1, 2. Jehova o berekisa dilo tsage byang mo a gelepa batho?

JEHOVA aa konane. Tso re nang natso ka mokana ga tsona di tšwa gage. Gholidi, siliva le dilo ka moka tsa hlago ho lefaseng ke tsa Jehova, o berekisa tsona gore re jabolele lephelo. (Pis. 104:13-15; Hag. 2:8) Ka Baebeleng go na le ditaba tsa go tlala tsa go makatsa tso di šupetsang gore Jehova o yye a berekisa dilo tsage gore a gelepe batho.

² Go fediye 40 ya mongwaga Jehova a na le Maisirayele ku mašahleng, a ba neya manna le meetši. (Ek. 16:35) Ka taba lone, “ke mo ba sa gayele selo.” (Neh. 9:20, 21) Go na le mosadi ye mongwana wa go tshepega wa gore ke mo a kgwele ke monna, Jehova o yye a berekisa moporofeta Eliša gore a makele mosadi yene mohlolo ka go mo yeketsela mahura ya go yapega. So Modimo a mo makeleng sona se makiye gore a kgone go patela dikoloto tsage fote a šalela ke tšhentšhi ya go phela ka yona le barwayi bage. (2 Dikg. 4:1-7) Jehova o yye a berekisa Jeso gore a make mohlolo wa go phakisela batho tsa go ja, a boya a neya ba bangwana tšheleta mo ba yi hloka.—Mat. 15:35-38; 17:27.

3. Re nyoko tšhuta ying mo ga hlogotaba yowa?

 ³ Jehova aa thibele ke selo go maka so a se nyakang a berekisa hlago yage go thuša tso a di makiyeng ho lefaseng. Mara le gana byalo o sa kgopela malata yage gore ma berekise dilo tso ma nang natso gore mmereko wage o ye mahlong. (Ek. 36:3-7; bala Diyema 3:9.) Ke ntaba Jehova a nyaka gore re mo neye dilo tso re nang natso? Ba botala bo ye ba rapela Modimo ba makiye byang gore ba thuše batho ba Jehova ka tšheleta ya bona? Lekgono mokgahlo o yi berekisa byang tšheleta ya moneyelo? Diphetolo tsa diputsiso tsowa re nyoko di kraya mo ga hlogotaba yowa.

4. Mo re thega mmereko wa Jehova, re ba re mo šupetsa ying?

⁴ Re ya mo neya ga Jehova ka taba la gore re ya mo nyaka fote re ya mo leboga. Mo go le ga tso a re makelang tsona, re šita le go mo leboga. Kgoši Dafita mo a hlatolla ka dilo tse ke mo di nyakega gore ba yage tempele, o bolabodiye taba ya gore dilo ka moka tso re nang natso di tšwa ga Jehova fote le mo re mo neya tsona di na di tšwa gage.—Bala 1 Dikoronika 29:11-14.

5. Mangwalo ma šupetsa byang gore re tshwere tsela ya nnete ya go rapela mo re neyela re sa tšhofe ke motho?

⁵ Go neyana ke se sengwana sa go šupetsa gore re rapela Jehova. Johane o yye a bona malata ya Jehova ya ku legedimong ma re: “Di ro go tshwanela wene Jehova Modimo wa rune gore o thanakiwe, o hlompiwe le go ba le matšhika, ka gore o makiye dilo ka moka, fote ke tso di gona ka taba la gore go nyakiye wene.” (Kut. 4:11) Ayitsano a o tshepe gore mo re neya Jehova so re nang naso, re šupetsa gore re ya mo hlompa fote re ya mo thanaka? Jehova o butsiye Maisirayele a berekisa Moše gore ma ye monyanyeng wage wa go tshwariwa gararo ka mongwaga. Mo ba ya go gahlaneng gana hone ba rapela Jehova, ke mo ba sa tshwanela “go ya ga Jehova ba lekalekisiye matsogo.” (Deut. 16:16) Di sa fo tshwana le gana byalo, mo re neyela re sa tšhofe ke motho gore re thege mmereko wa mokgahlo wa Jehova wa mo lefaseng, re šupetsa gore re ya leboga fote taba yone ke ye kgolo ka matla ka gore ke tsela ye nngwana ya go mo rapela.

