1. Ke ntaba re re lefase lo a la tlwayelega?

LEFASE lo re phelang ga lona a la tlwayelega. Baebele yi hlayye botala gore Jehova o nyoko kgobaketsela “mogoba wo mogolo wa batho . . . ba go tšwa ga ditšhaba ka moka le ditšo le mehlobo le mebolabolo.” Batho bo mo ba gahlanne, ba maka “setšhaba sa matšhika” sa go teya ka ku ga 8 ya dimiliyoni fote ‘ba makela Modimo mmereko wa go hlawolega ba jabodiye bošego le motshegare.’ (Kut. 7:9, 15; Jes. 60:22) Taba yo ya gore batho ba go tlala ka mokg’o ba rate Modimo ba boye ba rate le batho ba bangwana, re ro thoma le go yi bona.

2. Batho bo ba sa tihlopeng ka Modimo ba na le lerato la mošaga mang la go sa hlamatsega? (Lebelela sethombhe sa ka mo kgakala.)

² Mara Baebele le yona yi hlayye botala gore ga dinako tso re phelang ga tsona, go nyoko tlala lerato la go sa hlamatsega la batho ba go tipona ba gore a ba tihlope ka Modimo. Mopostola Pawulo o ngwadiye gore: “Ka matšatši ya mafelelo . . . batho go nyoko ba ba go tirata, ba go rata tšheleta, . . . ba go rata menate mola ba tshwanele ba rate Modimo.” (2 Thim. 3:1-4) Lone lerato la go tipona, a  e lona lo Makreste ma nang nalo; a le tshwane nalo le ka gonyana. Batho ba lelekisa dilo tso ka gore ba tseya gore ba nyoko jabola, mara ba fo šala ba yitsa. Lerato la mošaga wone le napa le maka gore lefase le tlale ka batho ba go tirata ba gore ‘gwa thatafa go phela nabo.’

3. Mo ga hlogotaba yowa re nyoko petapeta ka ying, fote ke ntaba?

³ Pawulo o di bonne gabutši gore moya wa go tipona wo ke mo o tlele ka nako tsotsone o ka sinya Makreste. O yye a šinya a botsa ba bangwana gore ba “getsule” bo ba nang le lerato lone la go kekema. (2 Thim. 3:5) Re ka leketsa go tšhabelela batho bone, mara go gongwana le go gongwana mo re reng re kena gona, ke bobo. Byalo re ye maka byang barena ka gore rune re nyaka go tšhabelela maphelelo ya lefase lowa fote re leketse ka matla go jabodisa Jehova, Modimo wa lerato? Tla re boneneng ša gore go rata Modimo go fapana byang le lerato lo go bolabodiwang ka lona ga 2 Thimothi 3:2-4. Sone se nyoko re thuša gore re tinyakolle le go lukisa mo go potegiyeng, gore re be le lerato lo re tshwaneleng go ba nalo, lerato lo le makang gore ka nnete re tikwe re yenele fote re jabodiye.

4. Ke ntaba mo motho a fo tirata gabutši nje a ko ba a sa sinyi?

⁴ Mopostola Pawulo o ngwadiye gore ‘Batho ba nyoko tirata.’ Anthe mo motho a tirata, wa sinya? Awwa, go tirata go fo šupetsa gore le wene o motho, go tirata nje gabutši. Ke ka mokg’o Jehova a re makiyeng ka gona. Jeso o itseri: “Moyagelani wago o tshwanele o mo rate go fo tshwana le wene beng.” (Mar. 12:31) Di ka sa kgonege gore re rate bayagelani ba rune, mo rune beng re sa tirate. Fote Mangwalo ma re: “Banna ba tshwanele ba rate basadi ba bona go tshwana le mmele wa bona. Mo monna a rata mosadi wage ke setšha a tirata, ka gore aa šiyo monna ye a yyeng a hloya mmele wage, mara wa wo fepa le go wo pasopa.” (Maef. 5:28, 29) Tso di ya šupetsa gore ke tsona mo motho a tirata tsa gabutši.

5. O ka ba hlatolla byang batho ba go tipona?

⁵ Lerato lo le hlayiwang ga 2 Thimothi 3:2 la go tirata a le gabutši, fote a le yagisi. Le kekemme, ke la go tipona. Batho ba go tipona ba bona nkare bona ke bona, ba dula ba tinyaka ku malenghelengheng. (Bala Maroma 12:3.) Ba fo dula ba tinaganela ba ntoši. A ba yise felo ka ba bangwana. Mo motho wa gona a ka go gata, a ka sa re ke masopo, o lakatsa wene. Motho ye mongwana wa go bolabolela Baebele o re batho bo ba go tipona ‘ba nyaka mo ga go tematema le ga go natefela, mo ba bona nkare ku ba yang gona gwa fisa, a ba šutele, ba yetisa ye mongwana mahlong.’ Batho ba mošaga wone a baa jabola le ka gonyana.

