GO NA mokgekolo ye mongwana wa go ba le mengwaga ya go teya ka ku ga 80 ye ba reng ke Diana. Ke mo a na le monna wa gore o na le bolwele bya go lebala fote monna yene ke mo a le ga poleke ya gore ba pasopa batho ba go lwala, mara a feleletsa a hlokofele. Mo mokgekolo yewa a sa re ke tsona, a hlokofalela ke barwayi bage ka babedi a boya a kena ke bolwele bya khensa ya letswele. Mara ga phutego yo Diana a gahlanelang ga yona mo ba mmona Holong ya Mmušo kela tšhomong, ke mo ba mmona a dula a jabodiye.

John o fetsiye mengwaga ya go teya ka ku ga 43 go le mopotulugi. Mmereko wone ke mo a kwana nawo ka matla—a wo tseya go le lephelo lage! Mara o yye a kgopela go tšwa a yemmenyana ka go ba mopotulugi ka taba la gore lešaga lage ke mo le lwala ke mokane a tshwanele gore a le pasope, byalo gana byalo o gahlanela ga phutego ya gaye. Bo ne a phela nabo mo ba gahlana naye megahlanong ye megolo kela ye menyana, ke mo ba mmona a sa na a le ka mokgonola ba mo tšibang. Ke mo a sa na a jabodiye.

Di kgonega byang tsa gore Diana le John ba dule ba jabodiye? Nje mara motho wa go lwala le wa gore o kwele go baba a ka jabola? Motho a ka jabola byang mo a yye a ba le so ne a se maka ka ho ga tsa Modimo, mara di sa sa maka? Baebele yi re hlayisela taba ye nngwana, yi re: “Ba go loka ba nyoko jabola mo ba sepela le Jehova.” (Pis. 64:10) Taba yowa re nyoko yi kwisisa gabutši mo re ka fo tšiba gore motho o maka king gore a jabole tsa mannete le gore aa make king.

Le wene wa di tšiba gore di tlele dilo tsa go maka gore batho ba jabole. Nagana ka monna le mosadi ba gore ba nyakanana ka matla ba šinya ba re bona baa nyalana. Kela nagana ka babelegi ba gore ba thina le go kraya ngwana kela motho wa gore ba mo neyye mmereko wo mongwana ka ho ga tsa Modimo. Dilo tsone di ya jabodisa, ka taba la gore di tšwa ga Jehova. Ke yene ye a thommeng lenyalo, ke yene a makiyeng gore batho ba thogo belega fote ke yene a neyang batho mmereko ka ho phutegong ya Sekreste.—Gen. 2:18, 22; Pis. 127:3; 1 Thim. 3:1.

Mara tse dingwana tso di makang gore motho a jabole go ka ba tsa nako ye nyana. Sa go kwisa go baba ke gore monna kela mosadi a ka fo thomisa go sa sa tshepagala kela a hlokofala. (Hezek. 24:18; Hos. 3:1) Bana ba bangwana a ba theetsele babelegi ba bona, le ga Modimo ba mo phakgela ku,  go gongwana ba šinya ba ntshiwa ka ho phutegong. Barwayi ba Samuwele ke mo ba sa make tsona mo ba kene ba re ba berekela Jehova; Dafita le yene o yye a maka tsa go mo leyela mohlopego ka mutšing wage. (1 Sam. 8:1-3; 2 Sam. 12:11) Tsotsone di ka maka gore motho a kwe go sasamela fote a kgongwele. Nnete a yi tsona di makang gore motho a jabole.

Go lwala, go tshwaragana ka tsa mutši kela go tšhentšha ga tse dingwana ka ho ga tsa Modimo go ka maka gore motho a sa sa di kgona go segelela tso ne a di maka ga tso tsa Modimo. Batho ba go tlala baa hlaya gore ba hlologela go maka dilo tso ba yyeng ba kgona go di maka ka nako tsela seyemo se sa dumela.

