1, 2. (a) Ka dinako tsela tsa mopostola Pawulo, ke ntaba batho ba hlupiye ka matla ke taba ya go lokologa le bobhantiti? (b) Pawulo o itseri batho ba ye kaye mo ba nyaka go lokologa tsa mannete?

BATHO ba ku Roma ba gore Makreste ya botala ke mo ma phela nabo, ke mo ba tipotsa gore bona ba tšiba molawo gabutši, a ba hlawole motho fote ba lokologiye. Mara nnete ke gore Mmušo wa Roma o di kgonne go segela ku malenghelengheng ka taba la gore ke mo wo na le mabhantiti ya go tlala. Neng-neng mabhantiti yane ma yye ma segela ka kgakalanyana ga kota ya setšhaba ka moka. Di fo tišupetsa gore ka dinako tsotsone, tso batho ne ba bolabola ka tsona ga go tlala ke mo yi le taba ya bobhantiti le go lokologa, Makreste le wona ke mo ma bolabola ka yona.

² Mangwalo ya mopostola Pawulo ga go tlala ma bolabola ka go lokologa. Mara, mo a kene a tšhomayela ke mo a sa bolabole ka dilo tsa gore batho ba kwana natso ka matla kela tsa dipolotiki. Pawulo le magagabo ya Makreste ke mo ba sa tseye gore go ka ba le kgoši kela motho ye mongwana wa go lawola wa gore a ka ba leyela go lokologa, mara ba yye ba karakarela go botsa batho ka ditaba tsa go bafala tsa Mmušo wa Modimo le ka taba ye kgolo ka matla ya go lepolliwa ka sehlabelo sa Kreste Jeso. Pawulo o yye a šupetsa batho gore Ye a ka makang gore re lokologe tsa mannete ke mang. Ga lengwalo  la bobedi lo a le ngwaleleng Makreste ya Korente, o bolabodiye di kwala gore: “Jehova ke Moya, fote mo go nang le moya wa Jehova go na le go lokologa.”—2 Makor. 3:17.

3, 4. (a) King so se makiyeng gore Pawulo a šinye a bolabole tso di leng ga 2 Makorente 3:17? (b) Mo re nyaka go tikwisa ka gore Jehova a re neye go lokologa, re ka maka byang?

³ Ga lengwalo lolowa la gore o le ngwalele Makorente, o bolabodiye ka go gadima ga Moše nakwela a sologa ku Thabeng ya Sinayi, mola a sa tšwa go gahlana le morongwa wa Jehova. Mo setšhaba se bona Moše, se yye sa tšhoga ka matla, Moše a šinya a tikwala mahlo ka šolo. (Eks. 34:29, 30, 33; 2 Makor. 3:7, 13) Pawulo o hlatolliye gore: “Mara mo motho a thomisa go sologa a ya ga Jehova, šolo yela ya tloga.” (2 Makor. 3:16) Pawulo o ra gore king mara?

⁴ Ga hlogotaba ya go fela, re tšhutiye gore Jehova ke yene ye a makiyeng dilo tso ka mokana ga tsona fote ke yene a ntoši wa gore o tikwisa ka go lokologa a sa hlope ke selo. Di napa di šupetsa gabutši gore mo go nang le Jehova le “mo go nang le moya wa Jehova,” go na le go lokologa. Le rune mo re nyaka go tikwisa ka go lokologa ga mošaga wonone, di nyaka re ‘sologe re ye ga Jehova,’ gore re nape re ro ba banghana bage ba bagolo. Maisrayele mo ba le ku mašahleng ke mo ba sa tseye gore ba yetetsa ke Jehova. Dipelo tso tsa bona ke mo di fokogiye, nkare di tšhiriye ke šolo fote le menagano ya bona yi sa tseye gabutši, ka taba la gore ke mo ba šele ba lokologiye Egepita, ba thomisa go tinyakela tsa go tšiba ke bona beng.—Maheb. 3:8-10.

5. (a) Moya wa Jehova o re neya go lokologa ga mohlobo mang? (b) Re tšiba ka ying gore go ba lebhantiti go ka sa kogele go lokologa ga gore re go neya ke Jehova? (c) Re nyoko fetola diputsiso difeng?

