1. Nakwela go sinyega ku Edeni, Jehova o yye a tiyisa batho bage byang?

GO TLOGISELA mo batho ba sinya ke mokane ba feleletsa ba sa yenela mmeleng, Jehova o yye a tišupetsa gore ke yene Modimo wa go tiyisana. Mo tsa ku Edeni di šaša, ka nako yonone o yye a neya bana ba Adamo lešiši. A di ya nama di šaša le ga batho. Mo batho ba kwisisa tso di bolabolang ke Genesi 3:15, ba nama ba tshepa gore go se botala go nyoko fela ka “noga ya botala,” Sathane Diyabolo, le dilo tsage ka moka tsa go kekema.—Kut. 12:9; 1 Joh. 3:8.

2. Jehova o mo tiyisiye byang ga Nnowa?

² Nnowa ke mo go le lelata la Jehova fote a phela polekeng ya gore batho ba gona a ba yisi felo ka Modimo, ba go rapela Jehova ke mo go fo ba yene le ba mutši wage. Ku ga gore Nnowa ke mo a dula gona ke mo go tlele dikgohlane le batho ba go kwana le tsa maroga, fote dilo tsone ke mo di topele ka matla mo ga  bona, di ka fo ba di yye tsa mo kgongwetsa. (Gen. 6:4, 5, 11; Juda 6) Mara Jehova o yye a mmotsa dilo tso di makiyeng gore a kwe a tiyelele, a napa a yeketsa tsa go nyaka go ‘sepela le Modimo’. (Gen. 6:9) Jehova o yye a botsa Nnowa gore o nyaka go fetsa ka lefase lo la go befa le go mmotsa gore a make ying gore mutši wage o thog’o phona. (Gen. 6:13-18) Jehova o tišupetsiye gabutši ga Nnowa gore ke yene Modimo wa go tiyisana.

3. Jošuwa o yye a tiyisiwa byang? (Lebelela sethombe sa ku mathomisong.)

³ Ka morago ga hone, Jošuwa le yene ke mo a na le mmereko wo mogolo wa go yabaganya batho ba Modimo ku nageng yo a ba tshepisiyeng yona. Gana hone ke mo go na le ditšhaba tso ne di na le masole ya matšhika, tsa gore ke mo a tshwanele go lwa natso a di hlole. Mo Jošuwa a thomisa go hlagasela ka taba lone, ke mo a sa timakisi. Jehova o yye a yakgoswa a di bona, a roma Moše gore a mo tiyise ga Jošuwa. Modimo o itseri: “Layelela Jošuwa, o mo kgotatse o boye o mo tiyise, ka taba la gore ke yene ye a nyoko yetang setšhaba so mahlong mo se ya ka ku mosekola fote ke yene a nyoko makang gore se segele ga naga yo o ko go yi bona.” (Dot. 3:28) Mo Jošuwa a le thina le go ya ntweng, Jehova o yye a mo tiyisa ka gore: “Anthe a ke ya go botsa? Bane le lešiši, o tiyelele. O sa hlagasele kela go tšhoga, ka taba la gore Jehova Modimo wago o nago go gongwana le go gongwana mo o yang.” (Još. 1:1,9) Le wene mo o ka kwa tsotsone, o ka napa o tlogamela!

4, 5. (a) Jehova o ba tiyisiye ka ying batho bage ba ku botala? (b) Jehova byalo ga Morwayi wage o mo tiyisiye byang?

⁴ Jehova ke mo a sa tiyisi motho ka wweši ka wweši fela, le mo ba le mogoba ke mo a ba tiyisa. Seporofeto so a yyeng a se bolabola se ka fo ba se yye sa kgomoletsa Majuda nako tsela go le mabhantiti ku Bhabhilona, Jehova o itseri: “O sa tšhabe, ke nago. O sa šekele, ka taba la gore Modimo wago ke nna. Ke nyoko go tiyisa, ke ya resa, ke nyoko go thuša, ka nnete ke nyoko go tshwara ka letsogo laka la go ja la go loka.” (Jes. 41:10) Modimo tsotsone o yye a di tshepisa Makreste ya ku botala, le ga batho bage lekgono o sa fo reyane.—Bala 2 Makorinthe 1:3, 4.

⁵ Jeso le yene o yye a tiyisa ke Papage. Nakwela a kolobetsiwa, Jeso o yye a kwa lentsu la go tšwa legedimong le re: “Yewa ke Morwayi waka, ye ke mo nyakang ka matla, ke kwana naye.” (Mat. 3:17) Mantsu wone ma yye ma tiyisa Jeso mo a kene a tshwaraganne le mmereko wa go tšhomayela wa mo lefaseng!

