1, 2. Jošuwa o gahlanne le tsa mohlobo mang nakwela Moše go se botala a timele?

JOŠUWA ke mo a sa na a gopola tso Jehova a di hlayyeng mo a re: “Moše lelata laka o timele. Byalo tlogamela, o take noka ya Jorodane, wene le batho bowa ka mokana bona, ke mokane le ye ga poleke ya gore ke ba neya yona.” (Još. 1:1, 2) Jošuwa ke mo a sa yi yemela taba yowa, yene ke mo a tsere 40 ya mongwaga go le lelata la Moše!

² Ke mo go le botala ka matla Moše go le yene wa go yeta Maisrayele mahlong, byalo Jošuwa a ka fo ba a tiputsisiye gore nje batho bowa ba Modimo ba nyoko theetsela mo ba yetiye ke yene mahlong. (Dot. 34:8, 10-12) Puku ye nngwana ya go bolabola ka ditaba tsowa tsa Baebele, mo yi bolabola ka lengwalo la Jošuwa 1:1, 2, yi re: “Ga dinako tsela tsa ku botala le tsa gana byalo, go tšhentšha bo ba yetang mahlong go tshosa batho ka matla la gore ba šinye ba sa tshepe gore mmušo wa bona wo tiyelele.”

3, 4. Re tšiba ka ying gore Modimo aa mo tšebisa ga Jošuwa, fote re ka fo ba re tiputsisa putsiso ya gore king?

³ Tso Jošuwa ne a di tšhoga di šupa nkare ke mo di kwagala, mara  ka nthagonyana, o yye a tipotsa gore o nyoko maka ying. (Još. 1:9-11) Modimo aa mo tšebisa. Baebele yi šupetsa gore Jehova o yye a mo yetetsa ga Jošuwa le batho Bage ba Maisrayele, a berekisa morongwa. Di šupa nkare morongwa yene ke mo go le Lentsu, Morwayi wa Modimo wa mathomothomo.—Ek. 23:20-23; Joh. 1:1.

⁴ Jehova o yye a gelepa Maisrayele, ma thomisa go kwisisa gore gana byalo ye a ba yetang mahlong a go sa le Moše, mara ke Jošuwa. Le rune re phela ga dinako tsa gore dilo di tšhentšha di tšhentšhiye, fote o ka fo kraya re tiputsisa gore, ‘Mo mokgahlo wa Modimo o kene o ya mahlong ka go yakgoswa ka mokgo, mara nje ga Jeso re ka napa re mo tshepa gore ke yene Moyetamahlong wa rune ye ba mo kgetiyeng?’ (Bala Matewu 23:10.) Tla re boneneng gore ku botala, Jehova o yye a ba hlawola byang batho ba go tshepega gore ba yete mahlong ka dinako tsa mo dilo di tšhentšha.

5. Go makegiye ying nakwela Jošuwa a le thina le go kena Jerikho? (Lebelela sethombhe sa ku mathomisong.)

⁵ Mo Maisrayele ma fetsa go tshela Jorodane, Jošuwa o yye a gahlana le taba ye nngwana ye kgolo. Mo a le thina le go segela Jerikho, o yye a gahlana le monna ye mongwana a tshwere sabola. Jošuwa ke mo a sa mo tšibi ga motho yene, ke mokane a mmutsisa gore: “O ka lethokong la rune kela o ka ku ga manaba ya rune?” Jošuwa o yye a makala mo motho yene a hlaya gore ke yene mang. Ke mo go le “kgoši ya masole ya Jehova,” wa gore ke mo a tikemisele go lwela batho ba Modimo. (Bala Jošuwa 5:13-15) Le mo taba yowa go gongwana yi bolabola ka Jehova gore ke yene ye ke mo a bolabola le Jošuwa, di šupa gabutši gore Modimo ke mo a bolabola a berekisa morongwa wage, go fo tshwana le ka mokgo ne a maka ka gona go tlogisela.—Ek. 3:2-4; Još. 4:1, 15; 5:2, 9; Meber. 7:38; Magal. 3:19.

6-8. (a) Ke ntaba ditaba tse dingwana tso di bolabolang ke Jehova di šupetsa nkare di ka sa kgonege mo motho a di lebelele? (b) Melawo yone yi šupetsiye ka ying gore yi gabutši le gore yi na le go hlalefa? (Lebelela le setwaba.)