Re thogo di bona gabutši gore dilo tsone di maka gore re jabole tsa nakonyana. Byalo nje go gona go jabola ga gore go fo dula go le gona le mo go nyarela tsa go re ghula? Di šupa nkare go gona, ka taba la gore Samuwele, Dafita le ba bangwana, ba yye ba jabola le mo ba gahlana le tsa go ba phiriketsanya.

Jeso ke mo a tšiba gore go jabola ga mannete king. Nakwela a soko bane a tla ho lefaseng, o yye a “jabola ka dinako ka moka tsa mo a na le [Jehova].” (Diy. 8:30) Mo a šele a le ho lefaseng, o yye a tlela ke tsa go baba ka matla. Mara Jeso o yye a jabodisa ke gore o maka tso Papage a di nyakang. (Joh. 4:34) Ke mo go le byang ka diawara tsa mafelelo tsa go baba nakwela a le thina le go kgwa? Re bala gore: “O yye a tiyisela phate ya mohlopego ka taba la mojabolo wo ke mo a nyoko rufiwa ka wona ku mahlong.” (Maheb. 12:2) Taba yowa yi maka gore re nagane ka dilo ka dipedi tso Jeso a di bolabodiyeng ka go jabola tsa mannete.

Mo malata ya Jeso 70 ya wona ma fetsa go tšhomayela, ma yye ma boyela gage. Ke mo ma jabodiye ka matla ka taba la gore ma kgonne go maka dilo tse dikgolo, le mong go raka madimona. Ke mokane Jeso a re: “Le sa jabodisi ke taba ya gore madimona maa le tšhaba, jabolelaneng gore mabitso ya lune ma ngwadiwwe ku magedimong.” (Luka 10:1-9, 17, 20) Se segolo ka matla a yi mmereko wo re wo makang mara ke go nyaka go jabodisa Jehova. Mo a nagana ka malata yawa ya go tshepega, o nyoko ngwalangwala—sosone se leya go jabola go gogolo.

Tšatši le lengwana Jeso ke mo a bolabola le mogoba wa batho. Mosadi ye mongwana wa Lejuda o yye a hlaya gore di šupa nkare mmane wa Jeso o  jabodiye stereka ka taba la gore ngwana wage ke mo go le thitšere ya gabutši. Mara Jeso o yye a re gage: “Awwa, go jabola bo ba kwang lentsu la Modimo, ba boya ba le berekisa!” (Luka 11:27, 28) Go ba le bana gwa jabodisa gona, mara sa go jabodisa ka matla ke mo re bona gore go theeetsela Jehova go maka gore re be le senghana sa gabutši naye.

Go tšiba gore Jehova wa re yamogela go maka gore re jabole tsa mannete. Mo go nyarela tsa go baba, a go natefe, mara a di tšhentšhi taba yowa. Fote mo re dula re tiyisela mo re kene re tshepega, re ko hluleng ke mokane ra kwa dipelo tsa rune di yitseri tswee. (Maroma 5:3-5) Go tokegela gana hone, bo ba tshepelang ga Jehova o ba neya moya wage wa go hlawolega, fote go jabola go gana mone. (Magal. 5:22) Sone se re gelepa go kwisisa so Pisalema 64:10 yi se hlayang mo yi re: “Wa go loka o nyoko jabola mo a sepela le Jehova.”

