1. Di re berekela byang mo re ba gona Segopotsong sa likgu la Jeso sa mongwaga wo mongwana le wo mongwana?

 JEHOVA o re neyye selo sa gabutši ka matla nakwela a romela Morwayi wage gore a re kgwele! (2 Makor. 9:15) Ka taba la gore Jeso o neyele ka lephelo lage, le wene o ka kgona go ba le senghananghana le Jehova Modimo. Fote o thulegele ke lešuba la go tikwisa ka lephelo go ya go yye. Phela go na le dilo tsa go tlala tsa go maka gore re leboge Jehova, yene wa gore lepolliye ka taba la gore o re nyaka ka matla! (Marom. 5:8) Jeso o makiye gore mongwana wo mongwana le wo mongwana go be le Segopotso sa likgu lage gore a thogo re gelepa gore re dule re leboga, le gore re sa tseyele fase taba ya go lepolliwa.​—Luk. 22:19, 20.

2. Re nyoko bolabola ka ying ga hlogotaba yowa?

² Mongwaga wowa, Segopotso se nyoko ba ka Mokibela wa di 12 tsa April 2025. A re kamake gore ka mokana ga rune re kene re polana go ba gona. Di nyoko re berekela ka matla mo re ka ba le nako mo go šele go segela Segopotso gore re thogo ghayela a ka tso Jehova le Morwayi wage ba re makeleng tsona. Ga hlogotaba yowa, re nyoko bolabola ka gore taba ya gore ba re lepolliye yi re tšhutisa ying ka Jehova le Morwayi wage. Hlogotaba ya go latela yi nyoko re gelepa gore re kwisise gore taba ya gore re ba re lepolliye yi ka re berekela byang le gore re ka šupetsa ka mokgo mang gore re ya leboga.

 SO TABA GO LEPOLLIWA YI RE TŠHUTISANG SONA KA JEHOVA

3. Likgu la motho ka wwoši le ka maka byang gore dimiliyoni tsa batho di lokologe? (Lebelela le sethombhe.)

³ Taba ya gore ba re lepolliye yi re tšhutisa gore Jehova o yahlula gabutši. (Dot. 32:4) Byang mara? Taba ke taba yowa: Ka taba la gore Adamo aa theetsela, re fo felegiwa re na le senyama sa gore se maka gore re fetse re kgwa. (Marom. 5:12) Gore re sa sa ba le senyama fote re sa sa kgwa, Jehova o makiye gore Jeso a re lepolle. Mara sehlabelo sa motho ka wwoši se ka kgona byang go lepolla dimiliyoni tsa batho? Pawulo wa lepostola o yi beyye ka mokgo: “Go fo tshwana le mo go sa theetsele ga motho ka wwoši [Adamo] go makiye gore batho ba go tlala ba sinye, le go theetsela ga motho ka wwoši [Jeso] go nyoko maka gore batho ba go tlala ba loke.” (Marom. 5:19; 1 Thim. 2:6) Ka mantsu ya mangwana, di f’lo tseya motho ka wwoši wa gore o yenele wa gore aa theetsele gore a re tlungwetse ga tso tsa go sinya le likgu. Byalo di f’lo nyaka motho ka wwoši wa gore o yenele wa gore fote wa theetsela gore a re ntshe mone.

4. Ke ntaba Jehova a sa dumelela bana ba Adamo ba gore ne ba mo theetsela gore ba phele go ya go yye?

⁴ Ayitsano ne di nyaka gore Jeso a kgwe gore a thogo re phonisa? Ayitsano Jehova ne a ka sa fo maka gore ditlogolwane tsa Adamo tsa go loka di phele go ya go yye? Mo re yi lebelela ka lihlo la batho ba go sa yenela, mokgwa wone wo šupetsa wo le gabutši fote wo kwagala ka matla. Mara ga wona a go kene le taba ya gore Jehova o yahlula gabutši. Ka taba la gore Jehova o lukiye, ne a ka sa fo takisa maahlo taba ya gore Adamo o sinnye ka matla.

5. Ke ntaba re sa kamake gore Jehova o nyoko dula a maka tsa gabutši?

⁵ Byalo, ne go nyoko makega ying hala Jehova a sa re lepolla mara a f’lo yi takisa maahlo taba ya go yahlula gabutši, ke mokane a dumelela barwayi le barwediya ba Adamo gore ba phele go ya go yye? Batho ne ba nyoko thomisa go nagana gore Modimo a ka fo dula a takisa maahlo taba ya go yahlula gabutši le ga dilo tse dingwana. Mo re beyisa, batho ba ka thomisa go kamaka taba ya gore Modimo o nyoko maka tso a di tshepisiyeng. A di nyake re šekela ka dilo tsa mošaga wonone. Taba ya gore Jehova o makiye dilo gabutši le mo nkare di mo turele​—a neyela ka Morwayi wage wa gore o mo nyaka ka matla—​yi maka gore re di tshepe gore o nyoko dula a maka dilo gabutši.

