1, 2. (a) Batswadi ba bangwana ba re king mo ngwana wa bona a ba botsa gore o nyaka go kolobetsiwa? (b) Ke ntaba bo ba yang go kolobetsiweng ba butsisiwa gore ayitsano ba tineyele ga Jehova? (Lebelela sethombhe sa ka mo kgakala.)

GO NA le ngwananyana ye mongwana ye re nyoko fo reng lebitso lage ke Maria. Batswadi bage ba gore ke Makreste ke mo ba mo lebelele ba jabodiye mo a kene a fodiye layini le batho ba go ye kolobetsiweng. Le yene o fetodiye ka lentsu la gedimo la go kwala mo ye a beyang polabolo a ba butsisa diputsiso. A gwa tseya nako, a kolobetsiwa.

² Batswadi ba Maria ke mo ba jabodiye ba biye ba ro hlakela ka taba la mo morwediya wa bona a fetsa ka go tineyela ga Jehova, a kolobetsiwa. Mara mathomisong, mmane wage yene ke mo a belayela a sa fetse. Ke mo a tiputsisa gore: ‘Mara Maria nje a yi ye monyana gore a ka kolobetsiwa? Ayitsano wa di tšiba gore go kolobetsiwa a yi go kgana? Go nyoko sinyega kaye mara mo re ka fo tšwa re mo yemisiye gore a sa ye?’ Batswadi ba go tlala mo ngwana bona a ba botsa gore o nyaka go kolobetsiwa, ba ya ba tiputsisa diputsiso tsa mošaga wono. (Mmo. 5:5) Mara se segolo ke gore go tineyela ga Modimo le go kolobetsiwa ke tsona di napang di šupetsa gore motho wa resa mo a re ke  yene Mokreste wa mannete.—Lebelela lebhokisi la gore: “ Ayitsano le Wene o Šele o Tineyele ga Jehova?”

3, 4. (a) Mopostola Petro o yye a šupetsa ka ying gore go kolobetsiwa a yi taba ya go kgana? (b) Ke ntaba go kolobetsiwa go ka tshwanisiwa le nakwela Nnowa a yaga areka?

³ Mo mopostola Petro a hlatolla taba yo ya go kolobetsiwa, o tshwanisiye ka areka ya Nnowa mo a re: “Kolobetso yi sepelelana le taba yo, le gana byalo lo ya le phonisa.” (Bala 1 Petro 3:20, 21.) Di šupetsa gabutši gore Nnowa ke mo a di nyaka ka matla go maka tso Modimo a di nyakang ka gore o yye a yaga areka ya gore motho o kgona go yi bona a sa tla ku kgole. Nnowa o berekiye ka go tshepega mmereko wo Jehova a mo neyyeng wona. Tumelo yage yi makiye gore Nnowa le mutši wage ba phone Mogogola. Gabutšibutši mošupetso wowa wa Petro o ra gore king?

⁴ Gore Nnowa o na le tumelo, o di šupetsiye mo a yaga areka, le mo motho a kolobetsiwa, o ba a šupetsa bo ba mo lebeleleng taba ye nngwana ye kgolo ka matla. Ke yifeng? Mo motho yene wa gore ke Mokreste a kolobetsiwa, ba napa ba di bona gabutši gore o tineyele ga Jehova ka tumelo ya gore Kreste o kgwile a boya a tsoga. Bo ba kolobetsiwang le bona ba maka tso Modimo a reng ba di make go fo tshwana le Nnowa. Mo go segela nako ya gore go fele ka lefase lo la go befa, le bona ba nyoko tla ba phona go tshwana le yene Nnowa mola a phona Mogogola. (Mar. 13:10; Kut. 7:9, 10) So se maka gore go tineyela le go kolobetsiwa go be dilo tse dikgolo ka matla. Ye a fo go kanakana go kolobetsiwa, o kgana ka mollo ka gore lephelo la go ya go yye a ka fo tla a sa le bone.

5. Ga hlogotaba yo re nyoko bolabola ka ying?

⁵ Go na le diputsiso ka ditharo tso re nyakang go di lebeledisisa gabutši gore re kwisise taba yo ya go kolobetsiwa. Baebele yi re king ka go kolobetsiwa? Ke ying tso motho a tshwaneleng go di maka mo a nyaka go kolobetsiwa? Ke ntaba Mokreste wa mannete wa gore o tšhutisa ngwanage kela motho ye mongwana Baebele, a  tshwanele gore a dule a nabela nkare ye a mo tšhutisang a ka kolobetsiwa?

6, 7. (a) Hlatolla gore mo motho a kolobetsiwa nakwela ya Johane, ke mo a šupetsa ying. (b) Kolobetso ya go hlawolega yo Johane a yyeng a yi maka ke yifing?

