DIPUKU tsone ke mo re re ke molalatladi. Mo ke šele ke kgona go bala, ke yye ka kraya mešupetso ya go njabodisa ka matla. Di makiye gore mo ke sa le ye monyana, ke nabele go tšiba Baebele, ke nabetsiye ke tso ke di krayyeng ga dipuku tsotsone.

Mo Ntwa ya Lefase ya Bobedi yi segela India, go yye gwa thomisa go sinyega. Batswadi baka ba yye ba lesetsana. Ke mo ke sa kwisisi gore ke ntaba batho bo ke ba nyakang ka matla ba fo kgeta go hlalana. Ke yye ka yema hlogo, ka boya ka kwa nkare ke nna segeyageya. Ke mo go se na motho wa go nkgomoletsa ka taba la gore gageru ke nna ngwana ke ntoši.

Ka nako yonone, nna le mmane ke mo re dula mo ba reng ke Karachi. Ka tšatši le lengwana, Fred Hardaker, wa gore ke mo go le dogotela ya mokgalabye fote go le hlatse ya Jehova, o yye a tla ku gaye. Ke mo a gahlanela le morumiwa yela wa go ya a neya ba ku gaye dipuku. O yye a botsa mmane gore a ka tla a badisana naye Baebele. Mmane yene o yye a gana, mara a re kela nna nka di jabolela. Mo yi sopologa, ka napa ke thomisa go bala le Mogageru Hardaker.

 Ka nthago ga dibeke, ke yye ka ya mogahlanong wa Sekreste ku tl’liniking ya Mogageru Hardaker. Ke mo go gahlanela gana ku ga 12 ya batho ba bagolo ba Dihlatse. Ba yye ba nkgomoletsa, ba mpasopa tsa nkare ke nna morwayi wa bona. Ke sa gopola mo ba mpitsa ba re ke tle ke dule thina nabo, ba tsotsomala gore mo re bolabola ba ntebelele ka ho mahlong, ba boya ba bolabola le nna tsela tsa nkare ke rune banghana ba bagolo, fote ka nako yonone ke mo ke nyaka tsotsone ka matla.

Go se botala, Mogageru Hardaker o yitseri ke mo felegetse tšhomong. O yye a ntšhutisa go berekisa sewerewere se sengwana sa gore ke mo se kganiwa gore batho ba theetsele tso di bolabodiwang ka Baebele. Batho ke mo ba sa jabolele dipolabolo tsowa mo re kene re ba kganela tsona, ka taba la gore ke mo di ba hlaba. Mara ke mo di njabodisa mo nkene ke tšhomayelela ba bangwana. Ke mo ke yemayema tse dingwana tsa go sa hlayisege ka taba la dinnete tsowa tsa Baebele fote ne ke nyaka go di botsa batho ba bangwana.

Mo masole ya Japane ma kene ma šutela India, ba bagolo ba Brithaniya ba yye ba napa ba totometsa Dihlatse tsa Jehova. Ka July 1943, le nna ke yye ka kwisiwa go baba ka matla. Phrinspale wa sekolo wa gore ne go le moruti wa kereke ya Anglican o yye a re mo gaka, “wa tšiba wa tshwatisa.” O mmutsiye le ga mmane gore taba yowa yaka ya go kikirisana le Dihlatse tsa Jehova ya nsinya, fote le ba bangwana a yi ba tshware tsona. Mmane o yye a kwata, a re ke lesetse go yinghayingha le Dihlatse. A gwa tseya nako, a nkalamisa sekepe ka ya ga papa ku Peshawar, toropo yone yi kgole ka 1370 ya dikhilomitha mo o ya lebowa. Ke yye ka thomisa go bata ga tso tsa Modimo ka taba la gore ke mo go se na Dihlatse kela dipuku tsa tsona mo thina.

Ka 1947, ke yye ka sologa ka ya Karachi ke ye nyakana le matogo. Mo ke le gana ku, ke yye ka vakašela Dogotela Hardaker ku tl’liniking yage. Ke mo a jabodiye ka matla mo a mpona.

Ke mo a tseya nkare ke ya lwala, ke mokane a mputsisa gore, “Byalo, o bolaya king?”

Mo ke fetola ka re, “Ye dogotela, mo mmeleng a ke lwale. Ke lwala ga tso tsa Modimo. Ke fo nyaka go balediwa Baebele.”

A re, “Byalo o nyaka re thomise neng?”

Ka re, “Gana byalo tsotso.”

Ka malobana wa gona re yye ra bolabodisana ka Baebele. Di natefiye ka matla fote ka kwa di nkgomoletsa nkare ke buyye gaye. Mmane le ka nako yonone o leketsiye gore ke sa šutele ga Dihlatse, mara gana byalo ke mo ke tšiba so ke se nyakang. Ka di 31 tsa August 1947, ke yye ka kolobetsiwa go šupetsa gore ke tineyele ga Jehova. Go se botala, mo ke šele ke na le 17 ya mongwaga, ke yye ka ba lephayona la nako ka moka.