6. Ke ntaba go sa konane go le gabutši ka matla? (Lebelela sethombhe sa ku mathomisong.)

⁶ Go sa konane go gabutši. Re nyoko jabola mo re neya ba bangwana dilo tsa rune, re sa fo jabodisa ke mo bona ba neya rune. (Bala Diyema 29:21.) Re ka fo tshwanisa ka sengwanenyana mo se rekela batswadi ba sona selo se sengwana ka mapeninyana ya ba se neyang mo se ya sekolo. Batswadi ba sona a ba jabole lona! Mitšing ye mongwana, go ka fo ba go na le morwayi kela morwediya ye a phayonang mara a dula gana hone gaye, a ka fo tlopola ga tšheletanyana ye a nang nayo a ba neya, gore ba rekareke tso di šotang ka hone gaye. Le mo batswadi bo ba ka sa tseye nkare wa ba patela, ba ka fo yi tseya, ka gore mo ngwan’ene a šupetsa gore o leboga tso ma ba mo makelang tsona, o maka gabutši ka matla. Jehova le yene wa di bona gore re ya jabola mo re mo neya dilo tso re nang natso.

7, 8. Batho ba Jehova ba ku botala ba šupetsiye byang gore di gabutši go neyela (a) mo go na le mo go gayelang gona? (b) mo go na le mmereko wo mongwana?

⁷ Taba yo ya go neyela ka tso motho a nang natso le ka mo Mangwalong yi gona. Mo go na le mmereko, batho ba Jehova ke mo ba neyela gore mmereko wone wo makege. Mola go nyoko yagiwa tabernakele, Moše o yye a kgopela moneyelo. Le Kgoši Dafita o yye a maka tsona mo go yagiwa tempele. (Ek. 35:5; 1 Dikor. 29:5-9) Ka nako ya mo go lawola Kgoši Jehoaši, maprista ma yye ma lukisa ntlo ya Jehova ka tšheleta ya moneyelo.  (2 Dikg. 12:4, 5) Mo phutego ya Sekreste yi sa tšwa go thoma, go yye gwa kwala gore tlala yi kenele ba bangwana, ke mokane gwa kgopediwa thušo, “ye mongwana le ye mongwana o yye a kwa a nabela go maka so a ka se kgonang, gore ba gelepe magagabo bona ba ku Judeya.”—Meber. 11:27-30.

⁸ Ga tse dingwana, batho ba Modimo ba yye ba berekisa tšheleta ya bona gore ba thuše bo ke mo ba yetiye mahlong mmereko wa Modimo. Molawo wa Moše ke mo o re Malifi ma sa neyiwi lefa go tshwana le mehlobo ye mengwana. Mara Maisirayele ke mo ma ntshela Malifi sa lesome, gore mmereko wa tabernakeleng o ye mahlong. (Num. 18:21) Jeso le bapostola bage le bona ba yye ba gelepa ke basadi ba bangwana bo “ke mo ba ba yemayemela ba berekisa tso ye ba le natso.”—Luka 8:1-3.

