1. Ka mokana ga rune re ghulana le ying?

 DI NYAKA gore re segelele dipheto ka moka matšatši. Tse dingwana di lula go di segelela, go tshwana le go nagana gore re nyoko ja ying ka bošego kela gore re ye yetsela nako mang. Dipheto tse dingwana di thathafa ka matla go di segelela. Di ka yama go phelega ga rune, go jabola ga rune, bo re ba nyakang ka matla kela morapelo wa rune. Re nyaka gore dipheto tsa rune di berekele rune le ba mutši wa rune. Sa go di phala ka moka, re tshepa gore dipheto tsa rune di nyoko jabodisa Jehova.​—Marom. 12:1, 2.

2. King tso o ka di makang gore o segelele dipheto tsa gabutši?

² O ka kgona go segelela dipheto tsa gabutši mo o ka (1) tšiba ditaba ka moka, (2) nagana ka gore Jehova o yi lebelela byang taba yone le (3) mo o ka nagana gabutši ka dipheto tso o nyakang go di segelela. Hlogotaba yowa yi nyoko bolabola ka dilo tsone fote yi nyoko re gelepa gore re thogo tšhuta go nagana gabutši.​—Diy. 2:11.

TŠIBA DITABA KA MOKA

3. Ke mošupetso wofeng wa gore wok a re gelepa gore re kwisise gore ke ntaba di nyaka o kwisise dilo gabutši mo o soko segelela sepheto.

³ Gore o thogo segelela dipheto tsa gabutši, di nyaka o tšiba ditaba ka moka. Ke ntaba go le taba ye kgolo? Tla re fo re motho ke  yewa o ya ga togotela ka taba la gore o na le bothatha byo bogolo. Ayitsano togotela yone yi nyoko fo segelela sepheto sa gore yi mo yalafa byang yi sa thomisa yi pombhola motho yene kela go mmutsisa diputsiso? He-e. Le wene o nyoko kgona go segelela dipheto tsa gabutši mo o ka thomisa o lebelela ditaba ka moka tsa go sipidisana le seyemo sago. O ka di maka byang tsone?

4. Go fo ya ka mokgo Diyema 18:13 yi hlayang, o ka maka byang gore o kwisise dilo gabutši? (Lebelela le sethombhe.)

⁴ O ka kgona go kraya ditaba mo o ka butsisa diputsiso. Tla re re ba go memme monyanyeng. Nje di nyaka o ye? Mo nkare ye a go memmeng a o nape o mo tšiba gabutši kela gore ba polanne ying, di nyaka o mmutsise diputsiso tsa go tshwana le tsa gore: “Monyanya wowa wo nyoko ba kaye fote leng? Go nyoko ba wo mogolo go segela kaye? Ke mang ye a nyoko bang a libelele gore dilo di sepela gabutši? Go tla bomang? Go nyoko makiwa ying? Ayitsano go nyoko ba go na le mokgete?” Diphetolo tsa diputsiso tsowa di nyoko go gelepa gore o segelele sepheto sa gabutši.​—Bala Diyema 18:13.

5. Di nyaka o make ying mo o šele kwisisa dilo gabutši?

⁵ Mo o šele o tšiba ditaba ka moka, pombhola seyemo sone gabutši. Mo re beyisa, o ko maka byang mo nkare o kwa gore batho ba gore a ba na taba le ditšhiko tsa Bhayibele ba nyoko ba ba le gona, kela gore ba nyoko ba go na le mokgete, mara go se na motho wa go libelela gore dilo di sepela gabutši? Ayitsano o nagana gore monyanya wone wo nyoko feleletsa go le  phati ya go sa lawolege? (1 Pet. 4:3) Ka nthoko ye nngwana, o nyoko maka byang mo nkare monyanya wone wo ka nako ya go ya megahlanong ya phutego kela nako ya go ya tšhomong? Mo o šele o tšiba dilo ka moka, o ka kgona go segela sepheto sa gabutši. Mara go na le se sengwana sa gore di nyaka o se make. O a di tšiba gore wene seyemo sone o se bona byang; mara Jehova yene o tikwa byang ka sona?​—Diy. 2:6.

NAGANA KA GORE JEHOVA O YI LEBELELA BYANG TABA YONE

6. Jakobo 1:5 yi re ke ntaba di nyaka o rapele gore Jehova a re gelepe?

⁶ Kgopela Jehova a go gelepe gore o thogo kwisisa tso a di naganang. Jehova o tshepisa go re hlalefisa gore re thogo bona gore tsela yo re ka yi tseyang yi nyoko mo jabodisa kela awwa. O maka gore re hlalefe, ‘aa konane fote a ka sa re kwatele mo re mo kgopela.’​—Bala Jakobo 1:5.

