1. Jeso o bolabodiye taba yifeng ye kgolo le bo ba tšhutang gage nakwela go le bošego bya gore ka motshwana wa gona ke mo a nyoko kgwa?

KE MO go le bošego bya mafelelo Jeso a soko kgwa mo a bolabola ampore ga 30 ka lerato. O bolabodiye a sa jikajiki gore di nyaka malata yage ma “ratanane.” (Joh. 15:12, 17) Tsa gore baa ratanana ke mo di nyoko ba lekgwaying la gore ba šale ba bonala gore ke bona malata yage ya mannete. (Joh. 13:34, 35) Lerato lone a yi la go makela moyano. Jeso ke mo a bolabola ka taba ye nngwana ye kgolo ka matla—taba yone ke go tikona tse dingwana ka taba la go rata ba bangwana. O yitseri: “Aa šiyo le ka wweši wa go ba le lerato la go feta lowa, la mo motho a šinya a kgwela banghana bage. Ke lune banghana baka mo le maka tso ke reng le di make.”—Joh 15:13, 14.

2. (a) Malata ya Modimo re ma bona ka ying? (b) Re nyoko fetola diputsiso difeng ga hlogotaba yowa?

² Batho gore ke malata ya Jehova lekgono re bona mo ba ratanana tsa mannete, go tikona dilo tse dingwana ka taba la ba bangwana le go dula ba mamarelanne ba le selo ka ssoši. (1 Joh. 3:10, 11) Re jabola ka matla mo re kene re bona lerato la rune la Sekreste le yeketsega ga malata ya Jehova le mo ba sa tshwane ka dipoleke, ditšo, mmolabolo kela ba sa gudisiwa go tshwana! Mara re ka fo tiputsisa gore: ‘Ke ntaba di nyakega gore re be le lerato gana byalo? Jehova  le Jeso ba re yagisa byang ka lerato? Ye mongwana le ye mongwana ga rune a ka maka ying go šupetsa gore o na le lerato la Sekreste la go “yagisa”?’—1 Makor. 8:1.

3. ‘Dinako tso tsa go tsa go baba ka matla’ di ba maka ying batho?

³ Lephelo le “tlele ka mohlopego le mošekelo,” ba go tlala ga dinako tsowa “tsa go baba ka matla” ba kgongwele ka taba la dilo tsa go tlala tsa mohlobohlobo. (Pis. 90:10; 2 Thim. 3:1-5) Ba go tlala ba šinya ba lahla tewu. Bo ba go balela dilo ba naganela gore mongwaga wo mongwana le wo mongwana go na le batho ba go teya ka kgakala ga 800 000 bo ba tipolayang—tsotsone di ra gore ga 40 ya disekonte tse dingwana le tse dingwana, go kgwa motho. Sa go napa se babisa pelo ke gore le Makreste ya mangwana ma yye ma kgongwela ka matla ma šinya ma tipolaya.

4. Ke bomang ka ho Baebeleng ba gore ba yye ba nabela go kgwa?

⁴ Nakwela go sa ngwadiwa Baebele, malata ya Modimo ya mangwana ke mo ma kgongwetsiye ka matla ke tso ne di ma makegela, ma šinya ma nyaka le go kgwa ma di šiya. Mo re beyisa, Jobo o yye a lla ka matla a kwa nkare di mo kgahleletsiye ka matla, a re: “Lephelo laka le ya gakga; a ke sa di nyaka go ya mahlong ke phela.” (Jobo 7:16; 14:13) Jona ke mo a tshwatisiye ke tso di yyeng tsa makega nakwela ba mo romme, a šinya a re: “Byalo gona Jehova, ke kgopela o tseye lephelo laka, ke bona nkare di kawone ke fo tikhwela, ke šiye tsa lephelo.” (Jona 4:3) Eliya le yene o yye a kgongwetsa ke tso di mo tleleng gwa šinya go segela le mo a kwang nkare a ka kgwa. O yitseri: “Byalo gona ke tinnwe! O fo tseya lephelo laka Jehova.” (1 Mag. 19:4) Mara malata yane yage Jehova o yye a ma tseyela hlogong ka taba la gore ke mo a nyaka gore ma phele. Aa ba lakatsa a re anthe ba ro kena king, mara o ba gelepiye gore ba sa sa kwa ba nabela go kgwa ke mokane a ba šupetsa lerato gore ba ye mahlong ba mmerekela ka go tshepega.

