GA LEFASE lowa ka mokana ga lona, bagolo ba tseyela gedimo mmereko wo ba wo makelang batho ba Modimo. Re kwa re rufiwwe ho re le nabo! Mara a yi botala ka matla nakwela re kwa gore dilo di nyoko ba ka mokg’o mongwana. Bagolo ba gore ba šele ba tsofele ba yye ba kgopediwa gore ba neye bagolo ba gore ba sa tiyelele mmereko wa nkare wa roba. Byang?

Taba ye nngwana ya nyuwane ke gore bapotulugi le bo ba tshwarang dikolo tsa mokgahlo ba lesetse mmereko wone mo ba segela ga 70 ya mongwaga. Le bagolo ba gore ba na le 80 ya mongwaga ba nyoko neya bagolo ba gore ba sa na le matšhika mebereko ya mehlobohlobo ka ho phutegong, ya go tshwana le go ba mohlakanisi wa Komiti ya Lekala kela mohlakanisi wa mogoba wa bagolo ka phutegong. Yi yye ya ba tshwara byang taba yowa ga bagolo bowa ba go ba ba šele ba gudiye? Ba yye ba tshepega ga Jehova le mokgahlo wage!

Mogageru ye mongwana wa gore o berekiye go le mohlakanisi wa Komiti ya Lekala ka mengwaga ya gana hala ga 49 ye ba reng ke Ken, o re: “Sepheto sone ke mo ke kwana naso ka matla. Gabutši ke yitseri go di kwa, ka gopola gore ke yi rapelele taba yone ga Jehova, ke mmotsa gore di nyaka go be le mogageru ye mongwana wa gore o sa na le matšhika gore go be mohlakanisi.” Magageru ba  go tlala ba go tshepega ba gore ba šele ba gudiye ba lefaseng ka mokana ga lona ba makisa tsotsone tsa Ken. Ke nnete gore go gongwana ba yye ba kgongwela, ba maka ke gore ke mo ba di jabolela ka matla go berekela magagabo ya Makreste.

Mogageru ye ba reng ke Esperandio wa gore ke mo go le yene mohlakanisi wa mogoba wa bagolo ga phutego ye a leng ga yona o re: “Tsotsone di nkwisiye go baba nyana.” Mara o re: “Ke mo ke nyoko ba le nako ya go tlala ya go tipasopa, ka gore ke ya tilwalela.” Esperandio o sa na a ya mahlong a berekela Jehova ka go tshepega fote batho ba phutego yo a leng ga yona ba fo kwa ba rufegiye ka yene.

Byalo go makegiye ying ka bapotulugi bala ba gore ba yye ba ntshiwa bopotologing ba neyiwa mmereko wo mongwana? Allan wa gore ke mo go le mopotulugi ka 38 ya mongwaga o re: “Ke yye ka kgwa bogašu mo ke kwa taba yone.” Mara wa di bona gore taba yowa ya go tšhutisa bo ba sa golang yi gabutši ka matla, fote o kene o ya mahlong a berekela Modimo ka go tshepega.

Mogageru Russell, wa gore ke mo go le mopotulugi fote a tšhutisa ga dikolo tsa mokgahlo ka 40 ya mongwaga o re gabutši yene le mosadi wage, ba yye ba kwa ba kgongwetsiye ke taba yone. O re: “Mmereko wa rune ke mo wo re jabodisa ka matla fote ke mo re tseya gore le matšhika ya go ya mahlong, re sa na le ya go tlala.” Russell le mosadi wage ba berekisa tso ba di tšhutiyeng gore ba gelepe ga phutego yo ba leng ga yona, fote batšhomayedi ba gana hone ba jabola ka matla mo ba le nabo.

Mo nkare wene tsa mošaga wonowa a di soko go tlela tsa go tikwa go tshwana le batho bowa, lengwalo la 2 Samuwele le ka go gelepa gore o kwisise bo ba fitiyeng ga tsona.

Nagana ka tsa ku nthago nakwela morwayi wa Dafita ye ba reng ke Absalomo a jikela papage. Dafita o yye a tšhabela Jerusalema a ya Mahanaimi, ka bohlabela bya Noka ya Jorodane. Mo Dafita a le gana hone a na le bo ke mo ba sipidiye naye, ke mo ba gayela dilo tse dingwana tsa lephelo. Ayitsano o sa gopola gore go makegiye ying?

