1. Re ka berekisana byang le Jehova?

YEWA wa gore o re makiye o di bonne botala tsa gore batho ba gore ba yenele mmeleng ke mo ba ka di kgona go berekisana naye gabutši gore ba thogo segelela tso a di nyakang. Le mo batho ba sa felegelela gana byalo, ba sa le gona batho ba go tshepega ba gore ba ka berekisana le Jehova ka moka matšatši. Mo re beyisa, re ba “dibereki ggoši le Modimo” mo re tšhomayela ditaba tsa go bafala tsa Mmušo wage le mo re tšhutisa batho gore ba be malata. (1 Makor. 3:5-9) Di jabodisa ka matla gore re berekisana le papa wa matšhika ye a makiyeng dilo ka mokana ga tsona ku legedimong le howa lefaseng! Ke nnete gore go tšhomayela le go maka batho gore go be malata a yi tsona di le ntoši tso di makang gore re berekisane le Jehova. Ga hlogotaba yowa re nyoko bona gore tsotsone re ka di maka byang—mo re gelepa ba mitšing ya rune le magageru ka ho phutegong, mo re tlela ke divakaši, mo re tšhela letsogo ga mmereko wa Mmušo le mo re yeketsa mmereko wo mongwana re sa tšhofe ke motho.—Makol. 3:23.

2. Ke ntaba di se gabutši gore o tshwanise tso wene o kgonang go di makela Jehova le tso di kgonang ke ba bangwana?

² Mo re kene re bolabola ka taba yowa, o sa tshwanisi tso wene o kgonang go di makela Jehova le tso di kgonang ke ba bangwana. O sa lebale gore a re lekane ka mengwaga, a re ya phelega go tshwana, seyemo a se tshwane fote a re kgone dilo tsa go tshwana le tsa batho ba  bangwana. Pawulo wa lepostola o ngwadiye gore: “Ye mongwana le ye mongwana a nyakolle tso a di makang, ke mokane o ko thogo ba le so se jabodisang yene mong, a sa titshwanisi le motho ye mongwana.”—Magal. 6:4.

3. Ke ntaba go hlayiwa gore motho ye a pasopang mutši wa gabo o berekisana le Modimo?

³ Jehova o nyaka gore malata yage ma pasope mitši ya wona. Mo re beyisa, go gongwana di ka nyaka gore o kraye matogo gore o thogo pasopa ba genu. Bo mmane ba go tlala ba šala gaye le dibanenyana tsa ba bona. Bana ba bangwana ba gore ba šele ba golagudiye di ka fo nyaka gore ba pasope babelegi ba bona ba gore ba šele ba tsofele. Dilo tsone di tshwanele go makiwa. Lentsu la Modimo le re: ‘Mo motho a sa pasope ba gabo, ka matlamatla bo go leng ba mutši wage, o ganana le so a se dumelang fote o feta kgole ke motho wa gore aa na tumelo.’ (1 Thim. 5:8) Mo tsa mohlobo wonone di go lebanne, a di šupi o ka ba le nako ya go tlala ya go maka tsa go yelana le Mmušo wa Modimo, le mo o ka fo ba o di nabela. Mara o sa hlopege! Jehova wa jabola mo o pasopa mutši wago.—1 Makor. 10:31.