6. King se sengwana so se tšhofiyeng Jehova gore a romele Morwayi wage? (1 Johane 4:9, 10)

⁶ Le mo nkare taba ya gore ba re lepolliye yi re gelepa gore re kwisise gore Jehova o lukiye, yi boya yi re gelepa gore re nape re di bona gore o re nyaka go segela kaye. (Joh. 3:16; bala 1 Johane 4:9, 10.) Jehova o romele morwayi wage gore a re kgwele ka taba la gore o nyaka gore re phele go ya go yye, fote o nyaka gore re be  ga mutši wage. Nagana ka taba yowa: Nakwela Adamo a sinya, Jehova o mo rakiye ga Mutši Wage wa bo ba mo rapelang. Tsotsone di makiye gore ka mokana ga rune re belegiwe re le ka tawong ga mutši wa Modimo. Mara ka taba la sehlabelo sa Jeso, Jehova o re tshwarela ga tso re di sinnyeng fote o nyoko maka gore batho ka moka bo ba nang le tumelo ba boya ba theetsela, ba tle ka mutšing wage. Le gana byalo re ka ba le senghana sa gabutši le Jehova le magageru. Nnete ke gore Jehova o re nyaka tsa nkare ke moka!​—Marom. 5:10, 11.

7. Jeso o yye a hlupegisiwa ka matla gore a thogo re lepolla. Sone se go tšhutisa ying ka ka mokgo Jehova a re nyakang ka gona?

⁷ Re ka kgona go kwisisa ka mokgo Jehova a re nyakang ka gona mo re ka nagana gabutši gore o kwile go baba go segela kaye mo a bona morwayi wage a hlupegisiwa. Sathane o hlaya matsaka ya gore a go na lelata la Modimo la gore le nyoko dula le tshepega Gage mo le gahlana le tsa go sasamela. Gore Jehova a thogo šupetsa gore Sathane o na le matsaka, o lisetsiye Jeso a hlorisiwa mo a soko bane a kgwa. (Jobo 2:1-5; 1 Pet. 2:21) Jehova o di bonne mo batho ba kwera Jeso, mo masole ma mo tula ke mokane ma mo kokotela phateng. Fote Jehova o bonne mo Morwayi wage wa gore o mo nyaka ka matla a kwa go baba ka matla ke mokane a hlokofala. (Mat. 27:28-31, 39) Jehova nke a f’lo maka gore dilo tsowa ka mokana ga tsona di sa makege. Mo re beyisa, hala ba go phigisa ba re: “Mo nkare Modimo wa mo nyaka, a mo phonise,” Jehova nke a f’lo maka ka mokgonone. (Mat. 27:42, 43) Mara, hala Jehova a di kenne, tsa go lepolliwa ne di nyoko šaša fote nke re se na tshepo. Byalo, Jehova o lisetsiye Morwayi wage gore a tiyisele mo a hlorisiwa go segela a hlokofala.

8. Nje Jehova o yye a kwa go baba mo a bona Morwayi wage a hlupegisiwa? Hlatolla. (Lebelela le sethombhe.)

⁸ A di nyake re nagana gore ka gore Jehova ke wa Matšhika ka Moka, tsone di rela gore aa kwe go baba! O makiye gore batho ba be le ka mokgo ba tikwang ka gona. Ka taba la gore Bhayibele yi re re makiwwe go tshwana naye, di rela gore le yene go na le ka mokgo a tikwang ka gona. Bhayibele yi hlaya gore o kwile “go baba” fote o yye a “kgongwela.” (Pis. 78:40, 41) Nagana le ka mošupetso wa Abhrahama le Isaka. Jehova o butsiye Abhrahama gore a make sehlabelo ka morwayi wago wa gore o fo ba a ntoši. (Gen. 22:9-12; Maheb. 11:17-19) O fo nagana gore Abhrahama ke mo a hlakahlakanne byang mo a šele a lukiselela go fetsa ka lephelo la Isaka a berekisa thipa. Di fo ba lekgwaying gore Jehova ke mo a kwa go baba ka matla mo a bona Morwayi wage ba mo hlupegisa ke mokane ba mmolaya!​—Lebelela vidiyo ya gore,Yekisela Tumelo ya Bona​—Abhrahama, Sekopa sa Mabedi ga jw.org.

