Edeni—Ayitsano ne go le Legaye la Batho ba Mathomo?

TINAGANE o le tšhomong. Go se na medumo ya dikoloyi fote o sa dukulugela ke lepharo. Tšhomo ya gona go le ye kgolo ka matla fote le wene o fo tikwa o bebiye. Go tukegela mone, a go na so se go šekedisang, o philegiye mmeleng, a go kgonege gore o lwale kela o kwe go baba. O kgona go jabolela ka moka tso o di bonang.

O lebelela mabhlomu ya go bafala, meetši ya go yela ya diphororo le matlakala ya ma tlala, mabyang le dirithi tsa go maka ke letšatši. O kwa moya wa go nkgela ka taba la mabhlomu o hlwaya. O kwa matlakala mo ma hlwaya ke moya, o kwa meetši ma teya matlapa, o kwa dinonyane, o bona le di phoolwane tse dinyananyana di sepelasepela. Mo o kene o nagana ka poleke yone o ka fo kwa o yi nabela akere?

Batho ba go tlala lefaseng ka mokana ga lona ba tshepa gore batho ba mathomo ba phidiye ga poleke ya go tshwana le yowa. Ke mengwanga ya go tlala batho ba kereke ya Majuda, Makreste le Maislamo ba tšhutisiwa ka tšhomo ya Edeni, legaye lo Modimo a le makeleng Adamo le Efa. Bhayibele yi re ne ba dulisegiye fote ba jabodiye. Ne ba phidisana gabutši bonabeng, le diphoolwane fote ba phidisana le Modimo wa gore ne a ba neyye tshepo ya go phela go ya go yye le poleke ye butši ya go dula ga yona.—Genesi 2:15-24.

Mahindu wona ma dumela gore ku botala ne go na le pharadeyisi. Mabhuda ma tshepa gore batho ba go ba yeta mahlong, bo ba reng ke mabhudase, ba tšwa ga poleke ya go tshwana le pharadeyisi ku botala. Fote ditšo tsa go tlala tsa Afrikha di tšhutisa dinonwane tsa go tlala tsa gore di yelana le tso di yyeng dya makegela Adamo le Efa.

Gabutšibutši taba ya pharadeyisi ke botala batho ba sedumedi le ba setšo ba yi tšiba. Ye mongwana wa go ngwala o yitseri: “Ba go tlala ku botala ne ba tshepa gore batho ba mathomo ba gore ba phidiye pharadeyising ne ba yenele, go se na selo sa gore se ka ba tshosanya fote ba na le se sengwana le se sengwana gore ba thogo jabola. . . . Sowa se makiye gore batho ba go tlala ba nabele go dula pharadeyising fote ba liketse go yi kraya fote.”

Ayitsano ditori tsowa ka mokana ga tsona di tšwa ga taba ka yyoši? Ayitsano dilo tso batho ba di tshepang tsa gore di ya yelana di tšwa ga taba ka yyoši ya gore ke nnete? Ayitsano sa le gwa ba le Pharadeyisi fote Adamo le Efa ba yye ba ba gona tsa nnete?

Batho ba go kamaka a ba yi tseyele hlogong taba yowa. Batho ba go tlala gana byalo ba tseya gore dilo tsa go tshwana le tsowa go fo ba ditori le dinonwane. Sa go makatsa ke gore ba bangwana ga bo ba go kamaka ba kena dikereke. Ba go tlala ba go yeta mahlong ba di kereke ba tšhutisa gore taba ya tšhomo ya Edeni a yi šiyo. Ba re a sanka ya ba gona le go ba gona. Ba re go fo ba taba nje kela nonwane.

Ke nnete gore Bhayibele yi na le mešupetso. Jeso o yye a hlaya wo mongwana wa gore wo tumme. Mara mo Bhayibele yi bolabola ka tšhomo ya Edeni yi bolabola ka taba ya gore yi yye ya makega ku botala. Mo nkare dilo tso di leng ka ho Bhayibeleng a dya makega, go tla byang gore re tshepe Bhayibele ka mokana ga yona? Tla re bolaboleneng ka tso di makang gore ba bangwana ba sa tshepe gore go yye gwa ba le tšhomo ya Edeni re bone gore ayitsano tso ba di naganang di ya kwagala. Ke mokane re nyoko bona le gore ke ntaba ye mongwana le ye mongwana a tshwanele a yi tseyele hlogong.