KE GOLELE polekeng yo ba reng ke Graz, Austria. Ba ng’yisiye sekolo sa kereke mo ke na le 7 ya mongwaga. Mara gana ku ke yye ka bona dilo tsa go silikisa tsa gore baruti ba gona ke mo ba yetsela le basadi ba gana hone sekolo bo ba titlemmeng gore ba nyoko phelela kereke. Mmane o yye a ntesetsa ke tloga ga sekolo sone go soko fela mongwaga.

Ke mokane ke yye ka kena sekolo sa gore o dula gana mone. Bošego byo bongwana, papa o yye a tla go tl’le ntseyeng ka gore poleke ya Graz ke mo go thunya dibhomu ka mo le ka mo. Re yye ra tšhabela toropong ya Schladmin. Mo re sa segela, re fetsa go feta lebhorogo, ba yye ba le bhoma. Ka tšatši le lengwana nna le kokwane ba yye ba re thunya re le ka jareteng, ba sepela ka dielebhreyi tsela tsa go pherera mo thina. Mo ntwa yi šele yi le thina le go fela, di yye tsa šupetsa nkare kereke le mmušo di re tšebisiye.

Ka 1950, hlatse ye nngwana ya Jehova e yye ya bolabola le mmane ka ditaba tsa ka Baebeleng. Ke mo ke ba theetsela mo ba kene ba bolabodisana fote mmane ke mo ke mo felegetsa ga ye mengwana ya megahlano. Mo a šele a tshepiye gore Dihlatse tsa Jehova di tšhutisa nnete, o yye a kolobetsiwa ka 1952.

Ka dinako tsotsone, nna ke mo ke tseya gore megahlanong go ya dikgekolane fela. Mara tšatši le lengwana re yye ra vakašela holong ye nngwana ya gore yi tlele ka mathari le ba banyana—ka di bona gore poleke yo a yi ya dikgekolane! Mo re sologiye re le ku Graz, ke yye ka thomisa go ya megahlanong ka mokana ga yona, le nna a di ya ntseya nako ka ba ke šele ke tshepa gore tso ke di tšhutang yi fo ba nnete. Ke thomisiye le go tšiba Jehova go le Modimo le gore o dula a na le malata yage. O maka ka mokg’onone le ga gore rune beng re bona gabutši gore go thatafiye.—Pis. 3:5, 6.

Ke mo ke nyaka go botsa batho dinnete tso. Ke thomisiye ka bhuti le bosesi. Bosesi baka ka bane ke mo ba šele ba gudiye, ba tlogiye gaye ba bereka go tšhutisa. Mara ke yye ka vakašela ye  mongwana le ye mongwana mo ne a dula gona, ka ba botsa gore ba tšhute Baebele. Ka mokana ga bona ba yye ba ntheetsela ke mokane gwa ba Dihlatse tsa Jehova.

Ka beke ya bobedi mo ke le tšhomong mutši ka mutši, ke yye ka gahlana le mosadi ye mongwana wa gana mola ga bo-30 ya mongwaga, ke mokane ka thomisa go tšhuta naye Baebele. O yye a feleletsa a kolobetsiwa, ke mokane ka moragonyana gwa lategetsa monnage le barwayi ba bona ka babedi. Yene motho yene ke tšhutiyeng naye o makiye gore tumelo yaka yi tiyelele ka matla. Ke ntaba? Ka taba la gore nna gaka aa šiyo ye a yyeng a ntšhutisa Baebele gabutši re duli fase. Ka moka nako mo re ye baleng, ke mo ke lukiselela gabutši hlogotaba ye nngwana le ye nngwana. Nka fo re ke mo ke thomisa ke titšhutisa nna mong gore ke kgone go tšhutisa ye ke balang naye! Sone se makiye gore dinnete tso di nape di ro topela mo gaka. Ka April 1954, ke yye ka kolobetsiwa metšing go šupetsa gore ke tineyele ga Jehova.