⁶ Kolobetso yo re balang ka yona ya mathomo ka mo Baebeleng ke yela ya go maka ke Johane wa go Kolobetsa. (Mat. 3:1-6) Batho bo Johane a yyeng a ba kolobetsa ke mo ba šupetsa gore ba sokologiye ga tso ke mo ba di maka tsa go sa kwane le Molawo wa Moše. Mara ye nngwana kolobetso yo Johane a yi makiyeng ke ya motho ye mongwana wa gore ne go sa hlokege gore a sokologe ga tso ke mo a di maka. Johane o yye a kolobetsa Morwayi wa Modimo ka wweši wa gore ke mo a yenele gabutši mmeleng—Jeso. (Mat. 3:13-17) Jeso a sanka a re wa tisola, ka gore ke mo a se na selabi. (1 Pet. 2:22) Yage kolobetso ke mo go le ya go fo šupetsa gore o nyaka go maka tso di nyakang ke Modimo.—Maheb. 10:7.

⁷ Ka dinako tsa mo Jeso a le ho lefaseng, bo ba mo latelelang le bona ba yye ba kolobetsa batho. (Joh. 3:22; 4:1, 2) Makolobetselo ya gona ke mo ma tshwana le yala ya Johane, batho bo ne ba ba kolobetsa le bona ke mo ba šupetsa gore ba sokologiye ga tso ke mo ba di maka tsa go sa kwane le molawo wa Moše. Mara mo Jeso a kgwile a biye a tsosiwwe, malata yage ma yye ma thomisa go maka dilo ka mokgwa wo mongwana wa nyuwane.

8. (a) Jeso mo a sa tšo tsoga mabitleng o yye a roma bo ba mo latelelang gore ba ye maka ying? (b) Hlatolla gore kolobetso ya Sekreste yi ra gore king.

⁸ Jeso o yye a tsoga mabitleng ka 33 C.E, ke mokane a nyarela ga mogoba wa go teya ka ku ga 500 ya banna, basadi le bana nkare ke mo ba le gona. Go ka fo ba go biye ka nako tsotsone mo a bolabola gore: “Byalo, ariyeneng le ye tšhutisa batho ba ditšhaba ka mokana ga tsona, le ba kolobetseneng ka lebitso la Papa le la Morwayi le la moya wa go hlawolega, le ba tšhutise go maka dilo ka mokana ga tsona tso ke le butsiyeng tsona.” (Mat. 28:19, 20; 1 Makor. 15:6) Di šupa nkare ba go tlala bo ba mo latelelang ke mo ba le gona mo a ba roma gore mo ba kene ba tšhomayela, ba tšhutise batho. Jeso mo a bolabola tsotsone o yye a napa a šupetsa gore mo ba re motho o rwele lejoko la Sekreste, ba ra mo a kolobetsiwwe. (Mat. 11:29, 30) Ye mongwana le ye mongwana ye a nyakang go berekela Modimo ka tsela yo a kwanang nayo, o tshwanele go fo dumela gore Jeso o tšhela letsogo ka matla ga tso Jehova a nyoko di makelang batho. Mo motho yene a šele a šupetsa gore tsotsone wa di dumela, a ka kolobetsiwa. Mo nkare motho yene o ka mokg’onone, Modimo o nyoko mo yamogela ka matsogo ka mabedi mo a kena ka ku meetšing a kolobetsiwa. Baebele yi bolabola ka dilo tso di šupetsang gore batho bo ba latelelang Kreste ba gore a yi botala ba sokologiye, ne ba di kwisisa gore ba kolobetsela ying le gore ke mo ba sa tseye taba yo go le ya go kgana. Fote a sanka ba kanakana go ye kolobetsiweng.—Meber. 2:41; 9:18; 16:14, 15, 32, 33.

9, 10. Go kolobetsiwa ga ndhona ya Itopiya le ga mopostola Pawulo go re tšhutisa ying?

⁹ Bala Mebereko 8:35, 36. Nagana ka Moyitopiya yela wa gore ke mo a tšwa Jerusalema go ye rapeleng. Morongwa wa Jehova o yye a gapa Filipi gore a šutele thina ga Moyitopiya yewa “a mmotse ditaba tsa go bafala ka Jeso.” O yitseri king mo a di kwa moyitopiya ye? So a se makiyeng se šupetsa gabutši gore ke mo a sa tseye dinnete tso a di tšhutiyeng yi le go kgana. Aa jikajika go kolobetsiwa ka taba la gore ke mo a di nyaka go maka tso Jehova a di nyakang.