6. Mošupetso wa ditalente wo tiyisana ka ying?

⁶ Jeso o yye a kopisela ga Papage. Mošupetso wa ditalente wa gore wo porofitiye ke Jeso wa go bolabola ka go fela ga lefase lowa, wo re tšhutisa gore re tshepege. Kgoši yi thanakiye lelata le lengwana le le lengwana la go tshepega ya re: “O berekiye, o lelata la gabutši le la go tshepega! O tshepegiye ga dilo tse dinyana. Ke nyoko go hlawola gore o lawole dilo tsa go tlala. Jabola le mong wago.” (Mat. 25:21, 23) Mantsu yane ma napa ma ro tiyisa motho gore a ye mahlong a berekela Jehova ka go tshepega!

7. Jeso o yye a tiyisa mapostola yage byang, le Petro ka matlamatla?

⁷ Bo go leng mapostola ya Jeso ba yye ba thomisa go lweletsana gore ye mogolo ke mang gare ga bona, mara Jeso o yye a ba botsa a kene a lefisiye pelo gore ba tinyanafatse ba timake dipampanyana tsa ba bangwana, ba sa timake dikonokono. (Luka 22:24-26) Petro yene-yene o tšebisiye Jeso ga go tlala. (Mat. 16:21-23; 26:31-35, 75) Mara Jeso a sanka a tobela Petro, o yye a mo tiyisa,  a boya a mmotsa gore a ye a tiyise magagabo.—Joh. 21:16.

8. Hezekiya o yye a tiyisa ba bagolo ba masole le batho ba Juda byang?

⁸ Le nakwela Morwayi wa Jehova a soko bane a tla ho lefaseng a tl’le re šupetsa gabutši gore go tiyisana ba ra byang, ke mo go na go šele go na le malata ya go tshepega ya Jehova ya gore maa di tšiba gore go tiyisana go gabutši. Ka nako tsela Maasiriya ma tshosetsa Majuda, Hezekiya o yye a bitsa ba bagolo ba masole le setšhaba ka mokana ga sona, a ba kgotatsa. “Batho ba kwa ba tiyelele ka taba la mantsu [yage].”—Bala 2 Dikoronika 32:6-8.

9. Puku ya Jobo yi re tšhutisa ying ka taba ya go tiyisana?

⁹ Le mo Jobo go le yene wa gore ke mo a nyaka go kgomoletsiwa, o yye a tšhutisa bala ka bararo ba go “kgomoletsa ba kene ba go kwisa go baba” gore go tiyisa motho ba ra ying. O yye a re mola go le yene bona, ‘ke mo a nyoko ba tiyisa ka mantsu ya gabutši a boya a ntsha tsa go ba kgomoletsa ka molomo wage ba šala ba yimulugiye.’ (Jobo 16:1-5) Jobo o feleletsiye a tiyisiye ke Elikgu le Jehova ka boyenemong.—Jobo 33:24, 25; 36:1, 11; 42:7, 10.

10, 11. (a) Ke ntaba morwediy’a Jefeta a di nyakiye go kgotatsiwa? (b) Lekgono ke bomang ba gore le bona ba tiyisiwa ka mokg’onone?

¹⁰ Ye mongwana wa ku botala wa gore le yene ke mo a nyaka go tiyisiwa ke morwediy’a Jefeta. Mo Jefeta a soko ya ntweng a ye lwa le Maamoni, o yye a tshepisa Jehova gore mo a ka fo maka gore a hlole batho bone, le yene o nyoko tla a mo neya motho ye a nyoko nyarelang monyako wa ntlo yage mo a boya ntweng, gore motho yene a mmerekele ku polekeng yage ya go hlawolega. Di f’lo makega gore ye a yyeng a nyarela a tl’le mo gahlanetseng go be morwediy’age wa gore ke mo go fo ba ka wwoši ka monwana. Taba yone yi kwisiye Jefeta go baba. Mara o yye a maka tso a di tshepisiyeng, a yisa kgareba yage Šilo, ya ye bereka tabernakeleng lephelo la yona ka mokana ga lona.—Bay. 11:30-35.