Banna ka bararo ba gana hone ga poleke yone ba yye ba ba leyela mempeto, tsa go ja tsa mehlobohlobo le dimakelele tse dingwana. Barasilayi le yene ke mo a le gona. (2 Sam. 17:27-29) Mo byalo Absalomo a šele a sa sa šuhlašuhlana le papage, Dafita o yye a boyela Jerusalema, fote Barasilayi o yye a mo felegetsa a re o nyoko sologa Jorodane. Dafita o yye a mo kgopela a šwennye gore a ye naye Jerusalema. Fote kgoši yi yye ya mmotsa gore yi ko mo neya tsa go ja, le mo Barasilayi ne go le “monna wa go ghanya ka matla” fote tsa go ja tsone ke mo a sa re wa di nyaka. (2 Sam. 19:31-33) Mara di šupa nkare Dafita ke mo a fo tinyakela gore Barasilayi a be ho thina ka taba la gore ke mo a tseya gabutši fote a butšwiye. Ke mo a nyoko phela le go bereka mošata, a kene a dula gona!

Barasilayi o yye a tinagana gabutši a boya a tinyanafatsa, a re yene o šele a na le 80 ya mongwaga. A tokegela le tse dingwana gana hone a re: “Ayitsano o re nka hlawola ga sa go bafala le sa go befa?” Ke mo a ra byang? Barasilayi yene ke mo a bonne tsa go tlala ka taba la gore ke mo go le botala a phela. Fote ke mo a ka ya mahlong a kene  a yeletsa ba bangwana, go tshwana le “banna ba bagolo” bala ba yyeng ba yeletsa Kgoši Rehobhoamo. (1 Mag. 12:6, 7; Pis. 92:12-14; Diy. 16:31) Nakwenngwana ho Barasilayi a šala a hlaya gore a ka sa di kgone go hlawola sa go bafala ga sa go befa, ke mo a rela gore tse dingwana a ka sa sa di kgona ka taba la gore mmele o tinnwe. Aa yi gana taba ya gore yene o šele o kgalabyele fote le mo a leka sa go ja, aa sa kwa gore se ya natefa le ka ho ditsebeng aa sa napa a kwa gabutši. (Mmo. 12:4, 5) Byalo Barasilayi o yye a bolabola yene mong a botsa Dafita gore a ye Jerusalema le mosogana yela ba reng ke Khimihama, aritši kela ke mo go le morwayi wa yene Barasilayi.—2 Sam. 19:35-40.

Ditaba tsa go yelana le mengwaga tso di hlatolliweng ku mathomisong di šupetsa gore Barasilayi ke mo a tseya dilo byang. Mo ga rune a go tshwane le ku ga Barasilayi, a re ya fo lebelela seyemo sa motho le gore a ka segela kaye mo a maka dilo. Ke mo di nyaka go lebelediwe gabutši gore bagolo bowa ba go tshepega ba ka makediwa selo sa gabutši ka matla mo go ka makiwa ying.

Magageru yawa ya Makreste ya go ba ma šele ma gudiye maa yi bona taba ya gore mokgahlo wa Jehova o nyoko tiya ka matla mo o kene wo gola mo ba gore ke mo ba tshwere mmereko ba wo neya magageru ya gore ma sa tiyelele. Ga go tlala, magageru bowa ba gore ba bakgalabye ke bona ba gore ke mo ba tšhutisa ba gore ba sa tiyelele, le Barasilayi a ka fo ba a makiye tsotsone ga morwayi wage, mopostola Pawulo le yene o makiye tsotsone ga Thimothi. (1 Makor. 4:17; Mafil. 2:20-22) Magageru yawa ya gore ma sa tiyelele ma šupetsiye gore nnete ke wona “go neyiwa banna,” ba gore ba kgona “go yaga mmele wa Kreste.”—Maef. 4:8-12; tshwanisa le Dipalo 11:16, 17, 29.

Ba go tlala ga diphutego tsa batho ba Modimo tsa lefaseng ka mokana ga lona bo ba yyeng ba neya ba bangwana mmereko wola ke mo ba wo maka, gana byalo ba kgona go maka ye mengwana mebereko gana howa mokgahlong wa Jehova.