⁵ Go lokologa ga gore re go neya ke Jehova go phala go lokologa bobhantiting. Moya wa Jehova wo maka tso di šitang batho le mo ba kene ba leketsa, wona wo ntsha batho bobhantiting bya sebe le likgu, le ga medimonyana ya go sa phele le dilo tsa go yelana nayo. (Maroma 6:23; 8:2) Go lokologa hone ke gona ga mannete! Motho a ka tikwisa ka go lokologa ga mošaga wonone le mo a ka fo ba a le jele kela go le lebhantiti. (Gen. 39:20-23) Taba yonone yi makegiye ga mogageru ye mongwana ye ba reng ke Nancy wa ga Yuen le mogageru Harold wa ga King, ka babedi ga bona ba yye ba tshwariwa mengwagangwaga ba yisiwa jele ka taba la go yema le Modimo. Ba gona mo ga JW Broadcasting. (Lebelela ka tlase ga INTERVIEWS AND EXPERIENCES > ENDURING TRIALS.) Mara di nyaka re tiputsise gore re nyoko šupetsa ka ying gore go lokologa howa re go leboga ka matla? Fote re ka maka byang gore re berekise go lokologa howa gabutši?

6. Bo ba Maisrayele ba šupetsiye ka ying gore a ba leboge go lokologa ga gore ba go neyye ke Jehova?

⁶ Mo re bona gore selo so motho a re neyyeng sona se mo turele, re kwa di re tšhofa gore re mo leboge. Maisrayele a maa leboga mo Jehova a ma ntsha bobhantiting ku Egepita. Ke mo go soko bane go fela dikgwedi ka dikaye mo ba thomisa go hlologela tsa go ja le tsa go nwa tsa ku Egepita, ba boya ba ro kokola mo Jehova a ba neya dilo, ba re nke bona ba fo ba lesetsa ba sologe ba ye Egepita. Batho ba gona ke mo ba nyaka ‘hlapi, dikgebetlele, magapu, dinyala tsa mphogo, dinyala le dikonofolo,’ ba sa tihlope ka Jehova, yene Modimo wa nnete ye a ba neyyeng go lokologa. Tso ba di makiyeng di yye tsa kwatisa Modimo ka matla, ayitsano di ya makatsa mara? (Dip. 11:5, 6, 10; 14:3, 4) Tla re napeneng re tšhuta ga taba yone!

7. Maphelelo ya Pawulo ma šupetsiye byang gore o latelela tso a di bolabodiyeng ga 2 Makorente 6:1, fote rune re ka maka byang gore re tshwane naye?

⁷ Mopostola Pawulo o butsiye Makreste ka mokana ga wona gore go lokologa howa ga gore ma go neyye ke Jehova ka pelo ye tšhwewu  a berekisa Morwayi wage Jeso Kreste, ma sa kgane ka gona. (Bala 2 Makorente 6:1.) O ka fo ba o di gopola gore Pawulo ke mo a tikwa byang mo lekwalo lage le mmotsa gore o bhantitela sebe le lekgu. Mara o yye a ngwala a jabodiye a re: “Ke leboga Modimo ka Jeso Kreste yene Morena wa rune!” Ke ntaba a mo leboga? O hlatollele magagabo ya Makreste a re: “Ka taba la gore molawo wa go yelana le moya ke wona wo le neyang lephelo la go kwana le Kreste Jeso fote wo le ntshiye ga molawo wa sebe le likgu.” (Maroma 7:24, 25; 8:2) Le rune di nyaka re kopisele ga Pawulo, re sa kgane ka taba yowa ya gore Jehova o re ntshiye bobhantiting bya sebe le likgu. Ka taba la go lepolliwa, gana byalo re thog’o berekela Modimo wa rune ka makwalo ya go yela fote tsotsone di re jabodisa ka matla.—Pis. 40:8.

8, 9. Mopostola Petro o re pasopisiye ga ying mo re kene re berekisa go lokologa howa ga rune? (b) Rune re kotsing ya mohlobo mang?

