1. Ke ying tso Makreste ya ku botala ma yyeng ma hlakana natso?

GANA ku ga mengwaga ya 62 le 64 C.E., mopostola Petro o ngwalele “bo yi seng beng ba poleke bo ba tlalaganneng dipolekeng tsa Ponto, Galatiya, Khapadoshiya, Asia le Bithiniya.” (1 Pet. 1:1) Diphutego tsowa tsa ku Asia Minor tsa gore ke mo di sa tshwane le tse dingwana ka setšo, ke mo di nyaka go kgothatsiwa le go yetetsiwa. Ke mo ba hlopegisiwa ka go ganetsiwa le go dula ba kgwasodiwa. Ke mo ba lebanne le ‘meleko ya gore ba šitega le go wona.’ Ke mo ba phela dinakong tsa go baba ka matla. Petro o ngwadiye gore “Mafelelo ya dilo ka mokana ga tsona ma šele ma šutele.” Majuda ke mo ma tshwara batho lešidi, tsotsone ke mo di le thina ka matla le go šaša, fote ke mo di nyoko šaša ka tsela ye nngwana ya go baba. Mara Makreste ya dipolekeng ka moka ke mo ma ka gelepa king go hlola dinako tsone tsa mathata?—1 Pet. 4:4, 7, 12.

2, 3. Ke ntaba Petro a yye a kgahlisela ga magagabo taba yo ya go yamogela divakaši? (Bona sethombhe sa ka mo kgakala.)

² Tse dingwana tso Petro a di hlayyeng ga magagabo bawa ke gore: “Yamogelananeng.” (1 Pet. 4: 9) Lentsu lo go ‘yamogelana’ ka Segerika gabutšibutši le rela “go rata batho kela go ba tshwara gabutši le mo o sa ba tšibi.” Taba ke gore Petro o yye a botsa magagabo ya Makreste gore ‘ma yamogelane,’ mara batho bo ke mo ba šele ba tšibana. Byalo ke mo di nyoko ba gelepa ka ying go yamogela ba bangwana?

 ³ Ke mo go nyoko ba gahlanisa ba ba selo ka ssoši. Tseya ka wene mong. Ayitsano o gona ye a yyeng a go mema mutšing wage ke mokane wa fo kwa pelo yo yi tlolatlola ka go jabola? Nje a o ngwalangwale o sa fetse mo o nagana ka taba yonone? Le wene kela o yye wa bitsa ba bangwana ba phutegong ya lune wa tla wa tijabodisa nabo, mara mo o kene o le nabo a wa kwa nkare senghana sago nabo se ya hlohlotela? Mo re tšhuta go yamogela divakaši, re segela le ho le magageru re napang re ba tšiba mong go ba tšiba, go feta mo re fo ba bona nje. Makreste ka nako tsa Petro ke mo ma tshwanele go mamarelana ka gore mayemo ke mo ma befa ma bifiye. Di fo titshwanela le ga Makreste mo ga ‘dinako tso re phelang ga tsona tsa mafelelo.’—2 Thim. 3:1.

4. Ga hlogotaba yowa re nyoko bolabola ka diputsiso difeng?

⁴ Ke ying tso di ka re gelepang gore re thog’o “yamogelana”? Re phaya byang dilo tso di leketsang go re phiriketsa gore re sa nyake go yamogela divakaši? King so se ka re gelepang gore re be divakaši tsa gabutši?

5. Re ka maka byang gore re yamogele divakaši mo re le ga megahlano ya rune ya Sekreste?

⁵ Megahlanong: Re yamogela batho ka mokana ga bona bo ba tlang megahlanong ya rune ya Sekreste ba gore re vakašiye nabo ga tsa go ja tso tsa moya. Jehova le mokgahlo wage ke bona beng ba poleke. (Mar. 15:7) Ke mokane mo go tla ba nyuwane, le rune ke setšha re le beng ba poleke. Ke ntaba o sa leketse go yamogela batho bone ba gore ba sa tšwa go segela, le mo kela ba ka fo ba ba yapere byang? (Jak. 2:1-4) Mo o bona nkare ye wa sevakaši o tlile mogahlanong mara aa na ye a duling naye, ke ntaba o sa mmitsi gore a tle a dule nago? A ka jabola mo o mo gelepa gore a thog’o theetsela dipolabolo le mo o mo gelepa go bula mangwalo mo ma badiwa. Ka tsotsone o ko ba o “yekisela mokgwa wa yamogela divakaši.”—Maroma 12:13.

