1, 2. Ka mongwaga wowa wa 2018, mogahlano wo o nyoko makang gore batho ba be selo ka ssoši ke wofeng, fote ke ntaba go le ka mokg’onone? (Lebelela sethombhe sa ka mo kgakala.)

MO LETŠATŠI le šele le dikele ka di-31 tsa March 2018, batho ba Modimo le ba bangwana ba go tlala bo ba kwanang le ditaba tsa Modimo ba nyoko ba ba le Segopotsong sa Likgu la Morena sa mongwaga wo mongwana le wo mongwana. Bo ba nyoko bang ba gahlanne Segopotsong sa likgu la Kreste lefaseng ka moka ba segela ga dimiliyone. Mongwag’o mongwana le wo mongwana, mogahlano wa mohlobo wowa ke wona fela mo lefaseng wo makang gore batho ba mohlobohlobo ba gahlane ba make selo ka ssoši!

² Re ka fo nagana ka mokg’o Jehova le Jeso ba jabolang ka gona mo ba bona dimiliyone tsa batho mo lefaseng ba kene ba bilukana awara ye nngwana le ye nngwana le šinya le dikela ba ya segopotsong sowa. Baebele yi bolabodiye botala gore “mogoba wo mogolo wa batho, bo go se nang motho ye [a ka] kgonang go ba balela, ba go tšwa ga ditšhaba ka moka le ditšo le mehlobo le mebolabolo” ba nyoko yahlamela ba re: “Phološo yi tšwa ga Modimo wa rune, wa gore o setulong  sa bogoši, le ga Senkunyana.” (Kut. 7:9, 10) Segopotso se thanaka Jehova le Jeso, mo re kene re maka Segopotso sowa mongwaga wo mongwana le wo mongwana, sosone se jabodisa byang!

3. Ke difeng diputsiso tso di nyoko fetodiwang ga hlogotaba yowa?

³ Go na le diputsiso tso di nyoko fetodiwang mo ga hlogotaba yowa. (1) Rune beng re ka maka byang go šupetsa gore Segopotso sowa re se yemele le gore re thušege ga sona? (2) Ke ka mokg’o mang Segopotso se makang gore batho ba Modimo ba be selo ka ssoši? (3) Rune beng re ka rotetsa byang mollo wowa wa go ba selo ka seteya gore o nape o dura? (4) Ayitsano re ka tsoga re itseri Segopotso a se sa šiyo? Mo nkare go sone, se nyoko fela leng?

4. Ke ntaba re sa tshwanela go fo šitegašitega go tla Segopotsong?

⁴ Tiputsise gore ke ntaba o tshwanele go tla Segopotsong. O sa lebale gore mogahlanong wa rune re yela go rapela Modimo. Mongwaga wo mongwana le wo mongwana Jehova le Jeso ba kene ba lebelele gore ke bomang bo ba leketsang go ya mogahlanong wo wo mogolo. Re nyaka gore ba di bone gore le mo go ka teya leduma la mošaga mang, re nyoko tla Segopotsong, re ka šitega mo re tshwaraganne ka bolwele kela go na le tso di ro napang di re tlema. Mo re šupetsa gore megahlano yo ya rune a re bone nkare ke dilo tsa go kgana, re maka gore Jehova a nape a kgahlisela mabitso ya rune ka teng ga “puku ya segopotso”—“puku ya lephelo”—mo mabitso ya bo a nyoko ba neyang lephelo la go ya go yye a ma ngwadiyeng gona ka go kokobetsa.—Mal. 3:16; Kut. 20:15.