¹⁰ Ye mongwana le yene ke ye, ke Mojuda wa gore ke mo a hlopa Makreste. O belegiwwe polekeng ya batho bo ba tineyeleng ga Modimo. Mara taba ke gore Majuda ke mo ba sa sa tšhayisana le Modimo. Moren’ene ke mo a kwana ka matla le setšo sa Sejuda, mara o yye a tšhuta  dinnete. O di krayye ga Jeso Kreste ye ke mo a tsosiwwe le go gadimisiwa. Yene moren’ene o itseri king mo a di kwa? A sanka a gana mo Mokreste ye ba reng ke Ananiya a mo gelepa. Baebele yi bolabola ka moren’ene mo yi re: “O yye a tlogamela ke mokane a kolobetsiwa.” (Meber. 9:17, 18; Magal. 1:14) Re ya tshepa wa di bona gore ke yela ba yyeng ba tla ba re ke Pawulo. Mo Pawulo a šele a di tšibiye gore Jeso o tšhediye letsogo ga tso Modimo a nyoko di makelang batho, o napiye a tlogamela. A sanka a boya a ro kanakana, o yye a napa a kolobetsiwa.—Bala Mebereko 22:12-16.

11. (a) Bo re tšhutang nabo Baebele ba kwa ba tšhofa king gore ba šinye ba nyaka go kolobetsiwa? (b) Di re tikisa kaye mo re bona bo ba tineyeleng ga Modimo ba kolobetsiwa?

¹¹ Go fo tshwana le ka batho ba lekgono ba bagolo le ba banyana bo ba tšhutang Baebele. Bo ba nang le tumelo fote ba jabolela dinnete tso tsa Baebele le bona ba di nyaka ka matla go tipona ba tineyele ke mokane ba kolobetsiwwe. Polabolo ya bo ba yang go kolobetsiweng ke yona ya go hlawolega ka matla ga megahlano ye megolonyana le ye megolo. Dihlatse tsa Jehova a ba jabole lona mo ba bona motho a tšhuta Baebele a feleletsa ka go kena ka meetšing a kolobetsiwa. Ayitsano dipelo tsa batswadi ba Makreste a di tlolatlole mo ba bona ngwana wa bona a fodiye layini le bo ba yang go ye kolobetsiweng? Batho ba go teya ka ku ga 284 000 ba kolobetsiwwe ka mongwaga wa 2017, bobone ke ba gore ba “tlalele ka matla ga tso tsa gabutši.” (Meber. 13:48) Di ya šupetsa gore batho bone ba gore ke mo ba sa tšwa go ba malata ya Kreste ke mo ba di kwisisa gore mo motho a re ke yene Mokreste wa mannete, o ra mo a kolobetsiwwe. Ba makiye byang gore ba feleletse ba kolobetsiwa?

12. Ye a nyakang go kolobetsiwa o tshwanele a thomise ka go maka ying?

¹² Motho ye a nyakang go kolobetsiwa o tshwanele a tšhute nnete ka Modimo gore a be le tumelo, fote a tšibe gore king tso Modimo a nyoko re makelang tsona le gore o nyoko tla a phonisa batho ka mokg’o mang. (1 Thim. 2:3-6) Tumelo yone ke yona yi makang gore ye a tšhutang Baebele a leketse go maka tso Jehova a mmotsang tsona le go lesetsa go nabela tsa go befa. (Meber. 3:19) Mo re sa yi jikajiki, motho o ko ba a bolabola matsaka mo a re o tineyele ga Modimo mara ka mo a kene a maka dilo tsa go befa, tso di ka sa mo kenising Mmušong. (1 Makor. 6:9, 10) Mara motho aa fo re nna ke ngangarele melawo ya Jehova a napa a yema gana hone, o tshwanele a make le tse dingwana. Motho o šupetsa gore o kwana le tsa go loka mo a ya megahlanong ya phutego le mo a sa tšhabe tšhomo ka gore a nyaka go tšhutisa le go phonisa batho. Jeso o itseri mmereko wowa ne wo tshwanele wo make ke malata yage ya go ba le nnete. (Meber. 1:8) Mo motho a šele a feta gabutši ga dilo tsone ke mokane a rapela Jehova makhukhung a mmotsa gore wa tineyela gage, o nyoko ba a resa, ke mokane a tla a kolobetsiwa batho ka mokana ga bona ba mo lebelele, ka mokg’onone o šupetsa gore o tineyele.

13. Ke ntaba bo ba tšhutisang Baebele ba sa tshwanela go lebala gore mo motho a re ke yene Mokreste wa mannete o ra mo a kolobetsiwwe?

¹³ Mo re kene re gelepa bana ba rune le bo re tšhutang nabo Baebele, re sa lebale gore mo motho a re ke yene Mokreste wa mannete, o ra mo a kolobetsiwwe. Mo re ka tseyela taba yone hlogong, re ko thog’o beya ditaba gabutši mo re gelepa bo re balang nabo. Mo go nyarela lešuba la gore re bolabodisane nabo ka taba ya go tineyela le go kolobetsiwa, re ka sa thise. Nnete ke gore re ya di nyaka tsa gore bana ba rune le bo re tšhutang nabo Baebele ba feleletse ba kolobetsiwwe!