9. King re ka se tšhutang ga Maroma 8:32, 38, 39 ka ka mokgo Jehova a re nyakang ka gona?

⁹ Sehlabelo sa Jeso se re tšhutisa gore a go na ye a re nyakang ka matla go phala Jehova​—re  rela le mong mašaga ya rune ya gore re ma nyaka ka matla kela banghana ba rune. (Bala Maroma 8:32, 38, 39.) A re kamake gore Jehova o re nyaka ka matla go phala ka mokgo rune beng re tinyakang ka gona. Ayitsano o nyaka go phela go ya go yye? Jehova o nabela nkare ka mokana ga rune re ka phela go ya go yye. Nje o nyaka go tshwarediwa ga tso o di sinnyeng? Jehova o di nyaka ka matla go go tshwarela. So a se kgopelang ke gore re tseyele gedimo so a re neyyeng sona ka go šupetsa gore re na le tumelo fote di nyaka re mo theetsele. Sehlabelo sa Jeso ke selo se segolo ka matla so se šupetsang gore Modimo o re nyaka ka matla. Fote ga lefase la nyuwane, re nyoko tšhuta ka tsa go tlala tsa go šupetsa gore Jehova o re nyaka ka matla.​—Mmo. 3:11.

SO TABA YA GORE BA RE LEPOLLIYE SE RE TŠHUTISANG KA JESO

10. (a) Ke ntaba Jeso a yye a kgongwela ka taba la likgu lage? (b) Jeso o makiye byang gore lebitso la Jehova le hlawolege? (Lebelela le lebhokisi la gore “ Sehlabelo sa Jeso se Makiye Gore Lebitso la Jehova le Hlawolege.”)

¹⁰ Jeso o yi tseyela gedimo ka matla taba ya gore batho ba nagana ying ka Papage. (Joh. 14:31) Jeso ke mo di mo kgongwetsa ka matla gore batho ne ba nagana tsa go befa ka Papage ka taba la gore Jeso ne ba nyoko mmolaya go tshwana le motho wa go sa hlompe Modimo, fote go le sekgohlane. Nka taba lo a yyeng a rapela a re: “Papa, mo nkare di ya kgonega, maka gore komitši yowa yi mfete.” (Mat. 26:39) Mara ka gore Jeso o yye a tshepega ga Jehova go segela a kgwa, o yye a šupetsa gore matsaka yaa Sathane a ma bolabodiyeng ka papage ne go se nnete.

11. Jeso o šupetsiye byang gore o nyaka batho ka matla? (Johane 13:1)

¹¹ Taba ya go lepolliwa yi re tšhutisa gore Jeso o tihlupa ka matla ka batho, ka matlamatla malata yage. (Diy. 8:31; bala Johane 13:1.) Mo re beyisa, Jeso ke mo a di tšiba gore tse dingwana  tso ne a nyoko di maka mo lefaseng ne di nyoko thathafa, ka matlamatla taba ya gore ne a nyoko kgwa likgu la go kwisa go baba. Jeso ne a sa fo makela moyano mo a maka mmereko wo Modimo ne a mo neyyeng wona mo lefaseng. Jeso o šupetsiye gore o kwana le batho ka matla ka go ba tšhomayelela, go ba tšhutisa le go ba gelepa. Le ka letšatši lo ba mmolayyeng ka lona, Jeso o yye a tseya nako a hlapisa malata yage mawoto, a ma tšhutisa, a ma tiyisa a boya a ma kgomoletsa. (Joh. 13:12-15) Nakwela a le phateng ya mohlupego, Jeso o yye a tseya nako a gelepa sekgohlane sa gore ne se kgwa gore se be le tshepo, a boya a maka gore ba šale ba pasopa mmane wage. (Luk. 23:42, 43; Joh. 19:26, 27) Jeso aa fo šupetsa gore o kwana le batho nakwela a ba kgwela, mara ke mo a fo dula a ba makela tsa gabutši.

12. Jeso o re gelepa byang gana byalo?

¹² Nnete ke gore Jeso o kgwile ‘gore a nape a fetsa ka tso tsa go sinya go ya go yye,’ mara o ya mahlong a re makela dilo tsa go tlala. (Marom. 6:10) Ke dilo difeng? O ya mahlong a bereka gore a re neye dilo tsa go tlala tsa gabutši tsa gore re kgona go di kraya ka taba la gore ba re lepolliye. Bona tso a di makang gana byalo. O bereka go le Kgoši ya rune, Moprista ye Mogolo, le hlogo ya phutego. (1 Makor. 15:25; Maef. 5:23; Maheb. 2:17) O wokamela mmereko wa go kgobaketsa bo ba go tlotsiwa le ba mogoba wo mogolo, mmereko wa gore wo nyoko fela mo go soko fela motšhatšhamelo wo mogolo. b (Mat. 25:32; Mar. 13:27) Fote o ya mahlong a gelepa lelata la go tshepega gore le dule le re neya tso re di gayelang gore re thogo berekela Jehova re tshepega ka dinako tsowa tsa mafelelo. (Mat. 24:45) Fote mo a fetsa sekete sa mengwaga a kene a re lawola, o nyoko ya mahlong a re makela dilo. Ka nnete Jehova o re neyye Morwayi wage!