5. Mo Segopotso se kene se šutela, re ka ‘tekatekisa tumelo ya rune byang gore re bone gore re sa yi tshwere’?

⁵ Mo Segopotso se kene se šutela, re ka fo tipeyela nako rune beng ya go rapela re ntoši ke mokane ra tiputsisa gore, mpakakgonthe ke tiyelele ka mo ga tso tsa Jehova. (Bala 2 Makorente 13:5.) Re ka di makisa go reng? Ka ‘go tekatekisa tumelo ya rune gore re bone gore re sa yi tshwere.’ Re ka thomisa ka go tiputsisa gore: ‘Ayitsano ke ya tshepa gore le nna ke ya badiwa ga mokgahlo wo wa gore o berekisa ke Modimo gore a segelele tso a di nyakang? Nje ke leketsa ka matla gore le nna ke tšhomayele fote ke tšhutise batho ditaba tso tsa go bafala tsa mmušo wa Modimo? Nje tso ke makang tsona a di šupetse nkare ke lebele gore lefase le thina le go fela le gore go se botala go nyoko fela ka Sathane? Ayitsano Jehova le Jeso ke sa ba tshepa ka matla go tshwana le mo ke sa tšwa go tineyela ga Jehova Modimo?’ (Mat. 24:14; 2 Thim. 3:1; Maheb. 3:14) Mo re ka fo ghayela ka diphetolo tsa dipotsiso tsowa, re nyoko tšiba gabutši gore re yemme kaye.

6. (a) Tsela yi ntoši yo yi bakiyeng lephelong la go ya go yye ke yefeng? (b) Mogolo ye mongwana o maka ying mo a kene a yemele Segopotso, byalo wene o ka mo yekisela byang?

⁶ Bala o boye o naganisise ka Mangwalo ya ma bolabolang ka gore Segopotso se ra gore king. (Bala Johane 3:16; 17:3.) Go ‘tšiba” Jehova le go “dumela” ga Morwayi wage ka wweši Jeso, ke tsela ya gona yi ntoši yo yi bakiyeng lephelong la go ya go yye. Go šupetsa gore o yemele Segopotso, ke ntaba o sa bale ka ditaba tso di nyoko go šutetsang thina ga Jehova le Jeso? Bona gore mogolo ye mongwana o yye a maka ying. O yye a kgobaketsa Diwokamelo tso di bolabolang ka gore Jehova le Jeso ba šupetsiye ka mongwagangwaga gore ba re nyaka ka matla. Ke mokane mo Segopotso se šutela, o boyelela dihlogotaba tsone gore di mo šupetse gore ka nnete go gopola taba yo go nyakega ka matla. O fela a yeketsa dihlogotaba tsone ka tse dingwana mo a di kraya. Mogolo yewa o di bonne gore go bala ditaba tsowa gatleletlele le go bala ditemanyana tsa Baebele tso di bolabolang ka Segopotso a boya a ghayela ka tsona, o tšhuta dilo tsa nyuwane mongwaga le mongwaga. Sa go feta sowa ke gore o kwa a le thina ka matla le Jehova le Jeso mongwaga wo mongwana le wo mongwana. Le wene o ka mo yekisela gore o kwe o le thina ka matla le Jehova le Jeso,  fote le Segopotso se nyoko tla se go thuša ka matla.

7. (a) Jeso o yye a rapelela ying bošegong bya mathomothomo bya Selalelo sa Morena? (b) Ke ying so se šupetsang gore Jehova o fetodiye thapelo ya Jeso?

⁷ Bošegong bya Selalelo sa Morena sa mathomo, Jeso o yye a rapelela bo ba mo šalang morago gore ba be selo ka ssoši, go fo tshwana le mo yene le Papage ba le selo ka ssoši. (Bala Johane 17:20, 21.) Nnete Jehova o yye a fetola thapelo yone ya Morwayi wage, fote dimiliyone tsa batho lekgono baa tshepa gore Jeso ke mo a romele ke Jehova. Le mo batho ba Modimo ba tshwara megahlano ye mengwana, mara mogahlano wo wa Segopotso ke wona wo napang wo ro šupetsa gore Dihlatse tsa Jehova di mamarelanne. Lefaseng ka moka batho ba mohlobohlobo ba ba le mo ba gahlanelang gona. Dipolekeng tse dingwana, mo batho ba mešagašaga ba tshwere megahlano ya go tshwana le yo ya sedumedi, batho ba bangwana ba yi tseyela fase, ba bangwana a ba yi tšibi. Mara ga Jehova le Jeso, go mamarelana ka mokg’onone ke selo se sebutši ka matla!