9. Batho ba bangwana ba ku botala ke mo ba neyela ka tšheleta ya go tšwa kaye?

⁹ Nnete ke gore a baa neyela ka dilo tsa go tshwana. Di ka makega gore Maisirayele ma yye ma neyela ka tso ma tlugiyeng natso ku Egepita nakwela go ntshiwa moneyelo wa go yaga tabernakele ku mašahleng. (Ek. 3:21, 22; 35:22-24) Ka dinako tsa mapostola, Makreste ya mangwana ma yye ma rekisa dilo tsa wona, tsa go tshwana le dibaya kela dintlo, tšheleta ya gona ma yi neya mapostola, ke mokane mapostola yawa ma yye ma felegetsa tšheleta yone ga bo ke mo ba se na selo. (Meber. 4:34, 35) Ba bangwana ke mo ba beyela tšheleta ye nngwana ka thoko gore ba neyele ka yona. (1 Makor. 16:2) Batho ba mohlobo ka moka ba yye ba hleka—ba go tihlopegela le ba go ghanya.—Luka 21:1-4.

10, 11. (a) Malata ya Jehova ya ka Baebeleng re ka ma yekisela byang ga taba ya go fana ka go di nyaka? (b) Phela le wene o ka neyela gore mmereko wo wa Mmušo o thog’o ya mahlong, o tikwa byang ka taba yone?

¹⁰ Le rune lekgono re ka fo kgopediwa gore re ntshe moneyelo mo go nyarela mmereko. Mo re beyisa, nje a le thina le go yaga Holo ya Mmušo ya nyuwane? Kela Holo ya lune ya Mmušo yi kene ya lukisiwa? Re ka fo kwa ba re ba kgopela moneyelo gore ofisi ya rune ya lekala yi lukisiwe, gore mogahlano wa rune wo mogolo o sepele gabutši kela gore re gelepe magagabo rune ba gore ba wele ke dikotsi tsa hlago. Fote re ntsha le moneyelo wa go thuša bo ba leng ku ntlong ye kgolo ya lefase ka moka le bo ba leng diofising tsa makala lefaseng ka moka. Meneyelo ya rune yi thuša le barumiwa, mašupatsela kela maphayona ya go kgetega le bapotologi. Re tshepa gore phutego ya lune le yona yi tiputsiye gore yi nyoko thuša byang ka tšheleta gore go yagiwe Diholo tsa Megahlano ye Megolo le Diholo tsa Mmušo tsa lefase ka moka, tso di gelepang magagabo rune ba Makreste lefase ka moka.

¹¹ Ka mokana ga rune, re ka neyela gore re thege mmereko wo Jehova a wo makang dinakong tso tsa mafelelo. Ya go tlala meneyelo a go tšibege gore yi tšwa kaye. Re ba re sa makele gore batho ba re bone mo re tšhela moneyelo ka mabhokising Diholong tsa rune tsa Mmušo kela ka inthanete ga jw.org. Re ka fo bona nkare moneyelo wa rune ke wo monyana ka matla. Mara gore tšheleta yowa ya moneyelo yi šinye yi tlale, yi ro hlekeletsiwa, a ya fo tla yi tlele. Magagabo rune ba bangwana, le mo yili gore ke mo ba ja bušwa ba šeba ka meetši, ba tshwana le bala ba ku Matsedoniya, ka gore le bona ke mo ba “tihlopegela ka matla,” mara ba yye ba kgopela gore le bona ba tšhele letsogo mo ga moneyelo. Nnete ba yye ba maka sone ka go di nyaka.—2 Makor. 8:1-4.