Marco, wa gore o fetsiye 19 ya mongwaga go le mopotulugi, o re: “Seyemo saka gana byalo se dumela gore nka gelepa banna ba gore a yi Dihlatse bo ba nyalanneng le basadi bo re gahlanelang nabo.”

Geraldo wa gore o tsere 28 ya mongwaga go le mopotulugi o re: “Gana byalo re nabela go segelela batho ka mokana ga bona ba gore baa bata ka ho phutegong le go tšhutisa batho ba go tlalanyana ka Baebele.” O re yene le mosadi wage mo re bolabola tsotso, ba gapa 15 ya ditšhuto tsa Baebele fote bala ba gore ke mo ba bata ga tso tsa Modimo ba thomisiye go tla gabutši mogahlanong.

Allan, ye go bolabodiwweng ka yene ku mathomisong, o re: “Gana byalo re jabodiye ka matla gore re thogo fetsa nako ya go tlala re tšhomayela. Re tikwisa ka go tšhomayela dipolekeng tsa batho ba go tlala, ditolo le go tšhomayelela bayagelani ba rune, fote ka babedi ba bona ba šele ba tla Holong ya Mmušo.”

Mo nkare le wene o kwa o sa na le matšhika fote a yi botala o krayye mmereko wa nyuwane ho ga batho ba Modimo, le wene o ka maka se sengwana sa go hlawolega. O ka thegeletsa mmereko wowa wa Jehova ka go fitisa tso o di tšibang, o di neye banna ba gore ba sa tiyelele ka ho phutegong. Russell, yela re bolabodiyeng ka yene ka ho kgakala, o re: “Jehova o tšhutisa magageru bo ba gore ba sa tiyelele le ba go kgona go maka dilo. Mokgahlo wo thušega ka matla mo ba kene ba tšhutisa le go disa phutego!”—Lebelela lebhokisi la gore “ Gelepa bo ba Gore ba sa Tiyelele Gore ba Thogo Segelela tsa go Yenela.”

Mo nkare a yi botala o kenne ga mmereko wa nyuwane ka ho phutegong, o sa šepisi. O šele o tikisiye dipelo tsa batho ba go tlala ka taba la go bereka di go baba, fote o ka ya mahlong o kene o maka tsotsone. Batho ke botala ba go rata fote ba sa nyoko go rata.

Taba ye nngwana ye kgolo yo o yi makiyeng ke ya gore Jehova a ka sa go lebale. A ka sa tsoge “a lebele mmereko wago le ka mokgo o yyeng wa šupetsa gore lebitso lage o le nyaka ka matla, ka go ya mahlong o berekela bo ba hlawodiwweng.” (Maheb. 6:10) Mantsu yane ma butšwelediwweng ma re tshepisa ka mokana ga rune gore tso Modimo a  di tshepisang di feta kgole tso rune re yyeng ra mo makela tsona. Jehova aa le tseyele fase la gore a ka šinya a lebala tso le di makiyeng botala fote le kene le ya mahlong le leketsa go mo jabodisa!

Byalo gee, mo nkare wene a go šiyo ga gore o tikisa ke taba yowa go bolabodiwang ka yona ya go fitisa mmereko o wo neya ba bangwana? Yi ka fo ba yi sa na yi go tikisa le wene. Byang?

Mo nkare o tšiba mogageru wa go ba a šele a gudiye wa thina, o ka fela o mo kgopela gore a go yeletse ka taba la gore ke botala a di bona fote o butšwiye. Mo kgopele a go yetetse. Mmutsise gore yene o bona dilo byang. Fote o mo lebelele mo a šele a bereka mmereko wage, gore o šupetsa byang gore o butšwiye fote wa tshepega.

O ka fo ba o le motho wa gore o tsofele wa gore o neyiwwe mmereko wa nyuwane kela ke wene mogageru wa monna kela wa mosadi wa gore o ka gelepa ke batho ba mohlobo wonone, o sa lebale gore Jehova o ma tseyela gedimo ka matla malata ya gore ke botala ma kene ma mmerekela ka go tshepega fote ma kene ma ya mahlong ma maka tsotsone.