dilo tsa mošaga wonone tsa gore fote di fo šupetsa go sa naganelane. O nyaka gore monna a kwane le mosadi wage ka matla, a mo šupetse gore o mo teyela hlogong fote a hlompe ka mokgo a tikwang. (Maef. 5:28, 29) Re re king mo nkare monna wa gore ke Mokreste o šele a maka mosadi wage dilo tsowa kela a mo hlorisa kela a šele a lebelela dithombhe kela dividiyo tsa batho go sa tšwara? A ka maka ying gore a tšhentšhe ka mokgo a naganang le tso a di makang?

KA MOKGO MONNA A LISETSANG MOKGWA WA GO SA LOKA

10. Banna ba gore ba šadhiye ba ka berekela ke mošupetso wa Jeso ka mokgo mang?

¹⁰ King so se ka gelepang monna gore a hlule mokgwa wa go hlorisa mosadi wage le go maka gore a kwe nkare aa nyakiwi? A ka karakara gore a yekisele Jeso. Le mo nkare a sanka a šadha, ka mokgo a yyeng a tshwara malata yage ke mokgwa wa gabutši wa gore banna ba ka wo kopisela gore ba thogo tshwara basadi ba bona ka gona. (Maef. 5:25) Mo re beyisa, nagana ka tso banna ba ka di tšhutang ga ka mokgo Jeso ke mo a tshwara malata yage ka gona le ka mokgo ne a bolabola nawo.

11. Jeso ke mo a tshwara mapostola yage ka mokgo mang?

¹¹ Jeso ke mo a tshwara malata yage gabutši le ka mokgwa wa go hlompega. A sanka a ma tshwara bošidi. Le mo nkare Jeso ke mo go le Morena le Mong wa bona, a sanka a kwa di mo tšhofa gore a ba šupetse gore yene o ka kgakala ga bona ka go ba šupetsa matšhika yage. Mara, ke mo a ba berekela a kene a tinyanafatsiye. (Joh. 13:12-17) O butsiye malata yage gore: “Le tšhuteneng gaka, ka taba la gore ke bebiye fote ke tinyanafatsiye, le nyoko šala le yimulugiye.” (Mat. 11:28-30) Bona gore Jeso ke mo a bebiye. Motho wa gore o bebiye a di rele gore go fo ba lephephe la go tseya-tseya ke moya. Mara o kgona go titshwara. Mo ba šuhlašuhla, o kgona go dula a kgibiye fote a kgona go lawola ka mokgo a tikwang.

12. Jeso ke mo a bolabola le ba bangwana ka mokgo mang?

¹² Jeso o berekisiye mantsu yage gore a kgomoletse le go yimulla ba bangwana. A sanka a kgwasolanya bo ne ba mo latelela. (Luk. 8:47, 48) Le mo bo ba go mo phigisa ba mo rogelelanya ba boya ba liketsa go mo šuhlašuhla, “aa busetsa.” (1 Pet. 2:21-23) Ka dinako tse dingwana, Jeso ke mo a kgeta go kgomolela, a sa bolabole dilo tsa gore di ka thonoga ba bangwana. (Mat. 27:12-14) Wone ke mong mošupetso wa gabutši ka matla ga banna ba Makreste ba gore ba šadhiye!

13. Go ya ka Matewu 19:4-6, monna a ka maka byang gore a dule a ‘ngangarele mosadi wage’? (Lebelela le sethombhe.)

¹³ Jeso o butsiye banna gore ba dule ba tshepega ga basadi ba bona. O hlayye tso di hlayyeng ke Papage, wa gore o yitseri di nyaka gore monna a “ngangarele mosadi wage.” (Bala Matewu 19:4-6.) Lentsu la Segerika lo ba le berekisiyeng ga temanyana yowa la gore “ngangarela,” gabutšibutši le rela “go mamaretsa.” Byalo, so se gahlanisiyeng monna le mosadi wage di nyaka se tiyelele ka matla, tsa nkare ba ro ba mamaretsa ggoši. Mo ye mongwana a ka maka selo sa gore se kwisa ye mongwana go baba, ba nyoko kwa go baba ba le ka babedi. Monna wa gore o mamarelanne le mosadi  wage ka mokgonone o nyoko kganela kgole ga dilo ka mokana ga tsona tsa go šupetsa batho ba go sa tšwara. O nyoko yakgoswa a jika gore “a sa lebelele dilo tsa go sa yi ka tsela.” (Pis. 119:37) Gabutšibutši, o maka kano le maahlo yage gore a sa lebelele mosadi ye mongwana a boya a mo nabela.​—Jobo 31:1.