⁸ Le mo re ka fo ba re nyaka go šupetsa gore re leboga tso Modimo a re makelang tsona, tla re pasopeneng gore re sa šinyi re taka mokgero wa go lokologa ga rune. Mopostola Petro o itseri o sa kraye re maka dilo tsa go sa hlamatsega re phema ka gore re lokologiye. (Bala 1 Petro 2:16.) Nje sosone a se bolabodiyeng a se go gopotse tso di makegeleng Maisrayele mo ba sa le ku mašahleng? Nnete ke gore bo ba leng kotsing ka matla ke rune. Sathane le lefase lowa lage ba kene ba khanda dilo tsa gore le wene o kwe di nabetsa tsa go tshwana le dikobo le difešeni, tsa go ja le tsa go nwa, tsa go tijabodisa le tsa go fokatsa le tse dingwana tsa go tlala. Bo ba gore baa rekisa ba fo go beyela motho wa go bafala wa go yemega ba mo yapesiye kela ba mo tshwarisiye selo sa gore mo o mo lebelele o kwe nkare o nyoko ba o sa tseye gabutši mo o se naso, mara o kraya gore gabutšibutši selo sone se fo tikela ku. Di lola ka matla gore re tikraye re šele re goromele gana mone, ke mokane tsela tsa gore re lokologiye di thomisa go kekema!

⁹ Taba yo Petro a yi bolabodiyeng yi bereka le ga dilo tse dikgolo ka matla tsa lephelo, tsa go tshwana le mo motho a kgeta gore o nyoko tšhutela ying, o nyoko bereka kaye kela o nyoko maka ying ka lephelo lage. Mo re fo beyisa, bana ba sekolo ba lekgono ba hlopega ka matla ka go pasa gabutši gore ba thog’o ya diyunivesithing tsa mayemo. Go na le bo ba ba botsetselang gore mo ba ka tšhuta ga dikolo tsone, ba nyoko tla ba bereka mmereko wa go golela le wa majabajaba, mo ba šele ba nyaka gore ba nape ba dumele taba yone, ba ba šupetsa le dinombhoro tsa gore bo ba tšhutegiyeng ba yi gola ka masaka mara ba gore ba f’lo fetsa sekolo sa mang le mang, ba gola tšhentšhi. Mathari ga go tlala ma yakgoswa ma tseyega, ma tseya nkare tsotsone ke tsona. Byalo ma tshwanele gore ma sa lebale ying, wona le babelegi ba bona?

10. Ka gore re lokologiye, king so re tshwaneleng gore re se tšibe mo re kgeta dilo?

¹⁰ Batho ba bangwana ba re taba yowa a yi nyake motho ye mongwana, ke ya bona beng, ba re yi lukiye ga bona solanka lekwalo la bona le sa ba rakele. Kela ba rela tsela Pawulo a di butsiyeng Makreste ya ku Korinte nakwela a bolabola ka tsa go ja a re: “Ke ntaba motho ye mongwana a tshwanele a nkgerele ka letswalo lage gore nna ke lokologiye go maka ying?” (1 Makor. 10:29) Tsona baa resa gore mang le mang o tikgetela so a nyakang go se maka ga tsa gore o tšhutela ying kela o nyoko maka ying ka lephelo lage, mara a di nyake re lebala le ka gonyana gore go lokologa ga rune go kgera kaye le gore sepheto se sengwana le se sengwana se na le tsa sona. Ka taba lone, Pawulo mo a bolabola o thomisiye ka mantsu ya gore: “Dilo ka mokana ga tsona di molawong [kela, “a ba rakele”], mara tse dingwana a yi tsa go yisana felo. Ka moka dilo di molawong mara tse dingwana a yi tsa go yagisa.” (1 Makor. 10:23) So se napa se re šupetsa gabutši gore go na le dilo tso re ka di tseyelang hlogong ka matla go feta tso rune beng re nyakang tsona mo re šele re bolabola ka taba ya dilo tso re lokologiyeng ga tsona mo lephelong.

