1. Go hlalefa re go kraya byang, fote go re gelepa ka ying?

JEHOVA ke yene a neyanang bohlale, fote aa bo kone motho. Jakobo 1:5 yi re: “Mo nkare go na le ye a gayelang bohlale, a sa lesetse go kgopela Modimo, ka gore o bo neya ye mongwana le ye mongwana, aa hlawole.” Tsela ye nngwana yo re ka šupetsang gore re hlalefiye ke mo re ka theetsela mo Modimo a re kgala. Fote bohlale byone bo nyoko re gelepa gore re sa thomisi go sa sa titshwara gabutši wa kraya re šepisa mo ga tsa Modimo. (Diy. 2:10-12) Ka mokg’onone, “Modimo o nyoko dula a [re] nyaka . . . re tšiba gore lephelo la go ya go yye re ko le krayeng.”—Juda 21.

2. Re ka šupetsa ka ying gore re ya di nyaka gore Modimo a re kgale?

² Mara a re fo yakgoswa re dumela mo re kgadiwa ka taba la gore a ri ya yenela gabutši mmeleng, re gudisiwwe ka ditsela tsa go sa tshwane. Ga go tlala mo ba re kgala ke mokane re bona di re berekela, ke gona mo re thomisang re di tseyela hlogong, ra napa re di bona gore Modimo wa re nyaka. Diyema 3:11, 12 yi re: “Morwayi, o sa phakge Jehova mo a go kgala, . . . ka taba la gore Jehova o kgala bo a ba nyakang.” Re sa lebale gore Jehova o re nabelela tse dibutši. (Bala Maheberu 12:5-11.) Ka taba la gore Modimo o re tšiba gabutši, mo a re kgala, o berekisa mekgwa yo a bonang gore yi re lekanne. Gana byalo tla re bolaboleneng ka dipetlo ka dine tsa kgalemo: (1) go tikgala, (2) go kgala ke batswadi, (3) go kgadiwa ka phutegong ya Sekreste, le  (4) selo sa go sasamela ka matla go phala go kgadiwa.

3. Ngwana a ka tšhuta byang go tikgala? Šupetsa ka so re ka beyisang ka sona.

³ Go tikgala go rela go tšiba mo o kgerang gona, gore o gatele mahlong ka mokg’o o makang dilo ka gona le ka mokg’o o naganang. A re belegiwi re tšiba go tikgala. Re tshwanele re titšhutise gona. Re ka fo beyisa ka ngwana mo a sa tšhuta go kalama bhayisikila, ga go tlala motswadi wage o tshwara bhayisikila yone gore yi sa mo wisi. Mara mo ngwana a kgona go trapela yene mong, motswadi wa mo lesetsa ka gonyana ka gonyana gore a tisepelele. Mo a bona nkare o šele a di kgona, ke gona a napang a mo lesetsa a tisepelela ka boyenemong. Byalo, batswadi le bona mo ba dulela go tšhutisa bana ba bona ba lefisiye pelo, ba “ba kgala le go ba tšhutisa molawo wa Jehova,” ba ko ba ba ba gelepa go tšiba go tikgala le go hlalefa.—Maef. 6:4.

4, 5. (a) Ke ntaba go tikgala yi le selo se segolo mo re kene re yapara “motho wa nyuwane”? (b) Ke ntaba re sa tshwanela go šepisa le mo re ka “wa ga šupa”?

⁴ Ditšhiko tso di bereka le ga bo ba gore Jehova ba thomisiye go mo tšiba ba šele ba le ba bagolo. Gona a re gane gore ba ka fo ba ba šele ba titšhutisiye go tikgala. Mara mo re šele re bolabolela ka mo ga tsa Modimo, mo motho a sa thomisa go tšhutega ka tsa Modimo aa fo tlogelela le go di kgona. O ya ka gonyana ka gonyana a kene a butšwa mo a kene a tšhuta go yapara “motho wa nyuwane” wa Sekreste. (Maef. 4:23, 24) Go tikgala ke yona taba ye kgolo ya go šupetsa gore motho yene wa gola. Sosone se re tšhutisa go “getsula dilo tso di sa jabodising Modimo tso di nabelang ke lefase ke mokane ra phela ka go šupetsa gore re butšwiye mabyokong fote re make tsa go loka re tineyele ka go felegelela ga Modimo gana mo lefaseng lo re phelang ga lona.”—Tito 2:12.