4. Babelegi ba ka maka byang gore tsa Mmušo di be mahlong ga tso di nyakang ke bona, fote maphomela go ka ba mafeng?

⁴ Batswadi ba Makreste ba gore ba botsa bana ba bona gore ba yetise tsa mmušo wa Modimo mahlong, ba berekisana le Jehova. Ba go tlala bo ba yyeng ba maka ka mokgonone ba yye ba bona barwayi le barwediya ba bona ba kena ga mmereko wa nako ka moka ba berekela kgole le gaye. Ba bangwana ke barumiwa, ba bangwana ba phayona mo go gayelang dihlatse, ke mokane ba bangwana ba berekela Bhethele. Go ba kgole le kgole di ra gore batho ba mutši wone ba ka sa sa di kgona go bonana thina le thina. Mara babelegi ba gore ba tikona tsa go tlala ba hlohletsela bana ba bona gore ba ngangarele mmerekong wone wa bona. Ke ntaba? Ba jabola ka matla fote ba tikwa ba yenele mo ba bona bana ba bona ba yetisa tsa Mmušo mahlong. (3 Joh. 4) Nakwenngwana babelegi bowa ba go tlala ba tikwa go fo tshwana le Hanna, wa gore o yitseri o “kadimme” Jehova morwayi wage ye bareng ke Samuwele. Babelegi bowa ba jabola ka matla mo ba tipona ba berekisana le Modimo ka mokgonone. A ba sa nyaka tsa go tlala.—1 Sam. 1:28.

5. O ka maka byang gore o thogo gelepa magageru ka ho phutegong? (Lebelela sethombhe sa ku mathomisong.)

⁵ Mo nkare wene a o tleme ke selo gore o pasope ye mongwana, ke ntaba o sa gelepe magageru ka ho phutegong ba gore ba pasopiye magagabo bona ya go tsofala, ba go tilwalela kela ba go nyaka go gelepiwa ka tse dingwana? Ke ntaba o sa lebelele hone phutegong ya lune gore o ka gelepa mang? Nakwenngwana wene o ka šala le mmane kela papa wa mogageru ye mongwana wa Mokreste wa gore ke yene a mo pasopang, mo yene a sa yye ga go ya. Kela o ka gelepa ba gore a ba na sa go kalama mo ba ya mogahlanong, mo ba nyaka go ye reka dilo, go ba makela sela le sela kela go ba yisa sepetlele ba ye tsosela ye mongwana. Mo o maka tsotsone, o ka fo ba o berekisana le Jehova gore a fetole thapelo ya mogageru yenene.—Bala 1 Makorente 10:24.

6. Di nyaka re make ying tse dingwana go šupetsa gore re yamogela divakaši?

⁶ Batho ba gore ba berekisana le Modimo ba tšibega ka gore ba yamogela divakaši. Ga Mangwalo ya Sekreste ya Segerika, go berekisiwwe lentsu la ‘go yamogelana’ la gore le rela “go ba le pelo ye butši ga batho ba gore a o ba tšibi.” (Maheb. 13:2) Lentsu la Modimo le bolabola ka dilo tso di re tšhutisang go nyakanana ka mokgonone. (Gen. 18:1-5) Re ka di kgona fote di nyaka re berekise lešuba lo le ka fo nyarelang gore re thogo gelepa batho re sa šepisi, le mo ba ‘le tumelong ka yyoši le rune’ kela re sa ba tšibi.—Magal. 6:10.

7. Ke ntaba o ko ba o maka gabutši mo o ka fo thomisa go yamogela divakaši tsa gore di berekela Modimo nako ka moka?

 ⁷ Nje o ka šupetsa gore o berekisana le Modimo, wa re mo go vakaša magageru ba gore ba kenne ga mmereko wa nako ka moka, wa ba yamogela? (Bala 3 Johane 5, 8.) Ga go tlala mo re maka tsotsone, re thogo “tiyisana.” (Maroma 1:11, 12) Nagana ka taba ya Olaf. O re ga phutego ya gabo, mengwagangwaga ya go fela, ke mo go se na le ka wweši ye a nabelang go yamogela mopotulugi, wa gore ke mo a se na mosadi. Olaf ke mo go sa le ye monyana, mara o yye a kgopela babelegi bage ba gore a yi Dihlatse gore mopotulugi a tle a dule nabo. Ba yye ba dumela mara ba re Olaf o nyoko yetsela sofeng. Taba yone ke mo yi sa mo hlope le ka gonyana. Olaf mo a gopola o re: “Beke yone yi natefiye ka matla! Ka moka matšatši nna le mopotulugi ke mo re tsoga go sa le ka bošego, mo re kene re ja ke mo re bolabola ka ditaba tsa go tlala tsa go jabodisa. Tso a yyeng a mpotsa tsona di yye tsa nnabetsa mmereko wa nako ka moka.” Olaf o šele a fetsiye 40 ya mongwaga a bereka go le moromiwa ga dipoleke tsa mohlobohlobo.

