1, 2. (a) Ke wofeng mmereko wo Jeso ne a wo yetisa mahlong, fote ke ntaba? (b) Di nyaka re make ying gore re ye mahlong re kene re “berekisana le Modimo”?

JESO KRESTE ke mo a bereka ka lepolanka kela sebhakabhaka ka thoko go le motšhomayedi. (Mar. 6:3; Maroma 15:8) Ke mo go le segele ga mebereko yowa ka mmedi ga yona. O yye a tšhuta go berekisa dithulusu tsa gona, a fefa sebhakabhaka gore se be selo sa go berekisega ka mutšing. Ka taba la gore ke mo go le thitšere ya ditaba tsa go bafala, ke mo a dula a berekisa Mangwalo mo a kene a gelepa batho gore ba kwisise nnete ya Lentsu la Modimo. (Mat. 7:28; Luk 24:32, 45) Mo Jeso a šele a na le 30 ya mongwaga, o yye a lesetsa mmereko wone wa dibhakabhaka ke mokane a thomisa mmereko wa go tšhomayela ka taba la gore mmereko wo mogolo ka matla ke mo go le wonone. O yitseri ho lefaseng Modimo o mo romme gore a tle a make mmereko wa go tšhomayela ditaba tsa Mmušo wa Modimo. (Mat. 20:28; Luka 3:23; 4:43) Jeso ke mo a beya mmereko wa go tšhomayela mahlong fote ke mo a nyaka ba bangwana ba wo maka naye.—Mat. 9:35-38.

² Rune re ka fo ba re sa bereke ka dibhakabhaka, mara re kene re tšhomayela ditaba tsa go bafala. Mmereko wone ke wo mogolo ka matla la gore go šinnye go kena le Modimo ga wona; le rune fote ba re ke rune “ba go berekisana le Modimo.” (1 Makor. 3:9; 2 Makor. 6:4) Re di bona gabutši gore “monopo wa lentsu la [Jehova] ke nnete.” (Pis. 119:159, 160) Re maka ke tsotsone mo re šinya re nyaka go “tshwara lentsu la nnete gabutši” mo re le tšhomong. (Bala 2 Thimothi 2:15.) Re napa re  ro ya mahlong ka go lokotša mokgwa wa rune wa go berekisa Baebele, yona thulusu ye kgolo yo re yi berekisang go tšhutisa batho ka Jehova, ka Jeso le ka Mmušo. Gore re phomelele ku tšhomong, mokgahlo wa Jehova wo re makele dithulusu tse dingwana tsa gore di nyaka re di tlwayele. Ga go tlala mo re bolabola ka tsona re re di ga Lebhokisi la rune la go Tšhutisa.

3. Ka nako yowa re šeleng ka yona ya go tšhomayela, di nyaka re hlopege ka ying ka matlamatla, fote Mebereko 13:48 yi re gelepa byang gore re make tsotsone?

³ O ka fo ba o tiputsisa gore anthe ke ntaba ba re ke Lebhokisi la go Tšhutisa, ba sa re ke Lebhokisi la go Tšhomayela. Go “tšhomayela” ke go sabalatsa molayetsa; mara go “tšhutisa” ke go kikitela molayetsa wone ka monaganong le ka pelong ga motho, gore a thogo berekisa tso a di tšhutang. Re šalele ke nako ye nyana ya go tšhomayela, byalo di nyaka re hlopege ka matla ka go nyakana le batho bo re ka ba tšhutisang Baebele ke mokane re ba tšhutise nnete. Sosone se rela gore re nyakane le batho ka mokana ga bona “ba gore ba tlalele gabutši ga lephelo la go ya go yye” ke mokane re ba gelepe gore le bona ba tšibe Modimo le go mo tshepa.—Bala Mebereko 13:44-48.