5. Ke ntaba di nyaka magageru re ma rate ka matla gana byalo?

⁵ Le mo magageru ba ka sa nape ba nyaka go lahlela tewu, ba go tlala lekgono ba kgahleletsa ke tsa go tlala ba šala ba kgongwele, bobone di nyaka ba yagiwe ka lerato. Ba bangwana ba tiyisela mahloriso le go tshwariwa go baba. Ba bangwana baa poyidiwa kela go tshegiwa ke bo ba berekang nabo. Ba bangwana ba tinwisa ke go bereka ba sa khutsi kela go dula ba lelekiselana le gore mmereko o sa šalele nthago. Fote ba bangwana ba hlakana le tsa go tlala tsa go ba yilametsa ka matla mitšing ya bona, tsa go tshwana le go poyila ke banna kela basadi ba bona ba gore a yi Makreste. Ka taba la tsotsone le tse dingwana, ba go tlala ka ho phutegong ba thomisa go lelemela le go kwa nkare nke ba se šiyo. Bo ba lelemelang ba ka gelepa ke mang gore ba sa šepisi?

6. Jehova o ba yagisa byang malata yage ka lerato?

⁶ Jehova o tshepisa malata yage gore o nyoko ma rata ka lerato la go yagisa. Di šupa nkare Maisrayele ma yye ma kgomoletsega ka matla mo ma kwa Jehova a re: “Mo ke le lebelela ke kwa le njabodisa ka matla, ke le tseyela gedimo fote ke le nyakiye ka matla. . . . Le sa tšhoge selo, ka taba la gore ke na le lune”! (Jes. 43:4, 5) Mo o le lelata la Jehova, napa o di tšiba gore Jehova o go nyaka ka matla. * Lentsu la Modimo le tshepisa bo ba kwanang le tso tsa Modimo gore: “Ke yene wa Matšhika, o nyoko le phonisa. O nyoko le neya mojabolo wo mogolo.”—Zef. 3:16, 17.

7. Lerato la Jehova le tshwana ka ying le la mmane wa go yangwisa? (Lebelela sethombhe sa ku mathomisong.)

⁷ Le mo batho ba Jehova ba ka gahlana le  tsa mohlobo mang, o ba tshepisa gore o nyoko ba tiyisa a boye a ba kgomoletse. “Le nyoko yangwa la boya la pepudiwa la beyiwa ho lesekeng, ke mokane la beyiwa ho matolong. Go tshwana le mmane ye a kgomoletsang morwayi wage, le nna nka sa lesetse go le kgomoletsa.” (Jes. 66:12, 13) A yi go jabodisa ga tsona barena mo mmane wa ngwana a pepudiye ngwanage a le ho masekeng kela a mmeyye ho matolong! Ka mokgonone Jehova o šupetsa gabutši gore malata yage ya mannete o ma nyaka ka matla ka lerato le lengwana la go bešabeša. O sa yi tseyele fase taba ya gore Jehova o go nyaka ka matla fote aa nyake go kwa selo ka wene.—Jer. 31:3.

8, 9. Ka mokgo Jeso a re ratang di re tiyisa byang?

⁸ Tsotsone di ka maka gore Makreste ya nnete ma šutele thina ga Jehova: O “nyakiye lefase ka matla a šinya a fana ka Morwayi wage wa gore o belegiwwe a ntoši, gore ye mongwana le ye mongwana ye a dumelang gage go sa fele ka yene, mara a kraye lephelo la go ya go yye.” (Joh 3:16) Ka nnete Jeso le yene o šupetsiye gore wa re nyaka nakwela a neyela ka lephelo lage gore rune re thogo phela! Le rune re kwa di re tšhofa go maka dilo tse dingwana ka taba la gore re di tšiba gabutši gore o re nyaka ka matla! Lentsu la Modimo le tshepisa gore le ho go ka ba le “motšhatšhamelo kela mošekelo,” o ka sa re “mamarolle ga lerato la Kreste.”—Maroma 8:35, 38, 39.

⁹ Mo re gahlana le tsa go re phika lephelong, ka ho ga tso tsa Modimo kela di re nopa matla, lerato la Kreste ke lona le nyoko re neyang matšhika gore re thogo tiyisela. (Bala 2 Makorente 5:14, 15.) Ka mokg’o Jeso a re nyakang ka matla ka gona, re kwa re tiyelela le go sa šepisi ga tso re di makang, le mo re rula ke dilo tsa go baba tsa go tshwana le dikotsi, go hlorisiwa, go fo šitega go segelela tso re di nyakang, kela go šekela re sa fetse.

10, 11. Mmereko wa go yaga magageru bo ba kgongweleng ke wa mang? Hlatolla.

¹⁰ Jehova o berekisa phutego ya Makreste gore a re yagise ka lerato lage. Ye mongwana le ye mongwana ho ga rune a ka mo yekisela ka go rata magageru le go ba yagisa ga tso tsa Modimo le ga tsa lephelo mo ba kwa go roba. (1 Joh. 4:19-21) Mopostola Pawulo o yitseri ga Makreste: “Le ye mahlong le kene le tiyisana le go yagana, ka mokgonone le makang ka  gona.” (1 Mathes. 5:11) Eya, a yi bagolo ba ntoši, mara ke batho ka mokana ga bona ka ho phutegong bo ba ka kopiselang ga Jehova le Jeso, ka go kgomoletsa magagabo rune ka ho phutegong.—Bala Maroma 15:1, 2.