8. Ke ntaba di nyaka re sa lesetse go tshwara batho gabutši le mo ba ka fo sa re jabolele mathomisong? Šupetsa ka taba yo yi leng howa.

⁸ Le batho bo o sa ba tšibing o ka ba šupetsa gore o kwana nabo, le mo ba ka fo thomisa ba šupa nkare yago a ba yi kene. Tla re beyise ka taba ke yowa. Motšhomayedi ye mongwana wa ku Spain o yye a re mo a kene a tšhutisa motho Baebele, a di bona gore motho ye a mmalelang ye ba reng ke Yesica, wa go tšwa Ecuador, o fo yela dinepedi. Motšhomayedi yewa o yye a mmutsisa gore go ro maka byang. Yesica o re mo a tl’le rorela polekeng yone, ke mo a hlopega ka matla la gore letšatši le lengwana o yye a yetsela a sa ja. O re o yye a fo neya morwediya wage mong meetši. Yesica o yye a kobakobetsa ngwanage gore a šinye a yetsele a kene a rapela a kgopela go gelepiwa. Ka nthago ga hone, Dihlatse ka dipedi di yye tsa mo vakašela, mara Yesica a di wubelanya a boya a ro tlerolanya le puku yo ba mo neyyeng yona. O yye a ba butsisa gore, “Ke tsona tsa go ja tso le nyakang ke di neya morwediya waka tsotso?” Magageru ma leketsiye go mo kgomoletsa, ba šinya ba bona gore a di make. Ka nthagonyana, ba yye ba boya ba tshwere mmantši wa tsa go ja, ba wo šiya monyako wa ntlo yage. Yesica di yye tsa mo tikisa pelo ka matla tsotsone a šala a tšebiye ka matla gore o yye a ba kgwasolanya mo Modimo a leketsa go fetola thapelo yage ka bona. Mara gana byalo ke mo a di nyaka ka matla go berekela Jehova. Lebelela gore go ba le pelo ye butši go mo leyele ying!—Mmo. 11:1, 6.

9, 10. (a) Ke mo go rorebeng ka ho Baebeleng ho go šinya go nyakiwa batho ba go berekela Modimo ka go di nyaka? (b) Banna bo ba berekelang phutego lekgono ba bereka mebereko ya mohlobo mang ga go tlala?

⁹ Ku ga Isirayele ya botala, ke mo go fela go nyakega batho ba go bereka ka go di nyaka. (Ek. 36:2; 1 Dikor. 29:5; Neh. 11:2) Lekgono go na le mašuba ya go tlala ya gore o ka thogo gelepa magageru ka go berekisa nako yago, dilo tso o nang natso, le tso o di kgonang. Mo o maka ka mokgonone, o nyoko jabola tsa mannete fote wa rufiwa ka matla.

¹⁰ Lentsu la Modimo le re banna ka ho phutegong ba berekisane le Jehova ka go leketsa go segelela go ba se sengwana ka ho phutegong. (1 Thim. 3:1, 8, 9; 1 Pet. 5:2, 3) Bo ba makang tsotsone ba gelepa ba bangwana ka tsa lephelo le gore ba tlalele ga tso tsa Modimo. (Meber. 6:1-4) Ayitsano bagolo ba yye ba go butsisa gore o ka sa nabele go gelepa ka go ba moliti kela go bereka ka dipuku, tsa tšhomo, tsa go pasopa holo, kela tse dingwana? Bo ba berekang mebereko ya go tshwana le yonone ba ko go botseng gore a yi go natefa ga tsona.

11. Senghana so mogageru ye mongwana wa mosadi a se makiyeng mo go kene go makiwa mmereko wa go yaga se mo gelepiye ka ying?