12. Mokgahlo wo leketsa byang go seketša tšheleta ya moneyelo?

¹² Mogoba wa go Lawola o nyaka go dula o tshepega le go šupetsa gore o hlalefiye. Mo tšheleta ya mokgahlo yi tshwanele yi berekisiwe, mogoba wowa wo thomisa ka go rapela gore yi berekisiwe gabutši. (Mat. 24:45)  Tšheleta ya moneyelo yo mokgahlo wo yi krayang, o yi berekisa ka go seketša. (Luka 14:28) Batho bo go bolabodiwang ka bona ka mo Baebeleng ba gore mmereko wa bona ke mo go le go tshwara tšheleta le bona ke mo ba yi berekisa gabutši, ba sa fo lla go reka. Mo re beyisa, mo Esera a boyela Jerusalema, kgoši ya Peresiya e yye ya mo loka ka digholidi, disiliva le tse dingwana tsa majabajaba tsa go teya ka ku ga dimiliyonemiliyone tsa go tlala. Esera o yye a re dilo tso ba di neyye Jehova, ke mokane a ba layelela ga se sengwana le se sengwana gore ba di wunyelele gabutši mo ba ye feta polekeng ya manaba ya bona, gore manaba yawa a sa ye a ba yamoga. (Esera 8:24-34) Mopostola Pawulo o yye a koleka tšheleta ke mokane a yi romela Makreste ya ku Judeya gore yi ma gelepe ga bothata byo ke mo ma le nabyo. O yye a maka gore bo ba felegetsang tšheleta ya moneyelo ba pasope “dilo ka moka ka go tshepega, e seng mahlong ga Jehova fela mara le mahlong ga batho.” (Bala 2 Makorente 8:18-21.) Mokgahlo wa rune le wona a wo fo lesetsa dilo di sa makege ka molawo mo go berekisiwa tsheleta ya moneyelo, wo kopisela ga Esera le Pawulo.

13. Re tshwanele go yi bona byang taba yo yi sa tšwang go makega ya gore mokgahlo wo tšhentšhiye dilo gore di be lola?

¹³ Ba mutšing ba ka poma dilo tso ba di rekang ka taba la gore mogolo o sa nape o kgona go di yenetsa kela ka taba la go nyaka go phela lephelo la lola gore ba kraye nako ya go tlala ya go berekela Jehova. Le mokgahlo wa Jehova o fo ba sone. Mengwaga ya go sa tšwa go feta, dilo tsa go tlala di tšhentšhiye. Sosone se yye sa maka gore go be le dinako tso go felang go tšwa tšheleta ya go tlala go feta yo yi kenang. Ke tsona tso di makang gore mokgahlo o nyakane le polane ya go poma dilo tsa gore a di hlokege le go maka gore mmereko o be lola, gore tšheleta yowa ya moneyelo yi berekisiwe gabutši.

14-16. (a) Mo o neyela, tšheleta yone yi thuša gore re segelele ying? (b) Dilo tso re nang natso di go thušiye ka ying?

¹⁴ Ba gore ke botala ba berekela Jehova ba re a ba soko bona dilo tsa go tshwana le tso, ga gore ba kraya dilo tsa go tlala tsa moya. Nje wa di gopola? A yi botala re thomme go ba le jw.org le JW Broadcasting. Baebele ya New World Translation of the Holy Scriptures yi gona ka mebolabolo ya go tlala. Ka 2014 le 2015, re berekisiye 14 ya ditediyamo tse digologolo tsa mo lefaseng mo re tshwere Mogahlano wo Mogologolo wa matšatši ka mararo wa hlogotaba ya gore “Dulaneng le Yetisiye Mmušo wa Modimo Mahlong!” Bo ke mo ba le Mogahlanong wone ke mo ba jabodiye setereka.

 ¹⁵ Ba go tlala ba itseri a ba tšibi le gore ba ka re king mo ba šupetsa gore ba leboga tso mokgahlo wa Jehova o ba makelang tsona. Monna ye mongwana le mosadi wage bo ba leng ku Asia ba yye ba thanaka JW Broadcasting ba re: “Rune re phayona polekeng ye nyana. Re fela re tikwa nkare re ntoši, fote re yakgoswa re lebala tsela yo re tshwaneleng re berekele Jehova ka yona. Mara mo re lebelela letheto la dividiyo tsa mohlobohlobo tsa JW Broadcasting, re kwa re tsogatsogiye fote re le selo ka seteya le magagabo rune lefaseng ka mokana ga lona. Magagabo rune bo re gahlanelang nabo ba yi jabolela ka matla JW Broadcasting. Re ba kwa ga go tlala ba re mo ba fetsa go lebelela letheto la kgwedi ye nngwana le ye nngwana, ba tikwa ba le thina ka matla le Mogoba wa go Lawola. Gana byalo ba titeya sekguba ka go ba ka teng ga mokgahlo wa Modimo.”