¹¹ Batho ba bangwana ka ho phutegong ba gore ba šinya ba lwala ka taba la go šekela di ka fo nyaka gore ba ye bona ditogotela. (Luka 5:31) Bagolo le batho ba bangwana ka ho phutegong baa di tšiba tsa gore bona a baa tšhutela tsa go yalafa batho menagano. Mara, bona le ba bangwana ka gana ho phutegong go na le tsa go tlala tsa gore ba ka tšhela letsogo ga tsona—gore mo ba “bolabola ba kgomoletse bo ba kgahleletsiyeng ke tsa go baba, go thegeletsa bo ba lelemelang, go lefisela ye mongwana le ye mongwana pelo.” (1 Mathes. 5:14) Makreste ka mokana ga wona di nyaka ma kwelane go baba le go lefiselana pelo, mo ba bolabola le bo ba kgongweleng, ba ba kgomoletse gore ba thogo ba yaga. Ayitsano le wene ba bangwana wa ba kgomoletsa le go ba tiyisa? Mo o ka fo ba o di tšiba go bolabola le batho ka mokgonone, o nyoko gelepa ba go tlala.

12. Re hlayisele ka motho wa gore phutego yi yye ya mo yagisa ka lerato.

¹² Lerato la rune le ka ba yagisa byang bo ba gore le wene mo o bolabola nabo o kwa ditaba tsa bona di go thonoga? Mogageru ye mongwana wa mosadi wa ku Yuropo o re: “Di fela di ntlela tsa gore ke tipolaye. Mara go na le bo ba nthegeletsang. Phutego yo ke leng ga yona yi phonisiye lephelo laka. Magageru baa tiyisana fote ba na le lerato. A yi ba go tlala ba gore baa di tšiba gore ke na le bolwele bya go gatelelega monagano, mara ka mokana ga bona ka ho phutegong ba dula ba le ho thina gaka. Go na le monna ye mongwana le mosadi wage ba gore ba tshwana le babelegi baka. A ba nyake go kwa selo ka nna, fote ba fo dula ba le mo.” Nnete ke gore tso re di makelang batho di ka sa lekanane. Mara mo batho ba gore ba kgongwele re ba gelepa di re baba, le bona beng ba ko tikweng gore baa hlohlotela. *

13. Di nyaka re make ying gore re thogo yaga ba bangwana?

¹³ Tšhuta go theetsela gabutši. (Jak. 1:19) Go theetsela motho o kene o mo kwela go baba di šupetsa gore o na le lerato. O ka fela o butsisa diputsiso tsa go kwala le tsa go šupetsa gore o kwelana le motho yene wa gore o kwa go baba. O ko thogo tšhuta go kwelana le batho le go yaga motho yene wa batho. Le ho mahlong o šupetse gore nnete o mo kwela go baba. Mo Mokreste ye mongwana a kwa a nyaka go go hlatollela ditaba go ya mahlong, mo theetsele o lefisiye pelo fote o sa mo tshware molomo. Mo o theetsela o kene o lefisiye pelo, o ka kraya o kwisisa ka mokgo a tikwang ka ku teng-teng. Sosone se ka maka gore mogagenu yene wa go kwa go baba a go tshepe ke mokane le yene a ka go theetsela mo o thomisa go mo yaga. Mo o šupetsa gore nnete o mo kwela go baba, tsotsone di ka mo kgomoletsa ka matla.

14. Ke ntaba di nyaka re sa solasole ba bangwana?

¹⁴ O sa tlwayele go solasola. Mo batho bowa ba go gatelelega ba ka bona nkare ra ba solasola, ba napa ba kwa di ba thonoga ka matla fote ba ka sa go theetsele le mo o ka fo re o leketsa go ba yagisa ka lerato. “Mo motho a bolabola a sa nagana, di tshwana le mo ba go hlaba ka lerumo, mara leleme la motho wa go hlalefa le ya yalafa.” (Diy. 12:18) Ga go tlala, mo rune re bolabola le batho bowa ba gore ba gatelelegiye, re ba re sa make ka bomu mo re šinya re ba ‘hlaba’ ka mantsu. Go ‘hlabiwa’ ka mantsu di baba ka matla, le mo re sa di make  ka bomu. Gore re thogo tiyisa le go yaga ba bangwana ka lerato, di nyaka re tšhute go kwelana go baba, re nagane mo go šele go le rune re tleleng ke tsa mohlobo wonone.—Mat. 7:12.