8. Mo Jehova a bolabola ka taba ya go ba selo ka ssoši, o yye a neya Hesekiyele molayetsa wofeng?

⁸ Rune batho ba Jehova, a di re makatse mo re le selo ka ssoši. Ke botala Jehova a bolabodiye gore tsotsone di nyoko makega. Bona so Jehova a se butsiyeng moporofeta Hesekiyele ka go mamaretsana ga mapara ka mabedi, lepara “la Juda” le lepara “la Josefa.” (Bala Hesekiyele 37:15-17.) Hlogotaba ya gore: “Diputsiso ta go Tšwa ga bo ba Badiyeng” yo yi leng ga Sewokamelo sa July 2016 yi itseri: “Jehova o butsiye Hesekiyele molayetsa wa go tshepisa Maisirayele gore mo ba boyela nageng yela a ba tshepisiyeng yona, ba nyoko boyela ba mamarelana, ba ba selo ka seteya. Molayetsa wowa fote o bolabodiye botala gore batho ba Modimo ba nyoko ba selo ka ssoši ka dinako tso tsa mafelelo.”

9. Re bona ka ying ga Segopotso sa mongwaga wo mongwana le wo mongwana gore tso Hesekiyele a di bolabodiyeng botala di ya makega?

⁹ Go tlugisela ka mongwaga wa 1919 go ya mahlong, Jehova o yye a thomisa ka gonyana a kene a lukisa bo ba tlotsiwweng a boya a ba gahlanisa, batlotsiwa bo ba tshwantshiwa le lepara “la Juda.” Ke mokane, mo bo ba nang le tshepo ya gore ba nyoko phela ho lefaseng—ba gore ba tshwantshiwa le lepara “la Josefa”—ba kene ba hlakana le bo ba tlotsiwweng, megoba yo ka mmedi go ba “morape ka wwoši.” (Joh. 10:16; Zak. 8:23) Jehova o tshepisiye go gahlanisa mapara ya ka mabedi ga wona gore go be lepara ka lloši ka letsogong lage. (Hes. 37:19) Gana byalo megoba yo ka mmedi yi bereka yi le selo ka ssoši ka tlase ga Kgoši ka yyoši—Jeso Kreste wa go phala dikgoši ka moka, ye go bolabodiwweng ka yene botala gore ke “Dafita molata” wa Modimo. (Hes. 37:24, 25) So se bolabodiwang ga Hesekiyele ka taba yo ya go ba selo ka ssoši, se bonala gabutši mongwaga wo mongwana le wo mongwana mo bo ba leng gana ho lefaseng ba go tlotsiwa le “dinku tse dingwana” ba gahlana gore ba tshware Segopotso sa likgu la Kreste! Byalo rune beng re ka rotetsa byang mollo wowa wa go ba selo ka seteya gore o nape o dura?

10. Re ka maka byang gore batho ba Modimo ba dule ba mamarelanne?

¹⁰ Tsela ya mathomothomo yo rune batho ba Modimo re ka rotetsang mollo wa go ba selo ka seteya ke mo re tinyanafatsa. Nakwela Jeso a le ho lefaseng, o tšhutisiye bo ba mo latelelang gore ba tinyanafatse. (Mat. 23:12) Mo re tinyanafatsa ka dipelo tsa rune ka moka, re ka sa be le moya wa go tipona wa lefase lowa. Go tinyanafatsa ga rune go nyoko re gelepa gore re theetsele bo ba re yetiyeng ka ku mahlong, fote go ba theetsela go maka gore re be ngata ka yyoši ka mo phutegong. Se segolo ka matla ke gore mo re tinyanafatsa, re jabodisa Modimo ka gore “ba go ba le magetla aa kwane nabo,  mara o tshwarana gabutši le bo ba tipeyang fase.”—1 Pet. 5:5.

11. Ke ntaba re re mo re tiputsisa gore sekgwa le wayene tsa ku Segopotsong di ra gore king re nyoko ba re rotetsa mollo wa go ba ngata ka yyoši?