11. Re yye ra lokolliwa ka taba la ying?

¹¹ Mo Petro a pasopisa Makreste ka taba yo ya go berekisa go lokologa ka mokgwa wa gore a yi wona, o bolabodiye le ka so se re hlohletselang. O re go lokologa mowa ga rune re go berekise re le “malata ya Modimo.” Mo Jehova a šala a re ntsha bobhantiting bya sebe le likgu ka Jeso ke mo a rela gore re phele di šupetsa gore re tineyele ga ‘Modimo re le malata yage.’

12. Nnowa le ba mutšing gage ba makiye ying sa gore re ka kopisela ga sona?

¹² Mo re nyaka go berekisa go lokologa ga rune gabutši o sa kraye re boyele re lelekisa dilo tsa lefase lo, di nyaka re tlalele ka matla ka mo ga tsa Modimo. (Magal. 5:16) Tla re naganeneng ka gonyana ka Nnowa le ba mutšing gage. Ba phidiye ka nako tsela lefaseng go tlele dikgohlane le batho ba go maka tsa go tšiba ke bona. Mara tso ke mo di maka ke batho bone a sanka ba di kenakena. Ba di kgonne byang tsotsone? Ba f’lo tikgetela go tlalela ka matla ga tso Jehova a itsering ba di make—go yaga Areka, go tikgobaketsela tsa go ja tsa bona le tsa diphoofolo, le go botsa ba bangwana ka kotsi yo ke mo yi šutela. “Nnowa o yye a maka tso Modimo a mo rommeng tsona. A fo maka ka mokg’onone.” (Gen. 6:22) Go feleletsiye ka ying? Nnowa le ba mutšing gage ba yye ba phona mo go fela ka lefase ka nako yonone.—Maheb. 11:7.

13. Jeso ba yye ba mo roma ying ke mokane yene o yye a fitisela sone byang ga bo ba mo latelelang?

¹³ Jehova o re rune ba lekgono re make ying? Ka gore ke rune malata ya Jeso, mmereko wo Modimo a re rommeng wona re wo tšiba gabutši. (Bala Luka 4:18, 19.) Batho ba go tlala lekgono ba sa popele mahlo ka taba la gore modimo wa lefase lo o sa ba tlemme—ka madumedi, ka tsa ditšheleta le ka tsa lephelo. (2 Makor. 4:4) Di gabutši ka matla mo re kopisela ga Jeso le rune re maka tso ne a di maka tsa go gelepa batho gore le bona ba tšibe Jehova le go mo rapela, yene Modimo wa go lokologa. (Mat. 28:19, 20) Sone a yi go kgana, ka taba la gore go na le tsa go tlala tso di ka re parakang. Ga dipoleke tse dingwana batho ba thomisa go sa sa tihlopa ka ba bangwana, fote ba dula ba teyye mokgakga. Byalo ye mongwana le ye mongwana wa rune a ka tiputsisa gore: ‘Ayitsano  nka berekisa go lokologa mo gaka gore ke yeketse mo ga mmereko wa Mmušo?’

14, 15. Batho ba Jehova ba šupetsa ba yi tseya byang taba yo ya go tšhomayela? (Lebelela sethombhe sa ku mathomisong.)

¹⁴ Di jabodisa ka matla gore ba bangwana ba šele ba pomme dilo tso ba nang natso ke mokane ba kena mmerekong wa go berekela Jehova ka nako ka moka, ba šupetsa gore baa di bona gore nako yi yye. (1 Makor. 9:19, 23) Ba bangwana ba berekela dipolekeng tso ba dulang ga tsona; ba bangwana ba rorela mo go gayelang Dihlatse. Mo re fo balela tsa mengwaga ka mehlano ya go fela, nombhoro ya mašupatsela ya nako ka moka yi šele yi teya ka ku ga 1 100 000, fote gana byalo ba bangwana ba gore le bona ba kenela mmereko wowa wa bophayona bya nako ka moka ba segela ka ku ga kota ya miliyoni. Mo re ka berekisa go lokologa ga rune gore re berekele Jehova, o nyoko re rufa ra šala re bafele!—Pis. 110:3.