6. Mo re rata Modimo go nyoko makega ying?

⁶ Bo ba go tšhutela Baebele ba re mopostola Pawulo o tšhediye go tipona ku mathomisong ga letheto lage la dilo tsa go befa tso di nyoko bang di tlele ka matšatši ya mafelelo, ka taba la gore go tipona ke gona go bakang mekgwa ye ye mongwana ya go befa. Mara batho ba gore ba rata Modimo a ba make tsotsone. Baebele yiri mo motho a rata Modimo o nyoko ba le go jabola, go beba, go lefisa pelo, pelo ya go bafala, go loka, tumelo, go temeka le go titshwara. (Magal. 5:22, 23) Mopisalema o ngwadiye gore: “Go jabola bo ba reng Modimo wa bona ke Jehova!” (Pis. 144:15) Jehova ke Modimo wa go jabola, batho bage le bona ba fo ba sone. Batho ba Jehova ba di nyaka ka matla go gelepa ba bangwana ka gore sone se ya ba jabodisa, a ba tshwane le batho ba go tipona ba gore baa konana mara bona ba dula ba yageletsiye.—Meber. 20:35.

7. Ke diputsiso difeng tso di ka re thušang go tinyakolla gore nje re sa mo nyaka ga Modimo?

⁷ Re ka bona ka ying gore a re sa mo nyaka ga Modimo, re šele re thomisiye go tipona? Lengwalo la Mafilipi 2:3, 4 le re: “Le sa make  selo ka taba la tšhinghi kela go kganya, mara le tinyanafatse le kene le dumela gore ba bangwana ba ka kgakala ga lune, le nyakane le tso di ka jabodisang ba bangwana, le sa nyake tso di jabodisang lune le ntoši.” Re ka tiputsisa gore: ‘Ayitsano nna ke ya di maka tsotso? Nje ke ya resa mo ke re ke maka tso Modimo a di nyakang? Nje ke ya tihlopa ka bo ba nyakang thušo ka mo phutegong le ba ku tšhomong?’ Go makela ba bangwana dilo a go dule go le lola. Di nyaka re ro tihlopa le go tikona tse dingwana. Mara nje se gona so se ka re jabodisang go feta mo re tšiba gore re jabodisa Mong wa dilo ka moka?

8. Go rata Modimo go tšhofiye ba bangwana go maka ying?

⁸ Batho ba bangwana ba lesetsiye le mebereko ya go golela tšheleta ya go tlala ka taba la gore ba nyaka go tlalela ka matla ka mo mmerekong wa Jehova. Ericka wa ku United States ke dokotela. O yye a sa lelekisi bodokotela bya go golela ka matla a ba lephayona, yene le monna wage ba yye ba rorela dipolekeng tsa go tlala tsa kgole le gaye gore ba ye tšhomayeleng. Mo a hlatolla tso ba gahlanneng natso o re: “Majabolelo ya rune ka taba la go gelepa batho ba tšhomo ya mebolabolo ye mengwana le ya gore re krayye banghana ba gabutši, a ma hlayisege. A ke ya napa ke lesetsa bodokotela, go fo ba gore gana byalo ke tshwaraganne le go yalafa batho ka go ba tšhutisa ditaba tsa Modimo le go ya mogahlanong, sone se njabodisa ka matla, ke fo kwa pelo yaka e yitse kgehle.”

9. Ke ntaba go lelekisa tšheleta go sa loka?

⁹ Pawulo o ngwadiye gore batho ba nyoko “rata tšheleta.” Mengwaga ya go feta, mošupatsela ye mongwana wa ku Ireland o yye a bolabodisana le moren’e mongwana ka ditaba tsa Modimo. Morenene o yye a ntsha sepatši, ke mokane a goga tšheleta ya lephephe, a kganyisela mošupatsela yewa a re: “Nna modimo waka ke ye.” A baa tlala batho bo ba ka napang ba thuletsa, mara ba go kwana ka matla le tšheleta le dilo tso di ka yi rekang ba tlele ka matla mo lefaseng. Baebele mo yi re yeletsa yiri: “Wa go rata siliva a ka tsoge a kgodwisiye ke siliva, le wa go nyaka go ghanya a ka sa tsoge a kgodwiye le mo a gola byang.” (Mmo. 5:10) Batho bone ba dula ba nyaka tšheleta, mo ba kene ba yi lelekisa, ba tipitsela “mathata ya go tlala” ma le kgole.—1 Thim. 6:9, 10.