15. Re ka berekisa ying gore re thogo yagisa ba bangwana ka lerato?

¹⁵ Kgomoletsa ba bangwana ka Lentsu la Modimo. (Bala Maroma 15:4, 5.) Mangwalo ya go Hlawolega ma re kgomoletsa ka matla. Baebele yi tšwa ga “Modimo ye a makang gore re tiyisele le wa go kgomoletsana.” Fote re na le dipuku tse dingwana tso di re gelepang go kwisisa Baebele. Re ka berekisa le Watch Tower Publications Index le Research Guide for Jehovah’s Witnesses. Dilo tsowa ka mokana ga tsona di re gelepa go kraya Mangwalo ya gore ma ka re yaga gore re thogo šikara mešaga ka mokana ga yona ya mathata. Dilo tsowa di re tšhutisa go nagana dilo tso di ka kgomoletsang ba bangwana tsa go napa di maka gore batho ba di bone gore ka nnete re ya resa mo re re re ya ba rata.

16. Di nyaka re be byang mo re kene re tiyisa Mokreste wa gore go na le tso di mo gatelelang?

¹⁶ Tematema fote o sa kgwasolanye. Mo re tiyisa le go yaga ba bangwana, re ko ba re šupetsa ka matla gore magageru re ma nyaka ka matla. Jehova ka boyenemong ke “Papa wa go kwelana go baba le wa go kgomoletsana,” fote “o na le pelo ye butši” ga malata yage. (Bala 2 Makorente 1:3-6; Luka 1:78; Maroma 15:13) Pawulo ke motho ye re ka kopiselang gage ka taba yowa, o ngwadiye gore: “Re yye ra temeka ho ga lune, ra tshwana le mmane wa go yangwisa mo a kene a tshwere bana bage gabutši. Ka taba la gore ke mo re le kwela go baba, ke mo re tikemisele go le neya ditaba tsa go bafala, ra boya ra le neya le rune beng, ka taba la gore re yye ra kwa re le nyaka ka matla.” (1 Mathes. 2:7, 8) Mo re kwela batho go tshwana le Modimo, sosone se nyoko maka gore ye a kwang go baba a bone gore tso ne a di rapelela di fetolegiye.

17. Di nyaka re tseye magageru byang gore re thogo ba yaga ka lerato?

¹⁷ O sa yemele gore magagenu ba titshware nkare ke barongwa. Tseya magagenu ya Makreste gabutši nje. Mo o ka fo nyaka gore mo bona ba maka dilo go sa be le ga go kekema, o nyoko šala o kwa go baba. (Mmo. 7:21, 22) O sa lebale gore Jehova aa nyake gore malata yage ma make dilo tsa gore ma ka sa di kgone. Mo re ka fo kopisela gage, re ka sa di yisi hlogong mo ba bangwana ba sa nape ba maka dilo gabutši. (Maef. 4:2, 32) O sa ba make gore ba kwe nkare ba tshwere tsa go kgana ga tso ba di makang, wene ba thanake ga tso ba kgonang go di maka. Sosone se ka ba tiyisa. Mo ba bangwana ba thanakiwa tsa mannete, ba kwa di ba tiyisa ka matla fote ba thogo ‘jabola’ ho ba kene ba berekela Modimo. Di gabutši ka matla mo re maka ka mokgone, re lesetse go leketsa go tshwana le bangwana ka gore tsotsone di nyoko re šiya re tubiye.—Magal. 6:4.

18. Re maka king gore re yagane ka lerato?

¹⁸ Jehova ga motho ye mongwana le ye mongwana ye go leng nku yage, o mo tseyela gedimo, le Jeso le yene o tseyela motho yene gedimo. (Magal. 2:20) Magageru re ba nyaka ka matla. Fote re nyaka go ba pasopa ka lerato re biye re ba tshwara gabutši. Mo re nyaka go šiya batho ba tikwa gabutši, “di nyaka re lelekisane le dilo tsa go beba le tsa gore di yagisa ba bangwana.” (Maroma 14:19) Ka mokana ga rune re fo kwa nkare Pharadeyisi nke yi šele yi segele, gore re sa sa kgongwetsa ke selo! Go ka sa sa ba le malwele, dintwa, likgu, go hlorisiwa, go tshwariwa lešidi ka ho mitšing ya rune, kela go šekela ka se sengwana. Mo go fediye 1 000 ya mengwaga, batho ka mokana ga bona ba nyoko ba ba felegelele mmeleng. Bo ba nyoko fetang gabutši mo ba leketsiwa la mafelelo ba nyoko ba bana ba Jehova Modimo ba ho lefaseng ke mokane ba “jabolela go lokologa ga go gadima ga bana ba Modimo.” (Maroma 8:21) Nkare ka mokana ga rune re ka ya mahlong re šupetsana lerato la go yagisa fote re gelepana gore re tle re segelele taba yone le go kraya patela ya go jabodisa.