⁵ Mo re yitsa ka mokana ga rune re fela re di maka tsa go sa loka. (Mmo. 7:20) Mara mo motho a wile, a di re gore aa kgone selo kela o šitega go tikgala. Diyema 24:16 yi re: “Motho wa go loka a ka wa ga šupa, mara o nyoko tlogamela fote.” Ke ying so se ka mo gelepang? A go na se sengwana mo go se moya wa Modimo. (Bala Mafilipi 4:13.) Go titshwara go hlayiwa ga diyengwa tsa moya wone, fote ampori go tshwana le go tikgala.

6. Re ka maka byang gore re gatele mahlong mo re kene re titšhutisa Lentsu la Modimo? (Lebelela sethombhe sa ku mathomisong.)

⁶ Se sengwana so se ka re gelepang go tšhuta go tikgala ke go rapela re resa le go bala Baebele ke mokane re ghayele ka tso re badiyeng ka tsona. Mara o ka maka byang mo nkare wene tsa go tšhuta Baebele di ya go šita? Kela wene o tipotsa gore a wo mohlobo wa go kwana le tso tsa go lesa. Dula o di tšiba gore Jehova o nyoko go thuša mo o mo yikela. A ka go gelepa gore o “nabele” ditaba tso tsa Lentsu lage. (1 Pet. 2:2) Thomisa ka go rapela Jehova gore a go gelepe o tikgale gore o tšhute Lentsu lage. Ke mokane o berekise so o se rapeleleng, o ka fo thomisa ka go maka gore nako yo o yi fetsang o titšhutisa go be ye nyana. Mo nako yi kene yi sepela, o nyoko kwa go le lola go tšhuta fote go nyoko go natefela! Nnete ke gore mo o kene o ya mahlong o tšhuta o le ntoši mo go itsering tse, o nyoko kwisisa gabutši tso Jehova a di naganang.—1 Thim. 4:15.

7. Go tikgala go ka re gelepa byang gore re sa thogathoge mo go na le tso re nyakang go di segelela ga tso tsa Modimo?

⁷ Go titswara go ko go gelepa gore o segelele tso o nyakang go di segelela ka mo ga tsa Modimo. Tla re beyise ka papa wa mutši ye ne a kwa nkare tumelo yage yi thomisa go pomega. Taba yone yi yye ya mo tšhuba ka matla, a šinya a tipotsa gore o nyaka go ba mošupatsela wa nako ka moka ke mokane a bala dihlogotaba tso ke mo di bolabola ka taba yone mo ga dipuku tsa rune. Go maka tsosone le go rapela go mo gelepiye gore a tlalele ka matla ga tso tsa Modimo le go mo tiyisa gore a sa khwanyole. Mo go thulega lešuba, ke mo a fela a tseya bophayona bya nako ye nyana. Maphomela gwa  ba mafeng? Le mo go na le tso ne di mo phiriketsa, o yye a sa thogathoge ga tso ke mo a nyaka go di segelela tsa go ba mošupatsela wa nako ka moka, a šinya a kena.

8-10. King so se ka gelepang batswadi ba Makreste go gudisa bana ba bona gore ba feleletse ba berekela Jehova? Šupetsa ka so re ka beyisang ka sona.

⁸ Batswadi ba Makreste ba neyiwwe selo se sebutši ka matla—go gudisa bana ba bona “ka go ba kgala le go ba tšhutisa molawo wa Jehova.” (Maef. 6:4) Yone a yi taba ya go kgana, ka matlamatla mo ga lefase lo la lekgono. (2 Thim. 3:1-5) Nnete ke gore bana a ba belegiwi ba tšiba gore sa go befa ke sefeng le sa go bafala ke sefeng. Ba fo belegiwa ba na le lekwalo, mara le lona di nyaka gore le tšhutisiwe kela go kgadiwa. (Maroma 2:14, 15) Puku ye nngwana ya go bolabolela tso tsa Baebele yi re ka Segerika mo ba bolabola ka “go kgala” ba fo ba ba rela go “gudisa ngwana.”