¹¹ Le mo taba yowa yi babiye ga Jefeta, di ra gore ga morwediy’age gona a re sa bolabola, mara o yye a dumela go maka so papage a se tshepisiyeng. (Bay. 11:36, 37) O napiye a lebala ka tsa go nyadiwa, le tsa go ba le bana le gore moloko wa gabo ke mo o nyoko nyamalala a boya a lahlegela ke tse dingwana. Mo re bolabola ka batho ba go nyaka go tiyisiwa, re bolabola ka ba go tshwana le yene. Baebele yi re: “Ke mo go le setlwayedi ku Israyele: Mongwaga wo mongwana le wo mongwana, makgareba ku Israyele ke mo ma ya ma ye thanaka morwediy’a Jefeta wa Moghiliyade, matšatši ka mane ka mongwaga.” (Bay. 11:39, 40) Ayitsano le ga rune di ka sa be gabutši mo re ka thanaka ra boya ra tiyisa Makreste ya gore a maa nyala kela go nyadiwa ka taba la gore ma nyaka go beya “dilo tsa Morena” ka ku mahlong?—1 Makor. 7:32-35.

12, 13. Petro o ma ‘tiyisiye byang magagabo’ ya ka phutegong?

¹² Bošego bya mafelelo mo Jeso a soko kgwa, o butsiye mopostola Petro a re: “Simoni, Simoni, bona! Sathane o nyaka go le fefera ka mokana ga lune go tshwana le korong. Mara ke le kgopelele gore tumelo ya lune yi sa pomege; fote wene, mo o šele o buyye, o tiyise magagenu.”—Luka 22:31, 32.

¹³ Petro o yye a tiyelela ka ho phutegong ya Makreste ya ku botala. (Magal. 2:9) O tiyisiye magagabo ka lešiši lo ke mo a le nalo ka Pentekoste le ka morago ga yona. Mo a šele a le thina le go fetsa mmereko wa go tšhomayela, o yye a ngwalela magagabo ya  Makreste. O ba hlatollele gore ke ntaba, o itseri: “Ke le ngwalela ke sa lefisi gore ke le kgotatse le go le neya sešupo so le ka tshwarelelang ga sona sa gore ka nnete Modimo o re tshwere ka pelo ye butši. Se ngangareleneng.” (1 Pet. 5:12) Mangwalo ya Petro ya gore ma butšwelediwwe ma sa ya mahlong ma tiyisa Makreste. Re di nyaka ka matla go tiyisiwa ka mokg’onone mo re kene re yemele gore go makege tso Jehova a re tshepisiyeng tsona!—2 Pet. 3:13.

14, 15. Mantsu ya ma butšwelediwweng ya mopostola Johane ma tiyisiye Makreste ya ku botala le ya gana byalo ka ying?

¹⁴ Mopostola Johane le yene ke mo a tiyelele ka ho phutegong ya botala ya Sekreste. Taba yo a yi ngwadiyeng ya tso Jeso ke mo a di maka mo a kene a tšhomayela yi tiyisiye Makreste ya go tlala ka dinako tsetsela tsa botala—le gana byalo go sa fo tshwana. Ke puku yage fela ya gore yi na le mantsu ya ma bolabodiyeng ke Jeso ya gore lerato ke setwaba sa bo ba mo latelelang ka mannete.—Bala Johane 13:34, 35.

¹⁵ Mangwalo ka mararo ya Johane ma na le dinnete tse dingwana tse dibutši. Mo re kgongwela ka taba la gore go na le tsa go befa tso re di makiyeng, ayitsano a re yimulugi mo re tšhuta gore “madi ya Jeso . . .ma re yedisa ga dilo ka moka tso re di sinnyeng”? (1 Joh. 1:7) Mo dipelo tsa rune di ya mahlong di re kokona re kwa go baba, nje a re jabole mo re tšhuta gore “Modimo ke ye mogolo ga dipelo tsa rune”? (1 Joh. 3:20) Ke Johane a ntoši ye a ngwadiyeng gore “Modimo ke lerato.” (1 Joh. 4:8, 16) Ga lengwalo lage la bobedi le la boraro, o thanakiye Makreste ya ma yang mahlong ma ‘sepela nneteng.’—2 Joh. 4; 3 Joh. 3, 4.

16, 17. Mopostola Pawulo o yye a tiyisa Makreste ya ku botala byang?