6. Re tshwanele go thomisa ka go mema bomang mitšing ya rune?

⁶ Tsa go sola ganong kela tsa go ja: Taba yowa ya go yamogela divakaši ku botala ga go tlala ke mo yi ra gore mone mutšing go tshwanele go yapegiwe. (Gen. 18:1-8; Bayahl. 13:15; Luka 24:28-30) Mo ba go mema go tl’le jeng, ke mo di ra gore o ye maka senghana le khutšo. Ke bomang bo re tshwaneleng re thomise ka bona go ba mema? Ke bo re dulang re ba bona, go tshwana le magageru bo re leng ga phutego ka yyoši nabo. Mo go šele go tl’le bifeng, re nyoko ba nyaka ho thina. Byalo di nyaka re ratanane ka lerato la mannete, fote re phedisaneneng ka khutšo. Mogoba wa go Lawola o yye wa tšhentšha nako ya go tshwara Mogahlano wa Sewokamelo Bethele ya ku United States gore yi sa sa thomisa ka 6:45 ka malobana mara yi thomise ka 6:15 ka malobana. Ke ntaba? Tšibiso yi itseri ba bangwana ba ko thog’o memana le magageru ba gana ho Bethele mo mogahlano wowa wo yakgoswa wo fela. Makala ya mangwana le wona ma yye ma maka ka mokg’ononeng. Mokgwa wone wo makiye gore magageru ba Bethele ba nape ba mamarelana go be selo ka ssoši.

7, 8. Bo ba romeleng ke mokgahlo wa Jehova re ka ba yamogela ka mokg’o mang?

⁷ Mo re vakašela ke mogageru wa go tšwa ga phutego ye nngwana a tl’le re beyela polabolo, kela mopotologi, le mong mogageru wa go tšwa mokgahlong, dinako tsotsone di thula lešuba la gore le rune re šupetse gore re yamogela divakaši. (Bala 3 Johane 5-8.) Go fo ba leyela namuneti kela tsa go ja go ko ba go šupetsa gore wa ba yamogela. Ayitsano o ka di kgona go gelepa?

⁸ Mogageru ye mongwana wa mosadi wa ku United States o gopola taba ye nngwana, o re: “Nna le monnaka go tlugisela re kene re tikwisa ka go yamogela bo ba tlang go tl’le re beyela dipolabolo le basadi ba bona. Mo ba na ba kena ba tšwa ke mo go fo natefa—go jabodisa, ka matlamatla mo ga tso tsa Modimo ke mo re yagana. A sanka ra tsoga re tisodiye le ka la mohlolo.”

9, 10. (a) Ke bomang bo ba ka nyakang go tl’le dula le rune sebaka? (b) Nje le bo ba sa napeng ba tikgona ba ka gelepa? Šupetsa ka so re ka beyisang ka sona.

⁹ Bo ba tlelang go dula: Ku botala ke mo ba maka gore mo motho wa go tshepega a vakaša,  ba mo neye ga go yetsela. (Jobo 31:32; Filim. 22) Le dinakong tso tsa rune go sa fo makiwa ka mokg’ononeng. Bapotologi ga go tlala ba tshepiye diphutego tso ba di vakašelang gore di ba neye ga go yetsela. Magageru bo ba yang dikolo tsa mokgahlo wa rune le bo ba berekang mmereko wa go yaga le bona ba ka nyakana le ga go dula. Dikotsi tsa hlago di šiya ba mitši ye mengwana ba se na ga go dula, ba nyakana le ga go yetsela go segela mo bo ba ba thušang ba ba yagela fote. Re sa fo re ba nyoko yamogela ke bo ba nang le dintlo tse dikgolo; nako’e nngwana bobone ba dintlo tse dikgolo ke ga go tlalanyana ba kene ba tikwisa ka go yamogela divakaši. Ke ntaba le wene o sa fo re ba tle ba yetsele ku mutšing wago le mo yago ntlo go fo ba ya go lekanela?

¹⁰ Mogageru ye mongwana wa monna wa ku South Korea o gopola ka mokg’o a yyeng a yamogela bo ba yang dikolo tsa mokgahlo wa rune. O re: “Ke mo ke kanakana go ba yamogela ka taba la gore ke mo go se botala re nyalanne, le sentlwane sa gona barena ke mo go le se senyana. Mara ke mo re sa di tšibi gore anthe go ba yamogela di jabodisa ka mokg’o. Ka gore ke mo go se botala re šadiye, re yye ra di bona gabutši gore mo monna le mosadi wage ba berekela Jehova ggoši fote ba kene ba leketsa go segelela tso ba di nyakang ka mo ga tsa Modimo, baa jabola.