⁶ Morongwa yene wa go yeta mahlong o yye a botsa Jošuwa gore a make ying gore a thogo hlula mutši wa Jeriko. Mathomisong ke mo di šupa nkare tso ba mmotsang gore a di make di ka sa bereke. Mo re beyisa, Jehova o yitseri banna ka mokana ga bona ba bollwe, sosone ke mo se nyoko maka gore ba fetse matšatši ya go tlala ba sa kgone go lwa. Ayitsano ke mo go le nako ya gabutši ya gore banna bone ba bollwe?—Gen. 34:24, 25; Još. 5:2, 8.

⁷ Di šupa nkare masole yane ya Maisrayele ma yye ma tiputsisa gore mo ma ka fo kutulugela ke manaba, ayitsano ma ko di kgoneng go lwela mitši ya wona. Mara ka go yakgoswa, go yye gwa nyarela ditaba tsa gore ‘go kwadiwe digheyiti tsa Jerikho ka taba la Maisrayele.’ (Još. 6:1) Nje a baa napa ba mo tshepa ga Modimo mo ba bona go makega taba ya mohlobo wowa ya go fo tšhentšha ga dilo ba sa nagana?

⁸ Se sengwana ke sowa, Maisrayele ke mo ba yitseri ma sa hlasele Jerikho, mara ma yi dukuluge ga ggoši ka letšatši, ka kobodi ya matšatši, ke mokane ka la bošupa, ma yi dukuluge ga šupa. Masole ya mangwana ma ka fo ba ma yye ma re, ‘Mowa nkare re tshwere ya go kgana!’ Mara Moyetamahlong wa Maisrayele wa gore aa bonale ke mo a di tšiba gabutši gore o maka ying. Taba yo a yi makiyeng yi tiyisiye tumelo ya Maisrayele ya boya ya maka gore ba sa ye ba ye lwa ka bobona beng le masole ya Jeriko.—Još. 6:2-5; Maheb. 11:30. *

9. Ke ntaba di nyaka re latelele tso mokgahlo wa Modimo o re botsang tsona? Beyisa.

⁹ Re tšhuta ying ga taba yowa? Re ka sa nape  re kwisisa dilo ka mokana ga tsona tsa gore ke ntaba mokgahlo wo tšhentšha dilo. Mo re beyisa, ka nako tsela tsa ku nthago re ka fo ba re yye ra sa nape re kwisisa taba yowa ya gore re berekise difowunu kela dithebholete mo re titšhutisa rune beng, mo re le tšhomong le mo re le megahlanong. Gana byalo re ka fo ba re di bona gore di ya re berekela. Re kwa tumelo ya rune yi napa yi ro tiyelela fote re ba selo ka ssoši mo re bona maphomela ya mohlobo wowa, le mo re ka fo ba re thomisiye ka go kokola.

10. Ke mang a makiyeng gore go šinye go be le mogahlano wola wa mogoba wa go lawola ku Jerusalema?

¹⁰ Ka nthago ga 13 ya mongwaga mo Koroneliyo a sokologiye, Majuda ya mangwana ke mo ma sa na ma ngangarele taba yowa ya go bollwa. (Meber. 15:1, 2) Nakwela ba gogoyisana ku Anthiyoko, ba yye ba maka gore Pawulo a ye butsisa mogoba wa go lawola ka taba yone ku Jerusalema. Mara ke mo a romme ke mang? Pawulo o yitseri: “Ke yye mone ka taba la gore ba ro ng’wunyullela.” Di fo ba lekgwaying gore Kreste ke yene a makiyeng gore taba yone yi segele ga mogoba wa go lawola gore yi lukisiwe.—Magal. 2:1-3.

11. (a) Ke taba yifeng ya go yelana le go bollwa yo yi hlupiyeng Majuda ya gore ke mo go šele go le Makreste? (b) Taba ya gore Pawulo ke mo a di nyaka go thega bagolo ba ku Jerusalema yi leketsiwwe byang? (Lebelela le setwaba.)