¹¹ Ga go tlala bo ba berekang mmereko wa  Modimo ka go di nyaka ba tikrayela banghana. Nagana ka mogageru ye mongwana ye ba reng ke Margie, ye a berekiyeng 18 ya mengwaga ga tso tsa go yaga Diholo tsa Mmušo. O tsere mengwaga ya go tlala a kene a tšhutisa magageru ya basadi ya go sa leng mathari. O bonne tsotsone di le gabutši ka matla gore ba thogo tiyisana gore ba tlalele ga tso tsa Modimo. (Maroma 1:12) Mo Margie a kene a phika ke tsa lephelo, ke mo a tiyisa ke banghana bage bo ke mo a bereka nabo ga tsa go yaga diholo. Ayitsano wene o yye wa bereka go yaga diholo? Nje le wene o ka sa leketse go tšhela letsogo, le mo o ka fo ba o tšiba mmereko kela o sa wo tšibi?

12. Bo ba tleleng ke tsa go baba o ka ba gelepa byang?

¹² Mo go nyarela tsa go baba, batho ba Modimo ba ka šupetsa gore ba berekisana le Modimo mo ba gelepa magageru. Mo re beyisa, ba gelepa bo ba leng ka teng ga mathata wone ka tšheleta. (Joh. 13:34, 35; Meber. 11:27- 30) Se sengwana yi ka fo ba go ba gelepa ka go tsosetsela dintlo tsa bona kela go yedisa ga gore go thilafele. Ntlo ya mogageru wa mosadi wa go tšwa Poland ye ba reng ke Gabriela yi yye ya rwala ke pula ya mogogola, o yye a jabola ka matla mo a bona magageru ya go tšwa ga diphutego tsa thina ma tl’le mo gelepeng. O yitseri: “A ke nyake go bolabola ka tso ke yyeng ka di loba—tsone go fo ba dilo tsa go sa yisi motho kaye. Mara, ke fo nyaka go le lekisa ka gonyana tso ke di krayyeng. Sowa se makiye gore ke di bone gabutši gore go ba ka ho phutegong ya Sekreste go jabodisa ka matla.” Ba go tlala bo ba yyeng ba gelepiwa mo ba tlele ke tsa go baba ba re ba kwa ba tsifiye ka tso ba di bonneng. Le bo ba berekisanang le Jehova go gelepa ba bangwana ka mokgonone, ba tikwa ba sa gayele selo.—Bala Mebereko 20:35; 2 Makorente 9:6, 7.

13. Go maka mmereko wa Mmušo re sa tšhofiwi go ka se tiyisa byang senghana sa rune le Jehova? Beyisa ka tso di hlayiwweng howa.

¹³ Mogageru ye ba reng ke Stephanie le batšhomayedi ba bangwana ba yye ba jabola ka matla mo ba berekisana le Modimo ka go gelepa Dihlatse tso ke mo di segele United States di tšwa di tšhaba. Ba yye ba gelepa batho bone ba go tšwa ga dinaga tsa gore ke mo di sinnye ke dintwa gore ba kraye ga go dula le go lukisa mitši ya bona. Stephanie o re: “Re yye ra jabola ka matla mo re bona ba jabodiye fote ba leboga  dilo tsowa tsa go šupetsa gore rune magagabo bona ya lefaseng ka mokana ga lona re ba nyaka ka matla. Ba mitši yowa ba tseya gore rune re ba gelepiye, mara gabutšibutši, bona ba gelepiye rune ka matla.” O tokegela tse dingwana gana hone o re: “Re di bonne gore ba kwana ka matla, ba mamarelanne, ba na le tumelo fote ba tshepela ga Jehova, tsotsone di napiye di maka gore re mo nyake ka matla ga Jehova, ra leboga ka matla dilo ka mokana ga tsona tso a re neyang tsona ka mokgahlo wage.”

14, 15. (a) Moporofeta Jesaya ke mo a na le moya wa mošaga mang? (b) Batšhomayedi lekgono ba ka mo yekisela byang ga Jesaya?