¹⁶ Gana hala ga bo-2 500 ya Diholo tsa Mmušo lefaseng ka moka di kene di ya yagiwa kela go lukisiwa. Ba bangwana bo ba gahlanelang ga Holo ya Mmušo ya nyuwane ya ku Honduras ba yye ba ngwala taba yo mo ba sa tšwa go thoma go yi berekisa, ba itseri: “Re jabola ka matla mo re le ka mo mokgahlong wa Jehova wa go tshwana le mutši ka gore re selo ka ssoši lefaseng ka moka, fote mokgahlo wowa wo makiye gore le rune re be le Holo ya Mmušo ya gore ke botala re yi nyaka.” Ba go tlala le bona ba reyane mo ba sa tšwa go kraya Baebele le dipuku ka mmolabolo wa bona, ba bangwana ba leboga ba sa fetse mo ba yye ba thušiwa ka nako ya mo ba hlopegiye, kela mo ba bona maphomela ya mabutši ya go berekisa diteroli le go tšhomayela mo go tleleng batho dipolekeng tsa bona.

17. Re bona ka ying gore tso di makegang mo mokgahlong di šupetsa gore Jehova ke yene a leng ka ku mahlong ga mmereko wowa?

¹⁷ Le batho bo ba di bonang ba tiputsisa gore anthe rune re kgona byang go maka mmereko wo mogolo ka mokg’o ka tšheleta ya moneyelo. Moren’e mongwana wa gore o na le khamphani ye kgolo o yye a tla a tl’le bona moyago wo re phrinthelang ga wona, o yye a šala a sa tshepe mo a kwa gore phela batho bo ba berekang gana hone a ba gole, tšheleta yo yi berekisiwang ke ya moneyelo fote a re rekisi selo. O itseri gabutšibutši tso re di makang di ya makatsa. Aa bolabole matsaka! Le rune re ya di tšiba gore ke Jehova a leng ka ku mahlong ga mmereko wowa.—Job 42:2.

18. (a) Mo re thega Mmušo wa Modimo, re nyoko rufiwa go segela kaye? (b) Bana ba rune le bo go seng botala ba kerayye nnete re ka ba tšhutisa byang gore ba tšhele letsogo?

¹⁸ Lekgono, Jehova o re maka batho ka go re dumelela gore le rune re tikwise ka mmereko wo wa go tšhomayela. O re tshepisa gore mo re thega Mmušo, o nyoko re rufa. (Mal. 3:10) Jehova o re tshepisa gore mo motho a sa konane, o nyoko mo makela tsa gabutši a šala a bafele. (Bala Diyema 11:24, 25.) Re ya jabola mo re sa konane, ka gore “ye a neyang o jabola go feta ye a yageletsang.” (Mebereko 20:35) Bana ba rune le bo go seng botala ba krayye nnete le bona re ka ba tšhutisa ka tso re di makang le tso re di bolabolang, gore le bona ba kwane le go neyela gore Modimo a tle a ba rufe ka matla.

19. Hlogotaba yowa yi go kgwatiye byang?

¹⁹ Ka moka tso re nang natso re di neyye ke Jehova. Mo re mo neya dilo tsowa re šupetsa gore re mo nyaka ka matla fote re leboga tso a re makeleng tsona. (1 Dikor. 29:17) “Batho ba yye ba jabola ka matla mo ba kene ba neyela ka go di nyaka, ka gore ba yye ba neya Jehova dipelo tsa bona di felele” mo ba neyela gore go yagiwe tempele. (1 Dikor. 29:9) Mo le rune re ka neya Jehova dilo tsa rune, go tshwana naye mo a re neyye dilo tso re nang natso ka moka, re nyoko jabola le go kwa dipelo tsa rune di wele.