Ke thomme go phayona ku Quetta, ga gore ke mo go dula masole ya Brithaniya. Ka 1947, poleke yone yi yye ya kgeriwa, India ya ba ka howa ke mokane ka ku mosekola gwa ba Pakistan. * Taba yone yi makiye gore dikereke tsa gana hone di thomise go lweletsana ka batho, ke mokane gwa ba le motšhabo wo mongwana wa go tshosa ga poleke yone. Batho bo ba yyeng ba tšhaba ke mo ba segela gana ku ga 14 ya dimiliyoni. Mamoselemo ya gore ke mo ma dula India ma rorele Pakistan, ke mokane Mahindu le Masikh ya ku Pakistan ma rorela India. Mo go sa dhunghegiye ka mokgonone, ke yye ka kalama setimela ku Karachi sa gore ke mo se yitseri tswi ka batho, ke mo ke f’lo hlagamela ga setshipane se sengwana mo re kene re bakiye Quetta.

Mo ke le ku Quetta, ke gahlanne le George Singh wa go ba le gana hala ga bo-20 ya mongwaga wa gore ke lephayona la go hlawolega. George o yye a nneya bhayisikila ya gore nko kalama ho nkene ke berekana le tšhomo ya gana hone dithabeng. Ga go tlala ke mo ke fo ya tšhomong ke ntoši. Mo go teya 6 ya dikgwedi, ke mo ke šele ke na le 17 ya bo ke balang nabo Baebele, ba bangwana ga boboneng ba yye ba tla dinneteng. Ye mongwana ga bona ke mo go le lesole ba re ke Sadiq Masih, ke yene a gelepiyeng nna le George mo re kene re hlatollwa dipuku tse dingwana tsa Baebele ka mmolabolo wa Seurdu wa gore wo bolabodiwa ku Pakistan. Mo nako yi kene yi sepela, Sadiq o yye a ba motšhomayedi wa ditaba tsa go bafala wa go ba le matšato.

Ka nthago, ke yye ka boyela Karachi, gana hone ke mo ke tšhomayela ke na le Henry Finch le Harry Forrest ba gore ke mo go se botala ba tšwa Sekolo sa Gilead sa barumiwa. Magageru bowa ba ntšhutisiye dilo tsa go tlala ka matla! Tšatši le lengwana ke yye ka felegetsa Mogageru Finch go ye tšhomayeleng ku lebowa la Pakistan. Mo re segela ho tlase ga thaba, re krayye batho ba go bolabola Seurdu ba go tinyanafatsa, ba gore ditaba  tsowa tsa Baebele ba di wonngwe ka matla. Mo go šele go fitiye mengwaga ka mmedi, ke yye ka ya Sekolo sa Gilead; ke boyele ku Pakistan ka ye bereka ke le mopotologi wa go fo tšwa a tshwere. Ke mo ke dula mutšing wa barumiwa ku Lahorem ke na le magageru ba bangwana ka bararo.

Sa go babisa pelo ke gore magageru yala ya barumiwa ma yye ma phiriketsana ka 1954, ofisi ya lekala ya šinya yi ba yisa go gongwana. Le nna ke mo ke kutšetsele tse dingwana mo ba šinya ba thothana, byalo ke yya ka kgadiwa go baba. Ke f’lo kwa nkare ke kakodiye letlapa le lekayekaye, ka bona nkare tso tsa Modimo di ya nšita. Ke yye ka sologa ka ya Karachi ke mokane ka ya London le England, ke fo re kela nka thomisa ka bonyuwane mo ke berekela Modimo go gongwana.

Ku London ga phutego yo ne ke gahlanela ga yona, ne go na le magageru ya go tlalanyana ba go bereka Bethele. Pryce Hughes ke mo go le molata wa pelo ye butši wa gana hone lekaleng, o yye a ntšhutisa tsa go tlala. Tšatši le lengwana o yye a nhlayisela gore Joseph F. Rutherford wa gore ke mo go le yene mowokamedi wa mmereko wa go tšhomayela wa lefaseng ka moka, o yye a mo kgala go baba. Mo Mogageru Hughes a sa re o leketsa go tiyemelela, Mogageru Rutherford o yye a mo kgala a sa mo kwele go baba. Ke mo ke makele mo ke bona Mogageru Hughes a nhlayisela taba yowa a kene a ngwalangwala. O re taba yone yi yye ya mo kwatisa mathomisong. Mara o yye a tla a di bona gore ne di le gabutši gore a kgadiwe le gore ne di šupetsa gore Jehova wa mo nyaka. (Maheb. 12:6) Tsotsone di yye tsa ntikisa pelo ka matla ka kwa nkare ke ya tiyelela.