4. Re nyoko ba tšiba ka ying “ba gore ba tlalele gabutši ga lephelo la go ya go yye,” fote re ka ba kraya byang?

⁴ Byalo re nyoko di tšiba ka ying gore bowa ba “tlalele gabutši ga lephelo la go ya go yye”? Go fo tshwana le ku botala, a go na ka mokgo mongwana, batho ba mošaga wonone re ba kraya mo re tšhomayela. Byalo, di nyaka re make tsela Jeso a di hlayyeng tsa gore: “Ga mutši kela semitšane se sengwana le se sengwana so le kenang ga sona, nyakaneng ba gabutši.” (Mat. 10:11) Tso re di hlayang howa a yi tsa gore batho ba go sa kwane le ditaba tsowa tsa go bafala kela ba go ba le magetla ba nyoko sokologa, ba re theetsela. Rune re nyakana le batho ba go tshepega, ba go tinyanafatsa le ba gore ba wonngwe go tšiba nnete. Taba yowa re ka fo yi tshwanisa le nakwela Jeso a sa bereka ka lepolanka, nakwenngwana ke mo a nyakana le mapolanka ya gabutši ya gore ne a ka ma berekisa mo a maka diphahlo, dikwalo, majoko kela tse dingwana. Mo a krayye la gabutši, ke mo a tseya lebhokisi lage la dithulusu, a kena fase, gore a thogo ntsha selo sa go bafala. Le rune di nyaka re make ka mokgonone mo re kene re nyakana le batho ba dipelo tsa go tshepega gore re ba tšhutise Baebele.—Mat. 28:19, 20.

5. Di nyaka re tšibe ying ka dithulusu tso di leng ka teng ga Lebhokisi la rune la go Tšhutisa? Re beyisele ka taba ye nngwana. (Lebelela dithombhe tsa ku mathomisong.)

⁵ Thulusu ye nngwana le ye nngwana ka lebhokising yi na le mmereko wa yona. O fo nagana ka dithulusu tso Jeso ne a di berekisa mo a maka diphahlo. * Ke mo di nyaka a mete le go mereka lepolanka lone, a le kope, a thule mašuba, a le fefe le go meta ka thapo a boye a le tleme. Le dithulusu tso di leng ka teng ga Lebhokisi la rune la go Tšhutisa a di bereke go tshwana. Byalo tla re lebeleleneng ka teng ga lebhokisi la rune gore re thogo bona gore dithulusu tsowa ba re neyyeng tsona di bereka byang.

6, 7. (a) Wene o di berekisiye byang dikhatane tsowa tsa rune? (b) Sephephane sa go memela batho ga mogahlano wa phutego se maka mmereko wofeng le wofeng?

⁶ Dikhatane. Tsowa ke dithulusu tse dinyana mara di bereka ka matla, di re kgorela pata le go šupetsa batho wepsayete ya rune, gore ba thogo tšhuta tsa go tlala ka rune le mong go kgopela go balediwa Baebele. Gana byalo, go šele go na le batho ba go teya ka ku ga 400 000 ba gore ba berekisiye jw.org mo ba kgopela go tšhutisiwa Baebele, fote ba bangwana ba go tlala ba sa na ba kgopela tsotsone ka moka matšatši! Mo o kene o ya tlase le kgakala o lukisa hala le hala, o ka fo maka gore o sepele le dikhatane tsone gore mo go thulega lešuba, o thogo tšhomayela.

⁷ Dimemo. Sephephane sowa sa gore ga go tlala se memela batho mogahlanong se maka le mmereko wo mongwana. Se na le mantsu ya  gore: “Wa memiwa gore o tle o tšhute Baebele le Dihlatse tsa Jehova.” Ke mokane wa tikgetela gore o nyaka go tšhutela “mogahlanong” kela o na le “ye a nyoko go tšhutisang.” Sememo sowa re botsa batho gore ke rune bomang fote se mema le bo ba “gopolang gore ba tshwanele go yetetsiwa ke Modimo” gore ba tle ba tšhute Baebele le rune. (Mat. 5:3) Motho ye mongwana le ye mongwana mo a nabela go tla megahlanong ya rune, a ka tla, le mo a sa balediwi Baebele. Mo motho a tla, o ko di boneng a boya a kwa gore re tšhutisiwa dinnete tsa Baebele.