¹⁶ Ka nako tsetsela tsa botala, di ka makega gore mopostola ye a tiyisiyeng magagabo ka matla ke mo go le mopostola Pawulo. Di  šupetsa nkare ka nako tsa mo Makreste ma sa hlekeletsana, mapostola ya go tlala ke mo ma dula Jerusalema, ga gore mogoba wa go lawola ke mo wo dula gona. (Meber. 8:14; 15:2) Makreste ya ku Judea ma tšhomayele ka Kreste ga batho ba gore Sejuda ke mo se makiye gore ba dumele gore Modimo nka wweši. Mopostola Pawulo yene o yye a tšhofa ke moya wa go hlawolega gore a ye tšhomayela ga batho ba mehlobohlobo ba lefaseng la Maroma le Magerika, bo ke mo ba rapela medimo ya go tlala ya dithombhe.—Magal. 2:7-9; 1 Thim. 2:7.

¹⁷ Pawulo o yye tlase le kgakala polekeng yo gana byalo ba reng ke Turkey, le ku Gerika le Italy, a tsama a yaga diphutego tsa Makreste le ga bo go seng Majuda. Makreste yawa ya gore a yi botala ma sokologiye ke mo ma “hlorisa ke batho ba polekeng yo ma dulang ga yona,” ke mo ba nyaka go tiyisiwa. (1 Mathes. 2:14) Gana mola ga mongwaga wa bo 50 C.E., Pawulo o ngwalele phutego ye nyana ya ku Thesalonika a re: “Re dula re leboga Modimo mo re hlaya lune ka moka ga dithapelo tsa rune, ka taba la gore re ya mahlong re gopola gore le bereka ka go tshepega, le karakara ka go di nyaka fote le ya tiyisela.” (1 Mathes. 1:2, 3) Fote o ba yeletsiye gore ba tiyisane mo a re: “Le sa lesetse go tiyisana le go yagana.”—1 Mathes. 5:11.

18. Mogoba wa go lawola wa ku botala o yye wa tiyisa Filipi byang?

¹⁸ Mogoba wa go lawola wa ku botala ke mo o gelepa ka matla ka go tiyisa bo ke mo ba yetiye mahlong ka nako yonone le Makreste ka mokana ga wona. Ka nakwela Filipi a tšhomayela ka Kreste ku ga Masamariya, bo ba mogoba wa go lawola ba yye ba mo tiyisa ka matla. Ba yye ba romela ka babedi ba bona, Petro le Johane, gore ba tl’le rapelela bo go seng botala ba sokologiye gore le bona ba kraye moya wa go hlawolega. (Meber. 8:5, 14-17) Filipi le bo ke mo go se botala ba sokologiye di šupetsa ba yye ba tiyisa ka matla ke tso di yyeng tsa bolabola ke mogoba wa go lawola!

19. Diphutego tsa Makreste tso di yyeng tsa kraya marifi ya go tšwa ga mogoba wa go lawola di yye tsa tikwa byang?

¹⁹ Ka moragonyana, mogoba wa go lawola o yye wa butsisiwa gore nje Makreste ya go seng Majuda ma tshwanele ma bollwe go tshwana le Majuda ya go latelela Molawo wa Moše kela byang. (Meber. 15:1, 2) Ba yye ba yetetsa ke moya wa go hlawolega ba boya ba berekisa le Mangwalo, ba segelela sepheto sa gore a go sa hlokega gore batho bone ba bollwe, ke mokane ba ngwalela diphutego marifi ka taba yone. Ba bangwana ga bo ba mogoba wa go lawola ba yye ba rumiwa gore ba felegetse marifi yane diphutegong. Gwa makega ying? “Mo ba fetsa go le bala, ba jabola ka matla ka gore ke mo ba ba tiyisiye.”—Meber. 15:27-32.

20. (a) Mogoba wa go Lawola wo tiyisa magababo rune lefaseng ka moka byang? (b) Ke putsiso yifeng yo yi nyoko fetodiwang ga hlogotaba ya go latela?

²⁰ Le lekgono Mogoba wa go Lawola wa Dihlatse tsa Jehova o sa tiyisa bo ba leng Bethele, bo ba go hlawolega ba go fetsa nako ka moka ba le tšhomong, le magageru bo go leng Makreste ya mannete ba mohlobohlobo lefaseng ka moka. Fote maphomela ya gona ma fo tshwana le ya gana ku botala—batho bone ba jabolela go tiyisiwa! Se sengwana so Mogoba wa go Lawola o se makiyeng ka 2015 ke go ntsha sepukwane sela sa gore Boela go Jehofa, sa go ka sa tiyisa ba go tlala lefaseng ka mokana ga lona. Mara ayitsano bo ba yetiyeng mahlong ke bona ba ntoši ba tshwaneleng go kopisela Jehova ka tso tsa go tiyisana? Phetolo ya putsiso yone yi nyoko tla yi krayega ga hlogotaba ya go latela.