Ka dinako tsotsone, mmane o yye a rorela London ke mokane a thomisa go tšhuta Baebele a balela ke John E. Barr, yela wa go ka a bereka le Mogoba wa go Lawola. O yye a ya mahlong a tlalela ka ho ga tsa Modimo ke mokane a kolobetsiwa ka 1957. Ke šadiye ke di kwa ka nthago gore papa le yene mo a timela ke mo a tšhuta Baebele le Dihlatse tsa Jehova.

Ka 1958, ke yye ka tseya mosadi, lebitso lage ba re ke Lene wa Ledanish, wa gore ke mo a dula London. Ka mongwaga wa go latela re yye ra rufiwa ka ngwana wa ngwannyana, ke mokane ra mo reya gore ke Jane, ke mo go le yene wa mathomo, ke mokane gwa tla ba bangwana ka bahlano. Ke yye ka neyiwa le mebereko ye mengwana ku Phutegong ya Fulham. Mo go-ya go-ya, Lene o yye a lwala, ra bona gore re rorele ga poleke ya go fisela. Ka 1967, re yye ra rorela Adelaide, ku Australia.

Phutego ya rune ya Adelaide ke mo yi na le 12 ya Makreste ya go tlotsiwa. Ke mo ba karakara ka matla ho ga mmereko wa go tšhomayela. Re yakgoswiye re tlwayela ra thomisa go berekela Jehova re jabodiye.

Ka 1979, nna le Lene re yye ra kraya ngwana wa bohlano, ra re ke Daniel. Ke mo a lwala ka matla a hlopa ke  bolwele byo bongwana bya go lepoga ba re ke Mongholo * fote ke mo ba re a ka sa phele go ya kaye. Le gana byalo lowa di sa nšita go hlatollwa mababelo ya mo ke kwa taba yone. Re leketsiye ka matla go mo neya tso ne a di nyaka, ka thoko re kene re sa lebala bala ba bangwana ka bane. Ka tse dingwana dinako, Daniel ke mo a ba ye motala ka taba la go šitega go wona ka gore mo pelong gage ke mo go na le mašuba ka mabedi, ra bona gore re mo tabogisele sepetlele. Mara le mo a lwala ka mokg’onone, ke mo a hlalifiye fote a kwana le batho ka matla. Ga Jehova ke mo a kwana naye ka matla. Mo go rapediwa mo re šele re nyoko ja, ke mo o kraya a teya matsogonyana, a dumela ka hlogo ke mokane a re “Amene!” le wene o mmona gore di ya mmaba. Mo a makiye sone, ke gona o ko mmonang a ja.

Mo Daniel a ba le mengwaga ka mene, o yye a kena ke khensa ya madi. Nna le Lene ke mo re šele re tennwe fote re kgongwele ka ku teng. Ke mo re kwa nkare re thina le go thuhluga. Mogageru wa mopotologi ye ba reng ke Neville Bromwich o yye a re vakašela mo re šele re tikwa gore a di sa maka. Bošegong byone, o yye a re tlaparela a kene a yela dinepedi. Ka mokana ga rune re lliye. Mantsu yage le mabolabolelo yage ma re kgomoletsiye ka matla. Mo a tloga ke mo go šele go le thina le go teya 1 ya ka bošego. A gwa ya kaye, Daniyele o yye a timela. Go timela gage go re kwisiye go baba go gongwana la go sa hlayisege. Mara re yye ra fo tiyisela, re tshepa gore a se šiyo—le mong likgu—sa gore se ka mamarolla Daniel ga Modimo. (Maroma 8:38, 39) Re fo kwa nkare nke re šele re le naye a tsusiwwe ga lefase la Modimo la nyuwane!—Joh. 5:28, 29.

Gana byalo ke nna mogolo ka phutegong le mo ke yye ka teya ke setrowuku gabedi. Tso di mmakegeleng di n’gelepiye gore le nna ke kwelane go baba, ka matlamatla mo ba bangwana ba kwa di roba. Ke leketsa go sa ba solasole. Ke na le go tiputsisa gore: ‘Tso ba gahlanneng natso di makiye gore ba tikwe byang kela ba nagane byang? Nka šupetsa byang gore ke ba kwela go baba? Nka ba gelepa byang gore ba ye mahlong ba berekela Jehova?’ Ke kwana natso ka matla tsa go vakašela magageru ka ho phutegong ke ye leketsa go tiyisana nabo! Nnete ke gore mo nkene ke kgomoletsa batho ba bangwana le go ba tiyisa gore ba mamarele Modimo, le nna mong ke ya tiyelela.

Le nna ke fo tikwa go tshwana le mopisalema, nakwela a re: “Mo ke roba ke tso ke šekelang ka tsona, [Jehova] o nkgomoletsiye a boya a mpeya gabutši.” (Pis. 94:19) O nkakudiye ga tsa go tlala tso di yyeng tsa tlela mutši waka, nakwela ba gana ke ya mogahlanong, nakwela nna mong ke tšwa pateng le nakwela ke kwa go roba ke tsa go tlala. Ke ya resa mo ke re ke botala Jehova go le Papa wa mannete ho gaka!