8. Ke ntaba di le gabutši ka matla gore batho ba tle ga megahlano ya rune, le mo go ka fo ba gateya? Beyisa.

⁸ Di gabutši ka matla gore re ye mahlong re mema batho gore ba tle megahlanong ya rune, le mo go ka fo ba ga teya. Ke ntaba? Ba ko thogo bona gore ka ho ga megahlano ya rune re ro hora ga tso tsa Modimo mara ka ku ga Bhabhilona ye Mogolo, tlala yi ba tula ka matla fote ba kwaritšele. (Jes. 65:13) Ray le Linda, ke monna le mosadi wage ba ku United States, ba re ba yye ba bona taba ye nngwana ku botalanyana. Ba yye ba tipotsa gore di nyaka ba thomise go kena kereke. Tsa gore Modimo o gona ke mo ba di tshepa fote ba kwa ba nyaka go mo tšiba gabutši, ke mokane ba thomisa gana hone ga poleke ya bona go kena ga yowa kereke, ba tšwa, ba kena ga yowa, ba tšwa, ba šinya ba di yenetsa ka mokana ga tsona. Ke mo go na le dikereke tsa mohlobohlobo fote di sa lekane le ka bogolo. Mathomisong, ba yye ba kwana ka gore ba nyoko kena kereke ya gore yi na le dilo tsowa ka dipedi. Sa mathomo ke gore ba nyaka go tšwa ga kereke yone ba tšhutiye se sengwana, fote sa bobedi ke gore, ke mo ba nyaka gore batho ba kereke yone ba šupetse ka maphelelo ya bona gore nnete baa resa mo ba re ba rapela Modimo. Mo go šele go fediye mengwaganyana, ke mo ba šele ba di yenetsiye dikereke tsa hone ga poleke ya bona, mara le ka yyoši yi sa ba neya tso ba di nyakang. Ke mo ba sa tšhuta selo fote le mayaparelo ya bakereki ba gona ke mo yi sa šupetsi le ka go nyana gore baa rapela. Mo ba šele ba fetsisela ga kereke ya mafelelo ga tso ke mo ba di hlawodiye, Linda o yye a ya mmerekong ke mokane Ray a ya gaye. Mo monna yewa a kene a bakiye gaye, o yye a feta thina ga Holo ya Mmušo ke mokane a re, ‘Yema motho a fo kena ka howa a bone gore bowa ba di beya byang?’ Anthe o napa a ro kena masethesetheng! Batho ka mokana ga bona ka hone Holong ya Mmušo ke mo ba jabolelana fote ke mo ba yapere gabutši ka matla. Ray o yye a napa a ye dula ka ku mahlong, a boya a ro natefela ke tso a di tšhutang! Ke mo go fo ba ka mokgonola mopostola Pawulo a hlayyeng nakwela a bolabola ka motho mo go sa le la mathomo a tla megahlanong ya Sekreste ke mokane a re: “Ka nnete Modimo a na le lune.” (1 Makor. 14:23-25) Go tlogisela gana hone, Ray ke mo a ya megahlanong ka Lesonto le lengwana le le lengwana; a thomisa le go tla ga megahlano ya gare ga beke. Linda le yene o yye a thomisa go ya, fote ke mo ba šele ba le gana hala ga 70 ya mongwaga, mara ba yye ba kgopela go tšhutisiwa Baebele ke mokane ba kolobetsiwa.

9, 10. (a) Ke ntaba di sa hlope go berekisa diphephane tsa rune? (b) Hlatolla gore sephephane sa gore Mmušo wa Modimo King? re ka se berekisa byang.