¹¹ Kreste o yye a maka gore mogoba wa go lawola o fetse ka gore Makreste ya gore a yi wona Majuda a di nyake gore ma bollwe. (Meber. 15:19, 20) Mara Majuda ya go tlala ma yye ma fo ba ma kene ma bolotsa bana ba wona le mo ba kwile sepheto sone. Ba bagolo ba ku Jerusalema ba yye ba di kwelela tsa gore go na le tabanyana ye nngwana ka Pawulo, ya gore aa latelele Molawo wa Moše, ba yye ba mmotsa ditaba tse dingwana tsa gore ke mo a sa di nagana. * (Meber. 21:20-26) Ba yye ba mmotsa gore a tseye banna ka bane, a ye nabo tempeleng gore batho ba tseye nkare Pawulo o “latelela Molawo.” Hala Pawulo go le ye mongwana, nke a yitseri tso ba di bolabolang a di kwale, a ba šupetsa gore gabutši batho bo ba nang le bothata ke Makreste ya Majuda ba gore ke mo ba sa kwisisi taba yowa ya go  bollwa. Mara, ka taba la gore Pawulo ke mo a nyaka gore go kgibe ka ho phutegong, o yye a tinyanafatsa, a theetsela tso bagolo ne ba mmotsa tsona. Mara re ka tiputsisa gore, ‘Ke ntaba Jeso a f’lo lesetsa taba yone yi lekaleka ka nako ya go lefa ka mokgonowa mara likgu lage le tseyele Molawo wa Moše mmereko?’—Makol. 2:13, 14.

12. Kreste a ka fo ba a makiye king mo a šinya a lesetsa taba yowa ya go bollwa yi tseya nako yi sa lukisiwi?

¹² Ga ba bangwana, di tseya nako gore ba kwisise dilo mo di beyiwa ka mokgwa wo mongwana wa nyuwane. Makreste ya Majuda ke mo ma nyaka nako gore ba thogo wolola ka mokgo ba kwisisang dilo. (Joh 16:12) Ba bangwana ke mo di ba roba go dumela gore go bollwa a go sa tseyiwa go le setwaba sa gore motho o na le senghana sa go hlawolega le Modimo. (Gen. 17:9-12) Ba bangwana, ke mo ba tšhaba gore ba nyoko hlopegisiwa, ba tšhaba go thuletsa gore bona ba yemme kaye mo ba na le Majuda ya mangwana. (Magal. 6:12) Mara, mo bo kene bo sa, Kreste o yye a ba yetetsa a berekisa mangwalo ya ma ngwadiyeng ke Pawulo.—Maroma 2:28, 29; Magal. 3:23-25.

13. Re ka gelepa king gore re di bone gore ka nnete go lawola Kreste lekgono?

¹³ Mo re ka fo ba re sa kwisisi gore ke ntaba dilo tse dingwana di tšhentšha ka ho mokgahlong, di nyaka re nagane gore Kreste ku botala ke mo a yetetsa batho bage byang. Kreste o yye a yetetsa batho ba Modimo ka dinako tsa Jošuwa le ka dinako tsa ku nthago, a ba pasopa ba le ka mokana ga bona, a ba tiyisa tumelong le go ba maka gore ba dule ba mamarelanne.—Maheb. 13:8.

14-16. Taba ya gore Kreste o hlopega ka rune gore re philege ga tso tsa Modimo yi bonala byang ga tso di hlayang ke “lelata la go tshepega le la go hlalefa”?

¹⁴ Jeso wa šupetsa gore o nabela go bona re tlalele ka matla ga tso tsa Modimo ka taba la gore o re yetetsa ka nako ya gona a berekisa “lelata la go tshepega le la go hlalefa.” (Mat. 24:45) Marc, wa go ba le bana ka bane, o re: “Sathane o kenele mitši gore a thogo wisa diphutego. Gana byalo re kene re butsiwa gore re be le morapelo wa mutši beke ye nngwana le ye nngwana, tsotsone di šupetsa dihlogo tsa mutši taba ye kgolo—pasopa mutši wago!”

¹⁵ Mo re di bona gore re gapa ke Kreste, re napa re tshepa gore o nabela ka matla go bona re ya mahlong re berekela Modimo. Patrick, wa gore ke mogolo, o re: “Mathomisong, ba bangwana ke mo ba fo kgongwela mo ba ye gahlaneng go le mogoba wo monyana mo beke yi fela gore ba thogo ya tšhomong. Mara ga taba yowa re napa re di bona gabutši gore ka nnete Jeso o karakarela batho ba go tinyanafatsa. Magageru ya gore ke mo ma sa nape ma thogathoga ka matla ga tso tsa Modimo maa di bona gore a maa lahliwa, byalo ba napa ba ro ganya dikobo gore ba tlalele ka matla ga tso tsa Modimo.”

