Go tlugisela ke sa le ye monyana ne ke kwana le hlago. Mutši wa geru ne wo tlwayele go vakašela mašahla ya go jabodisa le dinoka tsa thina le mo re dulang ga toropo ya Jyväskylä, ku Central Finland. Fote ke kwana le diphoolwane ka matla. Mo ke sa le ye monyana ne ke nyaka go tlaparela katse kela mpsya ye nngwana le ye nngwana yo ke gahlanang nayo! Mo nkene ke gola, taba ya ka mokgo batho ne ba hlupegisa diphoolwane ke mo yi nja. Mo nako yi kene yi ya, ke yye ka kenela mokgahlo wa go pasopa diphoolwane, gana hone ka gahlana le batho ba go tshwana le nna.

Ke mo re maka matsima ya go bolabola ka go tshwara diphoolwane gabutši. Ke mo re tšhutisa ka taba yone re boya re toyatoyela ditolo tsa go rekisa maboya ya diphoolwane le ba go leketsa dihlare ba berekisa diphoolwane. Ra boya ra thomisa mokgahlo wa nyuwane wa go pasopa diphoolwane. Ka taba la gore ne re fela re tshela molawo mo re kene re maka mmereko wa rune, tsotsone ne di re lwisa le ba molawo. Ke yisiwwe jele fote ka yisiwa khota ga tlele.

Go tokegela ga taba ya diphoolwane, ne ke hlupa ke mathatha ya mangwana ya ma makegang lefaseng ka mokana ga lona. Ke mokane ka thomisa go bereka le mekgahlo ya go tlalanyana, ya go tshwana le Amnesty International le Greenpeace. Ke berekisiye nako yaka ya go tlala ke thega mmereko wa bona. Ne ke yemelela ba go tihlupegela, ba gore ba gayela tsa go ja le ba bangwana ba gore a go na ye a ka ba lwelang.

Mo nako yi kene yi ya, ke yye ka di bona gore nka sa di kgone go tšhentšha lefase. Le mo yi le gore mekgahlo yone yi di kgonne go lukisa mathatha ya mangwana, mara dilo ke mo di fo ya mahlong di befa. Lefase ke mo le yemme ka dikwayikwayi fote batho ne ba se na taba. Ne go se na so nka se makang.

Mo nkene ke kgongwetsa ke taba ya gore a go na so nka se makang, ke yye ka thomisa go nagana ka Modimo le Bhayibele. Sa le ka tšhuta Bhayibele le Dihlatse tsa Jehova. Le mo yi le gore Dihlatse tsa Jehova ne di ntshwara gabutši fote di tihlupa ka nna, mara ne ke so tikemisele go tšhentšha maphelelo. Mara gana byalo go tšhentšhiye se sengwana.

Ke yye ka thomisa go bala Bhayibele. Yi yye ya bhandiša dithogo tsaka. Ke bonne ditemanyana tsa go tlala tsa go bolabola ka go tshwara diphoolwane gabutši. Mo re beyisa, Diyema 12:10 yi re “batho ba gore ba lukiye ba pasopa diphoolwane tsa bona.” (Good News Translation) Fote ke tšhutiye gore Modimo a yi yene ye a leyang mathatha ho lefaseng. Mara mathatha ya rune ma yye mahlong ma yeketsega ka taba la gore batho ba go tlala a ba mo theetsele mo a re yetetsa. Di ntikisiye ka matla go tšhuta gore Jehova o re nyaka ka matla fote o re lefisela pelo.—Pisalema 103:8-14.

Ka nako yonone, ke yye ka romela lekhate la puku ya gore Anthe Mara Bhayibele yi re Tšhutisa Ying? Ka nthagonyana ka vakašela ke Dihlatse ka dipedi tsa gore di šadhiye ke mokane dya kgopela go tšhuta le nna Bhayibele, ke yye ka dumela. Ke yye ka thomisa go ya megahlanong ya Sekreste Holong ya Mmušo. Ke mokane tsotsone dya maka gore tso ke di tšhutang ka ho Bhayibeleng ke di nyake ka matla.

Ke gelepiye ke Bhayibele gore ke thogo tšhentšha tsa go tlala. Ke lesetsiye go kgokga le go tlayila. Ke tšhentšhiye ka mokgo ke lebelelegang le ka mokgo ke bolabolang. Fote ke tšhentšhiye ka mokgo ke tseyang bo ba gore baa lawola. (Maroma 13:1) Fote ke tšhentšhiye maphelelo yaka ya gore a ma hlamatsega, go leng so ne ke topele ga sona.

Ne ke thathafalela ke go tšhentšha ka mokgo ke tseyang mekgahlo ya go lwela batho le diphoolwane. A dya fo makega ka letšatši ka lloši. Mathomisong ne ke kwa nkare ke jikela mekgahlo yowa mo ke lesetsa go bereka nayo. Mara ne ke tshepa gore Mmušo wa Modimo ke wona wo le ntoši wo wo ka lukisang lefase lowa. Ka napa ke berekisa nako yaka ka mokana ga yona gore ke thege Mmušo wowa ke boya ke tšhutisa ba bangwana ka wona.—Matewu 6:33.

Ka taba la gore ne ke le wa go lwela batho, ne ke hlawola batho ke maka megoba ka mebedi—ba go loka le ba go sa loka—fote bo ba gore a baa loka ne ke lwa nabo stereka. Mara Bhayibele yi n’gelepiye gore ke sa hlawolane. Ke tšhutiye go šupetsa batho ka moka gore ke ba nyaka ka matla. (Matewu 5:44) Go tokegela gana hone, ke šupetsa batho gore ke ba nyaka ka matla ka go ba tšhomayela ditaba tsa go bafala tsa Mmušo wa Modimo. Ke jabodisa ke go bona gore mmereko wo wa go bolabola ditaba tsa go bafala wo hlohletsela gore go bebe, go be le mojabolo le go neya batho tshepo.

Go tšiba gore ke Jehova a le ntoši ye a ka lukisang dilo, go makiye gore ke bebe. A ke kamake gore ye a Makiyeng dilo, a ka sa lesetse diphoolwane le batho ba hlupegisiwe go ya go yye kela a lesetsa lefase le sinyega. Mara o nyoko berekisa Mmušo wage go lukisa dilo ka mokana ga tsona tso di sinyegiyeng. (Jesaya 11:1-9) Ke jabodisa ke go tšiba nnete yowa le go gelepa ba bangwana gore ba yi tshepe. Ke tšwile ga taba ya go nyaka go tšhentšhana le lefase.