⁹ Diphephane. Re na le mabala (8) ya diphephane tsa gore di lola go di berekisa fote di ya berekega mo re bolabodisana le batho. Go šele go phirinthiwwe sehlano sa dibhiliyoni ya tsona go tlugisela hala di ba gona ka 2013! Sa go jabodisa ka diphephane tsowa ke gore mo o ka šinya o tšiba go berekisa ka ssoši, o ko napa o kgona le tse dingwana, ka taba la gore a di šiyanane. O ka se berekisa byang sephephane sone gore o woke motho gore le thogo bolabodisana?

¹⁰ O ka fo hlawola sephephane sa hlogotaba ya gore Mmušo wa Modimo King? Šupetsa motho ye o bolabolang naye putsiso yo yi leng ka ho mahlong ga sephephane sone, ke mokane o mmutsise gore: “Nje o yye wa tiputsisa gore Mmušo wa Modimo ba ra ying? O bona nkare ke . . . ” Ke mokane o mmutsise gore yene ke mo a ka kgeta phetolo yifeng. O sa yakgoswe o mmotsa gore aa fetola tsona kela o fetodiye  tsona, mmulele ka ho teng ga gore “So Baebele yi se Bolabolang,” ke mokane le petapete ka lengwalo la Daniyele 2:44 le la Jesaya 9:6. Mo nkare gwa kgonega, ariyeneng mahlong le bolabola ka yona. Mo le fetsa, mo šupetse putsiso yo yi leng ka ku nthago ga sephephane sa gore “Nagana ka Sowa ša”: “Lephelo le nyoko ba byang mo go lawola Mmušo wa Modimo?” Sosone se nyoko go kgorela pata ya tso o nyoko bolabolang ka tsona le motho yene. Mo le gahlana fote, o ka bolabolela tšhuto 7 ga sepukwana sa gore Ditaba tsa go Bafala tsa go tšwa ga Modimo!, ya gore re yi berekisa go tšhuta le batho Baebele.

11. Mmereko wa dimakazini tsa rune king, mara di nyaka re tšibe ying ka tsona?

¹¹ Dimakazini. Sewokamelo le Phafoga! ke tsona di hlatoliwwang le go sabalatsiwa ka matla go feta dipuku ka mokana ga tsona ho lefaseng! Di na le dihlogotaba tsa mohlobohlobo tsa go maka gore batho ba mešagašaga ba kwe ba nabela go di bala. Di nyaka gore re lekise batho ditaba tsa tsona tso di yelanang le lephelo lowa la lekgono. Mara, mo re sa nyake go kganisa dimakazini tsowa, di nyaka re di tšibe gore mang o tshwanela ke makazini wa mohlobo mang.

12. (a) Gale Phafoga! ba yi makele bomang, fote yi karakarela go maka ying? (b) O krayye maphomela ya mošaga mang mo o berekisa thulusu yowa?

¹² Phafoga! ke ya batho ba gore a ba nape ba tšiba go ya kaye ka tsa Baebele. Ba ka fo ba ba sa tšibi selo ka tso di tšhutisang ke Makreste, ba ka fo ba ba sa tshepe sedumedi, kela ba ka fo ba ba sa di tšibi gore phela Baebele yi na le dilo tsa gore di ka re berekela. Phafoga! yi karakarela go tšhutisa motho gore go na le Modimo. (Maroma 1:20; Maheb. 11:6) Fote yi gelepa motho gore a di tshepe tsa gore Baebele “ka nnete ke . . . lentsu la Modimo.” (1 Mathes. 2:13) Tsa 2018 di na le dihlogotaba tsowa ka ho tawong: “Sa go Leyela Motho Mojabolo,” “Dilo 12 ya Tsona tsa go Maka Gore Mutšing go Jabodise,” le “Sa go Gelepa bo ba Hlokofaleleng ke Magagabo.”

13. (a) Sewokamelo sa batho ka mokana ga bona ba se makele bomang? (b) O krayye maphomela ya mošaga mang mo o berekisa thulusu yowa?