⁹ Bana bo ba kgadiwang gabutši, ga go tlala ba tikwa ba le ka teng ga legora. Ba tšhutisiwa gore tokologo yi na le mo yi kgerang gona fote ba tšhuta le gore go timakela sepheto le go titshwara di na le maphomela ya tsona—ya go bafala kela ya go befa. Byalo, di gabutši ka matla gore batswadi ba Makreste ba kgopele Jehova gore a ba yetetse. O sa lebale gore re ka sa tšhutisi go tshwana kela go nagana go tshwana ka gore dipoleke tso re dulang ga tsona, ditšo tsa rune le meloko ya rune, a yi tshwane. Mo batswadi ba theetsela Modimo, ba ka sa gudisi bana ba bona ba kene ba leketsela gore ke mokgwa wofing wo o ka berekang kela gore batho bona ba tšiba byang kela ba nagana byang.

¹⁰ Mo re fo beyisa, re ka gopola ka Nnowa. Jehova o yye a mmotsa gore a yage areka, byalo Nnowa ke mo a ka sa make tso yene a di tšibang. Ke mo a ro thoma go yaga selo so ba reng ke areka. Byalo ke mo di nyaka gore a lesetse Jehova go be yene a mo šupetsang—ka mantsu ya mangwana, a make “tsotsone” Jehova a di bolabodiyeng. (Gen. 6:22) Go feleletsiye ka ying? Nnowa a ya mo šita. Nnete ke mo a tshwanele a yi kgone! Nnowa di mo sepelele gabutši le ga tsa go ba papa wa mutši, le gana hone di šupetsa a yye a berekisa bohlale bya Modimo. O yye a tšhutisa bana bage gabutši a boya a ba beyisela ka yene mong ka mokg’o ke mo a phela ka gona, mara ke mo go se lola ka taba la gore lefase ke mo le dhunghegiye mo go soko bane go segela Mogogola.—Gen. 6:5.

11. Di thuša ka ying mara mo batswadi ba beyisela bana ba bona gore dilo di makiwa byang?

¹¹ Mo o le motswadi, le wene o ka maka tsotsone” byang mo mahlong ga Modimo? Theetsela Jehova. Mo lesetse a go tšhutise go laya bana bago a berekisa Lentsu lage a boye a go yetetse ka mokgahlo wage. Mo nako yi kene yi sepela, bana bone bago ba ka tla ba go leboga ka taba lone! Mogageru ye mongwana wa monna o itseri: “Ke leboga ka matla ka mokg’o batswadi baka ba n’godisiyeng ka gona. Ba leketsiye ka mokg’o ba ka kgonang gore ba segelele pelong gaka. Ke thanaka bona ga tsa go tlala tso ke di segeleleng ga tso tsa Modimo.” Mara bana ba bangwana baa mo lahla ga Jehova le  mo batswadi ba ka fo ba ba karakariye byang. Le mo go le ka mokg’onone, batswadi bo ba leketsiyeng go yetetsa le go kikitela dinnete ka dipelong tsa bana ba bona ba tšwile molatong. Bona ba fo ba le tshepo ya gore tšatši le lengwana ngwan’ene wa go tšwa pateng o ko boyeng “gaye” ga Jehova.

12, 13. (a) Mo ngwana a ka fo ba a kgawodiwwe, batswadi ba Makreste ba šupetsa byang gore ba theetsela Modimo? (b) Mutši wo mongwana o yye wa thušega ka ying ka taba la mo batswadi ba gona ba theetsele Jehova?

¹² Selo se sengwana se segolo so se ka tšhogang se phikiye go theetsela ga batswadi ke mo ngwan’a bona a ka fo ba a kgawodiwwe. Nagana ka mmane ye mongwana wa gore morwediyage o kgawodiwwe ke mokane a tloga gaye. Mmane yene o re: “Ke yye ka tinyakela dilo tso nka phemang ka tsona mo ba ka mputsisa gore ke ntaba ke bolabodisana le ngwanaka le setlogolo saka.” Mo a yeketsa gana hone o re: “Mara monna’ka o yye a n’gelepa, le nna ka di bona gore ngwanaka aa sa le ka matsogong ya rune, le gore a di nyake re boya re ro di kena tsage.”