11. Ke ntaba ba gore ba sa tšwa go segela phutegong ya lune di nyaka gore le ba yamogele?

¹¹ Ba gore a yi botala ba rorele phutegong ya lune: Polekeng ya lune go ka tla batho, nako’e nngwana go tle ka o teya kela ba tle go le mutši ka mokana ga wona. Ba bangwana ba ka tla go tl’le tšhomayela mo go gayelang Dihlatse. Le ka kraya ba le romele maphayona gore ma tle ma le gelepe go tšhomayela phutegong ya lune. Ka mokana ga bona ba yye ba tihlopa ka matla gore ba lesetse dilo tsa bona gore ba ye dipolekeng tsa nyuwane, diphutegong tsa nyuwane kela le go tšhuta mmolabolo wa nyuwane le setšo. Mo re ka ba mema go tl’le fokatsa le go ja le rune kela go tintsha, sosone se nyoko ba gelepa gore ba kraye banghana ba nyuwane ke mokane ba yakgoswa ba tlwayela seyemo so ba leng ga sona.

12. Ke taba yifing yo yi šupetsang gore go yamogela divakaši a di nyake o ro napa o hlaba kgomo?

¹² Go yamogela divakaši a ba re gore o nape o ro hlaba kgomo. (Bala Luka 10:41, 42.) Mo mogageru ye mongwana wa monna a gopola mo a sa tšwa go ba moromiwa o re: “Ke mo re sa tšibi selo, re sa le ba banyana fote re hlologela le gaye. Tšatš’enngwana ka malobana, mosadi waka ke mo a hlologele gaye setereka, ke leketsiye go mo kgomoletsa, a nšita. Ke mokane ka bo–7:30 bošego, ra kwa mo monyako ba kokota. Mo ke bula sekwalo ke yye ka kraya motho ye mongwana wa gore o sa balediwa Baebele a yemme ka mo tawong a re leyele manamona ka mararo. Ke mo a tl’le yamogela rune baromiwa ba nyuwane. Re itseri a kene, ra mo tšhelela meetši ya go nwa. Ke mokane ra maka le tiya le hot chocolate. Ke mo re sa tšibi Seswahili le yene a sa tšibi Sekgowa. Re yye ra napa re thomisa gana hone go ba banghana le magageru ga phutego yonone.”

13. Go yamogela divakaši di re gelepa ka ying?

¹³ Nje le wene o yye wa kwa o jikajika go yamogela divakaši? Mo go le sone, o psyile, gana byalo nke o na le banghana ba gabutši ba gore ba ka sa tsoge ba khwanyogiye. Go yamogela divakaši ke sehlare sa gabutši sa go yalafa bodutu. Kela wa tiputsisa gore, ‘Anthe mara motho o tšhaba ying mo a re aa nyake go yamogela divakaši?’ Aritši, mara taba yi gona.

14. Mo re kwa nkare a re na nako kela gore di ya tinwisa go yamogela divakaši, re ka maka byang?

¹⁴ A ke na nako fote di ya tinwisa: Malata ya Jehova ma tshwere ka mo le ka mo, le mmereko wa bona a yi go tlala. Ba bangwana ba ka fo kwa nkare a ba na nako kela gore go ba le divakaši di ya tinwisa. Mo nkare le wene gago go sone, dula fase ša o bone gore o ka lukisa kaye. Ke ntaba o sa tšhentšhi hala le hala gore o kraye nako ya gore le wene o yamogele divakaši tso? Taba ya gore Makreste ma tshwanele ma yamogele divakaši  yi kgahlisediwa ka matla ka Mangwalong. (Maheb. 13:2) A yi molato mo motho a fela a ba yamogela; mo re šele re yi beya gabutši, o ko ba a maka gabutši ka matla. Nnete gona ke gore o tshwanele o tikemisele go thisa tse dingwana tso o nyakang go timakela tsona.