¹³ Sewokamelo, sa batho ka mokana ga bona, se bolabola ka tso tsa Modimo, ka matlamatla se bolabola le ba gore ba hlompa Modimo le Lentsu lage. Le mo ba ka fo ba ba yi tšiba nyana Baebele, a ba nape ba di kwisisa gabutši tso yi di tšhutisang. (Maroma 10:2; 1 Thim. 2:3, 4) Tsa 2018 di na le diputsiso tsowa ka ditharo ka ho tawong: “Ayitsano Baebele yi sa Bereka le Lekgono?,” “Go Nyoko Makega Ying ku Mahlong?,” le sa gore “Nje Modimo wa Tihlopa ka Wene?”

14. (a) Dividiyo tso di leng ga Lebhokisi la rune la go Tšhutisa di bereka ying? (b) O krayye maphomela ya mošaga mang mo o šupetsa batho dividiyo tsowa?

¹⁴ Dividiyo. Ka dinako tsa Jeso, motho wa go bereka ka lepolanka, ke mo a fo berekisa dithulusu tsa matsogo fela. Mara lekgono, batho ba go bereka ka lepolanka ba berekisa le dithulusu tsa go nyaka matšhika—disaga, dibhoro, motšhene wa go fefa, dipikiri, le tse dingwana tsa mehlobohlobo. Ga dikgatiso ka mokana ga tsona tsa rune, re na le dividiyo tse dingwana tsa go bafala ka matla tso re di šupetsang batho—ka dine ga tsotsone di gona ga lebhokisi la rune la go tšhutisa, ke tsowa: Ke Ntaba re Tshwanele go Tšhuta Baebele?, Re Tšhutisa Baebele Byang?, Go Makega Ying ka Holong ya Mmušo?, le ya gore Dihlatse tsa Jehova—Ke Rune Bomang? Dividiyo tsowa tsa dikopa di ya berekega mo o thoma go gahlana le motho. Tsa gore di lefiye re ka di berekisa mo re boyela ga motho le ga bo ba šupetsang ba na le nako. Dithulusu tsowa di ka tšhofa batho gore ba jabolele go tšhuta Baebele le go tla megahlanong ya rune.

15. Hlatolla gore dividiyo tsa rune di ka ba gelepa byang bo re ba šupang tsona ka mmolabolo wa bona.

¹⁵ Mo re beyisa, mogageru ye mongwana wa mosadi o yye a gahlana le mosadi ye mongwana wa go bolabola Seyapese wa gore ke mo a tšwa Micronesia, ke mokane a mo šupetsa vidiyo  ya gore Ke Ntaba re Tshwanele go Tšhuta Baebele? ka mmolabolo wage. Mo vidiyo yela yi thomisa go kgana, mosadi yela o yye a re: “Ke polabolo yaka yowa. Ye lune a ke tshepe! Ke mo kwa le ho a bolabola motho yewa gore o tšwa mo ke tšwang. O bolabola segageru!” Ka nthago ga hone, o yitseri o nyoko ya a bala se sengwana le se sengwana ga jw.org a boye a lebelele le dividiyo tsa gona ka segagabo. (Tshwanisa le Mebereko 2:8, 11.) Ye nngwana ke yowa. Mogageru ye mongwana wa mosadi wa ku United States o yye a romela setlogolo sage mafaseng ya ka tawong linki ya vidiyo yonone ka fowunu fote go le ka segagabo. O yye a yi lebelela ke mokane a mo romela molayetsa wa gore: “Taba ya gore lefase lowa le lawola ke wa pelo ye phifadu yi mmakatsiye. Ke napiye ke kgopela gore ba ntšhutise Baebele.” O dula ga poleke ya gore mmereko wa rune ba wo thibelele!

16. Hlatolla mmereko wa sepukwane se sengwana le se sengwana: (a) Theetsela Modimo o Phele go ya go Yye. (b) Ditaba tsa go Bafala tsa go tšwa ga Modimo! (c) Ke Bomang Bao ba Dirago Thato ya Jehofa Lehono?