14. Monna wa gore hlorisa mosadi wage di nyaka a make ying gore a thogo lukisa senghana sage le Jehova le mosadi wage?

¹⁴ Monna wa gore o teya mosadi wage kela wa gore o mo hlaba ka mantsu di nyaka a make le dilo tse dingwana gore a thogo lukisa senghana sage le Jehova le mosadi wage. Ke dilo difeng? Sa mathomo, o dumela gore o na le bothatha byo bogolo. A se šiyo selo sa gore se wutamme mahlong ga Jehova. (Pis. 44:21; Mmo. 12:14; Maheb. 4:13) Sa mabedi, o lisetsa go hlorisa mosadi wage ke mokane o tšhentšha ka mokgo a makang dilo. (Diy. 28:13) Sa kararo, o kgopela mosadi wage gore a mo tshwarele fote o kgopela le Jehova gore a mo tshwarele. (Meber. 3:19) Di nyaka a ro kgopela Jehova di mmaba gore o nyaka go tšhentšha le gore a mo gelepe gore a kgone go lawola tso a di naganang, tso a di hlayang le tso a di makang. (Pis. 51:10-12; 2 Makor. 10:5; Mafil. 2:13) Sa kanne, o maka dilo tsa gore di yelana le tso a di rapelelang, o thomise go hloya mekgwa ka moka ya go lwa le go hlaba ba bangwana ka mantsu. (Pis. 97:10) Sa kapheta, o ya ga bagolo gore ba thogo mo gelepa. (Jak. 5:14-16) Sa kobodi, o maka so a ka se kgonang gore a kraye selo sa gore se nyoko mo gelepa gore a sa sa ba le mokgwa wone. Monna wa gore o lebelela dithombhe le dividiyo tsa batho ba go sa tšwara le yene di nyaka a make kobodi ya dilo tso go bolabodiwweng ka tsona. Jehova o nyoko mo rufa mo a karakara gore a tšhentšhe mekgwa yage. (Pis. 37:5) A di nyake monna a fo lisetsa mekgwa yone ya go kekema fela. Di nyaka a tšhute go šupetsa mosadi wage gore wa mo hlompa. A ka di maka byang tsotsone?

KA MOKGO O KA ŠUPETSANG MOSADI WAGO GORE WA MO HLOMPA

15. Monna a ka mo šupetsa byang ga mosadi wage gore o mo nyaka ka matla?

¹⁵ Mo šupetse gore o mo nyaka ka matla. Magageru ya mangwana ya gore ma šadhiye fote ma jabodiye ba maka gore ma dule makela basadi ba bona se sengwana ka moka matšatši go šupetsa gore ba ba nyaka ka matla. (1 Joh. 3:18) Monna a ka šupetsa mosadi wage gore o mo nyaka ka matla ka dilo  nyana tse dinyana, tsa go tshwana le go mo tshwara ka letsogo kela go mo haka. A ka mo romela molayetsa ke mokane a mmotsa gore, “Ke go gopodiye” kela a mmutsisa gore, “Di sepela byang mara ka hone?” A ka fo dula a mo šupetsa gore o mo nyaka ka matla ka go mo makela sekhataneng ke mokane a mmotsa ka mokgo a mo nyakang. Mo monna a maka dilo tsowa, o šupetsa mosadi wage gore o mo nyaka ka matla fote wa mo hlompa, tsotsone di maka gore senghana sa bona se tiye ka matla.

16. Ke ntaba di nyaka gore monna a thanake mosadi wage?

¹⁶ Mo šupetse gore wa mo leboga. Monna wa gore o nyaka mosadi wage, o mmotsa ka mokgo a mo tseyelang gedimo ka gona fote o mmotsa mantsu ya go maka gore pelo yi šale yi dulisegiye. Se sengwana so a ka se makang ke ka go šupetsa gore o leboga dilo ka moka tso a di makang gore a thogo mo thega. (Makol. 3:15) Mo monna a thanaka mosadi wage di tšwa pelong, tsotsone di tolosa pelo ya mosadi wage. Mosadi yene o nyoko kwa pelo yi yitseri kgehle, o nyoko kwa a nyakiwa fote o nyoko di bona gore o tseyediwa gedimo.​—Diy. 31:28.

17. Monna a ka šupetsa mosadi wage ka mokgo mang gore wa mo hlompa?

¹⁷ O be motho wa go makelana tsa gabutši fote o hlompe. Monna wa gore ga mosadi wage o mo nyaka ka matla o tseyela mosadi wage gedimo ka matla. O mo tseya go le mong lekolwane la go tšwa ga Jehova. (Diy. 18:22; 31:10) Tsotsone di maka gore a mo tshware tsa nkare ke lekata fote a mo hlompe, le ka dinako tsa mo ba maka tsa mapaying. A ka sa mo gapeletse gore a make dilo tsa mapaying tsa gore di maka gore a kwe a sa hlompege kela a se na serithi, kela tsa gore di nyoko maka gore a šale a kikita ke lekwalo. f Monna yene le yene o nyoko karakara gore a dule a na le lekwalo la go yela mahlong ga Jehova.​—Meber. 24:16.

18. Banna ba gore ba šadhiye di nyaka ba tikemisele go maka ying? (Lebelela le lebhokisi la gore “ Kanne ya Dilo Tsa Gore di ka Gelepa Monna Gore a Hlompe Mosadi Wage.”)

¹⁸ Lune banna ba gore le šadhiye, le sa kamake gore Jehova wa di bona fote o leboga ka matla tso le di makang gore le šupetse basadi ba lune gore le ba tseyela gedimo ga dilo ka mokana ga tsona. Tikemiseleneng go kganela kgole le mekgwa ya gore yi ka maka gore basadi ba lune ba tikwe ba sa yela kela ba se na serithi, ka go ba makela dilo tsa gabutši, ka go ba hlompa le ka go ba šupetsa gore le ba nyaka ka matla. Mo le maka tsotsone, le ko ba le šupetsa gore le ba nyaka ka matla fote le ba tseyela gedimo. Barena, šupetsa mosadi wago gore o mo nyaka ka matla fote wa mo hlompa, ka mokgonone o ko ba o tšhireletsa senghana se segolo ka matla—senghana sago le Jehova.​—Pis. 25:14.