Pawulo mo ga 2 Makorente 12:2, 3 o bolabodiye ka monna ye mongwana wa gore “o yisiwwe ga legedimo la boraro.” Anthe ke mo go le mang monna yene? Pawulo nakwela a ngwalela phutego ya Makorente, o yye a šihlela taba ya gore Modimo o mmerekisiye go le lepostola. (2 Makor. 11:5, 23) O yye a bolabola ka “mmono wa Morena le tso a di wunyulliyeng.” Pawulo a sanka a hlaya magageru ya mangwana gana hone. Byalo, di šupetsa gore ke mo a bolabola ka yene mong mo a re monna wa go bona mmono le tso di wunyulliweng.—2 Makor. 12:1, 5.

Byalo, Pawulo ke yene wa gore o ‘yisiwwe ga legedimo la boraro’ le ‘go yisiwa pharadeyising.’ (2 Makor. 12:2-4) O berekisiye lentsu la gore go ‘wunyulla,’ la gore le bolabolela go nyaretsa dilo tso di sa ga tlang ku mahlong.

Pawulo o bonne ying sa go šinya a re ke “legedimo la boraro”?

Ka Baebeleng, lentsu “legedimo” le ka rela legedimo lo re le bonang. (Gen. 11:4; 27:28; Mat. 6:26) Mara fote “legedimo” le ka rela le dilo tse dingwana. Ka dinako tse dingwana le ka rela mmušo wa batho. (Dan. 4:20-22) Go gongwana le ka rela Mmušo wa Modimo wa gore a wo tshwane le ye mengwana.—Kut. 21:1.

Pawulo o bonne “legedimo la boraro.” Ke mo a ra gore king? Ga go tlala mo Baebele yi šinya yi bolabola ka selo gararo, yi ba yi šupetsa gore ya se šihlela selo sone, ya se kikitela kela go šupetsa gore se na le matšhika. (Jes. 6:3; Hezek. 21:27; Kut. 4:8) Di šupa nkare mo Pawulo a bolabola ka “legedimo la boraro” ke mo a šihlela mohlobo wa go lawola wa mayemo ya gedimo ka matla—Mmušo wa Mesiya ka Jeso Kreste le 144 000 ya bo a nyoko lawolang nabo. (Lebelela Insight on the Scriptures, Vol. 1, maph. 1059, 1062.) Ka mokgonola Petro wa lepostola a ngwadiyeng, le rune re yemele “magedimo ya nyuwane” ya gore re ma tshepisiye ke Modimo.—2 Pet. 3:13.

Byalo Pawulo ke mo a ra ying mo a bolabola ka “pharadeyisi”?

Lentsu lowa la gore “pharadeyisi” le ka rela dilo tsa go tlala: (1) Mo re nagana ka poleke yo motho ke mo a dula ga yona mathomisong, “pharediyisi” go ka fo ba go le Pharadeyisi yo yi sa ga tlang ya ho lefaseng, go fo tshwana le ya ku tšhomong ya Edeni. (2) Seyemo sa go beba sa gore batho ba Modimo ba nyoko se jabolela ga lefase la nyuwane. (3) Go tokegela gana hone, yi ka rela seyemo sa gabutši sa ku legedimong, “pharadeyisi ya Modimo” yo go bolabodiwang ka yona ga Kutullo 2:7.—Lebelela Sewokamelo sa July 15, 2015, leph. 8. ser. 8.

Di ka makega gore nakwela Pawulo a hlatolla taba yowa, ke mo a bolabolela dipetlo tsone ka mokana ga tsona ka ditharo mo ga 2 Makorente 12:4.

Mo re fo yi beya gore yi kwale:

Mantsu ya ma reng “legedimo la boraro,” ya go bolabodiweng ka wona ga 2 Makorente 12:4 ma ka fo šupetsa go le Mmušo wa Mesiya wa gore wo lawola ke Jeso Kreste le bala ba gore ke 144 000 ya bona, ba gore ke setšha go le “magedimo ya nyuwane.”—2 Pet. 3:13.

Ba re ke “legedimo la boraro” ka taba la gore ke mohlobo wa Mmušo wa mayemo ya gedimo ka matla.

“Pharadeyisi” yo Pawulo a tiponneng ‘a yisiwa ga yona’ yi ka fo rela (1) Pharadeyisi ya mannete yo yi sa ga tlang ho lefaseng, (2) go kwana ga batho ba Modimo mo go nyoko makegang ka nako yonone, ga gore go nyoko phala kgole go kwana ga bona ga gana byalo (3) “pharadeyisi ya Modimo,” ya ku magedimong ya gore yi nyoko makega ka nako ka yyoši le ya lefaseng la nyuwane.

Ka mokgonone, lefase la nyuwane le magedimo ya nyuwane go nyoko ba selo ka ssoši. Dilo go nyoko ba go le tsa nyuwane, le mong Mmušo wa legedimong wo ko ba wo le ka mokgonone, batho bo ba berekelang Jehova le bona ba ko ba ba mamarelanne ga pharadeyisi ya ho lefaseng.