Ka 1955, ke yye ka ya megahlanong ye megolo ya batho ba mohlobohlobo ku Germany, France le England. Mo ke le ku London, ke yye ka gahlana le Albert Schroeder. Ke mo go le thitšere ya Sekolo sa Baebele sa Gilead ke mokane a tla a ba ye mongwana wa bo ba Mogoba wa go Lawola. Mo ba kene ba ya tlase le kgakala ba bona Muziyamo wa Brithaniya, Ngwaneru Schroeder o yye a re šupetsa maphephe ya botala ya Baebele. Lebitso la Modimo ke mo le ngwadiwwe ga maphephe yane ka dihlaka tsa Seheberu, a hlatolla le gore ke ntaba re tshwanele go ma tseyela hlogong. Sosone se yye sa ntikisa pelo ka napa ke mamarela ka matla ga tso tsa Modimo, ka tikemisela ka matla go berekisa nnete yo Lentsu la Modimo le yi tšhutisang.

Ke kenne bophayoneng ka di 1 tsa January 1956. Ka morago ga dikgwedi ka dine, ba nkgopele gore ke be lephayona la go hlawolega ku Austria. Ka nako yonone, ke mo go se na Dihlatse gana mone ga toropo ya Mistelbach ya gore ke mo ke ya ga yona. Se sengwana se yye sa leketsa go mphika gana ku. Nna le motho ye ne ke phayona naye ke mo re sa tlwayela go maka dilo go tshwana. Ke mo ke lata 19 ya mongwaga fote ke tlwayele lephelo la toropo, yene a na le 25 ya mongwaga, a tlwayele lephelo la dipolaseng. Nna ne ke sa kwane le go yakgoswa ke tsoga ka bošego mara yene a kwana le go tsoga go sa le ka phu. Bošego ke mo ke sa yakgoswe ke yetsela, mara yene ke mo a nyaka go yakgoswa a yetsela. Mara re segele le mo re berekisang mayele ya Baebele ke mokane ra lukisa mathata ya rune, ra fetsa re phomelele ka go bereka re le ka babedi re le maphayona ya go jabola.

Gabutšibutši, re yye ra hlakana le mathatha ya mangwana ya go tlala. Ke mo re biye re hlopegisiwa, mara a sanka ra “lahliwa.” (2 Makor. 4:7-9) Mo re kene re tšhomayela polekeng ya magayeng-gayeng, batho ke mo ba tlemolla le dimpya tsa bona. Nna le ye ke sepelang naye mo re re phapharaa ra kraya re šele re dukulugiye ke dimpya tse dikgolo di tšinnye fote di sa re gobole lona. Re yye ra tshwarana ka matsogo, nna ke yye ka šinya ke rapela ka re “Jehova, ke kgopela gore mo di re loma, re yakgoswe re kgwa!” Mo dimpya tsone di šele di le thina le go re tshwara, di yye tsa yema, tsa binabinisa mosela ke mokane tsa tloga mo ga rune. Yone a re ya yi botsa ke motho gore re pasopiye ke Jehova. Go tloga hone re yye ra kenela poleke yone ra yi tšhomayela, ra kwa re jabola ka matla ka gore batho ba gona ke mo ba theetsela. Aritši kela ke mo ba makatsiye ke gore dimpya tsela a di ya kwaletsa motho le gore re kene re ya mahlong re tšhomayela le mo re pumutsiye  ke dimpya. Ba bangwana ba feleletsiye yi le Dihlatse.

Go na le se sengwana so se yyeng sa re tshosa. Tšatši le lengwana mong wa setense so ke mo re hiriye ga sona le yene o yye a boya gaye a tlayila, a re tshepisa le go re bolaya a re rune re hlopa mitši ya gana hone. Mosadi wage o leketsiye go mo kgala mara a šitega. Re mo kwile a rasa re le ka kamareng ya rune ya ka ku gedimo. Re yye ra tšhetšhisa ra beya ditulo gore re parake sekwalo ke mokane ra thomisa go paka disutukheyisi tsa rune. Mo re bula sekwalo re sa re re nyoko tšwa, re yye ra mo kraya a yemme mo setepising a tshwere thipa ye nngwana ye kaye-kaye. Re yye ra tšwa ka monyako wa ka mathuding ra kena setselaneng sa gore se gare ga mabyang, ra napa re eya.

