BHAYIBELE YI TŠHENTŠHA MAPHELO

Gana byalo ke kwa nkare nka di kgona go gelepa ba bangwana

Go hlayisa Julio Corio

O BELEGIWWE KA: 1981

O TŠWA: GUATEMALA

TSA LEPHELO: TSA GO KWISA GO BABA TSA MO KE SA GOLA

TSA LEPHELO LAKA: Ke belegiwwe ga poleke ya dithabeng ya gore yi thoko, ka bodikela bya Guatemala yo ba reng ke Acul. Ke tšwa ga mohlobo wa batho bo ba reng ke ma-Ixil ba gore ba tšwa ga moloko wa Maya. Ke gudiye ke bolabola Spanish le mmolabolo wa gore wo bolabola ke batho ba gešu. Nakwela ke sa le ye monyana ke mo go na le ntwa ya gana hone polekeng ya Guatemala ya gore yi tsere 36 ya mengwaga. Ntwa yone yi bolayye batho ba gešu ba go tlala ka matla.

Mo ke na le kanne ya mengwaga, bhuti waka wa go na le kašupa ya mengwaga ke mo a kgana ka bhomu ke mokane ya thunya. Bhomu yone yi makiye gore ke popele maahlo fote sa go kwisa go baba ke gore bhuti waka o yye a hlokofala. Sosone se makiye gore ke golele ga poleke ya gore ba pasopa bana ba gore ba popele maahlo toropong ya Guatemala, gana mone ba ntšhutisiye go bala ka dinwana. Mo ke le gana hone, ne go na le taba ye nngwana ya gore ne ke sa yi kwisisi, bo ne ba re tšhutisa ne ba gana ke bolabola le bana ba bangwana, fote le bo ne ke tšhuta nabo ne ba sa nyake go mpolabodisa. Ne ke dula ke na le bodutu, fote ke hlologela dikgwedi ka dipedi tsa mo ke kgonang go bona mmane, ne go le motho wa go tilokela wa gore fote ne a kwelana go baba. Sa go kwisa go baba ke gore o hlokofele ke na le lesome la mengwaga. Taba ya gore mmane ne go le yene a ntoši wa gore o nnyaka ka matla mara o hlokofele, yi yye ya nkwisa go baba.

Mo ke na le 11 ya mengwaga, ke yye ka boyela gaye ka dula le bhuti waka wa go belega ke mmane ye mongwana le ba mutši wage. Ba mpasopiye ka sela le sela mara aa šiyo le ka wweši ye ne a tšiba gore ke tikwa byang gore a thogo n’gelepa. Ka dinako tse dingwana ne ke llela Modimo ke re: “Anthe ke ntaba mmane a hlokofele? Ke ntaba nna ke popele maahlo?” Batho ba yye ba mpotsa gore tsowa ka mokana ga tsona di makiye ke Modimo. Ke fetsiye ka gore Modimo aa kwelane go baba fote o na le lešidi. Ke šitegiye go tipolaya ka gore ke mo ke se na tsa go di berekisa.

Taba yaka ya go popela maahlo yi nšiye ke sa kgone selo. Mo ke sa le mošomanyana ba yye ba nhlorisa ka tsa ka mapaying. A ka tl’laga ka taba yone ka gore ne go se na wa go tihlupa ka nna. Batho ba go tlala ne ba sa mpolabodisi, le nna ne ke sa tihlupi ka go ba bolabodisa. Ke mo ke tidulela ke ntoši, ke dula ke kgongwele fote ne ke sa tshepe motho.

KA MOKGO BHAYIBELE YI TŠHENTŠHIYENG LEPHELO LAKA: Nakwela ke na le 13 ya mengwaga, Dihlatse tsa Jehova ka dipedi (monna le mosadi ba gore ba šadhiye) ba yye ba bolabola le nna ke le sekolong. Thitšere yaka ye nngwana ku sekolong ya gore ke mo yi nkwela go baba ke yona ya gore yi ba kgopele gore ba mvakašele. Ba mputsiye ka tso Bhayibele yi di tshepisang tsa go tshwana le gore bo ba kgwileng ba nyoko tsoga le gore ba go popela maahlo ba nyoko bona. (Jesaya 35:5; Johane 5:​28, 29) Ke jabodisiye ke tso ne ba mpotsa tsona, mara ne ke sa kgone go bolabola nabo ka gore tsa go bolabola ne di nthathafela. Ne ke le motho wa go kgomolela mara ba yye ba nlefisela pelo fote ba fo ya mahlong ba mvakašela gore ba thogo ntšhutisa Bhayibele. Monna yewa le mosadi wage ne ba sepela go teya ka ku ga 10 ya dikhilomitha fote ba rotoga thaba gore ba segele mo ke dulang.