15. Taba yo ya go yamogelana yi hlopa ba bangwana mo yi tla kaye?

¹⁵ Ka mokg’o o tikwang ka gona: Ayitsano le wene o yye wa kwa o di nyaka tsa go yamogelana mara o kwa nkare wene o ka sa di kgone? Ba bangwana ba na le dihlong fote ba kwa ba tšhoga gore ba nyoko bolabola ka ying, le gore tso ba nyoko di bolabolang di ka feleletsa di tshwatisa divakaši. Ba bangwana a ba gole selo, sosone se maka gore ba kwe nkare bona ba ka sa di kgone go yamogela divakaši ka mokg’o ba bangwana ba kgonang. O sa lebale gore divakaši a re di yamogele ka taba la gore re na le mutši wa majabajaba, se segolo ke gore go yele, o pakapake dilo tsago gabutši le go maka batho gore ba kwe ba lokologiye mo ba vakašiye.

16, 17. King so se ka makang gore re sa balabale ka matla mo re tshwanele re yamogele divakaši?

¹⁶ Mo nkare o fela o šekela ka taba la go yamogela divakaši, o sa hlopege, a yi wene o ntoši. Mogolo ye mongwana wa ku Britain o re : “Di ya tšhabisa tsona go yamogela divakaši. Mara ga sengwana le se sengwana sa go sipidisana le go berekela Jehova, maphomela ma ba gabutši ka gore go phela go na le mojabolo fote le mo re šekela a di nape di bonala. Nna ga go tlala ke fo tidulela le divakaši tsaka ra yetisa, re tinwela tiya re kene re tipolabolela ditaba.” O sa lebale gore di gelepa ka matla mo le wene o šupetsa gore o jabolele divakaši. (Mafil. 2:4) Ba go tlala ba jabolela go yanegelana tso ba gahlanneng natso mo ba kene ba phela. Ga go tlala mo re gahlanne ke gona ba bangwana ba nyakang go tšiba ka tso re gahlanneng natso lephelong. Mogolo ye mongwana o ngwadiye gore: “Mo banghana ba ka mo phutegong ba fela ba tla gaye gaka, di nthuša gore ke ba tšibe gabutši ka matla, ka matlamatla gore nnete yo ba yi segelele byang.” Go jabolelana ka lerato go maka gore mo re gahlanne go natefe.

¹⁷ Mošupatsela ye mongwana wa mosadi ye a yyeng a yamogela bo ba tšhutang sekolo sa mokgahlo wa rune o re: “Ke thomme ke belayela ka dikamara tsaka tsa go lekanela le phahlo ya go tšhipa. Mosadi wa ye mongwana wa ye a tšhutisang gana hone sekolo, o yye a maka gore ke bebe. O nhlatollele gore yene le monna wage mo ba sa potologa ke mo ba jabolela go dula le batho bo ba yetetsang ke moya wa Modimo, ba gore ba hlopega ka matla ka go berekela Jehova le mo ba se na dilo tsa go tlala tsa lefase lowa. Sosone se yye sa n’gopotsa tso mmane ke mo a fela a re botsa tsona mo re sa le ba banyana a re: ‘Di kawone re je morogo mara re ratana.’” (Diy. 15:17) Mo o yamogela bayeng, tšhofa ke lerato, lesetsa go balabala ka tsa go tlala.

18, 19. Go yamogela divakaši go nyoko re gelepa ka ying gore re sa tseyele ba bangwana fase?

¹⁸ Ka mokg’o o tikwang ka ba bangwana: Nje ka phutegong ya lune o gona wa gore wene le yene a le fitisane gabutši? Taba yone yi ka ba ye kgolo mo yi ka beyiwa molatša. Mo o ka fo ba o phiriketsanne le motho, ga go tlala di ya roba gore o yamogele divakaši, le mo wene beng o di nabela. Kela ye mongwana o yye a go ghula botala, mo o mmona o fo kwa a go thonoga.

¹⁹ Baebele yi re re yamogelane gore re be le senghana sa gabutši le batho le mo go ka fo ba go le manaba ya rune. (Bala Diyema 25:21, 22.) Go mema motho mutšing wago go ka maka gore a lesetse go ngwapanana nago, a thome go beba. Go ka maka gore le rune re kgone go bona mekgwa ya gabutši yo yi makiyeng gore Jehova a šinye a rate batho bone, a boya a ro ba gogela nneteng. (Joh. 6:44) Mo o mema motho a sa di yemela fote o mo mema o di nyaka, di ka napa di maka gore wene le motho yene le nape le mamarelana. O ka maka byang gore go be wene mong o di nyakang go mo mema? Se sengwana ke go berekisa so se bolabolang ke Mafilipi 2:3, ya gore: “Le tinyanafatse le kene le dumela gore ba bangwana baa le phala.” Tse dingwana tso re ka bonang ka tsona gore magageru baa re phala—yi ka ba tumelo ya bona, go tiyisela, go ba le lešiši kela selo se sengwana se sebutši sa Sekreste—re nyoko napa re ba rata ka matla fote re ko napa  re ba yamogela go tšwa pelong ra lebala le tso re yyeng ra sa kwane ka tsona tsa botala.