¹⁵ Magageru bowa ba makiye king gore ba berekise go lokologa ga bona gabutši? Tla re bolaboleneng ka John le Judith ba gore ba yye ba bereka ga dipoleke tsa go tlalanyana ka 30 ya mongwaga. Ba sa gopola gore mo go thomiwa Sekolo sa Mmereko wa Maphayona ka 1977, go yye gwa bolabodiwa taba ye nngwana ka matla ya gore ba sa tšhabe go rorela ga dipoleke tsa gore go gayela Dihlatse. John o re ka taba la gore ke mo ba nyaka go ngangarela ga taba yone ba tiputsiyeng yona, o tšhentšha-tšhentšhiye mmereko gatleletlele gore a šinye a kraya wa gabutši wa go maka gore a phele lephelo la lola. Ba feleletsiye ba segela ga poleke ye nngwana ya gore a ba tšibi maphelelo ya gona, mara go rapela Jehova le go tikokotlela ka yene go ba gelepiye ka gore ba di kgonne go tšhuta mmolabolo wa nyuwane, go tlwayela setšo sa gona le go tiyisela dipula, go bata kela go fisa. Ba re king mo ba gopola ka mengwaga yononeng? John o re: “Ke yye ka kwa nkare le mmereko ka wwoši wo ke wo berekiyeng a wo segele ga wowa. Ke yye ka di bona ka nako yonone gore Jehova ka nnete wa phela, fote ke papa wa go nyaka bana bage. Ke napiye ke di kwisisa gabutši gore Jakobo 4:8 yi ra gore king mo yi re: ‘Šutelaneng thina ga Modimo, le yene o nyoko šutela thina ga lune.’ Le nna mong ke mo ke tikwa gore a ke gayele selo, lephelo laka le yenele gabutši.”

16. Ba bangwana ba go tlala ba yye ba berekisa go lokologa ga bona byang le mo seyemo se sa name se dumela?

¹⁶ Ba bangwana ba ka fo ba ba sa tshwane le John le Judith, o ka kraya bona ba fo kgona go kena mmerekong wa nako ka moka ka nako ye kopana ka taba la mayemo. Le mo go le sone, ba go tlala ba berekisa lešuba lo le bulegang mmerekong wa go yaga wa gore wo makiwa lefaseng ka mokana ga lona. Go tshwana le ka nako tsela go yagiwa ofisi ye kgolo ya lefase ku Warwick, New York, 27 000 ya magageru ba banna le ba basadi ba yye ba ye gelepeng—ba bereka go tlogisela ga dibeke ka dipedi, mongwaga kela go feta gana hone. Ba go tlala ba yye ba lesetsa dilo ka mokana ga tsona gore ba ye bereka gana ku. Nnete re ka kopisela ga bona ka taba la gore go lokologa ga bona ga gore ba go neyye ke Modimo, ba go berekisele go thanaka le go gadimisa Jehova, yene Modimo wa go lokologa!

17. Bo ba gore go lokologa ga bona ga gore ba go neyye ke Modimo ba go berekisa gabutši ba nyoko kraya dilo tsa mošaga mang tso di saga tlang tsa go jabodisa?

¹⁷ Re ya jabola ka gore re tšiba Jehova fote re tikwisa ka go dula re lokologiye ka taba la borapedi bya nnete. Tla re šupetseneng ka dilo tso re di kgetang gore re yi tseyela hlogong taba yo ya go lokologa. Nkare re ka berekisa go lokologa gone gabutši re sa tshwara tsa go kgana, re nyoko di boneng gore go berekela Jehova go jabodisa ka matla. Mo re ka maka ka mokg’onone, re nyoko kraya tso Jehova a re tshepisiyeng gore o nyoko re rufa ka tsona mo go šele go makega tso a di hlayyeng botala tsa gore: “Tso di makiwweng ka mokana ga tsona di nyoko lokologa bobhantiting bya go hlorisiwa ke mokane di gadimisiwe ka taba la go lokologa ga bana ba Modimo.”—Maroma 8:21.