10. Baebele yiri king ka go hlopega le go ghanya?

¹⁰ Ke nnete gore ka mokana ga rune re ya yi nyaka tšheleta. Yi re gelepa ga dilo tsa go tlala. (Mmo. 7:12) Mara nje di ya kgonega gore motho a jabole le mo a na le tšheleta ye nyana? Ka maatla! (Bala Mmolabodi 5:12.) Morwayi wa Jakehe ye ba reng ke Aghuru, o ngwadiye gore: “O sa make gore ke hlopege kela ke ghanye. O fo nneya tsa go ja tsa go yenela.” Re ya mo kwisisa mo a re aa nyake go napa a hlopega ka matla. O hlayye gore aa nyake go šinya a yetswa gore a sa poyili Modimo. Ke ntaba a kgopele gore a sa ghanye? O ngwadiye gore: “Gore o sa kraye mo ke šele ke kguri ke go phakgela ku kgole ke re: ‘Jehova, ke mang yenene?’” (Diy. 30:8, 9) Le wene o ka fo ba o ba tšiba ba gore Modimo a ba na taba naye ka gore ba tshepiye tšheleta ya bona.

11. Jeso o re yeletsiye byang ka tšheleta?

¹¹ Bo ba lelekisang tšheleta ba ka sa jabodise Modimo ka selo. Jeso o itseri: “A di kgonege gore motho a be molata wa dikgoši ka dipedi; ka gore o nyoko hloya ye nngwana ke mokane a rata ye nngwana, kela o nyoko mamarela ye nngwana ke mokane a nyenya ye nngwana. Le ka sa di kgone go ba malata ya Modimo le ya Makgumo.” Mo a soko bolabola mantsu yawa, o thomisiye ka gore: “Lesetsaneng go kgobaketsela makgumo ho lefaseng ka gore ke mo go nang le tšhupa kela phehli fote gwa khura e biye dikgohlane di ka pshaya  tsa yetswa. Mara, tikgobaketseleneng makgumo legedimong, ga gore a go na tšhupa le mong phehli kela tsa go khura, le ga gore dikgohlane di ka sa pshaye tsa yetswa.”—Mat. 6:19, 20, 24.

12. Go phela lephelo la lola go maka byang gore go berekela Modimo go be lola? Hlayisa le tso di yanegiwang howa.

¹² Ba go tlala ba di bonne gore go phela lephelo la lola go maka gore ba jabole fote ba ba le nako ya go tlala ya go berekela Jehova. Ngwaneru ye mongwana ye bareng ke Jack wa ku United States o yye a rekisa ntlo yage ya bhazabhaza le ditolo tsage ka taba la gore ke mo a nyaka gore a kgone go phayona le mosadi wage. O re: “Ke mo go thatafa go yarogana le ntlo ya rune ya go bafala le stense sa gona. Mara, ke fetsiye mengwaga ya go tlala ke dula ke boya gaye ke tobiye ka taba la tso di makegiyeng ku mmerekong. Mara mosadi waka yene ke mo a fo dula a jabodiye ka gore ke mošupatsela. O fo kwa a titeya sekguba a re: ‘Nna ke na le mininjere wa go ba phala ka moka!’ Gana byalo le nna ke mošupatsela, re berekela mininjere ka wwoši, yi leng Jehova.

13. Re ka maka byang mo re nyaka go bona gore rune re ya yi rata tšheleta kela byang?

¹³ Mo re nyaka go bona gore rune re ya yi rata tšheleta kela byang, re ka tinyakolla ka diputsiso tsowa: ‘Nje ka nnete so Baebele yi se bolabolang ka tšheleta ke ya se dumela fote ke ya se maka? Nje a ke duli ke nagana ka go ba le tšheleta ya go tlala? Ayitsano dilo tso ke nang natso a di phereketse senghana saka le Jehova le batho? Mara nje ke ya tshepa gore Jehova a ka n’gelepa le mo ke se na selo?’ Tla re dumeleneng gore mo re tshepiye yene, a ka sa re tšebisi ra šala re pawogiye.—Mat. 6:33.

14. Go tijabodisa ga gore a gwa fetelela ke ga mohlobo mang?

¹⁴ Tso Baebele yi di bolabodiyeng botala ke nnete, batho ba go tlala lekgono “ba rata menate.” Akere mo motho a na le tšheleta kela a tirata a yi phošo, le go fela re tijabodisa a go na bothata. Jehova aa nyake gore re fo dula re kokoropanne kela go lesetsa selo se sengwana le se sengwana re tšhaba go tijabodisa. Baebele yi bolabola le bo ba tshepegang mo yiri: “Ariye, o tijele tsa go ja tsago o jabodiye fote o tinwele mokgete wago pelo yago yi yediye.”—Mmo. 9:7.