Re thogo di bona gabutši gore ke ntaba Diana le John, bo go bolabodiweng ka bona ku mathomisong, ba fo ya mahlong ba jabola le mo ba gahlana le dilo tsa go ba babela. Diana o re: “Ke makiye Jehova legawu laka, go fo tshwana le mo ngwana a tisamela ka papage kela mmane wage.” O tšiba byang gore Jehova wa mo yamogela? O re: “Ke kwa nkare Jehova o nneya matšhika gore ke ye mahlong ke tšhomayela nkene ke fo ngwalangwala.” John wa gore o lesetsiye mmereko wa go ba mopotulugi mara a dula a tshwaregiye ka mmereko wa go tšhomayela, o hlatolla so se mo gelepiyeng ka matla, o re: “Go tlugisela ka 1998 mo ba nkgopela gore ke ye ba thitšere ga Sekolo sa go Tšhutisa Malata, ke napiye ke titšhutisa ka matla go feta mathomisong.” Mo a bolabola ka yene le mosadi wage o re: “Ka mokgo re tseyang taba ya go berekela Jehova go gongwana le go gongwana mo re kgonang go makiye gore di sa babe ka matla le mo seyemo se tšhentšha. Fote a re ya tisola le ka gonyana.”

Ba go tlala ba di bonne gore Pisalema 64:10 ya resa. Go na le monna ye mongwana le mosadi wage ba gore ba berekiye Bhethele ya United States mengwaga ya go teya ka ku ga 30. Ba yye ba ba kgopela gore ba ye tšhomong ba ye ba mašupatsela ya go hlawolega. Baa dumela ba re: “Gona gwa baba mo o lahlegela ke selo so o se nyakang ka matla, mara o ka sa lle go ya go yye.” Ba yye ba tshwarega ka mmereko wa tšhomo le phutego. Fote ba re: “Ke mo re fo beya taba re sa yi jikajiki mo re rapela. Ke mokane mo re bona morapelo wa rune wo fetodiwa, sosone se makiye gore re jabole ka matla. Mo re segela ga phutego yo re yyeng ga yona, a gwa tseya nako, ba bangwana le bona ba thomisa go ba mašupatsela, ke mokane Modimo a re rufa ka batho ka babedi bo re tšhutang nabo Baebele ba gore ba gatela mahlong.”

Nnete ke gore a di lola gore re dule re jabodiye, go nyoko fela go ba le mowalawala le dinghindlighindli. Mara Jehova o makiye gore go be le mantsu ya go re tiyisa ya ma leng ga Pisalema 64:10. Le mo ka dinako tse dingwana go na le tsa go re kgongwetsa, re tiyisa ke gore ‘bo ba makang tsa go loka’ fote ba dula ba tshepega le mo go na le tsa go ba phiriketsa, “ba nyoko jabola mo ba sepela le Jehova.” Fote re ka fo dula re yemele gore go segele tso Jehova a di tshepisang mo a bolabola ka “magedimo ya nyuwane le lefase la nyuwane.” Tsa go sa yenela gabutši mmeleng di nyoko tlusiwa ra šala re le gabutši ka matla. Batho ba Modimo ka mokana ga bona “ba nyoko jabola ba boya ba ro hlakela go ya go yye” ka taba la tso a di makang le tso a ba neyang tsona.—Jes. 65:17, 18.

O fo nagana nje: re nyoko phela lephelo la go yenela gabutši fote re tsoga ka bošego byo bongwana le byo bongwana re tikwa re na le matšato. Le mo go ka fo ba le tso di yyeng tsa re kwaletsa le go re kwisa go baba ku botala, re ka sa sa di gopola le ka go nyana. Re ya tshepa gore “dilo tsa botala di ka sa sa boya ho menaganong, fote di ka sa sa boya pelong.” Re nyoko jabola ka matla mo go makiwa mohlolo wa go tsusiwa ga mašaga ya rune. Ba go tlala ka matla ba nyoko tikwa go tshwana le babelegi ba ngwannyana yela wa go ba le 12 ya mongwaga nakwela Jeso a mo tsosa, ba yye “ba jabola la go šitega go titshwara.” (Mar. 5:42) Go nyoko segela le mo motho ye mongwana le ye mongwana ho lefaseng ‘go leng wa go loka’ go ya go yye, fote ba nyoko ‘jabola mo ba sepela le Jehova’ go ya go yye.