¹³ Mo go šele go fitiye mengwaganyana, morwediya yela wa rune o yye a busetsiwa ka phutegong. Mmane wage o re: “Gana byalo aa fetse go re founela le go re romela melayetsa, fote nka fo re a le dikele! O re hlompa ka matla nna le monna’ka, ka gore wa di tšiba gore ke mo re theetsela Modimo. Re banghana ba bagolo gana byalo.” Mo o ka fo ba o na le ngwana wa go kgawodiwa, ayitsano ‘ga Jehova o ko mo tshepa ka pelo ka moka, wa sa make ka mokg’o o kwisisang’ ka gona? (Diy. 3:5, 6) O sa lebale gore mo Jehova a kgala motho, o šupetsa go hlalefa le lerato la go feta la batho kgole. O sa lebale gore o neyye batho ka moka Morwayi wage, ngwanen’e wago o gona gana hone. Modimo aa nyake go kgwa motho. (Bala 2 Petro 3:9.) Wene tshepa kgalemo ya Jehova o boye o mo lese a go yetetse. Le mo di kene di go thatafela wene motswadi, leketsa go fo maka ka mokg’onone Jehova a reng o make. Eya, berekisana le kgalemo ya Modimo, o sa phigisane nayo.

14. Di re gelepa ka ying mo re theetsela mo Jehova a re laya a berekisa “lelata la go tshepega”?

¹⁴ Jehova o tshepisiye gore o nyoko pasopa phutego ya Sekreste a boya a yi tšhutisa. O maka tsotsone ka ditsela tsa go tlala. Mo re beyisa, o tsere phutego a yi neya Morwayi wage gore a yi pasope, le yene a kgeta “lelata la go tshepega” gore le phakise tsa go ja tsa moya ka nako ya gabutši. (Luka 12:42) Tsa go ja tsa gona di krayega ka ditsela tsa go tlala, fote di ya re tšhutisa le go re kgala. Tiputsise gore, ‘Ayitsano ‘ke gakaye ke theetsele polabolo kela ke bala hlogotaba ga puku ye nngwana ke mokane ka kwa di ntšhofa gore ke tšhentšhe maphelelo yaka le ka mokg’o ke tseyang dilo ka gona?’ Mo nkare phetolo yago ya rotlola, jabola! Di ra gore o yikela Jehova gore a go bope, kela a go kgale, go nyoko thušega wene.—Diy. 2:1-5.

15, 16. (a) “Dinewo tso go leng banna” di ka re gelepa byang ka ho phutegong? (b) Re ka maka byang gore bagolo ba natefele ke mmereko wa bona?

¹⁵ Kreste ga phutego yage o yi neyye le “dinewo tsa gore ke banna”—bagolo gore ba dise morape wa Modimo. (Maef. 4:8, 11-13) Dinewo tsone di ka re gelepa byang? Mokgwa wo mongwana ke mo re ka fo yekisela tumelo ya bagolo le ka mokg’o ba phelang ka gona. Wo mongwana ke wa go theetsela mo ba re yetetsa ba berekisa Mangwalo. (Bala Maheberu 13:7, 17.) O sa yi lebale ya gore bagolo baa re rata fote ba nabela go re bona re gatela mahlong ka ho ga tsa Modimo. Go fo tshwana le mo ba bona nkare re ya thothela megahlanong kela re thomisa go bata, ba tšhetšhisa ba di bona ke mokane ba re gelepa. Ba nyoko re theetsela ke mokane ba leketsa go re tlogamedisa ba berekisa Mangwalo ka go lekanela. Mo ba go gelepa ka mokg’onone, ayitsano o tseya sone yi le go šupetsa gore Jehova wa go rata?