7. O ka di tšhuta byang tso Jehova a di naganang ka taba? Beyisa.

⁷ Mo o šele o kgopele Jehova gore a go yetetse, napa o ro ntsha maahlo dikwakweng o bone gore o go fetola byang. Mo re beyisa: Mo o ka ba o lahlegiye, o ka kgopela ye a dulang gana hone gore a go gelepe. Nje o nyoko fo sepela a soko go fetola? Awwa. O nyoko mo theetsela gabutši. Le wene, mo o šele o kgopele Jehova gore a go hlalefise, liketsa go bona ka mokgo a go fetolang ka gona ka go nyaka melawo ya Bhayibele le ditšhiko tsa go yelana gabutši le seyemo sago. Mo re beyisa, mo o kene o sa nagana gore o ye monyanyeng wa gore re šele re bolabodiye ka wona, o ka nagana ka tso Bhayibele yi di hlayang  ka menyanya ya go sa lawolege, go nghanelana le ba go sa loka, le ka mokgo re ka yetisang tso tsa Modimo mahlong go phala tso runebeng re di nyakang.​—Mat. 6:33; Marom. 13:13; 1 Makor. 15:33.

8. O ka maka ying mo nkare o nyaka go gelepiwa ka taba ye nngwana? (Lebelela le sethombhe.)

⁸ Nnete ke gore ka dinako tse dingwana o ka nyaka gore ye mongwana a go gelepe gore o kraye tse dingwana tso o nyakang go di tšiba. O ka gelepa ke mogageru wa monna kela wa mosadi wa gore o butšwiye. Mara le wene di ka go gelepa mo o ka nyakolla. Go na le dilo tsa go tlala tsa gore di ka go gelepa ga dithulusi tsa rune tsa go tšhutisa, tsa go tshwana le Tlhahlo ya go Dira Nyakišišo ya Dihlatse tša Jehofa le Mangwalo ya Maphelelo ya Sekreste. O sa lebale so o se nyakang: go segelela sepheto sa gore se nyoko jabodisa Jehova.

9. Re ka di tshepa byang tsa gore dipheto sto re di segelelang di nyoko jabodisa Jehova? (Maefeso 5:17)

⁹ Re ka di tšiba byang gore sepheto so re se segelelang se nyoko jabodisa Jehova? Sa mathomo, di nyaka re mo tšibe gabutši. Bhayibele yi re, “Go tšiba Ye wa go Hlawolega ka Matla ke gona go kwisisa.” (Diy. 9:10) Eya, go kwisisa ga mannete go leya ke go tšiba tso Jehova a tummeng ka tsona, tso a nyakang go di segelela, tso a di kwanang natso le tso a di hloyyeng. Tiputsise gore, ‘Go ya ka tso ke di tšibang ka Jehova, ke sepheto sa mošaga mang sa gore nka se segelela so seka jabodisang Jehova?’​—Bala Maefeso 5:17.

10. Ke ntaba ditšhiko tsa Bhayibele di le gabutši go phala setšo sa ka gaye kela sa mo le dulang gona?

¹⁰ Gore re thogo jabodisa Jehova, di nyaka gore re sa fo dula re nyaka go jabodisa ba bangwana. Mo re beyisa, babelegi ba ka nyaka gore morwediya wa bona a šadhe le motho wa gore o na le lebotha —​kela wa gore a ka sa lle mo ba nyaka magadi ya go tlala​—le mo a sa tiyelela ga tso tsa Modimo. Ke nnete gore ba nyaka gore morwediya wa bona a sa gayele selo, mara o nyoko gelepa ke mang ga tso tsa Modimo? Jehova o re king ka taba yone? Phetolo ya rune yi ga Matewu 6:33. Ga yona, ba hlohletsela Makreste gore ma ‘thomise ka go nyaka tso tsa Mmušo wa Modimo.’ Le mo nkare re hlompa babelegi ba rune le batho ba bangwana, di nyaka re hlupege ka go jabodisa Jehova.

GHAYELA KA TSO O DI KGETANG

11. Ke mokgwa wofeng wo ba bolabodiyeng ka wona ga Mafilipi 1:9, 10 wa gore wo nyoko go gelepa gore o thogo pombhola dilo gabutši?

¹¹ Mo o šele o lebelele ditšhiko tsa Bhayibele tsa go go gelepa gore o thogo segelela sepheto, di nyaka o nagane gabutši ka dipheto tse dingwana. (Bala Mafilipi 1:9, 10.) Ka mokgo o kwisisang ka gona go nyoko go gelepa gore o nagane ka maphomela ya gona. Ka dinako tse dingwana di ka ba lula go segela sepheto. Mara a yi dipheto ka mokana ga tsona tsa gore di lula go di segelela. Go kwisisa go nyoko go gelepa gore o segelele dipheto tsa gabutši le ga seyemo sa go thathafa.

12-13. Go kwisisa dilo go nyoko go gelepa ka byang gore o segelele sepheto sa gabutši mo o nyaka sekoropo?