Re yye ra tšhabela hotela ra kgopela kamara. Re yye ra titulela gana hone ampore mongwaga ka moka, fote maphomela ma jabodisiye ka matla tšhomong. Ka mokg’o mang? Hotela yone ke mo yi le mong gare ga toropo, byalo ba bangwana bo re tšhutang nabo Baebele ke mo ba jabolela go tl’le balela gona. A di ya re tseya nako, ra thomisa go tshwarela tšhuto ya puku le ya Sewokamelo beke ye ngwana le ye ngwana kamareng ya rune gana hone hotela, ke mo re segela gana mola ga bo-15 mo re felele.

Go fediye mongwaga re dula Mistelbach. Ke mokane ba ntlosa ba re ke rorele Feldbach, ka borwabohlabela bya Graz. Ke yye ka kraya mogageru ye mongwana wa mosadi wa go phayona naye, mara le gana howa ke mo go se na phutego. Ke mo re dula ka teng ga ntlo ye nngwana ye nyana ya ka gedimo ga ntlo ya go makiwa ka dikwata. Dikwata tsone ke mo di na le mašubašuba, byalo re yye ra leketsa go ma thiba ka dikuranta. Metši le wona ke mo re gelela sedibeng. Mara ke mo di jabodisa. Ka dikgwedi nyana nje, go yye gwa ba le mogoba wa batho ba go gahlanela le rune. Go na le 30 ya bo ne re tšhuta nabo ba gore ba tšwa ga mutši ka wwoši, ba yye ba yamogela dinnete!

Dilo tsa go tshwana le tsotsone di makiye gore ke leboge Jehova ke sa fetse ka mokg’o a tiyisang bo ba yetisang tsa Mmušo mahlong. Le mo nka fo phukulusa ke mathata ya mošaga mang go se na motho wa go n’gelepa, Jehova yene o nyoko dula a na le nna.—Pis. 121:1-3.

Ka 1958 ke mo go nyoko tshwariwa mogahlano wo mogolo wa batho ba mohlobohlobo ku New York City, Yankee Stadium le Polo Grounds. Ke yye ka kgopela go ya ke mokane lekala la Austria la mputsisa gore na nka jabolela go kena ga  mogoba wa bo-32 wa sekolo sa Gilead. Ke mo nka gana byang mara? Ke yye ka sa sinyi nako ka re, “Eya!”

Mo ke mo re tšhutela gona ku Gilead, ke mo ke dula thina ga Martin Poetzinger. O yye a tiyisela dilo tsa go tlala tsa go kwisa go baba kampeng ya mahloriso ku Nazi. Le yene ka morago o yye a feleletsa a le ye mongwana wa ba Mogoba wa go Lawola. Mo re kene re tšhuta, Martin ke mo a fela a sebaseba a re, “Erika, di ra go re king tsotsone ka Sejeremane?”

Mo re kene re tšhuta, Nathan Knorr o yye a re botsa gore re yabediwwe kaye. Nna ba itseri ke ya Paraguay. Ka taba la gore ke mo ke sa le ye monyana ka matla, ke mo nka sa fo ya papa a sa di tšibi. O yye a dumela, ke segele Paraguay ka March 1959. Ba yye ba ng’yisa mo go dulang barumiwa ku Asunción, ba nneya ye mongwana ye ke berekang naye.

Go se botala, ke mo ke gahlana le Walter Bright, wa gore ke morumiwa ye a pasiyeng ga mogoba wa bo-30. Mo nako yi kene yi ya, re yye ra nyalana ke mokane ra thomisa go tshwaragana le tsa lephelo goteya. Mo re gahlana le tso di phiriketsang ka matla, ke mo re bala so Jehova a se tshepisang ga Jesaya 41:10 mo a re: “O sa tšhabe, ke nago. O sa šekele, ke nna Modimo wago. Ke nyoko go tiyisa.” Sosone se re šupetsiye gabutši gore solanka re tshepegela Modimo re boya re yetisa Mmušo wage mahlong, a ka sa re tšebisi le ka tšatši la mohlolo.