¹⁶ Dipukwane. O ka tšhutisa byang motho wa gore aa di tšibi gabutši tsa go bala kela wa gore a go na dikgatiso tsa segagabo? Re nayo thulusu ya gona—ke sepukwane ya Theetsela Modimo o Phele go ya go Yye. * Thulusu ya gabutši ya go tšhutisa ka yona ke sepukwane sa Ditaba tsa go Bafala tsa go Tšwa ga Modimo! O ka šupetsa motho yene 14 ya ditema tso di leng ka mokolong wa sepukwane sone ke mokane o mo lesetse a hlawole yo yi mo jabodisang ka matla. Thomisaneng ka sosone a se nyakiyeng. Ayitsano o yye wa leketsa go maka ka mokgonone ga dipowelo tsago? Sepukwane sa Ke Bomang Bao ba Dirago Thato ya Jehofa Lehono? ke sa boraro ga lebhokisi la dithulusu. Mmereko wa sona ke go tšhutisa bo ba tšhutang Baebele gore mokgahlo wa rune wo byang. Mo o nyaka go tšiba gore ba se berekisa byang mo ba balela motho, ariye ga Sepukwane sa Mogahlano wa Maphelelo le Matšhomayelelo ya Rune ya Sekreste sa March 2017.

17. (a) Puku ye nngwana le ye nngwana yo yi badiwang ba yi makele ying? (b) Di nyaka go makiwe ying ga batho ka mokana ga bona mo ba kene ba ya mahlong ba šinya ba kolobetsiwa, fote ke ntaba go makiwa tsotsone?

¹⁷ Dipuku. Mo le šele le thomme go tšhuta sepukwane sone, nakwenngwana le ye nngwana le ka fo kena ga puku ya Re ka Tšhuta Ying ka ho Baebeleng? Puku yowa yi nyoko maka gore motho a nape a di kwisisa gabutši tso Baebele yi di tšhutisang. Mo le šele le yi fetsiye ke mokane o di bona gore motho yene o gatela mahlong, napaneng le kena ga puku ya Tso re ka ga di Makang Gore Modimo a Dule a re Nyaka. Thulusu yowa yi nyoko mo tšhutisa ka mokgo a ka berekisang ditšhiko tsa Baebele ka moka matšatši mo a na a phela. O sa lebale gore le mo a šele a kolobetsiwwe, di nyaka a ye mahlong a kene a bala, a šinye a di fetse dipuku tsone ka dipedi ga tsona. Sosone se nyoko mo gelepa gore a nape a tiyelela mo nneteng.—Bala Makolosi 2:6, 7.

18. (a) Lengwalo la 1 Thimothi 4:16 le hlohletsela rune ba go tšhutisa nnete gore re make ying, fote maphomela ya gona ke ya mošaga mang? (b) Di nyaka re karakare gore re thogo segelela ying mo re kene re berekisa Lebhokisi la rune la go Tšhutisa?

¹⁸ Rune Dihlatse tsa Jehova, re na le “molayetsa wa nnete wa ditaba tsa go bafala” tsa go yisa batho ga lephelo la go ya go yye. (Makol. 1:5; bala 1 Thimothi 4:16.) Re na le Lebhokisi la go Tšhutisa la go re gelepa ka tso re di nyakang. (Lebelela “ Lebhokisi la go Tšhutisa.”) Nkare re ka berekisa lebhokisi lowa gabutši ka matla. Motšhomayedi ye mongwana le ye mongwana a ka fo bona gore yene o berekisa ying sa gore se hala ga lebhokisi la dithulusu mo a gahlana le motho wa go jabolela le gore tsotsone o di maka leng. Mara a yi taba ya go fo sabalatsa dipuku; kela go fo neya batho dipuku tsa rune le mo ba sa šupetsi ba di nyaka. So re se nyakang ke go tšhutisa batho ba go tshepega, ba go tinyanafatsa le ba gore ba wonngwe ditaba tsa Modimo—batho “ba gore ba tlalele gabutši ga lephelo la go ya go yye.”—Meber. 13:48; Mat. 28:19, 20.