Bhuti waka mo a nhlatollela ka bona o yitseri ke batho ba go yapara gabutši mara a ba šupetse ba ghannye. Ke mo ba šupetsa gore ba na le taba le nna, ba fela ba nleyela dijhumbhana. Ke flo napa ke di bona gore ke Makreste ya mannete ma ntoši ya gore ma ka maka dilo tsa mošaga wonone.

Ke tšhutiye Bhayibele ke berekisa dipuku tsa batho ba go popela maahlo. Ne ke kwisisa tso ke di balang le mo ke sa tšhutega, mara tse dingwana ne ke sa nape ke di dumela. Mo ke beyisa, taba ya gore Modimo wa tihlupa ka nna le gore batho ba bangwana baa tihlupa ka nna, ke mo di se lula go yi tshepa. Ne ke kwisisa gore ke ntaba Modimo a re lisetsa re hlupega mara ne ke sa mmone go le Papa wa gore wa nyakanana. a

Ka gonyana ka gonyana, dilo tso ke di tšhutiyeng di n’gelepiye gore ke tšhentšhe ka mokgo ke lebelelang dilo. Mo ke beyisa, ke tšhutiye gore ba gore ba kgongwele Modimo o ba kwela go baba ka matla. Mo Modimo a bolabola ka batho bage ba gore ne ba tshwariwwe lešidi, o yitseri: “Ke di bonne mo batho baka ba hlupegisiwa . . . Tso di ba kwisang go baba ke di tšiba gabutši.” (Eksoda 3:7) Go tšiba gore Jehova o lukiye go ntšhofiye gore ke tineyele gage. Ka 1998, ke yye ka kolobetsiwa gore ke be Hlatse ya Jehova.

Mo go šele go fediye ngwaga ke kolobetsiwwe, ke yye ka ya ga sekolo sa batho ba go popela maahlo thina le poleke ya Escuintla. Mogolo wa phutego ya gana mone o yye a di kwelela gore mo ke le gaye a ke kgone go ya megahlanong. Taba ke gore phutego yo ne yi le thina, ke mo yi le ka nthago ga thaba yela ya gore Dihlatse tsela ka dipedi ke mo di feta ga yona mo di tl’le tšhuta le nna Bhayibele, byalo ke mo di se lula gore ke ye megahlanong. Mogolo yene o yye a nyakana le mutši wa Dihlatse ku Escuintla wa gore ke mo nka dula nawo gore ke thogo ya megahlanong. Le lekgono lo, ba sa fo ya mahlong ba mpasopa nkare ke nna ngwana bona.

Go na le dilo tsa go tlala tso nka di bolabolang ka magageru ya ka phutegong, tso ba yyeng ba šupetsa ka tsona gore ba nnyaka ka matla. Dilo tsone ka mokana ga tsona di ya nšupetsa gore mo ke le Hlatse ya Jehova, ke gare ga Makreste ya mannete.​—Johane 13:34, 35.

KA MOKGO DI N’GELEPIYENG KA GONA: Gana byalo a ke sa titseyela fase fote ke na le tshepo. Ke ya tšiba gore ke phelela ying. Gana byalo ke nna mošupatsela wa nako ka moka ga mmereko wa go tšhomayela wa Dihlatse Tsa Jehova, ke fetsa nako ya go tlala ke tšhutisa batho ka Bhayibele ke mokane sosone se maka gore ke lebale ka seyemo saka. Ke mogolo ka phutegong fote ke beya dipolabolo diphutegong tsa mo ke dulang gona. Ke beyye dipolabolo ga megahlano ye megolo ya gore batho ke mo ba tlala.

Ka 2010, ke tšwa ga Sekolo sa go Tšhutisa Malata ya Phutego (sa gore gana byalo ba re ke Sekolo sa Batšhomayedi ba Mmušo) sa gore ne se tshwariwwe EL Salvador. Sekolo sowa se n’gelepiye gore mmereko wo ke wo makang ka phutegong ke wo make gabutši. Se makiye gore ke nape ke kwa gore Jehova o nnyaka ka matla fote o ntseyela gedimo, yene wa gore o re tšhutisa go maka mmereko wage.

Jeso o yitseri: “Mo le neya batho ba bangwana dilo di jabodisa ka matla go phala mo ba neya lune.” (Mebereko 20:35) Lekgono, ke jabodiye ka matla, ku botala ne ke tseya gore nka sa kgone go gelepa motho ye mongwana mara gana byalo ke kwa nkare nka di kgona go gelepa ba bangwana.

[Tsa ku tlase]