O SA TSOGE O LISETSIYE GO TŠHUTA

13. O ka maka byang gore o ye mahlong o tšhuta ka ka mokgo Jehova le Jeso ba re nyakang ka gona?

¹³ O ka ya mahlong o tšhuta ka ka mokgo Jehova le Jeso ba re nyakang ka gona mo o ka ghayela ka tso ba go makeleng tsona. Nakwenngwana mabeke ya mo go soko segela Segopotso le ka nthago ga hone, o ka bala Ebangedi ka yyoši kela tsa go feta mone. O sa liketse go bala ditema tsa go tlala ka nako ka yyoši. Mara, gata dibhriki ke mokane o liketse go kraya dilo tse dingwana tsa gore di nyoko go gelepa gore ke ntaba di nyaka o ye mahlong o kwana ka matla  le Jehova le Jeso. Liketsa ka matla go botsa ba bangwana tso o di tšhutiyeng.

14. Go fo ya ka mokgo Pisalema 119:97 yi hlayang, go nyakolla go ka re gelepa ka mokgo mang gore re ye mahlong re tšhuta ka taba ya go lepolliwa, le tse dingwana? (Lebelela le sethombhe.)

¹⁴ Mo nkare ke botala o le Hlatse, o ka fo ba o tiputsisa gore nje go sa na le dilo tsa nyuwane tsa gore o ka di tšhuta ka ditaba tsa go tshwana le ka mokgo Modimo a yahlulang ka gona, go nyakanana gage le taba ya go lepolliwa. Nnete ke gore go nyoko fo dula go na le dilo tsa nyuwane tso re ka di tšhutang ka dihlogotaba tsowa. Byalo di nyaka o make ying? Bala o boye o kenelele ga ditaba tso o nyoko di krayang ga dikgatiso tsa rune. Mo o kraya se sengwana ka Bhayibeleng sa gore nkare se ya go fahla, nyakolla. Ke mokane, mo bo kene bo sele, ghayela ka tso o di krayyeng le tso o di tšhutang ka Jehova, Morwayi wage le ka mokgo ba go nyakang ka gona.​—Bala Pisalema 119:97.

15. Ke ntaba di le gabutši gore re dule re nyaka go tšhuta dilo tsa nyuwane ka Bhayibeleng?

¹⁵ O sa kgongwele mo o sa kraye selo sa gore ne o sa se tšibi kela sa go jabodisa mo o tineya nako ya gore o bale, fote o nyakolle. Re ka go tshwanisa le motho wa gore o nyakana le gholdi. Ga go tlala, motho wa gore o nyakana le gholdi di nyaka a fetse diawara kela matšatši a nyakana nayo. Mara aa lahle tewu fote o fo ya mahlong a nyakela a kene a lefisiye pelo ka taba la gore setlopo se sengwana le se sengwana so a se krayang o se tseyela gedimo ka matla le mo go ka fo ba fo le se senyana. Dilo tso o di krayang ka Bhayibleng di phala gholdi kgole! (Pis. 119:127; Diy. 8:10) Byalo, lefisa pelo fote o ngangarele letheto lago la go bala Bhayibele.​—Pis. 1:2.

16. Ga Jehova le Jeso re ka ba yekisela byang?

¹⁶ Mo o kene o tšhuta, nagana ka ka mokgo o ka berekelang ke tso o di tšhutang. Mo re beyisa, yekisela Jehova ka go tshwara ba bangwana gabutši. Yekisela ka mokgo Jeso ne a nyaka Papage le ba bangwana ka go tikemisela go maka tso Jehova a di nyakang, fote o gelepe ba bangwana le mo nkare a di lula ka dinako tse dingwana. Yekisela Jeso ka go tšhomayelela ba bangwana gore le bona ba thulegele ke lešuba la go tšiba ka dilo tsa gabutši tso Jehova ne a kene a di makela batho, fote ba šupetse gore ba leboga go lepolliwa.

17. Re nyoko bolabola ka ying ga hlogotaba ya go latela?

¹⁷ Mo re dula re tšhuta ka taba ya go lepolliwa, ga Jehova le Jeso re nyoko ba nyaka la go sa hlayisege. Ka taba la gore re ko ba re ba nyaka ka matla, le bona ba nyoko re nyaka stereka. (Joh. 14:21; Jak. 4:8) Ariye mahlong o berekisa se sengwana le se sengwana so Jehova a re neyang sona gore o dule o tšhuta ka taba ya go lepolliwa. Ga hlogotaba ya go latela, re nyoko tšhuta ka dilo tsa gabutši tso re nang natso ka taba la gore Jeso o re kwele, le gore re ka šupetsa byang gore re leboga taba ya gore Jehova o re nyaka ka matla.