¹⁶ Mo re tlatsisa ga taba yo ya go maka tsa Modimo, Kreste o re gelepa gore re kenelele ka matla ga mmereko wo mogolo wa gore wo makiwa lefaseng lekgono. (Bala Mareka 13:10.) André, wa gore a yi botala go le mogolo, ke mo a fo dula a sepela le dinako mo go tšhentšha se sengwana ka ho teng ga mokgahlo wa Modimo. O re: “Taba ya go poma batho mokgahlong yi re šupetsa gore a go sa na nako fote di nyaka re karakare ka matla ga mmereko wa go tšhomayela.”

17, 18. Di nyoko re gelepa ka ying mo re ghayela ka dilo tso re di krayang gana byalo ka taba la dilo tso di tšhentšhiyeng?

¹⁷ Ka mokgo melawo yage yi šupetsang, di šupetsa gabutši gore Kgoši ya rune, Jeso Kreste, o nyaka go bona tso di nyoko makegang ku mahlong. Rune di nyaka re jabole ka taba la gore ra di bona gore di re gelepa ka ying mo go kene go tšhentšhiwa dilo. Taba yowa ya gore di re gelepiye ka ying mo go kene go tšhentšhiwa ka mokgo re gapang megahlano kela tšhomo, yi ka le tiyiisa ka matla mo le ka fo bolabola ka yona ga morapelo wa mutši.

 ¹⁸ Mo re ka fo bona gore king so se tšhofang mokgahlo wa Jehova gore wo tšhentšhe dilo le gore rune di re gelepa ka ying, re nyoko theetsela tsotsone re butsiwang tsona re kene re jabodiye. Re di bona gabutši gore taba yo ya go poma dipuku tsa gore di ya phrinthiwa yi maka gore re seketše tšheleta; go berekisa dilo tsa nyuwane tsa thekinoloji go maka gore re thogo ya mahlong ka mmereko wa Mmušo wa lefase ka mokana ga lona. Mo re ka fo nagana ka dilo tsowa, re ko thogo berekisa dipuku tso di leng ho dithebholeteng kela difowunung ka matla, mo nkare gwa kgonega. Ka mokgononeng, re nyoko berekisa dilo tsa mokgahlo re kene re šupetsa gore ga Kreste re ya mo naganela.

19. Ke ntaba di nyaka re theetsele mo Kreste a re yetetsa?

¹⁹ Mo re ka fo theetsela mo Kreste a re yetetsa, re nyoko tiyisa tumelo ya batho ba bangwana fote ra maka gore re mamarelane. Mo André a nagana ka taba ya go poma batho Bethele lefaseng ka mokana ga lona o re: “Magageru ba gore ke mo ba bereka Bethele ba yi yamogele gabutši ka matla taba yowa ya go tšhentšha ga dilo, le nna ka kwa ke thomisa go tshepa le go hlompa mokgahlo. Ba sepela le koloyi ya Jehova, fote ba jabolela mmereko wo mongwana le wo mongwana wo ba ba neyang wona ho ga Modimo.”

20, 21. (a) Ke ntaba di nyaka re mo tshepa ga Kreste, yene Moyetamahlong wa rune? (b) Re tl’le fetola putsiso yifeng ga hlogotaba ya go latela?

²⁰ Jeso Kreste ke yene a hlawodiwweng gore go be Moyetamahlong wa rune, go se botala o nyoko “fetsisa go hlula gage” ke mokane “a segelela dilo tsa go makatsa.” (Kut. 6:2; Pis. 45:4) Tsa gana byalo, o lukiselela batho ba Modimo tso di nyoko bang di makega mo go šele go fediye ka lefase lowa, ka nako yonone motho ye mongwana le ye mongwana o nyoko tšhela letsogo ga mmereko wa go tšhutisa le go yaga ka nako tsa mo batho ba tsoga dilahlong.

²¹ Kgoši ya rune ya gore yi tlotsiwwe yi nyoko re yetetsa ra šinya re kena ga lefase la nyuwane mo rune re ka fo ya mahlong re tshepela gage le mo dilo di tšhentšha ho lephelong. (Bala Pisalema 46:1-3.) Go gongwana re ka šekela ka matla mo re bona dilo di tšhentšha, ka matlamatla mo go nyarela tsa gore ke mo re sa di yemela lephelong. Byalo, re ka maka byang gore re ye mahlong re kgibiye le go napa re tiya ga tso re di tshepang ka Jehova? Taba yone re nyoko tla re bolabola ka yona ga hlogotaba ya go latela.