¹¹ Tsela ya bobedi ya gore re dule re le selo ka ssoši ke mo re ka tiputsisa gore sekgwa le wayene tsa ku Segopotsong di ra gore king. Mo Segopotso se kene se šutela—ka matlamatla ka letšatši la sona—naganisisa ka sekgwa sa gore a se na dikomelo le ka wayene ye khubedu. (1 Makor. 11:23-25) Sekgwa sowa ke setšha go le mmele wa Jeso wa gore o felegelele, ke mokane wayene ke setšha go le madi yage ya ma falatsiwweng. Mara di nyaka re ro napa re tšiba gabutši gore dilo tso di ra gore king. O sa lebale gore sehlabelo sa Kreste sa go re lepolla se šupetsiye ka mehlobo ka mmedi gore re nyakiwa ka matla—Jehova o šupetsiye gore wa re nyaka ka go re neya Morwayi wage, fote le Jeso o šupetsiye gore o re nyaka ka matla mo a re kgwela ka go di nyaka. Go šupetsa gore re ya ba leboga, le rune re tshwantse re ba rate. Ka mokg’o re ratang Jehova le magagabo rune ka phutegong go fo tshwana le mo nkare kela re tantele ke thapo ya lerala ya gore a yi fo lla go thasoga.

12. Jeso o hlatodiye byang taba ya gore Jehova o nyaka re tshwarela ba bangwana a tshwanisa ka kgoši yela ya go kolotiwa?

¹² Tsela ya boraro ya gore re dule re le selo ka ssoši ke mo re ka tshwarelana ka dipelo ka moka. Mo re tshwarela bo ba re sinyeleng, re šupetsa gore le rune re leboga mo Modimo a re tshwarele ka go roma Kreste gore a tle a re kgwele. Lebelela mo Jeso a beyisa taba yowa ga Matewu 18:23-34. Tiputsise gore: ‘Ayitsano tso Jeso a di tšhutisiyeng ke ya di maka? Nje ke ya ba kwisisa banaberu ka ho phutegong fote ke ba lefisela pelo? Bo ba mmakelang phošo ke ya ba tshwarela nje?’ Ke nnete gore diphošo di ya šiyana, fote a di lola ga rune batho ba go sa yenela mmeleng gore re fo re motho re mo tshwarele. Mara taba yo yi re tšhutisa gore re make so Jehova a reng re se make, re sa fore re ya šitega. (Bala Matewu 18:35.) Jeso o yi beyye gabutši mo a re mo re sa tshwarele banaberu ka mo phutegong, Jehova le yene a ka sa re tshwarele. Re ko di kweng! Mo re tshwarela ba bangwana, ka mokg’o Jeso a re tšhutisiyeng ka gona, go ba ngata ga rune go ka sa šehle.

13. Mo re šupetsa gore tsa go gwapanana a re kwane natso, sosone se gelepa byang gore re dule re mamarelanne?

 ¹³ Mo re tshwarela ba bangwana, re šupetsa gore tsa go gwapanana a re kwane natso. Gopola gore mopostola Pawulo o itseri “re garagare gore ngata ya rune ya moya yi dule yi swinegiye, re mamarelanne ka khutšo.” (Maef. 4:3) Ka dikgwedi tso tsa Segopotso, ka matlamatla ka malobana wa letšatši la gona, tiputsise o sa fetse gore wene o tshwara batho byang. Tiputsise gore: ‘Nje ke ya bonala gore a yi nna mohlobo wola wa go tshwara batho ka pelo? Nje batho ba ntšiba ke le motho wa go lwela go dula a bebiye le go nyaka go ba selo ka seteya?’ Tso ke diputsiso tso re tshwaneleng go ghayela ka tsona ka dinako tsowa tsa Segopotso.