Mo nako yi kene yi ya, ba yye ba re yisa polekeng ye ngwana ya thina le mo go kgerang Brazil. Baruti ba gana hone ba yye ba kutšetsela dibananyana gore di pore mutši wa rune wa barumiwa ka matlapa, wa gore le wona ke mo se wo hlagele. Ke mokane Walter o yye a thomisa go tšhuta Baebele le ye mogolo wa maphodisa. O yye a romela maphodisa gore ma tle ma yeme thina le mo re dulang gwa šinya go fela beke, bo ba re hlorisang ba yye ba lesetsa go re hlopa. Ka moragonyana, re yye ra rurisiwa, ba re yisa dikotaseng tsa ka ku mosekola mo go kgerang Brazil. Sosone se re gelepiye stereka ka gore re yye ra thog’o tshwara megahlano ku Paraguay le Brazil. Mo re soko bane re tloga polekeng yonone, ke mo go šele go na le diphutego ka dipedi tse dinyana.

Bodokotela ke mo ba mputsiye gore a ke belege, mara ka 1962 re yye ra makala ka matla mo re keraya gore ke na le mpa! Re yye ra dula Hollywood, Florida, thina le gabo Walter. Nna le Walter re fetsiye mengwagangwaga re šitega go phayona. Ke mo re tshwanele gore re pasope mutši wa rune. Mara go yetisa tsa Mmušo mahlong gona ke mo re sa lesetse.—Mat. 6:33.

Mo re segela Florida ka November 1962, re yye ra kraya go na le taba ye nngwana ya gore batho ba makgowa a baa tshwanela go gahlagahlana le batho ba bantsho polekeng ka yyoši, fote ke mo ba kgerelanne le tšhomo. Mara Jehova yene aa hlawole batho ka gore ke ba mošaga mang, go se botala diphutego tsone di yye tsa maka gore batho ba tsona ba gahlagahlane le mo ba sa tshwane. Ga taba yonowa, go yye gwa bonala gabutši gore ke Jehova a tšhediyeng letsogo, ka gore gana byalo go na le diphutego tsa go tlalanyana ga poleke yonone.

Ke yye ka kwa go baba mo Walter a timela ka 2015 ka bolwele bya kankere ya byoko. Ke mo go le monna wa go loka ye ke nyalanneng naye ka 55 ya mongwaga, monna wa go tiratela Jehova le wa go kwana le go gelepa magagabo rune ba go tlala ka phutegong. Ke fo kwa nkare nke ke šele ke mmona mo a tsoga mabitleng a lekanele gabutši.—Meber. 24:15.

A ke tisole gore ke fetsiye 40 ya mengwaga ke le mmerekong wa nako ka moka, ke jabodiye ka matla fote le maphomela ya gona ke šitega le go ro balela. Mo re beyisa, nna le Walter re yye ra bona 136 ya bo ne re tšhuta nabo Baebele ba kolobetsiwa. Ke nnete gore le tsa go baba re gahlanne natso. Mara a re ya lesetsa go berekela Modimo wa rune wa go tshepega ka taba la dilo tsone. Re yye ra napa re šutela thina gage, re tshepa gore o nyoko lukisa dilo ka nako yage le ka mokgwa wage. Wa di lukisa wa tšiba!—2 Thim. 4:16, 17.

Ke hlologela Walter stereka, mara go ba mošupatsela go maka gore ke tiyelele. Mo ke tšhutisa ba bangwana, le nna ke ya tiyelela, ka matlamatla mo ke ba botsa gore bo ba hlokofeleng ba nyoko tsoga. Ke nnete, le mo nka thomisa mathomisong ke balela, Jehova aa soko ntšebisa le ka tšatši la mohlolo. O makiye so a se tshepisiyeng, o yemme le nna, a ntiyisa, a ntshwara ka “letsogo lage la go ja la go loka.”—Jes. 41:10.