20. Ke ntaba re tshwanele re ye mo ba re memme fote re ka šupetsa byang gore re leboga so re makediwang sona?

²⁰ Mopisalema Dafita o butsisiye gore: “Wene Jehova, mara go ka vakaša mang letenteng lago?” (Pis. 15:1) Mo a fetsa go butsisa putsiso yone, o yye a bolabola ka dilo tso Modimo a di nyakang ga divakaši go šupetsa gore di yetetsa ke moya wage. Se sengwana ke go maka so re se tshepisiyeng, o hlayye gore: “Mo a tshepisiye aa tšhentšhi, le mo go ka ba go bifiye byang.” (Pis. 15:4) Mo re memiwwe, re sa be bo-mojika-thina. Ye a re memmeng o ka fo kraya a fetsiye nako yage ya go tlala a re lukiselela, mo nako ya gona yi šele yi le thina, ra mmotsa gore di ka sa sa maka, motho wa batho o nyoko šala a pawogiye ka go tšeba. (Mat. 5:37) Ba bangwana ba yye ba sa sa ya mo ba memiwweng gona ka taba la gore ba mema ke ba bangwana ba go tikgona. Nje tsotsone di šupetsa lerato le go hlompa? Mo re memiwa, re tshwanele re šupetse gore re leboga se sengwana le se sengwana so bo ba re memmeng ba re neyang sona. (Luka 10:7) Mara mo nkare ka nnetennete se gona so se re phiriketsang, re šitega go ya, re nyoko ba re šupetsa gore ye a re memmeng re mo tseyela gedimo mo re yakgoswa re mmotsa.

21. Re ko ba divakaši tsa gabutši byang mo re leketsa go hlompa ditšo tsa dipolekeng go ya ka mehlobo ya tsona?

²¹ Fote di gabutši ka matla gore re hlompe ditšo tsa mo re leng gona. Ga tse dingwana ditšo ba fo yamogela divakaši ka mokana ga tsona le tsa gore a di ya hlaya gore di ye tla; ga tse dingwana o tshwanele o hlaye go sa le nako mo nkare o nyoko vakaša. Ga dipoleke tse dingwana, bo ba memiwweng ke bona ba neyiwang tsa go ja tsa gabutši ka matla, ke mokane ba gana hone mutšing ba nyoko fo ja tso di šalang, mara ga tse dingwana dipoleke, bo ba memiwweng le ba gana hone mutšing ba ja ba le ka moka. Ga tse dingwana dipoleke, bo ba memiwang a ba fo tla ba lekalekisiye matsogo, ga tse dingwana dipoleke beng ba mutši a ba kwane natso mo bo ba memiwweng ba tla ba tshwere se sengwana nkare baa kolota. Tse dingwana ditšo di re ye a memiwang o tshwanele a gane mo ba sa mo mema la mathomo kela la bobedi, mara o tshwanele a gane ka hlompo; ga tse dingwana mo motho a gana, bo ba mo memang ba tseya nkare wa ba nyenya. Rune tla re makeneng gore re jabodise bo ba re memmeng, fote ba sa kwe ba tisola gore ke mo ba sa re memela ying.

22. Ke ntaba di nyakega ka matla gore re ‘yamogelane’?

²² Gana byalo di bonala ka matla gore, “mafelelo ya dilo ka mokana ga tsona ma šutele.” (1 Pet. 4:7) Re thina ka matla le motšhatšhamelo wo mogolo wa go tlerola pelo wa gore a sanka wa boniwa. Mo go kene go befa go ya mahlong, di nyoko nyakega gore re nape re ro tlaparelana le magageru ka go ratana. Mantsu ya Petro ma bereka ka matla lekgono ga Makreste go phala botala byela, ma re: “Yamogelananeng.” Go yamogelana gwa jabodisa fote gwa nyakega, re nyoko maka ka mokg’onone re sa fetsi.—1 Pet. 4:9.