14. Re ka šupetsa byang gore re “tiyisele mo re kene re tshwaranne ka leratano”?

¹⁴ Tsela ya bone ya gore re dule re le selo ka ssoši ke mo re ratanana ka mokg’o Jehova a re ratang ka gona, yene Modimo wa lerato. (1 Joh. 4:8) Re ko ba re sa make tsona mo re bolabola ka magagabo rune bo re gahlanelang nabo re re, “Nko fo mo rata ka gore nko maka byang, mara nna aa njabodisi”! Go nagana tsotsone a go sipidisane le tso Pawulo a di bolabodiyeng mo a re re tshwanele re “tiyisele mo re kene re tshwaranne ka leratano.” (Maef. 4:2) Nje o di bonne gore aa fore re ‘tiyisele mo re kene re tshwaranne?’ O re re make sone “ka leratano.” Dilo tso a di tshwane. Ka diphutegong tsa rune go na le batho ba mohlobohlobo bo ba gogiyeng ke Jehova ka boyenemong. (Joh. 6:44) Ka gore ba gogiye ke Jehova ka boyenemong, di ra gore wa ba rata. Byalo, nje mo motho a phakga ba bangwana bo re gahlanelang nabo nkare ke ditšiya tsa ditoto, o maka tsona? Re sa kganye ka lerato lo Jehova a yitsereng re le šupetse batho!—1 Joh. 4:20, 21.

15. Re di kwele kaye tsa gore tšatši le lengwana re nyoko ba le Segopotso sa mafelelofelelo?

¹⁵ Tšatši le lengwana, re nyoko ba le Segopotso sa mafelelofelelo. Re di kwele kaye tsotsone? Pawulo o ngwalele Makorente lengwalo la mathomo, ka matlamatla a bolabola le bo ba go tlotsiwa, a re mongwaga wo mongwana le wo mongwana mo ba gopola likgu la Jeso, ba ‘ya mahlong ba sabalatsa ditaba tsa likgu la Morena go šinya a segela.’ (1 Mak. 11:26) Lentsu lo la gore “segela” le tshwana le lela Jeso a yyeng a bolabola ka lona nakwela a hlatolla taba ya ‘go tla’ gage ka dinako tso tsa mafelelo. Mo Jeso a bolabola ka dinako tsa go tlerola pelo go gogolo ga gore go šele go le thina, o itseri: “Sa go šupetsa gore Morwayi wa motho o thina se nyoko nyarela ku legedimong, fote batho ba mešaga ka moka ho lefaseng ba nyoko kgongwela ka taba la go kwa go baba, fote ba nyoko bona Morwayi wa motho a tla marung ya legedimo a na le matšhika a biye a gadima ka matla. Gana mone [Jeso] o nyoko teya phalafala ya go rasa ka matla ke mokane barongwa bage ba nyoko palakana gore ba ye kgobaketsela batho bage bo a ba kgetiyeng ka mathokong ka mane ya lefase, go tloga ga lehlaya lo la legedimo go segela ga lehlaya le lengwana la legedimo.” (Mat. 24:29-31) Go ‘kgobaketsela bo ba kgetiwweng’ go rela mo Makreste ka moka ya ma tlotsiwweng ya gore ma sa le ho lefaseng, ma kraya patela ya wona ya ku legedimong. Tso di nyoko makega mo nako ya go tleroga pelo go gogolo yi šele yi thomme mara go soko bane go segela Aremagedoni. Ke mokane 144 000 ya bo ba nyoko bang ba na le Jeso, ba nyoko fetsa ka dikgoši tsa lefase lowa. (Kut. 17:12-14) Segopotso so se nyoko bang se sa tšwa go tshwariwa mo go kgobaketsiwa bo ba tlotsiwweng gore ba ye legedimong, go tlo ba go le sona sa mafelelofelelo, ka gore Jeso o koba a ‘segele.’

16. Ke ntaba o tikemisele go tla Segopotsong lenyaga?

¹⁶ Tla re karakareneng ka moka ga rune ša, gore re tle Segopotsong ka di-31 tsa March 2018. Fote tla re kgopeleneng Jehova gore a thuše re dule re mamarelanne re le selo ka ssoši! (Bala Pisalema 133:1.) O sa lebale gore tšatši le lengwana re nyoko ba le Segopotso sa mafelelofelelo. Tlaneng re fo tšwa re leketsa ka matla gore re dule re tla, fote re jabolele gore re ngata ka yyoši mo re le gana hone Segopotsong.