14. Ke ntaba re sa tshwanela go tšhofa motho gore a kolobetsiwe?

¹⁴ Motho a sa kolobetsiwi ka taba la gore a tšhofiye ke batswadi bage, motho ye a mo tšhutisang Baebele kela motho ye mongwana ka phutegong. A yi ka mokg’o Jehova a nyakang ka gona. (1 Joh. 4:8) Mo re kene re tšhutisa batho  bone, re ba šupetse gabutši gore mo ba nyaka go tiyelela, di nyaka ba timakele bošaga le Modimo. Di tšwa ga ye a tšhutang Baebele gore wa di nyaka go šikara lejoko lowa la go ba Mokreste le go kolobetsiwa a sa tšhofe ke motho.—2 Makor. 5:14, 15.

15, 16. (a) Motho o tshwanele go kolobetsiwa a na le bokaye ya mongwaga? Re hlatollele. (b) Ke ntaba bo ba tšhutang Baebele ba tshwanele ba kolobetsiwe go be Dihlatse tsa Jehova le mo ba tšwa ba kolobetsiwwe kerekeng ye nngwana?

¹⁵ Go kolobetsiwa a di ye ka mongwaga. Batho a re tshwane, ba bangwana re yakgoswa re tshwara mara ba bangwana re tshwarela kgole. Ba go tlala ba kolobetsiwa go sa le ba banyana fote ba ya mahlong ba tshepega ga Jehova. Ba bangwana mo ba šele ba kgalabyele kela ba kgekolele, dinnete tso tsa Baebele yi ba gona di thomisang go khanya, ba re le rune re nyaka go kolobetsiwa—ba bangwana o kraya ba šele ba tlolele le ka ku ga 100 ya mongwaga!

¹⁶ Kokwane ye mongwana ye ke mo a tšhuta Baebele, o yye a butsisa ye a mo tšhutisang gore nje di napa di hlopa ka matla mo a ka fo sa kolobetsiwi fote, ka taba la gore yene o kolobetsiwwe dikerekeng tsa go tlala tso ke mo a kena ga tsona botala. Ye a mo tshutisang o yye a bolabodisana naye ka mangwalo ya Baebele ya ma bolabolang ka taba yo. Kokwane yene o itseri go kwa tso di bolabolang ke Baebele, a napa a re o nyaka go kolobetsiwa. Ke mo a kgekolele a šele a lata 80 ya mongwaga, mara taba ya go kolobetsiwa a sanka a yi teyisa phefo. Mo motho a šala a re wa kolobetsiwa, o tshwanele go ba a mo tšiba gabutši ga Jehova le tso a di nyakang. Ke yona taba yo yi makang gore le bo ke mo ba šele ba kolobetsiwwe ga dikereke tso ke mo ba kena ga tsona ba kolobetsiwe fote.—Bala Mebereko 19:3-5.

17. Ke ntaba di le gabutši gore motho a naganisise ka letšatši la mo a kolobetsiwa?

¹⁷ Letšatši la go kolobetsiwa le jabodisa ka matla. Fote ke nako ya gore motho a dule fase a tinyakolle. Di nyaka motho a karakare go šupetsa gore wa resa mo a re o tineyele. Ke ka taba lone Jeso a itsering go ba Mokreste wa mannete go tshwana le go šikara lejoko. Bo ba šalang Jeso morago ba tshwanele “ba sa sa tiphelela, mara ba phelele yene wa gore o ba kgwele, a boya a tsusiwa.”—2 Makor. 5:15; Mat. 16:24.

18. Re nyoko tla re šoga diputsiso difeng ga hlogotaba ya go latela?

¹⁸ Mmane wa Maria ke mo a na le monagano wonone mo o šala a tiputsisa diputsiso tso di leng ku mathomisong ya taba yo ya rune. Mo nkare le wene o motswadi, o ka fo ba o yye wa tiputsisa gore ‘Waka ngwana nje a ka kolobetsiwa? Nje o di kwisisa gabutši ditaba tso gore mo a re wa tineyela a be a resa? Byalo o nyoko maka byang ka tso a nyakang go di segelela tsa go tshwana le go tšhutega kela go kraya mmereko? Mara nko re king mo ngwanaka a ka fore go kolobetsiwa, a sinyela Modimo ka matla?’ Ga hlogotaba ya go latela, re nyoko bolabola ka taba yo, ra boya ra kwa gore batswadi ba Makreste ba tshwanele ba yi lebelele byang taba yo ya kolobetso.