¹² Nagana ka taba ke yowa. O nyaka sekoropo gore o thogo pasopa ba mutši wago. Go na le mmereko ka mmedi. O a nyakolla, o lebelela gore ke mmereko wa mošaga mang, o nyoko bereka byang, o nyoko tseya nako ye kaye gore o segele mmerekong le tse dingwana. Mmereko yone ka mmedi a yi tšhayisane le Mangwalo. Di ka fo makega gore o jabodisa nka wwoši ka taba la gore wo gabutši kela ka taba la gore o nyoko yi tepa ka masaka. Go na tso o tshwaneleng o nagane ka tsona mo o soko segelela sepheto.

¹³ Mo re beyisa, ayitsano di ka nyaka gore o bereke ka nako ya gore di nyaka o ya megahlanong ya phutego? Ayitsano mmereko yone yi nyoko maka gore o sa sa ba le nako gelepa ba mutši wago gore ba tikwe ba pasopegiye, ba jabodiye fote ba le thina le Jehova? Go tiputsisa  diputsiso tsowa go nyoko go gelepa gore o thogo tšiba tso di “tshwaneleng go yeta mahlong”​—senghana sago le Modimo le tso mutši wago wo di gayelang—​o sa tabogele go ghanya. O nyoko kgona go segelela sepheto sa gore Jehova o nyoko se rufa.

14. Go kwisisa le go nyakanana go nyoko go gelepa byang gore o sa kraye o phiriketsiye ba bangwana?

¹⁴ Go kwisisa dilo go nyoko re tšhofa gore re nagane gore sepheto so re se segelelang se nyoko yama batho ba bangwana byang, gore re sa “phiriketse ba bangwana.” (Mafil. 1:10) Tsowa di gabutši ka matla mo re segelela dipheto tsa go tshwana le ka mokgo re yaparang kela re tilukisang ka gona. Mo re beyisa, re ka fo ba re kwana le mayaparelo kela go tilukisa ka mokgo mongwana. Mara mo nkare re phiriketsa ba bangwana ka phutegong kela ba gore a yi Makreste gee? Go kwisisa go nyoko re gelepa gore re sa fo gapeletsa dilo. Go nyakanana go nyoko re tšhofa gore re nyake tsa go jabodisa “motho ye mongwana” re boye re tinyanafatse.  (1 Makor. 10:23, 24, 32; 1 Thim. 2:9, 10) Ke mokane re nyoko segelela sepheto sa gore se šupetsa gore re nyaka ba bangwana fote re ya ba hlompa.

15. Di nyaka o nagane ka ying mo o soko bane o segelela sepheto se segolo?

¹⁵ Mo nkare o segelela sepheto se segolo, nagana gore go ko kena le ying gore o kgone go se segelela. Jeso o re tšhutisiye gore re ‘balele tšheleta.’ (Luk. 14:28) Byalo nagana ka nako, tso di nyakegang, le matšhika ya ma nyakegang gore tso o di segelelang di go berekele. Go gongwana, o ka bolabola le bo o dulang nabo gore ye mongwana le ye mongwana o ko nyaka ying gore a kgone o thega sepheto sone. Ke ntaba go le selo se segolo? Di ka fo šupetsa gore di nyaka o lukise hala le hala kela gore o nagane ka sepheto se sengwana sa gore se ka go berekela. Fote mo o tšhela bo o dulang nabo ga taba yowa o boya o ba theetsela, ba nyoko tikemisela go go gelepa gore tso o di segeleleng di thogo phomelela.​—Diy. 15:22.

SEGELELA SEPHETO SA GORE SE NYOKO PHOMELELA

16. Ke dilo difeng tso di nyoko go gelepang gore o thogo segelela sepheto sa gabutši? (Lebelela le lebhokisi la gore “ Ka Mokgo o ka Segelelang Dipheto Tsa Gabutši.”)

¹⁶ Mo nkare o latelele dilo tsowa re bolabodiyeng ka tsona, o nyoko kgona go segelela sepheto sa gabutši. O šele o krayye ditaba ka moka fote o nyakolliye le ditšhiko tsa gore di nyoko go gelepa gore o segelele sepheto sa gore se nyoko jabodisa Jehova. Byalo o ka kgopela Jehova gore a go gelepe gore tso o di segeleleng di phomelele.

17. King sa gore se ka go gelepa gore o segelele sepheto sa gabutši?

¹⁷ Le mo nkare o šele o segelelo dipheto tsa go tlala tsa gore di phomelele, o sa lebale gore selo se segolo sa gore se ka go thuša gore o segelele dipheto tsa gabutši, a yi go tshepela ga mahlalefelo yago mara di nyaka o tshepela ga mahlalefelo ya go tšwa ga Jehova. Ke yene a ntoši a ka makang gore o hlalefe tsa mannete, o kwisise o boye o nagane gabutši​—tsone di maka gore motho a hlalefe ka matla. (Diy. 2:1-5) Jehova a ka go gelepa gore o segelele dipheto tsa gore di nyoko mo jabodisa.​—Pis. 23:2, 3.