¹⁴ Ayitsano wa di nyaka go berekisana le Jehova ka matla? Nje o ka di jabolela go rora, o ye tšhomayela mo go gayelang ba go bereka ka ho mokgahlong wage? Ke nnete gore a di nape di ro nyaka gore malata ya Modimo ma šupetse gore ma na le pelo ye butši ka go ye berekela kgole le gaye. Mara seyemo sa magageru ya mangwana ya banna le ya basadi se ya dumela gore ba rore. Ba fo tshwana le moporofeta Jesaya. Mo a fetola putsiso ya Jehova ya gore, “Nko roma mang, re ko yela ke mang?” O yitseri mo a fetola: “Ke nna yewa! Nrome!” (Jes. 6:8) Ayitsano wa nabela gore mo seyemo se dumela, le wene o fetole ka mokgonone mo go nyakega tse dingwana ga tso tsa Modimo? Go gayela kaye?

¹⁵ Mo ga taba ya go tšhomayela le go tšhutisa batho, Jeso o yitseri: “Mašemo ke ya magolo, mara go gayela dibereki. Byalo, kgopelaneng mong wa mašemo gore a romele dibereki di tl’le buneng ho gage.” (Mat. 9:37, 38) Ayitsano o ka ye tšhomayela mo go gayelang Dihlatse, nakwenngwana o phayona gona? Kela o ka gelepa ye mongwana go maka tsotsone? Magageru ya go tlala ma kwa nkare re ko ba re šupetsa gore ga Modimo le bayagelani re ba nyaka ka matla mo re ka fo phayona ga dipoleke kela ditšhomo tsa gore go gayela dihlatse fote go nyakega tsa go tlala. Ayitsano di gona tso o ka di makang gore o yeketse mmereko wo o wo makelang Modimo? O nyoko jabola ka matla mo o maka tsotsone.

16, 17. Go thulega mašuba ya mošaga mang mo o kene o ya mahlong o berekela Jehova?

¹⁶ O ka di jabolela mara tsa gore le wene o berekele Bethele kela o gelepe ho go yagiwa se sengwana sa go yelana le Mmušo, kela o bereka mmereko wa sekopa gana hone kela go fo fela o ya we gelepeng? Batho bo ba ka berekelang Jehova ba nyakiwa ka moka nako go gongwana le go gongwana ho ba yisiwang gona le ga se sengwana le se sengwana so ba se makang. Di ka nyaka gore ba bereke ga tšhomo ya gore go gayela Dihlatse, le mo ba ka fo ba ba tšiba go maka mmereko wo mongwana. Mara Jehova wa ngwalangwala mo a bona batho ba mmerekela ka go di nyaka, ba boya ba ro rorela le ga dipoleke tsa gore go gayela dihlatse.—Pis. 110:3.

¹⁷ Nje a wo nabele go tšhutisiwa gore mmereko wo ba go neyyeng wona o tle o wo make gabutši? Mo go le ka mokgonone, di ra gore le wene o ka ya ga Sekolo sa Batšhomayedi ba Mmušo. Sekolo sowa se tšhutisa banna le basadi bo ba tlaleleng ka matla ga tso tsa Modimo ba gore ba bereka mmereko wa nako ka moka gore ba thogo ya mahlong ka mmereko wa Mmušo. Bo ba kgopelang go ya ga sekolo sowa di nyaka ba di tšibe gore mo ba fetsa, ba ka fo ba romela go gongwana le go gongwana. Ayitsano o ka jabolela go kenela mmereko wowa wa go bereka nako ka moka?—1 Makor. 9:23.

18. O nyoko kraya ying mo o berekisana le Jehova ka moka matšatši?

¹⁸ Ke rune batho ba Jehova, byalo re kwa re nabela go neyana—go tshwara batho gabutši, go ba le pelo ye butši le go nyaka ba bangwana—le go hlopega ka batho ba bangwana ka moka matšatši. Mo re maka tsotsone, re nyoko dula re bebiye fote re jabodiye tsa mannete. (Magal. 5:22, 23) Le mo seyemo sago go ka ba go le sa mošaga mang, o nyoko jabola mo o kopisela ka mokgo Jehova a sa konaneng ka gona fote o tseyela hlogong taba yowa ya gore o berekisana naye!—Diy. 3:9, 10.