¹⁶ Phela bagolo le bona ba kwa di se lola go šutela ga rune mo ba nyaka go re fahlolla. Nagana nje, gore di ka fo ba di mo robiye byang ga moporofeta Nathane nako tsela a tshwanele  a ye kgala kgoši Dafita mo a sa re o leketsa go wutametsa taba yela ye kgolo yo a yi makiyeng! (2 Sam. 12:1-14) Mopostola Pawulo le yene ke mo a tshwanele a be le lešiši gore a wolole Petro, yela ke mo a wela ga 12 ya mapostola, nakwela ba ditšhaba a sa ba tshware ka go lekanana le Majuda ya gabo. (Magal. 2:11-14) Byalo re ka maka byang gore re pome morwalo wa bagolo ka mo phutegong? Tinyanafatse, o sa dule o teyye mokgakga, fote o leboge. Mo ba go gelepa, di tseye gore Modimo ke yene a go nyakang ka matla. Sosone se ka sa jabodisi wene o ntoši, se nyoko maka gore le bona ba natefele ke mmereko wa bona.

17. Bagolo ka ho phutegong ba yye ba gelepa mogageru ye mongwana wa mosadi byang?

¹⁷ Mogageru ye mongwana wa mosadi o yye a sa sa nyaka Jehova ka taba la tso a fitiyeng ga tsona. O itseri: “Mo ke kwa dilo tso ke fitiyeng ga tsona di nkgongwetsa, ke yye ka napa ke di bona gabutši gore ke tshwanele ke botse bagolo.” A sanka ba n’sola kela ba mpoyila, ba yye ba fo nkgothatsa le go ntiyisa. Ka moka matšatši mo mogahlano o fela, ke mo ba dula ba tla mo gaka ba ntsosela, le mo ba ka ba ba tshwaraganne byang. Ka taba la tso ke fitiyeng ga tsona, ke mo go se lola gaka gore ke dumele gore nnete Modimo le nna wa re nyaka. Ke ga go tlala mo Jehova a berekisang phutego yage le bagolo gore a re šupetse gore nnete wa nnyaka. Ke rapela gore ke sa mo lahle le ka tšatši la mohlolo.”

18, 19. King sa go sasamela go feta go kgadiwa? Šupetsa ka so re ka beyisang ka sona.

¹⁸ Nnete di ya baba go kgadiwa, mara go na le se sengwana so se babang ka matla—go sasamela ka taba la gore o ganne go kgadiwa. (Maheb. 12:11) Batho ke bo ka babedi—Kayine le Kgoši Tsedekiya. Modimo o yye a kgala Kayine nako tse a thomisa go ba le pelo ya go befa ya go nyaka go bolaya Abele, O itseri: “O tobele ying wene, o kgongwetsa king? Nje o ra gore mo o ka fo maka tsa gabutši nka sa go nyake? Mara mo o sa sokologe o ko di kweng ka gore sebe ke sosone se go ramele monyako, se go wonngwe, mara nje wene o ko se hlola?” (Gen. 4:6, 7) Kayine a sanka a theetsela. Sebe se yye sa mo tantela. Kayine o tipakele mohlopego ka boyenemong! (Gen. 4:11, 12) Mola a theetsele Jehova mo a mo kgala, tsona ke mo di nyoko baba, mara ke mo di ka sa sasamele go tshwana le tso.

¹⁹ Ye mongwana le yene wa pelo ye phifadu ke yewa, ba re ke Tsedekiya, yela wa go ya a lawola ka nako tsa mola Jerusalema yi na le mathata. Moporofeta Jeremiya o leketsiye gatleletlele go botsa Tsedekiya gore a lahle maphelelo yage, mara ke mo nkare o bolabola le letlapa. Le tso di yyeng tsa makega ka yene di yye tsa sasamela ka matla. (Jer. 52:8-11) Jehova aa di nyake wa tšiba mo re fo tipitsela mohlopego o le kgole!—Bala Jesaya 48:17, 18.

20. Go nyoko makega ying ka bo ba theetselang kgalemo ya Modimo le bo ba sa yi theetseleng?

²⁰ Batho ba lefase lo ga go tlala taba yo ya go kgala, le mong go tikgala, yi ba tshegisa ka matla. Mara go se botala go nyoko bonala gore batho ba dipelo tse diphifadu ke bona ditlayela. (Diy. 1:24-31) Byalo, tla re ‘theetseleneng mo ba re kgala gore re hlalefe.’ Tla re makeneng tso Diyema 4:13 yi di bolabolang mo yi re, “ngangarela kgalemo; o sa khwanyole. Yi pasope, ka gore ke lephelo gago.”