15. Thimothi wa Bobedi 3:4 yi bolabola ka menate ya mošaga mang?

¹⁵ Thimothi wa Bobedi 3:4 yi bolabola ka bo ba lelekisang menate ba sa tihlope ka tso  tsa Modimo. Temanyana yowa a yi re batho ba nyoko rata go tijabodisa ka matla go feta Modimo, tso nkareng ba yye ba thoma ba mo rata. Yiri ba nyoko rata menate ‘mola ba tshwanele ba rate Modimo.’ Ye mongwana wa go tšhutela Baebele o re: “[Temanyana] yowa a yiri Modimo le yene baa mo rata ka gonyananyana. Yi ra gore Modimo yene a ba mo rate le ka go twii-twii.” Bo ba saga nyaka go lelekisana le menate ya go sa re selo ba ko di kweng! Mantsu ya ma reng “ba go rata menate” ma ra bo ba “tannyeng ke . . . menate ya lephelo lowa.”—Luka 8:14.

16, 17. Jeso ga taba ya go tijabodisa o šupetsiye gore re make dilo byang?

¹⁶ Jeso ga taba yo ya go tijabodisa o yye a maka dilo gabutši. O yye a ya “mošadong” le “monyanyeng wo mongwana wo mogolo.” (Joh. 2:1-10; Luka 5:29) Mo Jeso a le gana ku mošadong, go yye gwa fela mokgete, ke mokane a maka mohlolo, meetši ma ba mokgete. Tšatši le lengwana le gona o yye a tšebisa bo ke mo ba timaka nkare bona ba lukiye nakwela ba mo sola ba re wa nwa fote wa layiša.—Luka 7:33-36.

¹⁷ Jeso ke mo go se motho wa go tlungwela ka teng ga menate. O yye a yetisa Jehova mahlong fote a sa tenwe go makela ba bangwana tse dibutši. O yye a tiyisela nakwela ba mmolaya ku phateng le mo go baba, ka taba la gore ke mo a nyaka gore batho ka moka ba kraye lephelo. Jeso o butsiye bo ke mo ba nyoko tla ba gata mo a gatiyeng gona gore: “Napaneng le ro jabola mo ba le rogelela ka taba la ka, ba le hlopa, fote ba le bolabolela matsaka ya mohlobohlobo ka taba la ka. Jabolaneng le nape le ro hlakela ka gore tso le nyoko rufiwang ka tsona ku legedimong a e go tlala, a ba thome ka lune, le baporofeta ba botala ba ba makiye tsotsone.”—Mat. 5:11, 12.

18. Ke difeng diputsiso tso di ka re gelepang go bona gore nje a re rate menate?

¹⁸ Re ka bona ka ying gore nje le rune a re rate menate? Re tshwanele re tiputsise gore: ‘Gare ga mogahlano, go ya tšhomong le menate, ke beya ying ka ku mahlong? Nje ke ya di kgona go tikona dilo tse dingwana ka taba la gore ke tshwanele go berekela Modimo? Mo nkene ke kgeta tsa go tijabodisa, ayitsano ke fela ke tiputsisa gore Jehova tso ke di kgetang o di bona byang?’ Mo nkare nnete re rata Modimo, re nyoko šupetsa ka go kganela kgole le dilo tso di sa mo jabodising le tso di ka fo bang di šupetsa nkare di lukiye mara rune re bona yi ka fo ba yi se tsona.—Bala Matewu 22:37, 38.

19. Ke bomang bo ba ka sa tsogeng ba jabodiye?

¹⁹ Lefase lo la Sathane la gore le hlopegisiye batho ka mongwaga wa go segela gana ku ga 6 000 le šele le le thina le go fela. Batho ba go tipona, ba go lelekisa tšheleta le ba go rata menate, a e go tlala ga bona mo lefaseng. Mo ba kene ba lelekisa dilo tsowa, ba bona nkare ke tsona di ka makang gore ba jabole mo ba kene ba phela. Mara le ka gonyana a ba jabole. Go makega tso di ngwadiyeng ke mopisalema tsa gore: “Go jabola ye a thušang ke Modimo wa Jakobo, wa gore o titshepele Jehova Modimo wage.”—Pis. 146:5.

20. Go rata Modimo go makiye byang gore o tikwe o jabodiye?

²⁰ Rune malata ya Jehova re mo rata ka matla Modimo ye wa rune, mongwaga wo mongwana le mongwana re ya yeketsega ka gore batho ba nabela go tshwana le rune. So se šupetsa gabutši gore Mmušo wa Modimo wa buša fote go se botala o nyoko re makela le tso ye re sa di nagane. Go maka tso Modimo a di nyakang ke gona go makang gore motho a jabole tsa mannete fote re jabodisa ke go tšiba gore re berekela ye a leng Gedimo ga Dilo ka Moka. Bo ba ratang Jehova ba nyoko jabola go ya go yye. Ga hlogotaba ya go latela, re nyoko bona maphomela ya go tipona, ra boya ra bona gore go fapana byang le maphelelo ya go bafala ya malata ya Jehova.